આંજનેય સહસ્ર નામમ્

ઓં અસ્ય શ્રીહનુમત્સહસ્રનામસ્તોત્ર મંત્રસ્ય શ્રીરામચંદ્રૃષિઃ અનુષ્ટુપ્છંદઃ શ્રીહનુમાન્મહારુદ્રો દેવતા હ્રીં શ્રીં હ્રૌં હ્રાં બીજં શ્રીં ઇતિ શક્તિઃ કિલિકિલ બુબુ કારેણ ઇતિ કીલકં લંકાવિધ્વંસનેતિ કવચં મમ સર્વોપદ્રવશાંત્યર્થે મમ સર્વકાર્યસિદ્ધ્યર્થે જપે વિનિયોગઃ ।

ધ્યાનમ્
પ્રતપ્તસ્વર્ણવર્ણાભં સંરક્તારુણલોચનમ્ ।
સુગ્રીવાદિયુતં ધ્યાયેત્ પીતાંબરસમાવૃતમ્ ॥
ગોષ્પદીકૃતવારાશિં પુચ્છમસ્તકમીશ્વરમ્ ।
જ્ઞાનમુદ્રાં ચ બિભ્રાણં સર્વાલંકારભૂષિતમ્ ॥
વામહસ્તસમાકૃષ્ટદશાસ્યાનનમંડલમ્ ।
ઉદ્યદ્દક્ષિણદોર્દંડં હનૂમંતં વિચિંતયેત્ ॥

સ્તોત્રમ્
હનૂમાન્ શ્રીપ્રદો વાયુપુત્રો રુદ્રો નયોઽજરઃ ।
અમૃત્યુર્વીરવીરશ્ચ ગ્રામવાસો જનાશ્રયઃ ॥ 1 ॥

ધનદો નિર્ગુણાકારો વીરો નિધિપતિર્મુનિઃ ।
પિંગાક્ષો વરદો વાગ્મી સીતાશોકવિનાશનઃ ॥ 2 ॥

શિવઃ શર્વઃ પરોઽવ્યક્તો વ્યક્તાવ્યક્તો ધરાધરઃ ।
પિંગકેશઃ પિંગરોમા શ્રુતિગમ્યઃ સનાતનઃ ॥ 3 ॥

અનાદિર્ભગવાન્ દિવ્યો વિશ્વહેતુર્નરાશ્રયઃ ।
આરોગ્યકર્તા વિશ્વેશો વિશ્વનાથો હરીશ્વરઃ ॥ 4 ॥

ભર્ગો રામો રામભક્તઃ કલ્યાણપ્રકૃતીશ્વરઃ ।
વિશ્વંભરો વિશ્વમૂર્તિર્વિશ્વાકારોઽથ વિશ્વપઃ ॥ 5 ॥

વિશ્વાત્મા વિશ્વસેવ્યોઽથ વિશ્વો વિશ્વધરો રવિઃ ।
વિશ્વચેષ્ટો વિશ્વગમ્યો વિશ્વધ્યેયઃ કલાધરઃ ॥ 6 ॥

પ્લવંગમઃ કપિશ્રેષ્ઠો જ્યેષ્ઠો વેદ્યો વનેચરઃ ।
બાલો વૃદ્ધો યુવા તત્ત્વં તત્ત્વગમ્યઃ સખા હ્યજઃ ॥ 7 ॥

અંજનાસૂનુરવ્યગ્રો ગ્રામસ્યાંતો ધરાધરઃ ।
ભૂર્ભુવઃસ્વર્મહર્લોકો જનોલોકસ્તપોઽવ્યયઃ ॥ 8 ॥

સત્યમોંકારગમ્યશ્ચ પ્રણવો વ્યાપકોઽમલઃ ।
શિવધર્મપ્રતિષ્ઠાતા રામેષ્ટઃ ફલ્ગુનપ્રિયઃ ॥ 9 ॥

ગોષ્પદીકૃતવારીશઃ પૂર્ણકામો ધરાપતિઃ ।
રક્ષોઘ્નઃ પુંડરીકાક્ષઃ શરણાગતવત્સલઃ ॥ 10 ॥

જાનકીપ્રાણદાતા ચ રક્ષઃપ્રાણાપહારકઃ ।
પૂર્ણઃ સત્યઃ પીતવાસા દિવાકરસમપ્રભઃ ॥ 11 ॥

દ્રોણહર્તા શક્તિનેતા શક્તિરાક્ષસમારકઃ ।
અક્ષઘ્નો રામદૂતશ્ચ શાકિનીજીવિતાહરઃ ॥ 12 ॥

