ದ್ವಾದಶ ಆದಿತ್ಯ ಧ್ಯಾನ ಶ್ಲೋಕಾಃ
1. ಧಾತಾ
ಧಾತಾ ಕೃತಸ್ಥಲೀ ಹೇತಿರ್ವಾಸುಕೀ ರಥಕೃನ್ಮುನೇ ।
ಪುಲಸ್ತ್ಯಸ್ತುಂಬುರುರಿತಿ ಮಧುಮಾಸಂ ನಯಂತ್ಯಮೀ ॥
ಧಾತಾ ಶುಭಸ್ಯ ಮೇ ದಾತಾ ಭೂಯೋ ಭೂಯೋಽಪಿ ಭೂಯಸಃ ।
ರಶ್ಮಿಜಾಲಸಮಾಶ್ಲಿಷ್ಟಃ ತಮಸ್ತೋಮವಿನಾಶನಃ ॥
2. ಅರ್ಯಂ
ಅರ್ಯಮಾ ಪುಲಹೋಽಥೌಜಾಃ ಪ್ರಹೇತಿ ಪುಂಜಿಕಸ್ಥಲೀ ।
ನಾರದಃ ಕಚ್ಛನೀರಶ್ಚ ನಯಂತ್ಯೇತೇ ಸ್ಮ ಮಾಧವಮ್ ॥
ಮೇರುಶೃಂಗಾಂತರಚರಃ ಕಮಲಾಕರಬಾಂಧವಃ ।
ಅರ್ಯಮಾ ತು ಸದಾ ಭೂತ್ಯೈ ಭೂಯಸ್ಯೈ ಪ್ರಣತಸ್ಯ ಮೇ ॥
3. ಮಿತ್ರಃ
ಮಿತ್ರೋಽತ್ರಿಃ ಪೌರುಷೇಯೋಽಥ ತಕ್ಷಕೋ ಮೇನಕಾ ಹಹಃ ।
ರಥಸ್ವನ ಇತಿ ಹ್ಯೇತೇ ಶುಕ್ರಮಾಸಂ ನಯಂತ್ಯಮೀ ॥
ನಿಶಾನಿವಾರಣಪಟುಃ ಉದಯಾದ್ರಿಕೃತಾಶ್ರಯಃ ।
ಮಿತ್ರೋಽಸ್ತು ಮಮ ಮೋದಾಯ ತಮಸ್ತೋಮವಿನಾಶನಃ ॥
4. ವರುಣಃ
ವಸಿಷ್ಠೋ ಹ್ಯರುಣೋ ರಂಭಾ ಸಹಜನ್ಯಸ್ತಥಾ ಹುಹುಃ ।
ಶುಕ್ರಶ್ಚಿತ್ರಸ್ವನಶ್ಚೈವ ಶುಚಿಮಾಸಂ ನಯಂತ್ಯಮೀ ॥
ಸೂರ್ಯಸ್ಯಂದನಮಾರೂಢ ಅರ್ಚಿರ್ಮಾಲೀ ಪ್ರತಾಪವಾನ್ ।
ಕಾಲಭೂತಃ ಕಾಮರೂಪೋ ಹ್ಯರುಣಃ ಸೇವ್ಯತೇ ಮಯಾ ॥
5. ಇಂದ್ರಃ
ಇಂದ್ರೋ ವಿಶ್ವಾವಸುಃ ಶ್ರೋತಾ ಏಲಾಪತ್ರಸ್ತಥಾಽಂಗಿರಾಃ ।
ಪ್ರಮ್ಲೋಚಾ ರಾಕ್ಷಸೋವರ್ಯೋ ನಭೋಮಾಸಂ ನಯಂತ್ಯಮೀ ॥
ಸಹಸ್ರರಶ್ಮಿಸಂವೀತಂ ಇಂದ್ರಂ ವರದಮಾಶ್ರಯೇ ।
ಶಿರಸಾ ಪ್ರಣಮಾಮ್ಯದ್ಯ ಶ್ರೇಯೋ ವೃದ್ಧಿಪ್ರದಾಯಕಮ್ ॥
6. ವಿವಸ್ವಾನ್
ವಿವಸ್ವಾನುಗ್ರಸೇನಶ್ಚ ವ್ಯಾಘ್ರ ಆಸಾರಣೋ ಭೃಗುಃ ।
ಅನುಮ್ಲೋಚಾಃ ಶಂಖಪಾಲೋ ನಭಸ್ಯಾಖ್ಯಂ ನಯಂತ್ಯಮೀ ॥
ಜಗನ್ನಿರ್ಮಾಣಕರ್ತಾರಂ ಸರ್ವದಿಗ್ವ್ಯಾಪ್ತತೇಜಸಮ್ ।
ನಭೋಗ್ರಹಮಹಾದೀಪಂ ವಿವಸ್ವಂತಂ ನಮಾಮ್ಯಹಮ್ ॥
7. ತ್ವಷ್ಟಾ
ತ್ವಷ್ಟಾ ಋಚೀಕತನಯಃ ಕಂಬಲಾಖ್ಯಸ್ತಿಲೋತ್ತಮಾ ।
ಬ್ರಹ್ಮಾಪೇತೋಽಥ ಶತಜಿತ್ ಧೃತರಾಷ್ಟ್ರ ಇಷಂಭರಾ ॥
ತ್ವಷ್ಟಾ ಶುಭಾಯ ಮೇ ಭೂಯಾತ್ ಶಿಷ್ಟಾವಲಿನಿಷೇವಿತಃ ।
ನಾನಾಶಿಲ್ಪಕರೋ ನಾನಾಧಾತುರೂಪಃ ಪ್ರಭಾಕರಃ ।
8. ವಿಷ್ಣುಃ
ವಿಷ್ಣುರಶ್ವತರೋ ರಂಭಾ ಸೂರ್ಯವರ್ಚಾಶ್ಚ ಸತ್ಯಜಿತ್ ।
ವಿಶ್ವಾಮಿತ್ರೋ ಮಖಾಪೇತ ಊರ್ಜಮಾಸಂ ನಯಂತ್ಯಮೀ ॥
ಭಾನುಮಂಡಲಮಧ್ಯಸ್ಥಂ ವೇದತ್ರಯನಿಷೇವಿತಮ್ ।
ಗಾಯತ್ರೀಪ್ರತಿಪಾದ್ಯಂ ತಂ ವಿಷ್ಣುಂ ಭಕ್ತ್ಯಾ ನಮಾಮ್ಯಹಮ್ ॥
