શ્રી લલિતા હૃદયમ્

અથશ્રીલલિતાહૃદયસ્તોત્રમ્ ॥

શ્રીલલિતાંબિકાયૈ નમઃ ।
દેવ્યુવાચ ।
દેવદેવ મહાદેવ સચ્ચિદાનંદવિગ્રહા ।
સુંદર્યાહૃદયં સ્તોત્રં પરં કૌતૂહલં વિભો ॥ 1॥

ઈશ્વરૌવાચ ।

સાધુ સાધુત્વયા પ્રાજ્ઞે લોકાનુગ્રહકારકમ્ ।
રહસ્યમપિવક્ષ્યામિ સાવધાનમનાઃશ‍ઋણુ ॥ 2॥

શ્રીવિદ્યાં જગતાં ધાત્રીં સર્ગ્ગસ્થિતિલયેશ્વરીમ્ ।
નમામિલલિતાં નિત્યાં ભક્તાનામિષ્ટદાયિનીમ્ ॥ 3॥

બિંદુત્રિકોણસમ્યુક્તં વસુકોણસમન્વિતમ્ ।
દશકોણદ્વયોપેતં ચતુર્દ્દશ સમન્વિતમ્ ॥ 4॥

દલાષ્ટકેસરોપેતં દલષોડશકાન્વિતમ્ ।
વૃત્તત્રયયાન્વિતંભૂમિસદનત્રયભૂષિતમ્ ॥ 5॥

નમામિ લલિતાચક્રં ભક્તાનામિષ્ટદાયકમ્ ।
અમૃતાંભોનિધિંતત્ર રત્નદ્વીપં નમામ્યહમ્ ॥ 6॥

નાનાવૃક્ષમહોદ્યાનં વંદેહં કલ્પવાટિકામ્ ।
સંતાનવાટિકાંવંદે હરિચંદનવાટિકામ્ ॥ 7॥

મંદારવાટિકાં પારિજાતવાટીં મુદા ભજે ।
નમામિતવ દેવેશિ કદંબવનવાટિકામ્ ॥ 8॥

પુષ્યરાગમહારત્નપ્રાકારં પ્રણમામ્યહમ્ ।
પદ્મરાગાદિમણિભિઃપ્રાકારં સર્વદા ભજે ॥ 9॥

ગોમેદરત્નપ્રાકારં વજ્રપ્રાકારમાશ્રયે ।
વૈડૂર્યરત્નપ્રાકારંપ્રણમામિ કુલેશ્વરી ॥ 10॥

ઇંદ્રનીલાખ્યરત્નાનાં પ્રાકારં પ્રણમામ્યહમ્ ।
મુક્તાફલમહારત્નપ્રાકારંપ્રણમામ્યહમ્ ॥ 11॥

મરતાખ્યમહારત્નપ્રાકારાય નમોનમઃ ।
વિદ્રુમાખ્યમહારત્નપ્રાકારંપ્રણમામ્યહમ્ ॥ 12॥

માણિક્યમંડપં રત્નસહસ્રસ્તંભમંડપમ્ ।
લલિતે!તવદેવેશિ ભજામ્યમૃતવાપિકામ્ ॥ 13॥

આનંદવાપિકાં વંદેવિમર્શવાપિકાં ભજે ।
ભજેબાલાતપોલ્ગારં ચંદ્રિકોગારિકાં ભજે ॥ 14॥

મહાશ‍ઋંગારપરિખાં મહાપત્માટવીં ભજે ।
ચિંતામણિમહારત્નગૃહરાજં નમામ્યહમ્ ॥ 15॥

પૂર્વાંનાયમયં પૂર્વ્વદ્વારં દેવિ નમામ્યહમ્ ।
દક્ષિણાંનાયરૂપંતેદક્ષિણદ્વારમાશ્રયે ॥ 16॥

નમામિ પશ્ચિમદ્વારં પશ્ચિમામ્નાય રૂપકમ્ ।
વંદેહમુત્તરદ્વારમુત્તરામ્નાયરૂપકમ્ ॥ 17॥

ઊર્દ્ધ્વામ્નાયમયં વંદે હ્યૂર્દ્ધદ્વારં કુલેશ્વરિ ।
લલિતેતવ દેવેશિ મહાસિંહાસનં ભજે ॥ 18॥

બ્રહ્માત્મકં મંચપાદમેકં તવ નમામ્યહમ્ ।
એકંવિષ્ણુમયં મંચપાદમન્યં નમામ્યહમ્ ॥ 19॥

એકં રુદ્રમયં મંચપાદમન્યં નમામ્યહમ્ ।
મંચપાદંમમામ્યેકં તવ દેવીશ્વરાત્મકમ્ ॥ 20॥

મંચૈકફલકં વંદે સદાશિવમયં શુભમ્ ।
નમામિતેહંસતૂલતલ્પકં પરમેશ્વરી! ॥ 21॥

નમામિતે હંસતૂલમહોપાધાનમુત્તમમ્ ।
કૌસ્તુભાસ્તરણંવંદે તવ નિત્યં કુલેશ્વરી ॥ 22॥

મહાવિતાનિકાં વંદે મહાયવિનિકાં ભજે ।
એવં પૂજાગૃહં ધ્યાત્વા શ્રીચક્રે શ્રીશિવાં ભજે ॥ 23॥

સ્વદક્ષિણે સ્થાપયામિ ભાગે પુષ્પાક્ષતાદિકાન્ ।
અમિતાંસ્તેમહાદેવિ દીપાન્ સંદર્શયામ્યહમ્ ॥ 24॥

મૂલેન ત્રિપુરાચક્રં તવ સંપૂજ્યયામ્યહમ્ ।
ત્રિભિઃખંડૈસ્તવખ્યાતૈઃ પૂજયામિ મહેશ્વરિ! ॥ 25॥

