ಸುದರ್ಶನ ಸಹಸ್ರ ನಾಮ ಸ್ತೋತ್ರಂ

ಶ್ರೀ ಗಣೇಶಾಯ ನಮಃ ॥

ಶ್ರೀಸುದರ್ಶನ ಪರಬ್ರಹ್ಮಣೇ ನಮಃ ॥

ಅಥ ಶ್ರೀಸುದರ್ಶನ ಸಹಸ್ರನಾಮ ಸ್ತೋತ್ರಮ್ ॥

ಕೈಲಾಸಶಿಖರೇ ರಮ್ಯೇ ಮುಕ್ತಾಮಾಣಿಕ್ಯ ಮಂಡಪೇ ।
ರಕ್ತಸಿಂಹಾಸನಾಸೀನಂ ಪ್ರಮಥೈಃ ಪರಿವಾರಿತಮ್ ॥ 1॥

ಬದ್ಧಾಂಜಲಿಪುಟಾ ಭೂತ್ವಾ ಪಪ್ರಚ್ಛ ವಿನಯಾನ್ವಿತಾ ।
ಭರ್ತಾರಂ ಸರ್ವಧರ್ಮಜ್ಞಂ ಪಾರ್ವತೀ ಪರಮೇಶ್ವರಮ್ ॥ 2॥

ಪಾರ್ವತೀ —
ಯತ್ ತ್ವಯೋಕ್ತಂ ಜಗನ್ನಾಥ ಸುಭ್ರುಶಂ ಕ್ಷೇಮಮಿಚ್ಛತಾಮ್ ।
ಸೌದರ್ಶನಂ ರುತೇ ಶಾಸ್ತ್ರಂ ನಾಸ್ತಿಚಾನ್ಯದಿತಿ ಪ್ರಭೋ ॥ 3॥

ತತ್ರ ಕಾಚಿತ್ ವಿವಕ್ಷಾಸ್ಥಿ ತಮರ್ಥಂ ಪ್ರತಿ ಮೇ ಪ್ರಭೋ ।
ಏವಮುಕ್ತಸ್ತ್ವಹಿರ್ಬುದ್ಧ್ನ್ಯಃ ಪಾರ್ವತೀಂ ಪ್ರತ್ಯುವಾಚ ತಾಮ್ ॥ 4॥

ಅಹಿರ್ಬುದ್ಧ್ನ್ಯ —
ಸಂಶಯೋ ಯದಿ ತೇ ತತ್ರ ತಂ ಬ್ರೂಹಿ ತ್ವಂ ವರಾನನೇ ।
ಇತ್ಯೇವಮುಕ್ತಾ ಗಿರಿಜಾ ಗಿರಿಶೇನ ಮಹಾತ್ಮನಾ ॥ 5॥

ಪುನಃ ಪ್ರೋವಾಚ ಸರ್ವಜ್ಞಂ ಜ್ಞಾನಮುದ್ರಾಧರಂ ಪತಿಮ್ ॥

ಪಾರ್ವತ್ಯುವಾಚ —
ಲೋಕೇ ಸೌದರ್ಶನಂ ಮಂತ್ರಂ ಯಂತ್ರಂತತ್ತತ್ ಪ್ರಯೋಗವತ್ ॥ 6॥

ಸರ್ವಂ ವಿಜ್ಞಾತುಮಭ್ಯತ್ರ ಯಥಾವತ್ ಸಮನುಷ್ಠಿತುಮ್ ।
ಅತಿವೇಲಮಶಕ್ತಾನಾಂ ತಂ ಮಾರ್ಗಂ ಭೃಶಮೀಛ್ತಾಮ್ ॥ 7॥

ಕೋ ಮಾರ್ಗಃ ಕಾ ಕಥಿಸ್ತೇಷಾಂ ಕಾರ್ಯಸಿದ್ಧಿಃ ಕಥಂ ಭವೇತ್ ।
ಏತನ್ಮೇ ಬ್ರೂಹಿ ಲೋಕೇಶ ತ್ವದನ್ಯಃ ಕೋ ವದೇತಮುಮ್ ॥ 8॥

ಈಶ್ವರ ಉವಾಚ —
ಅಹಂ ತೇ ಕಥಯಿಶ್ಯಾಮಿ ಸರ್ವ ಸಿದ್ಧಿಕರಂ ಶುಭಮ್ ।
ಅನಾಯಾಸೇನ ಯಜ್ಜಪ್ತ್ವಾ ನರಸ್ಸಿದ್ಧಿಮವಾಪ್ನುಯಾತ್ ॥ 9॥

ತಶ್ಚ ಸೌದರ್ಶನಂ ದಿವ್ಯಂ ಗುಹ್ಯಂ ನಾಮಸಹಸ್ರಕಮ್ ।
ನಿಯಮಾತ್ ಪಠತಾಂ ನೄಣಾಂ ಚಿಂತಿತಾರ್ಥ ಪ್ರದಾಯಕಮ್ ॥ 10॥

ತಸ್ಯ ನಾಮಸಹಸ್ರಸ್ಯ ಸೋಽಹಮೇವ ಋಷಿಃ ಸ್ಮೃತಃ ।
ಛಂದೋನುಷ್ಟುಪ್ ದೇವತಾ ತು ಪರಮಾತ್ಮಾ ಸುದರ್ಶನಃ ॥ 11॥

ಶ್ರೀಂ ಬೀಜಂ ಹ್ರೀಂ ತು ಶಕ್ತಿಸ್ಸಾ ಕ್ಲೀಂ ಕೀಲಕಮುದಾಹೃತಮ್ ।
ಸಮಸ್ತಾಭೀಷ್ಟ ಸಿಧ್ಯರ್ಥೇ ವಿನಿಯೋಗ ಉದಾಹೃತಃ ॥ 12॥

ಶಂಖಂ ಚಕ್ರಂ ಚ ಚಾಪಾದಿ ಧ್ಯಾನಮಸ್ಯ ಸಮೀರಿತಮ್ ॥

ಧ್ಯಾನಂ —
ಶಂಖಂ ಚಕ್ರಂ ಚ ಚಾಪಂ ಪರಶುಮಸಿಮಿಶುಂ ಶೂಲ ಪಾಶಾಂಕುಶಾಬ್ಜಂ
ಬಿಭ್ರಾಣಂ ವಜ್ರಖೇಟೌ ಹಲ ಮುಸಲ ಗದಾ ಕುಂದಮತ್ಯುಗ್ರ ದಂಷ್ಟ್ರಮ್ ।
ಜ್ವಾಲಾ ಕೇಶಂ ತ್ರಿನೇತ್ರಂ ಜ್ವಲ ದಲನನಿಭಂ ಹಾರ ಕೇಯೂರ ಭೂಷಂ
ಧ್ಯಾಯೇತ್ ಷಟ್ಕೋಣ ಸಂಸ್ಥಂ ಸಕಲ ರಿಪುಜನ ಪ್ರಾಣ ಸಂಹಾರಿ ಚಕ್ರಮ್ ॥

॥ ಹರಿಃ ಓಮ್ ॥

ಶ್ರೀಚಕ್ರಃ ಶ್ರೀಕರಃ ಶ್ರೀಶಃ ಶ್ರೀವಿಷ್ಣುಃ ಶ್ರೀವಿಭಾವನಃ ।
ಶ್ರೀಮದಾಂತ್ಯ ಹರಃ ಶ್ರೀಮಾನ್ ಶ್ರೀವತ್ಸಕೃತ ಲಕ್ಷಣಃ ॥ 1॥

ಶ್ರೀನಿಧಿಃ ಶ್ರೀವರಃ ಸ್ರಗ್ವೀ ಶ್ರೀಲಕ್ಷ್ಮೀ ಕರಪೂಜಿತಃ ।
ಶ್ರೀರತಃ ಶ್ರೀವಿಭುಃ ಸಿಂಧುಕನ್ಯಾಪತಿಃ ಅಧೋಕ್ಷಜಃ ॥ 2॥

