ગોપાલ સહસ્ર નામ સ્તોત્રમ્

કૈલાસશિખરે રમ્યે ગૌરી પપ્રચ્છ શંકરમ્ ।
બ્રહ્માંડાખિલનાથસ્ત્વં સૃષ્ટિસંહારકારકઃ ॥ 1 ॥

ત્વમેવ પૂજ્યસે લોકૈર્બ્રહ્મવિષ્ણુસુરાદિભિઃ ।
નિત્યં પઠસિ દેવેશ કસ્ય સ્તોત્રં મહેશ્વર ॥ 2 ॥

આશ્ચર્યમિદમત્યંતં જાયતે મમ શંકર ।
તત્પ્રાણેશ મહાપ્રાજ્ઞ સંશયં છિંધિ મે પ્રભો ॥ 3 ॥

શ્રીમહાદેવ ઉવાચ-
ધન્યાસિ કૃતપુણ્યાસિ પાર્વતિ પ્રાણવલ્લભે ।
રહસ્યાતિરહસ્યં ચ યત્પૃચ્છસિ વરાનને ॥ 4 ॥

સ્ત્રીસ્વભાવાન્મહાદેવિ પુનસ્ત્વં પરિપૃચ્છસિ ।
ગોપનીયં ગોપનીયં ગોપનીયં પ્રયત્નતઃ ॥ 5 ॥

દત્તે ચ સિદ્ધિહાનિઃ સ્યાત્તસ્માદ્યત્નેન ગોપયેત્ ।
ઇદં રહસ્યં પરમં પુરુષાર્થપ્રદાયકમ્ ॥ 6 ॥

ધનરત્નૌઘમાણિક્યં તુરંગં ચ ગજાદિકમ્ ।
દદાતિ સ્મરણાદેવ મહામોક્ષપ્રદાયકમ્ ॥ 7 ॥

તત્તેઽહં સંપ્રવક્ષ્યામિ શૃણુષ્વાવહિતા પ્રિયે ।
યોઽસૌ નિરંજનો દેવશ્ચિત્સ્વરૂપી જનાર્દનઃ ॥ 8 ॥

સંસારસાગરોત્તારકારણાય નૃણાં સદા ।
શ્રીરંગાદિકરૂપેણ ત્રૈલોક્યં વ્યાપ્ય તિષ્ઠતિ ॥ 9 ॥

તતો લોકા મહામૂઢા વિષ્ણુભક્તિવિવર્જિતાઃ ।
નિશ્ચયં નાધિગચ્છંતિ પુનર્નારાયણો હરિઃ ॥ 10 ॥

નિરંજનો નિરાકારો ભક્તાનાં પ્રીતિકામદઃ ।
બૃંદાવનવિહારાય ગોપાલં રૂપમુદ્વહન્ ॥ 11 ॥

મુરળીવાદનાધારી રાધાયૈ પ્રીતિમાવહન્ ।
અંશાંશેભ્યઃ સમુન્મીલ્ય પૂર્ણરૂપકળાયુતઃ ॥ 12 ॥

શ્રીકૃષ્ણચંદ્રો ભગવાન્ નંદગોપવરોદ્યતઃ ।
ધરણીરૂપિણી માતા યશોદા નંદગેહિની ॥ 13 ॥

દ્વાભ્યાં પ્રયાચિતો નાથો દેવક્યાં વસુદેવતઃ ।
બ્રહ્મણાઽભ્યર્થિતો દેવો દેવૈરપિ સુરેશ્વરઃ ॥ 14 ॥

જાતોઽવન્યાં ચ મુદિતો મુરળીવાચનેચ્છયા ।
શ્રિયા સાર્ધં વચઃ કૃત્વા તતો જાતો મહીતલે ॥ 15 ॥

સંસારસારસર્વસ્વં શ્યામલં મહદુજ્જ્વલમ્ ।
એતજ્જ્યોતિરહં વંદ્યં ચિંતયામિ સનાતનમ્ ॥ 16 ॥

ગૌરતેજો વિના યસ્તુ શ્યામતેજસ્સમર્ચયેત્ ।
જપેદ્વા ધ્યાયતે વાપિ સ ભવેત્પાતકી શિવે ॥ 17 ॥

સ બ્રહ્મહા સુરાપી ચ સ્વર્ણસ્તેયી ચ પંચમઃ ।
એતૈર્દોષૈર્વિલિપ્યેત તેજોભેદાન્મહીશ્વરિ ॥ 18 ॥

તસ્માજ્જ્યોતિરભૂદ્દ્વેધા રાધામાધવરૂપકમ્ ।
તસ્માદિદં મહાદેવિ ગોપાલેનૈવ ભાષિતમ્ ॥ 19 ॥

દુર્વાસસો મુનેર્મોહે કાર્તિક્યાં રાસમંડલે ।
તતઃ પૃષ્ટવતી રાધા સંદેહં ભેદમાત્મનઃ ॥ 20 ॥

નિરંજનાત્સમુત્પન્નં માયાતીતં જગન્મયમ્ ।
શ્રીકૃષ્ણેન તતઃ પ્રોક્તં રાધાયૈ નારદાય ચ ॥ 21 ॥

તતો નારદતસ્સર્વં વિરળા વૈષ્ણવાસ્તથા ।
કલૌ જાનંતિ દેવેશિ ગોપનીયં પ્રયત્નતઃ ॥ 22 ॥

શઠાય કૃપણાયાથ ડાંભિકાય સુરેશ્વરિ ।
બ્રહ્મહત્યામવાપ્નોતિ તસ્માદ્યત્નેન ગોપયેત્ ॥ 23 ॥

ઓં અસ્ય શ્રીગોપાલસહસ્રનામસ્તોત્ર મહામંત્રસ્ય શ્રીનારદ ઋષિઃ, અનુષ્ટુપ્ છંદઃ, શ્રીગોપાલો દેવતા, કામો બીજં, માયા શક્તિઃ, ચંદ્રઃ કીલકં, શ્રીકૃષ્ણચંદ્ર ભક્તિરૂપફલપ્રાપ્તયે શ્રીગોપાલસહસ્રનામસ્તોત્રજપે વિનિયોગઃ ।