વાય્વગ્નિ જલસમ્યુક્તં પ્રાણાયામૈરહં શિવૈ ।
શોષાણાંદાહનં ચૈવ કરોમિ પ્લાવનં તથા ॥ 26॥

ત્રિવારં મૂલમંત્રેણ પ્રાણાયામં કરોમ્યહમ્ ।
પાષંડકારિણોભૂતા ભૂમૌયે ચાંતરિક્ષકે ॥ 27॥

કરોમ્યનેન મંત્રેણ તાલત્રયમહં શિવે ।
નારાયણોઽહંબ્રહ્માહં ભૈરવોઽહં શિવોસ્મ્યહમ્ ॥ 28॥

દેવોહં પરમાનંદોઽસ્મ્યહં ત્રિપુરસુંદરિ ।
ધ્યાત્વાવૈ વજ્રકવચં ન્યાસં તવ કરોમ્યહમ્ ॥ 29॥

કુમારીબીજસમ્યુક્તં મહાત્રિપુરસુંદરિ! ।
માંરક્ષરક્ષેતિ હૃદિ કરોમ્યજ્ઞલિમીશ્વરિ! ॥ 30॥

મહાદેવ્યાસનાયેતિ પ્રકરોમ્યાસનં શિવે ।
ચક્રાસનંનમસ્યામિ સર્વમંત્રાસનં શિવે ॥ 31॥

સાદ્ધ્યસિદ્ધાસનં મંત્રૈરેભિર્યુક્તં મહેશ્વરિ ।
કરોમ્યસ્મિંચક્રમંત્રૈર્દેવતાસનમુત્તમમ્ ॥ 32॥

કરોમ્યથ ષડંગાખ્યં માતૃકાં ચ કલાં ન્યસે ।
શ્રીકંટંકેશવં ચૈવ પ્રપંચં યોગમાતૃકામ્ ॥ 33॥

તત્ત્વન્યાસં તતઃ કૂર્વ્વે ચતુષ્પીટં યથાચરે ।
લઘુષોઢાંતતઃ કૂર્વ્વે શક્તિન્યાસં મહોત્તમમ્ ॥ 34॥

પીટન્યાસં તતઃ કુર્વે દેવતાવાહનં પ્રિયે ।
કુંકુમન્યાસકંચૈવ ચક્રન્યાસમથાચરે ॥ 35॥

ચક્રન્યાસં તતઃ કુર્વ્વે ન્યાસં કામકલાદ્વયમ્ ।
ષોડશાર્ણ્ણમહામંત્રૈરંગન્યાસંકરોમ્યહમ્ ॥ 36॥

મહાષોઢાં તતઃ કુર્વ્વે શાંભવં ચ મહાપ્રિયે ।
તતોમૂલંપ્રજપ્ત્વાથ પાદુકાંચ તતઃ પરમ્ ॥ 37॥

ગુરવે સમ્યગર્ચ્યાથ દેવતાં હૃદિસંભજે ।
કરોમિમંડલં વૃત્તં ચતુરશ્રં શિવપ્રિયે ॥ 38॥

પુષ્પૈરભ્યર્ચ્ચ્યસાધારં શંખં સંપૂજયામહમ્ ।
અર્ચ્ચયામિષડંગેન જલમાપૂરયામ્યહમ્ ॥ 39॥

દદામિ ચાદિમં બિંદું કુર્વે મૂલાભિમંત્રિતમ્ ।
તજ્જલેનજગન્માતસ્ત્રિકોણં વૃત્તસમ્યુતમ્ ॥ 40॥

ષલ્કોણં ચતુરશ્રંચ મંડલં પ્રણમામ્યહમ્ ।
વિદ્યયાપૂજયામીહ ત્રિખંડેન તુ પૂજનમ્ ॥ 41॥

બીજેનવૃત્તષલ્કોણં પૂજયામિ તવપ્રિયે ।
તસ્મિંદેવીકલાત્માનાં મણિમંડલમાશ્રયે ॥ 42॥

ધૂમ્રાર્ચ્ચિષં નમસ્યામિ ઊષ્માં ચ જ્વલનીં તથા ।
જ્વાલિનીંચ નમસ્યામિ વંદેહં વિસ્પુલિંગિનીમ્ ॥ 43॥

સુશ્રિયં ચ સુરૂપાંચકંપિલાં પ્રણમામ્યહમ્ ।
નૌમિહવ્યવહાં નિત્યાં ભજે કવ્યવહાં કલામ્ ॥ 44॥

સૂર્યાગ્નિમંડલાં તત્ર સકલાદ્વાદશાત્મકમ્ ।
અર્ઘ્યપાદ્યમહંતત્ર તપિનીં તાપિનીં ભજે ॥ 45॥

ધૂમ્રાં મરીચીં વંદેહં જ્વાલિનીં મરુહં ભજે ।
સુષુમ્નાંભોગદાં વંદે ભજે વિશ્વાં ચ બોધિનીમ્ ॥ 46॥

ધારિણીં ચ ક્ષમાં વંદે સૌરીરેતાઃ કલાભજે ।
આશ્રયેમણ્મલં ચાંદ્રં તલ્કલાષોડશાત્મકમ્ ॥ 47॥

અમૃતાં માનદાં વંદે પૂષાં તુષ્ટીં ભજામ્યહમ્ ।
પુષ્ટિંભજે મહાદેવિ ભજેઽહં ચ રતિં ધૃતિમ્ ॥ 48॥

રશનિં ચંદ્રિકાં વંદે કાંતીં જોત્સના શ્રિયં ભજે ।
નેઔમિપ્રીતિંચાગતદાંચપૂર્ણ્ણિમામમૃતાંભજે ॥ 49॥

