𑌶𑌿𑌵 𑌭𑍁𑌜𑌂𑌗 𑌪𑍍𑌰𑌯𑌾𑌤 𑌸𑍍𑌤𑍋𑌤𑍍𑌰𑌮𑍍

𑌕𑍃𑌪𑌾𑌸𑌾𑌗𑌰𑌾𑌯𑌾𑌶𑍁𑌕𑌾𑌵𑍍𑌯𑌪𑍍𑌰𑌦𑌾𑌯
𑌪𑍍𑌰𑌣𑌮𑍍𑌰𑌾𑌖𑌿𑌲𑌾𑌭𑍀𑌷𑍍𑌟𑌸𑌂𑌦𑌾𑌯𑌕𑌾𑌯 ।
𑌯𑌤𑍀𑌂𑌦𑍍𑌰𑍈𑌰𑍁𑌪𑌾𑌸𑍍𑌯𑌾𑌂𑌘𑍍𑌰𑌿𑌪𑌾𑌥𑍋𑌰𑍁𑌹𑌾𑌯
𑌪𑍍𑌰𑌬𑍋𑌧𑌪𑍍𑌰𑌦𑌾𑌤𑍍𑌰𑍇 𑌨𑌮𑌃 𑌶𑌂𑌕𑌰𑌾𑌯 ॥1॥

𑌚𑌿𑌦𑌾𑌨𑌂𑌦𑌰𑍂𑌪𑌾𑌯 𑌚𑌿𑌨𑍍𑌮𑍁𑌦𑍍𑌰𑌿𑌕𑍋𑌦𑍍𑌯-
𑌤𑍍𑌕𑌰𑌾𑌯𑍇𑌶𑌪𑌰𑍍𑌯𑌾𑌯𑌰𑍂𑌪𑌾𑌯 𑌤𑍁𑌭𑍍𑌯𑌮𑍍 ।
𑌮𑍁𑌦𑌾 𑌗𑍀𑌯𑌮𑌾𑌨𑌾𑌯 𑌵𑍇𑌦𑍋𑌤𑍍𑌤𑌮𑌾𑌂𑌗𑍈𑌃
𑌶𑍍𑌰𑌿𑌤𑌾𑌨𑌂𑌦𑌦𑌾𑌤𑍍𑌰𑍇 𑌨𑌮𑌃 𑌶𑌂𑌕𑌰𑌾𑌯 ॥2॥

𑌜𑌟𑌾𑌜𑍂𑌟𑌮𑌧𑍍𑌯𑍇 𑌪𑍁𑌰𑌾 𑌯𑌾 𑌸𑍁𑌰𑌾𑌣𑌾𑌂
𑌧𑍁𑌨𑍀 𑌸𑌾𑌦𑍍𑌯 𑌕𑌰𑍍𑌮𑌂𑌦𑌿𑌰𑍂𑌪𑌸𑍍𑌯 𑌶𑌂𑌭𑍋𑌃
𑌗𑌲𑍇 𑌮𑌲𑍍𑌲𑌿𑌕𑌾𑌮𑌾𑌲𑌿𑌕𑌾𑌵𑍍𑌯𑌾𑌜𑌤𑌸𑍍𑌤𑍇
𑌵𑌿𑌭𑌾𑌤𑍀𑌤𑌿 𑌮𑌨𑍍𑌯𑍇 𑌗𑍁𑌰𑍋 𑌕𑌿𑌂 𑌤𑌥𑍈𑌵 ॥3॥

