9 – ಭೃಗುವಲ್ಲೀ – ಕೃಷ್ಣ ಯಜುರ್ವೇದ ತೈತ್ತಿರೀಯ ಆರಣ್ಯಕ ಪಾಠಃ – ಭೃಗುರ್ವೈ ವಾರುಣಿಃ

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಆರಣ್ಯಕೇ ನವಮಃ ಪ್ರಪಾಠಕಃ – ಭೃಗುವಲ್ಲೀ

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಭೃಗು ವಲ್ಲೀ

ಸ॒ಹ ನಾ॑ ವವತು । ಸ॒ಹ ನೌ॑ ಭುನಕ್ತು । ಸ॒ಹ ವೀ॒ರ್ಯ॑-ಙ್ಕರವಾವಹೈ । ತೇ॒ಜ॒ಸ್ವಿನಾ॒ ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

ಅನುವಾಕಂ 15
ಭೃಗು॒ರ್ವೈ ವಾ॑ರು॒ಣಿಃ । ವರು॑ಣ॒-ಮ್ಪಿತ॑ರ॒-ಮುಪ॑ಸಸಾರ । ಅಧೀ॑ಹಿ ಭಗವೋ॒ ಬ್ರಹ್ಮೇತಿ॑ ॥ ತಸ್ಮಾ॑ ಏ॒ತ-ತ್ಪ್ರೋ॑ವಾಚ । ಅನ್ನ॑-ಮ್ಪ್ರಾ॒ಣ-ಞ್ಚಖ್ಷು॒-ಶ್ಶ್ರೋತ್ರ॒-ಮ್ಮನೋ॒ ವಾಚ॒ಮಿತಿ॑ ॥
ತಗ್ಂ ಹೋ॑ವಾಚ । ಯತೋ॒ ವಾ ಇ॒ಮಾನಿ॒ ಭೂತಾ॑ನಿ॒ ಜಾಯ॑ನ್ತೇ ।
ಯೇನ॒ ಜಾತಾ॑ನಿ॒ ಜೀವ॑ನ್ತಿ । ಯ-ತ್ಪ್ರಯ॑ನ್ತ್ಯ॒ಭಿ ಸಂ​ವಿಁ॑ಶನ್ತಿ ।
ತ-ದ್ವಿಜಿ॑ಜ್ಞಾಸಸ್ವ । ತ-ದ್ಬ್ರಹ್ಮೇತಿ॑ ॥
ಸ ತಪೋ॑-ಽತಪ್ಯತ । ಸ ತಪ॑-ಸ್ತ॒ಪ್ತ್ವಾ ॥ 35 ॥

ಅನ್ನ॒-ಮ್ಬ್ರಹ್ಮೇತಿ॒ ವ್ಯ॑ಜಾನಾತ್ । ಅ॒ನ್ನಾದ್ಧ್ಯೇ॑ವ ಖಲ್ವಿ॒ಮಾನಿ॒ ಭೂತಾ॑ನಿ॒ ಜಾಯ॑ನ್ತೇ । ಅನ್ನೇ॑ನ॒ ಜಾತಾ॑ನಿ॒ ಜೀವ॑ನ್ತಿ । ಅನ್ನ॒-ಮ್ಪ್ರಯ॑ನ್ತ್ಯ॒ಭಿ-ಸಂ​ವಿಁ॑ಶ॒ನ್ತೀತಿ॑ ॥ ತ-ದ್ವಿ॒ಜ್ಞಾಯ॑ । ಪುನ॑ರೇ॒ವ ವರು॑ಣ॒-ಮ್ಪಿತ॑ರ॒-ಮುಪ॑ಸಸಾರ । ಅಧೀ॑ಹಿ ಭಗವೋ॒ ಬ್ರಹ್ಮೇತಿ॑ । ತಗ್ಂ ಹೋ॑ವಾಚ । ತಪ॑ಸಾ॒ ಬ್ರಹ್ಮ॒ ವಿಜಿ॑ಜ್ಞಾಸಸ್ವ ।
ತಪೋ॒ ಬ್ರಹ್ಮೇತಿ॑ । ಸ ತಪೋ॑-ಽತಪ್ಯತ । ಸ ತಪ॑-ಸ್ತ॒ಪ್ತ್ವಾ ॥ 36 ॥

