સુદર્શન સહસ્ર નામ સ્તોત્રમ્

શ્રી ગણેશાય નમઃ ॥

શ્રીસુદર્શન પરબ્રહ્મણે નમઃ ॥

અથ શ્રીસુદર્શન સહસ્રનામ સ્તોત્રમ્ ॥

કૈલાસશિખરે રમ્યે મુક્તામાણિક્ય મંડપે ।
રક્તસિંહાસનાસીનં પ્રમથૈઃ પરિવારિતમ્ ॥ 1॥

બદ્ધાંજલિપુટા ભૂત્વા પપ્રચ્છ વિનયાન્વિતા ।
ભર્તારં સર્વધર્મજ્ઞં પાર્વતી પરમેશ્વરમ્ ॥ 2॥

પાર્વતી —
યત્ ત્વયોક્તં જગન્નાથ સુભ્રુશં ક્ષેમમિચ્છતામ્ ।
સૌદર્શનં રુતે શાસ્ત્રં નાસ્તિચાન્યદિતિ પ્રભો ॥ 3॥

તત્ર કાચિત્ વિવક્ષાસ્થિ તમર્થં પ્રતિ મે પ્રભો ।
એવમુક્તસ્ત્વહિર્બુદ્ધ્ન્યઃ પાર્વતીં પ્રત્યુવાચ તામ્ ॥ 4॥

અહિર્બુદ્ધ્ન્ય —
સંશયો યદિ તે તત્ર તં બ્રૂહિ ત્વં વરાનને ।
ઇત્યેવમુક્તા ગિરિજા ગિરિશેન મહાત્મના ॥ 5॥

પુનઃ પ્રોવાચ સર્વજ્ઞં જ્ઞાનમુદ્રાધરં પતિમ્ ॥

પાર્વત્યુવાચ —
લોકે સૌદર્શનં મંત્રં યંત્રંતત્તત્ પ્રયોગવત્ ॥ 6॥

સર્વં વિજ્ઞાતુમભ્યત્ર યથાવત્ સમનુષ્ઠિતુમ્ ।
અતિવેલમશક્તાનાં તં માર્ગં ભૃશમીછ્તામ્ ॥ 7॥

કો માર્ગઃ કા કથિસ્તેષાં કાર્યસિદ્ધિઃ કથં ભવેત્ ।
એતન્મે બ્રૂહિ લોકેશ ત્વદન્યઃ કો વદેતમુમ્ ॥ 8॥

ઈશ્વર ઉવાચ —
અહં તે કથયિશ્યામિ સર્વ સિદ્ધિકરં શુભમ્ ।
અનાયાસેન યજ્જપ્ત્વા નરસ્સિદ્ધિમવાપ્નુયાત્ ॥ 9॥

તશ્ચ સૌદર્શનં દિવ્યં ગુહ્યં નામસહસ્રકમ્ ।
નિયમાત્ પઠતાં નૄણાં ચિંતિતાર્થ પ્રદાયકમ્ ॥ 10॥

તસ્ય નામસહસ્રસ્ય સોઽહમેવ ઋષિઃ સ્મૃતઃ ।
છંદોનુષ્ટુપ્ દેવતા તુ પરમાત્મા સુદર્શનઃ ॥ 11॥

શ્રીં બીજં હ્રીં તુ શક્તિસ્સા ક્લીં કીલકમુદાહૃતમ્ ।
સમસ્તાભીષ્ટ સિધ્યર્થે વિનિયોગ ઉદાહૃતઃ ॥ 12॥

શંખં ચક્રં ચ ચાપાદિ ધ્યાનમસ્ય સમીરિતમ્ ॥

ધ્યાનં —
શંખં ચક્રં ચ ચાપં પરશુમસિમિશું શૂલ પાશાંકુશાબ્જમ્
બિભ્રાણં વજ્રખેટૌ હલ મુસલ ગદા કુંદમત્યુગ્ર દંષ્ટ્રમ્ ।
જ્વાલા કેશં ત્રિનેત્રં જ્વલ દલનનિભં હાર કેયૂર ભૂષમ્
ધ્યાયેત્ ષટ્કોણ સંસ્થં સકલ રિપુજન પ્રાણ સંહારિ ચક્રમ્ ॥

॥ હરિઃ ઓમ્ ॥

શ્રીચક્રઃ શ્રીકરઃ શ્રીશઃ શ્રીવિષ્ણુઃ શ્રીવિભાવનઃ ।
શ્રીમદાંત્ય હરઃ શ્રીમાન્ શ્રીવત્સકૃત લક્ષણઃ ॥ 1॥

શ્રીનિધિઃ શ્રીવરઃ સ્રગ્વી શ્રીલક્ષ્મી કરપૂજિતઃ ।
શ્રીરતઃ શ્રીવિભુઃ સિંધુકન્યાપતિઃ અધોક્ષજઃ ॥ 2॥

