𑌶𑍍𑌰𑍀 𑌸𑌾𑌂𑌬 𑌸𑌦𑌾𑌶𑌿𑌵 𑌅𑌕𑍍𑌷𑌰𑌮𑌾𑌲𑌾 𑌸𑍍𑌤𑍋𑌤𑍍𑌰𑌮𑍍 (𑌮𑌾𑌤𑍃𑌕 𑌵𑌰𑍍𑌣𑌮𑌾𑌲𑌿𑌕𑌾 𑌸𑍍𑌤𑍋𑌤𑍍𑌰𑌮𑍍)

𑌸𑌾𑌂𑌬𑌸𑌦𑌾𑌶𑌿𑌵 𑌸𑌾𑌂𑌬𑌸𑌦𑌾𑌶𑌿𑌵 𑌸𑌾𑌂𑌬𑌸𑌦𑌾𑌶𑌿𑌵 𑌸𑌾𑌂𑌬𑌶𑌿𑌵 ॥

𑌅𑌦𑍍𑌭𑍁𑌤𑌵𑌿𑌗𑍍𑌰𑌹 𑌅𑌮𑌰𑌾𑌧𑍀𑌶𑍍𑌵𑌰 𑌅𑌗𑌣𑌿𑌤𑌗𑍁𑌣𑌗𑌣 𑌅𑌮𑍃𑌤𑌶𑌿𑌵 ॥

𑌆𑌨𑌂𑌦𑌾𑌮𑍃𑌤 𑌆𑌶𑍍𑌰𑌿𑌤𑌰𑌕𑍍𑌷𑌕 𑌆𑌤𑍍𑌮𑌾𑌨𑌂𑌦 𑌮𑌹𑍇𑌶 𑌶𑌿𑌵 ॥

𑌇𑌂𑌦𑍁𑌕𑌳𑌾𑌧𑌰 𑌇𑌂𑌦𑍍𑌰𑌾𑌦𑌿𑌪𑍍𑌰𑌿𑌯 𑌸𑍁𑌂𑌦𑌰𑌰𑍂𑌪 𑌸𑍁𑌰𑍇𑌶 𑌶𑌿𑌵 ॥

𑌈𑌶 𑌸𑍁𑌰𑍇𑌶 𑌮𑌹𑍇𑌶 𑌜𑌨𑌪𑍍𑌰𑌿𑌯 𑌕𑍇𑌶𑌵𑌸𑍇𑌵𑌿𑌤𑌪𑌾𑌦 𑌶𑌿𑌵 ॥

𑌉𑌰𑌗𑌾𑌦𑌿𑌪𑍍𑌰𑌿𑌯𑌭𑍂𑌷𑌣 𑌶𑌂𑌕𑌰 𑌨𑌰𑌕𑌵𑌿𑌨𑌾𑌶 𑌨𑌟𑍇𑌶 𑌶𑌿𑌵 ॥

𑌊𑌰𑍍𑌜𑌿𑌤𑌦𑌾𑌨𑌵𑌨𑌾𑌶 𑌪𑌰𑌾𑌤𑍍𑌪𑌰 𑌆𑌰𑍍𑌜𑌿𑌤𑌪𑌾𑌪𑌵𑌿𑌨𑌾𑌶 𑌶𑌿𑌵 ॥

𑌋𑌗𑍍𑌵𑍇𑌦𑌶𑍍𑌰𑍁𑌤𑌿𑌮𑍌𑌳𑌿𑌵𑌿𑌭𑍂𑌷𑌣 𑌰𑌵𑌿𑌚𑌂𑌦𑍍𑌰𑌾𑌗𑍍𑌨𑌿 𑌤𑍍𑌰𑌿𑌨𑍇𑌤𑍍𑌰 𑌶𑌿𑌵 ॥

𑍠𑌪𑌮𑌨𑌾𑌦𑌿 𑌪𑍍𑌰𑌪𑌂𑌚𑌵𑌿𑌲𑌕𑍍𑌷𑌣 𑌤𑌾𑌪𑌨𑌿𑌵𑌾𑌰𑌣 𑌤𑌤𑍍𑌤𑍍𑌵 𑌶𑌿𑌵 ॥

𑌲𑌿𑌂𑌗𑌸𑍍𑌵𑌰𑍂𑌪 𑌸𑌰𑍍𑌵𑌬𑍁𑌧𑌪𑍍𑌰𑌿𑌯 𑌮𑌂𑌗𑌳𑌮𑍂𑌰𑍍𑌤𑌿 𑌮𑌹𑍇𑌶 𑌶𑌿𑌵 ॥

