શ્રી રામ આપદુદ્ધારક સ્તોત્રમ્

આપદામપહર્તારં દાતારં સર્વસંપદામ્ ।
લોકાભિરામં શ્રીરામં ભૂયો ભૂયો નમામ્યહમ્ ॥

નમઃ કોદંડહસ્તાય સંધીકૃતશરાય ચ ।
દંડિતાખિલદૈત્યાય રામાયાપન્નિવારિણે ॥ 1 ॥

આપન્નજનરક્ષૈકદીક્ષાયામિતતેજસે ।
નમોઽસ્તુ વિષ્ણવે તુભ્યં રામાયાપન્નિવારિણે ॥ 2 ॥

પદાંભોજરજસ્સ્પર્શપવિત્રમુનિયોષિતે ।
નમોઽસ્તુ સીતાપતયે રામાયાપન્નિવારિણે ॥ 3 ॥

દાનવેંદ્રમહામત્તગજપંચાસ્યરૂપિણે ।
નમોઽસ્તુ રઘુનાથાય રામાયાપન્નિવારિણે ॥ 4 ॥

મહિજાકુચસંલગ્નકુંકુમારુણવક્ષસે ।
નમઃ કલ્યાણરૂપાય રામાયાપન્નિવારિણે ॥ 5 ॥

પદ્મસંભવ ભૂતેશ મુનિસંસ્તુતકીર્તયે ।
નમો માર્તાંડવંશ્યાય રામાયાપન્નિવારિણે ॥ 6 ॥

હરત્યાર્તિં ચ લોકાનાં યો વા મધુનિષૂદનઃ ।
નમોઽસ્તુ હરયે તુભ્યં રામાયાપન્નિવારિણે ॥ 7 ॥

તાપકારણસંસારગજસિંહસ્વરૂપિણે ।
નમો વેદાંતવેદ્યાય રામાયાપન્નિવારિણે ॥ 8 ॥

રંગત્તરંગજલધિગર્વહૃચ્છરધારિણે ।
નમઃ પ્રતાપરૂપાય રામાયાપન્નિવારિણે ॥ 9 ॥

દારોપહિતચંદ્રાવતંસધ્યાતસ્વમૂર્તયે ।
નમઃ સત્યસ્વરૂપાય રામાયાપન્નિવારિણે ॥ 10 ॥

તારાનાયકસંકાશવદનાય મહૌજસે ।
નમોઽસ્તુ તાટકાહંત્રે રામાયાપન્નિવારિણે ॥ 11 ॥

રમ્યસાનુલસચ્ચિત્રકૂટાશ્રમવિહારિણે ।
નમઃ સૌમિત્રિસેવ્યાય રામાયાપન્નિવારિણે ॥ 12 ॥

સર્વદેવહિતાસક્ત દશાનનવિનાશિને ।
નમોઽસ્તુ દુઃખધ્વંસાય રામાયાપન્નિવારિણે ॥ 13 ॥

રત્નસાનુનિવાસૈક વંદ્યપાદાંબુજાય ચ ।
નમસ્ત્રૈલોક્યનાથાય રામાયાપન્નિવારિણે ॥ 14 ॥

સંસારબંધમોક્ષૈકહેતુધામપ્રકાશિને ।
નમઃ કલુષસંહર્ત્રે રામાયાપન્નિવારિણે ॥ 15 ॥

પવનાશુગ સંક્ષિપ્ત મારીચાદિ સુરારયે ।
નમો મખપરિત્રાત્રે રામાયાપન્નિવારિણે ॥ 16 ॥

દાંભિકેતરભક્તૌઘમહદાનંદદાયિને ।
નમઃ કમલનેત્રાય રામાયાપન્નિવારિણે ॥ 17 ॥

લોકત્રયોદ્વેગકર કુંભકર્ણશિરશ્છિદે ।
નમો નીરદદેહાય રામાયાપન્નિવારિણે ॥ 18 ॥

કાકાસુરૈકનયનહરલ્લીલાસ્ત્રધારિણે ।
નમો ભક્તૈકવેદ્યાય રામાયાપન્નિવારિણે ॥ 19 ॥

ભિક્ષુરૂપસમાક્રાંત બલિસર્વૈકસંપદે ।
નમો વામનરૂપાય રામાયાપન્નિવારિણે ॥ 20 ॥

રાજીવનેત્રસુસ્પંદ રુચિરાંગસુરોચિષે ।
નમઃ કૈવલ્યનિધયે રામાયાપન્નિવારિણે ॥ 21 ॥

મંદમારુતસંવીત મંદારદ્રુમવાસિને ।
નમઃ પલ્લવપાદાય રામાયાપન્નિવારિણે ॥ 22 ॥

શ્રીકંઠચાપદળનધુરીણબલબાહવે ।
નમઃ સીતાનુષક્તાય રામાયાપન્નિવારિણે ॥ 23 ॥

રાજરાજસુહૃદ્યોષાર્ચિત મંગળમૂર્તયે ।
નમ ઇક્ષ્વાકુવંશ્યાય રામાયાપન્નિવારિણે ॥ 24 ॥

મંજુલાદર્શવિપ્રેક્ષણોત્સુકૈકવિલાસિને ।
નમઃ પાલિતભક્તાય રામાયાપન્નિવારિણે ॥ 25 ॥

ભૂરિભૂધર કોદંડમૂર્તિ ધ્યેયસ્વરૂપિણે ।
નમોઽસ્તુ તેજોનિધયે રામાયાપન્નિવારિણે ॥ 26 ॥

