ನಾರಾಯಣೀಯಂ ದಶಕ 96 – ಭಗವದ್ವಿಭೂತಯಃ ತಥಾ ಜ್ಞಾನಕರ್ಮಭಕ್ತಿಯೋಗಾಃ
ತ್ವಂ ಹಿ ಬ್ರಹ್ಮೈವ ಸಾಕ್ಷಾತ್ ಪರಮುರುಮಹಿಮನ್ನಕ್ಷರಾಣಾಮಕಾರ-
ಸ್ತಾರೋ ಮಂತ್ರೇಷು ರಾಜ್ಞಾಂ ಮನುರಸಿ ಮುನಿಷು ತ್ವಂ ಭೃಗುರ್ನಾರದೋಽಪಿ ।
ಪ್ರಹ್ಲಾದೋ ದಾನವಾನಾಂ ಪಶುಷು ಚ ಸುರಭಿಃ ಪಕ್ಷಿಣಾಂ ವೈನತೇಯೋ
ನಾಗಾನಾಮಸ್ಯನಂತಸ್ಸುರಸರಿದಪಿ ಚ ಸ್ರೋತಸಾಂ ವಿಶ್ವಮೂರ್ತೇ ॥1॥
ಬ್ರಹ್ಮಣ್ಯಾನಾಂ ಬಲಿಸ್ತ್ವಂ ಕ್ರತುಷು ಚ ಜಪಯಜ್ಞೋಽಸಿ ವೀರೇಷು ಪಾರ್ಥೋ
ಭಕ್ತಾನಾಮುದ್ಧವಸ್ತ್ವಂ ಬಲಮಸಿ ಬಲಿನಾಂ ಧಾಮ ತೇಜಸ್ವಿನಾಂ ತ್ವಮ್ ।
ನಾಸ್ತ್ಯಂತಸ್ತ್ವದ್ವಿಭೂತೇರ್ವಿಕಸದತಿಶಯಂ ವಸ್ತು ಸರ್ವಂ ತ್ವಮೇವ
ತ್ವಂ ಜೀವಸ್ತ್ವಂ ಪ್ರಧಾನಂ ಯದಿಹ ಭವದೃತೇ ತನ್ನ ಕಿಂಚಿತ್ ಪ್ರಪಂಚೇ ॥2॥
ಧರ್ಮಂ ವರ್ಣಾಶ್ರಮಾಣಾಂ ಶ್ರುತಿಪಥವಿಹಿತಂ ತ್ವತ್ಪರತ್ವೇನ ಭಕ್ತ್ಯಾ
ಕುರ್ವಂತೋಽಂತರ್ವಿರಾಗೇ ವಿಕಸತಿ ಶನಕೈಃ ಸಂತ್ಯಜಂತೋ ಲಭಂತೇ ।
ಸತ್ತಾಸ್ಫೂರ್ತಿಪ್ರಿಯತ್ವಾತ್ಮಕಮಖಿಲಪದಾರ್ಥೇಷು ಭಿನ್ನೇಷ್ವಭಿನ್ನಂ
ನಿರ್ಮೂಲಂ ವಿಶ್ವಮೂಲಂ ಪರಮಮಹಮಿತಿ ತ್ವದ್ವಿಬೋಧಂ ವಿಶುದ್ಧಮ್ ॥3॥
ಜ್ಞಾನಂ ಕರ್ಮಾಪಿ ಭಕ್ತಿಸ್ತ್ರಿತಯಮಿಹ ಭವತ್ಪ್ರಾಪಕಂ ತತ್ರ ತಾವ-
ನ್ನಿರ್ವಿಣ್ಣಾನಾಮಶೇಷೇ ವಿಷಯ ಇಹ ಭವೇತ್ ಜ್ಞಾನಯೋಗೇಽಧಿಕಾರಃ ।
ಸಕ್ತಾನಾಂ ಕರ್ಮಯೋಗಸ್ತ್ವಯಿ ಹಿ ವಿನಿಹಿತೋ ಯೇ ತು ನಾತ್ಯಂತಸಕ್ತಾಃ
ನಾಪ್ಯತ್ಯಂತಂ ವಿರಕ್ತಾಸ್ತ್ವಯಿ ಚ ಧೃತರಸಾ ಭಕ್ತಿಯೋಗೋ ಹ್ಯಮೀಷಾಮ್ ॥4॥
ಜ್ಞಾನಂ ತ್ವದ್ಭಕ್ತತಾಂ ವಾ ಲಘು ಸುಕೃತವಶಾನ್ಮರ್ತ್ಯಲೋಕೇ ಲಭಂತೇ
ತಸ್ಮಾತ್ತತ್ರೈವ ಜನ್ಮ ಸ್ಪೃಹಯತಿ ಭಗವನ್ ನಾಕಗೋ ನಾರಕೋ ವಾ ।
ಆವಿಷ್ಟಂ ಮಾಂ ತು ದೈವಾದ್ಭವಜಲನಿಧಿಪೋತಾಯಿತೇ ಮರ್ತ್ಯದೇಹೇ
ತ್ವಂ ಕೃತ್ವಾ ಕರ್ಣಧಾರಂ ಗುರುಮನುಗುಣವಾತಾಯಿತಸ್ತಾರಯೇಥಾಃ ॥5॥
ಅವ್ಯಕ್ತಂ ಮಾರ್ಗಯಂತಃ ಶ್ರುತಿಭಿರಪಿ ನಯೈಃ ಕೇವಲಜ್ಞಾನಲುಬ್ಧಾಃ
ಕ್ಲಿಶ್ಯಂತೇಽತೀವ ಸಿದ್ಧಿಂ ಬಹುತರಜನುಷಾಮಂತ ಏವಾಪ್ನುವಂತಿ ।
ದೂರಸ್ಥಃ ಕರ್ಮಯೋಗೋಽಪಿ ಚ ಪರಮಫಲೇ ನನ್ವಯಂ ಭಕ್ತಿಯೋಗ-
ಸ್ತ್ವಾಮೂಲಾದೇವ ಹೃದ್ಯಸ್ತ್ವರಿತಮಯಿ ಭವತ್ಪ್ರಾಪಕೋ ವರ್ಧತಾಂ ಮೇ ॥6॥
ಜ್ಞಾನಾಯೈವಾತಿಯತ್ನಂ ಮುನಿರಪವದತೇ ಬ್ರಹ್ಮತತ್ತ್ವಂ ತು ಶೃಣ್ವನ್
ಗಾಢಂ ತ್ವತ್ಪಾದಭಕ್ತಿಂ ಶರಣಮಯತಿ ಯಸ್ತಸ್ಯ ಮುಕ್ತಿಃ ಕರಾಗ್ರೇ ।