ઓં ઐં ક્લીં બીજં, શ્રીં હ્રીં શક્તિઃ, શ્રી બૃંદાવનનિવાસઃ કીલકં, શ્રીરાધાપ્રિયં પરં બ્રહ્મેતિ મંત્રઃ, ધર્માદિ ચતુર્વિધ પુરુષાર્થસિદ્ધ્યર્થે જપે વિનિયોગઃ ।

ન્યાસઃ ।
ઓં નારદ ઋષયે નમઃ શિરસિ ।
અનુષ્ટુપ્ છંદસે નમઃ મુખે ।
શ્રીગોપાલદેવતાયૈ નમઃ હૃદયે ।
ક્લીં કીલકાય નમઃ નાભૌ ।
હ્રીં શક્તયે નમઃ ગુહ્યે ।
શ્રીં કીલકાય નમઃ ફાલયોઃ ।
ઓં ક્લીં કૃષ્ણાય ગોવિંદાય ગોપીજનવલ્લભાય સ્વાહા ઇતિ મૂલમંત્રઃ ।

કરન્યાસઃ ।
ઓં ક્લાં અંગુષ્ઠાભ્યાં નમઃ ।
ઓં ક્લીં તર્જનીભ્યાં નમઃ ।
ઓં ક્લૂં મધ્યમાભ્યાં નમઃ ।
ઓં ક્લૈં અનામિકાભ્યાં નમઃ ।
ઓં ક્લૌં કનિષ્ઠિકાભ્યાં નમઃ ।
ઓં ક્લઃ કરતલકરપૃષ્ઠાભ્યાં નમઃ ।

હૃદયાદિન્યાસઃ ।
ઓં ક્લાં હૃદયાય નમઃ ।
ઓં ક્લીં શિરસે સ્વાહા ।
ઓં ક્લૂં શિખાયૈ વષટ્ ।
ઓં ક્લૈં કવચાય હુમ્ ।
ઓં ક્લૌં નેત્રત્રયાય વૌષટ્ ।
ઓં ક્લઃ અસ્ત્રાય ફટ્ ।

મૂલમંત્રન્યાસઃ ।
ક્લીં અંગુષ્ઠાભ્યાં નમઃ ।
કૃષ્ણાય તર્જનીભ્યાં નમઃ ।
ગોવિંદાય મધ્યમાભ્યાં નમઃ ।
ગોપીજન અનામિકાભ્યાં નમઃ ।
વલ્લભાય કનિષ્ઠિકાભ્યાં નમઃ ।
સ્વાહા કરતલકરપૃષ્ઠાભ્યાં નમઃ ।
ક્લીં હૃદયાય નમઃ ।
કૃષ્ણાય શિરસે સ્વાહા ।
ગોવિંદાય શિખાયૈ વષટ્ ।
ગોપીજન કવચાય હુમ્ ।
વલ્લભાય નેત્રત્રયાય વૌષટ્ ।
સ્વાહા અસ્ત્રાય ફટ્ ।

ધ્યાનમ્ ।

ફુલ્લેંદીવરકાંતિમિંદુવદનં બર્હાવતંસપ્રિયં
શ્રીવત્સાંકમુદારકૌસ્તુભધરં પીતાંબરં સુંદરમ્ ।
ગોપીનાં નયનોત્પલાર્ચિતતનું ગોગોપસંઘાવૃતં
ગોવિંદં કલવેણુવાદનપરં દિવ્યાંગભૂષં ભજે ॥ 1 ॥

કસ્તૂરીતિલકં લલાટફલકે વક્ષસ્સ્થલે કૌસ્તુભં
નાસાગ્રે વરમૌક્તિકં કરતલે વેણું કરે કંકણમ્ ।
સર્વાંગે હરિચંદનં ચ કલયન્ કંઠે ચ મુક્તાવલિં
ગોપસ્ત્રીપરિવેષ્ટિતો વિજયતે ગોપાલચૂડામણિઃ ॥ 2 ॥

ઓં ક્લીં દેવઃ કામદેવઃ કામબીજશિરોમણિઃ ।
શ્રીગોપાલો મહીપાલો વેદવેદાંગપારગઃ ॥ 1 ॥

કૃષ્ણઃ કમલપત્રાક્ષઃ પુંડરીકઃ સનાતનઃ ।
ગોપતિર્ભૂપતિઃ શાસ્તા પ્રહર્તા વિશ્વતોમુખઃ ॥ 2 ॥

આદિકર્તા મહાકર્તા મહાકાલઃ પ્રતાપવાન્ ।
જગજ્જીવો જગદ્ધાતા જગદ્ભર્તા જગદ્વસુઃ ॥ 3 ॥

મત્સ્યો ભીમઃ કુહૂભર્તા હર્તા વારાહમૂર્તિમાન્ ।
નારાયણો હૃષીકેશો ગોવિંદો ગરુડધ્વજઃ ॥ 4 ॥

ગોકુલેશો મહાચંદ્રઃ શર્વરીપ્રિયકારકઃ ।
કમલામુખલોલાક્ષઃ પુંડરીકઃ શુભાવહઃ ॥ 5 ॥

દુર્વાસાઃ કપિલો ભૌમઃ સિંધુસાગરસંગમઃ ।
ગોવિંદો ગોપતિર્ગોત્રઃ કાળિંદીપ્રેમપૂરકઃ ॥ 6 ॥

ગોપસ્વામી ગોકુલેંદ્રઃ ગોવર્ધનવરપ્રદઃ ।
નંદાદિગોકુલત્રાતા દાતા દારિદ્ર્યભંજનઃ ॥ 7 ॥