બુભૂકારહતારાતિર્ગર્વપર્વતમર્દનઃ ।
હેતુસ્ત્વહેતુઃ પ્રાંશુશ્ચ વિશ્વકર્તા જગદ્ગુરુઃ ॥ 13 ॥

જગન્નાથો જગન્નેતા જગદીશો જનેશ્વરઃ ।
જગત્શ્રિતો હરિઃ શ્રીશો ગરુડસ્મયભંજકઃ ॥ 14 ॥

પાર્થધ્વજો વાયુપુત્રઃ સિતપુચ્છોઽમિતપ્રભઃ ।
બ્રહ્મપુચ્છઃ પરબ્રહ્મપુચ્છો રામેષ્ટકારકઃ ॥ 15 ॥

સુગ્રીવાદિયુતો જ્ઞાની વાનરો વાનરેશ્વરઃ ।
કલ્પસ્થાયી ચિરંજીવી પ્રસન્નશ્ચ સદાશિવઃ ॥ 16 ॥

સન્મતિઃ સદ્ગતિર્ભુક્તિમુક્તિદઃ કીર્તિદાયકઃ ।
કીર્તિઃ કીર્તિપ્રદશ્ચૈવ સમુદ્રઃ શ્રીપ્રદઃ શિવઃ ॥ 17 ॥

ઉદધિક્રમણો દેવઃ સંસારભયનાશનઃ ।
વાલિબંધનકૃદ્વિશ્વજેતા વિશ્વપ્રતિષ્ઠિતઃ ॥ 18 ॥

લંકારિઃ કાલપુરુષો લંકેશગૃહભંજનઃ ।
ભૂતાવાસો વાસુદેવો વસુસ્ત્રિભુવનેશ્વરઃ ॥

શ્રીરામરૂપઃ કૃષ્ણસ્તુ લંકાપ્રાસાદભંજનઃ ।
કૃષ્ણઃ કૃષ્ણસ્તુતઃ શાંતઃ શાંતિદો વિશ્વભાવનઃ ॥ 20 ॥

વિશ્વભોક્તાઽથ મારઘ્નો બ્રહ્મચારી જિતેંદ્રિયઃ ।
ઊર્ધ્વગો લાંગુલી માલી લાંગૂલાહતરાક્ષસઃ ॥ 21 ॥

સમીરતનુજો વીરો વીરમારો જયપ્રદઃ ।
જગન્મંગળદઃ પુણ્યઃ પુણ્યશ્રવણકીર્તનઃ ॥ 22 ॥

પુણ્યકીર્તિઃ પુણ્યગીતિર્જગત્પાવનપાવનઃ ।
દેવેશોઽમિતરોમાઽથ રામભક્તવિધાયકઃ ॥ 23 ॥

ધ્યાતા ધ્યેયો જગત્સાક્ષી ચેતા ચૈતન્યવિગ્રહઃ ।
જ્ઞાનદઃ પ્રાણદઃ પ્રાણો જગત્પ્રાણઃ સમીરણઃ ॥ 24 ॥

વિભીષણપ્રિયઃ શૂરઃ પિપ્પલાશ્રયસિદ્ધિદઃ ।
સિદ્ધઃ સિદ્ધાશ્રયઃ કાલઃ કાલભક્ષકપૂજિતઃ ॥ 25 ॥

લંકેશનિધનસ્થાયી લંકાદાહક ઈશ્વરઃ ।
ચંદ્રસૂર્યાગ્નિનેત્રશ્ચ કાલાગ્નિઃ પ્રલયાંતકઃ ॥ 26 ॥

કપિલઃ કપિશઃ પુણ્યરાતિર્દ્વાદશરાશિગઃ ।
સર્વાશ્રયોઽપ્રમેયાત્મા રેવત્યાદિનિવારકઃ ॥ 27 ॥

લક્ષ્મણપ્રાણદાતા ચ સીતાજીવનહેતુકઃ ।
રામધ્યાયી હૃષીકેશો વિષ્ણુભક્તો જટી બલી ॥ 28 ॥

દેવારિદર્પહા હોતા ધાતા કર્તા જગત્પ્રભુઃ ।
નગરગ્રામપાલશ્ચ શુદ્ધો બુદ્ધો નિરંતરઃ ॥ 29 ॥