અચ્યુતશ્ચાંબુજગ્રીવઃ સહસ્રારઃ સનાતનઃ ।
સમર્ચિતો વેદમૂર્તિઃ સમતીત સુરાગ્રજઃ ॥ 3॥

ષટ્કોણ મધ્યગો વીરઃ સર્વગોઽષ્ટભુજઃ પ્રભુઃ ।
ચંડવેગો ભીમરવઃ શિપિવિષ્ટાર્ચિતો હરિઃ ॥ 4॥

શાશ્વતઃ સકલઃ શ્યામઃ શ્યામલઃ શકટાર્થનઃ ।
દૈત્યારિઃ શારદસ્કંધઃ સકટાક્ષઃ શિરીષગઃ ॥ 5॥

શરપારિર્ભક્તવશ્યઃ શશાંકો વામનોવ્યયઃ ।
વરૂથીવારિજઃ કંજલોચનો વસુધાદિપઃ ॥ 6॥

વરેણ્યો વાહનોઽનંતઃ ચક્રપાણિર્ગદાગ્રજઃ ।
ગભીરો ગોલકાધીશો ગદાપણિસ્સુલોચનઃ ॥ 7॥

સહસ્રાક્ષઃ ચતુર્બાહુઃ શંખચક્ર ગદાધરઃ ।
ભીષણો ભીતિદો ભદ્રો ભીમાભીષ્ટ ફલપ્રદઃ ॥ 8॥

ભીમાર્ચિતો ભીમસેનો ભાનુવંશ પ્રકાશકઃ ।
પ્રહ્લાદવરદઃ બાલલોચનો લોકપૂજિતઃ ॥ 9॥

ઉત્તરામાનદો માની માનવાભીષ્ટ સિદ્ધિદઃ ।
ભક્તપાલઃ પાપહારી બલદો દહનધ્વજઃ ॥ 10॥

કરીશઃ કનકો દાતા કામપાલ પુરાતનઃ ।
અક્રૂરઃ ક્રૂરજનકઃ ક્રૂરદંષ્ટ્રઃ કુલાદિપઃ ॥ 11॥

ક્રૂરકર્મા ક્રૂરરૂપિ ક્રૂરહારી કુશેશયઃ ।
મંદરો માનિનીકાંતો મધુહા માધવપ્રિયઃ ॥ 12॥

સુપ્રતપ્ત સ્વર્ણરૂપી બાણાસુર ભુજાંતકૃત્ ।
ધરાધરો દાનવારિર્દનુજેંદ્રારિ પૂજિતઃ ॥ 13॥

ભાગ્યપ્રદો મહાસત્ત્વો વિશ્વાત્મા વિગતજ્વરઃ ।
સુરાચાર્યાર્ચિતો વશ્યો વાસુદેવો વસુપ્રદઃ ॥ 14॥

પ્રણતાર્તિહરઃ શ્રેષ્ટઃ શરણ્યઃ પાપનાશનઃ ।
પાવકો વારણાદ્રીશો વૈકુંઠો વિગતકલ્મષઃ ॥ 15॥

વજ્રદંષ્ટ્રો વજ્રનખો વાયુરૂપી નિરાશ્રયઃ ।
નિરીહો નિસ્પૃહો નિત્યો નીતિજ્ઞો નીતિપાવનઃ ॥ 16॥

નીરૂપો નારદનુતો નકુલાચલ વાસકૃત્ ।
નિત્યાનંદો બૃહદ્ભાનુઃ બૃહદીશઃ પુરાતનઃ ॥ 17॥

નિધિનામધિપોઽનંદો નરકાર્ણવ તારકઃ ।
અગાધોઽવિરલો મર્ત્યો જ્વાલાકેશઃ કકાર્ચ્ચિતઃ ॥ 18॥

તરુણસ્તનુકૃત્ ભક્તઃ પરમઃ ચિત્તસંભવઃ ।
ચિંત્યસ્સત્વનિધિઃ સાગ્રસ્ચિદાનંદઃ શિવપ્રિયઃ ॥ 19॥

શિન્શુમારશ્શતમખઃ શાતકુંભ નિભપ્રભઃ ।
ભોક્તારુણેશો બલવાન્ બાલગ્રહ નિવારકઃ ॥ 20॥

સર્વારિષ્ટ પ્રશમનો મહાભય નિવારકઃ ।
બંધુઃ સુબંધુઃ સુપ્રીતસ્સંતુષ્ટસ્સુરસન્નુતઃ ॥ 21॥

બીજકેશ્યો બકો ભાનુઃ અમિતાર્ચિર્પાંપતિઃ ।
સુયજ્ઞો જ્યોતિષશ્શાંતો વિરૂપાક્ષઃ સુરેશ્વરઃ ॥ 22॥

વહ્નિપ્રાકાર સંવીતો રક્તગર્ભઃ પ્રભાકરઃ ।
સુશીલઃ સુભગઃ સ્વક્ષઃ સુમુખઃ સુખદઃ સુખી ॥ 23॥