ಅಚ್ಯುತಶ್ಚಾಂಬುಜಗ್ರೀವಃ ಸಹಸ್ರಾರಃ ಸನಾತನಃ ।
ಸಮರ್ಚಿತೋ ವೇದಮೂರ್ತಿಃ ಸಮತೀತ ಸುರಾಗ್ರಜಃ ॥ 3॥

ಷಟ್ಕೋಣ ಮಧ್ಯಗೋ ವೀರಃ ಸರ್ವಗೋಽಷ್ಟಭುಜಃ ಪ್ರಭುಃ ।
ಚಂಡವೇಗೋ ಭೀಮರವಃ ಶಿಪಿವಿಷ್ಟಾರ್ಚಿತೋ ಹರಿಃ ॥ 4॥

ಶಾಶ್ವತಃ ಸಕಲಃ ಶ್ಯಾಮಃ ಶ್ಯಾಮಲಃ ಶಕಟಾರ್ಥನಃ ।
ದೈತ್ಯಾರಿಃ ಶಾರದಸ್ಕಂಧಃ ಸಕಟಾಕ್ಷಃ ಶಿರೀಷಗಃ ॥ 5॥

ಶರಪಾರಿರ್ಭಕ್ತವಶ್ಯಃ ಶಶಾಂಕೋ ವಾಮನೋವ್ಯಯಃ ।
ವರೂಥೀವಾರಿಜಃ ಕಂಜಲೋಚನೋ ವಸುಧಾದಿಪಃ ॥ 6॥

ವರೇಣ್ಯೋ ವಾಹನೋಽನಂತಃ ಚಕ್ರಪಾಣಿರ್ಗದಾಗ್ರಜಃ ।
ಗಭೀರೋ ಗೋಲಕಾಧೀಶೋ ಗದಾಪಣಿಸ್ಸುಲೋಚನಃ ॥ 7॥

ಸಹಸ್ರಾಕ್ಷಃ ಚತುರ್ಬಾಹುಃ ಶಂಖಚಕ್ರ ಗದಾಧರಃ ।
ಭೀಷಣೋ ಭೀತಿದೋ ಭದ್ರೋ ಭೀಮಾಭೀಷ್ಟ ಫಲಪ್ರದಃ ॥ 8॥

ಭೀಮಾರ್ಚಿತೋ ಭೀಮಸೇನೋ ಭಾನುವಂಶ ಪ್ರಕಾಶಕಃ ।
ಪ್ರಹ್ಲಾದವರದಃ ಬಾಲಲೋಚನೋ ಲೋಕಪೂಜಿತಃ ॥ 9॥

ಉತ್ತರಾಮಾನದೋ ಮಾನೀ ಮಾನವಾಭೀಷ್ಟ ಸಿದ್ಧಿದಃ ।
ಭಕ್ತಪಾಲಃ ಪಾಪಹಾರೀ ಬಲದೋ ದಹನಧ್ವಜಃ ॥ 10॥

ಕರೀಶಃ ಕನಕೋ ದಾತಾ ಕಾಮಪಾಲ ಪುರಾತನಃ ।
ಅಕ್ರೂರಃ ಕ್ರೂರಜನಕಃ ಕ್ರೂರದಂಷ್ಟ್ರಃ ಕುಲಾದಿಪಃ ॥ 11॥

ಕ್ರೂರಕರ್ಮಾ ಕ್ರೂರರೂಪಿ ಕ್ರೂರಹಾರೀ ಕುಶೇಶಯಃ ।
ಮಂದರೋ ಮಾನಿನೀಕಾಂತೋ ಮಧುಹಾ ಮಾಧವಪ್ರಿಯಃ ॥ 12॥

ಸುಪ್ರತಪ್ತ ಸ್ವರ್ಣರೂಪೀ ಬಾಣಾಸುರ ಭುಜಾಂತಕೃತ್ ।
ಧರಾಧರೋ ದಾನವಾರಿರ್ದನುಜೇಂದ್ರಾರಿ ಪೂಜಿತಃ ॥ 13॥

ಭಾಗ್ಯಪ್ರದೋ ಮಹಾಸತ್ತ್ವೋ ವಿಶ್ವಾತ್ಮಾ ವಿಗತಜ್ವರಃ ।
ಸುರಾಚಾರ್ಯಾರ್ಚಿತೋ ವಶ್ಯೋ ವಾಸುದೇವೋ ವಸುಪ್ರದಃ ॥ 14॥

ಪ್ರಣತಾರ್ತಿಹರಃ ಶ್ರೇಷ್ಟಃ ಶರಣ್ಯಃ ಪಾಪನಾಶನಃ ।
ಪಾವಕೋ ವಾರಣಾದ್ರೀಶೋ ವೈಕುಂಠೋ ವಿಗತಕಲ್ಮಷಃ ॥ 15॥

ವಜ್ರದಂಷ್ಟ್ರೋ ವಜ್ರನಖೋ ವಾಯುರೂಪೀ ನಿರಾಶ್ರಯಃ ।
ನಿರೀಹೋ ನಿಸ್ಪೃಹೋ ನಿತ್ಯೋ ನೀತಿಜ್ಞೋ ನೀತಿಪಾವನಃ ॥ 16॥

ನೀರೂಪೋ ನಾರದನುತೋ ನಕುಲಾಚಲ ವಾಸಕೃತ್ ।
ನಿತ್ಯಾನಂದೋ ಬೃಹದ್ಭಾನುಃ ಬೃಹದೀಶಃ ಪುರಾತನಃ ॥ 17॥

ನಿಧಿನಾಮಧಿಪೋಽನಂದೋ ನರಕಾರ್ಣವ ತಾರಕಃ ।
ಅಗಾಧೋಽವಿರಲೋ ಮರ್ತ್ಯೋ ಜ್ವಾಲಾಕೇಶಃ ಕಕಾರ್ಚ್ಚಿತಃ ॥ 18॥

ತರುಣಸ್ತನುಕೃತ್ ಭಕ್ತಃ ಪರಮಃ ಚಿತ್ತಸಂಭವಃ ।
ಚಿಂತ್ಯಸ್ಸತ್ವನಿಧಿಃ ಸಾಗ್ರಸ್ಚಿದಾನಂದಃ ಶಿವಪ್ರಿಯಃ ॥ 19॥

ಶಿನ್ಶುಮಾರಶ್ಶತಮಖಃ ಶಾತಕುಂಭ ನಿಭಪ್ರಭಃ ।
ಭೋಕ್ತಾರುಣೇಶೋ ಬಲವಾನ್ ಬಾಲಗ್ರಹ ನಿವಾರಕಃ ॥ 20॥

ಸರ್ವಾರಿಷ್ಟ ಪ್ರಶಮನೋ ಮಹಾಭಯ ನಿವಾರಕಃ ।
ಬಂಧುಃ ಸುಬಂಧುಃ ಸುಪ್ರೀತಸ್ಸಂತುಷ್ಟಸ್ಸುರಸನ್ನುತಃ ॥ 21॥

ಬೀಜಕೇಶ್ಯೋ ಬಕೋ ಭಾನುಃ ಅಮಿತಾರ್ಚಿರ್ಪಾಂಪತಿಃ ।
ಸುಯಜ್ಞೋ ಜ್ಯೋತಿಷಶ್ಶಾಂತೋ ವಿರೂಪಾಕ್ಷಃ ಸುರೇಶ್ವರಃ ॥ 22॥

ವಹ್ನಿಪ್ರಾಕಾರ ಸಂವೀತೋ ರಕ್ತಗರ್ಭಃ ಪ್ರಭಾಕರಃ ।
ಸುಶೀಲಃ ಸುಭಗಃ ಸ್ವಕ್ಷಃ ಸುಮುಖಃ ಸುಖದಃ ಸುಖೀ ॥ 23॥