નિરંજનો નિર્વિકલ્પો ગુણાતીતો ભયંકરઃ ।
હનુમાંશ્ચ દુરારાધ્યસ્તપઃસાધ્યો મહેશ્વરઃ ॥ 30 ॥

જાનકીઘનશોકોત્થતાપહર્તા પરાશરઃ ।
વાઙ્મયઃ સદસદ્રૂપઃ કારણં પ્રકૃતેઃ પરઃ ॥ 31 ॥

ભાગ્યદો નિર્મલો નેતા પુચ્છલંકાવિદાહકઃ ।
પુચ્છબદ્ધો યાતુધાનો યાતુધાનરિપુપ્રિયઃ ॥ 32 ॥

છાયાપહારી ભૂતેશો લોકેશઃ સદ્ગતિપ્રદઃ ।
પ્લવંગમેશ્વરઃ ક્રોધઃ ક્રોધસંરક્તલોચનઃ ॥ 33 ॥

ક્રોધહર્તા તાપહર્તા ભક્તાભયવરપ્રદઃ ।
ભક્તાનુકંપી વિશ્વેશઃ પુરુહૂતઃ પુરંદરઃ ॥ 34 ॥

અગ્નિર્વિભાવસુર્ભાસ્વાન્ યમો નિરૃતિરેવ ચ ।
વરુણો વાયુગતિમાન્ વાયુઃ કુબેર ઈશ્વરઃ ॥ 35 ॥

રવિશ્ચંદ્રઃ કુજઃ સૌમ્યો ગુરુઃ કાવ્યઃ શનૈશ્ચરઃ ।
રાહુઃ કેતુર્મરુદ્દાતા ધાતા હર્તા સમીરજઃ ॥ 36 ॥

મશકીકૃતદેવારિર્દૈત્યારિર્મધુસૂદનઃ ।
કામઃ કપિઃ કામપાલઃ કપિલો વિશ્વજીવનઃ ॥ 37 ॥

ભાગીરથીપદાંભોજઃ સેતુબંધવિશારદઃ ।
સ્વાહા સ્વધા હવિઃ કવ્યં હવ્યવાહઃ પ્રકાશકઃ ॥ 38 ॥

સ્વપ્રકાશો મહાવીરો મધુરોઽમિતવિક્રમઃ ।
ઉડ્ડીનોડ્ડીનગતિમાન્ સદ્ગતિઃ પુરુષોત્તમઃ ॥ 39 ॥

જગદાત્મા જગદ્યોનિર્જગદંતો હ્યનંતરઃ ।
વિપાપ્મા નિષ્કલંકોઽથ મહાન્ મહદહંકૃતિઃ ॥ 40 ॥

ખં વાયુઃ પૃથિવી ચાપો વહ્નિર્દિક્ કાલ એકલઃ ।
ક્ષેત્રજ્ઞઃ ક્ષેત્રપાલશ્ચ પલ્વલીકૃતસાગરઃ ॥ 41 ॥

હિરણ્મયઃ પુરાણશ્ચ ખેચરો ભૂચરો મનુઃ ।
હિરણ્યગર્ભઃ સૂત્રાત્મા રાજરાજો વિશાં પતિઃ ॥ 42 ॥

વેદાંતવેદ્ય ઉદ્ગીથો વેદાંગો વેદપારગઃ ।
પ્રતિગ્રામસ્થિતઃ સદ્યઃ સ્ફૂર્તિદાતા ગુણાકરઃ ॥ 43 ॥

નક્ષત્રમાલી ભૂતાત્મા સુરભિઃ કલ્પપાદપઃ ।
ચિંતામણિર્ગુણનિધિઃ પ્રજાદ્વારમનુત્તમઃ ॥ 44 ॥

પુણ્યશ્લોકઃ પુરારાતિઃ મતિમાન્ શર્વરીપતિઃ ।
કિલ્કિલારાવસંત્રસ્તભૂતપ્રેતપિશાચકઃ ॥ 45 ॥

ઋણત્રયહરઃ સૂક્ષ્મઃ સ્થૂલઃ સર્વગતિઃ પુમાન્ ।
અપસ્મારહરઃ સ્મર્તા શ્રુતિર્ગાથા સ્મૃતિર્મનુઃ ॥ 46 ॥