મહાસુરઃ શિરચ્છેતા પાકશાસન વંદિતઃ ।
શતમૂર્તિ સહસ્રારો હિરણ્ય જ્યોતિરવ્યયઃ ॥ 24॥

મંડલી મંડલાકારઃ ચંદ્રસૂર્યાગ્નિ લોચનઃ ।
પ્રભંજનઃ તીક્ષ્ણધારઃ પ્રશાંતઃ શારદપ્રિયઃ ॥ 25॥

ભક્તપ્રિયો બલિહરો લાવણ્યોલક્ષણપ્રિયઃ ।
વિમલો દુર્લભસ્સોમ્યસ્સુલભો ભીમવિક્રમઃ ॥ 26॥

જિતમન્યુઃ જિતારાતિઃ મહાક્ષો ભૃગુપૂજિતઃ ।
તત્ત્વરૂપઃ તત્ત્વવેદિઃ સર્વતત્વ પ્રતિષ્ઠિતઃ ॥27॥

ભાવજ્ઞો બંધુજનકો દીનબંધુઃ પુરાણવિત્ ।
શસ્ત્રેશો નિર્મતો નેતા નરો નાનાસુરપ્રિયઃ ॥ 28॥

નાભિચક્રો નતામિત્રો નધીશ કરપૂજિતઃ ।
દમનઃ કાલિકઃ કર્મી કાંતઃ કાલાર્થનઃ કવિઃ ॥ 29॥

વસુંધરો વાયુવેગો વરાહો વરુણાલયઃ ।
કમનીયકૃતિઃ કાલઃ કમલાસન સેવિતઃ ।
કૃપાલુઃ કપિલઃ કામી કામિતાર્થ પ્રદાયકઃ ॥ 30॥

ધર્મસેતુર્ધર્મપાલો ધર્મી ધર્મમયઃ પરઃ ।
જ્વાલાજિમ્હઃ શિખામૌળીઃ સુરકાર્ય પ્રવર્તકઃ ॥ 31॥

કલાધરઃ સુરારિઘ્નઃ કોપહા કાલરૂપદૃક્ ।
દાતાઽઽનંદમયો દિવ્યો બ્રહ્મરૂપી પ્રકાશકૃત્ ॥ 32 ।
સર્વયજ્ઞમયો યજ્ઞો યજ્ઞભુક્ યજ્ઞભાવનઃ ।
વહ્નિધ્વજો વહ્નિસખો વંજુળદ્રુમ મૂલકઃ ॥ 33॥

દક્ષહા દાનકારી ચ નરો નારાયણપ્રિયઃ ।
દૈત્યદંડધરો દાંતઃ શુભ્રાંગઃ શુભદાયકઃ ॥ 34॥

લોહિતાક્ષો મહારૌદ્રૌ માયારૂપધરઃ ખગઃ ।
ઉન્નતો ભાનુજઃ સાંગો મહાચક્રઃ પરાક્રમી ॥ 35॥

અગ્નીશોઽગ્નિમયઃ દ્વગ્નિલોચનોગ્નિ સમપ્રભઃ ।
અગ્નિમાનગ્નિરસનો યુદ્ધસેવી રવિપ્રિયઃ ॥ 36॥

આશ્રિત ઘૌઘ વિધ્વંસી નિત્યાનંદ પ્રદાયકઃ ।
અસુરઘ્નો મહાબાહૂર્ભીમકર્મા શુભપ્રદઃ ॥ 37॥

શશાંક પ્રણવાધારઃ સમસ્થાશી વિષાપહઃ ।
તર્કો વિતર્કો વિમલો બિલકો બાદરાયણઃ ॥ 38॥

બદિરગ્નસ્ચક્રવાળઃ ષટ્કોણાંતર્ગતસ્શિખીઃ ।
દૃતધન્વા શોડષાક્ષો દીર્ઘબાહૂર્દરીમુખઃ ॥ 39॥

પ્રસન્નો વામજનકો નિમ્નો નીતિકરઃ શુચિઃ ।
નરભેદિ સિંહરૂપી પુરાધીશઃ પુરંદરઃ ॥ 40॥

રવિસ્તુતો યૂતપાલો યુતપારિસ્સતાંગતિઃ ।
હૃષિકેશો દ્વિત્રમૂર્તિઃ દ્વિરષ્ટાયુદભૃત્ વરઃ ॥ 41॥

દિવાકરો નિશાનાથો દિલીપાર્ચિત વિગ્રહઃ ।
ધન્વંતરિસ્શ્યામળારિર્ભક્તશોક વિનાશકઃ ॥ 42॥

રિપુપ્રાણ હરો જેતા શૂરસ્ચાતુર્ય વિગ્રહઃ ।
વિધાતા સચ્ચિદાનંદસ્સર્વદુષ્ટ નિવારકઃ ॥ 43॥

ઉલ્કો મહોલ્કો રક્તોલ્કસ્સહસ્રોલ્કસ્શતાર્ચિષઃ ।
બુદ્ધો બૌદ્ધહરો બૌદ્ધ જનમોહો બુધાશ્રયઃ ॥ 44 ॥

