શ્રી શ્રીશૈલ મલ્લિકાર્જુન સુપ્રભાતમ્

પ્રાતસ્સ્મરામિ ગણનાથમનાથબંધું
સિંદૂરપૂરપરિશોભિતગંડયુગ્મમ્ ।
ઉદ્દંડવિઘ્નપરિખંડનચંડદંડ-
માખંડલાદિસુરનાયકવૃંદવંદ્યમ્ ॥ 1॥

કલાભ્યાં ચૂડાલંકૃતશશિકલાભ્યાં નિજતપઃ
ફલાભ્યાં ભક્તેષુ પ્રકટિતફલાભ્યાં ભવતુ મે ।
શિવાભ્યામાસ્તીકત્રિભુવનશિવાભ્યાં હૃદિ પુન-
ર્ભવાભ્યામાનંદસ્ફુરદનુભવાભ્યાં નતિરિયમ્ ॥ 2॥

નમસ્તે નમસ્તે મહાદેવ! શંભો!
નમસ્તે નમસ્તે દયાપૂર્ણસિંધો!
નમસ્તે નમસ્તે પ્રપન્નાત્મબંધો!
નમસ્તે નમસ્તે નમસ્તે મહેશ ॥ 3॥

શશ્વચ્છ્રીગિરિમૂર્ધનિ ત્રિજગતાં રક્ષાકૃતૌ લક્ષિતાં
સાક્ષાદક્ષતસત્કટાક્ષસરણિશ્રીમત્સુધાવર્ષિણીમ્ ।
સોમાર્ધાંકિતમસ્તકાં પ્રણમતાં નિસ્સીમસંપત્પ્રદાં
સુશ્લોકાં ભ્રમરાંબિકાં સ્મિતમુખીં શંભોસ્સખીં ત્વાં સ્તુમઃ ॥ 4॥

માતઃ! પ્રસીદ, સદયા ભવ, ભવ્યશીલે !
લીલાલવાકુલિતદૈત્યકુલાપહારે !
શ્રીચક્રરાજનિલયે ! શ્રુતિગીતકીર્તે !
શ્રીશૈલનાથદયિતે ! તવ સુપ્રભાતમ્ ॥ 5॥

શંભો ! સુરેંદ્રનુત ! શંકર ! શૂલપાણે !
ચંદ્રાવતંસ ! શિવ ! શર્વ ! પિનાકપાણે !
ગંગાધર ! ક્રતુપતે ! ગરુડધ્વજાપ્ત !
શ્રીમલ્લિકાર્જુન વિભો ! તવ સુપ્રભાતમ્ ॥ 6॥

વિશ્વેશ ! વિશ્વજનસેવિત ! વિશ્વમૂર્તે !
વિશ્વંભર ! ત્રિપુરભેદન ! વિશ્વયોને !
ફાલાક્ષ ! ભવ્યગુણ ! ભોગિવિભૂષણેશ !
શ્રીમલ્લિકાર્જુન વિભો ! તવ સુપ્રભાતમ્ ॥ 7॥

કલ્યાણરૂપ ! કરુણાકર ! કાલકંઠ !
કલ્પદ્રુમપ્રસવપૂજિત ! કામદાયિન્ !
દુર્નીતિદૈત્યદલનોદ્યત ! દેવ દેવ !
શ્રીમલ્લિકાર્જુન વિભો ! તવ સુપ્રભાતમ્ ॥ 8॥

ગૌરીમનોહર ! ગણેશ્વરસેવિતાંઘ્રે !
ગંધર્વયક્ષસુરકિન્નરગીતકીર્તે !
ગંડાવલંબિફણિકુંડલમંડિતાસ્ય !
શ્રીમલ્લિકાર્જુન વિભો ! તવ સુપ્રભાતમ્ ॥ 9॥

નાગેંદ્રભૂષણ ! નિરીહિત ! નિર્વિકાર !
નિર્માય ! નિશ્ચલ ! નિરર્ગલ ! નાગભેદિન્ ।
નારાયણીપ્રિય ! નતેષ્ટદ ! નિર્મલાત્મન્ !
શ્રીપર્વતાધિપ ! વિભો ! તવ સુપ્રભાતમ્ ॥ 10॥

સૃષ્ટં ત્વયૈવ જગદેતદશેષમીશ !
રક્ષાવિધિશ્ચ વિધિગોચર ! તાવકીનઃ ।
સંહારશક્તિરપિ શંકર ! કિંકરી તે
શ્રીશૈલશેખર વિભો ! તવ સુપ્રભાતમ્ ॥ 11॥

એકસ્ત્વમેવ બહુધા ભવ ! ભાસિ લોકે
નિશ્શંકધીર્વૃષભકેતન ! મલ્લિનાથ !
શ્રીભ્રામરીપ્રય ! સુખાશ્રય ! લોકનાથ !
શ્રીશૈલશેખર વિભો ! તવ સુપ્રભાતમ્ ॥ 12॥

પાતાલગાંગજલમજ્જનનિર્મલાંગાઃ
ભસ્મત્રિપુંડ્રસમલંકૃતફાલભાગાઃ ।
ગાયંતિ દેવમુનિભક્તજના ભવંતં
શ્રીમલ્લિકાર્જુન વિભો ! તવ સુપ્રભાતમ્ ॥ 13॥

સારસ્વતાંબુયુતભોગવતીશ્રિતાયાઃ
બ્રહ્મેશવિષ્ણુગિરિચુંબિતકૃષ્ણવેણ્યાઃ ।
સોપાનમાર્ગમધિરુહ્ય ભજંતિ ભક્તાઃ
શ્રીમલ્લિકાર્જુન વિભો ! તવ સુપ્રભાતમ્ ॥ 14॥

શ્રીમલ્લિકાર્જુનમહેશ્વરસુપ્રભાત-
સ્તોત્રં પઠંતિ ભુવિ યે મનુજાઃ પ્રભાતે ।
તે સર્વ સૌખ્યમનુભૂય પરાનવાપ્યં
શ્રીશાંભવં પદમવાપ્ય મુદં લભંતે ॥ 15॥

ઇતિ શ્રીમલ્લિકાર્જુનસુપ્રભાતં સંપૂર્ણમ્ ।