સ્વર્ગદ્વારં પ્રજાદ્વારં મોક્ષદ્વારં યતીશ્વરઃ ।
નાદરૂપં પરં બ્રહ્મ બ્રહ્મ બ્રહ્મપુરાતનઃ ॥ 47 ॥

એકોઽનેકો જનઃ શુક્લઃ સ્વયંજ્યોતિરનાકુલઃ ।
જ્યોતિર્જ્યોતિરનાદિશ્ચ સાત્ત્વિકો રાજસસ્તમઃ ॥ 48 ॥

તમોહર્તા નિરાલંબો નિરાકારો ગુણાકરઃ ।
ગુણાશ્રયો ગુણમયો બૃહત્કાયો બૃહદ્યશાઃ ॥

બૃહદ્ધનુર્બૃહત્પાદો બૃહન્મૂર્ધા બૃહત્સ્વનઃ ।
બૃહત્કર્ણો બૃહન્નાસો બૃહદ્બાહુર્બૃહત્તનુઃ ॥ 50 ॥

બૃહદ્ગલો બૃહત્કાયો બૃહત્પુચ્છો બૃહત્કરઃ ।
બૃહદ્ગતિર્બૃહત્સેવો બૃહલ્લોકફલપ્રદઃ ॥ 51 ॥

બૃહદ્ભક્તિર્બૃહદ્વાંછાફલદો બૃહદીશ્વરઃ ।
બૃહલ્લોકનુતો દ્રષ્ટા વિદ્યાદાતા જગદ્ગુરુઃ ॥ 52 ॥

દેવાચાર્યઃ સત્યવાદી બ્રહ્મવાદી કલાધરઃ ।
સપ્તપાતાલગામી ચ મલયાચલસંશ્રયઃ ॥ 53 ॥

ઉત્તરાશાસ્થિતઃ શ્રીશો દિવ્યૌષધિવશઃ ખગઃ ।
શાખામૃગઃ કપીંદ્રોઽથ પુરાણઃ પ્રાણચંચુરઃ ॥ 54 ॥

ચતુરો બ્રાહ્મણો યોગી યોગિગમ્યઃ પરોઽવરઃ ।
અનાદિનિધનો વ્યાસો વૈકુંઠઃ પૃથિવીપતિઃ ॥ 55 ॥

અપરાજિતો જિતારાતિઃ સદાનંદદ ઈશિતા ।
ગોપાલો ગોપતિર્યોદ્ધા કલિઃ સ્ફાલઃ પરાત્પરઃ ॥ 56 ॥

મનોવેગી સદાયોગી સંસારભયનાશનઃ ।
તત્ત્વદાતાઽથ તત્ત્વજ્ઞસ્તત્ત્વં તત્ત્વપ્રકાશકઃ ॥ 57 ॥

શુદ્ધો બુદ્ધો નિત્યયુક્તો ભક્તાકારો જગદ્રથઃ ।
પ્રલયોઽમિતમાયશ્ચ માયાતીતો વિમત્સરઃ ॥ 58 ॥

માયાનિર્જિતરક્ષાશ્ચ માયાનિર્મિતવિષ્ટપઃ ।
માયાશ્રયશ્ચ નિર્લેપો માયાનિર્વર્તકઃ સુખી ॥

સુખી સુખપ્રદો નાગો મહેશકૃતસંસ્તવઃ ।
મહેશ્વરઃ સત્યસંધઃ શરભઃ કલિપાવનઃ ॥ 60 ॥

રસો રસજ્ઞઃ સન્માનો રૂપં ચક્ષુઃ શ્રુતી રવઃ ।
ઘ્રાણં ગંધઃ સ્પર્શનં ચ સ્પર્શો હિંકારમાનગઃ ॥ 61 ॥

નેતિ નેતીતિ ગમ્યશ્ચ વૈકુંઠભજનપ્રિયઃ ।
ગિરિશો ગિરિજાકાંતો દુર્વાસાઃ કવિરંગિરાઃ ॥ 62 ॥

ભૃગુર્વસિષ્ઠશ્ચ્યવનો નારદસ્તુંબુરુર્હરઃ ।
વિશ્વક્ષેત્રં વિશ્વબીજં વિશ્વનેત્રં ચ વિશ્વપઃ ॥ 63 ॥

યાજકો યજમાનશ્ચ પાવકઃ પિતરસ્તથા ।
શ્રદ્ધા બુદ્ધિઃ ક્ષમા તંદ્રા મંત્રો મંત્રયિતા સુરઃ ॥ 64 ॥