ತ್ವದ್ಧ್ಯಾನೇಽಪೀಹ ತುಲ್ಯಾ ಪುನರಸುಕರತಾ ಚಿತ್ತಚಾಂಚಲ್ಯಹೇತೋ-
ರಭ್ಯಾಸಾದಾಶು ಶಕ್ಯಂ ತದಪಿ ವಶಯಿತುಂ ತ್ವತ್ಕೃಪಾಚಾರುತಾಭ್ಯಾಮ್ ॥7॥
ನಿರ್ವಿಣ್ಣಃ ಕರ್ಮಮಾರ್ಗೇ ಖಲು ವಿಷಮತಮೇ ತ್ವತ್ಕಥಾದೌ ಚ ಗಾಢಂ
ಜಾತಶ್ರದ್ಧೋಽಪಿ ಕಾಮಾನಯಿ ಭುವನಪತೇ ನೈವ ಶಕ್ನೋಮಿ ಹಾತುಮ್ ।
ತದ್ಭೂಯೋ ನಿಶ್ಚಯೇನ ತ್ವಯಿ ನಿಹಿತಮನಾ ದೋಷಬುದ್ಧ್ಯಾ ಭಜಂಸ್ತಾನ್
ಪುಷ್ಣೀಯಾಂ ಭಕ್ತಿಮೇವ ತ್ವಯಿ ಹೃದಯಗತೇ ಮಂಕ್ಷು ನಂಕ್ಷ್ಯಂತಿ ಸಂಗಾಃ ॥8॥
ಕಶ್ಚಿತ್ ಕ್ಲೇಶಾರ್ಜಿತಾರ್ಥಕ್ಷಯವಿಮಲಮತಿರ್ನುದ್ಯಮಾನೋ ಜನೌಘೈಃ
ಪ್ರಾಗೇವಂ ಪ್ರಾಹ ವಿಪ್ರೋ ನ ಖಲು ಮಮ ಜನಃ ಕಾಲಕರ್ಮಗ್ರಹಾ ವಾ।
ಚೇತೋ ಮೇ ದುಃಖಹೇತುಸ್ತದಿಹ ಗುಣಗಣಂ ಭಾವಯತ್ಸರ್ವಕಾರೀ-
ತ್ಯುಕ್ತ್ವಾ ಶಾಂತೋ ಗತಸ್ತ್ವಾಂ ಮಮ ಚ ಕುರು ವಿಭೋ ತಾದೃಶೀ ಚಿತ್ತಶಾಂತಿಮ್ ॥9॥
ಐಲಃ ಪ್ರಾಗುರ್ವಶೀಂ ಪ್ರತ್ಯತಿವಿವಶಮನಾಃ ಸೇವಮಾನಶ್ಚಿರಂ ತಾಂ
ಗಾಢಂ ನಿರ್ವಿದ್ಯ ಭೂಯೋ ಯುವತಿಸುಖಮಿದಂ ಕ್ಷುದ್ರಮೇವೇತಿ ಗಾಯನ್ ।
ತ್ವದ್ಭಕ್ತಿಂ ಪ್ರಾಪ್ಯ ಪೂರ್ಣಃ ಸುಖತರಮಚರತ್ತದ್ವದುದ್ಧೂತಸಂಗಂ
ಭಕ್ತೋತ್ತಂಸಂ ಕ್ರಿಯಾ ಮಾಂ ಪವನಪುರಪತೇ ಹಂತ ಮೇ ರುಂಧಿ ರೋಗಾನ್ ॥10॥
ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು
What is ನಾರಾಯಣೀಯಂ ದಶಕ 96 - ಭಗವದ್ವಿಭೂತಯಃ ತಥಾ ಜ್ಞಾನಕರ್ಮಭಕ್ತಿಯೋಗಾಃ?
ನಾರಾಯಣೀಯಂ ದಶಕ 96 - ಭಗವದ್ವಿಭೂತಯಃ ತಥಾ ಜ್ಞಾನಕರ್ಮಭಕ್ತಿಯೋಗಾಃ is a devotional text available on Bhakti Granth in the selected language or script.
Which language or script is this version in?
This edition is published in Kannada. Use the language selector to view another available edition.
Can I read ನಾರಾಯಣೀಯಂ ದಶಕ 96 - ಭಗವದ್ವಿಭೂತಯಃ ತಥಾ ಜ್ಞಾನಕರ್ಮಭಕ್ತಿಯೋಗಾಃ online?
Yes. The imported text is available directly on this page for online reading and recitation.
Can I download ನಾರಾಯಣೀಯಂ ದಶಕ 96 - ಭಗವದ್ವಿಭೂತಯಃ ತಥಾ ಜ್ಞಾನಕರ್ಮಭಕ್ತಿಯೋಗಾಃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.