સંતાન ગોપાલ સ્તોત્રમ્

ઓં ગોપાલાય વિદ્મહે ગોપીજન વલ્લભાય ધીમહિ ।
તન્નો ગોપાલઃ પ્રચોદયાત્ ॥

ઓં શ્રીં હ્રીં ક્લીં ગ્લૌં દેવકી સુત ગોવિંદ વાસુદેવ જગત્પતે
દેહિ મે તનયં કૃષ્ણ ત્વામહં શરણં ગતઃ ॥
ભૂર્ભુવસ્સુવરોમ્ । ઇતિ દિગ્વિમોકઃ ॥

શ્રીશં કમલપત્રાક્ષં દેવકીનંદનં હરિમ્ ।
સુતસંપ્રાપ્તયે કૃષ્ણં નમામિ મધુસૂદનમ્ ॥ 1 ॥

નમામ્યહં વાસુદેવં સુતસંપ્રાપ્તયે હરિમ્ ।
યશોદાંકગતં બાલં ગોપાલં નંદનંદનમ્ ॥ 2 ॥

અસ્માકં પુત્રલાભાય ગોવિંદં મુનિવંદિતમ્ ।
નમામ્યહં વાસુદેવં દેવકીનંદનં સદા ॥ 3 ॥

ગોપાલં ડિંભકં વંદે કમલાપતિમચ્યુતમ્ ।
પુત્રસંપ્રાપ્તયે કૃષ્ણં નમામિ યદુપુંગવમ્ ॥ 4 ॥

પુત્રકામેષ્ટિ ફલદં કંજાક્ષં કમલાપતિમ્ ।
દેવકીનંદનં વંદે સુતસંપ્રાપ્તયે ત્વહમ્ (મમ) ॥ 5 ॥

પદ્માપતે પદ્મનેત્ર પદ્મનાભ જનાર્દન ।
દેહિ મે તનયં શ્રીશ વાસુદેવ જગત્પતે ॥ 6 ॥

યશોદાંકગતં બાલં ગોવિંદં મુનિવંદિતમ્ ।
અનંત (અસ્માકં) પુત્રલાભાય નમામિ શ્રીશમચ્યુતમ્ ॥ 7 ॥

ભૂતકૃત્-ભૂતભૃદ્ભાવો ભુતાત્મા ભૂતભાવનઃ (શ્રીપતે દેવદેવેશ દીનાર્તિર્હરણાચ્યુત) ।
ગોવિંદ મે સુતં દેહિ નમામિ ત્વાં જનાર્દન ॥ 8 ॥

ભક્તકામદ ગોવિંદ ભક્તરક્ષ શુભપ્રદ ।
દેહિ મે તનયં કૃષ્ણ રુક્મિણીવલ્લભ પ્રભો ॥ 9 ॥

રુક્મિણીનાથ સર્વેશ દેહિ મે તનયં સદા ।
ભક્તમંદાર પદ્માક્ષ ત્વામહં શરણં ગતઃ ॥ 10 ॥

દેવકીસુત ગોવિંદ વાસુદેવ જગત્પતે ।
દેહિ મે તનયં કૃષ્ણ ત્વામહં શરણં ગતઃ ॥ 11 ॥

વાસુદેવ જગદ્વંદ્ય શ્રીપતે પુરુષોત્તમ ।
દેહિ મે તનયં કૃષ્ણ ત્વામહં શરણં ગતઃ ॥ 12 ॥

કંજાક્ષ કમલાનાથ પરકારુણિકોત્તમ ।
દેહિ મે તનયં કૃષ્ણ ત્વામહં શરણં ગતઃ ॥ 13 ॥

લક્ષ્મીપતે પદ્મનાભ મુકુંદ મુનિવંદિત ।
દેહિ મે તનયં કૃષ્ણ ત્વામહં શરણં ગતઃ ॥ 14 ॥

કાર્યકારણરૂપાય વાસુદેવાય તે સદા ।
નમામિ પુત્રલાભાર્થં સુખદાય બુધાય તે ॥ 15 ॥

રાજીવનેત્ર શ્રીરામ રાવણારે હરે કવે ।
તુભ્યં નમામિ દેવેશ તનયં દેહિ મે હરે ॥ 16 ॥

અનંત (અસ્માકં) પુત્રલાભાય ભજામિ ત્વાં જગત્પતે ।
દેહિ મે તનયં કૃષ્ણ વાસુદેવ રમાપતે ॥ 17 ॥