ಮಹಾಸುರಃ ಶಿರಚ್ಛೇತಾ ಪಾಕಶಾಸನ ವಂದಿತಃ ।
ಶತಮೂರ್ತಿ ಸಹಸ್ರಾರೋ ಹಿರಣ್ಯ ಜ್ಯೋತಿರವ್ಯಯಃ ॥ 24॥

ಮಂಡಲೀ ಮಂಡಲಾಕಾರಃ ಚಂದ್ರಸೂರ್ಯಾಗ್ನಿ ಲೋಚನಃ ।
ಪ್ರಭಂಜನಃ ತೀಕ್ಷ್ಣಧಾರಃ ಪ್ರಶಾಂತಃ ಶಾರದಪ್ರಿಯಃ ॥ 25॥

ಭಕ್ತಪ್ರಿಯೋ ಬಲಿಹರೋ ಲಾವಣ್ಯೋಲಕ್ಷಣಪ್ರಿಯಃ ।
ವಿಮಲೋ ದುರ್ಲಭಸ್ಸೋಮ್ಯಸ್ಸುಲಭೋ ಭೀಮವಿಕ್ರಮಃ ॥ 26॥

ಜಿತಮನ್ಯುಃ ಜಿತಾರಾತಿಃ ಮಹಾಕ್ಷೋ ಭೃಗುಪೂಜಿತಃ ।
ತತ್ತ್ವರೂಪಃ ತತ್ತ್ವವೇದಿಃ ಸರ್ವತತ್ವ ಪ್ರತಿಷ್ಠಿತಃ ॥27॥

ಭಾವಜ್ಞೋ ಬಂಧುಜನಕೋ ದೀನಬಂಧುಃ ಪುರಾಣವಿತ್ ।
ಶಸ್ತ್ರೇಶೋ ನಿರ್ಮತೋ ನೇತಾ ನರೋ ನಾನಾಸುರಪ್ರಿಯಃ ॥ 28॥

ನಾಭಿಚಕ್ರೋ ನತಾಮಿತ್ರೋ ನಧೀಶ ಕರಪೂಜಿತಃ ।
ದಮನಃ ಕಾಲಿಕಃ ಕರ್ಮೀ ಕಾಂತಃ ಕಾಲಾರ್ಥನಃ ಕವಿಃ ॥ 29॥

ವಸುಂಧರೋ ವಾಯುವೇಗೋ ವರಾಹೋ ವರುಣಾಲಯಃ ।
ಕಮನೀಯಕೃತಿಃ ಕಾಲಃ ಕಮಲಾಸನ ಸೇವಿತಃ ।
ಕೃಪಾಲುಃ ಕಪಿಲಃ ಕಾಮೀ ಕಾಮಿತಾರ್ಥ ಪ್ರದಾಯಕಃ ॥ 30॥

ಧರ್ಮಸೇತುರ್ಧರ್ಮಪಾಲೋ ಧರ್ಮೀ ಧರ್ಮಮಯಃ ಪರಃ ।
ಜ್ವಾಲಾಜಿಮ್ಹಃ ಶಿಖಾಮೌಳೀಃ ಸುರಕಾರ್ಯ ಪ್ರವರ್ತಕಃ ॥ 31॥

ಕಲಾಧರಃ ಸುರಾರಿಘ್ನಃ ಕೋಪಹಾ ಕಾಲರೂಪದೃಕ್ ।
ದಾತಾಽಽನಂದಮಯೋ ದಿವ್ಯೋ ಬ್ರಹ್ಮರೂಪೀ ಪ್ರಕಾಶಕೃತ್ ॥ 32 ।
ಸರ್ವಯಜ್ಞಮಯೋ ಯಜ್ಞೋ ಯಜ್ಞಭುಕ್ ಯಜ್ಞಭಾವನಃ ।
ವಹ್ನಿಧ್ವಜೋ ವಹ್ನಿಸಖೋ ವಂಜುಳದ್ರುಮ ಮೂಲಕಃ ॥ 33॥

ದಕ್ಷಹಾ ದಾನಕಾರೀ ಚ ನರೋ ನಾರಾಯಣಪ್ರಿಯಃ ।
ದೈತ್ಯದಂಡಧರೋ ದಾಂತಃ ಶುಭ್ರಾಂಗಃ ಶುಭದಾಯಕಃ ॥ 34॥

ಲೋಹಿತಾಕ್ಷೋ ಮಹಾರೌದ್ರೌ ಮಾಯಾರೂಪಧರಃ ಖಗಃ ।
ಉನ್ನತೋ ಭಾನುಜಃ ಸಾಂಗೋ ಮಹಾಚಕ್ರಃ ಪರಾಕ್ರಮೀ ॥ 35॥

ಅಗ್ನೀಶೋಽಗ್ನಿಮಯಃ ದ್ವಗ್ನಿಲೋಚನೋಗ್ನಿ ಸಮಪ್ರಭಃ ।
ಅಗ್ನಿಮಾನಗ್ನಿರಸನೋ ಯುದ್ಧಸೇವೀ ರವಿಪ್ರಿಯಃ ॥ 36॥

ಆಶ್ರಿತ ಘೌಘ ವಿಧ್ವಂಸೀ ನಿತ್ಯಾನಂದ ಪ್ರದಾಯಕಃ ।
ಅಸುರಘ್ನೋ ಮಹಾಬಾಹೂರ್ಭೀಮಕರ್ಮಾ ಶುಭಪ್ರದಃ ॥ 37॥

ಶಶಾಂಕ ಪ್ರಣವಾಧಾರಃ ಸಮಸ್ಥಾಶೀ ವಿಷಾಪಹಃ ।
ತರ್ಕೋ ವಿತರ್ಕೋ ವಿಮಲೋ ಬಿಲಕೋ ಬಾದರಾಯಣಃ ॥ 38॥

ಬದಿರಗ್ನಸ್ಚಕ್ರವಾಳಃ ಷಟ್ಕೋಣಾಂತರ್ಗತಸ್ಶಿಖೀಃ ।
ದೃತಧನ್ವಾ ಶೋಡಷಾಕ್ಷೋ ದೀರ್ಘಬಾಹೂರ್ದರೀಮುಖಃ ॥ 39॥

ಪ್ರಸನ್ನೋ ವಾಮಜನಕೋ ನಿಮ್ನೋ ನೀತಿಕರಃ ಶುಚಿಃ ।
ನರಭೇದಿ ಸಿಂಹರೂಪೀ ಪುರಾಧೀಶಃ ಪುರಂದರಃ ॥ 40॥

ರವಿಸ್ತುತೋ ಯೂತಪಾಲೋ ಯುತಪಾರಿಸ್ಸತಾಂಗತಿಃ ।
ಹೃಷಿಕೇಶೋ ದ್ವಿತ್ರಮೂರ್ತಿಃ ದ್ವಿರಷ್ಟಾಯುದಭೃತ್ ವರಃ ॥ 41॥

ದಿವಾಕರೋ ನಿಶಾನಾಥೋ ದಿಲೀಪಾರ್ಚಿತ ವಿಗ್ರಹಃ ।
ಧನ್ವಂತರಿಸ್ಶ್ಯಾಮಳಾರಿರ್ಭಕ್ತಶೋಕ ವಿನಾಶಕಃ ॥ 42॥

ರಿಪುಪ್ರಾಣ ಹರೋ ಜೇತಾ ಶೂರಸ್ಚಾತುರ್ಯ ವಿಗ್ರಹಃ ।
ವಿಧಾತಾ ಸಚ್ಚಿದಾನಂದಸ್ಸರ್ವದುಷ್ಟ ನಿವಾರಕಃ ॥ 43॥

ಉಲ್ಕೋ ಮಹೋಲ್ಕೋ ರಕ್ತೋಲ್ಕಸ್ಸಹಸ್ರೋಲ್ಕಸ್ಶತಾರ್ಚಿಷಃ ।
ಬುದ್ಧೋ ಬೌದ್ಧಹರೋ ಬೌದ್ಧ ಜನಮೋಹೋ ಬುಧಾಶ್ರಯಃ ॥ 44 ॥