રાજેંદ્રો ભૂપતી રૂઢો માલી સંસારસારથિઃ ।
નિત્યઃ સંપૂર્ણકામશ્ચ ભક્તકામધુગુત્તમઃ ॥ 65 ॥

ગણપઃ કેશવો ભ્રાતા પિતા માતાઽથ મારુતિઃ ।
સહસ્રમૂર્ધા સહસ્રાસ્યઃ સહસ્રાક્ષઃ સહસ્રપાત્ ॥ 66 ॥

કામજિત્ કામદહનઃ કામઃ કામ્યફલપ્રદઃ ।
મુદ્રોપહારી રક્ષોઘ્નઃ ક્ષિતિભારહરો બલઃ ॥ 67 ॥

નખદંષ્ટ્રાયુધો વિષ્ણુભક્તો ભક્તાભયપ્રદઃ ।
દર્પહા દર્પદો દંષ્ટ્રાશતમૂર્તિરમૂર્તિમાન્ ॥ 68 ॥

મહાનિધિર્મહાભાગો મહાભર્ગો મહર્ધિદઃ ।
મહાકારો મહાયોગી મહાતેજા મહાદ્યુતિઃ ॥

મહાકર્મા મહાનાદો મહામંત્રો મહામતિઃ ।
મહાશમો મહોદારો મહાદેવાત્મકો વિભુઃ ॥ 70 ॥

રુદ્રકર્મા ક્રૂરકર્મા રત્નનાભઃ કૃતાગમઃ ।
અંભોધિલંઘનઃ સિદ્ધઃ સત્યધર્મા પ્રમોદનઃ ॥ 71 ॥

જિતામિત્રો જયઃ સોમો વિજયો વાયુવાહનઃ ।
જીવો ધાતા સહસ્રાંશુર્મુકુંદો ભૂરિદક્ષિણઃ ॥ 72 ॥

સિદ્ધાર્થઃ સિદ્ધિદઃ સિદ્ધઃ સંકલ્પઃ સિદ્ધિહેતુકઃ ।
સપ્તપાતાલચરણઃ સપ્તર્ષિગણવંદિતઃ ॥ 73 ॥

સપ્તાબ્ધિલંઘનો વીરઃ સપ્તદ્વીપોરુમંડલઃ ।
સપ્તાંગરાજ્યસુખદઃ સપ્તમાતૃનિષેવિતઃ ॥ 74 ॥

સપ્તલોકૈકમકુટઃ સપ્તહોત્રઃ સ્વરાશ્રયઃ ।
સપ્તસામોપગીતશ્ચ સપ્તપાતાલસંશ્રયઃ ॥ 75 ॥

સપ્તચ્છંદોનિધિઃ સપ્તચ્છંદઃ સપ્તજનાશ્રયઃ ।
મેધાદઃ કીર્તિદઃ શોકહારી દૌર્ભાગ્યનાશનઃ ॥ 76 ॥

સર્વવશ્યકરો ગર્ભદોષહા પુત્રપૌત્રદઃ ।
પ્રતિવાદિમુખસ્તંભો રુષ્ટચિત્તપ્રસાદનઃ ॥ 77 ॥

પરાભિચારશમનો દુઃખહા બંધમોક્ષદઃ ।
નવદ્વારપુરાધારો નવદ્વારનિકેતનઃ ॥ 78 ॥

નરનારાયણસ્તુત્યો નવનાથમહેશ્વરઃ ।
મેખલી કવચી ખડ્ગી ભ્રાજિષ્ણુર્જિષ્ણુસારથિઃ ॥

બહુયોજનવિસ્તીર્ણપુચ્છઃ પુચ્છહતાસુરઃ ।
દુષ્ટહંતા નિયમિતા પિશાચગ્રહશાતનઃ ॥ 80 ॥

બાલગ્રહવિનાશી ચ ધર્મનેતા કૃપાકરઃ ।
ઉગ્રકૃત્યશ્ચોગ્રવેગ ઉગ્રનેત્રઃ શતક્રતુઃ ॥ 81 ॥

શતમન્યુસ્તુતઃ સ્તુત્યઃ સ્તુતિઃ સ્તોતા મહાબલઃ ।
સમગ્રગુણશાલી ચ વ્યગ્રો રક્ષોવિનાશનઃ ॥ 82 ॥