સર્વમંગળદાતા ચ સર્વકામવરપ્રદઃ ।
આદિકર્તા મહીભર્તા સર્વસાગરસિંધુજઃ ॥ 8 ॥

ગજગામી ગજોદ્ધારી કામી કામકલાનિધિઃ ।
કળંકરહિતશ્ચંદ્રો બિંબાસ્યો બિંબસત્તમઃ ॥ 9 ॥

માલાકારઃ કૃપાકારઃ કોકિલસ્વરભૂષણઃ ।
રામો નીલાંબરો દેહી હલી દ્વિવિદમર્દનઃ ॥ 10 ॥

સહસ્રાક્ષપુરીભેત્તા મહામારીવિનાશનઃ ।
શિવઃ શિવતમો ભેત્તા બલારાતિપ્રપૂજકઃ ॥ 11 ॥

કુમારીવરદાયી ચ વરેણ્યો મીનકેતનઃ ।
નરો નારાયણો ધીરો ધરાપતિરુદારધીઃ ॥ 12 ॥

શ્રીપતિઃ શ્રીનિધિઃ શ્રીમાન્ માપતિઃ પ્રતિરાજહા ।
બૃંદાપતિઃ કુલં ગ્રામી ધામ બ્રહ્મસનાતનઃ ॥ 13 ॥

રેવતીરમણો રામઃ પ્રિયશ્ચંચલલોચનઃ ।
રામાયણશરીરશ્ચ રામો રામઃ શ્રિયઃપતિઃ ॥ 14 ॥

શર્વરઃ શર્વરી શર્વઃ સર્વત્ર શુભદાયકઃ ।
રાધારાધયિતારાધી રાધાચિત્તપ્રમોદકઃ ॥ 15 ॥

રાધારતિસુખોપેતો રાધામોહનતત્પરઃ ।
રાધાવશીકરો રાધાહૃદયાંભોજષટ્પદઃ ॥ 16 ॥

રાધાલિંગનસમ્મોદો રાધાનર્તનકૌતુકઃ ।
રાધાસંજાતસંપ્રીતો રાધાકામફલપ્રદઃ ॥ 17 ॥

બૃંદાપતિઃ કોકનિધિઃ કોકશોકવિનાશનઃ ।
ચંદ્રાપતિશ્ચંદ્રપતિશ્ચંડકોદંડભંજનઃ ॥ 18 ॥

રામો દાશરથી રામો ભૃગુવંશસમુદ્ભવઃ ।
આત્મારામો જિતક્રોધો મોહો મોહાંધભંજનઃ ॥ 19 ॥

વૃષભાનુભવો ભાવી કાશ્યપિઃ કરુણાનિધિઃ ।
કોલાહલો હલો હાલી હલી હલધરપ્રિયઃ ॥ 20 ॥

રાધામુખાબ્જમાર્તાંડો ભાસ્કરો રવિજો વિધુઃ ।
વિધિર્વિધાતા વરુણો વારુણો વારુણીપ્રિયઃ ॥ 21 ॥

રોહિણીહૃદયાનંદી વસુદેવાત્મજો બલિઃ ।
નીલાંબરો રૌહિણેયો જરાસંધવધોઽમલઃ ॥ 22 ॥

નાગો જવાંભો વિરુદો વીરહા વરદો બલી ।
ગોપદો વિજયી વિદ્વાન્ શિપિવિષ્ટઃ સનાતનઃ ॥ 23 ॥

પરશુરામવચોગ્રાહી વરગ્રાહી સૃગાલહા ।
દમઘોષોપદેષ્ટા ચ રથગ્રાહી સુદર્શનઃ ॥ 24 ॥

વીરપત્નીયશસ્ત્રાતા જરાવ્યાધિવિઘાતકઃ ।
દ્વારકાવાસતત્ત્વજ્ઞો હુતાશનવરપ્રદઃ ॥ 25 ॥

યમુનાવેગસંહારી નીલાંબરધરઃ પ્રભુઃ ।
વિભુઃ શરાસનો ધન્વી ગણેશો ગણનાયકઃ ॥ 26 ॥

લક્ષ્મણો લક્ષણો લક્ષ્યો રક્ષોવંશવિનાશકઃ ।
વામનો વામનીભૂતો વમનો વમનારુહઃ ॥ 27 ॥

યશોદાનંદનઃ કર્તા યમળાર્જુનમુક્તિદઃ ।
ઉલૂખલી મહામાનો દામબદ્ધાહ્વયી શમી ॥ 28 ॥

ભક્તાનુકારી ભગવાન્ કેશવોઽચલધારકઃ ।
કેશિહા મધુહા મોહી વૃષાસુરવિઘાતકઃ ॥ 29 ॥

અઘાસુરવિઘાતી ચ પૂતનામોક્ષદાયકઃ ।
કુબ્જાવિનોદી ભગવાન્ કંસમૃત્યુર્મહામુખી ॥ 30 ॥

અશ્વમેધો વાજપેયો ગોમેધો નરમેધવાન્ ।
કંદર્પકોટિલાવણ્યશ્ચંદ્રકોટિસુશીતલઃ ॥ 31 ॥

રવિકોટિપ્રતીકાશો વાયુકોટિમહાબલઃ ।
બ્રહ્મા બ્રહ્માંડકર્તા ચ કમલાવાંછિતપ્રદઃ ॥ 32 ॥

કમલી કમલાક્ષશ્ચ કમલામુખલોલુપઃ ।
કમલાવ્રતધારી ચ કમલાભઃ પુરંદરઃ ॥ 33 ॥

સૌભાગ્યાધિકચિત્તશ્ચ મહામાયી મદોત્કટઃ ।
તાટકારિઃ સુરત્રાતા મારીચક્ષોભકારકઃ ॥ 34 ॥

વિશ્વામિત્રપ્રિયો દાંતો રામો રાજીવલોચનઃ ।
લંકાધિપકુલધ્વંસી વિભીષણવરપ્રદઃ ॥ 35 ॥

સીતાનંદકરો રામો વીરો વારિધિબંધનઃ ।
ખરદૂષણસંહારી સાકેતપુરવાસવાન્ ॥ 36 ॥

ચંદ્રાવળિપતિઃ કૂલઃ કેશિકંસવધોઽમરઃ ।
માધવો મધુહા માધ્વી માધ્વીકો માધવી વિભુઃ ॥ 37 ॥