𑌲𑍂𑌤𑌾𑌧𑍀𑌶𑍍𑌵𑌰 𑌰𑍂𑌪𑌪𑍍𑌰𑌿𑌯𑌶𑌿𑌵 𑌵𑍇𑌦𑌾𑌂𑌤𑌪𑍍𑌰𑌿𑌯𑌵𑍇𑌦𑍍𑌯 𑌶𑌿𑌵 ॥

𑌏𑌕𑌾𑌨𑍇𑌕𑌸𑍍𑌵𑌰𑍂𑌪 𑌵𑌿𑌶𑍍𑌵𑍇𑌶𑍍𑌵𑌰 𑌯𑍋𑌗𑌿𑌹𑍃𑌦𑌿𑌪𑍍𑌰𑌿𑌯𑌵𑌾𑌸 𑌶𑌿𑌵 ॥

𑌐𑌶𑍍𑌵𑌰𑍍𑌯𑌾𑌶𑍍𑌰𑌯 𑌚𑌿𑌨𑍍𑌮𑌯 𑌚𑌿𑌦𑍍𑌘𑌨 𑌅𑌚𑍍𑌯𑍁𑌤𑌾𑌨𑌂𑌤 𑌮𑌹𑍇𑌶 𑌶𑌿𑌵 ॥

𑌓𑌂𑌕𑌾𑌰𑌪𑍍𑌰𑌿𑌯 𑌉𑌰𑌗𑌵𑌿𑌭𑍂𑌷𑌣 𑌹𑍍𑌰𑍀𑌂𑌕𑌾𑌰𑌾𑌦𑌿 𑌮𑌹𑍇𑌶 𑌶𑌿𑌵 ॥

𑌔𑌰𑌸𑌲𑌾𑌲𑌿𑌤 𑌅𑌂𑌤𑌕𑌨𑌾𑌶𑌨 𑌗𑍌𑌰𑌿𑌸𑌮𑍇𑌤 𑌗𑌿𑌰𑍀𑌶 𑌶𑌿𑌵 ॥

𑌅𑌂𑌬𑌰𑌵𑌾𑌸 𑌚𑌿𑌦𑌂𑌬𑌰𑌨𑌾𑌯𑌕 𑌤𑍁𑌂𑌬𑍁𑌰𑍁𑌨𑌾𑌰𑌦𑌸𑍇𑌵𑍍𑌯 𑌶𑌿𑌵 ॥

𑌆𑌹𑌾𑌰𑌪𑍍𑌰𑌿𑌯 𑌆𑌦𑌿𑌗𑌿𑌰𑍀𑌶𑍍𑌵𑌰 𑌭𑍋𑌗𑌾𑌦𑌿𑌪𑍍𑌰𑌿𑌯 𑌪𑍂𑌰𑍍𑌣 𑌶𑌿𑌵 ॥

𑌕𑌮𑌲𑌾𑌕𑍍𑌷𑌾𑌰𑍍𑌚𑌿𑌤 𑌕𑍈𑌲𑌾𑌸𑌪𑍍𑌰𑌿𑌯 𑌕𑌰𑍁𑌣𑌾𑌸𑌾𑌗𑌰 𑌕𑌾𑌂𑌤𑌿 𑌶𑌿𑌵 ॥

𑌖𑌡𑍍𑌗𑌶𑍂𑌲𑌮𑍃𑌗𑌢𑌕𑍍𑌕𑌾𑌦𑍍𑌯𑌾𑌯𑍁𑌧 𑌵𑌿𑌕𑍍𑌰𑌮𑌰𑍂𑌪 𑌵𑌿𑌶𑍍𑌵𑍇𑌶 𑌶𑌿𑌵 ॥

𑌗𑌂𑌗𑌾𑌗𑌿𑌰𑌿𑌸𑍁𑌤𑌵𑌲𑍍𑌲𑌭 𑌗𑍁𑌣𑌹𑌿𑌤 𑌶𑌂𑌕𑌰 𑌸𑌰𑍍𑌵𑌜𑌨𑍇𑌶 𑌶𑌿𑌵 ॥

𑌘𑌾𑌤𑌕𑌭𑌂𑌜𑌨 𑌪𑌾𑌤𑌕𑌨𑌾𑌶𑌨 𑌗𑍌𑌰𑌿𑌸𑌮𑍇𑌤 𑌗𑌿𑌰𑍀𑌶 𑌶𑌿𑌵 ॥

