શ્રી કાળિકા સહસ્ર નામ સ્તોત્રમ્

શ્રી શિવ ઉવાચ ।
કથિતોઽયં મહામંત્રઃ સર્વમંત્રોત્તમોત્તમઃ ।
યામાસાદ્ય મયા પ્રાપ્તમૈશ્વર્યપદમુત્તમમ્ ॥ 1 ॥

સંયુક્તઃ પરયા ભક્ત્યા યથોક્ત વિધિના ભવાન્ ।
કુરુતામર્ચનં દેવ્યાસ્ત્રૈલોક્યવિજિગીષયા ॥ 2 ॥

શ્રીપરશુરામ ઉવાચ ।
પ્રસન્નો યદિ મે દેવ પરમેશ પુરાતન ।
રહસ્યં પરમં દેવ્યાઃ કૃપયા કથય પ્રભો ॥ 3 ॥

વિનાર્ચનં વિના હોમં વિના ન્યાસં વિના બલિમ્ ।
વિના ગંધં વિના પુષ્પં વિના નિત્યોદિતાં ક્રિયામ્ ॥ 4 ॥

પ્રાણાયામં વિના ધ્યાનં વિના ભૂતવિશોધનમ્ ।
વિના દાનં વિના જાપં યેન કાળી પ્રસીદતિ ॥ 5 ॥

શ્રી શિવ ઉવાચ ।
પૃષ્ટં ત્વયોત્તમં પ્રાજ્ઞ ભૃગુવંશ સમુદ્ભવ ।
ભક્તાનામપિ ભક્તોઽસિ ત્વમેવ સાધયિષ્યસિ ॥ 6 ॥

દેવીં દાનવકોટિઘ્નીં લીલયા રુધિરપ્રિયામ્ ।
સદા સ્તોત્રપ્રિયામુગ્રાં કામકૌતુકલાલસામ્ ॥ 7 ॥

સર્વદાઽઽનંદહૃદયામાસવોત્સવ માનસામ્ ।
માધ્વીક મત્સ્યમાંસાનુરાગિણીં વૈષ્ણવીં પરામ્ ॥ 8 ॥

શ્મશાનવાસિનીં પ્રેતગણનૃત્યમહોત્સવામ્ ।
યોગપ્રભાવાં યોગેશીં યોગીંદ્રહૃદયસ્થિતામ્ ॥ 9 ॥

તામુગ્રકાળિકાં રામ પ્રસીદયિતુમર્હસિ ।
તસ્યાઃ સ્તોત્રં પરં પુણ્યં સ્વયં કાળ્યા પ્રકાશિતમ્ ॥ 10 ॥

તવ તત્ કથયિષ્યામિ શ્રુત્વા વત્સાવધારય ।
ગોપનીયં પ્રયત્નેન પઠનીયં પરાત્પરમ્ ॥ 11 ॥

યસ્યૈકકાલપઠનાત્ સર્વે વિઘ્નાઃ સમાકુલાઃ ।
નશ્યંતિ દહને દીપ્તે પતંગા ઇવ સર્વતઃ ॥ 12 ॥

ગદ્યપદ્યમયી વાણી તસ્ય ગંગાપ્રવાહવત્ ।
તસ્ય દર્શનમાત્રેણ વાદિનો નિષ્પ્રભાં ગતાઃ ॥ 13 ॥

તસ્ય હસ્તે સદૈવાસ્તિ સર્વસિદ્ધિર્ન સંશયઃ ।
રાજાનોઽપિ ચ દાસત્વં ભજંતે કિં પરે જનાઃ ॥ 14 ॥

નિશીથે મુક્તકેશસ્તુ નગ્નઃ શક્તિસમાહિતઃ ।
મનસા ચિંતયેત્ કાળીં મહાકાળેન ચાલિતામ્ ॥ 15 ॥

પઠેત્ સહસ્રનામાખ્યં સ્તોત્રં મોક્ષસ્ય સાધનમ્ ।
પ્રસન્ના કાળિકા તસ્ય પુત્રત્વેનાનુકંપતે ॥ 16 ॥

યથા બ્રહ્મમૃતૈર્બ્રહ્મકુસુમૈઃ પૂજિતા પરા ।
પ્રસીદતિ તથાનેન સ્તુતા કાળી પ્રસીદતિ ॥ 17 ॥

વિનિયોગઃ –
અસ્ય શ્રી દક્ષિણકાલિકા સહસ્રનામ સ્તોત્રસ્ય મહાકાલભૈરવ ઋષિઃ અનુષ્ટુપ્ છંદઃ શ્મશાનકાળી દેવતા ધર્માર્થકામમોક્ષાર્થે પાઠે વિનિયોગઃ ।

ધ્યાનમ્ –
શવારૂઢાં મહાભીમાં ઘોરદંષ્ટ્રાં હસન્મુખીં
ચતુર્ભુજાં ખડ્ગમુંડવરાભયકરાં શિવામ્ ।
મુંડમાલાધરાં દેવીં લલાજ્જિહ્વાં દિગંબરાં
એવં સંચિંતયેત્કાળીં શ્મશાનાલયવાસિનીમ્ ॥