યોગીંદ્રહૃત્સરોજાતમધુપાય મહાત્મને ।
નમો રાજાધિરાજાય રામાયાપન્નિવારિણે ॥ 27 ॥

ભૂવરાહસ્વરૂપાય નમો ભૂરિપ્રદાયિને ।
નમો હિરણ્યગર્ભાય રામાયાપન્નિવારિણે ॥ 28 ॥

યોષાંજલિવિનિર્મુક્ત લાજાંચિતવપુષ્મતે ।
નમઃ સૌંદર્યનિધયે રામાયાપન્નિવારિણે ॥ 29 ॥

નખકોટિવિનિર્ભિન્નદૈત્યાધિપતિવક્ષસે ।
નમો નૃસિંહરૂપાય રામાયાપન્નિવારિણે ॥ 30 ॥

માયામાનુષદેહાય વેદોદ્ધરણહેતવે ।
નમોઽસ્તુ મત્સ્યરૂપાય રામાયાપન્નિવારિણે ॥ 31 ॥

મિતિશૂન્ય મહાદિવ્યમહિમ્ને માનિતાત્મને ।
નમો બ્રહ્મસ્વરૂપાય રામાયાપન્નિવારિણે ॥ 32 ॥

અહંકારેતરજન સ્વાંતસૌધવિહારિણે ।
નમોઽસ્તુ ચિત્સ્વરૂપાય રામાયાપન્નિવારિણે ॥ 33 ॥

સીતાલક્ષ્મણસંશોભિપાર્શ્વાય પરમાત્મને ।
નમઃ પટ્ટાભિષિક્તાય રામાયાપન્નિવારિણે ॥ 34 ॥

અગ્રતઃ પૃષ્ઠતશ્ચૈવ પાર્શ્વતશ્ચ મહાબલૌ ।
આકર્ણપૂર્ણધન્વાનૌ રક્ષેતાં રામલક્ષ્મણૌ ॥ 35 ॥

સન્નદ્ધઃ કવચી ખડ્ગી ચાપબાણધરો યુવા ।
તિષ્ઠન્મમાગ્રતો નિત્યં રામઃ પાતુ સલક્ષ્મણઃ ॥ 36 ॥

આપદામપહર્તારં દાતારં સર્વસંપદામ્ ।
લોકાભિરામં શ્રીરામં ભૂયો ભૂયો નમામ્યહમ્ ॥

ફલશ્રુતિ
ઇમં સ્તવં ભગવતઃ પઠેદ્યઃ પ્રીતમાનસઃ ।
પ્રભાતે વા પ્રદોષે વા રામસ્ય પરમાત્મનઃ ॥ 1 ॥

સ તુ તીર્ત્વા ભવાંબોધિમાપદસ્સકલાનપિ ।
રામસાયુજ્યમાપ્નોતિ દેવદેવપ્રસાદતઃ ॥ 2 ॥

કારાગૃહાદિબાધાસુ સંપ્રાપ્તે બહુસંકટે ।
આપન્નિવારકસ્તોત્રં પઠેદ્યસ્તુ યથાવિધિઃ ॥ 3 ॥

સંયોજ્યાનુષ્ટુભં મંત્રમનુશ્લોકં સ્મરન્વિભુમ્ ।
સપ્તાહાત્સર્વબાધાભ્યો મુચ્યતે નાત્ર સંશયઃ ॥ 4 ॥

દ્વાત્રિંશદ્વારજપતઃ પ્રત્યહં તુ દૃઢવ્રતઃ ।
વૈશાખે ભાનુમાલોક્ય પ્રત્યહં શતસંખ્યયા ॥ 5 ॥

ધનવાન્ ધનદપ્રખ્યસ્સ ભવેન્નાત્ર સંશયઃ ।
બહુનાત્ર કિમુક્તેન યં યં કામયતે નરઃ ॥ 6 ॥

તં તં કામમવાપ્નોતિ સ્તોત્રેણાનેન માનવઃ ।
યંત્રપૂજાવિધાનેન જપહોમાદિતર્પણૈઃ ॥ 7 ॥

યસ્તુ કુર્વીત સહસા સર્વાન્કામાનવાપ્નુયાત્ ।
ઇહ લોકે સુખી ભૂત્વા પરે મુક્તો ભવિષ્યતિ ॥ 8 ॥