𑌙𑌙𑌾𑌶𑍍𑌰𑌿𑌤𑌶𑍍𑌰𑍁𑌤𑌿𑌮𑍌𑌳𑌿𑌵𑌿𑌭𑍂𑌷𑌣 𑌵𑍇𑌦𑌸𑍍𑌵𑌰𑍂𑌪 𑌵𑌿𑌶𑍍𑌵𑍇𑌶 𑌶𑌿𑌵 ॥

𑌚𑌂𑌡𑌵𑌿𑌨𑌾𑌶𑌨 𑌸𑌕𑌲𑌜𑌨𑌪𑍍𑌰𑌿𑌯 𑌮𑌂𑌡𑌲𑌾𑌧𑍀𑌶 𑌮𑌹𑍇𑌶 𑌶𑌿𑌵 ॥

𑌛𑌤𑍍𑌰𑌕𑌿𑌰𑍀𑌟𑌸𑍁𑌕𑍁𑌂𑌡𑌲𑌶𑍋𑌭𑌿𑌤 𑌪𑍁𑌤𑍍𑌰𑌪𑍍𑌰𑌿𑌯 𑌭𑍁𑌵𑌨𑍇𑌶 𑌶𑌿𑌵 ॥

𑌜𑌨𑍍𑌮𑌜𑌰𑌾𑌮𑍃𑌤𑌿𑌨𑌾𑌶𑌨 𑌕𑌲𑍍𑌮𑌷𑌰𑌹𑌿𑌤 𑌤𑌾𑌪𑌵𑌿𑌨𑌾𑌶 𑌶𑌿𑌵 ॥

𑌝𑌂𑌕𑌾𑌰𑌾𑌶𑍍𑌰𑌯 𑌭𑍃𑌂𑌗𑌿𑌰𑌿𑌟𑌿𑌪𑍍𑌰𑌿𑌯 𑌓𑌂𑌕𑌾𑌰𑍇𑌶 𑌮𑌹𑍇𑌶 𑌶𑌿𑌵 ॥

𑌜𑍍𑌞𑌾𑌨𑌾𑌜𑍍𑌞𑌾𑌨𑌵𑌿𑌨𑌾𑌶𑌕 𑌨𑌿𑌰𑍍𑌮𑌲 𑌦𑍀𑌨𑌜𑌨𑌪𑍍𑌰𑌿𑌯 𑌦𑍀𑌪𑍍𑌤 𑌶𑌿𑌵 ॥

𑌟𑌂𑌕𑌾𑌦𑍍𑌯𑌾𑌯𑍁𑌧𑌧𑌾𑌰𑌣 𑌸𑌤𑍍𑌵𑌰 𑌹𑍍𑌰𑍀𑌂𑌕𑌾𑌰𑍈𑌦𑌿 𑌸𑍁𑌰𑍇𑌶 𑌶𑌿𑌵 ॥

𑌠𑌂𑌕𑌸𑍍𑌵𑌰𑍂𑌪𑌾 𑌸𑌹𑌕𑌾𑌰𑍋𑌤𑍍𑌤𑌮 𑌵𑌾𑌗𑍀𑌶𑍍𑌵𑌰 𑌵𑌰𑌦𑍇𑌶 𑌶𑌿𑌵 ॥

𑌡𑌂𑌬𑌵𑌿𑌨𑌾𑌶𑌨 𑌡𑌿𑌂𑌡𑌿𑌮𑌭𑍂𑌷𑌣 𑌅𑌂𑌬𑌰𑌵𑌾𑌸 𑌚𑌿𑌦𑍀𑌶 𑌶𑌿𑌵 ॥

𑌢𑌂𑌢𑌂𑌡𑌮𑌰𑍁𑌕 𑌧𑌰𑌣𑍀𑌨𑌿𑌶𑍍𑌚𑌲 𑌢𑍁𑌂𑌢𑌿𑌵𑌿𑌨𑌾𑌯𑌕𑌸𑍇𑌵𑍍𑌯 𑌶𑌿𑌵 ॥

𑌣𑌳𑌿𑌨𑌵𑌿𑌲𑍋𑌚𑌨 𑌨𑌟𑌨𑌮𑌨𑍋𑌹𑌰 𑌅𑌲𑌿𑌕𑍁𑌲𑌭𑍂𑌷𑌣 𑌅𑌮𑍃𑌤 𑌶𑌿𑌵 ॥