શ્રીમાનિની માનહારિ (શ્રીમાનિની માનચોર) ગોપીવસ્ત્રાપહારક ।
દેહિ મે તનયં કૃષ્ણ વાસુદેવ જગત્પતે ॥ 18 ॥

અસ્માકં પુત્રસંપ્રાપ્તિં કુરુષ્વ યદુનંદન ।
રમાપતે વાસુદેવ મુકુંદ મુનિવંદિત ॥ 19 ॥

વાસુદેવ સુતં દેહિ તનયં દેહિ માધવ ।
પુત્રં મે દેહિ શ્રીકૃષ્ણ વત્સં દેહિ મહાપ્રભો ॥ 20 ॥

ડિંભકં દેહિ શ્રીકૃષ્ણ આત્મજં દેહિ રાઘવ ।
ભક્તમંદાર મે દેહિ તનયં નંદનંદન ॥ 21 ॥

નંદનં દેહિ મે કૃષ્ણ વાસુદેવ જગત્પતે ।
કમલાનાથ ગોવિંદ મુકુંદ મુનિવંદિત ॥ 22 ॥

અન્યથા શરણં નાસ્તિ ત્વમેવ શરણં મમ ।
સુતં દેહિ શ્રિયં દેહિ શ્રિયં પુત્રં પ્રદેહિ મે ॥ 23 ॥

યશોદાસ્તન્યપાનજ્ઞં પિબંતં યદુનંદનમ્ ।
વંદેઽહં પુત્રલાભાર્થં કપિલાક્ષં હરિં સદા ॥ 24 ॥

નંદનંદન દેવેશ નંદનં દેહિ મે પ્રભો ।
રમાપતે વાસુદેવ શ્રિયં પુત્રં જગત્પતે ॥ 25 ॥

પુત્રં શ્રિયં શ્રિયં પુત્રં પુત્રં મે દેહિ માધવ ।
અસ્માકં દીનવાક્યં ચ (દીનવાક્યસ્ય) અવધારય શ્રીપતે ॥ 26 ॥

ગોપાલ ડિંભ ગોવિંદ વાસુદેવ રમાપતે ।
અસ્માકં ડિંભકં દેહિ શ્રિયં દેહિ જગત્પતે ॥ 27 ॥

મદ્વાંછિતફલં દેહિ દેવકીનંદનાચ્યુત ।
માંદ (મમ) પુત્રાર્થિતં ધન્યં કુરુષ્વ યદુનંદન ॥ 28 ॥

યાચેઽહં ત્વાં શ્રિયં પુત્રં દેહિ મે પુત્રસંપદમ્ ।
ભક્તચિંતામણે રામ કલ્પવૃક્ષ મહાપ્રભો ॥ 29 ॥

આત્મજં નંદનં પુત્રં કુમારં ડિંભકં સુતમ્ ।
અર્ભકં તનયં દેહિ સદા મે રઘુનંદન ॥ 30 ॥

વંદે સંતાનગોપાલં માધવં ભક્તકામદમ્ ।
અસ્માકં પુત્રસંપ્રાપ્ત્યૈ સદા ગોવિંદમચ્યુતમ્ ॥ 31 ॥

ઓંકારયુક્તં ગોપાલં શ્રીયુક્તં યદુનંદનમ્ ।
ક્લીંયુક્તં દેવકીપુત્રં નમામિ યદુનાયકમ્ ॥ 32 ॥

