𑌶𑌿𑌵 𑌭𑍁𑌜𑌂𑌗 𑌸𑍍𑌤𑍋𑌤𑍍𑌰𑌮𑍍

𑌗𑌲𑌦𑍍𑌦𑌾𑌨𑌗𑌂𑌡𑌂 𑌮𑌿𑌲𑌦𑍍𑌭𑍃𑌂𑌗𑌷𑌂𑌡𑌂
𑌚𑌲𑌚𑍍𑌚𑌾𑌰𑍁𑌶𑍁𑌂𑌡𑌂 𑌜𑌗𑌤𑍍𑌤𑍍𑌰𑌾𑌣𑌶𑍌𑌂𑌡𑌮𑍍 ।
𑌕𑌨𑌦𑍍𑌦𑌂𑌤𑌕𑌾𑌂𑌡𑌂 𑌵𑌿𑌪𑌦𑍍𑌭𑌂𑌗𑌚𑌂𑌡𑌂
𑌶𑌿𑌵𑌪𑍍𑌰𑍇𑌮𑌪𑌿𑌂𑌡𑌂 𑌭𑌜𑍇 𑌵𑌕𑍍𑌰𑌤𑍁𑌂𑌡𑌮𑍍 ॥ 1 ॥

𑌅𑌨𑌾𑌦𑍍𑌯𑌂𑌤𑌮𑌾𑌦𑍍𑌯𑌂 𑌪𑌰𑌂 𑌤𑌤𑍍𑌤𑍍𑌵𑌮𑌰𑍍𑌥𑌂
𑌚𑌿𑌦𑌾𑌕𑌾𑌰𑌮𑍇𑌕𑌂 𑌤𑍁𑌰𑍀𑌯𑌂 𑌤𑍍𑌵𑌮𑍇𑌯𑌮𑍍 ।
𑌹𑌰𑌿𑌬𑍍𑌰𑌹𑍍𑌮𑌮𑍃𑌗𑍍𑌯𑌂 𑌪𑌰𑌬𑍍𑌰𑌹𑍍𑌮𑌰𑍂𑌪𑌂
𑌮𑌨𑍋𑌵𑌾𑌗𑌤𑍀𑌤𑌂 𑌮𑌹𑌃𑌶𑍈𑌵𑌮𑍀𑌡𑍇 ॥ 2 ॥

𑌸𑍍𑌵𑌶𑌕𑍍𑌤𑍍𑌯𑌾𑌦𑌿 𑌶𑌕𑍍𑌤𑍍𑌯𑌂𑌤 𑌸𑌿𑌂𑌹𑌾𑌸𑌨𑌸𑍍𑌥𑌂
𑌮𑌨𑍋𑌹𑌾𑌰𑌿 𑌸𑌰𑍍𑌵𑌾𑌂𑌗𑌰𑌤𑍍𑌨𑍋𑌰𑍁𑌭𑍂𑌷𑌮𑍍 ।
𑌜𑌟𑌾𑌹𑍀𑌂𑌦𑍁𑌗𑌂𑌗𑌾𑌸𑍍𑌥𑌿𑌶𑌮𑍍𑌯𑌾𑌕𑌮𑍌𑌳𑌿𑌂
𑌪𑌰𑌾𑌶𑌕𑍍𑌤𑌿𑌮𑌿𑌤𑍍𑌰𑌂 𑌨𑌮𑌃 𑌪𑌂𑌚𑌵𑌕𑍍𑌤𑍍𑌰𑌮𑍍 ॥ 3 ॥

𑌶𑌿𑌵𑍇𑌶𑌾𑌨𑌤𑌤𑍍𑌪𑍂𑌰𑍁𑌷𑌾𑌘𑍋𑌰𑌵𑌾𑌮𑌾𑌦𑌿𑌭𑌿𑌃
𑌪𑌂𑌚𑌭𑌿𑌰𑍍𑌹𑍃𑌨𑍍𑌮𑍁𑌖𑍈𑌃 𑌷𑌡𑍍𑌭𑌿𑌰𑌂𑌗𑍈𑌃 ।
𑌅𑌨𑍌𑌪𑌮𑍍𑌯 𑌷𑌟𑍍𑌤𑍍𑌰𑌿𑌂𑌶𑌤𑌂 𑌤𑌤𑍍𑌤𑍍𑌵𑌵𑌿𑌦𑍍𑌯𑌾𑌮𑌤𑍀𑌤𑌂
𑌪𑌰𑌂 𑌤𑍍𑌵𑌾𑌂 𑌕𑌥𑌂 𑌵𑍇𑌤𑍍𑌤𑌿 𑌕𑍋 𑌵𑌾 ॥ 4 ॥

𑌪𑍍𑌰𑌵𑌾𑌳𑌪𑍍𑌰𑌵𑌾𑌹𑌪𑍍𑌰𑌭𑌾𑌶𑍋𑌣𑌮𑌰𑍍𑌧𑌂
𑌮𑌰𑍁𑌤𑍍𑌵𑌨𑍍𑌮𑌣𑌿 𑌶𑍍𑌰𑍀𑌮𑌹𑌃 𑌶𑍍𑌯𑌾𑌮𑌮𑌰𑍍𑌧𑌮𑍍 ।
𑌗𑍁𑌣𑌸𑍍𑌯𑍂𑌤𑌮𑍇𑌤𑌦𑍍𑌵𑌪𑍁𑌃 𑌶𑍈𑌵𑌮𑌂𑌤𑌃
𑌸𑍍𑌮𑌰𑌾𑌮𑌿 𑌸𑍍𑌮𑌰𑌾𑌪𑌤𑍍𑌤𑌿𑌸𑌂𑌪𑌤𑍍𑌤𑌿𑌹𑍇𑌤𑍋𑌃 ॥ 5 ॥