સ્તોત્રમ્ –
શ્મશાનકાળિકા કાળી ભદ્રકાળી કપાલિની ।
ગુહ્યકાળી મહાકાળી કુરુકુલ્લા વિરોધિની ॥ 1 ॥

કાળિકા કાળરાત્રિશ્ચ મહાકાલનિતંબિની ।
કાલભૈરવભાર્યા ચ કુલવર્ત્મપ્રકાશિની ॥ 2 ॥

કામદા કામિની કન્યા કમનીયસ્વરૂપિણી ।
કસ્તૂરીરસલિપ્તાંગી કુંજરેશ્વરગામિની ॥ 3 ॥

કકારવર્ણસર્વાંગી કામિની કામસુંદરી ।
કામાર્તા કામરૂપા ચ કામધેનુઃ કળાવતી ॥ 4 ॥

કાંતા કામસ્વરૂપા ચ કામાખ્યા કુલકામિની ।
કુલીના કુલવત્યંબા દુર્ગા દુર્ગતિનાશિની ॥ 5 ॥

કૌમારી કલજા કૃષ્ણા કૃષ્ણદેહા કૃશોદરી ।
કૃશાંગી કુલિશાંગી ચ ક્રીંકારી કમલા કલા ॥ 6 ॥

કરાળાસ્યા કરાળી ચ કુલકાંતાઽપરાજિતા ।
ઉગ્રા ઉગ્રપ્રભા દીપ્તા વિપ્રચિત્તા મહાબલા ॥ 7 ॥

નીલા ઘના મેઘનાદા માત્રા મુદ્રા મિતામિતા ।
બ્રાહ્મી નારાયણી ભદ્રા સુભદ્રા ભક્તવત્સલા ॥ 8 ॥

માહેશ્વરી ચ ચામુંડા વારાહી નારસિંહિકા ।
વજ્રાંગી વજ્રકંકાળી નૃમુંડસ્રગ્વિણી શિવા ॥ 9 ॥

માલિની નરમુંડાલી ગલદ્રક્તવિભૂષણા ।
રક્તચંદનસિક્તાંગી સિંદૂરારુણમસ્તકા ॥ 10 ॥

ઘોરરૂપા ઘોરદંષ્ટ્રા ઘોરાઘોરતરા શુભા ।
મહાદંષ્ટ્રા મહામાયા સુદતી યુગદંતુરા ॥ 11 ॥

સુલોચના વિરૂપાક્ષી વિશાલાક્ષી ત્રિલોચના ।
શારદેંદુપ્રસન્નાસ્યા સ્ફુરત્સ્મેરાંબુજેક્ષણા ॥ 12 ॥

અટ્ટહાસપ્રફુલ્લાસ્યા સ્મેરવક્ત્રા સુભાષિણી ।
પ્રફુલ્લપદ્મવદના સ્મિતાસ્યા પ્રિયભાષિણી ॥ 13 ॥

કોટરાક્ષી કુલશ્રેષ્ઠા મહતી બહુભાષિણી ।
સુમતિઃ કુમતિશ્ચંડા ચંડમુંડાતિવેગિની ॥ 14 ॥

સુકેશી મુક્તકેશી ચ દીર્ઘકેશી મહાકચા ।
પ્રેતદેહાકર્ણપૂરા પ્રેતપાણિસુમેખલા ॥ 15 ॥

પ્રેતાસના પ્રિયપ્રેતા પુણ્યદા કુલપંડિતા ।
પુણ્યાલયા પુણ્યદેહા પુણ્યશ્લોકા ચ પાવની ॥ 16 ॥

પૂતા પવિત્રા પરમા પરા પુણ્યવિભૂષણા ।
પુણ્યનામ્ની ભીતિહરા વરદા ખડ્ગપાણિની ॥ 17 ॥

નૃમુંડહસ્તા શાંતા ચ છિન્નમસ્તા સુનાસિકા ।
દક્ષિણા શ્યામલા શ્યામા શાંતા પીનોન્નતસ્તની ॥ 18 ॥

દિગંબરા ઘોરરાવા સૃક્કાંતરક્તવાહિની ।
ઘોરરાવા શિવાસંગા નિઃસંગા મદનાતુરા ॥ 19 ॥

મત્તા પ્રમત્તા મદના સુધાસિંધુનિવાસિની ।
અતિમત્તા મહામત્તા સર્વાકર્ષણકારિણી ॥ 20 ॥

ગીતપ્રિયા વાદ્યરતા પ્રેતનૃત્યપરાયણા ।
ચતુર્ભુજા દશભુજા અષ્ટાદશભુજા તથા ॥ 21 ॥

કાત્યાયની જગન્માતા જગતી પરમેશ્વરી ।
જગદ્બંધુર્જગદ્ધાત્રી જગદાનંદકારિણી ॥ 22 ॥

જગજ્જીવવતી હૈમવતી માયા મહાલયા ।
નાગયજ્ઞોપવીતાંગી નાગિની નાગશાયિની ॥ 23 ॥

નાગકન્યા દેવકન્યા ગાંધારી કિન્નરી સુરી ।
મોહરાત્રી મહારાત્રી દારુણામાસુરાસુરી ॥ 24 ॥