પૂર્ણબોધઃ પૂર્ણરૂપઃ પૂર્ણકામો મહાદ્યુતિઃ ।
પૂર્ણમંત્રઃ પૂર્ણગાત્રઃ પૂર્ણષાડ્ગુણ્ય વિગ્રહઃ ॥ 45॥

પૂર્ણનેમિઃ પૂર્નનાભિઃ પૂર્ણાશી પૂર્ણમાનસઃ ।
પૂર્ણસારઃ પૂર્ણશક્તિઃ રંગસેવિ રણપ્રિયઃ ॥ 46॥

પૂરિતાશોઽરિષ્ટદાતિ પૂર્ણાર્થઃ પૂર્ણભૂષણઃ ।
પદ્મગર્ભઃ પારિજાતઃ પરમિત્રસ્શરાકૃતિઃ ॥ 47॥

ભૂબૃત્વપુઃ પુણ્યમૂર્તિ ભૂભૃતાં પતિરાશુકઃ ।
ભાગ્યોદયો ભક્તવશ્યો ગિરિજાવલ્લભપ્રિયઃ ॥ 48॥

ગવિષ્ટો ગજમાનીશો ગમનાગમન પ્રિયઃ ।
બ્રહ્મચારિ બંધુમાની સુપ્રતીકસ્સુવિક્રમઃ ॥ 49॥

શંકરાભીષ્ટદો ભવ્યઃ સાચિવ્યસ્સવ્યલક્ષણઃ ।
મહાહંસસ્સુખકરો નાભાગ તનયાર્ચિતઃ ॥ 50॥

કોટિસૂર્યપ્રભો દીપ્તો વિદ્યુત્કોટિ સમપ્રભઃ ।
વજ્રકલ્પો વજ્રસખો વજ્રનિર્ઘાત નિસ્વનઃ ॥ 51॥

ગિરીશો માનદો માન્યો નારાયણ કરાલયઃ ।
અનિરુદ્ધઃ પરામર્ષી ઉપેંદ્રઃ પૂર્ણવિગ્રહઃ ॥ 52॥

આયુધેશસ્શતારિઘ્નઃ શમનઃ શતસૈનિકઃ ।
સર્વાસુર વધોદ્યુક્તઃ સૂર્ય દુર્માન ભેદકઃ ॥ 53॥

રાહુવિપ્લોષકારી ચ કાશીનગર દાહકઃ ।
પીયુષાંશુ પરંજ્યોતિઃ સંપૂર્ણ ક્રતુભુક્ પ્રભુઃ ॥ 54॥

માંધાતૃ વરદસ્શુદ્ધો હરસેવ્યસ્શચીષ્ટદઃ ।
સહિષ્ણુર્બલભુક્ વીરો લોકભૃલ્લોકનાયકઃ ॥55॥

દુર્વાસોમુનિ દર્પઘ્નો જયતો વિજયપ્રિયઃ ।
પુરાધીશોઽસુરારાતિઃ ગોવિંદ કરભૂષણઃ ॥ 56॥

રથરૂપી રથાધીશઃ કાલચક્ર કૃપાનિધિઃ ।
ચક્રરૂપધરો વિષ્ણુઃ સ્થૂલસૂક્ષ્મશ્શિખિપ્રભઃ ॥ 57॥

શરણાગત સંત્રાતા વેતાળારિર્મહાબલઃ ।
જ્ઞાનદો વાક્પતિર્માની મહાવેગો મહામણિઃ ॥ 58॥

વિદ્યુત્ કેશો વિહારેશઃ પદ્મયોનિઃ ચતુર્ભુજઃ ।
કામાત્મા કામદઃ કામી કાલનેમિ શિરોહરઃ ॥ 59॥

શુભ્રસ્શુચીસ્શુનાસીરઃ શુક્રમિત્રઃ શુભાનનઃ ।
વૃષકાયો વૃષારાતિઃ વૃષભેંદ્ર સુપૂજિતઃ ॥ 60॥

વિશ્વંભરો વીતિહોત્રો વીર્યો વિશ્વજનપ્રિયઃ ।
વિશ્વકૃત્ વિશ્વભો વિશ્વહર્તા સાહસકર્મકૃત્ ॥ 61॥

બાણબાહૂહરો જ્યોતિઃ પરાત્મા શોકનાશનઃ ।
વિમલાદિપતિઃ પુણ્યો જ્ઞાતા જ્ઞેયઃ પ્રકાશકઃ ॥ 62॥

મ્લેચ્છ પ્રહારી દુષ્ટઘ્નઃ સૂર્યમંડલમધ્યગઃ ।
દિગંબરો વૃશાદ્રીશો વિવિધાયુધ રૂપકઃ ॥ 63॥

સત્વવાન્ સત્યવાગીશઃ સત્યધર્મ પરાયણઃ ।
રુદ્રપ્રીતિકરો રુદ્ર વરદો રુગ્વિભેદકઃ ॥ 64॥