મુંજાટવીગાહમાનો ધેનુકારિર્દશાત્મજઃ ।
વંશીવટવિહારી ચ ગોવર્ધનવનાશ્રયઃ ॥ 38 ॥

તથા તાળવનોદ્દેશી ભાંડીરવનશંકરઃ ।
તૃણાવર્તકૃપાકારી વૃષભાનુસુતાપતિઃ ॥ 39 ॥

રાધાપ્રાણસમો રાધાવદનાબ્જમધૂત્કટઃ ।
ગોપીરંજનદૈવજ્ઞઃ લીલાકમલપૂજિતઃ ॥ 40 ॥

ક્રીડાકમલસંદોહો ગોપિકાપ્રીતિરંજનઃ ।
રંજકો રંજનો રંગો રંગી રંગમહીરુહઃ ॥ 41 ॥

કામઃ કામારિભક્તશ્ચ પુરાણપુરુષઃ કવિઃ ।
નારદો દેવલો ભીમો બાલો બાલમુખાંબુજઃ ॥ 42 ॥

અંબુજો બ્રહ્મસાક્ષી ચ યોગી દત્તવરો મુનિઃ ।
ઋષભઃ પર્વતો ગ્રામો નદીપવનવલ્લભઃ ॥ 43 ॥

પદ્મનાભઃ સુરજ્યેષ્ઠો બ્રહ્મા રુદ્રોઽહિભૂષિતઃ ।
ગણાનાં ત્રાણકર્તા ચ ગણેશો ગ્રહિળો ગ્રહિઃ ॥ 44 ॥

ગણાશ્રયો ગણાધ્યક્ષો ક્રોડીકૃતજગત્ત્રયઃ ।
યાદવેંદ્રો દ્વારકેંદ્રો મથુરાવલ્લભો ધુરી ॥ 45 ॥

ભ્રમરઃ કુંતલી કુંતીસુતરક્ષી મહામનાઃ ।
યમુનાવરદાતા ચ કાશ્યપસ્ય વરપ્રદઃ ॥ 46 ॥

શંખચૂડવધોદ્દામો ગોપીરક્ષણતત્પરઃ ।
પાંચજન્યકરો રામી ત્રિરામી વનજો જયઃ ॥ 47 ॥

ફાલ્ગુણઃ ફલ્ગુનસખો વિરાધવધકારકઃ ।
રુક્મિણીપ્રાણનાથશ્ચ સત્યભામાપ્રિયંકરઃ ॥ 48 ॥

કલ્પવૃક્ષો મહાવૃક્ષો દાનવૃક્ષો મહાફલઃ ।
અંકુશો ભૂસુરો ભાવો ભામકો ભ્રામકો હરિઃ ॥ 49 ॥

સરળઃ શાશ્વતો વીરો યદુવંશશિવાત્મકઃ ।
પ્રદ્યુમ્નો બલકર્તા ચ પ્રહર્તા દૈત્યહા પ્રભુઃ ॥ 50 ॥

મહાધનો મહાવીરો વનમાલાવિભૂષણઃ ।
તુલસીદામશોભાઢ્યો જાલંધરવિનાશનઃ ॥ 51 ॥

સૂરઃ સૂર્યો મૃકંડુશ્ચ ભાસ્વરો વિશ્વપૂજિતઃ ।
રવિસ્તમોહા વહ્નિશ્ચ બાડબો બડબાનલઃ ॥ 52 ॥

દૈત્યદર્પવિનાશી ચ ગરુડો ગરુડાગ્રજઃ ।
ગોપીનાથો મહીનાથો બૃંદાનાથોઽવરોધકઃ ॥ 53 ॥

પ્રપંચી પંચરૂપશ્ચ લતાગુલ્મશ્ચ ગોમતિઃ ।
ગંગા ચ યમુનારૂપો ગોદા વેત્રવતી તથા ॥ 54 ॥

કાવેરી નર્મદા તાપી ગંડકી સરયૂ રજઃ ।
રાજસસ્તામસસ્સત્ત્વી સર્વાંગી સર્વલોચનઃ ॥ 55 ॥

સુધામયોઽમૃતમયો યોગિનાં વલ્લભઃ શિવઃ ।
બુદ્ધો બુદ્ધિમતાં શ્રેષ્ઠો વિષ્ણુર્જિષ્ણુઃ શચીપતિઃ ॥ 56 ॥

વંશી વંશધરો લોકો વિલોકો મોહનાશનઃ ।
રવરાવો રવો રાવો વલો વાલો વલાહકઃ ॥ 57 ॥

શિવો રુદ્રો નલો નીલો લાંગલી લાંગલાશ્રયઃ ।
પારદઃ પાવનો હંસો હંસારૂઢો જગત્પતિઃ ॥ 58 ॥

મોહિનીમોહનો માયી મહામાયો મહાસુખી ।
વૃષો વૃષાકપિઃ કાલઃ કાલીદમનકારકઃ ॥ 59 ॥

કુબ્જાભાગ્યપ્રદો વીરો રજકક્ષયકારકઃ ।
કોમલો વારુણી રાજા જલજો જલધારકઃ ॥ 60 ॥

હારકઃ સર્વપાપઘ્નઃ પરમેષ્ઠી પિતામહઃ ।
ખડ્ગધારી કૃપાકારી રાધારમણસુંદરઃ ॥ 61 ॥

દ્વાદશારણ્યસંભોગી શેષનાગફણાલયઃ ।
કામઃ શ્યામઃ સુખશ્રીદઃ શ્રીપતિઃ શ્રીનિધિઃ કૃતિઃ ॥ 62 ॥

હરિર્હરો નરો નારો નરોત્તમ ઇષુપ્રિયઃ ।
ગોપાલચિત્તહર્તા ચ કર્તા સંસારતારકઃ ॥ 63 ॥

આદિદેવો મહાદેવો ગૌરીગુરુરનાશ્રયઃ ।
સાધુર્મધુર્વિધુર્ધાતા ત્રાતાઽક્રૂરપરાયણઃ ॥ 64 ॥

રોલંબી ચ હયગ્રીવો વાનરારિર્વનાશ્રયઃ ।
વનં વની વનાધ્યક્ષો મહાવંદ્યો મહામુનિઃ ॥ 65 ॥

સ્યમંતકમણિપ્રાજ્ઞઃ વિજ્ઞો વિઘ્નવિઘાતકઃ ।
ગોવર્ધનો વર્ધનીયો વર્ધની વર્ધનપ્રિયઃ ॥ 66 ॥