વિદ્યાધરી વસુમતી યક્ષિણી યોગિની જરા ।
રાક્ષસી ડાકિની વેદમયી વેદવિભૂષણા ॥ 25 ॥

શ્રુતિસ્મૃતિમહાવિદ્યા ગુહ્યવિદ્યા પુરાતની ।
ચિંત્યાઽચિંત્યા સ્વધા સ્વાહા નિદ્રા તંદ્રા ચ પાર્વતી ॥ 26 ॥

અપર્ણા નિશ્ચલા લોલા સર્વવિદ્યા તપસ્વિની ।
ગંગા કાશી શચી સીતા સતી સત્યપરાયણા ॥ 27 ॥

નીતિઃ સુનીતિઃ સુરુચિસ્તુષ્ટિઃ પુષ્ટિર્ધૃતિઃ ક્ષમા ।
વાણી બુદ્ધિર્મહાલક્ષ્મી લક્ષ્મીર્નીલસરસ્વતી ॥ 28 ॥

સ્રોતસ્વતી સ્રોતવતી માતંગી વિજયા જયા ।
નદી સિંધુઃ સર્વમયી તારા શૂન્યનિવાસિની ॥ 29 ॥

શુદ્ધા તરંગિણી મેધા લાકિની બહુરૂપિણી ।
સદાનંદમયી સત્યા સર્વાનંદસ્વરૂપિણી ॥ 30 ॥

સુનંદા નંદિની સ્તુત્યા સ્તવનીયા સ્વભાવિની ।
રંકિણી ટંકિણી ચિત્રા વિચિત્રા ચિત્રરૂપિણી ॥ 31 ॥

પદ્મા પદ્માલયા પદ્મસુખી પદ્મવિભૂષણા ।
શાકિની હાકિની ક્ષાંતા રાકિણી રુધિરપ્રિયા ॥ 32 ॥

ભ્રાંતિર્ભવાની રુદ્રાણી મૃડાની શત્રુમર્દિની ।
ઉપેંદ્રાણી મહેશાની જ્યોત્સ્ના ચેંદ્રસ્વરૂપિણી ॥ 33 ॥

સૂર્યાત્મિકા રુદ્રપત્ની રૌદ્રી સ્ત્રી પ્રકૃતિઃ પુમાન્ ।
શક્તિઃ સૂક્તિર્મતિમતી ભુક્તિર્મુક્તિઃ પતિવ્રતા ॥ 34 ॥

સર્વેશ્વરી સર્વમાતા શર્વાણી હરવલ્લભા ।
સર્વજ્ઞા સિદ્ધિદા સિદ્ધા ભાવ્યા ભવ્યા ભયાપહા ॥ 35 ॥

કર્ત્રી હર્ત્રી પાલયિત્રી શર્વરી તામસી દયા ।
તમિસ્રા યામિનીસ્થા ચ સ્થિરા ધીરા તપસ્વિની ॥ 36 ॥

ચાર્વંગી ચંચલા લોલજિહ્વા ચારુચરિત્રિણી ।
ત્રપા ત્રપાવતી લજ્જા નિર્લજ્જા હ્રીં રજોવતી ॥ 37 ॥

સત્ત્વવતી ધર્મનિષ્ઠા શ્રેષ્ઠા નિષ્ઠુરવાદિની ।
ગરિષ્ઠા દુષ્ટસંહર્ત્રી વિશિષ્ટા શ્રેયસી ઘૃણા ॥ 38 ॥

ભીમા ભયાનકા ભીમનાદિની ભીઃ પ્રભાવતી ।
વાગીશ્વરી શ્રીર્યમુના યજ્ઞકર્ત્રી યજુઃપ્રિયા ॥ 39 ॥

ઋક્સામાથર્વનિલયા રાગિણી શોભનસ્વરા ।
કલકંઠી કંબુકંઠી વેણુવીણાપરાયણા ॥ 40 ॥

વંશિની વૈષ્ણવી સ્વચ્છા ધાત્રી ત્રિજગદીશ્વરી ।
મધુમતી કુંડલિની ઋદ્ધિઃ સિદ્ધિઃ શુચિસ્મિતા ॥ 41 ॥

રંભોર્વશી રતી રામા રોહિણી રેવતી રમા ।
શંખિની ચક્રિણી કૃષ્ણા ગદિની પદ્મિની તથા ॥ 42 ॥

શૂલિની પરિઘાસ્ત્રા ચ પાશિની શાર્ઙ્ગપાણિની ।
પિનાકધારિણી ધૂમ્રા શરભી વનમાલિની ॥ 43 ॥

વજ્રિણી સમરપ્રીતા વેગિની રણપંડિતા ।
જટિની બિંબિની નીલા લાવણ્યાંબુધિચંદ્રિકા ॥ 44 ॥