𑌤𑌤𑍍𑌤𑍍𑌵𑌮𑌸𑍀𑌤𑍍𑌯𑌾𑌦𑌿 𑌵𑌾𑌕𑍍𑌯𑌸𑍍𑌵𑌰𑍂𑌪𑌕 𑌨𑌿𑌤𑍍𑌯𑌾𑌨𑌂𑌦 𑌮𑌹𑍇𑌶 𑌶𑌿𑌵 ॥

𑌸𑍍𑌥𑌾𑌵𑌰 𑌜𑌂𑌗𑌮 𑌭𑍁𑌵𑌨𑌵𑌿𑌲𑌕𑍍𑌷𑌣 𑌭𑌾𑌵𑍁𑌕𑌮𑍁𑌨𑌿𑌵𑌰𑌸𑍇𑌵𑍍𑌯 𑌶𑌿𑌵 ॥

𑌦𑍁𑌃𑌖𑌵𑌿𑌨𑌾𑌶𑌨 𑌦𑌲𑌿𑌤𑌮𑌨𑍋𑌨𑍍𑌮𑌨 𑌚𑌂𑌦𑌨𑌲𑍇𑌪𑌿𑌤𑌚𑌰𑌣 𑌶𑌿𑌵 ॥

𑌧𑌰𑌣𑍀𑌧𑌰 𑌶𑍁𑌭 𑌧𑌵𑌳𑌵𑌿𑌭𑌾𑌸𑍍𑌵𑌰 𑌧𑌨𑌦𑌾𑌦𑌿𑌪𑍍𑌰𑌿𑌯𑌦𑌾𑌨 𑌶𑌿𑌵 ॥

𑌨𑌾𑌨𑌾𑌮𑌣𑌿𑌗𑌣𑌭𑍂𑌷𑌣 𑌨𑌿𑌰𑍍𑌗𑍁𑌣 𑌨𑌟𑌨𑌜𑌨𑌸𑍁𑌪𑍍𑌰𑌿𑌯𑌨𑌾𑌟𑍍𑌯 𑌶𑌿𑌵 ॥

𑌪𑌨𑍍𑌨𑌗𑌭𑍂𑌷𑌣 𑌪𑌾𑌰𑍍𑌵𑌤𑌿𑌨𑌾𑌯𑌕 𑌪𑌰𑌮𑌾𑌨𑌂𑌦 𑌪𑌰𑍇𑌶 𑌶𑌿𑌵 ॥

𑌫𑌾𑌲𑌵𑌿𑌲𑍋𑌚𑌨 𑌭𑌾𑌨𑍁𑌕𑍋𑌟𑌿𑌪𑍍𑌰𑌭 𑌹𑌾𑌲𑌾𑌹𑌲𑌧𑌰 𑌅𑌮𑍃𑌤 𑌶𑌿𑌵 ॥

𑌬𑌂𑌧𑌵𑌿𑌨𑌾𑌶𑌨 𑌬𑍃𑌹𑌦𑍀𑌶𑌾𑌮𑌰𑌸𑍍𑌕𑌂𑌦𑌾𑌦𑌿𑌪𑍍𑌰𑌿𑌯 𑌕𑌨𑌕 𑌶𑌿𑌵 ॥

𑌭𑌸𑍍𑌮𑌵𑌿𑌲𑍇𑌪𑌨 𑌭𑌵𑌭𑌯𑌨𑌾𑌶𑌨 𑌵𑌿𑌸𑍍𑌮𑌯𑌰𑍂𑌪 𑌵𑌿𑌶𑍍𑌵𑍇𑌶 𑌶𑌿𑌵 ॥

𑌮𑌨𑍍𑌮𑌥𑌨𑌾𑌶𑌨 𑌮𑌧𑍁𑌪𑌾𑌨𑌪𑍍𑌰𑌿𑌯 𑌮𑌂𑌦𑌰𑌪𑌰𑍍𑌵𑌤𑌵𑌾𑌸 𑌶𑌿𑌵 ॥

𑌯𑌤𑌿𑌜𑌨𑌹𑍃𑌦𑌯𑌨𑌿𑌵𑌾𑌸𑌿𑌤 𑌈𑌶𑍍𑌵𑌰 𑌵𑌿𑌧𑌿𑌵𑌿𑌷𑍍𑌣𑍍𑌵𑌾𑌦𑌿 𑌸𑍁𑌰𑍇𑌶 𑌶𑌿𑌵 ॥

