બુધ અષ્ટોત્તર શત નામ સ્તોત્રમ્

બુધો બુધાર્ચિતઃ સૌમ્યઃ સૌમ્યચિત્તઃ શુભપ્રદઃ ।
દૃઢવ્રતો દૃઢફલઃ શ્રુતિજાલપ્રબોધકઃ ॥ 1 ॥

સત્યવાસઃ સત્યવચાઃ શ્રેયસાં પતિરવ્યયઃ ।
સોમજઃ સુખદઃ શ્રીમાન્ સોમવંશપ્રદીપકઃ ॥ 2 ॥

વેદવિદ્વેદતત્ત્વજ્ઞો વેદાંતજ્ઞાનભાસ્વરઃ ।
વિદ્યાવિચક્ષણ વિભુર્વિદ્વત્પ્રીતિકરો ઋજઃ ॥ 3 ॥

વિશ્વાનુકૂલસંચારો વિશેષવિનયાન્વિતઃ ।
વિવિધાગમસારજ્ઞો વીર્યવાન્ વિગતજ્વરઃ ॥ 4 ॥

ત્રિવર્ગફલદોઽનંતઃ ત્રિદશાધિપપૂજિતઃ ।
બુદ્ધિમાન્ બહુશાસ્ત્રજ્ઞો બલી બંધવિમોચકઃ ॥ 5 ॥

વક્રાતિવક્રગમનો વાસવો વસુધાધિપઃ ।
પ્રસન્નવદનો વંદ્યો વરેણ્યો વાગ્વિલક્ષણઃ ॥ 6 ॥

સત્યવાન્ સત્યસંકલ્પઃ સત્યબંધુઃ સદાદરઃ ।
સર્વરોગપ્રશમનઃ સર્વમૃત્યુનિવારકઃ ॥ 7 ॥

વાણિજ્યનિપુણો વશ્યો વાતાંગો વાતરોગહૃત્ ।
સ્થૂલઃ સ્થૈર્યગુણાધ્યક્ષઃ સ્થૂલસૂક્ષ્માદિકારણઃ ॥ 8 ॥

અપ્રકાશઃ પ્રકાશાત્મા ઘનો ગગનભૂષણઃ ।
વિધિસ્તુત્યો વિશાલાક્ષો વિદ્વજ્જનમનોહરઃ ॥ 9 ॥

ચારુશીલઃ સ્વપ્રકાશઃ ચપલશ્ચ જિતેંદ્રિયઃ ।
ઉદઙ્મુખો મખાસક્તો મગધાધિપતિર્હરઃ ॥ 10 ॥

સૌમ્યવત્સરસંજાતઃ સોમપ્રિયકરઃ સુખી ।
સિંહાધિરૂઢઃ સર્વજ્ઞઃ શિખિવર્ણઃ શિવંકરઃ ॥ 11 ॥

પીતાંબરો પીતવપુઃ પીતચ્છત્રધ્વજાંકિતઃ ।
ખડ્ગચર્મધરઃ કાર્યકર્તા કલુષહારકઃ ॥ 12 ॥

આત્રેયગોત્રજોઽત્યંતવિનયો વિશ્વપાવનઃ ।
ચાંપેયપુષ્પસંકાશઃ ચારણઃ ચારુભૂષણઃ ॥ 13 ॥

વીતરાગો વીતભયો વિશુદ્ધકનકપ્રભઃ ।
બંધુપ્રિયો બંધમુક્તો બાણમંડલસંશ્રિતઃ ॥ 14 ॥

અર્કેશાનપ્રદેશસ્થઃ તર્કશાસ્ત્રવિશારદઃ ।
પ્રશાંતઃ પ્રીતિસંયુક્તઃ પ્રિયકૃત્ પ્રિયભાષણઃ ॥ 15 ॥

મેધાવી માધવાસક્તો મિથુનાધિપતિઃ સુધીઃ ।
કન્યારાશિપ્રિયઃ કામપ્રદો ઘનફલાશ્રયઃ ॥ 16 ॥

બુધસ્યૈવં પ્રકારેણ નામ્નામષ્ટોત્તરં શતમ્ ।
સંપૂજ્ય વિધિવત્કર્તા સર્વાન્કામાનવાપ્નુયાત્ ॥ 17 ॥

ઇતિ શ્રી બુધ અષ્ટોત્તરશતનામ સ્તોત્રમ્ ।