𑌶𑌿𑌵 𑌨𑌾𑌮𑌾𑌵𑌳𑍍𑌯𑌷𑍍𑌟𑌕𑌂 (𑌨𑌾𑌮𑌾𑌵𑌳𑍀 𑌅𑌷𑍍𑌟𑌕𑌂)

𑌹𑍇 𑌚𑌂𑌦𑍍𑌰𑌚𑍂𑌡 𑌮𑌦𑌨𑌾𑌂𑌤𑌕 𑌶𑍂𑌲𑌪𑌾𑌣𑍇
𑌸𑍍𑌥𑌾𑌣𑍋 𑌗𑌿𑌰𑍀𑌶 𑌗𑌿𑌰𑌿𑌜𑍇𑌶 𑌮𑌹𑍇𑌶 𑌶𑌂𑌭𑍋 ।
𑌭𑍂𑌤𑍇𑌶 𑌭𑍀𑌤𑌭𑌯𑌸𑍂𑌦𑌨 𑌮𑌾𑌮𑌨𑌾𑌥𑌂
𑌸𑌂𑌸𑌾𑌰𑌦𑍁𑌃𑌖𑌗𑌹𑌨𑌾𑌜𑍍𑌜𑌗𑌦𑍀𑌶 𑌰𑌕𑍍𑌷 ॥ 1 ॥

𑌹𑍇 𑌪𑌾𑌰𑍍𑌵𑌤𑍀𑌹𑍃𑌦𑌯𑌵𑌲𑍍𑌲𑌭 𑌚𑌂𑌦𑍍𑌰𑌮𑍌𑌳𑍇
𑌭𑍂𑌤𑌾𑌧𑌿𑌪 𑌪𑍍𑌰𑌮𑌥𑌨𑌾𑌥 𑌗𑌿𑌰𑍀𑌶𑌚𑌾𑌪 ।
𑌹𑍇 𑌵𑌾𑌮𑌦𑍇𑌵 𑌭𑌵 𑌰𑍁𑌦𑍍𑌰 𑌪𑌿𑌨𑌾𑌕𑌪𑌾𑌣𑍇
𑌸𑌂𑌸𑌾𑌰𑌦𑍁𑌃𑌖𑌗𑌹𑌨𑌾𑌜𑍍𑌜𑌗𑌦𑍀𑌶 𑌰𑌕𑍍𑌷 ॥ 2 ॥

𑌹𑍇 𑌨𑍀𑌲𑌕𑌂𑌠 𑌵𑍃𑌷𑌭𑌧𑍍𑌵𑌜 𑌪𑌂𑌚𑌵𑌕𑍍𑌤𑍍𑌰
𑌲𑍋𑌕𑍇𑌶 𑌶𑍇𑌷𑌵𑌲𑌯 𑌪𑍍𑌰𑌮𑌥𑍇𑌶 𑌶𑌰𑍍𑌵 ।
𑌹𑍇 𑌧𑍂𑌰𑍍𑌜𑌟𑍇 𑌪𑌶𑍁𑌪𑌤𑍇 𑌗𑌿𑌰𑌿𑌜𑌾𑌪𑌤𑍇 𑌮𑌾𑌂
𑌸𑌂𑌸𑌾𑌰𑌦𑍁𑌃𑌖𑌗𑌹𑌨𑌾𑌜𑍍𑌜𑌗𑌦𑍀𑌶 𑌰𑌕𑍍𑌷 ॥ 3 ॥

𑌹𑍇 𑌵𑌿𑌶𑍍𑌵𑌨𑌾𑌥 𑌶𑌿𑌵 𑌶𑌂𑌕𑌰 𑌦𑍇𑌵𑌦𑍇𑌵
𑌗𑌂𑌗𑌾𑌧𑌰 𑌪𑍍𑌰𑌮𑌥𑌨𑌾𑌯𑌕 𑌨𑌂𑌦𑌿𑌕𑍇𑌶 ।
𑌬𑌾𑌣𑍇𑌶𑍍𑌵𑌰𑌾𑌂𑌧𑌕𑌰𑌿𑌪𑍋 𑌹𑌰 𑌲𑍋𑌕𑌨𑌾𑌥
𑌸𑌂𑌸𑌾𑌰𑌦𑍁𑌃𑌖𑌗𑌹𑌨𑌾𑌜𑍍𑌜𑌗𑌦𑍀𑌶 𑌰𑌕𑍍𑌷 ॥ 4 ॥

𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌮𑌣𑌿𑌕𑌰𑍍𑌣𑌿𑌕𑍇𑌶
𑌵𑍀𑌰𑍇𑌶 𑌦𑌕𑍍𑌷𑌮𑌖𑌕𑌾𑌲 𑌵𑌿𑌭𑍋 𑌗𑌣𑍇𑌶 ।
𑌸𑌰𑍍𑌵𑌜𑍍𑌞 𑌸𑌰𑍍𑌵𑌹𑍃𑌦𑌯𑍈𑌕𑌨𑌿𑌵𑌾𑌸 𑌨𑌾𑌥
𑌸𑌂𑌸𑌾𑌰𑌦𑍁𑌃𑌖𑌗𑌹𑌨𑌾𑌜𑍍𑌜𑌗𑌦𑍀𑌶 𑌰𑌕𑍍𑌷 ॥ 5 ॥