ಪೂರ್ಣಬೋಧಃ ಪೂರ್ಣರೂಪಃ ಪೂರ್ಣಕಾಮೋ ಮಹಾದ್ಯುತಿಃ ।
ಪೂರ್ಣಮಂತ್ರಃ ಪೂರ್ಣಗಾತ್ರಃ ಪೂರ್ಣಷಾಡ್ಗುಣ್ಯ ವಿಗ್ರಹಃ ॥ 45॥

ಪೂರ್ಣನೇಮಿಃ ಪೂರ್ನನಾಭಿಃ ಪೂರ್ಣಾಶೀ ಪೂರ್ಣಮಾನಸಃ ।
ಪೂರ್ಣಸಾರಃ ಪೂರ್ಣಶಕ್ತಿಃ ರಂಗಸೇವಿ ರಣಪ್ರಿಯಃ ॥ 46॥

ಪೂರಿತಾಶೋಽರಿಷ್ಟದಾತಿ ಪೂರ್ಣಾರ್ಥಃ ಪೂರ್ಣಭೂಷಣಃ ।
ಪದ್ಮಗರ್ಭಃ ಪಾರಿಜಾತಃ ಪರಮಿತ್ರಸ್ಶರಾಕೃತಿಃ ॥ 47॥

ಭೂಬೃತ್ವಪುಃ ಪುಣ್ಯಮೂರ್ತಿ ಭೂಭೃತಾಂ ಪತಿರಾಶುಕಃ ।
ಭಾಗ್ಯೋದಯೋ ಭಕ್ತವಶ್ಯೋ ಗಿರಿಜಾವಲ್ಲಭಪ್ರಿಯಃ ॥ 48॥

ಗವಿಷ್ಟೋ ಗಜಮಾನೀಶೋ ಗಮನಾಗಮನ ಪ್ರಿಯಃ ।
ಬ್ರಹ್ಮಚಾರಿ ಬಂಧುಮಾನೀ ಸುಪ್ರತೀಕಸ್ಸುವಿಕ್ರಮಃ ॥ 49॥

ಶಂಕರಾಭೀಷ್ಟದೋ ಭವ್ಯಃ ಸಾಚಿವ್ಯಸ್ಸವ್ಯಲಕ್ಷಣಃ ।
ಮಹಾಹಂಸಸ್ಸುಖಕರೋ ನಾಭಾಗ ತನಯಾರ್ಚಿತಃ ॥ 50॥

ಕೋಟಿಸೂರ್ಯಪ್ರಭೋ ದೀಪ್ತೋ ವಿದ್ಯುತ್ಕೋಟಿ ಸಮಪ್ರಭಃ ।
ವಜ್ರಕಲ್ಪೋ ವಜ್ರಸಖೋ ವಜ್ರನಿರ್ಘಾತ ನಿಸ್ವನಃ ॥ 51॥

ಗಿರೀಶೋ ಮಾನದೋ ಮಾನ್ಯೋ ನಾರಾಯಣ ಕರಾಲಯಃ ।
ಅನಿರುದ್ಧಃ ಪರಾಮರ್ಷೀ ಉಪೇಂದ್ರಃ ಪೂರ್ಣವಿಗ್ರಹಃ ॥ 52॥

ಆಯುಧೇಶಸ್ಶತಾರಿಘ್ನಃ ಶಮನಃ ಶತಸೈನಿಕಃ ।
ಸರ್ವಾಸುರ ವಧೋದ್ಯುಕ್ತಃ ಸೂರ್ಯ ದುರ್ಮಾನ ಭೇದಕಃ ॥ 53॥

ರಾಹುವಿಪ್ಲೋಷಕಾರೀ ಚ ಕಾಶೀನಗರ ದಾಹಕಃ ।
ಪೀಯುಷಾಂಶು ಪರಂಜ್ಯೋತಿಃ ಸಂಪೂರ್ಣ ಕ್ರತುಭುಕ್ ಪ್ರಭುಃ ॥ 54॥

ಮಾಂಧಾತೃ ವರದಸ್ಶುದ್ಧೋ ಹರಸೇವ್ಯಸ್ಶಚೀಷ್ಟದಃ ।
ಸಹಿಷ್ಣುರ್ಬಲಭುಕ್ ವೀರೋ ಲೋಕಭೃಲ್ಲೋಕನಾಯಕಃ ॥55॥

ದುರ್ವಾಸೋಮುನಿ ದರ್ಪಘ್ನೋ ಜಯತೋ ವಿಜಯಪ್ರಿಯಃ ।
ಪುರಾಧೀಶೋಽಸುರಾರಾತಿಃ ಗೋವಿಂದ ಕರಭೂಷಣಃ ॥ 56॥

ರಥರೂಪೀ ರಥಾಧೀಶಃ ಕಾಲಚಕ್ರ ಕೃಪಾನಿಧಿಃ ।
ಚಕ್ರರೂಪಧರೋ ವಿಷ್ಣುಃ ಸ್ಥೂಲಸೂಕ್ಷ್ಮಶ್ಶಿಖಿಪ್ರಭಃ ॥ 57॥

ಶರಣಾಗತ ಸಂತ್ರಾತಾ ವೇತಾಳಾರಿರ್ಮಹಾಬಲಃ ।
ಜ್ಞಾನದೋ ವಾಕ್ಪತಿರ್ಮಾನೀ ಮಹಾವೇಗೋ ಮಹಾಮಣಿಃ ॥ 58॥

ವಿದ್ಯುತ್ ಕೇಶೋ ವಿಹಾರೇಶಃ ಪದ್ಮಯೋನಿಃ ಚತುರ್ಭುಜಃ ।
ಕಾಮಾತ್ಮಾ ಕಾಮದಃ ಕಾಮೀ ಕಾಲನೇಮಿ ಶಿರೋಹರಃ ॥ 59॥

ಶುಭ್ರಸ್ಶುಚೀಸ್ಶುನಾಸೀರಃ ಶುಕ್ರಮಿತ್ರಃ ಶುಭಾನನಃ ।
ವೃಷಕಾಯೋ ವೃಷಾರಾತಿಃ ವೃಷಭೇಂದ್ರ ಸುಪೂಜಿತಃ ॥ 60॥

ವಿಶ್ವಂಭರೋ ವೀತಿಹೋತ್ರೋ ವೀರ್ಯೋ ವಿಶ್ವಜನಪ್ರಿಯಃ ।
ವಿಶ್ವಕೃತ್ ವಿಶ್ವಭೋ ವಿಶ್ವಹರ್ತಾ ಸಾಹಸಕರ್ಮಕೃತ್ ॥ 61॥

ಬಾಣಬಾಹೂಹರೋ ಜ್ಯೋತಿಃ ಪರಾತ್ಮಾ ಶೋಕನಾಶನಃ ।
ವಿಮಲಾದಿಪತಿಃ ಪುಣ್ಯೋ ಜ್ಞಾತಾ ಜ್ಞೇಯಃ ಪ್ರಕಾಶಕಃ ॥ 62॥

ಮ್ಲೇಚ್ಛ ಪ್ರಹಾರೀ ದುಷ್ಟಘ್ನಃ ಸೂರ್ಯಮಂಡಲಮಧ್ಯಗಃ ।
ದಿಗಂಬರೋ ವೃಶಾದ್ರೀಶೋ ವಿವಿಧಾಯುಧ ರೂಪಕಃ ॥ 63॥

ಸತ್ವವಾನ್ ಸತ್ಯವಾಗೀಶಃ ಸತ್ಯಧರ್ಮ ಪರಾಯಣಃ ।
ರುದ್ರಪ್ರೀತಿಕರೋ ರುದ್ರ ವರದೋ ರುಗ್ವಿಭೇದಕಃ ॥ 64॥