રક્ષોઽગ્નિદાવો બ્રહ્મેશઃ શ્રીધરો ભક્તવત્સલઃ ।
મેઘનાદો મેઘરૂપો મેઘવૃષ્ટિનિવારણઃ ॥ 83 ॥

મેઘજીવનહેતુશ્ચ મેઘશ્યામઃ પરાત્મકઃ ।
સમીરતનયો ધાતા તત્ત્વવિદ્યાવિશારદઃ ॥ 84 ॥

અમોઘોઽમોઘવૃષ્ટિશ્ચાભીષ્ટદોઽનિષ્ટનાશનઃ ।
અર્થોઽનર્થાપહારી ચ સમર્થો રામસેવકઃ ॥ 85 ॥

અર્થી ધન્યોઽસુરારાતિઃ પુંડરીકાક્ષ આત્મભૂઃ ।
સંકર્ષણો વિશુદ્ધાત્મા વિદ્યારાશિઃ સુરેશ્વરઃ ॥ 86 ॥

અચલોદ્ધારકો નિત્યઃ સેતુકૃદ્રામસારથિઃ ।
આનંદઃ પરમાનંદો મત્સ્યઃ કૂર્મો નિધિઃ શયઃ ॥ 87 ॥

વરાહો નારસિંહશ્ચ વામનો જમદગ્નિજઃ ।
રામઃ કૃષ્ણઃ શિવો બુદ્ધઃ કલ્કી રામાશ્રયો હરિઃ ॥ 88 ॥

નંદી ભૃંગી ચ ચંડી ચ ગણેશો ગણસેવિતઃ ।
કર્માધ્યક્ષઃ સુરારામો વિશ્રામો જગતીપતિઃ ॥

જગન્નાથઃ કપીશશ્ચ સર્વાવાસઃ સદાશ્રયઃ ।
સુગ્રીવાદિસ્તુતો દાંતઃ સર્વકર્મા પ્લવંગમઃ ॥ 90 ॥

નખદારિતરક્ષશ્ચ નખયુદ્ધવિશારદઃ ।
કુશલઃ સુધનઃ શેષો વાસુકિસ્તક્ષકસ્તથા ॥ 91 ॥

સ્વર્ણવર્ણો બલાઢ્યશ્ચ પુરુજેતાઽઘનાશનઃ ।
કૈવલ્યદીપઃ કૈવલ્યો ગરુડઃ પન્નગો ગુરુઃ ॥ 92 ॥

ક્લીક્લીરાવહતારાતિગર્વઃ પર્વતભેદનઃ ।
વજ્રાંગો વજ્રવક્ત્રશ્ચ ભક્તવજ્રનિવારકઃ ॥ 93 ॥

નખાયુધો મણિગ્રીવો જ્વાલામાલી ચ ભાસ્કરઃ ।
પ્રૌઢપ્રતાપસ્તપનો ભક્તતાપનિવારકઃ ॥ 94 ॥

શરણં જીવનં ભોક્તા નાનાચેષ્ટોઽથ ચંચલઃ ।
સ્વસ્થસ્ત્વસ્વાસ્થ્યહા દુઃખશાતનઃ પવનાત્મજઃ ॥ 95 ॥

પવનઃ પાવનઃ કાંતો ભક્તાંગઃ સહનો બલઃ ।
મેઘનાદરિપુર્મેઘનાદસંહૃતરાક્ષસઃ ॥ 96 ॥

ક્ષરોઽક્ષરો વિનીતાત્મા વાનરેશઃ સતાંગતિઃ ।
શ્રીકંઠઃ શિતિકંઠશ્ચ સહાયઃ સહનાયકઃ ॥ 97 ॥

અસ્થૂલસ્ત્વનણુર્ભર્ગો દેવસંસૃતિનાશનઃ ।
અધ્યાત્મવિદ્યાસારશ્ચાપ્યધ્યાત્મકુશલઃ સુધીઃ ॥ 98 ॥

અકલ્મષઃ સત્યહેતુઃ સત્યદઃ સત્યગોચરઃ ।
સત્યગર્ભઃ સત્યરૂપઃ સત્યઃ સત્યપરાક્રમઃ ॥ 99 ॥

અંજનાપ્રાણલિંગં ચ વાયુવંશોદ્ભવઃ શ્રુતિઃ ।
ભદ્રરૂપો રુદ્રરૂપઃ સુરૂપશ્ચિત્રરૂપધૃક્ ॥ 100 ॥

