શ્રી મહાન્યાસમ્ – 2. પંચમુખ ધ્યાનમ્
ઓં નમ્ ॥ તત્પુરુ॒ષાય વિ॒દ્મહે॑ મહાદે॒વાય॑ ધીમહિ । તન્નો॑ રુદ્રઃ પ્રચોદયા᳚ત્ ॥
સંવઁર્તાગ્નિ તટિત્પ્રદીપ્ત કનક પ્રસ્પર્થિ તેજોમયમ્ ।
ગંભીરધ્વનિ સામવેદજનકં તામ્રાધરં સુંદરમ્ ।
અર્ધેંદુદ્યુતિ લોલપિંગળ જટાભારપ્રબદ્ધોરગમ્ ।
વંદે સિદ્ધ સુરાસુરેંદ્રનમિતં પૂર્વં મુખં શૂલિનઃ ॥
ઓં નમો ભગવતે॑ રુદ્રા॒ય ॥ ઓં નમ્ ॥ પૂર્વ મુખાય॒ નમઃ ॥
અ॒ઘોરે᳚ભ્યોઽથઘો॒રે᳚ભ્યો॒ ઘોર॒ઘોર॑તરેભ્યઃ ॥ સર્વે᳚ભ્યસ્સર્વ શર્વે᳚ભ્યો॒ નમ॑સ્તે અસ્તુ રુ॒દ્રરૂ॑પેભ્યઃ ॥
કાલાભ્રભ્રમરાંજનદ્યુતિનિભં-વ્યાઁવૃત્ત પિંગેક્ષણમ્
કર્ણોદ્ભાસિત ભોગિમસ્તક મણિપ્રોદ્ગીર્ણ દંષ્ટ્રાંકુરમ્ ।
સર્પપ્રોત કપાલ શુક્તિ શકલ વ્યાકીર્ણ સચ્છેખરમ્
વંદે દક્ષિણમીશ્વરસ્ય કુટિલ ભ્રૂભંગ રૌદ્રં મુખમ્ ॥
ઓં નમો ભગવતે॑ રુદ્રા॒ય ॥ ઓં મમ્ ॥ દક્ષિણ મુખાય॒ નમઃ ॥
સ॒દ્યો જા॒તં પ્ર॑પદ્યા॒મિ॒ સ॒દ્યો જા॒તાય॒ વૈ નમો॒ નમઃ॑ । ભ॒વે ભ॑વે॒ નાતિ॑ ભવે ભવસ્વ॒ મામ્ । ભ॒વોદ્-ભ॑વાય॒ નમઃ॑ ॥
પ્રાલેયાચલમિંદુકુંદ ધવળં ગોક્ષીરફેનપ્રભમ્
ભસ્માભ્યક્તમનંગ દેહ દહન જ્વાલાવળી લોચનમ્ ।
બ્રહ્મેંદ્રાદિ મરુદ્ગણૈસ્પુતિપદૈ રભ્યર્ચિતં-યોઁગિભિઃ
વંદેઽહં સકલં કળંકરહિતં સ્થાણોર્મુખં પશ્ચિમમ્ ॥
ઓં નમો ભગવતે॑ રુદ્રા॒ય ॥ ઓં શિમ્ ॥ પશ્ચિમ મુખાય॒ નમઃ ॥
વા॒મ॒દે॒વાય॒ નમો᳚ જ્યે॒ષ્ઠાય॒ નમઃ॑ શ્રે॒ષ્ઠાય॒ નમો॑ રુ॒દ્રાય॒ નમઃ॒ કાલા॑ય॒ નમઃ॒ કલ॑વિકરણાય॒ નમો॒ બલ॑વિકરણાય॒ નમો॒ બલા॑ય॒ નમો॒ બલ॑પ્રમથનાય॒ નમઃ॒ સર્વ॑ભૂતદમનાય॒ નમો॑ મ॒નોન્મ॑નાય॒ નમઃ॑ ॥
ગૌરં કુંકુમ પંકિલં સ્તિલકં-વ્યાઁપાંડુ ગંડસ્થલમ્
ભ્રૂવિક્ષેપ કટાક્ષ લસત્સંસક્ત કર્ણોત્ફલમ્ ।
સ્નિગ્ધં બિંબફલાધરં પ્રહસિતં નીલાલકાલં કૃતમ્
વંદે પૂર્ણ શશાંક મંડલનિભં-વઁક્ત્રં હરસ્યોત્તરમ્ ॥
ઓં નમો ભગવતે॑ રુદ્રા॒ય ॥ ઓં-વાઁમ્ ॥ ઉત્તર મુખાય॒ નમઃ ॥
ઈશાનઃ સર્વ॑વિદ્યા॒ના॒-મીશ્વરઃ સર્વ॑ભૂતા॒નાં॒ બ્રહ્માધિ॑પતિ॒-ર્બ્રહ્મ॒ણો ઽધિ॑પતિ॒-ર્બ્રહ્મા॑ શિ॒વો મે॑ અસ્તુ સદાશિ॒વોમ્ ॥ (કનિષ્ઠિકાભ્યાં નમઃ)
વ્યક્તાવ્યક્ત ગુણેતરં પરતરં ષટ્ત્રિંશતત્ત્વાત્મકમ્
તસ્માદુત્તમ તત્ત્વમક્ષરમિદં ધ્યેયં સદા યોગિભિઃ ।
ઓંકારાદિ સમસ્ત મંત્રજનકં સૂક્ષ્માદિ સૂક્ષ્મં પરં
શાંતં પંચમમીશ્વરસ્ય વદનં ખંવ્યાઁપ્તિ તેજોમયમ્ ॥
ઓં નમો ભગવતે॑ રુદ્રા॒ય ॥ ઓં-વાઁમ્ ॥ ઊર્ધ્વ મુખાય॒ નમઃ ॥
દિઙ્નમસ્કારઃ
પૂર્વે પશુપતિઃ પાતુ । દક્ષિણે પાતુ શંકરઃ ।
પશ્ચિમે પાતુ વિશ્વેશઃ । નીલકંઠસ્તદોત્તરે ॥
ઈશાન્યાં પાતુ મે શર્વઃ । આગ્નેયાં પાર્વતીપતિઃ ।
નૈઋત્યાં પાતુ મે રુદ્રઃ । વાયવ્યાં નીલલોહિતઃ ॥
ઊર્ધ્વે ત્રિલોચનઃ પાતુ । અધરાયાં મહેશ્વરઃ ।
એતાભ્યો દશ દિગ્ભ્યસ્તુ । સર્વતઃ પાતુ શંકરઃ ॥
(ના રુદ્રો રુદ્રમર્ચયે᳚ત્ ।
ન્યાસપૂર્વકં જપહોમાર્ચનાઽભિષેકવિધિ વ્યાખ્યાસ્યામઃ ।)
વારંવાર પૂછાતા પ્રશ્નો
What is શ્રી મહાન્યાસમ્ - 2. પંચમુખ ધ્યાનમ્?
શ્રી મહાન્યાસમ્ - 2. પંચમુખ ધ્યાનમ્ is a devotional text available on Bhakti Granth in the selected language or script.
Which language or script is this version in?
This edition is published in Gujarati. Use the language selector to view another available edition.
Can I read શ્રી મહાન્યાસમ્ - 2. પંચમુખ ધ્યાનમ્ online?
Yes. The imported text is available directly on this page for online reading and recitation.
Can I download શ્રી મહાન્યાસમ્ - 2. પંચમુખ ધ્યાનમ્ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.