𑌸𑍍𑌵𑌸𑍇𑌵𑌾𑌸𑌮𑌾𑌯𑌾𑌤𑌦𑍇𑌵𑌾𑌸𑍁𑌰𑍇𑌂𑌦𑍍𑌰𑌾
𑌨𑌮𑌨𑍍𑌮𑍌𑌳𑌿𑌮𑌂𑌦𑌾𑌰𑌮𑌾𑌲𑌾𑌭𑌿𑌷𑌿𑌕𑍍𑌤𑌮𑍍 ।
𑌨𑌮𑌸𑍍𑌯𑌾𑌮𑌿 𑌶𑌂𑌭𑍋 𑌪𑌦𑌾𑌂𑌭𑍋𑌰𑍁𑌹𑌂 𑌤𑍇
𑌭𑌵𑌾𑌂𑌭𑍋𑌧𑌿𑌪𑍋𑌤𑌂 𑌭𑌵𑌾𑌨𑍀 𑌵𑌿𑌭𑌾𑌵𑍍𑌯𑌮𑍍 ॥ 6 ॥

𑌜𑌗𑌨𑍍𑌨𑌾𑌥 𑌮𑌨𑍍𑌨𑌾𑌥 𑌗𑍌𑌰𑍀𑌸𑌨𑌾𑌥
𑌪𑍍𑌰𑌪𑌨𑍍𑌨𑌾𑌨𑍁𑌕𑌂𑌪𑌿𑌨𑍍𑌵𑌿𑌪𑌨𑍍𑌨𑌾𑌰𑍍𑌤𑌿𑌹𑌾𑌰𑌿𑌨𑍍 ।
𑌮𑌹𑌃𑌸𑍍𑌤𑍋𑌮𑌮𑍂𑌰𑍍𑌤𑍇 𑌸𑌮𑌸𑍍𑌤𑍈𑌕𑌬𑌂𑌧𑍋
𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌪𑍁𑌨𑌸𑍍𑌤𑍇 𑌨𑌮𑍋𑌽𑌸𑍍𑌤𑍁 ॥ 𑍭 ॥

𑌵𑌿𑌰𑍂𑌪𑌾𑌕𑍍𑌷 𑌵𑌿𑌶𑍍𑌵𑍇𑌶 𑌵𑌿𑌶𑍍𑌵𑌾𑌦𑌿𑌦𑍇𑌵
𑌤𑍍𑌰𑌯𑍀 𑌮𑍂𑌲 𑌶𑌂𑌭𑍋 𑌶𑌿𑌵 𑌤𑍍𑌰𑍍𑌯𑌂𑌬𑌕 𑌤𑍍𑌵𑌮𑍍 ।
𑌪𑍍𑌰𑌸𑍀𑌦 𑌸𑍍𑌮𑌰 𑌤𑍍𑌰𑌾𑌹𑌿 𑌪𑌶𑍍𑌯𑌾𑌵𑌮𑍁𑌕𑍍𑌤𑍍𑌯𑍈
𑌕𑍍𑌷𑌮𑌾𑌂 𑌪𑍍𑌰𑌾𑌪𑍍𑌨𑍁𑌹𑌿 𑌤𑍍𑌰𑍍𑌯𑌕𑍍𑌷 𑌮𑌾𑌂 𑌰𑌕𑍍𑌷 𑌮𑍋𑌦𑌾𑌤𑍍 ॥ 𑍮 ॥

𑌮𑌹𑌾𑌦𑍇𑌵 𑌦𑍇𑌵𑍇𑌶 𑌦𑍇𑌵𑌾𑌦𑌿𑌦𑍇𑌵
𑌸𑍍𑌮𑌰𑌾𑌰𑍇 𑌪𑍁𑌰𑌾𑌰𑍇 𑌯𑌮𑌾𑌰𑍇 𑌹𑌰𑍇𑌤𑌿 ।
𑌬𑍍𑌰𑍁𑌵𑌾𑌣𑌃 𑌸𑍍𑌮𑌰𑌿𑌷𑍍𑌯𑌾𑌮𑌿 𑌭𑌕𑍍𑌤𑍍𑌯𑌾 𑌲𑌿𑌨𑍇 𑌭𑌵𑌂𑌤𑌂 𑌤𑌤𑍋 𑌮𑍇 𑌦𑌯𑌾𑌶𑍀𑌲 𑌦𑍇𑌵 𑌪𑍍𑌰𑌸𑍀𑌦 ॥ 𑍯 ॥

𑌤𑍍𑌵𑌦𑌨𑍍𑌯𑌃 𑌶𑌰𑌣𑍍𑌯𑌃 𑌪𑍍𑌰𑌪𑌨𑍍𑌨𑌸𑍍𑌯 𑌨𑍇𑌤𑌿
𑌪𑍍𑌰𑌸𑍀𑌦 𑌸𑍍𑌮𑌰𑌨𑍍𑌨𑍇𑌵 𑌹𑌨𑍍𑌯𑌾𑌸𑍍𑌤𑍁 𑌦𑍈𑌨𑍍𑌯𑌮𑍍 ।
𑌨 𑌚𑍇𑌤𑍍𑌤𑍇 𑌭𑌵𑍇𑌦𑍍𑌭𑌕𑍍𑌤𑌵𑌾𑌤𑍍𑌸𑌲𑍍𑌯𑌹𑌾𑌨𑌿𑌸𑍍𑌤𑌤𑍋
𑌮𑍇 𑌦𑌯𑌾𑌳𑍋 𑌸𑌦𑌾 𑌸𑌨𑍍𑌨𑌿𑌧𑍇𑌹𑌿 ॥ 10 ॥