નારાયણો નક્રભેદી ગજેંદ્ર પરિમોક્ષકઃ ।
ધર્મપ્રિયઃ ષડાધારો વેદાત્મા ગુણસાગરઃ ॥ 65॥

ગદામિત્રઃ પૃથુભુજો રસાતલ વિભેદકઃ ।
તમોવૈરી મહાતેજાઃ મહારાજો મહાતપાઃ ॥ 66॥

સમસ્તારિહરઃ શાંત ક્રૂરો યોગેશ્વરેશ્વરઃ ।
સ્થવિરસ્સ્વર્ણ વર્ણાંગઃ શત્રુસૈન્ય વિનાશકૃત્ ॥ 67॥

પ્રાજ્ઞો વિશ્વતનુત્રાતા શ‍ઋતિસ્મૃતિમયઃ કૃતિ ।
વ્યક્તાવ્યક્ત સ્વરૂપાંસઃ કાલચક્રઃ કલાનિધિઃ ॥ 68॥

મહાધ્યુતિરમેયાત્મા વજ્રનેમિઃ પ્રભાનિધિઃ ।
મહાસ્ફુલિંગ ધારાર્ચિઃ મહાયુદ્ધ કૃતચ્યુતઃ ॥ 69॥

કૃતજ્ઞસ્સહનો વાગ્મી જ્વાલામાલા વિભૂષણઃ ।
ચતુર્મુખનુતઃ શ્રીમાન્ ભ્રાજિષ્ણુર્ભક્તવત્સલઃ ॥ 70॥

ચાતુર્યગમનશ્ચક્રી ચાતુર્વર્ગ પ્રદાયકઃ ।
વિચિત્રમાલ્યાભરણઃ તીક્ષ્ણધારઃ સુરાર્ચિતઃ ॥ 71॥

યુગકૃત્ યુગપાલશ્ચ યુગસંધિર્યુગાંતકૃત્ ।
સુતીક્ષ્ણારગણો ગમ્યો બલિધ્વંસી ત્રિલોકપઃ ॥ 72॥

ત્રિનેત્રસ્ત્રિજગદ્વંધ્યઃ તૃણીકૃત મહાસુરઃ ।
ત્રિકાલજ્ઞસ્ત્રિલોકજ્ઞઃ ત્રિનાભિઃ ત્રિજગત્પ્રિયઃ ॥ 73॥

સર્વયંત્રમયો મંત્રસ્સર્વશત્રુ નિબર્હણઃ ।
સર્વગસ્સર્વવિત્ સૌમ્યસ્સર્વલોકહિતંકરઃ ॥74॥

આદિમૂલઃ સદ્ગુણાઢ્યો વરેણ્યસ્ત્રિગુણાત્મકઃ ।
ધ્યાનગમ્યઃ કલ્મષઘ્નઃ કલિગર્વ પ્રભેદકઃ ॥ 75॥

કમનીય તનુત્રાણઃ કુંડલી મંડિતાનનઃ ।
સુકુંઠીકૃત ચંડેશઃ સુસંત્રસ્થ ષડાનનઃ ॥ 76॥

વિષાધીકૃત વિઘ્નેશો વિગતાનંદ નંદિકઃ ।
મથિત પ્રમથવ્યૂહઃ પ્રણત પ્રમદાધિપઃ ॥ 77॥

પ્રાણભિક્ષા પ્રદોઽનંતો લોકસાક્ષી મહાસ્વનઃ ।
મેધાવી શાશ્વથોઽક્રૂરઃ ક્રૂરકર્માઽપરાજિતઃ ॥ 78॥

અરી દૃષ્ટોઽપ્રમેયાત્મા સુંદરશ્શત્રુતાપનઃ ।
યોગ યોગીશ્વરાધીશો ભક્તાભીષ્ટ પ્રપૂરકઃ ॥ 79॥

સર્વકામપ્રદોઽચિંત્યઃ શુભાંગઃ કુલવર્ધનઃ ।
નિર્વિકારોઽંતરૂપો નરનારાયણપ્રિયઃ ॥ 80॥

મંત્ર યંત્ર સ્વરૂપાત્મા પરમંત્ર પ્રભેદકઃ ।
ભૂતવેતાળ વિધ્વંસી ચંડ કૂષ્માંડ ખંડનઃ ॥ 81॥

યક્ષ રક્ષોગણ ધ્વંસી મહાકૃત્યા પ્રદાહકઃ ।
સકલીકૃત મારીચઃ ભૈરવ ગ્રહ ભેદકઃ ॥ 82॥

ચૂર્ણિકૃત મહાભૂતઃ કબલીકૃત દુર્ગ્રહઃ ।
સુદુર્ગ્રહો જંભભેદી સૂચીમુખ નિષૂદનઃ ॥ 83॥

વૃકોદરબલોદ્ધર્ત્તા પુરંદર બલાનુગઃ ।
અપ્રમેય બલઃ સ્વામી ભક્તપ્રીતિ વિવર્ધનઃ ॥ 84॥

મહાભૂતેશ્વરશ્શૂરો નિત્યસ્શારદવિગ્રહઃ ।
ધર્માધ્યક્ષો વિધર્મઘ્નઃ સુધર્મસ્થાપકશ્શિવઃ ॥ 85॥

