શ્રી મહિષાસુર મર્દિની સ્તોત્રમ્ (અયિગિરિ નંદિનિ)
અયિ ગિરિનંદિનિ નંદિતમેદિનિ વિશ્વવિનોદિનિ નંદિનુતે
ગિરિવરવિંધ્યશિરોધિનિવાસિનિ વિષ્ણુવિલાસિનિ જિષ્ણુનુતે ।
ભગવતિ હે શિતિકંઠકુટુંબિનિ ભૂરિકુટુંબિનિ ભૂરિકૃતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 1 ॥
સુરવરવર્ષિણિ દુર્ધરધર્ષિણિ દુર્મુખમર્ષિણિ હર્ષરતે
ત્રિભુવનપોષિણિ શંકરતોષિણિ કલ્મષમોષિણિ ઘોરરતે । [કિલ્બિષ-, ઘોષ-]
દનુજનિરોષિણિ દિતિસુતરોષિણિ દુર્મદશોષિણિ સિંધુસુતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 2 ॥
અયિ જગદંબ મદંબ કદંબવનપ્રિયવાસિનિ હાસરતે
શિખરિ શિરોમણિ તુંગહિમાલય શૃંગનિજાલય મધ્યગતે ।
મધુમધુરે મધુકૈટભગંજિનિ કૈટભભંજિનિ રાસરતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 3 ॥
અયિ શતખંડ વિખંડિતરુંડ વિતુંડિતશુંડ ગજાધિપતે
રિપુગજગંડ વિદારણચંડ પરાક્રમશુંડ મૃગાધિપતે ।
નિજભુજદંડ નિપાતિતખંડ વિપાતિતમુંડ ભટાધિપતે [-ચંડ]
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 4 ॥
અયિ રણદુર્મદ શત્રુવધોદિત દુર્ધરનિર્જર શક્તિભૃતે
ચતુરવિચારધુરીણ મહાશિવ દૂતકૃત પ્રમથાધિપતે ।
દુરિતદુરીહ દુરાશય દુર્મતિ દાનવદૂત કૃતાંતમતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 5 ॥
અયિ શરણાગત વૈરિવધૂવર વીરવરાભયદાયકરે
ત્રિભુવન મસ્તક શૂલવિરોધિ શિરોધિકૃતામલ શૂલકરે ।
દુમિદુમિતામર દુંદુભિનાદ મહો મુખરીકૃત તિગ્મકરે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 6 ॥
અયિ નિજહુંકૃતિમાત્ર નિરાકૃત ધૂમ્રવિલોચન ધૂમ્રશતે
સમરવિશોષિત શોણિતબીજ સમુદ્ભવશોણિત બીજલતે ।
શિવ શિવ શુંભ નિશુંભ મહાહવ તર્પિત ભૂત પિશાચરતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 7 ॥
ધનુરનુસંગ રણક્ષણસંગ પરિસ્ફુરદંગ નટત્કટકે
કનક પિશંગ પૃષત્કનિષંગરસદ્ભટ શૃંગ હતાવટુકે ।
કૃતચતુરંગ બલક્ષિતિરંગ ઘટદ્બહુરંગ રટદ્બટુકે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 8 ॥
સુરલલના તતથેયિ તથેયિ કૃતાભિનયોદર નૃત્યરતે
કૃત કુકુથઃ કુકુથો ગડદાદિકતાલ કુતૂહલ ગાનરતે ।
ધુધુકુટ ધુક્કુટ ધિંધિમિત ધ્વનિ ધીર મૃદંગ નિનાદરતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 9 ॥
જય જય જપ્ય જયે જય શબ્દપરસ્તુતિ તત્પર વિશ્વનુતે
ભણ ભણ ભિંજિમિ ભિંકૃતનૂપુર સિંજિતમોહિત ભૂતપતે । [ઝ-, ઝિં-]
નટિતનટાર્ધ નટીનટનાયક નાટિતનાટ્ય સુગાનરતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 10 ॥
અયિ સુમનઃ સુમનઃ સુમનઃ સુમનઃ સુમનોહર કાંતિયુતે
શ્રિત રજની રજની રજની રજની રજનીકર વક્ત્રવૃતે ।
સુનયન વિભ્રમર ભ્રમર ભ્રમર ભ્રમર ભ્રમરાધિપતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 11 ॥
સહિત મહાહવ મલ્લમ તલ્લિક મલ્લિત રલ્લક મલ્લરતે
વિરચિત વલ્લિક પલ્લિક મલ્લિક ભિલ્લિક ભિલ્લિક વર્ગ વૃતે । [ઝિલ્લિક ભિલ્લિક]
સિતકૃત ફુલ્લસમુલ્લસિતારુણ તલ્લજ પલ્લવ સલ્લલિતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 12 ॥