𑌅𑌯𑌂 𑌦𑌾𑌨𑌕𑌾𑌲𑌸𑍍𑌤𑍍𑌵𑌹𑌂 𑌦𑌾𑌨𑌪𑌾𑌤𑍍𑌰𑌂
𑌭𑌵𑌾𑌨𑍇𑌵 𑌦𑌾𑌤𑌾 𑌤𑍍𑌵𑌦𑌨𑍍𑌯𑌂 𑌨 𑌯𑌾𑌚𑍇 ।
𑌭𑌵𑌦𑍍𑌭𑌕𑍍𑌤𑌿𑌮𑍇𑌵 𑌸𑍍𑌥𑌿𑌰𑌾𑌂 𑌦𑍇𑌹𑌿 𑌮𑌹𑍍𑌯𑌂
𑌕𑍃𑌪𑌾𑌶𑍀𑌲 𑌶𑌂𑌭𑍋 𑌕𑍃𑌤𑌾𑌰𑍍𑌥𑍋𑌽𑌸𑍍𑌮𑌿 𑌤𑌸𑍍𑌮𑌾𑌤𑍍 ॥ 11 ॥

𑌪𑌶𑍁𑌂 𑌵𑍇𑌤𑍍𑌸𑌿 𑌚𑍇𑌨𑍍𑌮𑌾𑌂 𑌤𑌮𑍇𑌵𑌾𑌧𑌿𑌰𑍂𑌢𑌃
𑌕𑌲𑌂𑌕𑍀𑌤𑌿 𑌵𑌾 𑌮𑍂𑌰𑍍𑌧𑍍𑌨𑌿 𑌧𑌤𑍍𑌸𑍇 𑌤𑌮𑍇𑌵 ।
𑌦𑍍𑌵𑌿𑌜𑌿𑌹𑍍𑌵𑌃 𑌪𑍁𑌨𑌃 𑌸𑍋𑌽𑌪𑌿 𑌤𑍇 𑌕𑌂𑌠𑌭𑍂𑌷𑌾
𑌤𑍍𑌵𑌦𑌂𑌗𑍀𑌕𑍃𑌤𑌾𑌃 𑌶𑌰𑍍𑌵 𑌸𑌰𑍍𑌵𑍇𑌽𑌪𑌿 𑌧𑌨𑍍𑌯𑌾𑌃 ॥ 12 ॥

𑌨 𑌶𑌕𑍍𑌨𑍋𑌮𑌿 𑌕𑌰𑍍𑌤𑍁𑌂 𑌪𑌰𑌦𑍍𑌰𑍋𑌹𑌲𑍇𑌶𑌂
𑌕𑌥𑌂 𑌪𑍍𑌰𑍀𑌯𑌸𑍇 𑌤𑍍𑌵𑌂 𑌨 𑌜𑌾𑌨𑍇 𑌗𑌿𑌰𑍀𑌶 ।
𑌤𑌥𑌾𑌹𑌿 𑌪𑍍𑌰𑌸𑌨𑍍𑌨𑍋𑌽𑌸𑌿 𑌕𑌸𑍍𑌯𑌾𑌪𑌿
𑌕𑌾𑌂𑌤𑌾𑌸𑍁𑌤𑌦𑍍𑌰𑍋𑌹𑌿𑌣𑍋 𑌵𑌾 𑌪𑌿𑌤𑍃𑌦𑍍𑌰𑍋𑌹𑌿𑌣𑍋 𑌵𑌾 ॥ 13 ॥

𑌸𑍍𑌤𑍁𑌤𑌿𑌂 𑌧𑍍𑌯𑌾𑌨𑌮𑌰𑍍𑌚𑌾𑌂 𑌯𑌥𑌾𑌵𑌦𑍍𑌵𑌿𑌧𑌾𑌤𑍁𑌂
𑌭𑌜𑌨𑍍𑌨𑌪𑍍𑌯𑌜𑌾𑌨𑌨𑍍𑌮𑌹𑍇𑌶𑌾𑌵𑌲𑌂𑌬𑍇 ।
𑌤𑍍𑌰𑌸𑌂𑌤𑌂 𑌸𑍁𑌤𑌂 𑌤𑍍𑌰𑌾𑌤𑍁𑌮𑌗𑍍𑌰𑍇
𑌮𑍃𑌕𑌂𑌡𑍋𑌰𑍍𑌯𑌮𑌪𑍍𑌰𑌾𑌣𑌨𑌿𑌰𑍍𑌵𑌾𑌪𑌣𑌂 𑌤𑍍𑌵𑌤𑍍𑌪𑌦𑌾𑌬𑍍𑌜𑌮𑍍 ॥ 14 ॥

𑌶𑌿𑌰𑍋 𑌦𑍃𑌷𑍍𑌟𑌿 𑌹𑍃𑌦𑍍𑌰𑍋𑌗 𑌶𑍂𑌲 𑌪𑍍𑌰𑌮𑍇𑌹𑌜𑍍𑌵𑌰𑌾𑌰𑍍𑌶𑍋 𑌜𑌰𑌾𑌯𑌕𑍍𑌷𑍍𑌮𑌹𑌿𑌕𑍍𑌕𑌾𑌵𑌿𑌷𑌾𑌰𑍍𑌤𑌾𑌨𑍍 ।
𑌤𑍍𑌵𑌮𑌾𑌦𑍍𑌯𑍋 𑌭𑌿𑌷𑌗𑍍𑌭𑍇𑌷𑌜𑌂 𑌭𑌸𑍍𑌮 𑌶𑌂𑌭𑍋
𑌤𑍍𑌵𑌮𑍁𑌲𑍍𑌲𑌾𑌘𑌯𑌾𑌸𑍍𑌮𑌾𑌨𑍍𑌵𑌪𑍁𑌰𑍍𑌲𑌾𑌘𑌵𑌾𑌯 ॥ 15 ॥

