શ્રી રુદ્ર કવચમ્

ઓં અસ્ય શ્રી રુદ્ર કવચસ્તોત્ર મહામંત્રસ્ય દૂર્વાસૃષિઃ અનુષ્ઠુપ્ છંદઃ ત્ર્યંબક રુદ્રો દેવતા હ્રાં બીજં શ્રીં શક્તિઃ હ્રીં કીલકં મમ મનસોઽભીષ્ટસિદ્ધ્યર્થે જપે વિનિયોગઃ ।
હ્રામિત્યાદિ ષડ્બીજૈઃ ષડંગન્યાસઃ ॥

ધ્યાનમ્ ।
શાંતં પદ્માસનસ્થં શશિધરમકુટં પંચવક્ત્રં ત્રિનેત્રં
શૂલં વજ્રં ચ ખડ્ગં પરશુમભયદં દક્ષભાગે વહંતમ્ ।
નાગં પાશં ચ ઘંટાં પ્રળય હુતવહં સાંકુશં વામભાગે
નાનાલંકારયુક્તં સ્ફટિકમણિનિભં પાર્વતીશં નમામિ ॥

દૂર્વાસ ઉવાચ ।
પ્રણમ્ય શિરસા દેવં સ્વયંભું પરમેશ્વરમ્ ।
એકં સર્વગતં દેવં સર્વદેવમયં વિભુમ્ ॥ 1 ॥

રુદ્ર વર્મ પ્રવક્ષ્યામિ અંગ પ્રાણસ્ય રક્ષયે ।
અહોરાત્રમયં દેવં રક્ષાર્થં નિર્મિતં પુરા ॥ 2 ॥

રુદ્રો મે ચાગ્રતઃ પાતુ પાતુ પાર્શ્વૌ હરસ્તથા ।
શિરો મે ઈશ્વરઃ પાતુ લલાટં નીલલોહિતઃ ॥ 3 ॥

નેત્રયોસ્ત્ર્યંબકઃ પાતુ મુખં પાતુ મહેશ્વરઃ ।
કર્ણયોઃ પાતુ મે શંભુઃ નાસિકાયાં સદાશિવઃ ॥ 4 ॥

વાગીશઃ પાતુ મે જિહ્વાં ઓષ્ઠૌ પાત્વંબિકાપતિઃ ।
શ્રીકંઠઃ પાતુ મે ગ્રીવાં બાહૂંશ્ચૈવ પિનાકધૃત્ ॥ 5 ॥

હૃદયં મે મહાદેવઃ ઈશ્વરોવ્યાત્ સ્તનાંતરમ્ ।
નાભિં કટિં ચ વક્ષશ્ચ પાતુ સર્વં ઉમાપતિઃ ॥ 6 ॥

બાહુમધ્યાંતરં ચૈવ સૂક્ષ્મરૂપઃ સદાશિવઃ ।
સ્વરં રક્ષતુ સર્વેશો ગાત્રાણિ ચ યથા ક્રમમ્ ॥ 7 ॥

વજ્રશક્તિધરં ચૈવ પાશાંકુશધરં તથા ।
ગંડશૂલધરં નિત્યં રક્ષતુ ત્રિદશેશ્વરઃ ॥ 8 ॥

પ્રસ્થાનેષુ પદે ચૈવ વૃક્ષમૂલે નદીતટે ।
સંધ્યાયાં રાજભવને વિરૂપાક્ષસ્તુ પાતુ મામ્ ॥ 9 ॥

શીતોષ્ણાદથ કાલેષુ તુહિ ન દ્રુમકંટકે ।
નિર્મનુષ્યેઽસમે માર્ગે ત્રાહિ માં વૃષભધ્વજ ॥ 10 ॥

ઇત્યેતદ્રુદ્રકવચં પવિત્રં પાપનાશનમ્ ।
મહાદેવપ્રસાદેન દૂર્વાસો મુનિકલ્પિતમ્ ॥ 11 ॥

મમાખ્યાતં સમાસેન ન ભયં વિંદતિ ક્વચિત્ ।
પ્રાપ્નોતિ પરમારોગ્યં પુણ્યમાયુષ્યવર્ધનમ્ ॥ 12 ॥

વિદ્યાર્થી લભતે વિદ્યાં ધનાર્થી લભતે ધનમ્ ।
કન્યાર્થી લભતે કન્યાં ન ભયં વિંદતે ક્વચિત્ ॥ 13 ॥

અપુત્રો લભતે પુત્રં મોક્ષાર્થી મોક્ષમાપ્નુયાત્ ।
ત્રાહિ ત્રાહિ મહાદેવ ત્રાહિ ત્રાહિ ત્રયીમય ॥ 14 ॥

ત્રાહિ માં પાર્વતીનાથ ત્રાહિ માં ત્રિપુરંતક ।
પાશં ખટ્વાંગ દિવ્યાસ્ત્રં ત્રિશૂલં રુદ્રમેવ ચ ॥ 15 ॥

નમસ્કરોમિ દેવેશ ત્રાહિ માં જગદીશ્વર ।
શત્રુમધ્યે સભામધ્યે ગ્રામમધ્યે ગૃહાંતરે ॥ 16 ॥

ગમનાગમને ચૈવ ત્રાહિ માં ભક્તવત્સલ ।
ત્વં ચિત્તં ત્વં માનસં ચ ત્વં બુદ્ધિસ્ત્વં પરાયણમ્ ॥ 17 ॥

કર્મણા મનસા ચૈવ ત્વં બુદ્ધિશ્ચ યથા સદા ।
જ્વરભયં છિંદિ સર્વજ્વરભયં છિંદિ ગ્રહભયં છિંદિ ॥ 18 ॥

સર્વશત્રૂન્નિવર્ત્યાપિ સર્વવ્યાધિનિવારણમ્ ।
રુદ્રલોકં સ ગચ્છતિ રુદ્રલોકં સગચ્છત્યોન્નમ ઇતિ ॥ 19 ॥

ઇતિ સ્કંદપુરાણે દૂર્વાસ પ્રોક્તં શ્રી રુદ્રકવચમ્ ॥