બલિપ્રિયા સદાપૂજ્યા પૂર્ણા દૈત્યેંદ્રમાથિની ।
મહિષાસુરસંહંત્રી વાસિની રક્તદંતિકા ॥ 45 ॥

રક્તપા રુધિરાક્તાંગી રક્તખર્પરહસ્તિની ।
રક્તપ્રિયા માંસરુચિર્વાસવાસક્તમાનસા ॥ 46 ॥

ગલચ્છોણિતમુંડાલિકંઠમાલાવિભૂષણા ।
શવાસના ચિતાંતસ્થા માહેશી વૃષવાહિની ॥ 47 ॥

વ્યાઘ્રત્વગંબરા ચીનચેલિની સિંહવાહિની ।
વામદેવી મહાદેવી ગૌરી સર્વજ્ઞભાવિની ॥ 48 ॥

બાલિકા તરુણી વૃદ્ધા વૃદ્ધમાતા જરાતુરા ।
સુભ્રુર્વિલાસિની બ્રહ્મવાદિની બ્રાહ્મણી મહી ॥ 49 ॥

સ્વપ્નવતી ચિત્રલેખા લોપામુદ્રા સુરેશ્વરી ।
અમોઘાઽરુંધતી તીક્ષ્ણા ભોગવત્યનુવાદિની ॥ 50 ॥

મંદાકિની મંદહાસા જ્વાલામુખ્યસુરાંતકા ।
માનદા માનિની માન્યા માનનીયા મદોદ્ધતા ॥ 51 ॥

મદિરા મદિરાન્માદા મેધ્યા નવ્યા પ્રસાદિની ।
સુમધ્યાઽનંતગુણિની સર્વલોકોત્તમોત્તમા ॥ 52 ॥

જયદા જિત્વરા જૈત્રી જયશ્રીર્જયશાલિની ।
સુખદા શુભદા સત્યા સભાસંક્ષોભકારિણી ॥ 53 ॥

શિવદૂતી ભૂતિમતી વિભૂતિર્ભીષણાનના ।
કૌમારી કુલજા કુંતી કુલસ્ત્રી કુલપાલિકા ॥ 54 ॥

કીર્તિર્યશસ્વિની ભૂષા ભૂષ્યા ભૂતપતિપ્રિયા ।
સગુણા નિર્ગુણા ધૃષ્ટા નિષ્ઠા કાષ્ઠા પ્રતિષ્ઠિતા ॥ 55 ॥

ધનિષ્ઠા ધનદા ધન્યા વસુધા સ્વપ્રકાશિની ।
ઉર્વી ગુર્વી ગુરુશ્રેષ્ઠા સગુણા ત્રિગુણાત્મિકા ॥ 56 ॥

મહાકુલીના નિષ્કામા સકામા કામજીવના ।
કામદેવકલા રામાઽભિરામા શિવનર્તકી ॥ 57 ॥

ચિંતામણિઃ કલ્પલતા જાગ્રતી દીનવત્સલા ।
કાર્તિકી કીર્તિકા કૃત્યા અયોધ્યા વિષમા સમા ॥ 58 ॥

સુમંત્રા મંત્રિણી ઘૂર્ણા હ્લાદિની ક્લેશનાશિની ।
ત્રૈલોક્યજનની હૃષ્ટા નિર્માંસા મનોરૂપિણી ॥ 59 ॥

તડાગનિમ્નજઠરા શુષ્કમાંસાસ્થિમાલિની ।
અવંતી મથુરા માયા ત્રૈલોક્યપાવનીશ્વરી ॥ 60 ॥

વ્યક્તાઽવ્યક્તાઽનેકમૂર્તિઃ શર્વરી ભીમનાદિની ।
ક્ષેમંકરી શંકરી ચ સર્વસમ્મોહકારિણી ॥ 61 ॥

ઊર્ધ્વતેજસ્વિની ક્લિન્ના મહાતેજસ્વિની તથા ।
અદ્વૈતા ભોગિની પૂજ્યા યુવતી સર્વમંગળા ॥ 62 ॥

સર્વપ્રિયંકરી ભોગ્યા ધરણી પિશિતાશના ।
ભયંકરી પાપહરા નિષ્કળંકા વશંકરી ॥ 63 ॥

આશા તૃષ્ણા ચંદ્રકલા નિદ્રાન્યા વાયુવેગિની ।
સહસ્રસૂર્યસંકાશા ચંદ્રકોટિસમપ્રભા ॥ 64 ॥

વહ્નિમંડલસંસ્થા ચ સર્વતત્ત્વપ્રતિષ્ઠિતા ।
સર્વાચારવતી સર્વદેવકન્યાધિદેવતા ॥ 65 ॥

દક્ષકન્યા દક્ષયજ્ઞનાશિની દુર્ગતારિકા ।
ઇજ્યા પૂજ્યા વિભા ભૂતિઃ સત્કીર્તિર્બ્રહ્મરૂપિણી ॥ 66 ॥