ಪ್ರಾ॒ಣೋ ಬ್ರ॒ಹ್ಮೇತಿ॒ ವ್ಯ॑ಜಾನಾತ್ । ಪ್ರಾ॒ಣಾದ್ಧ್ಯೇ॑ವ ಖಲ್ವಿ॒ಮಾನಿ॒ ಭೂತಾ॑ನಿ॒ ಜಾಯ॑ನ್ತೇ । ಪ್ರಾ॒ಣೇನ॒ ಜಾತಾ॑ನಿ॒ ಜೀವ॑ನ್ತಿ ।
ಪ್ರಾ॒ಣ-ಮ್ಪ್ರಯ॑ನ್ತ್ಯ॒ಭಿ-ಸಂ​ವಿಁ॑ಶ॒ನ್ತೀತಿ॑ ॥ ತ-ದ್ವಿ॒ಜ್ಞಾಯ॑ ।
ಪುನ॑ರೇ॒ವ ವರು॑ಣ॒-ಮ್ಪಿತ॑ರ॒-ಮುಪ॑ಸಸಾರ । ಅಧೀ॑ಹಿ ಭಗವೋ॒ ಬ್ರಹ್ಮೇತಿ॑ । ತಗ್ಂ ಹೋ॑ವಾಚ । ತಪ॑ಸಾ॒ ಬ್ರಹ್ಮ॒ ವಿಜಿ॑ಜ್ಞಾಸಸ್ವ । ತಪೋ॒ ಬ್ರಹ್ಮೇತಿ॑ । ಸ ತಪೋ॑-ಽತಪ್ಯತ । ಸ ತಪ॑-ಸ್ತ॒ಪ್ತ್ವಾ ॥ 37 ॥

ಮನೋ॒ ಬ್ರಹ್ಮೇತಿ॒ ವ್ಯ॑ಜಾನಾತ್ । ಮನ॑ಸೋ॒ ಹ್ಯೇ॑ವ ಖಲ್ವಿ॒ಮಾನಿ॒ ಭೂತಾ॑ನಿ॒ ಜಾಯ॑ನ್ತೇ । ಮನ॑ಸಾ॒ ಜಾತಾ॑ನಿ॒ ಜೀವ॑ನ್ತಿ । ಮನಃ॒ ಪ್ರಯ॑ನ್ತ್ಯ॒ಭಿ-ಸಂ​ವಿಁ॑ಶ॒ನ್ತೀತಿ॑ ॥ ತ-ದ್ವಿ॒ಜ್ಞಾಯ॑ । ಪುನ॑ರೇ॒ವ ವರು॑ಣ॒-ಮ್ಪಿತ॑ರ॒-ಮುಪ॑ಸಸಾರ । ಅಧೀ॑ಹಿ ಭಗವೋ॒ ಬ್ರಹ್ಮೇತಿ॑ । ತಗ್ಂ ಹೋ॑ವಾಚ । ತಪ॑ಸಾ॒ ಬ್ರಹ್ಮ॒ ವಿಜಿ॑ಜ್ಞಾಸಸ್ವ ।
ತಪೋ॒ ಬ್ರಹ್ಮೇತಿ॑ । ಸ ತಪೋ॑-ಽತಪ್ಯತ । ಸ ತಪ॑-ಸ್ತ॒ಪ್ತ್ವಾ ॥ 38 ॥