ત્રિકોણલેખનં કુર્વ્વે આકારાદિસુરેખકમ્ ।
હલક્ષવર્ણ્ણસમ્યુક્તંસ્પીતં તં હંસભાસ્કરમ્ ॥ 50॥

વાક્કામશક્તિ સંયુક્તં હંસમારાધયામ્યહમ્ ।
વૃત્તાદ્બહિઃષડશ્રસ્યલેખનં પ્રકરોમ્યહમ્ ॥ 51॥

પુરતોગ્ન્યાદિષલ્ખ઼ઓણં કખગેનાર્ચ્ચયામ્યહમ્ ।
શ્રીવિદ્યયાસપ્તવારં કરોમ્યત્રાભિ મંત્રિતમ્ ॥ 52॥

સમર્પ્પયામિ દેવેશિ તસ્માત્ ગંધાક્ષતાદિકમ્ ।
ધ્યાયામિપૂજાદ્રવ્યેષુ તત્ સર્વં વિદ્યયાયુતમ્ ॥ 53॥

ચતુર્ન્નવતિસન્મંત્રાન્ સ્પૃષ્ટ્વા તત્ પ્રજપામ્યહમ્ ।
વહ્નેર્દ્દશકલાઃસૂર્યકલાદ્વાદશકં ભજે ॥ 54॥

આશ્રયે શોડષકલાસ્તત્ર ચંદ્રમસસ્તદા ।
સૃષ્ટિમ્વૃદ્ધિં સ્મૃતિં વંદે મેધાં કાંતીં તથૈવ ચ ॥ 55॥

લક્ષ્મીં દ્યુથિં સ્થિતાં વંદે સ્થિતિં સિદ્ધિં ભજામ્યહમ્ ।
એતાબ્રહ્મકલાવંદે જરાંથાં પાલિનીં ભજે ॥ 56॥

શાંતિં નમામીશ્વરીં ચ રતીં વંદે ચ કારિકામ્ ।
વરદાંહ્લાદિનીં વંદે પ્રીતિં દીર્ઘાં ભજાભમ્યહમ્ ॥ 57॥

એતા વિષ્ણુઅકલાવંદે તીક્ષણાં રૌદ્રિં ભયાં ભજે ।
નિદ્રાંતંદ્રીં ક્ષુધાં વંદે નમામિ ક્રોધિનીં ક્રિયામ્ ॥ 58॥

ઉલ્કારીં મૃત્યુરૂપાં ચ એતા રુદ્રકલા ભજે ।
નીલાંપીતાં ભજે શ્વેતાં વંદેહમરુણાં કલામ્ ॥ 59॥

અનંતખ્યાં કલાંચેતિ ઈશ્વરસ્ય કલાભજે ।
નિવૃત્તિંચપ્રતિષ્ઠાંચવિદ્યાંશાંતિં ભજામ્યહમ્ ॥ 60॥

રોધિકાં દીપિકાં વંદે રેચિકાં મોચિકાં ભજે ।
પરાંસૂક્ષામૃતાં સૂક્ષાં પ્રણામિ કુલેશ્વરિ! ॥ 61॥

જ્ઞાનાખ્યાંચનમસ્યામિ નૌમિજ્ઞાનામૃતાં કલામ્ ।
આપ્યાયિનીંવ્યાપિનીં ચ મોદિનીં પ્રણમામ્યહમ્ ॥ 62॥

કલાઃ સદાશિવસ્યૈતાઃ ષોડશ પ્રણમામ્યહમ્ ।
વિષ્ણુયોનિન્નમસ્યામિ મૂલવિદ્યાં નમામ્યહમ્ ॥ 63॥

ત્રૈયંબકં નમસ્યામિ તદ્વિષ્ણું પ્રણમામ્યહમ્ ।
વિષ્ણુયોનિમ્નમસ્યામિ મૂલવિદ્યાં નમામ્યહમ્ ॥ 64॥

અમૃતં મંત્રિતં વંદે ચતુર્ન્નવતિભિસ્તથા ।
અખંડૈકરસાનંદકરેપરસુધાત્મનિ ॥ 65॥

સ્વચ્છંદસ્પપુરણં મંત્રં નીધેહિ કુલરૂપિણિ ।
અકુલસ્થામૃતાકારેસિદ્ધિજ્ઞાનકરેપરે ॥ 66॥

અમૃતં નિધેહ્યસ્મિન્ વસ્તુનિક્લિન્નરૂપિણિ ।
તદ્રૂપાણેકરસ્યત્વંકૃત્વાહ્યેતત્સ્વરૂપિણિ ॥ 67॥

ભૂત્વા પરામૃતાકારમયિ ચિત્ સ્પુરણં કુરુ ।
એભિર્મ્મનૂત્તમૈર્વંદેમંત્રિતં પરમામૃતમ્ ॥ 68॥

જોતિમ્મયમિદં વંદે પરમર્ઘ્યંચ સુંદરિ ।
તદ્વિંદુભિર્મેશિરસિ ગુરું સંતર્પ્પયામ્યહમ્ ॥ 69॥

બ્રહ્માસ્મિન્ તદ્વિંદું કુંડલિન્યાં જુહોમ્યહમ્ ।
હૃચ્ચક્રસ્તાં-મહાદેવીમ્મહાત્રિપુરસુંદરીમ્ ॥ 70॥

નિરસ્તમોહતિમિરાં સાક્ષાત્ સંવિત્સ્વરૂપિણીમ્ ।
નાસાપુટાત્પરકલામથનિર્ગ્ગમયામ્યહમ્ ॥ 71॥