મૈનાકવંદિતઃ સૂક્ષ્મદર્શનો વિજયો જયઃ ।
ક્રાંતદિઙ્મંડલો રુદ્રઃ પ્રકટીકૃતવિક્રમઃ ॥ 101 ॥

કંબુકંઠઃ પ્રસન્નાત્મા હ્રસ્વનાસો વૃકોદરઃ ।
લંબોષ્ઠઃ કુંડલી ચિત્રમાલી યોગવિદાં વરઃ ॥ 102 ॥

વિપશ્ચિત્ કવિરાનંદવિગ્રહોઽનલ્પનાશનઃ ।
ફાલ્ગુનીસૂનુરવ્યગ્રો યોગાત્મા યોગતત્પરઃ ॥ 103 ॥

યોગવિદ્યોગકર્તા ચ યોગયોનિર્દિગંબરઃ ।
અકારાદિક્ષકારાંતવર્ણનિર્મિતવિગ્રહઃ ॥ 104 ॥

ઉલૂખલમુખઃ સિદ્ધસંસ્તુતઃ પરમેશ્વરઃ ।
શ્લિષ્ટજંઘઃ શ્લિષ્ટજાનુઃ શ્લિષ્ટપાણિઃ શિખાધરઃ ॥ 105 ॥

સુશર્માઽમિતધર્મા ચ નારાયણપરાયણઃ ।
જિષ્ણુર્ભવિષ્ણૂ રોચિષ્ણુર્ગ્રસિષ્ણુઃ સ્થાણુરેવ ચ ॥ 106 ॥

હરી રુદ્રાનુકૃદ્વૃક્ષકંપનો ભૂમિકંપનઃ ।
ગુણપ્રવાહઃ સૂત્રાત્મા વીતરાગઃ સ્તુતિપ્રિયઃ ॥ 107 ॥

નાગકન્યાભયધ્વંસી કૃતપૂર્ણઃ કપાલભૃત્ ।
અનુકૂલોઽક્ષયોઽપાયોઽનપાયો વેદપારગઃ ॥ 108 ॥

અક્ષરઃ પુરુષો લોકનાથસ્ત્ર્યક્ષઃ પ્રભુર્દૃઢઃ ।
અષ્ટાંગયોગફલભૂઃ સત્યસંધઃ પુરુષ્ટુતઃ ॥ 109 ॥

શ્મશાનસ્થાનનિલયઃ પ્રેતવિદ્રાવણક્ષમઃ ।
પંચાક્ષરપરઃ પંચમાતૃકો રંજનો ધ્વજઃ ॥ 110 ॥

યોગિનીવૃંદવંદ્યશ્રીઃ શત્રુઘ્નોઽનંતવિક્રમઃ ।
બ્રહ્મચારીંદ્રિયવપુર્ધૃતદંડો દશાત્મકઃ ॥ 111 ॥

અપ્રપંચઃ સદાચારઃ શૂરસેનો વિદારકઃ ।
બુદ્ધઃ પ્રમોદ આનંદઃ સપ્તજિહ્વપતિર્ધરઃ ॥ 112 ॥

નવદ્વારપુરાધારઃ પ્રત્યગ્રઃ સામગાયનઃ ।
ષટ્ચક્રધામા સ્વર્લોકભયહૃન્માનદો મદઃ ॥ 113 ॥

સર્વવશ્યકરઃ શક્તિરનંતોઽનંતમંગળઃ ।
અષ્ટમૂર્તિધરો નેતા વિરૂપઃ સ્વરસુંદરઃ ॥ 114 ॥

ધૂમકેતુર્મહાકેતુઃ સત્યકેતુર્મહારથઃ ।
નંદીપ્રિયઃ સ્વતંત્રશ્ચ મેખલી ડમરુપ્રિયઃ ॥ 115 ॥

લોહિતાંગઃ સમિદ્વહ્નિઃ ષડૃતુઃ શર્વ ઈશ્વરઃ ।
ફલભુક્ ફલહસ્તશ્ચ સર્વકર્મફલપ્રદઃ ॥ 116 ॥

ધર્માધ્યક્ષો ધર્મફલો ધર્મો ધર્મપ્રદોઽર્થદઃ ।
પંચવિંશતિતત્ત્વજ્ઞસ્તારકો બ્રહ્મતત્પરઃ ॥ 117 ॥

ત્રિમાર્ગવસતિર્ભીમઃ સર્વદુષ્ટનિબર્હણઃ ।
ઊર્જઃસ્વામી જલસ્વામી શૂલી માલી નિશાકરઃ ॥ 118 ॥