ವಿ॒ಜ್ಞಾನ॒-ಮ್ಬ್ರಹ್ಮೇತಿ॒ ವ್ಯ॑ಜಾನಾತ್ ।
ವಿ॒ಜ್ಞಾನಾ॒-ದ್ಧ್ಯೇ॑ವ ಖಲ್ವಿ॒ಮಾನಿ॒ ಭೂತಾ॑ನಿ॒ ಜಾಯ॑ನ್ತೇ ।
ವಿ॒ಜ್ಞಾನೇ॑ನ॒ ಜಾತಾ॑ನಿ॒ ಜೀವ॑ನ್ತಿ । ವಿ॒ಜ್ಞಾನ॒-ಮ್ಪ್ರಯ॑ನ್ತ್ಯ॒ಭಿ-ಸಂ​ವಿಁ॑ಶ॒ನ್ತೀತಿ॑ ॥
ತ-ದ್ವಿ॒ಜ್ಞಾಯ॑ । ಪುನ॑ರೇ॒ವ ವರು॑ಣ॒-ಮ್ಪಿತ॑ರ॒-ಮುಪ॑ಸಸಾರ । ಅಧೀ॑ಹಿ ಭಗವೋ॒ ಬ್ರಹ್ಮೇತಿ॑ । ತಗ್ಂ ಹೋ॑ವಾಚ । ತಪ॑ಸಾ॒ ಬ್ರಹ್ಮ॒ ವಿಜಿ॑ಜ್ಞಾಸಸ್ವ । ತಪೋ॒ ಬ್ರಹ್ಮೇತಿ॑ । ಸ ತಪೋ॑-ಽತಪ್ಯತ । ಸ ತಪ॑-ಸ್ತ॒ಪ್ತ್ವಾ ॥ 39 ॥

ಆ॒ನ॒ನ್ದೋ ಬ್ರ॒ಹ್ಮೇತಿ॒ ವ್ಯ॑ಜಾನಾತ್ । ಆ॒ನನ್ದಾ॒-ದ್ಧ್ಯೇ॑ವ-ಖಲ್ವಿ॒ಮಾನಿ॒ ಭೂತಾ॑ನಿ॒ ಜಾಯ॑ನ್ತೇ ।
ಆ॒ನ॒ನ್ದೇನ॒ ಜಾತಾ॑ನಿ॒ ಜೀವ॑ನ್ತಿ । ಆ॒ನ॒ನ್ದ-ಮ್ಪ್ರಯ॑ನ್ತ್ಯ॒ಭಿ-ಸಂ​ವಿಁ॑ಶ॒ನ್ತೀತಿ॑ ॥ ಸೈಷಾ ಭಾ᳚ರ್ಗ॒ವೀ ವಾ॑ರು॒ಣೀ ವಿ॒ದ್ಯಾ । ಪ॒ರ॒ಮೇ ವ್ಯೋ॑ಮ॒-ನ್ಪ್ರತಿ॑ಷ್ಠಿತಾ ॥ ಯ ಏ॒ವಂ-ವೇಁದ॒ ಪ್ರತಿ॑ತಿಷ್ಠತಿ । ಅನ್ನ॑ವಾನನ್ನಾ॒ದೋ ಭ॑ವತಿ ।
ಮ॒ಹಾ-ನ್ಭ॑ವತಿ ಪ್ರ॒ಜಯಾ॑ ಪ॒ಶುಭಿ॑-ರ್ಬ್ರಹ್ಮವರ್ಚ॒ಸೇನ॑ ।
ಮ॒ಹಾನ್ ಕೀ॒ರ್ತ್ಯಾ ॥ 40 ॥