અવિરલગંડગલન્મદમેદુર મત્તમતંગજ રાજપતે
ત્રિભુવનભૂષણ ભૂતકલાનિધિ રૂપપયોનિધિ રાજસુતે ।
અયિ સુદતીજન લાલસમાનસ મોહનમન્મથ રાજસુતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 13 ॥
કમલદલામલ કોમલકાંતિ કલાકલિતામલ ભાલલતે
સકલવિલાસ કળાનિલય ક્રમકેલિચલત્કલહંસકુલે ।
અલિકુલ સંકુલ કુવલય મંડલ મૌલિમિલદ્બકુલાલિ કુલે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 14 ॥
કરમુરળીરવ વીજિત કૂજિત લજ્જિતકોકિલ મંજુમતે
મિલિત પુલિંદ મનોહર ગુંજિત રંજિતશૈલ નિકુંજગતે ।
નિજગુણભૂત મહાશબરીગણ સદ્ગુણસંભૃત કેળિતલે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 15 ॥
કટિતટપીત દુકૂલવિચિત્ર મયૂખતિરસ્કૃત ચંદ્રરુચે
પ્રણતસુરાસુર મૌળિમણિસ્ફુર દંશુલસન્નખ ચંદ્રરુચે ।
જિતકનકાચલ મૌળિપદોર્જિત નિર્ભરકુંજર કુંભકુચે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 16 ॥
વિજિત સહસ્રકરૈક સહસ્રકરૈક સહસ્રકરૈકનુતે
કૃત સુરતારક સંગરતારક સંગરતારક સૂનુસુતે ।
સુરથસમાધિ સમાનસમાધિ સમાધિ સમાધિ સુજાતરતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 17 ॥
પદકમલં કરુણાનિલયે વરિવસ્યતિ યોઽનુદિનં સ શિવે
અયિ કમલે કમલાનિલયે કમલાનિલયઃ સ કથં ન ભવેત્ ।
તવ પદમેવ પરંપદમિત્યનુશીલયતો મમ કિં ન શિવે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 18 ॥
કનકલસત્કલ સિંધુજલૈરનુસિંચિનુતે ગુણરંગભુવં
ભજતિ સ કિં ન શચીકુચકુંભ તટીપરિરંભ સુખાનુભવમ્ ।
તવ ચરણં શરણં કરવાણિ નતામરવાણિ નિવાસિ શિવં
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 19 ॥
તવ વિમલેંદુકુલં વદનેંદુમલં સકલં નનુ કૂલયતે
કિમુ પુરુહૂત પુરીંદુમુખી સુમુખીભિરસૌ વિમુખીક્રિયતે ।
મમ તુ મતં શિવનામધને ભવતી કૃપયા કિમુત ક્રિયતે
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 20 ॥
અયિ મયિ દીનદયાલુતયા કૃપયૈવ ત્વયા ભવિતવ્યમુમે
અયિ જગતો જનની કૃપયાસિ યથાસિ તથાઽનુમિતાસિરતે ।
યદુચિતમત્ર ભવત્યુરરી કુરુતાદુરુતાપમપાકુરુ તે [મે]
જય જય હે મહિષાસુરમર્દિનિ રમ્યકપર્દિનિ શૈલસુતે ॥ 21 ॥
ઇતિ શ્રી મહિષાસુરમર્દિનિ સ્તોત્રમ્ ॥
વારંવાર પૂછાતા પ્રશ્નો
What is શ્રી મહિષાસુર મર્દિની સ્તોત્રમ્ (અયિગિરિ નંદિનિ)?
શ્રી મહિષાસુર મર્દિની સ્તોત્રમ્ (અયિગિરિ નંદિનિ) is a devotional text available on Bhakti Granth in the selected language or script.
Which language or script is this version in?
This edition is published in Gujarati. Use the language selector to view another available edition.
Can I read શ્રી મહિષાસુર મર્દિની સ્તોત્રમ્ (અયિગિરિ નંદિનિ) online?
Yes. The imported text is available directly on this page for online reading and recitation.
Can I download શ્રી મહિષાસુર મર્દિની સ્તોત્રમ્ (અયિગિરિ નંદિનિ) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.