વાસુદેવ મુકુંદેશ ગોવિંદ માધવાચ્યુત ।
દેહિ મે તનયં કૃષ્ણ રમાનાથ મહાપ્રભો ॥ 33 ॥

રાજીવનેત્ર ગોવિંદ કપિલાક્ષ હરે પ્રભો ।
સમસ્ત કામ્યવરદ દેહિ મે તનયં સદા ॥ 34 ॥

પદ્મનાભ શ્યામપદ્મ બૃંદરૂપ જગદ્પતે (અબ્જપદ્મનિભ પદ્મવૃંદરૂપ જગત્પતે) ।
સત્પુત્રં (વરસત્પુત્રં) દેહિ મે દેવ રમાનાયક (રૂપનાયક) માધવ ॥ 35 ॥

નંદપાલ ધરાપાલ ગોવિંદ યદુનંદન ।
દેહિ મે તનયં કૃષ્ણ રુક્મિણીવલ્લભ પ્રભો ॥ 36 ॥

દાસમંદાર ગોવિંદ મુકુંદ માધવાચ્યુત ।
ગોપાલ પુંડરીકાક્ષ દેહિ મે તનયં શ્રિયમ્ ॥ 37 ॥

યદુનાયક પદ્મેશ નંદગોપવધૂસુત ।
દેહિ મે તનયં કૃષ્ણ શ્રીરાધ (શ્રીધર) પ્રાણનાયક ॥ 38 ॥

અસ્માકં વાંછિતં દેહિ દેહિ પુત્રં રમાપતે ।
સ્તુવદામ્ (ભગવન્) કૃષ્ણ સર્વેશ વાસુદેવ જગત્પતે ॥ 39 ॥

રમાહૃદયસંભાર સત્યભામામનઃપ્રિય ।
દેહિ મે તનયં કૃષ્ણ રુક્મિણીવલ્લભ પ્રભો ॥ 40 ॥

ચંદ્રસૂર્યાક્ષ ગોવિંદ પુંડરીકાક્ષ માધવ ।
અસ્માકં ભાગ્યસત્પુત્રં દેહિ દેવ જગત્પતે ॥ 41 ॥

કારુણ્યરૂપ પદ્માક્ષ પદ્મનાભ-સમર્ચિત ।
દેહિ મે તનયં કૃષ્ણ દેવકીનંદનંદન ॥ 42 ॥

દેવકીસુત શ્રીનાથ વાસુદેવ જગત્પતે ।
સમસ્તકામફલદ દેહિ મે તનયં સદા ॥ 43 ॥

ભક્તમંદાર ગંભીર શંકરાચ્યુત માધવ ।
દેહિ મે તનયં ગોપ-બાલવત્સલ રમાપતે (શ્રીપતે) ॥ 44 ॥

શ્રીપતે વાસુદેવેશ દેવકીપ્રિયનંદન ।
ભક્તમંદાર મે દેહિ તનયં જગતાં પ્રભો ॥ 45 ॥

જગન્નાથ રમાનાથ ભૂમિનાથ દયાનિધે ।
વાસુદેવેશ સર્વેશ દેહિ મે તનયં પ્રભો ॥ 46 ॥

શ્રીનાથ કમલપત્રાક્ષ વાસુદેવ જગત્પતે ।
દેહિ મે તનયં કૃષ્ણ ત્વામહં શરણં ગતઃ ॥ 47 ॥

દાસમંદાર ગોવિંદ ભક્તચિંતામણે પ્રભો ।
દેહિ મે તનયં કૃષ્ણ ત્વામહં શરણં ગતઃ ॥ 48 ॥

ગોવિંદ પુંડરીકાક્ષ રમાનાથ મહાપ્રભો ।
દેહિ મે તનયં કૃષ્ણ ત્વામહં શરણં ગતઃ ॥ 49 ॥

શ્રીનાથ કમલપત્રાક્ષ ગોવિંદ મધુસૂદન ।
સત્પુત્રફલ (મત્પુત્રફલ)-સિદ્ધ્યર્થં ભજામિ ત્વાં જનાર્દન ॥ 50 ॥