ನಾರಾಯಣೋ ನಕ್ರಭೇದೀ ಗಜೇಂದ್ರ ಪರಿಮೋಕ್ಷಕಃ ।
ಧರ್ಮಪ್ರಿಯಃ ಷಡಾಧಾರೋ ವೇದಾತ್ಮಾ ಗುಣಸಾಗರಃ ॥ 65॥

ಗದಾಮಿತ್ರಃ ಪೃಥುಭುಜೋ ರಸಾತಲ ವಿಭೇದಕಃ ।
ತಮೋವೈರೀ ಮಹಾತೇಜಾಃ ಮಹಾರಾಜೋ ಮಹಾತಪಾಃ ॥ 66॥

ಸಮಸ್ತಾರಿಹರಃ ಶಾಂತ ಕ್ರೂರೋ ಯೋಗೇಶ್ವರೇಶ್ವರಃ ।
ಸ್ಥವಿರಸ್ಸ್ವರ್ಣ ವರ್ಣಾಂಗಃ ಶತ್ರುಸೈನ್ಯ ವಿನಾಶಕೃತ್ ॥ 67॥

ಪ್ರಾಜ್ಞೋ ವಿಶ್ವತನುತ್ರಾತಾ ಶ‍ಋತಿಸ್ಮೃತಿಮಯಃ ಕೃತಿ ।
ವ್ಯಕ್ತಾವ್ಯಕ್ತ ಸ್ವರೂಪಾಂಸಃ ಕಾಲಚಕ್ರಃ ಕಲಾನಿಧಿಃ ॥ 68॥

ಮಹಾಧ್ಯುತಿರಮೇಯಾತ್ಮಾ ವಜ್ರನೇಮಿಃ ಪ್ರಭಾನಿಧಿಃ ।
ಮಹಾಸ್ಫುಲಿಂಗ ಧಾರಾರ್ಚಿಃ ಮಹಾಯುದ್ಧ ಕೃತಚ್ಯುತಃ ॥ 69॥

ಕೃತಜ್ಞಸ್ಸಹನೋ ವಾಗ್ಮೀ ಜ್ವಾಲಾಮಾಲಾ ವಿಭೂಷಣಃ ।
ಚತುರ್ಮುಖನುತಃ ಶ್ರೀಮಾನ್ ಭ್ರಾಜಿಷ್ಣುರ್ಭಕ್ತವತ್ಸಲಃ ॥ 70॥

ಚಾತುರ್ಯಗಮನಶ್ಚಕ್ರೀ ಚಾತುರ್ವರ್ಗ ಪ್ರದಾಯಕಃ ।
ವಿಚಿತ್ರಮಾಲ್ಯಾಭರಣಃ ತೀಕ್ಷ್ಣಧಾರಃ ಸುರಾರ್ಚಿತಃ ॥ 71॥

ಯುಗಕೃತ್ ಯುಗಪಾಲಶ್ಚ ಯುಗಸಂಧಿರ್ಯುಗಾಂತಕೃತ್ ।
ಸುತೀಕ್ಷ್ಣಾರಗಣೋ ಗಮ್ಯೋ ಬಲಿಧ್ವಂಸೀ ತ್ರಿಲೋಕಪಃ ॥ 72॥

ತ್ರಿನೇತ್ರಸ್ತ್ರಿಜಗದ್ವಂಧ್ಯಃ ತೃಣೀಕೃತ ಮಹಾಸುರಃ ।
ತ್ರಿಕಾಲಜ್ಞಸ್ತ್ರಿಲೋಕಜ್ಞಃ ತ್ರಿನಾಭಿಃ ತ್ರಿಜಗತ್ಪ್ರಿಯಃ ॥ 73॥

ಸರ್ವಯಂತ್ರಮಯೋ ಮಂತ್ರಸ್ಸರ್ವಶತ್ರು ನಿಬರ್ಹಣಃ ।
ಸರ್ವಗಸ್ಸರ್ವವಿತ್ ಸೌಮ್ಯಸ್ಸರ್ವಲೋಕಹಿತಂಕರಃ ॥74॥

ಆದಿಮೂಲಃ ಸದ್ಗುಣಾಢ್ಯೋ ವರೇಣ್ಯಸ್ತ್ರಿಗುಣಾತ್ಮಕಃ ।
ಧ್ಯಾನಗಮ್ಯಃ ಕಲ್ಮಷಘ್ನಃ ಕಲಿಗರ್ವ ಪ್ರಭೇದಕಃ ॥ 75॥

ಕಮನೀಯ ತನುತ್ರಾಣಃ ಕುಂಡಲೀ ಮಂಡಿತಾನನಃ ।
ಸುಕುಂಠೀಕೃತ ಚಂಡೇಶಃ ಸುಸಂತ್ರಸ್ಥ ಷಡಾನನಃ ॥ 76॥

ವಿಷಾಧೀಕೃತ ವಿಘ್ನೇಶೋ ವಿಗತಾನಂದ ನಂದಿಕಃ ।
ಮಥಿತ ಪ್ರಮಥವ್ಯೂಹಃ ಪ್ರಣತ ಪ್ರಮದಾಧಿಪಃ ॥ 77॥

ಪ್ರಾಣಭಿಕ್ಷಾ ಪ್ರದೋಽನಂತೋ ಲೋಕಸಾಕ್ಷೀ ಮಹಾಸ್ವನಃ ।
ಮೇಧಾವೀ ಶಾಶ್ವಥೋಽಕ್ರೂರಃ ಕ್ರೂರಕರ್ಮಾಽಪರಾಜಿತಃ ॥ 78॥

ಅರೀ ದೃಷ್ಟೋಽಪ್ರಮೇಯಾತ್ಮಾ ಸುಂದರಶ್ಶತ್ರುತಾಪನಃ ।
ಯೋಗ ಯೋಗೀಶ್ವರಾಧೀಶೋ ಭಕ್ತಾಭೀಷ್ಟ ಪ್ರಪೂರಕಃ ॥ 79॥

ಸರ್ವಕಾಮಪ್ರದೋಽಚಿಂತ್ಯಃ ಶುಭಾಂಗಃ ಕುಲವರ್ಧನಃ ।
ನಿರ್ವಿಕಾರೋಽಂತರೂಪೋ ನರನಾರಾಯಣಪ್ರಿಯಃ ॥ 80॥

ಮಂತ್ರ ಯಂತ್ರ ಸ್ವರೂಪಾತ್ಮಾ ಪರಮಂತ್ರ ಪ್ರಭೇದಕಃ ।
ಭೂತವೇತಾಳ ವಿಧ್ವಂಸೀ ಚಂಡ ಕೂಷ್ಮಾಂಡ ಖಂಡನಃ ॥ 81॥

ಯಕ್ಷ ರಕ್ಷೋಗಣ ಧ್ವಂಸೀ ಮಹಾಕೃತ್ಯಾ ಪ್ರದಾಹಕಃ ।
ಸಕಲೀಕೃತ ಮಾರೀಚಃ ಭೈರವ ಗ್ರಹ ಭೇದಕಃ ॥ 82॥

ಚೂರ್ಣಿಕೃತ ಮಹಾಭೂತಃ ಕಬಲೀಕೃತ ದುರ್ಗ್ರಹಃ ।
ಸುದುರ್ಗ್ರಹೋ ಜಂಭಭೇದೀ ಸೂಚೀಮುಖ ನಿಷೂದನಃ ॥ 83॥

ವೃಕೋದರಬಲೋದ್ಧರ್ತ್ತಾ ಪುರಂದರ ಬಲಾನುಗಃ ।
ಅಪ್ರಮೇಯ ಬಲಃ ಸ್ವಾಮೀ ಭಕ್ತಪ್ರೀತಿ ವಿವರ್ಧನಃ ॥ 84॥

ಮಹಾಭೂತೇಶ್ವರಶ್ಶೂರೋ ನಿತ್ಯಸ್ಶಾರದವಿಗ್ರಹಃ ।
ಧರ್ಮಾಧ್ಯಕ್ಷೋ ವಿಧರ್ಮಘ್ನಃ ಸುಧರ್ಮಸ್ಥಾಪಕಶ್ಶಿವಃ ॥ 85॥