વિધૂમજ્વલનો ભાનુર્ભાનુમાન્ ભાસ્વતાં પતિઃ ।
જગન્મોહન પાટીરસ્સર્વોપદ્રવ શોધકઃ ॥ 86॥

કુલિશાભરણો જ્વાલાવૃતસ્સૌભાગ્ય વર્ધનઃ ।
ગ્રહપ્રધ્વંસકઃ સ્વાત્મરક્ષકો ધારણાત્મકઃ ॥ 87॥

સંતાપનો વજ્રસારસ્સુમેધાઽમૃત સાગરઃ ।
સંતાન પંજરો બાણતાટંકો વજ્રમાલિકઃ ॥ 88॥

મેખાલગ્નિશિખો વજ્ર પંજરસ્સસુરાંકુશઃ ।
સર્વરોગ પ્રશમનો ગાંધર્વ વિશિખાકૃતિઃ ॥ 89॥

પ્રમોહ મંડલો ભૂત ગ્રહ શ‍ઋંખલ કર્મકૃત્ ।
કલાવૃતો મહાશંખુ ધારણસ્શલ્ય ચંદ્રિકઃ ॥ 90॥

છેદનો ધારકસ્શલ્ય ક્ષૂત્રોન્મૂલન તત્પરઃ ।
બંધનાવરણસ્શલ્ય કૃંતનો વજ્રકીલકઃ ॥ 91॥

પ્રતીકબંધનો જ્વાલા મંડલસ્શસ્ત્રધારણઃ ।
ઇંદ્રાક્ષીમાલિકઃ કૃત્યા દંડસ્ચિત્તપ્રભેદકઃ ॥ 92॥

ગ્રહ વાગુરિકસ્સર્વ બંધનો વજ્રભેદકઃ ।
લઘુસંતાન સંકલ્પો બદ્ધગ્રહ વિમોચનઃ ॥ 93॥

મૌલિકાંચન સંધાતા વિપક્ષ મતભેદકઃ ।
દિગ્બંધન કરસ્સૂચી મુખાગ્નિસ્ચિત્તપાતકઃ ॥ 94॥

ચોરાગ્નિ મંડલાકારઃ પરકંકાળ મર્દનઃ ।
તાંત્રીકસ્શત્રુવંશઘ્નો નાનાનિગળ મોચનઃ ॥ 95॥

સમસ્થલોક સારંગઃ સુમહા વિષદૂષણઃ ।
સુમહા મેરુકોદંડઃ સર્વ વશ્યકરેશ્વરઃ ॥ 96॥

નિખિલાકર્ષણપટુઃ સર્વ સમ્મોહ કર્મકૃત્ ।
સંસ્થંબન કરઃ સર્વ ભૂતોચ્ચાટન તત્પરઃ ॥ 97॥

અહિતામય કારી ચ દ્વિષન્મારણ કારકઃ ।
એકાયન ગદામિત્ર વિદ્વેષણ પરાયણઃ ॥ 98॥

સર્વાર્થ સિદ્ધિદો દાતા વિધાતા વિશ્વપાલકઃ ।
વિરૂપાક્ષો મહાવક્ષાઃ વરિષ્ટો માધવપ્રિયઃ ॥ 99॥

અમિત્રકર્શન શાંતઃ પ્રશાંતઃ પ્રણતાર્તિહા ।
રમણીયો રણોત્સાહો રક્તાક્ષો રણપંડિતઃ ॥ 100॥

રણાંતકૃત્ રતાકારઃ રતાંગો રવિપૂજિતઃ ।
વીરહા વિવિધાકારઃ વરુણારાધિતો વશીઃ ।
સર્વ શત્રુ વધાકાંક્ષી શક્તિમાન્ ભક્તમાનદઃ ॥ 101॥

સર્વલોકધરઃ પુણ્યઃ પુરુષઃ પુરુષોત્તમઃ ।
પુરાણઃ પુંડરીકાક્ષઃ પરમર્મ પ્રભેદકઃ ॥ 102॥

વીરાસનગતો વર્મી સર્વાધારો નિરંકુશઃ ।
જગત્રક્ષો જગન્મૂર્તિઃ જગદાનંદ વર્ધનઃ ॥ 103॥

શારદઃ શકટારાતિઃ શંકરસ્શકટાકૃતિઃ ।
વિરક્તો રક્તવર્ણાઢ્યો રામસાયક રૂપદૃત્ ॥ 104॥

મહાવરાહ્ દંષ્ટ્રાત્મા નૃસિંહ નગરાત્મકઃ ।
સમદૃઙ્મોક્ષદો વંધ્યો વિહારી વીતકલ્મષઃ ॥ 105॥

ગંભીરો ગર્ભગો ગોપ્તા ગભસ્તિર્ગુહ્યગોગુરુઃ ।
શ્રીધરઃ શ્રીરતસ્શ્રાંતઃ શત્રુઘ્નસ્શ‍ઋતિગોચરઃ ॥ 106॥

