નારાયણીયં દશક 23 – દક્ષચરિતં તથા ચિત્રકેતૂપાખ્યાનમ્

પ્રાચેતસસ્તુ ભગવન્નપરો હિ દક્ષ-
સ્ત્વત્સેવનં વ્યધિત સર્ગવિવૃદ્ધિકામઃ ।
આવિર્બભૂવિથ તદા લસદષ્ટબાહુ-
સ્તસ્મૈ વરં દદિથ તાં ચ વધૂમસિક્નીમ્ ॥1॥

તસ્યાત્મજાસ્ત્વયુતમીશ પુનસ્સહસ્રં
શ્રીનારદસ્ય વચસા તવ માર્ગમાપુઃ ।
નૈકત્રવાસમૃષયે સ મુમોચ શાપં
ભક્તોત્તમસ્ત્વૃષિરનુગ્રહમેવ મેને ॥2॥

ષષ્ટ્યા તતો દુહિતૃભિઃ સૃજતઃ કુલૌઘાન્
દૌહિત્રસૂનુરથ તસ્ય સ વિશ્વરૂપઃ ।
ત્વત્સ્તોત્રવર્મિતમજાપયદિંદ્રમાજૌ
દેવ ત્વદીયમહિમા ખલુ સર્વજૈત્રઃ ॥3॥

પ્રાક્શૂરસેનવિષયે કિલ ચિત્રકેતુઃ
પુત્રાગ્રહી નૃપતિરંગિરસઃ પ્રભાવાત્ ।
લબ્ધ્વૈકપુત્રમથ તત્ર હતે સપત્ની-
સંઘૈરમુહ્યદવશસ્તવ માયયાસૌ ॥4॥

તં નારદસ્તુ સમમંગિરસા દયાલુઃ
સંપ્રાપ્ય તાવદુપદર્શ્ય સુતસ્ય જીવમ્ ।
કસ્યાસ્મિ પુત્ર ઇતિ તસ્ય ગિરા વિમોહં
ત્યક્ત્વા ત્વદર્ચનવિધૌ નૃપતિં ન્યયુંક્ત ॥5॥

સ્તોત્રં ચ મંત્રમપિ નારદતોઽથ લબ્ધ્વા
તોષાય શેષવપુષો નનુ તે તપસ્યન્ ।
વિદ્યાધરાધિપતિતાં સ હિ સપ્તરાત્રે
લબ્ધ્વાપ્યકુંઠમતિરન્વભજદ્ભવંતમ્ ॥6॥

તસ્મૈ મૃણાલધવલેન સહસ્રશીર્ષ્ણા
રૂપેણ બદ્ધનુતિસિદ્ધગણાવૃતેન ।
પ્રાદુર્ભવન્નચિરતો નુતિભિઃ પ્રસન્નો
દત્વાઽઽત્મતત્ત્વમનુગૃહ્ય તિરોદધાથ ॥7॥

ત્વદ્ભક્તમૌલિરથ સોઽપિ ચ લક્ષલક્ષં
વર્ષાણિ હર્ષુલમના ભુવનેષુ કામમ્ ।
સંગાપયન્ ગુણગણં તવ સુંદરીભિઃ
સંગાતિરેકરહિતો લલિતં ચચાર ॥8॥

અત્યંતસંગવિલયાય ભવત્પ્રણુન્નો
નૂનં સ રૂપ્યગિરિમાપ્ય મહત્સમાજે ।
નિશ્શંકમંકકૃતવલ્લભમંગજારિં
તં શંકરં પરિહસન્નુમયાભિશેપે ॥9॥

નિસ્સંભ્રમસ્ત્વયમયાચિતશાપમોક્ષો
વૃત્રાસુરત્વમુપગમ્ય સુરેંદ્રયોધી ।
ભક્ત્યાત્મતત્ત્વકથનૈઃ સમરે વિચિત્રં
શત્રોરપિ ભ્રમમપાસ્ય ગતઃ પદં તે ॥10॥

ત્વત્સેવનેન દિતિરિંદ્રવધોદ્યતાઽપિ
તાન્પ્રત્યુતેંદ્રસુહૃદો મરુતોઽભિલેભે ।
દુષ્ટાશયેઽપિ શુભદૈવ ભવન્નિષેવા
તત્તાદૃશસ્ત્વમવ માં પવનાલયેશ ॥11॥