નમામિયોનિમદ્ધ્યાસ્થાં ત્રિખંડકુસુમાંંજલિમ્ ।
જગન્માતર્મહાદેવિયંત્રેત્વાં સ્થાપયામ્યહમ્ ॥ 72॥

સુધાચૈતન્યમૂર્ત્તીં તે કલ્પયામિમનું તવ ।
અનેનદેવિમંત્રયંત્રેત્વાં સ્થાપયામ્યહમ્ ॥ 73॥

મહાપદ્મવનાંતસ્થે કારણાનંતવિગ્રહે ।
સર્વભૂતહિતેમાતરેહ્યપિ પરમેશ્વરિ ॥ 74॥

દેવેશી ભક્તસુલભે સર્વાભરણભૂષિતે ।
યાવત્વંપૂજયામીહતાવત્ત્વં સુસ્થિરાભવ ॥ 75॥

અનેન મંત્રયુગ્મેન ત્વામત્રાવાહયામ્યહમ્ ।
કલ્પયામિનમઃ પાદમર્ઘ્યં તે કલ્પયામ્યહમ્ ॥ 76॥

ગંધતૈલાભ્યંજનંચમજ્જશાલાપ્રવેશમ્ ।
કલ્પયામિનમસ્તસ્મૈ મણિપીઠોપ્રવેશનમ્ ॥ 77॥

દિવ્યસ્નાનીયમીશાનિ ગૃહાણોદ્વર્ત્તનં શુભે ।
ગૃહાણોષ્ણાદકસ્નાનંકલ્પયામ્યભિષેચનમ્ ॥ 78॥

હેમકુંભાયુતૈઃ સ્નિગ્દ્ધૈઃ કલ્પયામ્યભિષેચનમ્ ।
કલ્પયામિનમસ્તુભ્યં ધેઔતેન પરિમાર્જ્જનમ્ ॥ 79॥

બાલભાનુ પ્રતીકાશં દુકૂલં પરિધાનકમ્ ।
અરુણેનદુકુલેનોત્તરીયં કલ્પયામ્યહમ્ ॥ 80॥

પ્રવેશનં કલ્પયામિ સર્વાંગાનિ વિલેપનમ્ ।
નમસ્તેકલ્પયામ્યત્ર મણિપીઠોપવેશનમ્ ॥ 81॥

અષ્ટગંધૈઃ કલ્પયામિ તવલેખનમંબિકે ।
કાલાગરુમહાધૂપંકલ્પયામિ નમશ્શિવે ॥ 82॥

મલ્લિકામાલાતીજાતિ ચંપકાદિ મનોરમૈઃ ।
અર્ચ્ચિતાંકુસુમૈર્મ્માલાં કલ્પયામિ નમશ્શિવે ॥ 83॥

પ્રવેશનં કલ્પયામિ નમો ભૂષણમંડપે ।
ઉપવેશ્યંરત્નપીઠે તત્રતે કલ્પયામ્યહમ્ ॥ 84॥

નવમાણિક્યમકુટં તત્રતે કલ્પયામ્યહમ્ ।
શરચ્ચંદ્રનિભંયુક્તં તચ્ચંદ્રશકલં તવ ॥ 85॥

તત સીમંતસિંદૂરં કસ્તૂરીતિલકં તવ ।
કાલાજ્ઞનંકલ્પયામિ પાલીયુગલમુત્તમમ્ ॥ 86॥

મણિકુંડલયુગ્મંચ નાસાભરણમીશ્વરી! ।
તાટંકયુગલંદેવિ લલિતે ધારયામ્યહમ્ ॥ 87॥

અથાદ્યાં ભૂષણં કંઠે મહાચિંતાકમુત્તમમ્ ।
પદકંતે કલ્પયામિ મહાપદકમુત્તમમ્ ॥ 88॥

મુક્તાવલીં કલ્પયામિ ચૈકાવલિ સમન્વિતામ્ ।
છન્નવીરંચકેયૂરયુગલાનાં ચતુષ્ટયમ્ ॥ 89॥

વલયાવલિમાલાનીં ચોર્મિકાવલિમીશ્વરિ ।
કાંચીદામકટીસૂત્રંસૌભગ્યાભરણં ચ તે ॥ 90॥

ત્રિપુરે પાદકટકં કલ્પયે રત્નનૂપુરમ્ ।
પાદાંગુલીયકંતુભ્યં પાશમેકં કરેતવ ॥ 91॥

અન્યે કરેંકુશં દેવિ પૂંડ્રેક્ષુધનુષં તવ ।
અપરેપુષ્પબાણંચ શ્રીમન્માણિક્યપાદુકે ॥ 92॥

તદાવરણ દેવેશિ મહામંચાદિરોહણમ્ ।
કામેશ્વરાંકપર્યંકમુપવેશનમુત્તમમ્ ॥ 93॥

સુધયા પૂર્ણ્ણચષકં તતસ્તત્ પાનમુત્તમમ્ ।
કર્પ્પૂરવીટિકાંતુભ્યં કલ્પયામિ નમઃ શિવે ॥ 94॥

આનંદોલ્લાસવિલસદ્ધંસં તે કલ્પયામ્યહમ્ ।
મંગલારાત્રિકંવંદે છત્રં તે કલ્પયામ્યહમ્ ॥ 95॥

ચામરં યૂગલં દેવિદર્પ્પણં કલ્પયામ્યહમ્ ।
તાલવ્રિંતંકલ્પયામિગંધપુષ્પાક્ષતૈરપિ ॥ 96॥

ધૂપં દીપશ્ચનૈવેદ્યં કલ્પયામિ શિવપ્રિયે ।
અથાહંબૈંદવે ચક્રે સર્વાનંદમયાત્મકે ॥ 97॥