9. ಅಂಶುಮಾನ್
ಅಥಾಂಶುಃ ಕಶ್ಯಪಸ್ತಾರ್ಕ್ಷ್ಯ ಋತಸೇನಸ್ತಥೋರ್ವಶೀ ।
ವಿದ್ಯುಚ್ಛತ್ರುರ್ಮಹಾಶಂಖಃ ಸಹೋಮಾಸಂ ನಯಂತ್ಯಮೀ ॥
ಸದಾ ವಿದ್ರಾವಣರತೋ ಜಗನ್ಮಂಗಳದೀಪಕಃ ।
ಮುನೀಂದ್ರನಿವಹಸ್ತುತ್ಯೋ ಭೂತಿದೋಽಂಶುರ್ಭವೇನ್ಮಮ ॥
10. ಭಗಃ
ಭಗಃ ಸ್ಫೂರ್ಜೋಽರಿಷ್ಟನೇಮಿಃ ಊರ್ಣ ಆಯುಶ್ಚ ಪಂಚಮಃ ।
ಕರ್ಕೋಟಕಃ ಪೂರ್ವಚಿತ್ತಿಃ ಪೌಷಮಾಸಂ ನಯಂತ್ಯಮೀ ॥
ತಿಥಿ ಮಾಸ ಋತೂನಾಂ ಚ ವತ್ಸರಾಽಯನಯೋರಪಿ ।
ಘಟಿಕಾನಾಂ ಚ ಯಃ ಕರ್ತಾ ಭಗೋ ಭಾಗ್ಯಪ್ರದೋಽಸ್ತು ಮೇ ॥
11. ಪೂಷ
ಪೂಷಾ ಧನಂಜಯೋ ವಾತಃ ಸುಷೇಣಃ ಸುರುಚಿಸ್ತಥಾ ।
ಘೃತಾಚೀ ಗೌತಮಶ್ಚೇತಿ ತಪೋಮಾಸಂ ನಯಂತ್ಯಮೀ ।
ಪೂಷಾ ತೋಷಾಯ ಮೇ ಭೂಯಾತ್ ಸರ್ವಪಾಪಾಽಪನೋದನಾತ್ ।
ಸಹಸ್ರಕರಸಂವೀತಃ ಸಮಸ್ತಾಶಾಂತರಾಂತರಃ ॥
12. ಪರ್ಜನ್ಯಃ
ಕ್ರತುರ್ವಾರ್ಚಾ ಭರದ್ವಾಜಃ ಪರ್ಜನ್ಯಃ ಸೇನಜಿತ್ ತಥಾ ।
ವಿಶ್ವಶ್ಚೈರಾವತಶ್ಚೈವ ತಪಸ್ಯಾಖ್ಯಂ ನಯಂತ್ಯಮೀ ॥
ಪ್ರಪಂಚಂ ಪ್ರತಪನ್ ಭೂಯೋ ವೃಷ್ಟಿಭಿರ್ಮಾದಯನ್ ಪುನಃ ।
ಜಗದಾನಂದಜನಕಃ ಪರ್ಜನ್ಯಃ ಪೂಜ್ಯತೇ ಮಯಾ ॥
ಧ್ಯಾಯೇಸ್ಸದಾ ಸವಿತೃಮಂಡಲಮಧ್ಯವರ್ತೀ
ನಾರಾಯಣಸ್ಸರಸಿಜಾಸನ ಸನ್ನಿವಿಷ್ಟಃ।
ಕೇಯೂರವಾನ್ ಮಕರಕುಂಡಲವಾನ್ ಕಿರೀಟೀ
ಹಾರೀ ಹಿರಣ್ಮಯವಪುಃ ಧೃತಶಂಖಚಕ್ರಃ ॥
ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು
What is ದ್ವಾದಶ ಆದಿತ್ಯ ಧ್ಯಾನ ಶ್ಲೋಕಾಃ?
ದ್ವಾದಶ ಆದಿತ್ಯ ಧ್ಯಾನ ಶ್ಲೋಕಾಃ is a devotional text available on Bhakti Granth in the selected language or script.
Which language or script is this version in?
This edition is published in Kannada. Use the language selector to view another available edition.
Can I read ದ್ವಾದಶ ಆದಿತ್ಯ ಧ್ಯಾನ ಶ್ಲೋಕಾಃ online?
Yes. The imported text is available directly on this page for online reading and recitation.
Can I download ದ್ವಾದಶ ಆದಿತ್ಯ ಧ್ಯಾನ ಶ್ಲೋಕಾಃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.