𑌦𑌰𑌿𑌦𑍍𑌰𑍋𑌽𑌸𑍍𑌮𑍍𑌯𑌭𑌦𑍍𑌰𑍋𑌽𑌸𑍍𑌮𑌿 𑌭𑌗𑍍𑌨𑍋𑌽𑌸𑍍𑌮𑌿 𑌦𑍂𑌯𑍇
𑌵𑌿𑌷𑌣𑍍𑌣𑍋𑌽𑌸𑍍𑌮𑌿 𑌸𑌨𑍍𑌨𑍋𑌽𑌸𑍍𑌮𑌿 𑌖𑌿𑌨𑍍𑌨𑍋𑌽𑌸𑍍𑌮𑌿 𑌚𑌾𑌹𑌮𑍍 ।
𑌭𑌵𑌾𑌨𑍍𑌪𑍍𑌰𑌾𑌣𑌿𑌨𑌾𑌮𑌂𑌤𑌰𑌾𑌤𑍍𑌮𑌾𑌸𑌿 𑌶𑌂𑌭𑍋
𑌮𑌮𑌾𑌧𑌿𑌂 𑌨 𑌵𑍇𑌤𑍍𑌸𑌿 𑌪𑍍𑌰𑌭𑍋 𑌰𑌕𑍍𑌷 𑌮𑌾𑌂 𑌤𑍍𑌵𑌮𑍍 ॥ 16 ॥

𑌤𑍍𑌵𑌦𑌕𑍍𑌷𑍍𑌣𑍋𑌃 𑌕𑌟𑌾𑌕𑍍𑌷𑌃 𑌪𑌤𑍇𑌤𑍍𑌤𑍍𑌰𑍍𑌯𑌕𑍍𑌷 𑌯𑌤𑍍𑌰
𑌕𑍍𑌷𑌣𑌂 𑌕𑍍𑌷𑍍𑌮𑌾 𑌚 𑌲𑌕𑍍𑌷𑍍𑌮𑍀𑌃 𑌸𑍍𑌵𑌯𑌂 𑌤𑌂 𑌵𑍃𑌣𑌾𑌤𑍇 ।
𑌕𑌿𑌰𑍀𑌟𑌸𑍍𑌫𑍁𑌰𑌚𑍍𑌚𑌾𑌮𑌰𑌚𑍍𑌛𑌤𑍍𑌰𑌮𑌾𑌲𑌾𑌕𑌲𑌾𑌚𑍀𑌗𑌜𑌕𑍍𑌷𑍌𑌮𑌭𑍂𑌷𑌾𑌵𑌿𑌶𑍇𑌷𑍈𑌃 ॥ 1𑍭 ॥

𑌭𑌵𑌾𑌨𑍍𑌯𑍈 𑌭𑌵𑌾𑌯𑌾𑌪𑌿 𑌮𑌾𑌤𑍍𑌰𑍇 𑌚 𑌪𑌿𑌤𑍍𑌰𑍇
𑌮𑍃𑌡𑌾𑌨𑍍𑌯𑍈 𑌮𑍃𑌡𑌾𑌯𑌾𑌪𑍍𑌯𑌘𑌘𑍍𑌨𑍍𑌯𑍈 𑌮𑌖𑌘𑍍𑌨𑍇 ।
𑌶𑌿𑌵𑌾𑌂𑌗𑍍𑌯𑍈 𑌶𑌿𑌵𑌾𑌂𑌗𑌾𑌯 𑌕𑍁𑌰𑍍𑌮𑌃 𑌶𑌿𑌵𑌾𑌯𑍈
𑌶𑌿𑌵𑌾𑌯𑌾𑌂𑌬𑌿𑌕𑌾𑌯𑍈 𑌨𑌮𑌸𑍍𑌤𑍍𑌰𑍍𑌯𑌂𑌬𑌕𑌾𑌯 ॥ 1𑍮 ॥

𑌭𑌵𑌦𑍍𑌗𑍌𑌰𑌵𑌂 𑌮𑌲𑍍𑌲𑌘𑍁𑌤𑍍𑌵𑌂 𑌵𑌿𑌦𑌿𑌤𑍍𑌵𑌾
𑌪𑍍𑌰𑌭𑍋 𑌰𑌕𑍍𑌷 𑌕𑌾𑌰𑍁𑌣𑍍𑌯𑌦𑍃𑌷𑍍𑌟𑍍𑌯𑌾𑌨𑍁𑌗𑌂 𑌮𑌾𑌮𑍍 ।
𑌶𑌿𑌵𑌾𑌤𑍍𑌮𑌾𑌨𑍁𑌭𑌾𑌵𑌸𑍍𑌤𑍁𑌤𑌾𑌵𑌕𑍍𑌷𑌮𑍋𑌽𑌹𑌂
𑌸𑍍𑌵𑌶𑌕𑍍𑌤𑍍𑌯𑌾 𑌕𑍃𑌤𑌂 𑌮𑍇¶𑌅𑌧𑌂 𑌕𑍍𑌷𑌮𑌸𑍍𑌵 ॥ 1𑍯 ॥