ಅನ್ನ॒-ನ್ನ ನಿ॑ನ್ದ್ಯಾತ್ । ತ-ದ್ವ್ರ॒ತಮ್ ॥ ಪ್ರಾ॒ಣೋ ವಾ ಅನ್ನ᳚ಮ್ । ಶರೀ॑ರಮನ್ನಾ॒ದಮ್ । ಪ್ರಾ॒ಣೇ ಶರೀ॑ರ॒-ಮ್ಪ್ರತಿ॑ಷ್ಠಿತಮ್ । ಶರೀ॑ರೇ ಪ್ರಾ॒ಣಃ ಪ್ರತಿ॑ಷ್ಠಿತಃ ।
ತದೇ॒ತ-ದನ್ನ॒-ಮನ್ನೇ॒ ಪ್ರತಿ॑ಷ್ಠಿತಮ್ ॥
ಸ ಯ ಏ॒ತ-ದನ್ನ॒-ಮನ್ನೇ॒ ಪ್ರತಿ॑ಷ್ಠಿತಂ॒-ವೇಁದ॒ ಪ್ರತಿ॑ತಿಷ್ಠತಿ । ಅನ್ನ॑ವಾ-ನನ್ನಾ॒ದೋ ಭ॑ವತಿ ।
ಮ॒ಹಾ-ನ್ಭ॑ವತಿ ಪ್ರ॒ಜಯಾ॑ ಪ॒ಶುಭಿ॑-ರ್ಬ್ರಹ್ಮವರ್ಚ॒ಸೇನ॑ ।
ಮ॒ಹಾನ್ ಕೀ॒ರ್ತ್ಯಾ ॥ 41 ॥

ಅನ್ನ॒-ನ್ನ ಪರಿ॑ಚಖ್ಷೀತ । ತ-ದ್ವ್ರ॒ತಮ್ । ಆಪೋ॒ ವಾ ಅನ್ನ᳚ಮ್ । ಜ್ಯೋತಿ॑ರನ್ನಾ॒ದಮ್ । ಅ॒ಫ್ಸು ಜ್ಯೋತಿಃ॒ ಪ್ರತಿ॑ಷ್ಠಿತಮ್ । ಜ್ಯೋತಿ॒ಷ್ಯಾಪಃ॒ ಪ್ರತಿ॑ಷ್ಠಿತಾಃ ।
ತದೇ॒ತ-ದನ್ನ॒-ಮನ್ನೇ॒ ಪ್ರತಿ॑ಷ್ಠಿತಮ್ ॥
ಸ ಯ ಏ॒ತ-ದನ್ನ॒-ಮನ್ನೇ॒ ಪ್ರತಿ॑ಷ್ಠಿತಂ॒-ವೇಁದ॒ ಪ್ರತಿ॑ತಿಷ್ಠತಿ । ಅನ್ನ॑ವಾ-ನನ್ನಾ॒ದೋ ಭ॑ವತಿ । ಮ॒ಹಾ-ನ್ಭ॑ವತಿ ಪ್ರ॒ಜಯಾ॑ ಪ॒ಶುಭಿ॑-ರ್ಬ್ರಹ್ಮವರ್ಚ॒ಸೇನ॑ ।
ಮ॒ಹಾನ್ ಕೀರ್ತ್ಯಾ ॥ 42 ॥

ಅನ್ನ॑-ಮ್ಬ॒ಹು ಕು॑ರ್ವೀತ । ತ-ದ್ವ್ರ॒ತಮ್ ॥ ಪೃ॒ಥಿ॒ವೀ ವಾ ಅನ್ನ᳚ಮ್ । ಆ॒ಕಾ॒ಶೋ᳚-ಽನ್ನಾ॒ದಃ । ಪೃ॒ಥಿ॒ವ್ಯಾ-ಮಾ॑ಕಾ॒ಶಃ ಪ್ರತಿ॑ಷ್ಠಿತಃ । ಆ॒ಕಾ॒ಶೇ ಪೃ॑ಥಿ॒ವೀ ಪ್ರತಿ॑ಷ್ಠಿತಾ ।
ತದೇ॒ತ-ದನ್ನ॒-ಮನ್ನೇ॒ ಪ್ರತಿ॑ಷ್ಠಿತಮ್ ॥
ಸ ಯ ಏ॒ತ-ದನ್ನ॒-ಮನ್ನೇ॒ ಪ್ರತಿ॑ಷ್ಠಿತಂ॒-ವೇಁದ॒ ಪ್ರತಿ॑ತಿಷ್ಠತಿ । ಅನ್ನ॑ವಾನನ್ನಾ॒ದೋ ಭ॑ವತಿ । ಮ॒ಹಾ-ನ್ಭ॑ವತಿ ಪ್ರ॒ಜಯಾ॑ ಪ॒ಶುಭಿ॑-ರ್ಬ್ರಹ್ಮವರ್ಚ॒ಸೇನ॑ ।
ಮ॒ಹಾನ್ ಕೀ॒ರ್ತ್ಯಾ ॥ 43 ॥