રંભોરુશ્ચતુરા રાકા જયંતી કરુણા કુહુઃ ।
મનસ્વિની દેવમાતા યશસ્યા બ્રહ્મચારિણી ॥ 67 ॥

ઋદ્ધિદા વૃદ્ધિદા વૃદ્ધિઃ સર્વાદ્યા સર્વદાયિની ।
આધારરૂપિણી ધ્યેયા મૂલાધારનિવાસિની ॥ 68 ॥

અજ્ઞા પ્રજ્ઞા પૂર્ણમનાશ્ચંદ્રમુખ્યનુકૂલિની ।
વાવદૂકા નિમ્નનાભિઃ સત્યા સંધ્યા દૃઢવ્રતા ॥ 69 ॥

આન્વીક્ષિકી દંડનીતિસ્ત્રયી ત્રિદિવસુંદરી ।
જ્વલિની જ્વાલિની શૈલતનયા વિંધ્યવાસિની ॥ 70 ॥

અમેયા ખેચરી ધૈર્યા તુરીયા વિમલાઽઽતુરા ।
પ્રગલ્ભા વારુણી છાયા શશિની વિસ્ફુલિંગિની ॥ 71 ॥

ભુક્તિઃ સિદ્ધિઃ સદાપ્રાપ્તિઃ પ્રાકામ્યા મહિમાઽણિમા ।
ઇચ્છાસિદ્ધિર્વિસિદ્ધા ચ વશિત્વોર્ધ્વનિવાસિની ॥ 72 ॥

લઘિમા ચૈવ ગાયત્રી સાવિત્રી ભુવનેશ્વરી ।
મનોહરા ચિતા દિવ્યા દેવ્યુદારા મનોરમા ॥ 73 ॥

પિંગળા કપિલા જિહ્વારસજ્ઞા રસિકા રસા ।
સુષુમ્નેડા ભોગવતી ગાંધારી નરકાંતકા ॥ 74 ॥

પાંચાલી રુક્મિણી રાધારાધ્યા ભીમાધિરાધિકા ।
અમૃતા તુલસી વૃંદા કૈટભી કપટેશ્વરી ॥ 75 ॥

ઉગ્રચંડેશ્વરી વીરા જનની વીરસુંદરી ।
ઉગ્રતારા યશોદાખ્યા દૈવકી દેવમાનિતા ॥ 76 ॥

નિરંજના ચિત્રદેવી ક્રોધિની કુલદીપિકા ।
કુલવાગીશ્વરી વાણી માતૃકા દ્રાવિણી દ્રવા ॥ 77 ॥

યોગેશ્વરી મહામારી ભ્રામરી બિંદુરૂપિણી ।
દૂતી પ્રાણેશ્વરી ગુપ્તા બહુલા ચમરી પ્રભા ॥ 78 ॥

કુબ્જિકા જ્ઞાનિની જ્યેષ્ઠા ભુશુંડી પ્રકટા તિથિઃ ।
દ્રવિણી ગોપની માયા કામબીજેશ્વરી ક્રિયા ॥ 79 ॥

શાંભવી કેકરા મેના મૂષલાસ્ત્રા તિલોત્તમા ।
અમેયવિક્રમા ક્રૂરા સંપત્શાલા ત્રિલોચના ॥ 80 ॥

સ્વસ્તિર્હવ્યવહા પ્રીતિરુષ્મા ધૂમ્રાર્ચિરંગદા ।
તપિની તાપિની વિશ્વા ભોગદા ધારિણી ધરા ॥ 81 ॥

ત્રિખંડા બોધિની વશ્યા સકલા શબ્દરૂપિણી ।
બીજરૂપા મહામુદ્રા યોગિની યોનિરૂપિણી ॥ 82 ॥

અનંગકુસુમાઽનંગમેખલાઽનંગરૂપિણી ।
વજ્રેશ્વરી ચ જયિની સર્વદ્વંદ્વક્ષયંકરી ॥ 83 ॥

ષડંગયુવતી યોગયુક્તા જ્વાલાંશુમાલિની ।
દુરાશયા દુરાધારા દુર્જયા દુર્ગરૂપિણી ॥ 84 ॥

દુરંતા દુષ્કૃતિહરા દુર્ધ્યેયા દુરતિક્રમા ।
હંસેશ્વરી ત્રિકોણસ્થા શાકંભર્યનુકંપિની ॥ 85 ॥

ત્રિકોણનિલયા નિત્યા પરમામૃતરંજિતા ।
મહાવિદ્યેશ્વરી શ્વેતા ભેરુંડા કુલસુંદરી ॥ 86 ॥