વાર્ધન્યો વર્ધનો વર્ધી વર્ધિષ્ણસ્તુ સુખપ્રિયઃ ।
વર્ધિતો વર્ધકો વૃદ્ધો બૃંદારકજનપ્રિયઃ ॥ 67 ॥

ગોપાલરમણીભર્તા સાંબકુષ્ઠવિનાશનઃ ।
રુક્મિણીહરણપ્રેમા પ્રેમી ચંદ્રાવલીપતિઃ ॥ 68 ॥

શ્રીકર્તા વિશ્વભર્તા ચ નારાયણ નરો બલી ।
ગણો ગણપતિશ્ચૈવ દત્તાત્રેયો મહામુનિઃ ॥ 69 ॥

વ્યાસો નારાયણો દિવ્યો ભવ્યો ભાવુકધારકઃ ।
શ્વઃશ્રેયસં શિવં ભદ્રં ભાવુકં ભવુકં શુભમ્ ॥ 70 ॥

શુભાત્મકઃ શુભઃ શાસ્તા પ્રશસ્તો મેઘનાદહા ।
બ્રહ્મણ્યદેવો દીનાનામુદ્ધારકરણક્ષમઃ ॥ 71 ॥

કૃષ્ણઃ કમલપત્રાક્ષઃ કૃષ્ણઃ કમલલોચનઃ ।
કૃષ્ણઃ કામી સદા કૃષ્ણઃ સમસ્તપ્રિયકારકઃ ॥ 72 ॥

નંદો નંદી મહાનંદી માદી માદનકઃ કિલી ।
મીલી હિલી ગિલી ગોલી ગોલો ગોલાલયો ગુલી ॥ 73 ॥

ગુગ્ગુલી મારકી શાખી વટઃ પિપ્પલકઃ કૃતી ।
મ્લેચ્છહા કાલહર્તા ચ યશોદા યશ એવ ચ ॥ 74 ॥

અચ્યુતઃ કેશવો વિષ્ણુઃ હરિઃ સત્યો જનાર્દનઃ ।
હંસો નારાયણો નીલો લીનો ભક્તિપરાયણઃ ॥ 75 ॥

જાનકીવલ્લભો રામો વિરામો વિષનાશનઃ ।
સિંહભાનુર્મહાભાનુ-ર્વીરભાનુર્મહોદધિઃ ॥ 76 ॥

સમુદ્રોઽબ્ધિરકૂપારઃ પારાવારઃ સરિત્પતિઃ ।
ગોકુલાનંદકારી ચ પ્રતિજ્ઞાપરિપાલકઃ ॥ 77 ॥

સદારામઃ કૃપારામો મહારામો ધનુર્ધરઃ ।
પર્વતઃ પર્વતાકારો ગયો ગેયો દ્વિજપ્રિયઃ ॥ 78 ॥

કમલાશ્વતરો રામો રામાયણપ્રવર્તકઃ ।
દ્યૌર્દિવો દિવસો દિવ્યો ભવ્યો ભાગી ભયાપહઃ ॥ 79 ॥

પાર્વતીભાગ્યસહિતો ભર્તા લક્ષ્મીસહાયવાન્ । [વિલાસવાન્]
વિલાસી સાહસી સર્વી ગર્વી ગર્વિતલોચનઃ ॥ 80 ॥

સુરારિર્લોકધર્મજ્ઞો જીવનો જીવનાંતકઃ ।
યમો યમારિર્યમનો યમી યામવિઘાતકઃ ॥ 81 ॥

વંશુલી પાંશુલી પાંસુઃ પાંડુરર્જુનવલ્લભઃ ।
લલિતા ચંદ્રિકામાલા માલી માલાંબુજાશ્રયઃ ॥ 82 ॥

અંબુજાક્ષો મહાયક્ષો દક્ષશ્ચિંતામણિપ્રભુઃ ।
મણિર્દિનમણિશ્ચૈવ કેદારો બદરીશ્રયઃ ॥ 83 ॥

બદરીવનસંપ્રીતો વ્યાસઃ સત્યવતીસુતઃ ।
અમરારિનિહંતા ચ સુધાસિંધુવિધૂદયઃ ॥ 84 ॥

ચંદ્રો રવિઃ શિવઃ શૂલી ચક્રી ચૈવ ગદાધરઃ ।
શ્રીકર્તા શ્રીપતિઃ શ્રીદઃ શ્રીદેવો દેવકીસુતઃ ॥ 85 ॥

શ્રીપતિઃ પુંડરીકાક્ષઃ પદ્મનાભો જગત્પતિઃ ।
વાસુદેવોઽપ્રમેયાત્મા કેશવો ગરુડધ્વજઃ ॥ 86 ॥

નારાયણઃ પરં ધામ દેવદેવો મહેશ્વરઃ ।
ચક્રપાણિઃ કળાપૂર્ણો વેદવેદ્યો દયાનિધિઃ ॥ 87 ॥

ભગવાન્ સર્વભૂતેશો ગોપાલઃ સર્વપાલકઃ ।
અનંતો નિર્ગુણો નિત્યો નિર્વિકલ્પો નિરંજનઃ ॥ 88 ॥

નિરાધારો નિરાકારો નિરાભાસો નિરાશ્રયઃ ।
પુરુષઃ પ્રણવાતીતો મુકુંદઃ પરમેશ્વરઃ ॥ 89 ॥

ક્ષણાવનિઃ સાર્વભૌમો વૈકુંઠો ભક્તવત્સલઃ ।
વિષ્ણુર્દામોદરઃ કૃષ્ણો માધવો મથુરાપતિઃ ॥ 90 ॥

દેવકીગર્ભસંભૂતો યશોદાવત્સલો હરિઃ ।
શિવઃ સંકર્ષણઃ શંભુર્ભૂતનાથો દિવસ્પતિઃ ॥ 91 ॥

અવ્યયઃ સર્વધર્મજ્ઞો નિર્મલો નિરુપદ્રવઃ ।
નિર્વાણનાયકો નિત્યો નીલજીમૂતસન્નિભઃ ॥ 92 ॥