𑌰𑌾𑌮𑍇𑌶𑍍𑌵𑌰 𑌰𑌮𑌣𑍀𑌯𑌮𑍁𑌖𑌾𑌂𑌬𑍁𑌜 𑌸𑍋𑌮𑍇𑌶𑍍𑌵𑌰 𑌸𑍁𑌕𑍃𑌤𑍇𑌶 𑌶𑌿𑌵 ॥

𑌲𑌂𑌕𑌾𑌧𑍀𑌶𑍍𑌵𑌰 𑌸𑍁𑌰𑌗𑌣𑌸𑍇𑌵𑌿𑌤 𑌲𑌾𑌵𑌣𑍍𑌯𑌾𑌮𑍃𑌤𑌲𑌸𑌿𑌤 𑌶𑌿𑌵 ॥

𑌵𑌰𑌦𑌾𑌭𑌯𑌕𑌰 𑌵𑌾𑌸𑍁𑌕𑌿𑌭𑍂𑌷𑌣 𑌵𑌨𑌮𑌾𑌲𑌾𑌦𑌿𑌵𑌿𑌭𑍂𑌷 𑌶𑌿𑌵 ॥

𑌶𑌾𑌂𑌤𑌿𑌸𑍍𑌵𑌰𑍂𑌪 𑌜𑌗𑌤𑍍𑌤𑍍𑌰𑌯 𑌚𑌿𑌨𑍍𑌮𑌯 𑌕𑌾𑌂𑌤𑌿𑌮𑌤𑍀𑌪𑍍𑌰𑌿𑌯 𑌕𑌨𑌕 𑌶𑌿𑌵 ॥

𑌷𑌣𑍍𑌮𑍁𑌖𑌜𑌨𑌕 𑌸𑍁𑌰𑍇𑌂𑌦𑍍𑌰𑌮𑍁𑌨𑌿𑌪𑍍𑌰𑌿𑌯 𑌷𑌾𑌡𑍍𑌗𑍁𑌣𑍍𑌯𑌾𑌦𑌿𑌸𑌮𑍇𑌤 𑌶𑌿𑌵 ॥

𑌸𑌂𑌸𑌾𑌰𑌾𑌰𑍍𑌣𑌵𑌨𑌾𑌶𑌨 𑌶𑌾𑌶𑍍𑌵𑌤𑌸𑌾𑌧𑍁𑌹𑍃𑌦𑌿𑌪𑍍𑌰𑌿𑌯𑌵𑌾𑌸 𑌶𑌿𑌵 ॥

𑌹𑌰 𑌪𑍁𑌰𑍁𑌷𑍋𑌤𑍍𑌤𑌮 𑌅𑌦𑍍𑌵𑍈𑌤𑌾𑌮𑍃𑌤𑌪𑍂𑌰𑍍𑌣 𑌮𑍁𑌰𑌾𑌰𑌿𑌸𑍁𑌸𑍇𑌵𑍍𑌯 𑌶𑌿𑌵 ॥

𑌳𑌾𑌳𑌿𑌤𑌭𑌕𑍍𑌤𑌜𑌨𑍇𑌶 𑌨𑌿𑌜𑍇𑌶𑍍𑌵𑌰 𑌕𑌾𑌳𑌿𑌨𑌟𑍇𑌶𑍍𑌵𑌰 𑌕𑌾𑌮 𑌶𑌿𑌵 ॥

𑌕𑍍𑌷𑌰𑌰𑍂𑌪𑌾𑌦𑌿𑌪𑍍𑌰𑌿𑌯𑌾𑌨𑍍𑌵𑌿𑌤 𑌸𑍁𑌂𑌦𑌰 𑌸𑌾𑌕𑍍𑌷𑌿𑌜𑌗𑌤𑍍𑌤𑍍𑌰𑌯 𑌸𑍍𑌵𑌾𑌮𑌿 𑌶𑌿𑌵 ॥

𑌸𑌾𑌂𑌬𑌸𑌦𑌾𑌶𑌿𑌵 𑌸𑌾𑌂𑌬𑌸𑌦𑌾𑌶𑌿𑌵 𑌸𑌾𑌂𑌬𑌸𑌦𑌾𑌶𑌿𑌵 𑌸𑌾𑌂𑌬𑌶𑌿𑌵 ॥

𑌇𑌤𑌿 𑌶𑍍𑌰𑍀𑌸𑌾𑌂𑌬𑌸𑌦𑌾𑌶𑌿𑌵 𑌮𑌾𑌤𑍃𑌕𑌾𑌵𑌰𑍍𑌣𑌮𑌾𑌲𑌿𑌕𑌾 𑌸𑍍𑌤𑍋𑌤𑍍𑌰𑌮𑍍 ।