રક્તાંબરધરો રક્તો રક્તમાલ્યવિભૂષણઃ ।
વનમાલી શુભાંગશ્ચ શ્વેતઃ શ્વેતાંબરો યુવા ॥ 119 ॥

જયોઽજેયપરીવારઃ સહસ્રવદનઃ કવિઃ ।
શાકિનીડાકિનીયક્ષરક્ષોભૂતપ્રભંજનઃ ॥ 120 ॥

સદ્યોજાતઃ કામગતિર્જ્ઞાનમૂર્તિર્યશસ્કરઃ ।
શંભુતેજાઃ સાર્વભૌમો વિષ્ણુભક્તઃ પ્લવંગમઃ ॥ 121 ॥

ચતુર્ણવતિમંત્રજ્ઞઃ પૌલસ્ત્યબલદર્પહા ।
સર્વલક્ષ્મીપ્રદઃ શ્રીમાનંગદપ્રિયવર્ધનઃ ॥ 122 ॥

સ્મૃતિબીજં સુરેશાનઃ સંસારભયનાશનઃ ।
ઉત્તમઃ શ્રીપરીવારઃ શ્રીભૂરુગ્રશ્ચ કામધુક્ ॥ 123 ॥

સદાગતિર્માતરિશ્વા રામપાદાબ્જષટ્પદઃ ।
નીલપ્રિયો નીલવર્ણો નીલવર્ણપ્રિયઃ સુહૃત્ ॥ 124 ॥

રામદૂતો લોકબંધુરંતરાત્મા મનોરમઃ ।
શ્રીરામધ્યાનકૃદ્વીરઃ સદા કિંપુરુષસ્તુતઃ ॥ 125 ॥

રામકાર્યાંતરંગશ્ચ શુદ્ધિર્ગતિરનામયઃ ।
પુણ્યશ્લોકઃ પરાનંદઃ પરેશપ્રિયસારથિઃ ॥ 126 ॥

લોકસ્વામી મુક્તિદાતા સર્વકારણકારણઃ ।
મહાબલો મહાવીરઃ પારાવારગતિર્ગુરુઃ ॥ 127 ॥

તારકો ભગવાંસ્ત્રાતા સ્વસ્તિદાતા સુમંગળઃ ।
સમસ્તલોકસાક્ષી ચ સમસ્તસુરવંદિતઃ ।
સીતાસમેતશ્રીરામપાદસેવાધુરંધરઃ ॥ 128 ॥

ઇદં નામસહસ્રં તુ યોઽધીતે પ્રત્યહં નરઃ ।
દુઃખૌઘો નશ્યતે ક્ષિપ્રં સંપત્તિર્વર્ધતે ચિરમ્ ।
વશ્યં ચતુર્વિધં તસ્ય ભવત્યેવ ન સંશયઃ ॥ 129 ॥

રાજાનો રાજપુત્રાશ્ચ રાજકીયાશ્ચ મંત્રિણઃ ।
ત્રિકાલં પઠનાદસ્ય દૃશ્યંતે ચ ત્રિપક્ષતઃ ॥ 130 ॥

અશ્વત્થમૂલે જપતાં નાસ્તિ વૈરિકૃતં ભયમ્ ।
ત્રિકાલપઠનાદસ્ય સિદ્ધિઃ સ્યાત્ કરસંસ્થિતા ॥ 131 ॥

બ્રાહ્મે મુહૂર્તે ચોત્થાય પ્રત્યહં યઃ પઠેન્નરઃ ।
ઐહિકામુષ્મિકાન્ સોઽપિ લભતે નાત્ર સંશયઃ ॥ 132 ॥

સંગ્રામે સન્નિવિષ્ટાનાં વૈરિવિદ્રાવણં ભવેત્ ।
જ્વરાપસ્મારશમનં ગુલ્માદિવ્યાધિવારણમ્ ॥ 133 ॥

સામ્રાજ્યસુખસંપત્તિદાયકં જપતાં નૃણામ્ ।
ય ઇદં પઠતે નિત્યં પાઠયેદ્વા સમાહિતઃ ।
સર્વાન્ કામાનવાપ્નોતિ વાયુપુત્રપ્રસાદતઃ ॥ 134 ॥

ઇતિ શ્રીઆંજનેય સહસ્રનામ સ્તોત્રમ્ ।