રત્નસિંહાસને રમ્યે સમાસીનાં શિવપ્રિયામ્ ।
ઉદ્યદ્ભાનુસહસ્રાભાંજપાપુષ્પસમપ્રભામ્ ॥ 98॥

નવરત્નપ્રભાયુક્તમકુટેન વિરાજિતામ્ ।
ચંદ્રરેખાસમોપેતાંકસ્તૂરિતિલકાંકિતામ્ ॥ 99॥

કામકોદંડસૌંદર્યનિર્જ્જિતભ્રૂલતાયુતામ્ ।
અંજનાંચિતનેત્રાંતુપદ્મપત્રનિભેષણામ્ ॥ 100॥

મણિકુંડલસમ્યુક્ત કર્ણ્ણદ્વયવિરાજિતામ્ ।
તાંબૂલપૂરિતમુખીંસુસ્મિતાસ્યવિરાજિતામ્ ॥ 101॥

આદ્યભૂષણસમ્યુક્તાં હેમચિંતાકસંયુતામ્ ।
પદકેનસમોપેતાં મહાપદકસંયુતામ્ ॥ 102॥

મુક્તાફલસમોપેતામેકાવલિસમન્વિતામ્ ।
કૌસુભાંગદસંયુક્તચતુર્બાહુસમન્વિતામ્ ॥ 103॥

અષ્ટગંધસમોપેતાં શ્રીચંદનવિરાજિતામ્ ।
હેમકુંભોપમપ્રખ્યસ્તનદ્વંદવિરાજિતામ્ ॥ 104॥

રક્તવસ્ત્રપરીધાનાં રક્તકંચુકસંયુતામ્ ।
સૂક્ષ્મરોમાવલિયુક્તતનુમદ્ધ્યવિરાજિતામ્ ॥ 105॥

મુક્તામાણિક્યખચિત કાંચીયુતનિતંબનીમ્ ।
સદાશિવાઙકસ્થબૃહન્મહાજઘનમંડલામ્ ॥ 106॥

કદલિસ્તંભસંરાજદૂરુદ્વયવિરાજિતામ્ ।
કપાલીકાંતિસંકાશજંઘાયુગલશોભિતામ્ ॥ 107॥

ગ્રૂઢગુલ્ફદ્વેયોપેતાં રક્તપાદસમન્વિતામ્ ।
બ્રહ્મવિષ્ણુમહેશાદિકિરીટસ્ફૂર્જ્જિતાંઘ્રિકામ્ ॥ 108॥

કાંત્યા વિરાજિતપદાં ભક્તત્રાણ પરાયણામ્ ।
ઇક્ષુકાર્મુકપુષ્પેષુપાશાંકુશધરાંશુભામ્ ॥ 109॥

સંવિત્સ્વરૂપિણીં વંદે ધ્યાયામિ પરમેશ્વરીમ્ ।
પ્રદર્શયામ્યથશિવેદશામુદ્રાઃ ફલપ્રદાઃ ॥ 110॥

ત્વાં તર્પ્પયામિ ત્રિપુરે ત્રિધના પાર્વ્વતિ ।
અગ્નૌમહેશદિગ્ભાગે નૈરૃત્ર્યાં મારુતે તથા ॥ 111॥

ઇંદ્રાશાવારુણી ભાગે ષડંગાન્યર્ચ્ચયે ક્રમાત્ ।
આદ્યાંકામેશ્વરીં વંદે નમામિ ભગમાલિનીમ્ ॥ 112॥

નિત્યક્લિન્નાં નમસ્યામિ ભેરુંડાં પ્રણમામ્યહમ્ ।
વહ્નિવાસાન્નમસ્યામિ મહાવિદ્યેશ્વરીં ભજે ॥ 113॥

શિવદૂતિં નમસ્યામિ ત્વરિતાં કુલ સુંદરીમ્ ।
નિત્યાન્નીલપતાકાંચ વિજયાં સર્વમંગલામ્ ॥ 114॥

જ્વાલામાલાંચ ચિત્રાંચ મહાનિત્યાં ચ સંસ્તુવે ।
પ્રકાશાનંદનાથાખ્યાંપરાશક્તિનમામ્યહમ્ ॥ 115॥

શુક્લદેવીં નમસ્યામિ પ્રણમામિ કુલેશ્વરીમ્ ।
પરશિવાનંદનાથાખ્યાંપરાશક્તિ નમામ્યહમ્ ॥ 116॥

કૌલેશ્વરાનંદનાથં નૌમિ કામેશ્વરીં સદા ।
ભોગાનંદન્નમસ્યામિ સિદ્ધૌઘંચ વરાનને ॥ 117॥

ક્લિન્નાનંદં નમસ્યામિ સમયાનંદમેવચ ।
સહજાનંદનાથંચપ્રણમામિ મુહુર્મુહુ ॥ 118॥

માનવૌઘં નમસ્યામિ ગગનાનંદગપ્યહમ્ ।
વિશ્વાનંદન્નમસ્યામિ વિમલાનંદમેવચ ॥ 119॥

મદનાનંદનાથંચ ભુવનાનંદરૂપિણીમ્ ।
લીલાનંદન્નમસ્યામિ સ્વાત્માનંદં મહેશ્વરિ ॥ 120॥

પ્રણમામિપ્રિયાનંદં સર્વકામફલપ્રદમ્ ।
પરમેષ્ટિગુરુંવંદે પરમંગુરુમાશ્રયે ॥ 121॥

શ્રીગુરું પ્રણમસ્યામિ મૂર્દ્ધ્નિ બ્રહ્મબિલેશ્વરીમ્ ।
શ્રીમદાનંદનાથાખ્યશ્રિગુરોપાદુકાં તથા ॥ 122॥