કલાક્ષયશ્ચ સર્વજ્ઞઃ કમલારૂપતત્પરઃ ।
હૃષીકેશઃ પીતવાસા વસુદેવપ્રિયાત્મજઃ ॥ 93 ॥

નંદગોપકુમારાર્યો નવનીતાશનો વિભુઃ ।
પુરાણઃ પુરુષશ્રેષ્ઠઃ શંખપાણિઃ સુવિક્રમઃ ॥ 94 ॥

અનિરુદ્ધશ્ચક્રધરઃ શાર્ઙ્ગપાણિશ્ચતુર્ભુજઃ ।
ગદાધરઃ સુરાર્તિઘ્નો ગોવિંદો નંદકાયુધઃ ॥ 95 ॥

બૃંદાવનચરઃ શૌરિર્વેણુવાદ્યવિશારદઃ ।
તૃણાવર્તાંતકો ભીમસાહસો બહુવિક્રમઃ ॥ 96 ॥

શકટાસુરસંહારી બકાસુરવિનાશનઃ ।
ધેનુકાસુરસંહારી પૂતનારિર્નૃકેસરી ॥ 97 ॥

પિતામહો ગુરુસ્સાક્ષી પ્રત્યગાત્મા સદાશિવઃ ।
અપ્રમેયઃ પ્રભુઃ પ્રાજ્ઞોઽપ્રતર્ક્યઃ સ્વપ્નવર્ધનઃ ॥ 98 ॥

ધન્યો માન્યો ભવો ભાવો ધીરઃ શાંતો જગદ્ગુરુઃ ।
અંતર્યામીશ્વરો દિવ્યો દૈવજ્ઞો દેવસંસ્તુતઃ ॥ 99 ॥

ક્ષીરાબ્ધિશયનો ધાતા લક્ષ્મીવાન્ લક્ષ્મણાગ્રજઃ ।
ધાત્રીપતિરમેયાત્મા ચંદ્રશેખરપૂજિતઃ ॥ 100 ॥

લોકસાક્ષી જગચ્ચક્ષુઃ પુણ્યચારિત્રકીર્તનઃ ।
કોટિમન્મથસૌંદર્યો જગન્મોહનવિગ્રહઃ ॥ 101 ॥

મંદસ્મિતતનુર્ગોપગોપિકાપરિવેષ્ટિતઃ ।
ફુલ્લારવિંદનયનશ્ચાણૂરાંધ્રનિષૂદનઃ ॥ 102 ॥

ઇંદીવરદળશ્યામો બર્હિબર્હાવતંસકઃ ।
મુરળીનિનદાહ્લાદો દિવ્યમાલાંબરાવૃતઃ ॥ 103 ॥

સુકપોલયુગઃ સુભ્રૂયુગળઃ સુલલાટકમ્ ।
કંબુગ્રીવો વિશાલાક્ષો લક્ષ્મીવાંછુભલક્ષણઃ ॥ 104 ॥

પીનવક્ષાશ્ચતુર્બાહુશ્ચતુર્મૂર્તિસ્ત્રિવિક્રમઃ ।
કળંકરહિતઃ શુદ્ધો દુષ્ટશત્રુનિબર્હણઃ ॥ 105 ॥

કિરીટકુંડલધરઃ કટકાંગદમંડિતઃ ।
મુદ્રિકાભરણોપેતઃ કટિસૂત્રવિરાજિતઃ ॥ 106 ॥

મંજીરરંજિતપદઃ સર્વાભરણભૂષિતઃ ।
વિન્યસ્તપાદયુગળો દિવ્યમંગળવિગ્રહઃ ॥ 107 ॥

ગોપિકાનયનાનંદઃ પૂર્ણચંદ્રનિભાનનઃ ।
સમસ્તજગદાનંદઃ સુંદરો લોકનંદનઃ ॥ 108 ॥

યમુનાતીરસંચારી રાધામન્મથવૈભવઃ ।
ગોપનારીપ્રિયો દાંતો ગોપીવસ્ત્રાપહારકઃ ॥ 109 ॥

શૃંગારમૂર્તિઃ શ્રીધામા તારકો મૂલકારણમ્ ।
સૃષ્ટિસંરક્ષણોપાયઃ ક્રૂરાસુરવિભંજનઃ ॥ 110 ॥

નરકાસુરસંહારી મુરારિર્વૈરિમર્દનઃ ।
આદિતેયપ્રિયો દૈત્યભીકરો યદુશેખરઃ ॥ 111 ॥

જરાસંધકુલધ્વંસી કંસારાતિઃ સુવિક્રમઃ ।
પુણ્યશ્લોકઃ કીર્તનીયો યાદવેંદ્રો જગન્નુતઃ ॥ 112 ॥

રુક્મિણીરમણઃ સત્યભામાજાંબવતીપ્રિયઃ ।
મિત્રવિંદાનાગ્નજિતીલક્ષ્મણાસમુપાસિતઃ ॥ 113 ॥

સુધાકરકુલે જાતોઽનંતઃ પ્રબલવિક્રમઃ ।
સર્વસૌભાગ્યસંપન્નો દ્વારકાપટ્ટણસ્થિતઃ ॥ 114 ॥

ભદ્રાસૂર્યસુતાનાથો લીલામાનુષવિગ્રહઃ ।
સહસ્રષોડશસ્ત્રીશો ભોગમોક્ષૈકદાયકઃ ॥ 115 ॥

વેદાંતવેદ્યઃ સંવેદ્યો વૈદ્યો બ્રહ્માંડનાયકઃ ।
ગોવર્ધનધરો નાથઃ સર્વજીવદયાપરઃ ॥ 116 ॥

મૂર્તિમાન્ સર્વભૂતાત્મા આર્તત્રાણપરાયણઃ ।
સર્વજ્ઞઃ સર્વસુલભઃ સર્વશાસ્ત્રવિશારદઃ ॥ 117 ॥