પુરાણો વિતતો વીરઃ પવિત્રસ્ચરણાહ્વયઃ ।
મહાધીરો મહાવીર્યો મહાબલ પરાક્રમઃ ॥ 107॥

સુવિગ્રહો વિગ્રહઘ્નઃ સુમાની માનદાયકઃ ।
માયી માયાપહો મંત્રી માન્યો માનવિવર્ધનઃ ॥ 108॥

શત્રુસંહારકસ્શૂરઃ શુક્રારિશ્શંકરાર્ચિતઃ ।
સર્વાધારઃ પરંજ્યોતિઃ પ્રાણઃ પ્રાણભૃતચ્યુતઃ ॥ 109॥

ચંદ્રધામાઽપ્રતિદ્વંદઃ પરમાત્મા સુદુર્ગમઃ ।
વિશુદ્ધાત્મા મહાતેજાઃ પુણ્યશ્લોકઃ પુરાણવિત્ ॥ 110॥

સમસ્થ જગદાધારો વિજેતા વિક્રમઃ ક્રમઃ ।
આદિદેવો ધ્રુવો દૃશ્યઃ સાત્ત્વિકઃ પ્રીતિવર્ધનઃ ॥ 111॥

સર્વલોકાશ્રયસ્સેવ્યઃ સર્વાત્મા વંશવર્ધનઃ ।
દુરાધર્ષઃ પ્રકાશાત્મા સર્વદૃક્ સર્વવિત્સમઃ ॥ 112॥

સદ્ગતિસ્સત્વસંપન્નઃ નિત્યસંકલ્પ કલ્પકઃ ।
વર્ણી વાચસ્પતિર્વાગ્મી મહાશક્તિઃ કલાનિધિઃ ॥ 113॥

અંતરિક્ષગતિઃ કલ્યઃ કલિકાલુષ્ય મોચનઃ ।
સત્યધર્મઃ પ્રસન્નાત્મા પ્રકૃષ્ટો વ્યોમવાહનઃ ॥ 114॥

શિતધારસ્શિખિ રૌદ્રો ભદ્રો રુદ્રસુપૂજિતઃ ।
દરિમુખાગ્નિજંભઘ્નો વીરહા વાસવપ્રિયઃ ॥ 115॥

દુસ્તરસ્સુદુરારોહો દુર્જ્ઞેયો દુષ્ટનિગ્રહઃ ।
ભૂતાવાસો ભૂતહંતા ભૂતેશો ભૂતભાવનઃ ॥ 116॥

ભાવજ્ઞો ભવરોગઘ્નો મનોવેગી મહાભુજઃ ।
સર્વદેવમયઃ કાંતઃ સ્મૃતિમાન્ સર્વપાવનઃ ॥ 117॥

નીતિમન્ સર્વજિત્ સૌમ્યો મહર્ષીરપરાજિતઃ ।
રુદ્રાંબરીષ વરદો જિતમાયઃ પુરાતનઃ ॥ 118॥

અધ્યાત્મ નિલયો ભોક્તા સંપૂર્ણસ્સર્વકામદઃ ।
સત્યોઽક્ષરો ગભીરાત્મા વિશ્વભર્તા મરીચિમાન્ ॥ 119॥

નિરંજનો જિતભ્રાંશુઃ અગ્નિગર્ભોઽગ્નિ ગોચરઃ ।
સર્વજિત્ સંભવો વિષ્ણુઃ પૂજ્યો મંત્રવિતક્રિયઃ ॥ 120॥

શતાવર્ત્તઃ કલાનાથઃ કાલઃ કાલમયો હરિઃ ।
અરૂપો રૂપસંપન્નો વિશ્વરૂપો વિરૂપકૃત્ ॥ 121॥

સ્વામ્યાત્મા સમરશ્લાઘી સુવ્રતો વિજયાંવિતઃ ।
ચંડ્ઘ્નસ્ચંડકિરણઃ ચતુરસ્ચારણપ્રિયઃ ॥ 122॥

પુણ્યકીર્તિઃ પરામર્ષી નૃસિંહો નાભિમધ્યગઃ ।
યજ્ઞાત્મ યજ્ઞસંકલ્પો યજ્ઞકેતુર્મહેશ્વરઃ ॥ 123॥

જિતારિર્યજ્ઞનિલયશ્શરણ્યશ્શકટાકૃતિઃ ।
ઉત્ત્મોઽનુત્ત્મોનંગસ્સાંગસ્સર્વાંગ શોભનઃ ॥ 124॥

કાલાગ્નિઃ કાલનેમિઘ્નઃ કામિ કારુણ્યસાગરઃ ।
રમાનંદકરો રામો રજનીશાંતરસ્થિતઃ ॥ 125॥

સંવર્ધન સમરાંવેષી દ્વિષત્પ્રાણ પરિગ્રહઃ ।
મહાભિમાની સંધાતા સર્વાધીશો મહાગુરુઃ ॥ 126
સિદ્ધઃ સર્વજગદ્યોનિઃ સિદ્ધાર્થસ્સર્વસિદ્ધિદઃ ।
ચતુર્વેદમયશ્શાસ્થા સર્વશાસ્ત્ર વિશારદઃ ॥ 127 ॥