𑌯𑌦𑌾 𑌕𑌰𑍍𑌣𑌰𑌂𑌧𑍍𑌰𑌂 𑌵𑍍𑌰𑌜𑍇𑌤𑍍𑌕𑌾𑌲𑌵𑌾𑌹𑌦𑍍𑌵𑌿𑌷𑌤𑍍𑌕𑌂𑌠𑌘𑌂𑌟𑌾 𑌘𑌣𑌾𑌤𑍍𑌕𑌾𑌰𑌨𑌾𑌦𑌃 ।
𑌵𑍃𑌷𑌾𑌧𑍀𑌶𑌮𑌾𑌰𑍁𑌹𑍍𑌯 𑌦𑍇𑌵𑍌𑌪𑌵𑌾𑌹𑍍𑌯𑌂𑌤𑌦𑌾
𑌵𑌤𑍍𑌸 𑌮𑌾 𑌭𑍀𑌰𑌿𑌤𑌿 𑌪𑍍𑌰𑍀𑌣𑌯 𑌤𑍍𑌵𑌮𑍍 ॥ 20 ॥

𑌯𑌦𑌾 𑌦𑌾𑌰𑍁𑌣𑌾𑌭𑌾𑌷𑌣𑌾 𑌭𑍀𑌷𑌣𑌾 𑌮𑍇
𑌭𑌵𑌿𑌷𑍍𑌯𑌂𑌤𑍍𑌯𑍁𑌪𑌾𑌂𑌤𑍇 𑌕𑍃𑌤𑌾𑌂𑌤𑌸𑍍𑌯 𑌦𑍂𑌤𑌾𑌃 ।
𑌤𑌦𑌾 𑌮𑌨𑍍𑌮𑌨𑌸𑍍𑌤𑍍𑌵𑌤𑍍𑌪𑌦𑌾𑌂𑌭𑍋𑌰𑍁𑌹𑌸𑍍𑌥𑌂
𑌕𑌥𑌂 𑌨𑌿𑌶𑍍𑌚𑌲𑌂 𑌸𑍍𑌯𑌾𑌨𑍍𑌨𑌮𑌸𑍍𑌤𑍇𑌽𑌸𑍍𑌤𑍁 𑌶𑌂𑌭𑍋 ॥ 21 ॥

𑌯𑌦𑌾 𑌦𑍁𑌰𑍍𑌨𑌿𑌵𑌾𑌰𑌵𑍍𑌯𑌥𑍋𑌽𑌹𑌂 𑌶𑌯𑌾𑌨𑍋
𑌲𑍁𑌠𑌨𑍍𑌨𑌿𑌃𑌶𑍍𑌵𑌸𑌨𑍍𑌨𑌿𑌃𑌸𑍃𑌤𑌾𑌵𑍍𑌯𑌕𑍍𑌤𑌵𑌾𑌣𑌿𑌃 ।
𑌤𑌦𑌾 𑌜𑌹𑍍𑌨𑍁𑌕𑌨𑍍𑌯𑌾𑌜𑌲𑌾𑌲𑌂𑌕𑍃𑌤𑌂 𑌤𑍇
𑌜𑌟𑌾𑌮𑌂𑌡𑌲𑌂 𑌮𑌨𑍍𑌮𑌨𑍋𑌮𑌂𑌦𑌿𑌰𑍇 𑌸𑍍𑌯𑌾𑌤𑍍 ॥ 22 ॥

𑌯𑌦𑌾 𑌪𑍁𑌤𑍍𑌰𑌮𑌿𑌤𑍍𑌰𑌾𑌦𑌯𑍋 𑌮𑌤𑍍𑌸𑌕𑌾𑌶𑍇
𑌰𑍁𑌦𑌂𑌤𑍍𑌯𑌸𑍍𑌯 𑌹𑌾 𑌕𑍀𑌦𑍃𑌶𑍀𑌯𑌂 𑌦𑌶𑍇𑌤𑌿 ।
𑌤𑌦𑌾 𑌦𑍇𑌵𑌦𑍇𑌵𑍇𑌶 𑌗𑍌𑌰𑍀𑌶 𑌶𑌂𑌭𑍋
𑌨𑌮𑌸𑍍𑌤𑍇 𑌶𑌿𑌵𑌾𑌯𑍇𑌤𑍍𑌯𑌜𑌸𑍍𑌰𑌂 𑌬𑍍𑌰𑌵𑌾𑌣𑌿 ॥ 23 ॥

𑌯𑌦𑌾 𑌪𑌶𑍍𑌯𑌤𑌾𑌂 𑌮𑌾𑌮𑌸𑍌 𑌵𑍇𑌤𑍍𑌤𑌿
𑌨𑌾𑌸𑍍𑌮𑌾𑌨𑌯𑌂 𑌶𑍍𑌵𑌾𑌸 𑌏𑌵𑍇𑌤𑌿 𑌵𑌾𑌚𑍋 𑌭𑌵𑍇𑌯𑍁𑌃 ।
𑌤𑌦𑌾 𑌭𑍂𑌤𑌿𑌭𑍂𑌷𑌂 𑌭𑍁𑌜𑌂𑌗𑌾𑌵𑌨𑌦𑍍𑌧𑌂
𑌪𑍁𑌰𑌾𑌰𑍇 𑌭𑌵𑌂𑌤𑌂 𑌸𑍍𑌫𑍁𑌟𑌂 𑌭𑌾𑌵𑌯𑍇𑌯𑌮𑍍 ॥ 24 ॥

