શ્રી રાઘવેંદ્ર મંગળાષ્ટકમ્

શ્રીમદ્રામપાદારવિંદમધુપઃ શ્રીમધ્વવંશાધિપઃ
સચ્ચિષ્યોડુગણોડુપઃ શ્રિતજગદ્ગીર્વાણસત્પાદપઃ ।
અત્યર્થં મનસા કૃતાચ્યુતજપઃ પાપાંધકારાતપઃ
શ્રીમત્સદ્ગુરુરાઘવેંદ્રયતિરાટ્ કુર્યાદ્ધ્રુવં મંગળમ્ ॥ 1 ॥

કર્મંદીંદ્રસુધીંદ્રસદ્ગુરુકરાંભોજોદ્ભવઃ સંતતં
પ્રાજ્યધ્યાનવશીકૃતાખિલજગદ્વાસ્તવ્યલક્ષ્મીધવઃ ।
સચ્છાસ્ત્રાદિ વિદૂષકાખિલમૃષાવાદીભકંઠીરવઃ
શ્રીમત્સદ્ગુરુરાઘવેંદ્રયતિરાટ્ કુર્યાદ્ધ્રુવં મંગળમ્ ॥ 2 ॥

સાલંકારકકાવ્યનાટકકલાકાણાદપાતંજલ-
ત્રય્યર્થસ્મૃતિજૈમિનીયકવિતાસંકીતપારંગતઃ ।
વિપ્રક્ષત્રવિડંઘ્રિજાતમુખરાનેકપ્રજાસેવિતઃ
શ્રીમત્સદ્ગુરુરાઘવેંદ્રયતિરાટ્ કુર્યાદ્ધ્રુવં મંગળમ્ ॥ 3 ॥

રંગોત્તુંગતરંગમંગલકર શ્રીતુંગભદ્રાતટ-
પ્રત્યક્સ્થદ્વિજપુંગવાલય લસન્મંત્રાલયાખ્યે પુરે ।
નવ્યેંદ્રોપલનીલભવ્યકરસદ્વૃંદાવનાંતર્ગતઃ
શ્રીમત્સદ્ગુરુરાઘવેંદ્રયતિરાટ્ કુર્યાદ્ધ્રુવં મંગળમ્ ॥ 4 ॥

વિદ્વદ્રાજશિરઃકિરીટખચિતાનર્ઘ્યોરુરત્નપ્રભા
રાગાઘૌઘહપાદુકાદ્વયચરઃ પદ્માક્ષમાલાધરઃ ।
ભાસ્વદ્દંટકમંડલૂજ્જ્વલકરો રક્તાંબરાડંબરઃ
શ્રીમત્સદ્ગુરુરાઘવેંદ્રયતિરાટ્ કુર્યાદ્ધ્રુવં મંગળમ્ ॥ 5 ॥

યદ્વૃંદાવનસત્પ્રદક્ષિણનમસ્કારાભિષેકસ્તુતિ-
ધ્યાનારાધનમૃદ્વિલેપનમુખાનેકોપચારાન્ સદા ।
કારં કારમભિપ્રયાંતિ ચતુરો લોકાઃ પુમર્થાન્ સદા
શ્રીમત્સદ્ગુરુરાઘવેંદ્રયતિરાટ્ કુર્યાદ્ધ્રુવં મંગળમ્ ॥ 6 ॥

વેદવ્યાસમુનીશમધ્વયતિરાટ્ ટીકાર્યવાક્યામૃતં
જ્ઞાત્વાઽદ્વૈતમતં હલાહલસમં ત્યક્ત્વા સમાખ્યાપ્તયે ।
સંખ્યાવત્સુખદાં દશોપનિષદાં વ્યાખ્યાં સમાખ્યન્મુદા
શ્રીમત્સદ્ગુરુરાઘવેંદ્રયતિરાટ્ કુર્યાદ્ધ્રુવં મંગળમ્ ॥ 7 ॥

શ્રીમદ્વૈષ્ણવલોકજાલકગુરુઃ શ્રીમત્પરિવ્રાડ્ગુરુઃ
શાસ્ત્રે દેવગુરુઃ શ્રિતામરતરુઃ પ્રત્યૂહગોત્રસ્વરુઃ ।
ચેતોઽતીતશિરુસ્તથા જિતવરુસ્સત્સૌખ્યસંપત્કરુઃ
શ્રીમત્સદ્ગુરુરાઘવેંદ્રયતિરાટ્ કુર્યાદ્ધ્રુવં મંગળમ્ ॥ 8 ॥

યસ્સંધ્યાસ્વનિશં ગુરોર્યતિપતેઃ સન્મંગલસ્યાષ્ટકં
સદ્યઃ પાપહરં સ્વસેવિ વિદુષાં ભક્ત્યૈતદાભાષિતમ્ ।
ભક્ત્યા વક્તિ સુસંપદં શુભપદં દીર્ઘાયુરારોગ્યકં
કીર્તિં પુત્રકલત્રબાંધવસુહૃન્મૂર્તિઃ પ્રયાતિ ધ્રુવમ્ ॥

ઇતિ શ્રીમદપ્પણાચાર્યકૃતં રાઘવેંદ્રમંગળાષ્ટકં સંપૂર્ણમ્ ।