ವಿಧೂಮಜ್ವಲನೋ ಭಾನುರ್ಭಾನುಮಾನ್ ಭಾಸ್ವತಾಂ ಪತಿಃ ।
ಜಗನ್ಮೋಹನ ಪಾಟೀರಸ್ಸರ್ವೋಪದ್ರವ ಶೋಧಕಃ ॥ 86॥

ಕುಲಿಶಾಭರಣೋ ಜ್ವಾಲಾವೃತಸ್ಸೌಭಾಗ್ಯ ವರ್ಧನಃ ।
ಗ್ರಹಪ್ರಧ್ವಂಸಕಃ ಸ್ವಾತ್ಮರಕ್ಷಕೋ ಧಾರಣಾತ್ಮಕಃ ॥ 87॥

ಸಂತಾಪನೋ ವಜ್ರಸಾರಸ್ಸುಮೇಧಾಽಮೃತ ಸಾಗರಃ ।
ಸಂತಾನ ಪಂಜರೋ ಬಾಣತಾಟಂಕೋ ವಜ್ರಮಾಲಿಕಃ ॥ 88॥

ಮೇಖಾಲಗ್ನಿಶಿಖೋ ವಜ್ರ ಪಂಜರಸ್ಸಸುರಾಂಕುಶಃ ।
ಸರ್ವರೋಗ ಪ್ರಶಮನೋ ಗಾಂಧರ್ವ ವಿಶಿಖಾಕೃತಿಃ ॥ 89॥

ಪ್ರಮೋಹ ಮಂಡಲೋ ಭೂತ ಗ್ರಹ ಶ‍ಋಂಖಲ ಕರ್ಮಕೃತ್ ।
ಕಲಾವೃತೋ ಮಹಾಶಂಖು ಧಾರಣಸ್ಶಲ್ಯ ಚಂದ್ರಿಕಃ ॥ 90॥

ಛೇದನೋ ಧಾರಕಸ್ಶಲ್ಯ ಕ್ಷೂತ್ರೋನ್ಮೂಲನ ತತ್ಪರಃ ।
ಬಂಧನಾವರಣಸ್ಶಲ್ಯ ಕೃಂತನೋ ವಜ್ರಕೀಲಕಃ ॥ 91॥

ಪ್ರತೀಕಬಂಧನೋ ಜ್ವಾಲಾ ಮಂಡಲಸ್ಶಸ್ತ್ರಧಾರಣಃ ।
ಇಂದ್ರಾಕ್ಷೀಮಾಲಿಕಃ ಕೃತ್ಯಾ ದಂಡಸ್ಚಿತ್ತಪ್ರಭೇದಕಃ ॥ 92॥

ಗ್ರಹ ವಾಗುರಿಕಸ್ಸರ್ವ ಬಂಧನೋ ವಜ್ರಭೇದಕಃ ।
ಲಘುಸಂತಾನ ಸಂಕಲ್ಪೋ ಬದ್ಧಗ್ರಹ ವಿಮೋಚನಃ ॥ 93॥

ಮೌಲಿಕಾಂಚನ ಸಂಧಾತಾ ವಿಪಕ್ಷ ಮತಭೇದಕಃ ।
ದಿಗ್ಬಂಧನ ಕರಸ್ಸೂಚೀ ಮುಖಾಗ್ನಿಸ್ಚಿತ್ತಪಾತಕಃ ॥ 94॥

ಚೋರಾಗ್ನಿ ಮಂಡಲಾಕಾರಃ ಪರಕಂಕಾಳ ಮರ್ದನಃ ।
ತಾಂತ್ರೀಕಸ್ಶತ್ರುವಂಶಘ್ನೋ ನಾನಾನಿಗಳ ಮೋಚನಃ ॥ 95॥

ಸಮಸ್ಥಲೋಕ ಸಾರಂಗಃ ಸುಮಹಾ ವಿಷದೂಷಣಃ ।
ಸುಮಹಾ ಮೇರುಕೋದಂಡಃ ಸರ್ವ ವಶ್ಯಕರೇಶ್ವರಃ ॥ 96॥

ನಿಖಿಲಾಕರ್ಷಣಪಟುಃ ಸರ್ವ ಸಮ್ಮೋಹ ಕರ್ಮಕೃತ್ ।
ಸಂಸ್ಥಂಬನ ಕರಃ ಸರ್ವ ಭೂತೋಚ್ಚಾಟನ ತತ್ಪರಃ ॥ 97॥

ಅಹಿತಾಮಯ ಕಾರೀ ಚ ದ್ವಿಷನ್ಮಾರಣ ಕಾರಕಃ ।
ಏಕಾಯನ ಗದಾಮಿತ್ರ ವಿದ್ವೇಷಣ ಪರಾಯಣಃ ॥ 98॥

ಸರ್ವಾರ್ಥ ಸಿದ್ಧಿದೋ ದಾತಾ ವಿಧಾತಾ ವಿಶ್ವಪಾಲಕಃ ।
ವಿರೂಪಾಕ್ಷೋ ಮಹಾವಕ್ಷಾಃ ವರಿಷ್ಟೋ ಮಾಧವಪ್ರಿಯಃ ॥ 99॥

ಅಮಿತ್ರಕರ್ಶನ ಶಾಂತಃ ಪ್ರಶಾಂತಃ ಪ್ರಣತಾರ್ತಿಹಾ ।
ರಮಣೀಯೋ ರಣೋತ್ಸಾಹೋ ರಕ್ತಾಕ್ಷೋ ರಣಪಂಡಿತಃ ॥ 100॥

ರಣಾಂತಕೃತ್ ರತಾಕಾರಃ ರತಾಂಗೋ ರವಿಪೂಜಿತಃ ।
ವೀರಹಾ ವಿವಿಧಾಕಾರಃ ವರುಣಾರಾಧಿತೋ ವಶೀಃ ।
ಸರ್ವ ಶತ್ರು ವಧಾಕಾಂಕ್ಷೀ ಶಕ್ತಿಮಾನ್ ಭಕ್ತಮಾನದಃ ॥ 101॥

ಸರ್ವಲೋಕಧರಃ ಪುಣ್ಯಃ ಪುರುಷಃ ಪುರುಷೋತ್ತಮಃ ।
ಪುರಾಣಃ ಪುಂಡರೀಕಾಕ್ಷಃ ಪರಮರ್ಮ ಪ್ರಭೇದಕಃ ॥ 102॥

ವೀರಾಸನಗತೋ ವರ್ಮೀ ಸರ್ವಾಧಾರೋ ನಿರಂಕುಶಃ ।
ಜಗತ್ರಕ್ಷೋ ಜಗನ್ಮೂರ್ತಿಃ ಜಗದಾನಂದ ವರ್ಧನಃ ॥ 103॥

ಶಾರದಃ ಶಕಟಾರಾತಿಃ ಶಂಕರಸ್ಶಕಟಾಕೃತಿಃ ।
ವಿರಕ್ತೋ ರಕ್ತವರ್ಣಾಢ್ಯೋ ರಾಮಸಾಯಕ ರೂಪದೃತ್ ॥ 104॥

ಮಹಾವರಾಹ್ ದಂಷ್ಟ್ರಾತ್ಮಾ ನೃಸಿಂಹ ನಗರಾತ್ಮಕಃ ।
ಸಮದೃಙ್ಮೋಕ್ಷದೋ ವಂಧ್ಯೋ ವಿಹಾರೀ ವೀತಕಲ್ಮಷಃ ॥ 105॥

ಗಂಭೀರೋ ಗರ್ಭಗೋ ಗೋಪ್ತಾ ಗಭಸ್ತಿರ್ಗುಹ್ಯಗೋಗುರುಃ ।
ಶ್ರೀಧರಃ ಶ್ರೀರತಸ್ಶ್ರಾಂತಃ ಶತ್ರುಘ್ನಸ್ಶ‍ಋತಿಗೋಚರಃ ॥ 106॥