અથ પ્રાથમિકે દેવિ ચતુરશ્રે કુલેશ્વરિ ।
અણિમાંલખિમાં વંદે મહિમાં પ્રણમામ્યહમ્ ॥ 123॥

ઈશિત્વસિદ્ધિં કલયે વશિત્વં પ્રણમામ્યહમ્ ।
પ્રાકામ્યસિદ્ધિંભુક્તિંચ ઇચ્છાપ્રાપ્ર્તિમહં ભજે ॥ 124॥

સર્વકામપ્રદાં સર્વકામસિદ્ધિમહં ભજે ।
મદ્ધ્યમેચતુરશ્રેહં બ્રાહ્મીં માહેશ્વરીં ભજે ॥ 125॥

કૌમારીં વૈષ્ણવીં વંદે વારાહીં પ્રણમામ્યહમ્ ।
માહેંદ્રીમપિચામુંડામ્મહાલક્ષ્મીમહં ભજે ॥ 126॥

તૃતીયે ચતુરશ્રે તુ સર્વસંક્ષોભિણીં ભજે ।
સર્વવિદ્રાપિણીમ્મુદ્રાં સર્વાકર્ષિણિકાં ભજે ॥ 127॥

મુદ્રાં વશંકરીં વંદે સર્વોન્માદિનિકાં ભજે ।
ભજેમહાંકુશાં મુદ્રાં ખેચરીં પ્રણમામ્યહમ્ ॥ 128॥

બીજામુદ્રાં યોનિમુદ્રાં ભજે સર્વત્રિખંડિનીમ્ ।
ત્રૈલોક્યમોહનંચક્રં નમામિ લલિતે તવ ॥ 129॥

નમામિ યોગિનીં તત્ર પ્રખટાખ્યામભીષ્ટદામ્ ।
સુધાર્ણ્ણવાસનંવંદે તત્ર તે પરમેશ્વરિ ॥ 130॥

ચક્રેશ્વરિ મહં વંદે ત્રિપુરાં પ્રણમામ્યહમ્ ।
સર્વસંક્ષોભિણીમ્મુદ્રાં તતોહં કલયે શિવે ॥ 131॥

અથાહં ષોડશદલે કામાકર્ષિણિકાં ભજે ।
બુદ્ધ્યાકર્ષિણિકાં વંદેઽહંકારાકર્ષિણીં ભજે ॥ 132॥

શબ્દાકર્ષિણિકાં વંદે સ્પર્શાકર્ષિણિકાં ભજે ।
રૂપાકર્ષિણિકાંવંદે રસાકર્ષિણિકાં ભજે ॥ 133॥

ગંધાકર્ષિણિકાં વંદે ચિત્તાકર્ષિણિકાં ભજે ।
ધૈર્યાકર્ષિણિકાંવંદે સ્મૃત્યાકર્ષિણિકાં ભજે ॥ 134॥

નામાકર્ષિણિકાં વંદે બીજાકર્ષિણિકાં ભજે ।
આત્માકર્ષિણિકાંવંદે અમૃતાકર્ષિણિકાં ભજે ॥ 135॥

શરીરાકર્ષિણિકાં વંદે નિત્યાં શ્રીપરમેશ્વરિ ।
સર્વાશાપૂરકંવંદે કલ્પયેહં તવેશ્વરિ ॥ 136॥

ગુપ્તાખ્યાં યોગિનીં વંદે માતરં ગુપ્તપૂજ્યતામ્ ।
પોતાંબુજાસનંતત્ર નમામિ લલિતે તવ ॥ 137॥

ત્રિપુરેશીં નમસ્યામિ ભજામિષ્ટાર્ત્થસિદ્ધિદામ્ ।
સર્વવિદ્રાવિણિમુદ્રાંતત્રાહં તે વિચંતયે ॥ 138॥

સિવે તવાષ્ટપત્રેહમનંગકુસુમાં ભજે ।
અનંગમેખલાંવંદે અનંગમદનાં ભજે ॥ 139॥

નમોહં પ્રણસ્યામિ અનંગમદનાતુરામ્ ।
અનંગરેખાંકલયે ભજેનંગાં ચ વેગિનીમ્ ॥ 140॥

અનંગાકુશવંદેઽહમનંગમાલિનીં ભજે ।
તત્રાહંપ્રણસ્યામિ દેવ્યા આસનમુત્તમમ્ ॥ 141॥

નમામિ જગતીશાનીં તત્ર ત્રિપુરસુંદરીમ્ ।
સર્વાકર્ષિણિકામ્મુદ્રાં તત્રાહ કલ્પયામિતે ॥ 142॥

ભુવનાશ્રયે તવ શિવે સર્વસંક્ષોભિણીં ભજે ।
સર્વવિદ્રાવિણીંવંદે સર્વકર્ષિણિકાં ભજે ॥ 143॥

સર્વહ્લાદિનીં વંદે સર્વસમ્મોહિનીં ભજે ।
સકલસ્તંભિનીં વંદે કલયે સર્વજૃંભિણીમ્ ॥ 144॥

વશંકરીં નમસ્યામિ સર્વરજ્ઞિનિકાં ભજે ।
સકલોન્મદિનીં વંદે ભજે સર્વાર્થસાધકે ॥ 145॥

સંપત્તિપુરિકાં વંદે સર્વમંત્રમયીં ભજે ।
ભજામ્યેવતતશ્શક્તિં સર્વદ્વંદ્વક્ષ્યંકરીમ્ ॥ 146॥

તત્રાહં કલયે ચક્રં સર્વસૌભાગ્યદાયકમ્ ।
નમામિજગતાં ધાત્રીં સંપ્રદાયાખ્યયોગિનિમ્ ॥ 147॥