સ્તન્યં પિબંતં જનનીમુખાંબુજં
વિલોક્ય મંદસ્મિતમુજ્જ્વલાંગમ્ ।
સ્પૃશંતમન્યસ્તનમંગુલીભિઃ
વંદે યશોદાંકગતં મુકુંદમ્ ॥ 51 ॥

યાચેઽહં પુત્રસંતાનં ભવંતં પદ્મલોચન ।
દેહિ મે તનયં કૃષ્ણ ત્વામહં શરણં ગતઃ ॥ 52 ॥

અસ્માકં પુત્રસંપત્તે-શ્ચિંતયામિ જગત્પતે ।
શીઘ્રં મે દેહિ દાતવ્યં ભવતા મુનિવંદિત ॥ 53 ॥

વાસુદેવ જગન્નાથ શ્રીપતે પુરુષોત્તમ ।
કુરુ માં પુત્રદત્તં ચ કૃષ્ણ દેવેંદ્રપૂજિતઃ ॥ 54 ॥

કુરુ માં પુત્રદત્તં ચ યશોદાપ્રિયનંદન ।
મહ્યં ચ પુત્રસંતાનં દાતવ્યં ભવતા હરે ॥ 55 ॥

વાસુદેવ જગન્નાથ ગોવિંદ દેવકીસુત ।
દેહિ મે તનયં રામ કૌસલ્યાપ્રિયનંદન ॥ 56 ॥

પદ્મપત્રાક્ષ ગોવિંદ વિષ્ણો વામન માધવ ।
દેહિ મે તનયં સીતા-પ્રાણનાયક રાઘવ ॥ 57 ॥

કંજાક્ષ કૃષ્ણ દેવેંદ્ર-મંડિત મુનિવંદિત ।
લક્ષ્મણાગ્રજ શ્રીરામ દેહિ મે તનયં સદા ॥ 58 ॥

દેહિ મે તનયં રામ દશરથપ્રિયનંદન ।
સીતાનાયક કંજાક્ષ મુચુકુંદવરપ્રદ ॥ 59 ॥

વિભીષણાય યા લંકા ભવતા વળીયતા પ્રભો (વિભીષણસ્યયા લંકા પ્રદત્તા ભવતા પુરા) ।
અસ્માકં તત્પ્રકારેણ તનયં દેહિ માધવ ॥ 60 ॥

ભવદીયપદાંભોજે ચિંતયામિ નિરંતરમ્ ।
દેહિ મે તનયં સીતા-પ્રાણવલ્લભ રાઘવ ॥ 61 ॥

રામ મત્કામ્યવરદ પુત્રોત્પત્તિફલપ્રદ ।
દેહિ મે તનયં શ્રીશ કમલાસનવંદિત ॥ 62 ॥

રામ રાઘવ સીતેશ લક્ષ્મણાનુજ દેહિ મે ।
ભાગ્યવત્પુત્રસંતાનં દશરથાત્મજ શ્રીપતે ॥ 63 ॥

દેવકીગર્ભસંજાત યશોદાપ્રિયનંદન ।
દેહિ મે તનયં રામ કૃષ્ણ ગોપાલ માધવ ॥ 64 ॥

કૃષ્ણ માધવ ગોવિંદ વામનાચ્યુત શંકર ।
દેહિ મે તનયં શ્રીશ ગોપબાલકનાયક ॥ 65 ॥

ગોપબાલ મહાધન્ય ગોવિંદાચ્યુત માધવ ।
દેહિ મે તનયં કૃષ્ણ વાસુદેવ જગત્પતે ॥ 66 ॥

દિશતુ દિશતુ પુત્રં દેવકીનંદનોઽયં
દિશતુ દિશતુ શીઘ્રં ભાગ્યવત્પુત્રલાભમ્ ।
દિશતુ દિશતુ શ્રીશો રાઘવો રામચંદ્રો
દિશતુ દિશતુ પુત્રં વંશવિસ્તારહેતોઃ ॥ 67 ॥