ಪುರಾಣೋ ವಿತತೋ ವೀರಃ ಪವಿತ್ರಸ್ಚರಣಾಹ್ವಯಃ ।
ಮಹಾಧೀರೋ ಮಹಾವೀರ್ಯೋ ಮಹಾಬಲ ಪರಾಕ್ರಮಃ ॥ 107॥

ಸುವಿಗ್ರಹೋ ವಿಗ್ರಹಘ್ನಃ ಸುಮಾನೀ ಮಾನದಾಯಕಃ ।
ಮಾಯೀ ಮಾಯಾಪಹೋ ಮಂತ್ರೀ ಮಾನ್ಯೋ ಮಾನವಿವರ್ಧನಃ ॥ 108॥

ಶತ್ರುಸಂಹಾರಕಸ್ಶೂರಃ ಶುಕ್ರಾರಿಶ್ಶಂಕರಾರ್ಚಿತಃ ।
ಸರ್ವಾಧಾರಃ ಪರಂಜ್ಯೋತಿಃ ಪ್ರಾಣಃ ಪ್ರಾಣಭೃತಚ್ಯುತಃ ॥ 109॥

ಚಂದ್ರಧಾಮಾಽಪ್ರತಿದ್ವಂದಃ ಪರಮಾತ್ಮಾ ಸುದುರ್ಗಮಃ ।
ವಿಶುದ್ಧಾತ್ಮಾ ಮಹಾತೇಜಾಃ ಪುಣ್ಯಶ್ಲೋಕಃ ಪುರಾಣವಿತ್ ॥ 110॥

ಸಮಸ್ಥ ಜಗದಾಧಾರೋ ವಿಜೇತಾ ವಿಕ್ರಮಃ ಕ್ರಮಃ ।
ಆದಿದೇವೋ ಧ್ರುವೋ ದೃಶ್ಯಃ ಸಾತ್ತ್ವಿಕಃ ಪ್ರೀತಿವರ್ಧನಃ ॥ 111॥

ಸರ್ವಲೋಕಾಶ್ರಯಸ್ಸೇವ್ಯಃ ಸರ್ವಾತ್ಮಾ ವಂಶವರ್ಧನಃ ।
ದುರಾಧರ್ಷಃ ಪ್ರಕಾಶಾತ್ಮಾ ಸರ್ವದೃಕ್ ಸರ್ವವಿತ್ಸಮಃ ॥ 112॥

ಸದ್ಗತಿಸ್ಸತ್ವಸಂಪನ್ನಃ ನಿತ್ಯಸಂಕಲ್ಪ ಕಲ್ಪಕಃ ।
ವರ್ಣೀ ವಾಚಸ್ಪತಿರ್ವಾಗ್ಮೀ ಮಹಾಶಕ್ತಿಃ ಕಲಾನಿಧಿಃ ॥ 113॥

ಅಂತರಿಕ್ಷಗತಿಃ ಕಲ್ಯಃ ಕಲಿಕಾಲುಷ್ಯ ಮೋಚನಃ ।
ಸತ್ಯಧರ್ಮಃ ಪ್ರಸನ್ನಾತ್ಮಾ ಪ್ರಕೃಷ್ಟೋ ವ್ಯೋಮವಾಹನಃ ॥ 114॥

ಶಿತಧಾರಸ್ಶಿಖಿ ರೌದ್ರೋ ಭದ್ರೋ ರುದ್ರಸುಪೂಜಿತಃ ।
ದರಿಮುಖಾಗ್ನಿಜಂಭಘ್ನೋ ವೀರಹಾ ವಾಸವಪ್ರಿಯಃ ॥ 115॥

ದುಸ್ತರಸ್ಸುದುರಾರೋಹೋ ದುರ್ಜ್ಞೇಯೋ ದುಷ್ಟನಿಗ್ರಹಃ ।
ಭೂತಾವಾಸೋ ಭೂತಹಂತಾ ಭೂತೇಶೋ ಭೂತಭಾವನಃ ॥ 116॥

ಭಾವಜ್ಞೋ ಭವರೋಗಘ್ನೋ ಮನೋವೇಗೀ ಮಹಾಭುಜಃ ।
ಸರ್ವದೇವಮಯಃ ಕಾಂತಃ ಸ್ಮೃತಿಮಾನ್ ಸರ್ವಪಾವನಃ ॥ 117॥

ನೀತಿಮನ್ ಸರ್ವಜಿತ್ ಸೌಮ್ಯೋ ಮಹರ್ಷೀರಪರಾಜಿತಃ ।
ರುದ್ರಾಂಬರೀಷ ವರದೋ ಜಿತಮಾಯಃ ಪುರಾತನಃ ॥ 118॥

ಅಧ್ಯಾತ್ಮ ನಿಲಯೋ ಭೋಕ್ತಾ ಸಂಪೂರ್ಣಸ್ಸರ್ವಕಾಮದಃ ।
ಸತ್ಯೋಽಕ್ಷರೋ ಗಭೀರಾತ್ಮಾ ವಿಶ್ವಭರ್ತಾ ಮರೀಚಿಮಾನ್ ॥ 119॥

ನಿರಂಜನೋ ಜಿತಭ್ರಾಂಶುಃ ಅಗ್ನಿಗರ್ಭೋಽಗ್ನಿ ಗೋಚರಃ ।
ಸರ್ವಜಿತ್ ಸಂಭವೋ ವಿಷ್ಣುಃ ಪೂಜ್ಯೋ ಮಂತ್ರವಿತಕ್ರಿಯಃ ॥ 120॥

ಶತಾವರ್ತ್ತಃ ಕಲಾನಾಥಃ ಕಾಲಃ ಕಾಲಮಯೋ ಹರಿಃ ।
ಅರೂಪೋ ರೂಪಸಂಪನ್ನೋ ವಿಶ್ವರೂಪೋ ವಿರೂಪಕೃತ್ ॥ 121॥

ಸ್ವಾಮ್ಯಾತ್ಮಾ ಸಮರಶ್ಲಾಘೀ ಸುವ್ರತೋ ವಿಜಯಾಂವಿತಃ ।
ಚಂಡ್ಘ್ನಸ್ಚಂಡಕಿರಣಃ ಚತುರಸ್ಚಾರಣಪ್ರಿಯಃ ॥ 122॥

ಪುಣ್ಯಕೀರ್ತಿಃ ಪರಾಮರ್ಷೀ ನೃಸಿಂಹೋ ನಾಭಿಮಧ್ಯಗಃ ।
ಯಜ್ಞಾತ್ಮ ಯಜ್ಞಸಂಕಲ್ಪೋ ಯಜ್ಞಕೇತುರ್ಮಹೇಶ್ವರಃ ॥ 123॥

ಜಿತಾರಿರ್ಯಜ್ಞನಿಲಯಶ್ಶರಣ್ಯಶ್ಶಕಟಾಕೃತಿಃ ।
ಉತ್ತ್ಮೋಽನುತ್ತ್ಮೋನಂಗಸ್ಸಾಂಗಸ್ಸರ್ವಾಂಗ ಶೋಭನಃ ॥ 124॥

ಕಾಲಾಗ್ನಿಃ ಕಾಲನೇಮಿಘ್ನಃ ಕಾಮಿ ಕಾರುಣ್ಯಸಾಗರಃ ।
ರಮಾನಂದಕರೋ ರಾಮೋ ರಜನೀಶಾಂತರಸ್ಥಿತಃ ॥ 125॥

ಸಂವರ್ಧನ ಸಮರಾಂವೇಷೀ ದ್ವಿಷತ್ಪ್ರಾಣ ಪರಿಗ್ರಹಃ ।
ಮಹಾಭಿಮಾನೀ ಸಂಧಾತಾ ಸರ್ವಾಧೀಶೋ ಮಹಾಗುರುಃ ॥ 126
ಸಿದ್ಧಃ ಸರ್ವಜಗದ್ಯೋನಿಃ ಸಿದ್ಧಾರ್ಥಸ್ಸರ್ವಸಿದ್ಧಿದಃ ।
ಚತುರ್ವೇದಮಯಶ್ಶಾಸ್ಥಾ ಸರ್ವಶಾಸ್ತ್ರ ವಿಶಾರದಃ ॥ 127 ॥