નમામિ પરમેશાનીં મહાત્રિપુરવાસિનિમ્ ।
કલયેહંતવ શિવે મુદ્રાં સર્વશંકરીમ્ ॥ 148॥

બહિર્દ્દશારે તે દેવિ સર્વસિદ્ધિપ્રદાં ભજે ।
સર્વસંપત્પ્રદાં વંદે સર્વપ્રિયંકરીં ભજે ॥ 149॥

નમામ્યહં તતો દેવીં સર્વમંગલકારિણીમ્ ।
સર્વકામપ્રદાંવંદે સર્વદુઃખવિમોચિનિમ્ ॥ 150॥

સર્વમૃત્યુપ્રશમનીં સર્વવિઘ્નનિવારિણીમ્ ।
સર્વાંગસુંદરીંવંદે સર્વસૌભાગ્યદાયિનીમ્ ॥ 151॥

સર્વાર્ત્થસાધકં ચક્રં તત્રાહં ને વિચિંતયે ।
તત્રાહંતે નમસ્યામિ કુલોત્તીર્ણાખ્ય યોગિનીમ્ ॥ 152॥

સર્વમંત્રસનં વંદે ત્રિપુરાશ્રિયમાશ્રયે ।
કલયામિતતો મુદ્રાં સર્વોન્માદન કારિણીમ્ ॥ 153॥

અંતર્દ્દશારે તે દેવિ સર્વજ્ઞાં પ્રણમામ્યહમ્ ।
સર્વશક્તિન્નમસ્યામિ સર્વૈશ્વર્યપ્રદાં ભજે ॥ 154॥

સર્વજ્ઞાનમયીં વંદે સર્વવ્યાધિવિનાશિનીમ્ ।
સર્વાધારસ્વરૂપાંચસર્વપાપહરાંભજે ॥ 155॥

સર્વાનંદમયિં વંદે સર્વરક્ષાસ્વરૂપિણીમ્ ।
પ્રણમામિમહાદેવીં સર્વેપ્સિત ફલપ્રદામ્ ॥ 156॥

સર્વરક્ષાકરં ચક્રં સુંદરીં કલયે સદા ।
નિગર્ભયોનીંવંદે તત્રાહં પ્રણમામ્યહમ્ ॥ 157॥

સાદ્ધ્યસિદ્ધાસનં વંદે ભજે ત્રિપુરમાલિનીમ્ ।
કલયામિતતો દેવીં મુદ્રાં સર્વમહાંકુશામ્ ॥ 158॥

અષ્ટારે વશિનીં વંદે મહા કામેશ્વરીં ભજે ।
મોદિનીંવિમલાંવંદે અરુણાજયિનીં ભજે ॥ 159॥

સર્વેશ્વરીં નમસ્યામિ કૌલિનીં પ્રણમામ્યહમ્ ।
સર્વરોગહરંચક્રં તત્રાહં કલયે સદા ॥ 160॥

નમામિ ત્રિપુરા સિદ્ધિં ભજે મુદ્રાં ચ ખેચરીમ્ ।
મહાત્રિકોણવત્બાહુચતુરશ્રે કુલેશ્વરિ ॥ 161॥

નમામિ જૃંભણાબાણં સર્વસમ્મોહિનીં ભજે ।
પાશંચાપં ભજે નિત્યં ભજે સ્તંભનમંકુશમ્ ॥ 162॥

ત્રિકોણેહં જગદ્ધાત્રીં મહાકામેશ્વરીં ભજે ।
મહાવજ્રેશ્વરીંવંદે મહાશ્રીભગમાલિનીમ્ ॥ 163॥

મહાશ્રીસુંદરીં વંદે સર્વકામફલપ્રદામ્ ।
સર્વસિદ્ધિપ્રદંચક્રં તવદેવિ નમામ્યહમ્ ॥ 164॥

નમામ્યતિરહસ્યાખ્યાં યોગિનીં તવકામદામ્ ।
ત્રિપુરાંબાન્નમસ્યામિ બીજામુદ્રામહાંભજે ॥ 165॥

મૂલમંત્રેણ લલિતે તલ્બિંદૌ પૂજયામ્યહમ્ ।
સર્વાનંદમયંચક્રં તવદેવિ ભજામ્યહમ્ ॥ 166॥

પરાં પરરહસ્યાખ્યાં યોગિનીં તત્રકામદામ્ ।
મહાચક્રેશ્વરીંવંદે યોનિમુદ્રામહં ભજે ॥ 167॥

ધૂપદીપાદિકં સર્વમર્પ્પિતં કલ્પયામ્યહમ્ ।
ત્વલ્પ્રીતયેમહામુદ્રાં દર્શયામિ તતશ્શિવે ॥ 168॥

શાલ્યન્નં મધુસમ્યુક્તં પાયસાપૂપ સમ્યુક્તમ્ ।
ઘૃતસૂપસમાયુક્તંદધિક્ષીરસમન્વિતમ્ ॥ 169॥

સર્વભક્ષ્યસમાયુક્તં બહુશાકસમન્વિતમ્ ।
નિક્ષિપ્યકાંચને પાત્રે નૈવેદ્યં કલ્પયામિ તે ॥ 170॥

સંકલ્પબિંદુના ચક્રં કુચૌ બિંદુદ્વયેન ચ ।
યોનિશ્ચસપરાર્દ્ધેન કૃત્વા શ્રીલલિતે તવ ॥ 171॥

એતત્ કામકલા રૂપં ભક્તાનાં સર્વકામદમ્ ।
સર્વસૌભાગ્યદંવંદે તત્ર ત્રિપુરસુંદરીમ્ ॥ 172॥

વામભાગે મહેશાનિ વૃત્તં ચ ચતુરસ્રકમ્ ।
કૃત્વાગંધાક્ષતાદ્યૈશ્ચાપ્યર્ચ્ચયામિ મહેશ્વરીમ્ ॥ 173॥