ષડ્ગુણૈશ્વર્યસંપન્નઃ પૂર્ણકામો ધુરંધરઃ ।
મહાનુભાવઃ કૈવલ્યદાયકો લોકનાયકઃ ॥ 118 ॥

આદિમધ્યાંતરહિતઃ શુદ્ધસાત્ત્વિકવિગ્રહઃ ।
અસમાનઃ સમસ્તાત્મા શરણાગતવત્સલઃ ॥ 119 ॥

ઉત્પત્તિસ્થિતિસંહારકારણં સર્વકારણમ્ ।
ગંભીરઃ સર્વભાવજ્ઞઃ સચ્ચિદાનંદવિગ્રહઃ ॥ 120 ॥

વિષ્વક્સેનઃ સત્યસંધઃ સત્યવાક્ સત્યવિક્રમઃ ।
સત્યવ્રતઃ સત્યરતઃ સત્યધર્મપરાયણઃ ॥ 121 ॥

આપન્નાર્તિપ્રશમનઃ દ્રૌપદીમાનરક્ષકઃ ।
કંદર્પજનકઃ પ્રાજ્ઞો જગન્નાટકવૈભવઃ ॥ 122 ॥

ભક્તિવશ્યો ગુણાતીતઃ સર્વૈશ્વર્યપ્રદાયકઃ ।
દમઘોષસુતદ્વેષી બાણબાહુવિખંડનઃ ॥ 123 ॥

ભીષ્મભક્તિપ્રદો દિવ્યઃ કૌરવાન્વયનાશનઃ ।
કૌંતેયપ્રિયબંધુશ્ચ પાર્થસ્યંદનસારથિઃ ॥ 124 ॥

નારસિંહો મહાવીરઃ સ્તંભજાતો મહાબલઃ ।
પ્રહ્લાદવરદઃ સત્યો દેવપૂજ્યોઽભયંકરઃ ॥ 125 ॥

ઉપેંદ્ર ઇંદ્રાવરજો વામનો બલિબંધનઃ ।
ગજેંદ્રવરદઃ સ્વામી સર્વદેવનમસ્કૃતઃ ॥ 126 ॥

શેષપર્યંકશયનો વૈનતેયરથો જયી ।
અવ્યાહતબલૈશ્વર્યસંપન્નઃ પૂર્ણમાનસઃ ॥ 127 ॥

યોગીશ્વરેશ્વરઃ સાક્ષી ક્ષેત્રજ્ઞો જ્ઞાનદાયકઃ ।
યોગિહૃત્પંકજાવાસો યોગમાયાસમન્વિતઃ ॥ 128 ॥

નાદબિંદુકળાતીતશ્ચતુર્વર્ગફલપ્રદઃ ।
સુષુમ્નામાર્ગસંચારી દેહસ્યાંતરસંસ્થિતઃ ॥ 129 ॥

દેહેંદ્રિયમનઃપ્રાણસાક્ષી ચેતઃપ્રસાદકઃ ।
સૂક્ષ્મઃ સર્વગતો દેહી જ્ઞાનદર્પણગોચરઃ ॥ 130 ॥

તત્ત્વત્રયાત્મકોઽવ્યક્તઃ કુંડલી સમુપાશ્રિતઃ ।
બ્રહ્મણ્યઃ સર્વધર્મજ્ઞઃ શાંતો દાંતો ગતક્લમઃ ॥ 131 ॥

શ્રીનિવાસઃ સદાનંદો વિશ્વમૂર્તિર્મહાપ્રભુઃ ।
સહસ્રશીર્ષા પુરુષઃ સહસ્રાક્ષઃ સહસ્રપાત્ ॥ 132 ॥

સમસ્તભુવનાધારઃ સમસ્તપ્રાણરક્ષકઃ ।
સમસ્તસ્સર્વભાવજ્ઞો ગોપિકાપ્રાણવલ્લભઃ ॥ 133 ॥

નિત્યોત્સવો નિત્યસૌખ્યો નિત્યશ્રીર્નિત્યમંગળમ્ ।
વ્યૂહાર્ચિતો જગન્નાથઃ શ્રીવૈકુંઠપુરાધિપઃ ॥ 134 ॥

પૂર્ણાનંદઘનીભૂતો ગોપવેષધરો હરિઃ ।
કલાપકુસુમશ્યામઃ કોમલઃ શાંતવિગ્રહઃ ॥ 135 ॥

ગોપાંગનાવૃતોઽનંતો બૃંદાવનસમાશ્રયઃ ।
વેણુનાદરતઃ શ્રેષ્ઠો દેવાનાં હિતકારકઃ ॥ 136 ॥

જલક્રીડાસમાસક્તો નવનીતસ્ય તસ્કરઃ ।
ગોપાલકામિનીજારશ્ચોરજારશિખામણિઃ ॥ 137 ॥

પરંજ્યોતિઃ પરાકાશઃ પરાવાસઃ પરિસ્ફુટઃ ।
અષ્ટાદશાક્ષરો મંત્રો વ્યાપકો લોકપાવનઃ ॥ 138 ॥

સપ્તકોટિમહામંત્રશેખરો દેવશેખરઃ ।
વિજ્ઞાનજ્ઞાનસંધાનસ્તેજોરાશિર્જગત્પતિઃ ॥ 139 ॥

ભક્તલોકપ્રસન્નાત્મા ભક્તમંદારવિગ્રહઃ ।
ભક્તદારિદ્ર્યશમનો ભક્તાનાં પ્રીતિદાયકઃ ॥ 140 ॥

ભક્તાધીનમનાઃ પૂજ્યો ભક્તલોકશિવંકરઃ ।
ભક્તાભીષ્ટપ્રદઃ સર્વભક્તાઘૌઘનિકૃંતકઃ ॥ 141 ॥

અપારકરુણાસિંધુર્ભગવાન્ ભક્તતત્પરઃ ॥ 142 ॥

[ઇતિ શ્રીરાધિકાનાથ નામ્નાં સાહસ્રમીરિતમ્ । ]
સ્મરણાત્પાપરાશીનાં ખંડનં મૃત્યુનાશનમ્ ॥ 1 ॥

વૈષ્ણવાનાં પ્રિયકરં મહાદારિદ્ર્યનાશનમ્ ।
બ્રહ્મહત્યાસુરાપાનં પરસ્ત્રીગમનં તથા ॥ 2 ॥