ત્વરિતા ભક્તિસંસક્તા ભક્તવશ્યા સનાતની ।
ભક્તાનંદમયી ભક્તભાવિકા ભક્તશંકરી ॥ 87 ॥

સર્વસૌંદર્યનિલયા સર્વસૌભાગ્યશાલિની ।
સર્વસંભોગભવના સર્વસૌખ્યનિરૂપિણી ॥ 88 ॥

કુમારીપૂજનરતા કુમારીવ્રતચારિણી ।
કુમારીભક્તિસુખિની કુમારીરૂપધારિણી ॥ 89 ॥

કુમારીપૂજકપ્રીતા કુમારીપ્રીતિદા પ્રિયા ।
કુમારીસેવકાસંગા કુમારીસેવકાલયા ॥ 90 ॥

આનંદભૈરવી બાલભૈરવી બટુભૈરવી ।
શ્મશાનભૈરવી કાલભૈરવી પુરભૈરવી ॥ 91 ॥

મહાભૈરવપત્ની ચ પરમાનંદભૈરવી ।
સુધાનંદભૈરવી ચ ઉન્માદાનંદભૈરવી ॥ 92 ॥

મુક્તાનંદભૈરવી ચ તથા તરુણભૈરવી ।
જ્ઞાનાનંદભૈરવી ચ અમૃતાનંદભૈરવી ॥ 93 ॥

મહાભયંકરી તીવ્રા તીવ્રવેગા તપસ્વિની ।
ત્રિપુરા પરમેશાની સુંદરી પુરસુંદરી ॥ 94 ॥

ત્રિપુરેશી પંચદશી પંચમી પુરવાસિની ।
મહાસપ્તદશી ચૈવ ષોડશી ત્રિપુરેશ્વરી ॥ 95 ॥

મહાંકુશસ્વરૂપા ચ મહાચક્રેશ્વરી તથા ।
નવચક્રેશ્વરી ચક્રેશ્વરી ત્રિપુરમાલિની ॥ 96 ॥

રાજરાજેશ્વરી ધીરા મહાત્રિપુરસુંદરી ।
સિંદૂરપૂરરુચિરા શ્રીમત્ત્રિપુરસુંદરી ॥ 97 ॥

સર્વાંગસુંદરી રક્તારક્તવસ્ત્રોત્તરીયિણી ।
જવાયાવકસિંદૂરરક્તચંદનધારિણી ॥ 98 ॥

જવાયાવકસિંદૂરરક્તચંદનરૂપધૃક્ ।
ચામરી બાલકુટિલનિર્મલા શ્યામકેશિની ॥ 99 ॥

વજ્રમૌક્તિકરત્નાઢ્યા કિરીટમુકુટોજ્જ્વલા ।
રત્નકુંડલસંયુક્તસ્ફુરદ્ગંડમનોરમા ॥ 100 ॥

કુંજરેશ્વરકુંભોત્થમુક્તારંજિતનાસિકા ।
મુક્તાવિદ્રુમમાણિક્યહારાઢ્યસ્તનમંડલા ॥ 101 ॥

સૂર્યકાંતેંદુકાંતાઢ્યસ્પર્શાશ્મકંઠભૂષણા ।
બીજપૂરસ્ફુરદ્બીજદંતપંક્તિરનુત્તમા ॥ 102 ॥

કામકોદંડકાભુગ્નભ્રૂકટાક્ષપ્રવર્ષિણી ।
માતંગકુંભવક્ષોજા લસત્કોકનદેક્ષણા ॥ 103 ॥

મનોજ્ઞશષ્કુલીકર્ણા હંસીગતિવિડંબિની ।
પદ્મરાગાંગદજ્યોતિર્દોશ્ચતુષ્કપ્રકાશિની ॥ 104 ॥

નાનામણિપરિસ્ફૂર્જચ્છુદ્ધકાંચનકંકણા ।
નાગેંદ્રદંતનિર્માણવલયાંકિતપાણિની ॥ 105 ॥

અંગુરીયકચિત્રાંગી વિચિત્રક્ષુદ્રઘંટિકા ।
પટ્ટાંબરપરીધાના કલમંજીરશિંજિની ॥ 106 ॥

કર્પૂરાગરુકસ્તૂરીકુંકુમદ્રવલેપિતા ।
વિચિત્રરત્નપૃથિવીકલ્પશાખિતલસ્થિતા ॥ 107 ॥

રત્નદ્વીપસ્ફુરદ્રત્નસિંહાસનવિલાસિની ।
ષટ્ચક્રભેદનકરી પરમાનંદરૂપિણી ॥ 108 ॥

સહસ્રદળપદ્માંતશ્ચંદ્રમંડલવર્તિની ।
બ્રહ્મરૂપા શિવક્રોડા નાનાસુખવિલાસિની ॥ 109 ॥

હરવિષ્ણુવિરિંચીંદ્રગ્રહનાયકસેવિતા ।
શિવા શૈવા ચ રુદ્રાણી તથૈવ શિવવાદિની ॥ 110 ॥

માતંગિની શ્રીમતી ચ તથૈવાનંગમેખલા ।
ડાકિની યોગિની ચૈવ તથોપયોગિની મતા ॥ 111 ॥

માહેશ્વરી વૈષ્ણવી ચ ભ્રામરી શિવરૂપિણી ।
અલંબુષા વેગવતી ક્રોધરૂપા સુમેખલા ॥ 112 ॥

ગાંધારી હસ્તજિહ્વા ચ ઇડા ચૈવ શુભંકરી ।
પિંગળા બ્રહ્મદૂતી ચ સુષુમ્ના ચૈવ ગંધિની ॥ 113 ॥