દદાતુ માં વાસુદેવોહી (દીયતાં વાસુદેવેન) તનયોમત્પ્રિયઃ સુતમ્ (સુતઃ) ।
કુમારો નંદનઃ સીતા-નાયકો-વિશદા મમ (નાયકેન સદા મમ) ॥ 68 ॥

રામ રાઘવ ગોવિંદ દેવકીસુત માધવ ।
દેહિ મે તનયં શ્રીશ ગોપબાલકનાયક ॥ 69 ॥

વંશવિસ્તારકં પુત્રં દેહિ મે મધુસૂદન ।
સુતં દેહિ સુતં દેહિ ત્વામહં શરણં ગતઃ ॥ 70 ॥

મમાભીષ્ટસુતં દેહિ કંસારે માધવાચ્યુત ।
સુતં દેહિ સુતં દેહિ ત્વામહં શરણં ગતઃ ॥ 71 ॥

ચંદ્રાર્ક-કલ્પપર્યંતં તનયં દેહિ માધવ ।
સુતં દેહિ સુતં દેહિ ત્વામહં શરણં ગતઃ ॥ 72 ॥

વિદ્યાવંતં બુદ્ધિમંતં શ્રીમંતં તનયં સદા ।
દેહિ મે તનયં કૃષ્ણ દેવકીનંદનં સદા (દેવકીનંદન પ્રભો) ॥ 73 ॥

નમામિ ત્વાં પદ્મનેત્ર સુતલાભાય કામદમ્ ।
મુકુંદં પુંડરીકાક્ષં ગોવિંદં મધુસૂદનમ્ ॥ 74 ॥

ભગવન્ કૃષ્ણ ગોવિંદ સર્વકામફલપ્રદ ।
દેહિ મે તનયં સ્વામિન્ ત્વામહં શરણં ગતઃ ॥ 75 ॥

સ્વામિન્ ત્વં ભગવન્ રામ કૃષ્ણ માધવ કામદ ।
દેહિ મે તનયં નિત્યં ત્વામહં શરણં ગતઃ ॥ 76 ॥

તનયં દેહિ ગોવિંદ કંજાક્ષ કમલાપતે ।
સુતં દેહિ સુતં દેહિ ત્વામહં શરણં ગતઃ ॥ 77 ॥

પદ્માપતે પદ્મનેત્ર પદ્મજનક માધવ (પ્રદ્યુમ્નજનક પ્રભો) ।
સુતં દેહિ સુતં દેહિ ત્વામહં શરણં ગતઃ ॥ 78 ॥

શંખચક્રગદાખડ્ગ શાર્ઙ્ગપાણે રમાપતે ।
દેહિ મે તનયં કૃષ્ણ ત્વામહં શરણં ગતઃ ॥ 79 ॥

નારાયણ રમાનાથ રાજીવપત્રલોચન ।
સુતં મે દેહિ દેવેશ પદ્મપદ્માનુવંદિત ॥ 80 ॥

રામ માધવ ગોવિંદ દેવકીવરનંદન ।
રુક્મિણીનાથ સર્વેશ નારદાદિસુરાર્ચિત ॥ 81 ॥

દેવકીસુત ગોવિંદ વાસુદેવ જગત્પતે ।
દેહિ મે તનયં શ્રીશ ગોપબાલકનાયક ॥ 82 ॥

મુનિવંદિત ગોવિંદ રુક્મિણીવલ્લભ પ્રભો ।
દેહિ મે તનયં શ્રીશ (કૃષ્ણ) ગોપબાલકનાયક (ત્વામહં શરણં ગતઃ) ॥ 83 ॥

ગોપિકા લૂનપુષ્પણાં મકરંદ રથપ્રિય (ગોપિકાર્જિતપંકેજમરંદાસક્તમાનસ)।
દેહિ મે તનયં શ્રીશ (કૃષ્ણ) ગોપબાલકનાયક (ત્વામહં શરણં ગતઃ )॥ 84 ॥