ನ ಕಞ್ಚನ ವಸತೌ ಪ್ರತ್ಯಾ॑ಚಖ್ಷೀ॒ತ । ತ-ದ್ವ್ರ॒ತಮ್ ॥
ತಸ್ಮಾದ್ಯಯಾ ಕಯಾ ಚ ವಿಧಯಾ ಬಹ್ವ॑ನ್ನ-ಮ್ಪ್ರಾ॒ಪ್ನುಯಾತ್ ॥
ಅರಾದ್ಧ್ಯಸ್ಮಾ ಅನ್ನಮಿ॑ತ್ಯಾಚ॒ಖ್ಷತೇ ॥ ಏತದ್ವೈ ಮುಖತೋ᳚-ಽನ್ನಗ್ಂ ರಾ॒ದ್ಧಮ್ ।
ಮುಖತೋ-ಽಸ್ಮಾ ಅ॑ನ್ನಗ್ಂ ರಾ॒ದ್ಧ್ಯತೇ । ಏತದ್ವೈ ಮದ್ಧ್ಯತೋ᳚-ಽನ್ನಗ್ಂ ರಾ॒ದ್ಧಮ್ ।
ಮದ್ಧ್ಯತೋ-ಽಸ್ಮಾ ಅ॑ನ್ನಗ್ಂ ರಾ॒ದ್ಧ್ಯತೇ ।
ಏದದ್ವಾ ಅನ್ತತೋ᳚-ಽನ್ನಗ್ಂ ರಾ॒ದ್ಧಮ್ ।
ಅನ್ತತೋ-ಽಸ್ಮಾ ಅ॑ನ್ನಗ್ಂ ರಾ॒ದ್ಧ್ಯತೇ । ॥ 44-ಽ ॥

ಯ ಏ॑ವಂ-ವೇಁ॒ದ ॥ ಖ್ಷೇಮ ಇ॑ತಿ ವಾ॒ಚಿ । ಯೋಗಖ್ಷೇಮ ಇತಿ ಪ್ರಾ॑ಣಾಪಾ॒ನಯೋಃ । ಕರ್ಮೇ॑ತಿ ಹ॒ಸ್ತಯೋಃ । ಗತಿ-ರಿ॑ತಿ ಪಾ॒ದಯೋಃ । ವಿಮುಕ್ತಿ-ರಿ॑ತಿ ಪಾ॒ಯೌ । ಇತಿ ಮಾನುಷೀ᳚-ಸ್ಸಮಾ॒ಜ್ಞಾಃ ॥ ಅಥ ದೈ॒ವೀಃ । ತೃಪ್ತಿ-ರಿ॑ತಿ ವೃ॒ಷ್ಟೌ । ಬಲ-ಮಿ॑ತಿ ವಿ॒ದ್ಯುತಿ । ॥ 44.ಬ್ ॥

ಯಶ ಇ॑ತಿ ಪ॒ಶುಷು । ಜ್ಯೋತಿರಿತಿ ನ॑ಖ್ಷತ್ರೇ॒ಷು ।
ಪ್ರಜಾತಿ-ರಮೃತ-ಮಾನನ್ದ ಇ॑ತ್ಯುಪ॒ಸ್ಥೇ । ಸರ್ವ ಮಿ॑ತ್ಯಾಕಾ॒ಶೇ ॥
ತ-ತ್ಪ್ರತಿಷ್ಠೇ-ತ್ಯು॑ಪಾಸೀ॒ತ । ಪ್ರತಿಷ್ಠಾ॑ವಾ-ನ್ಭ॒ವತಿ । ತನ್ಮಹ ಇತ್ಯು॑ಪಾಸೀ॒ತ । ಮ॑ಹಾ-ನ್ಭ॒ವತಿ । ತನ್ಮನ ಇತ್ಯು॑ಪಾಸೀ॒ತ । ಮಾನ॑ವಾ-ನ್ಭ॒ವತಿ । ॥ 44.ಚ್ ॥