ತಿರಸ್ಕೃತಾರ್ಕ ತೇಜಸ್ಕೋ ಭಾಸ್ಕರಾರಾಧಿತಶ್ಶುಭಃ ।
ವ್ಯಾಪೀ ವಿಶ್ವಂಭರೋ ವ್ಯಗ್ರಃ ಸ್ವಯಂಜ್ಯೋತಿರನಂತಕೃತ್ ॥ 128॥

ಜಯಶೀಲೋ ಜಯಾಕಾಂಕ್ಷೀ ಜಾತವೇದೋ ಜಯಪ್ರದಃ ।
ಕವಿಃ ಕಲ್ಯಾಣದಃ ಕಾಮ್ಯೋ ಮೋಕ್ಷದೋ ಮೋಹನಾಕೃತಿಃ ॥ 129॥

ಕುಂಕುಮಾರುಣ ಸರ್ವಾಂಗ ಕಮಲಾಕ್ಷಃ ಕವೀಶ್ವರಃ ।
ಸುವಿಕ್ರಮೋ ನಿಷ್ಕಳಂಕೋ ವಿಶ್ವಕ್ಸೇನೋ ವಿಹಾರಕೃತ್ ॥ 130॥

ಕದಂಬಾಸುರ ವಿಧ್ವಂಸೀ ಕೇತನಗ್ರಹ ದಾಹಕಃ ।
ಜುಗುಪ್ಸಾಗ್ನಸ್ತೀಕ್ಷ್ಣಧಾರೋ ವೈಕುಂಠ ಭುಜವಾಸಕೃತ್ ॥ 131॥

ಸಾರಜ್ಞಃ ಕರುಣಾಮೂರ್ತಿಃ ವೈಷ್ಣವೋ ವಿಷ್ಣುಭಕ್ತಿದಃ ।
ಸುಕ್ರುತಜ್ಞೋ ಮಹೋದಾರೋ ದುಷ್ಕೃತಘ್ನಸ್ಸುವಿಗ್ರಹಃ ॥ 132॥

ಸರ್ವಾಭೀಷ್ಟ ಪ್ರದೋಽಂತೋ ನಿತ್ಯಾನಂದೋ ಗುಣಾಕರಃ ।
ಚಕ್ರೀ ಕುಂದಧರಃ ಖಡ್ಗೀ ಪರಶ್ವತ ಧರೋಽಗ್ನಿಭೃತ್ ॥ 133॥

ದೃತಾಂಕುಶೋ ದಂಡಧರಃ ಶಕ್ತಿಹಸ್ಥಸ್ಸುಶಂಖಭ್ರುತ್ ।
ಧನ್ವೀ ದೃತಮಹಾಪಾಶೋ ಹಲಿ ಮುಸಲಭೂಷಣಃ ॥ 134॥

ಗದಾಯುಧಧರೋ ವಜ್ರೀ ಮಹಾಶೂಲ ಲಸತ್ಭುಜಃ ।
ಸಮಸ್ತಾಯುಧ ಸಂಪೂರ್ಣಸ್ಸುದರ್ಶನ ಮಹಾಪ್ರಭುಃ ॥ 135॥

॥ ಫಲಶ‍ಋತಿಃ ॥

ಇತಿ ಸೌದರ್ಶನಂ ದಿವ್ಯಂ ಗುಹ್ಯಂ ನಾಮಸಹಸ್ರಕಮ್ ।
ಸರ್ವಸಿದ್ಧಿಕರಂ ಸರ್ವ ಯಂತ್ರ ಮಂತ್ರಾತ್ಮಕಂ ಪರಮ್ ॥ 136॥

ಏತನ್ನಾಮ ಸಹಸ್ರಂ ತು ನಿತ್ಯಂ ಯಃ ಪಠೇತ್ ಸುಧೀಃ ।
ಶ‍ಋಣೋತಿ ವಾ ಶ್ರಾವಯತಿ ತಸ್ಯ ಸಿದ್ಧಿಃ ಕರಸ್ತಿತಾ ॥ 137॥

ದೈತ್ಯಾನಾಂ ದೇವಶತ್ರೂಣಾಂ ದುರ್ಜಯಾನಾಂ ಮಹೌಜಸಾಮ್ ।
ವಿನಾಶಾರ್ಥಮಿದಂ ದೇವಿ ಹರೋ ರಾಸಾಧಿತಂ ಮಯಾ ॥ 138॥

ಶತ್ರುಸಂಹಾರಕಮಿದಂ ಸರ್ವದಾ ಜಯವರ್ಧನಮ್ ।
ಜಲ ಶೈಲ ಮಹಾರಣ್ಯ ದುರ್ಗಮೇಷು ಮಹಾಪತಿ ॥ 139॥

ಭಯಂಕರೇಷು ಶಾಪತ್ಸು ಸಂಪ್ರಾಪ್ತೇಷು ಮಹತ್ಸುಚ ।
ಯಸ್ಸಕೃತ್ ಪಠನಂ ಕುರ್ಯಾತ್ ತಸ್ಯ ನೈವ ಭವೇತ್ ಭಯಮ್ ॥ 140॥

ಬ್ರಹ್ಮಘ್ನಶ್ಚ ಪಶುಘ್ನಶ್ಚ ಮಾತಾಪಿತೄ ವಿನಿಂದಕಃ ।
ದೇವಾನಾಂ ದೂಷಕಶ್ಚಾಪಿ ಗುರುತಲ್ಪಗತೋಽಪಿ ವಾ ॥ 141॥

ಜಪ್ತ್ವಾ ಸಕೃತಿದಂ ಸ್ತೋತ್ರಂ ಮುಚ್ಯತೇ ಸರ್ವಕಿಲ್ಬಿಷೈಃ ।
ತಿಷ್ಠನ್ ಗಚ್ಛನ್ ಸ್ವಪನ್ ಭುಂಜನ್ ಜಾಗ್ರನ್ನಪಿ ಹಸನ್ನಪಿ ॥ 142॥

ಸುದರ್ಶನ ನೃಸಿಂಹೇತಿ ಯೋ ವದೇತ್ತು ಸಕೃನ್ನರಃ ।
ಸ ವೈ ನ ಲಿಪ್ಯತೇ ಪಾಪೈಃ ಭುಕ್ತಿಂ ಮುಕ್ತಿಂ ಚ ವಿಂದತಿ ॥ 143॥

ಆದಯೋ ವ್ಯಾದಯಸ್ಸರ್ವೇ ರೋಗಾ ರೋಗಾದಿದೇವತಾಃ ।
ಶೀಘ್ರಂ ನಶ್ಯಂತಿ ತೇ ಸರ್ವೇ ಪಠನಾತ್ತಸ್ಯ ವೈ ನೃಣಾಮ್ ॥ 144॥

ಬಹೂನಾತ್ರ ಕಿಮುಕ್ತೇನ ಜಪ್ತ್ವೇದಂ ಮಂತ್ರ ಪುಷ್ಕಲಮ್ ।
ಯತ್ರ ಮರ್ತ್ಯಶ್ಚರೇತ್ ತತ್ರ ರಕ್ಷತಿ ಶ್ರೀಸುದರ್ಶನಃ ॥ 145॥

ಇತಿ ಶ್ರೀ ವಿಹಗೇಶ್ವರ ಉತ್ತರಖಂಡೇ ಉಮಾಮಹೇಶ್ವರಸಂವಾದೇ
ಮಂತ್ರವಿಧಾನೇ ಶ್ರೀ ಸುದರ್ಶನ ಸಹಸ್ರನಾಮ ಸ್ತೋತ್ರಂ ನಾಮ
ಷೋಡಶ ಪ್ರಕಾಶಃ ॥