આત્મયોનિર્બ્રહ્મયોનિર્જગદ્યોનિરયોનિજા ।
ભગરૂપા ભગસ્થાત્રી ભગિની ભગરૂપિણી ॥ 114 ॥

ભગાત્મિકા ભગાધારરૂપિણી ભગમાલિની ।
લિંગાખ્યા ચૈવ લિંગેશી ત્રિપુરા ભૈરવી તથા ॥ 115 ॥

લિંગગીતિઃ સુગીતિશ્ચ લિંગસ્થા લિંગરૂપધૃક્ ।
લિંગમાના લિંગભવા લિંગલિંગા ચ પાર્વતી ॥ 116 ॥

ભગવતી કૌશિકી ચ પ્રેમા ચૈવ પ્રિયંવદા ।
ગૃધ્રરૂપા શિવારૂપા ચક્રિણી ચક્રરૂપધૃક્ ॥ 117 ॥

લિંગાભિધાયિની લિંગપ્રિયા લિંગનિવાસિની ।
લિંગસ્થા લિંગની લિંગરૂપિણી લિંગસુંદરી ॥ 118 ॥

લિંગગીતિર્મહાપ્રીતા ભગગીતિર્મહાસુખા ।
લિંગનામસદાનંદા ભગનામસદાગતિઃ ॥ 119 ॥

લિંગમાલાકંઠભૂષા ભગમાલાવિભૂષણા ।
ભગલિંગામૃતપ્રીતા ભગલિંગસ્વરૂપિણી ॥ 120 ॥

ભગલિંગસ્ય રૂપા ચ ભગલિંગસુખાવહા ।
સ્વયંભૂકુસુમપ્રીતા સ્વયંભૂકુસુમાર્ચિતા ॥ 121 ॥

સ્વયંભૂકુસુમપ્રાણા સ્વયંભૂપુષ્પતર્પિતા ।
સ્વયંભૂપુષ્પઘટિતા સ્વયંભૂપુષ્પધારિણી ॥ 122 ॥

સ્વયંભૂપુષ્પતિલકા સ્વયંભૂપુષ્પચર્ચિતા ।
સ્વયંભૂપુષ્પનિરતા સ્વયંભૂકુસુમગ્રહા ॥ 123 ॥

સ્વયંભૂપુષ્પયજ્ઞાંશા સ્વયંભૂકુસુમાત્મિકા ।
સ્વયંભૂપુષ્પનિચિતા સ્વયંભૂકુસુમપ્રિયા ॥ 124 ॥

સ્વયંભૂકુસુમાદાનલાલસોન્મત્તમાનસા ।
સ્વયંભૂકુસુમાનંદલહરીસ્નિગ્ધદેહિની ॥ 125 ॥

સ્વયંભૂકુસુમાધારા સ્વયંભૂકુસુમાકુલા ।
સ્વયંભૂપુષ્પનિલયા સ્વયંભૂપુષ્પવાસિની ॥ 126 ॥

સ્વયંભૂકુસુમસ્નિગ્ધા સ્વયંભૂકુસુમાત્મિકા ।
સ્વયંભૂપુષ્પકરિણી સ્વયંભૂપુષ્પવાણિકા ॥ 127 ॥

સ્વયંભૂકુસુમધ્યાના સ્વયંભૂકુસુમપ્રભા ।
સ્વયંભૂકુસુમજ્ઞાના સ્વયંભૂપુષ્પભાગિની ॥ 128 ॥

સ્વયંભૂકુસુમોલ્લાસા સ્વયંભૂપુષ્પવર્ષિણી ।
સ્વયંભૂકુસુમોત્સાહા સ્વયંભૂપુષ્પરૂપિણી ॥ 129 ॥

સ્વયંભૂકુસુમોન્માદા સ્વયંભૂપુષ્પસુંદરી ।
સ્વયંભૂકુસુમારાધ્યા સ્વયંભૂકુસુમોદ્ભવા ॥ 130 ॥

સ્વયંભૂકુસુમાવ્યગ્રા સ્વયંભૂપુષ્પપૂર્ણિતા ।
સ્વયંભૂપૂજકપ્રાજ્ઞા સ્વયંભૂહોતૃમાતૃકા ॥ 131 ॥

સ્વયંભૂદાતૃરક્ષિત્રી સ્વયંભૂરક્તતારિકા ।
સ્વયંભૂપૂજકગ્રસ્તા સ્વયંભૂપૂજકપ્રિયા ॥ 132 ॥

સ્વયંભૂવંદકાધારા સ્વયંભૂનિંદકાંતકા ।
સ્વયંભૂપ્રદસર્વસ્વા સ્વયંભૂપ્રદપુત્રિણી ॥ 133 ॥

સ્વયંભૂપ્રદસસ્મેરા સ્વયંભૂતશરીરિણી ।
સર્વકાલોદ્ભવપ્રીતા સર્વકાલોદ્ભવાત્મિકા ॥ 134 ॥