ತನ್ನಮ ಇತ್ಯು॑ಪಾಸೀ॒ತ । ನಮ್ಯನ್ತೇ᳚-ಽಸ್ಮೈ ಕಾ॒ಮಾಃ । ತದ್ಬ್ರಹ್ಮೇ-ತ್ಯು॑ಪಾಸೀ॒ತ । ಬ್ರಹ್ಮ॑ವಾ-ನ್ಭ॒ವತಿ । ತ-ದ್ಬ್ರಹ್ಮಣಃ ಪರಿಮರ ಇತ್ಯು॑ಪಾಸೀ॒ತ । ಪರ್ಯೇಣ-ಮ್ಮ್ರಿಯನ್ತೇ ದ್ವಿಷನ್ತ॑-ಸ್ಸಪ॒ತ್ನಾಃ । ಪರಿ ಯೇ᳚-ಽಪ್ರಿಯಾ᳚ ಭ್ರಾತೃ॒ವ್ಯಾಃ ॥ ಸ ಯಶ್ಚಾ॑ಯ-ಮ್ಪು॒ರುಷೇ । ಯಶ್ಚಾಸಾ॑-ವಾದಿ॒ತ್ಯೇ । ಸ ಏಕಃ॑ । ॥ 44.ದ್ ॥

ಸ ಯ॑ ಏವಂ॒-ವಿಁತ್ । ಅಸ್ಮಾಲ್-ಲೋ॑ಕಾ-ತ್ಪ್ರೇ॒ತ್ಯ ।
ಏತಮನ್ನಮಯ-ಮಾತ್ಮಾನ-ಮುಪ॑ಸಙ್ಕ್ರ॒ಮ್ಯ ।
ಏತ-ಮ್ಪ್ರಾಣಮಯ-ಮಾತ್ಮಾನ-ಮುಪ॑ಸಙ್ಕ್ರ॒ಮ್ಯ ।
ಏತ-ಮ್ಮನೋಮಯ-ಮಾತ್ಮಾನ-ಮುಪ॑ಸಙ್ಕ್ರ॒ಮ್ಯ ।
ಏತಂ-ವಿಁಜ್ಞಾನಮಯ-ಮಾತ್ಮಾನ-ಮುಪ॑ಸಙ್ಕ್ರ॒ಮ್ಯ ।
ಏತ ಮಾನನ್ದಮಯ ಮಾತ್ಮಾನ ಮುಪ॑ಸಙ್ಕ್ರ॒ಮ್ಯ ।
ಇಮಾನ್ ಁಲೋಕಾನ್ ಕಾಮಾನ್ನೀ ಕಾಮ-ರೂಪ್ಯ॑ನುಸ॒ಞ್ಚರನ್ನ್ ।
ಏತ-ಥ್ಸಾಮ ಗಾ॑ಯನ್ನಾ॒ಸ್ತೇ ॥ ಹಾ(3) ವು॒ ಹಾ(3) ವು॒ ಹಾ(3) ವು॑ । ॥ 44ಎ ॥