𑌯𑌦𑌾 𑌯𑌾𑌤𑌨𑌾𑌦𑍇𑌹𑌸𑌂𑌦𑍇𑌹𑌵𑌾𑌹𑍀
𑌭𑌵𑍇𑌦𑌾𑌤𑍍𑌮𑌦𑍇𑌹𑍇 𑌨 𑌮𑍋𑌹𑍋 𑌮𑌹𑌾𑌨𑍍𑌮𑍇 ।
𑌤𑌦𑌾 𑌕𑌾𑌶𑌶𑍀𑌤𑌾𑌂𑌶𑍁𑌸𑌂𑌕𑌾𑌶𑌮𑍀𑌶
𑌸𑍍𑌮𑌰𑌾𑌰𑍇 𑌵𑌪𑍁𑌸𑍍𑌤𑍇 𑌨𑌮𑌸𑍍𑌤𑍇 𑌸𑍍𑌮𑌰𑌾𑌮𑌿 ॥ 25 ॥

𑌯𑌦𑌾𑌪𑌾𑌰𑌮𑌚𑍍𑌛𑌾𑌯𑌮𑌸𑍍𑌥𑌾𑌨𑌮𑌦𑍍𑌭𑌿𑌰𑍍𑌜𑌨𑍈𑌰𑍍𑌵𑌾 𑌵𑌿𑌹𑍀𑌨𑌂 𑌗𑌮𑌿𑌷𑍍𑌯𑌾𑌮𑌿 𑌮𑌾𑌰𑍍𑌗𑌮𑍍 ।
𑌤𑌦𑌾 𑌤𑌂 𑌨𑌿𑌰𑍁𑌂𑌧𑌂𑌕𑍃𑌤𑌾𑌂𑌤𑌸𑍍𑌯 𑌮𑌾𑌰𑍍𑌗𑌂
𑌮𑌹𑌾𑌦𑍇𑌵 𑌮𑌹𑍍𑌯𑌂 𑌮𑌨𑍋𑌜𑍍𑌞𑌂 𑌪𑍍𑌰𑌯𑌚𑍍𑌛 ॥ 26 ॥

𑌯𑌦𑌾 𑌰𑍌𑌰𑌵𑌾𑌦𑌿 𑌸𑍍𑌮𑌰𑌨𑍍𑌨𑍇𑌵 𑌭𑍀𑌤𑍍𑌯𑌾
𑌵𑍍𑌰𑌜𑌾𑌮𑍍𑌯𑌤𑍍𑌰 𑌮𑍋𑌹𑌂 𑌮𑌹𑌾𑌦𑍇𑌵 𑌘𑍋𑌰𑌮𑍍 ।
𑌤𑌦𑌾 𑌮𑌾𑌮𑌹𑍋 𑌨𑌾𑌥 𑌕𑌸𑍍𑌤𑌾𑌰𑌯𑌿𑌷𑍍𑌯𑌤𑍍𑌯𑌨𑌾𑌥𑌂 𑌪𑌰𑌾𑌧𑍀𑌨𑌮𑌰𑍍𑌧𑍇𑌂𑌦𑍁𑌮𑍌𑌳𑍇 ॥ 2𑍭 ॥

𑌯𑌦𑌾 𑌶𑍍𑌵𑍇𑌤𑌪𑌤𑍍𑌰𑌾𑌯𑌤𑌾𑌲𑌂𑌘𑍍𑌯𑌶𑌕𑍍𑌤𑍇𑌃
𑌕𑍃𑌤𑌾𑌂𑌤𑌾𑌦𑍍𑌭𑌯𑌂 𑌭𑌕𑍍𑌤𑌿𑌵𑌾𑌤𑍍𑌸𑌲𑍍𑌯𑌭𑌾𑌵𑌾𑌤𑍍 ।
𑌤𑌦𑌾 𑌪𑌾𑌹𑌿 𑌮𑌾𑌂 𑌪𑌾𑌰𑍍𑌵𑌤𑍀𑌵𑌲𑍍𑌲𑌭𑌾𑌨𑍍𑌯𑌂
𑌨 𑌪𑌶𑍍𑌯𑌾𑌮𑌿 𑌪𑌾𑌤𑌾𑌰𑌮𑍇𑌤𑌾𑌦𑍃𑌶𑌂 𑌮𑍇 ॥ 2𑍮 ॥

𑌇𑌦𑌾𑌨𑍀𑌮𑌿𑌦𑌾𑌨𑍀𑌂 𑌮𑍃𑌤𑌿𑌰𑍍𑌮𑍇 𑌭𑌵𑌿𑌤𑍍𑌰𑍀𑌤𑍍𑌯𑌹𑍋 𑌸𑌂𑌤𑌤𑌂 𑌚𑌿𑌂𑌤𑌯𑌾 𑌪𑍀𑌡𑌿𑌤𑍋𑌽𑌸𑍍𑌮𑌿 ।
𑌕𑌥𑌂 𑌨𑌾𑌮 𑌮𑌾 𑌭𑍂𑌨𑍍𑌮𑍃𑌤𑍌 𑌭𑍀𑌤𑌿𑌰𑍇𑌷𑌾
𑌨𑌮𑌸𑍍𑌤𑍇 𑌗𑌤𑍀𑌨𑌾𑌂 𑌗𑌤𑍇 𑌨𑍀𑌲𑌕𑌂𑌠 ॥ 2𑍯 ॥