પરદ્રવ્યાપહરણં પરદ્વેષસમન્વિતમ્ ।
માનસં વાચિકં કાયં યત્પાપં પાપસંભવમ્ ॥ 3 ॥

સહસ્રનામપઠનાત્સર્વે નશ્યંતિ તત્ક્ષણાત્ ।
મહાદારિદ્ર્યયુક્તો વૈ વૈષ્ણવો વિષ્ણુભક્તિમાન્ ॥ 4 ॥

કાર્તિક્યાં યઃ પઠેદ્રાત્રૌ શતમષ્ટોત્તરં ક્રમાત્ ।
પીતાંબરધરો ધીમાન્ સુગંધી પુષ્પચંદનૈઃ ॥ 5 ॥

પુસ્તકં પૂજયિત્વા ચ નૈવેદ્યાદિભિરેવ ચ ।
રાધાધ્યાનાંકિતો ધીરો વનમાલાવિભૂષિતઃ ॥ 6 ॥

શતમષ્ટોત્તરં દેવિ પઠેન્નામસહસ્રકમ્ ।
ચૈત્રે કૃષ્ણે ચ શુક્લે ચ કુહૂસંક્રાંતિવાસરે ॥ 7 ॥

પઠિતવ્યં પ્રયત્નેન ત્રૈલોક્યં મોહયેત્ ક્ષણાત્ ।
તુલસીમાલયા યુક્તો વૈષ્ણવો ભક્તિતત્પરઃ ॥ 8 ॥

રવિવારે ચ શુક્રે ચ દ્વાદશ્યાં શ્રાદ્ધવાસરે ।
બ્રાહ્મણં પૂજયિત્વા ચ ભોજયિત્વા વિધાનતઃ ॥ 9 ॥

પઠેન્નામસહસ્રં ચ તતઃ સિદ્ધિઃ પ્રજાયતે ।
મહાનિશાયાં સતતં વૈષ્ણવો યઃ પઠેત્સદા ॥ 10 ॥

દેશાંતરગતા લક્ષ્મીઃ સમાયાતિ ન સંશયઃ ।
ત્રૈલોક્યે તુ મહાદેવિ સુંદર્યઃ કામમોહિતાઃ ॥ 11 ॥

મુગ્ધાઃ સ્વયં સમાયાંતિ વૈષ્ણવં ચ ભજંતિ તાઃ ।
રોગી રોગાત્પ્રમુચ્યેત બદ્ધો મુચ્યેત બંધનાત્ ॥ 12 ॥

ગર્ભિણી જનયેત્પુત્રં કન્યા વિંદતિ સત્પતિમ્ ।
રાજાનો વશતાં યાંતિ કિં પુનઃ ક્ષુદ્રમાનુષાઃ ॥ 13 ॥

સહસ્રનામશ્રવણાત્ પઠનાત્ પૂજનાત્ પ્રિયે ।
ધારણાત્ સર્વમાપ્નોતિ વૈષ્ણવો નાત્ર સંશયઃ ॥ 14 ॥

વંશીવટે ચાન્યવટે તથા પિપ્પલકેઽથ વા ।
કદંબપાદપતલે શ્રીગોપાલસ્ય સન્નિધૌ ॥ 15 ॥

યઃ પઠેદ્વૈષ્ણવો નિત્યં સ યાતિ હરિમંદિરમ્ ।
કૃષ્ણેનોક્તં રાધિકાયૈ તયા પ્રોક્તં પુરા શિવે ॥ 16 ॥

નારદાય મયા પ્રોક્તં નારદેન પ્રકાશિતમ્ ।
મયા તવ વરારોહે પ્રોક્તમેતત્સુદુર્લભમ્ ॥ 17 ॥

ગોપનીયં પ્રયત્નેન ન પ્રકાશ્યં કદાચન ।
શઠાય પાપિને ચૈવ લંપટાય વિશેષતઃ ॥ 18 ॥

ન દાતવ્યં ન દાતવ્યં ન દાતવ્યં કદાચન ।
દેયં શાંતાય શિષ્યાય વિષ્ણુભક્તિરતાય ચ ॥ 19 ॥

ગોદાનબ્રહ્મયજ્ઞાદેર્વાજપેયશતસ્ય ચ ।
અશ્વમેધસહસ્રસ્ય ફલં પાઠે ભવેદ્ધ્રુવમ્ ॥ 20 ॥

મોહનં સ્તંભનં ચૈવ મારણોચ્ચાટનાદિકમ્ ।
યદ્યદ્વાંછતિ ચિત્તેન તત્તત્પ્રાપ્નોતિ વૈષ્ણવઃ ॥ 21 ॥

એકાદશ્યાં નરઃ સ્નાત્વા સુગંધદ્રવ્યતૈલકૈઃ ।
આહારં બ્રાહ્મણે દત્ત્વા દક્ષિણાં સ્વર્ણભૂષણમ્ ॥ 22 ॥

તતઃ પ્રારંભકર્તાસૌ સર્વં પ્રાપ્નોતિ માનવઃ ।
શતાવૃત્ત સહસ્રં ચ યઃ પઠેદ્વૈષ્ણવો જનઃ ॥ 23 ॥

શ્રીબૃંદાવનચંદ્રસ્ય પ્રસાદાત્સર્વમાપ્નુયાત્ ।
યદ્ગૃહે પુસ્તકં દેવિ પૂજિતં ચૈવ તિષ્ઠતિ ॥ 24 ॥

ન મારી ન ચ દુર્ભિક્ષં નોપસર્ગભયં ક્વચિત્ ।
સર્પાદિભૂતયક્ષાદ્યા નશ્યંતે નાત્ર સંશયઃ ॥ 25 ॥

શ્રીગોપાલો મહાદેવિ વસેત્તસ્ય ગૃહે સદા ।
યદ્ગૃહે ચ સહસ્રં ચ નામ્નાં તિષ્ઠતિ પૂજિતમ્ ॥ 26 ॥

ઇતિ શ્રીસમ્મોહનતંત્રે હરગૌરીસંવાદે શ્રીગોપાલ સહસ્રનામસ્તોત્રમ્ ।