ಅ॒ಹ-ಮನ್ನ-ಮ॒ಹ-ಮನ್ನ-ಮ॒ಹಮನ್ನಮ್ ।
ಅ॒ಹಮನ್ನಾ॒ದೋ(2)-ಽಹಮನ್ನಾ॒ದೋ(2) ಽಹಮನ್ನಾ॒ದಃ ।
ಅ॒ಹಗ್ಗ್​ ಶ್ಲೋಕ॒ಕೃ-ದ॒ಹಗ್ಗ್​ ಶ್ಲೋಕ॒ಕೃ-ದ॒ಹಗ್ಗ್​ ಶ್ಲೋಕ॒ಕೃತ್ । ಅ॒ಹಮಸ್ಮಿ ಪ್ರಥಮಜಾ ಋತಾ(3) ಸ್ಯ॒ ।
ಪೂರ್ವ-ನ್ದೇವೇಭ್ಯೋ ಅಮೃತಸ್ಯ ನಾ(3) ಭಾ॒ ಇ॒ ।
ಯೋ ಮಾ ದದಾತಿ ಸ ಇದೇವ ಮಾ(3)ವಾಃ॒ ।
ಅ॒ಹ-ಮನ್ನ॒-ಮನ್ನ॑-ಮ॒ದನ್ತ॒-ಮಾ(3) ದ್ಮಿ॒ ।
ಅ॒ಹಂ-ವಿಁಶ್ವ॒-ಮ್ಭುವ॑ನ॒-ಮಭ್ಯ॑ಭ॒ವಾಮ್ । ಸುವ॒ರ್ನ ಜ್ಯೋತೀಃ᳚ ॥ ಯ ಏ॒ವಂ-ವೇಁದ॑ ॥ ಇತ್ಯು॑ಪ॒ನಿಷ॑ತ್ ॥ 44.f ॥

ಸ॒ಹ ನಾ॑ ವವತು । ಸ॒ಹ ನೌ॑ ಭುನಕ್ತು । ಸ॒ಹ ವೀ॒ರ್ಯ॑-ಙ್ಕರವಾವಹೈ । ತೇ॒ಜ॒ಸ್ವಿನಾ॒ ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ ॥ ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

(ಭೃಗು॒ಸ್ತ್ರಯೋ॑ದ॒ಶಾ – ನ್ನಂ॑ – ಪ್ರಾ॒ಣೋ – ಮನೋ॑ – ವಿ॒ಜ್ಞಾನ॒-ನ್ದ್ವಾದ॑ಶ ದ್ವಾದಶಾ – ನ॒ನ್ದೋ ದಶಾ – ನ್ನ॒-ನ್ನ ನಿ॑ನ್ದ್ಯಾ॒ – ದನ್ನ॒-ನ್ನ ಪರಿ॑ಚಖ್ಷೀ॒ತಾ -ನ್ನ॑-ಮ್ಬ॒ಹುಕು॑ರ್ವಿ॒ ತೈಕಾ॑ದಶೈಕಾದಶ॒ – ನ ಕಞ್ಚ ನೈಕ॑ಷಷ್ಟಿ॒ರ್ದಶ॑ ) (ಅ. 15)
॥ ಇತಿ ಭೃಗುವಲ್ಲೀ ಸಮಾಪ್ತಾ ॥

(ಶ-ನ್ನಃ॒ – ಶೀಖ್ಷಾಗ್ಂ – ಸ॒ಹ ನೌ॒ – ಯ ॑007ಆ;ಛನ್ದ॑ಸಾಂ॒ – ಭೂಃ – ಸ ಯಃ – ಪೃ॑ಥಿ॒ – ವ್ಯೋಮಿ – ತ್ಯೃತ-ಞ್ಚಾ॒ – ಹಂ – ಁವೇದಮನುಚ್ಯ – ಶ-ನ್ನಃ॑ – ಸ॒ಹ ನಾ॑ವವತು – ಬ್ರಹ್ಮ॒ವಿ-ದ್- ಭೃಗುಃ॒ ಪಞ್ಚ॑ದಶ)

(ಶ-ನ್ನೋ॒ – ಮಹ॒ ಇತ್ಯಾ॑ದಿ॒ತ್ಯೋ – ನೋ ಇ॑ತರಾ॒ಣ್ಯ – ಸ॑ನ್ನೇ॒ವಾ – ನ್ನ॒-ನ್ನ ನಿ॑ನ್ದ್ಯಾ॒ಚ್ಚತು॑ಶ್ಚತ್ವಾರಿಗ್ಂಶತ್ )

(ಶನ್ನ॒ – ಇತ್ಯು॑ಪ॒ನಿಷ॑ತ್ )

॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಆರಣ್ಯಕೇ ನವಮಃ ಪ್ರಪಾಠಕ-ಸ್ಸಮಾಪ್ತಃ ॥