𑌅𑌮𑌰𑍍𑌯𑌾𑌦𑌮𑍇𑌵𑌾𑌹𑌮𑌾𑌬𑌾𑌲𑌵𑍃𑌦𑍍𑌧𑌂
𑌹𑌰𑌂𑌤𑌂 𑌕𑍃𑌤𑌾𑌂𑌤𑌂 𑌸𑌮𑍀𑌕𑍍𑌷𑍍𑌯𑌾𑌸𑍍𑌮𑌿 𑌭𑍀𑌤𑌃 ।
𑌮𑍃𑌤𑍌 𑌤𑌾𑌵𑌕𑌾𑌂𑌘𑍍𑌰𑍍𑌯𑌬𑍍𑌜𑌦𑌿𑌵𑍍𑌯𑌪𑍍𑌰𑌸𑌾𑌦𑌾𑌦𑍍𑌭𑌵𑌾𑌨𑍀𑌪𑌤𑍇 𑌨𑌿𑌰𑍍𑌭𑌯𑍋𑌽𑌹𑌂 𑌭𑌵𑌾𑌨𑌿 ॥ 30 ॥

𑌜𑌰𑌾𑌜𑌨𑍍𑌮𑌗𑌰𑍍𑌭𑌾𑌧𑌿𑌵𑌾𑌸𑌾𑌦𑌿𑌦𑍁𑌃𑌖𑌾𑌨𑍍𑌯𑌸𑌹𑍍𑌯𑌾𑌨𑌿 𑌜𑌹𑍍𑌯𑌾𑌂 𑌜𑌗𑌨𑍍𑌨𑌾𑌥 𑌦𑍇𑌵 ।
𑌭𑌵𑌂𑌤𑌂 𑌵𑌿𑌨𑌾 𑌮𑍇 𑌗𑌤𑌿𑌰𑍍𑌨𑍈𑌵 𑌶𑌂𑌭𑍋
𑌦𑌯𑌾𑌳𑍋 𑌨 𑌜𑌾𑌗𑌰𑍍𑌤𑌿 𑌕𑌿𑌂 𑌵𑌾 𑌦𑌯𑌾 𑌤𑍇 ॥ 31 ॥

𑌶𑌿𑌵𑌾𑌯𑍇𑌤𑌿 𑌶𑌬𑍍𑌦𑍋 𑌨𑌮𑌃𑌪𑍂𑌰𑍍𑌵 𑌏𑌷
𑌸𑍍𑌮𑌰𑌨𑍍𑌮𑍁𑌕𑍍𑌤𑌿𑌕𑍃𑌨𑍍𑌮𑍃𑌤𑍍𑌯𑍁𑌹𑌾 𑌤𑌤𑍍𑌤𑍍𑌵𑌵𑌾𑌚𑍀 ।
𑌮𑌹𑍇𑌶𑌾𑌨 𑌮𑌾 𑌗𑌾𑌨𑍍𑌮𑌨𑌸𑍍𑌤𑍋 𑌵𑌚𑌸𑍍𑌤𑌃
𑌸𑌦𑌾 𑌮𑌹𑍍𑌯𑌮𑍇𑌤𑌤𑍍𑌪𑍍𑌰𑌦𑌾𑌨𑌂 𑌪𑍍𑌰𑌯𑌚𑍍𑌛 ॥ 32 ॥

𑌤𑍍𑌵𑌮𑌪𑍍𑌯𑌂𑌬 𑌮𑌾𑌂 𑌪𑌶𑍍𑌯 𑌶𑍀𑌤𑌾𑌂𑌶𑍁𑌮𑍌𑌳𑌿𑌪𑍍𑌰𑌿𑌯𑍇 𑌭𑍇𑌷𑌜𑌂 𑌤𑍍𑌵𑌂 𑌭𑌵𑌵𑍍𑌯𑌾𑌧𑌿𑌶𑌾𑌂𑌤𑍌
𑌬𑌹𑍁𑌕𑍍𑌲𑍇𑌶𑌭𑌾𑌜𑌂 𑌪𑌦𑌾𑌂𑌭𑍋𑌜𑌪𑍋𑌤𑍇
𑌭𑌵𑌾𑌬𑍍𑌧𑍌 𑌨𑌿𑌮𑌗𑍍𑌨𑌂 𑌨𑌯𑌸𑍍𑌵𑌾𑌦𑍍𑌯 𑌪𑌾𑌰𑌮𑍍 ॥ 33 ॥

𑌅𑌨𑍁𑌦𑍍𑌯𑌲𑍍𑌲𑌲𑌾𑌟𑌾𑌕𑍍𑌷𑌿 𑌵𑌹𑍍𑌨𑌿 𑌪𑍍𑌰𑌰𑍋𑌹𑍈𑌰𑌵𑌾𑌮𑌸𑍍𑌫𑍁𑌰𑌚𑍍𑌚𑌾𑌰𑍁𑌵𑌾𑌮𑍋𑌰𑍁𑌶𑍋𑌭𑍈𑌃 ।
𑌅𑌨𑌂𑌗𑌭𑍍𑌰𑌮𑌦𑍍𑌭𑍋𑌗𑌿𑌭𑍂𑌷𑌾𑌵𑌿𑌶𑍇𑌷𑍈𑌰𑌚𑌂𑌦𑍍𑌰𑌾𑌰𑍍𑌧𑌚𑍂𑌡𑍈𑌰𑌲𑌂 𑌦𑍈𑌵𑌤𑍈𑌰𑍍𑌨𑌃 ॥ 34 ॥