વાગ્દવાદ્યં નમસ્યામિ તત્ર વ્યાપકમંડલમ્ ।
જલયુક્તેનપાણૌ ચ શુદ્ધમુદ્રા સમન્વિતમ્ ॥ 174॥

તત્ર મંત્રેણ દાસ્યામિ દેવિ તે બલિમુત્તમમ્ ।
નમસ્તેદેવદેવેશિ નમ સ્ત્રૈલોક્યવંદિતે ॥ 175॥

નમશ્શિવવરાંકસ્થે નમસ્ત્રીપુરસુંદરિ ।
પ્રદક્ષિણનમસ્કારમનેનાહં કરોમિ તે ॥ 176॥

તત સંકલ્પમંત્રાણાં સમાજં પરમેશ્વરિ ।
પ્રજપામિમહાવિદ્યાં ત્વત્ પ્રીત્યર્ત્થમહં શિવે ॥ 177॥

તવ વિદ્યાં પ્રજપ્ત્વાથ નૌમિ ત્વાં પરમેશ્વરિ ।
મહાદેવિમહેશાનિ મહાશિવમયે પ્રિયે ॥ 178॥

મહાનિત્યે મહાસિદ્ધે ત્વામહં શરણં શિવે ।
જયત્વંત્રિપુરે દેવિ લલિતે પરમેશ્વરિ ॥ 179॥

સદાશિવ પ્રિયંકરિ પાહિમાં કરુણાનિધે ।
જગન્માતર્જ્જગદ્રૂપેજગદીશ્વરવલ્લભે ॥ 180॥

જગન્મયિ જગત્ સ્તુત્યે ગૌરિ ત્વામહમાશ્રયે ।
અનાદ્યેસર્વલોકાનામાદ્યે ભક્તેષ્ટદાયિનિ ॥ 181॥

ગિરિરાજેંદ્રતનયે નમસ્તીપુરસુંદરિ ।
જયારીંજયદેવેશિબ્રહ્મમાતર્મહેશ્વરિ ॥ 182॥

વિષ્ણુમાતરમાદ્યંતે હરમાતસ્સુરેશ્વરિ ।
બ્રહ્મ્યાદિમાતૃસંસ્તુત્યે સર્વાભરણ સમ્યુક્તે ॥ 183॥

જ્યોતિર્મયિ મહારૂપે પાહિમાં ત્રિપુરે સદા ।
લક્ષ્મીવાણ્યાદિસં પૂજ્યે બ્રહ્મવિષ્ણુશિવપ્રિય ॥ 184॥

ભજામિ તવ પાદાબ્જં દેવિ ત્રિપુરસુંદરિ ।
ત્વલ્પ્રીત્યર્ત્થંયતઃ કાંચીચ્છક્તિં વૈપૂજયામ્યહમ્ ॥ 185॥

તતશ્ચ કેતનાં શક્તિં તર્પયામિ મહેશ્વરિ ।
તથાપિત્વાં ભજંસ્તોષં ચિદગ્નૌ ચ દદામ્યહમ્ ॥ 186॥

ત્વલ્પ્રીત્યર્થ્યં મહાદેવિ મમાભીષ્ટાર્ત્થ સિદ્ધયે ।
બદ્ધ્વાત્વાં ખૈચરીમુદ્રાં ક્ષમસ્વોદ્વાસયામ્યહમ્ ॥ 187॥

તિષ્ઠમે હૃદયેનિત્યં ત્રિપુરે પરમેશ્વરિ ।
જગદંબમહારાજ્ઞિ મહાશક્તિ શિવપ્રિયે ॥ 188॥

હૃચ્ચક્રે તિષ્તમે નિત્યં મહાત્રિપુરસુંદરિ ।
એતત્ત્રિપુરસુંદર્યા હૃદયં સર્વકામદમ્ ॥ 189॥

મહારહસ્યં સતતં દુર્લ્લભં દૈવતૈરપિ ।
સાક્ષાત્સદાશિવેનોક્તં ગુહ્યાત્ ગુહ્યમનુત્તમમ્ ॥ 190॥

યઃ પતેત્ શ્રદ્ધયા નિત્યં શ‍ઋણુયાદ્વા સમાહિતઃ ।
નિત્યપૂજાફલંદેવ્યાસ્સલભેન્નાત્ર સંશયઃ ॥ 191॥

પાપૈઃ સમુચ્યતે સદ્યઃ કાયવાક્ક્ સિત્તસંભવૈઃ ।
પૂર્વજન્મસમુત્ ભ્રદતૈર્જ્ઞાનાજ્ઞકૃતૈરપિ ॥ 192॥

સર્વક્રતુષુયત્ પુણ્યં સર્વતીર્ત્થેષુ યર્ફલમ્ ।
તત્પુણ્યં લભતે નિત્યં માનવો નાત્ર સંશયઃ ॥ 193॥

અચલાં લભતે લક્ષ્મીં ત્રૈલોક્યેનાતિ દુર્લભામ્ ।
સાક્ષાદ્વિષ્ણુર્મહાલક્ષ્યાશીઘ્રમેવ ભવિષ્યતિ ॥ 194॥

અષ્ટૈશ્વર્ય મવાપ્નોતિ સ શીઘ્રં માનવોત્તમઃ ।
ઘંડિકાપાદુકાસિદ્ધ્યાદિષ્ટકંશીઘ્રમશ્નુતે ॥ 195॥

શ્રીમત્ત્રિપુરાંબિકાયૈ નમઃ ।
॥ શ્રીલલિતાહૃદયસ્તોત્રં સંપૂર્ણમ્ ॥

ઓં તત્ સત્ ॥