સર્વકાલોદ્ભવોદ્ભાવા સર્વકાલોદ્ભવોદ્ભવા ।
કુંડપુષ્પસદાપ્રીતા કુંડપુષ્પસદારતિઃ ॥ 135 ॥

કુંડગોલોદ્ભવપ્રાણા કુંડગોલોદ્ભવાત્મિકા ।
સ્વયંભૂર્વા શિવા ધાત્રી પાવની લોકપાવની ॥ 136 ॥

કીર્તિર્યશસ્વિની મેધા વિમેધા શુક્રસુંદરી ।
અશ્વિની કૃત્તિકા પુષ્યા તેજસ્કા ચંદ્રમંડલા ॥ 137 ॥

સૂક્ષ્માઽસૂક્ષ્મા બલાકા ચ વરદા ભયનાશિની ।
વરદાઽભયદા ચૈવ મુક્તિબંધવિનાશિની ॥ 138 ॥

કામુકા કામદા કાંતા કામાખ્યા કુલસુંદરી ।
દુઃખદા સુખદા મોક્ષા મોક્ષદાર્થપ્રકાશિની ॥ 139 ॥

દુષ્ટાદુષ્ટમતિશ્ચૈવ સર્વકાર્યવિનાશિની ।
શુક્રાધારા શુક્રરૂપા શુક્રસિંધુનિવાસિની ॥ 140 ॥

શુક્રાલયા શુક્રભોગા શુક્રપૂજાસદારતિઃ ।
શુક્રપૂજ્યા શુક્રહોમસંતુષ્ટા શુક્રવત્સલા ॥ 141 ॥

શુક્રમૂર્તિઃ શુક્રદેહા શુક્રપૂજકપુત્રિણી ।
શુક્રસ્થા શુક્રિણી શુક્રસંસ્પૃહા શુક્રસુંદરી ॥ 142 ॥

શુક્રસ્નાતા શુક્રકરી શુક્રસેવ્યાઽતિશુક્રિણી ।
મહાશુક્રા શુક્રભવા શુક્રવૃષ્ટિવિધાયિની ॥ 143 ॥

શુક્રાભિધેયા શુક્રાર્હા શુક્રવંદકવંદિતા ।
શુક્રાનંદકરી શુક્રસદાનંદાભિધાયિકા ॥ 144 ॥

શુક્રોત્સવા સદાશુક્રપૂર્ણા શુક્રમનોરમા ।
શુક્રપૂજકસર્વસ્વા શુક્રનિંદકનાશિની ॥ 145 ॥

શુક્રાત્મિકા શુક્રસંવત્ શુક્રાકર્ષણકારિણી ।
શારદા સાધકપ્રાણા સાધકાસક્તમાનસા ॥ 146 ॥

સાધકોત્તમસર્વસ્વા સાધકાભક્તરક્તપા ।
સાધકાનંદસંતોષા સાધકાનંદકારિણી ॥ 147 ॥

આત્મવિદ્યા બ્રહ્મવિદ્યા પરબ્રહ્મસ્વરૂપિણી ।
ત્રિકૂટસ્થા પંચકૂટા સર્વકૂટશરીરિણી ॥ 148 ॥

સર્વવર્ણમયી વર્ણજપમાલાવિધાયિની ।
ઇતિ શ્રીકાળિકાનામસહસ્રં શિવભાષિતમ્ ॥ 149 ॥

ગુહ્યાદ્ગુહ્યતરં સાક્ષાન્મહાપાતકનાશનમ્ ।
પૂજાકાલે નિશીથે ચ સંધ્યયોરુભયોરપિ ॥ 150 ॥

લભતે ગાણપત્યં સ યઃ પઠેત્ સાધકોત્તમઃ ।
યઃ પઠેત્ પાઠયેદ્વાપિ શૃણોતિ શ્રાવયેદપિ ॥ 151 ॥

સર્વપાપવિનિર્મુક્તઃ સ યાતિ કાળિકાપુરમ્ ।
શ્રદ્ધયાઽશ્રદ્ધયા વાપિ યઃ કશ્ચિન્માનવઃ સ્મરેત્ ॥ 152 ॥

દુર્ગં દુર્ગશતં તીર્ત્વા સ યાતિ પરમાંગતિમ્ ।
વંધ્યા વા કાકવંધ્યા વા મૃતવત્સા ચ યાંગના ॥ 153 ॥

શ્રુત્વા સ્તોત્રમિદં પુત્રાન્ લભતે ચિરજીવિનઃ ।
યં યં કામયતે કામં પઠન્ સ્તોત્રમનુત્તમમ્ ।
દેવીપાદપ્રસાદેન તત્તદાપ્નોતિ નિશ્ચિતમ્ ॥ 154 ॥

ઇતિ શ્રીકાળિકાકુલસર્વસ્વે હરપરશુરામસંવાદે શ્રી કાળિકા સહસ્રનામ સ્તોત્રમ્ ।