𑌅𑌕𑌂𑌠𑍇𑌕𑌲𑌂𑌕𑌾𑌦𑌨𑌂𑌗𑍇𑌭𑍁𑌜𑌂𑌗𑌾𑌦𑌪𑌾𑌣𑍌𑌕𑌪𑌾𑌲𑌾𑌦𑌫𑌾𑌲𑍇𑌽𑌨𑌲𑌾𑌕𑍍𑌷𑌾𑌤𑍍 ।
𑌅𑌮𑍌𑌳𑍌𑌶𑌶𑌾𑌂𑌕𑌾𑌦𑌵𑌾𑌮𑍇𑌕𑌳𑌤𑍍𑌰𑌾𑌦𑌹𑌂 𑌦𑍇𑌵𑌮𑌨𑍍𑌯𑌂 𑌨 𑌮𑌨𑍍𑌯𑍇 𑌨 𑌮𑌨𑍍𑌯𑍇 ॥ 35 ॥

𑌮𑌹𑌾𑌦𑍇𑌵 𑌶𑌂𑌭𑍋 𑌗𑌿𑌰𑍀𑌶 𑌤𑍍𑌰𑌿𑌶𑍂𑌲𑌿𑌂𑌸𑍍𑌤𑍍𑌵𑌦𑍀𑌯𑌂 𑌸𑌮𑌸𑍍𑌤𑌂 𑌵𑌿𑌭𑌾𑌤𑍀𑌤𑌿 𑌯𑌸𑍍𑌮𑌾𑌤𑍍 ।
𑌶𑌿𑌵𑌾𑌦𑌨𑍍𑌯𑌥𑌾 𑌦𑍈𑌵𑌤𑌂 𑌨𑌾𑌭𑌿𑌜𑌾𑌨𑍇
𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌮𑍍 ॥ 36 ॥

𑌯𑌤𑍋𑌽𑌜𑌾𑌯𑌤𑍇𑌦𑌂 𑌪𑍍𑌰𑌪𑌂𑌚𑌂 𑌵𑌿𑌚𑌿𑌤𑍍𑌰𑌂
𑌸𑍍𑌥𑌿𑌤𑌿𑌂 𑌯𑌾𑌤𑌿 𑌯𑌸𑍍𑌮𑌿𑌨𑍍𑌯𑌦𑍇𑌕𑌾𑌂𑌤𑌮𑌂𑌤𑍇 ।
𑌸 𑌕𑌰𑍍𑌮𑌾𑌦𑌿𑌹𑍀𑌨𑌃 𑌸𑍍𑌵𑌯𑌂𑌜𑍍𑌯𑍋𑌤𑌿𑌰𑌾𑌤𑍍𑌮𑌾
𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌂 𑌶𑌿𑌵𑍋𑌽𑌹𑌮𑍍 ॥ 3𑍭 ॥

𑌕𑌿𑌰𑍀𑌟𑍇 𑌨𑌿𑌶𑍇𑌶𑍋 𑌲𑌲𑌾𑌟𑍇 𑌹𑍁𑌤𑌾𑌶𑍋
𑌭𑍁𑌜𑍇 𑌭𑍋𑌗𑌿𑌰𑌾𑌜𑍋 𑌗𑌲𑍇 𑌕𑌾𑌲𑌿𑌮𑌾 𑌚 ।
𑌤𑌨𑍌 𑌕𑌾𑌮𑌿𑌨𑍀 𑌯𑌸𑍍𑌯 𑌤𑌤𑍍𑌤𑍁𑌲𑍍𑌯𑌦𑍇𑌵𑌂
𑌨 𑌜𑌾𑌨𑍇 𑌨 𑌜𑌾𑌨𑍇 𑌨 𑌜𑌾𑌨𑍇 𑌨 𑌜𑌾𑌨𑍇 ॥ 3𑍮 ॥

𑌅𑌨𑍇𑌨 𑌸𑍍𑌤𑌵𑍇𑌨𑌾𑌦𑌰𑌾𑌦𑌂𑌬𑌿𑌕𑍇𑌶𑌂
𑌪𑌰𑌾𑌂 𑌭𑌕𑍍𑌤𑌿𑌮𑌾𑌸𑌾𑌦𑍍𑌯 𑌯𑌂 𑌯𑍇 𑌨𑌮𑌂𑌤𑌿 ।
𑌮𑍃𑌤𑍌 𑌨𑌿𑌰𑍍𑌭𑌯𑌾𑌸𑍍𑌤𑍇 𑌜𑌨𑌾𑌸𑍍𑌤𑌂 𑌭𑌜𑌂𑌤𑍇
𑌹𑍃𑌦𑌂𑌭𑍋𑌜𑌮𑌧𑍍𑌯𑍇 𑌸𑌦𑌾𑌸𑍀𑌨𑌮𑍀𑌶𑌮𑍍 ॥ 3𑍯 ॥

𑌭𑍁𑌜𑌂𑌗𑌪𑍍𑌰𑌿𑌯𑌾𑌕𑌲𑍍𑌪 𑌶𑌂𑌭𑍋 𑌮𑌯𑍈𑌵𑌂
𑌭𑍁𑌜𑌂𑌗𑌪𑍍𑌰𑌯𑌾𑌤𑍇𑌨 𑌵𑍃𑌤𑍍𑌤𑍇𑌨 𑌕𑍍𑌲𑍃𑌪𑍍𑌤𑌮𑍍 ।
𑌨𑌰𑌃 𑌸𑍍𑌤𑍋𑌤𑍍𑌰𑌮𑍇𑌤𑌤𑍍𑌪𑌠𑌿𑌤𑍍𑌵𑍋𑌰𑍁𑌭𑌕𑍍𑌤𑍍𑌯𑌾
𑌸𑍁𑌪𑍁𑌤𑍍𑌰𑌾𑌯𑍁𑌰𑌾𑌰𑍋𑌗𑍍𑌯𑌮𑍈𑌶𑍍𑌵𑌰𑍍𑌯𑌮𑍇𑌤𑌿 ॥ 40 ॥