𑌶𑍍𑌰𑍀𑌮𑌨𑍍𑌮𑌹𑍇𑌶𑍍𑌵𑌰 𑌕𑍃𑌪𑌾𑌮𑌯 𑌹𑍇 𑌦𑌯𑌾𑌳𑍋
𑌹𑍇 𑌵𑍍𑌯𑍋𑌮𑌕𑍇𑌶 𑌶𑌿𑌤𑌿𑌕𑌂𑌠 𑌗𑌣𑌾𑌧𑌿𑌨𑌾𑌥 ।
𑌭𑌸𑍍𑌮𑌾𑌂𑌗𑌰𑌾𑌗 𑌨𑍃𑌕𑌪𑌾𑌲𑌕𑌲𑌾𑌪𑌮𑌾𑌲
𑌸𑌂𑌸𑌾𑌰𑌦𑍁𑌃𑌖𑌗𑌹𑌨𑌾𑌜𑍍𑌜𑌗𑌦𑍀𑌶 𑌰𑌕𑍍𑌷 ॥ 6 ॥

𑌕𑍈𑌲𑌾𑌸𑌶𑍈𑌲𑌵𑌿𑌨𑌿𑌵𑌾𑌸 𑌵𑍃𑌷𑌾𑌕𑌪𑍇 𑌹𑍇
𑌮𑍃𑌤𑍍𑌯𑍁𑌂𑌜𑌯 𑌤𑍍𑌰𑌿𑌨𑌯𑌨 𑌤𑍍𑌰𑌿𑌜𑌗𑌨𑍍𑌨𑌿𑌵𑌾𑌸 ।
𑌨𑌾𑌰𑌾𑌯𑌣𑌪𑍍𑌰𑌿𑌯 𑌮𑌦𑌾𑌪𑌹 𑌶𑌕𑍍𑌤𑌿𑌨𑌾𑌥
𑌸𑌂𑌸𑌾𑌰𑌦𑍁𑌃𑌖𑌗𑌹𑌨𑌾𑌜𑍍𑌜𑌗𑌦𑍀𑌶 𑌰𑌕𑍍𑌷 ॥ 𑍭 ॥

𑌵𑌿𑌶𑍍𑌵𑍇𑌶 𑌵𑌿𑌶𑍍𑌵𑌭𑌵𑌨𑌾𑌶𑌕 𑌵𑌿𑌶𑍍𑌵𑌰𑍂𑌪
𑌵𑌿𑌶𑍍𑌵𑌾𑌤𑍍𑌮𑌕 𑌤𑍍𑌰𑌿𑌭𑍁𑌵𑌨𑍈𑌕𑌗𑍁𑌣𑌾𑌧𑌿𑌕𑍇𑌶 ।
𑌹𑍇 𑌵𑌿𑌶𑍍𑌵𑌨𑌾𑌥 𑌕𑌰𑍁𑌣𑌾𑌮𑌯 𑌦𑍀𑌨𑌬𑌂𑌧𑍋
𑌸𑌂𑌸𑌾𑌰𑌦𑍁𑌃𑌖𑌗𑌹𑌨𑌾𑌜𑍍𑌜𑌗𑌦𑍀𑌶 𑌰𑌕𑍍𑌷 ॥ 𑍮 ॥

𑌗𑍌𑌰𑍀𑌵𑌿𑌲𑌾𑌸𑌭𑌵𑌨𑌾𑌯 𑌮𑌹𑍇𑌶𑍍𑌵𑌰𑌾𑌯
𑌪𑌂𑌚𑌾𑌨𑌨𑌾𑌯 𑌶𑌰𑌣𑌾𑌗𑌤𑌕𑌲𑍍𑌪𑌕𑌾𑌯 ।
𑌶𑌰𑍍𑌵𑌾𑌯 𑌸𑌰𑍍𑌵𑌜𑌗𑌤𑌾𑌮𑌧𑌿𑌪𑌾𑌯 𑌤𑌸𑍍𑌮𑍈
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖𑌦𑌹𑌨𑌾𑌯 𑌨𑌮𑌃 𑌶𑌿𑌵𑌾𑌯 ॥ 𑍯 ॥

𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯 𑌶𑍍𑌰𑍀𑌗𑍋𑌵𑌿𑌂𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯 𑌶𑍍𑌰𑍀𑌮𑌚𑍍𑌛𑌂𑌕𑌰𑌭𑌗𑌵𑌤𑌃 𑌕𑍃𑌤𑍌 𑌶𑍍𑌰𑍀𑌶𑌿𑌵𑌨𑌾𑌮𑌾𑌵𑌳𑍍𑌯𑌷𑍍𑌟𑌕𑌂 𑌸𑌂𑌪𑍂𑌰𑍍𑌣𑌮𑍍 ॥