તિરસ્કૃતાર્ક તેજસ્કો ભાસ્કરારાધિતશ્શુભઃ ।
વ્યાપી વિશ્વંભરો વ્યગ્રઃ સ્વયંજ્યોતિરનંતકૃત્ ॥ 128॥

જયશીલો જયાકાંક્ષી જાતવેદો જયપ્રદઃ ।
કવિઃ કલ્યાણદઃ કામ્યો મોક્ષદો મોહનાકૃતિઃ ॥ 129॥

કુંકુમારુણ સર્વાંગ કમલાક્ષઃ કવીશ્વરઃ ।
સુવિક્રમો નિષ્કળંકો વિશ્વક્સેનો વિહારકૃત્ ॥ 130॥

કદંબાસુર વિધ્વંસી કેતનગ્રહ દાહકઃ ।
જુગુપ્સાગ્નસ્તીક્ષ્ણધારો વૈકુંઠ ભુજવાસકૃત્ ॥ 131॥

સારજ્ઞઃ કરુણામૂર્તિઃ વૈષ્ણવો વિષ્ણુભક્તિદઃ ।
સુક્રુતજ્ઞો મહોદારો દુષ્કૃતઘ્નસ્સુવિગ્રહઃ ॥ 132॥

સર્વાભીષ્ટ પ્રદોઽંતો નિત્યાનંદો ગુણાકરઃ ।
ચક્રી કુંદધરઃ ખડ્ગી પરશ્વત ધરોઽગ્નિભૃત્ ॥ 133॥

દૃતાંકુશો દંડધરઃ શક્તિહસ્થસ્સુશંખભ્રુત્ ।
ધન્વી દૃતમહાપાશો હલિ મુસલભૂષણઃ ॥ 134॥

ગદાયુધધરો વજ્રી મહાશૂલ લસત્ભુજઃ ।
સમસ્તાયુધ સંપૂર્ણસ્સુદર્શન મહાપ્રભુઃ ॥ 135॥

॥ ફલશ‍ઋતિઃ ॥

ઇતિ સૌદર્શનં દિવ્યં ગુહ્યં નામસહસ્રકમ્ ।
સર્વસિદ્ધિકરં સર્વ યંત્ર મંત્રાત્મકં પરમ્ ॥ 136॥

એતન્નામ સહસ્રં તુ નિત્યં યઃ પઠેત્ સુધીઃ ।
શ‍ઋણોતિ વા શ્રાવયતિ તસ્ય સિદ્ધિઃ કરસ્તિતા ॥ 137॥

દૈત્યાનાં દેવશત્રૂણાં દુર્જયાનાં મહૌજસામ્ ।
વિનાશાર્થમિદં દેવિ હરો રાસાધિતં મયા ॥ 138॥

શત્રુસંહારકમિદં સર્વદા જયવર્ધનમ્ ।
જલ શૈલ મહારણ્ય દુર્ગમેષુ મહાપતિ ॥ 139॥

ભયંકરેષુ શાપત્સુ સંપ્રાપ્તેષુ મહત્સુચ ।
યસ્સકૃત્ પઠનં કુર્યાત્ તસ્ય નૈવ ભવેત્ ભયમ્ ॥ 140॥

બ્રહ્મઘ્નશ્ચ પશુઘ્નશ્ચ માતાપિતૄ વિનિંદકઃ ।
દેવાનાં દૂષકશ્ચાપિ ગુરુતલ્પગતોઽપિ વા ॥ 141॥

જપ્ત્વા સકૃતિદં સ્તોત્રં મુચ્યતે સર્વકિલ્બિષૈઃ ।
તિષ્ઠન્ ગચ્છન્ સ્વપન્ ભુંજન્ જાગ્રન્નપિ હસન્નપિ ॥ 142॥

સુદર્શન નૃસિંહેતિ યો વદેત્તુ સકૃન્નરઃ ।
સ વૈ ન લિપ્યતે પાપૈઃ ભુક્તિં મુક્તિં ચ વિંદતિ ॥ 143॥

આદયો વ્યાદયસ્સર્વે રોગા રોગાદિદેવતાઃ ।
શીઘ્રં નશ્યંતિ તે સર્વે પઠનાત્તસ્ય વૈ નૃણામ્ ॥ 144॥

બહૂનાત્ર કિમુક્તેન જપ્ત્વેદં મંત્ર પુષ્કલમ્ ।
યત્ર મર્ત્યશ્ચરેત્ તત્ર રક્ષતિ શ્રીસુદર્શનઃ ॥ 145॥

ઇતિ શ્રી વિહગેશ્વર ઉત્તરખંડે ઉમામહેશ્વરસંવાદે
મંત્રવિધાને શ્રી સુદર્શન સહસ્રનામ સ્તોત્રં નામ
ષોડશ પ્રકાશઃ ॥