ર્રમા હૃદય રાજીવ લોલમાધવ કામદ । (રમાહૃદય પંકેજલોલ માધવ કામદ)
મમાભીષ્ટસુતં દેહિ ત્વામહં શરણં ગતઃ ॥ 85 ॥

વાસુદેવ રમાનાથ દાસાનાં મંગલપ્રદ ।
દેહિ મે તનયં કૃષ્ણ ત્વામહં શરણં ગતઃ ॥ 86 ॥

કલ્યાણપ્રદ ગોવિંદ મુરારે મુનિવંદિત ।
દેહિ મે તનયં શ્રીશ (કૃષ્ણ) ગોપબાલકનાયક (ત્વામહં શરણં ગતઃ) ॥ 87 ॥

પુત્રપ્રદ મુકુંદેશ રુક્મિણીવલ્લભ પ્રભો ।
દેહિ મે તનયં શ્રીશ (કૃષ્ણ) ગોપબાલકનાયક (ત્વામહં શરણં ગતઃ) ॥ 88 ॥

પુંડરીકાક્ષ ગોવિંદ વાસુદેવ જગત્પતે ।
દેહિ મે તનયં શ્રીશ (કૃષ્ણ) ગોપબાલકનાયક (ત્વામહં શરણં ગતઃ) ॥ 89 ॥

દયાનિધે વાસુદેવ મુકુંદ મુનિવંદિત ।
દેહિ મે તનયં શ્રીશ (કૃષ્ણ) ગોપબાલકનાયક (ત્વામહં શરણં ગતઃ) ॥ 90 ॥

પુત્રસંપત્પ્રદાતારં ગોવિંદં દેવપૂજિતમ્ ।
વંદામહે સદા કૃષ્ણં પુત્રલાભપ્રદાયિનમ્ ॥ 91 ॥

કારુણ્યનિધયે ગોપીવલ્લભાય મુરારયે ।
નમસ્તે પુત્રલાભાર્થં દેહિ મે તનયં વિભો ॥ 92 ॥

નમસ્તસ્મૈ રમેશાય રુક્મિણીવલ્લભાય તે ।
દેહિ મે તનયં શ્રીશ ગોપબાલકનાયક ॥ 93 ॥

નમસ્તે વાસુદેવાય નિત્યશ્રીકામુકાય ચ ।
પુત્રદાય ચ સર્પેંદ્ર….શાયિને રંગશાયિને ॥ 94 ॥

રંગશાયિન્ રમાનાથ મંગલપ્રદ માધવ ।
દેહિ મે તનયં શ્રીશ ગોપબાલકનાયક ॥ 95 ॥

દાસસ્ય મે સુતં દેહિ દીનમંદાર રાઘવ ।
સુતં દેહિ સુતં દેહિ પુત્રં દેહિ રમાપતે ॥ 96 ॥

યશોદાતનયાભીષ્ટ પુત્રદાનરતઃ સદા ।
દેહિ મે તનયં શ્રીશ (કૃષ્ણ) ગોપબાલકનાયક (ત્વામહં શરણં ગતઃ) ॥ 97 ॥

મદિષ્ટદેવ ગોવિંદ વાસુદેવ જનાર્દન ।
દેહિ મે તનયં શ્રીશ (કૃષ્ણ) ગોપબાલકનાયક (ત્વામહં શરણં ગતઃ) ॥ 98 ॥

નીતિમાન્ ધનવાન્ પુત્રો વિદ્યાવાંશ્ચ પ્રજાપતે ।
ભગવંસ્ત્વત્કૃપાયાશ્ચ વાસુદેવેંદ્રપૂજિત ॥ 99 ॥

યઃ પઠેત્ પુત્રશતકં સોઽપિ સત્પુત્રવાન્ ભવેત્ ।
શ્રીવાસુદેવકથિતં સ્તોત્રરત્નં સુખાય ચ ॥ 100 ॥

જપકાલે પઠેન્નિત્યં પુત્રલાભં ધનં શ્રિયમ્ ।
ઐશ્વર્યં રાજસમ્માનં સદ્યો યાતિ ન સંશયઃ ॥ 101 ॥