𑌨𑌖𑍇𑌂𑌦𑍁𑌪𑍍𑌰𑌭𑌾𑌧𑍂𑌤𑌨𑌮𑍍𑌰𑌾𑌲𑌿𑌹𑌾𑌰𑍍𑌦𑌾-
𑌂𑌧𑌕𑌾𑌰𑌵𑍍𑌰𑌜𑌾𑌯𑌾𑌬𑍍𑌜𑌮𑌂𑌦𑌸𑍍𑌮𑌿𑌤𑌾𑌯 ।
𑌮𑌹𑌾𑌮𑍋𑌹𑌪𑌾𑌥𑍋𑌨𑌿𑌧𑍇𑌰𑍍𑌬𑌾𑌡𑌬𑌾𑌯
𑌪𑍍𑌰𑌶𑌾𑌂𑌤𑌾𑌯 𑌕𑍁𑌰𑍍𑌮𑍋 𑌨𑌮𑌃 𑌶𑌂𑌕𑌰𑌾𑌯 ॥4॥

𑌪𑍍𑌰𑌣𑌮𑍍𑌰𑌾𑌂𑌤𑌰𑌂𑌗𑌾𑌬𑍍𑌜𑌬𑍋𑌧𑌪𑍍𑌰𑌦𑌾𑌤𑍍𑌰𑍇
𑌦𑌿𑌵𑌾𑌰𑌾𑌤𑍍𑌰𑌮𑌵𑍍𑌯𑌾𑌹𑌤𑍋𑌸𑍍𑌰𑌾𑌯 𑌕𑌾𑌮𑌮𑍍 ।
𑌕𑍍𑌷𑌪𑍇𑌶𑌾𑌯 𑌚𑌿𑌤𑍍𑌰𑌾𑌯 𑌲𑌕𑍍𑌷𑍍𑌮 𑌕𑍍𑌷𑌯𑌾𑌭𑍍𑌯𑌾𑌂
𑌵𑌿𑌹𑍀𑌨𑌾𑌯 𑌕𑍁𑌰𑍍𑌮𑍋 𑌨𑌮𑌃 𑌶𑌂𑌕𑌰𑌾𑌯 ॥5॥

𑌪𑍍𑌰𑌣𑌮𑍍𑌰𑌾𑌸𑍍𑌯𑌪𑌾𑌥𑍋𑌜𑌮𑍋𑌦𑌪𑍍𑌰𑌦𑌾𑌤𑍍𑌰𑍇
𑌸𑌦𑌾𑌂𑌤𑌸𑍍𑌤𑌮𑌸𑍍𑌤𑍋𑌮𑌸𑌂𑌹𑌾𑌰𑌕𑌰𑍍𑌤𑍍𑌰𑍇 ।
𑌰𑌜𑌨𑍍𑌯𑌾 𑌮𑌪𑍀𑌦𑍍𑌧𑌪𑍍𑌰𑌕𑌾𑌶𑌾𑌯 𑌕𑍁𑌰𑍍𑌮𑍋
𑌹𑍍𑌯𑌪𑍂𑌰𑍍𑌵𑌾𑌯 𑌪𑍂𑌷𑍍𑌣𑍇 𑌨𑌮𑌃 𑌶𑌂𑌕𑌰𑌾𑌯 ॥6॥

𑌨𑌤𑌾𑌨𑌾𑌂 𑌹𑍃𑌦𑌬𑍍𑌜𑌾𑌨𑌿 𑌫𑍁𑌲𑍍𑌲𑌾𑌨𑌿 𑌶𑍀𑌘𑍍𑌰𑌂
𑌕𑌰𑍋𑌮𑍍𑌯𑌾𑌶𑍁 𑌯𑍋𑌗𑌪𑍍𑌰𑌦𑌾𑌨𑍇𑌨 𑌨𑍂𑌨𑌮𑍍 ।
𑌪𑍍𑌰𑌬𑍋𑌧𑌾𑌯 𑌚𑍇𑌤𑍍𑌥𑌂 𑌸𑌰𑍋𑌜𑌾𑌨𑌿 𑌧𑌤𑍍𑌸𑍇
𑌪𑍍𑌰𑌫𑍁𑌲𑍍𑌲𑌾𑌨𑌿 𑌕𑌿𑌂 𑌭𑍋 𑌗𑍁𑌰𑍋 𑌬𑍍𑌰𑍂𑌹𑌿 𑌮𑌹𑍍𑌯𑌮𑍍 ॥𑍭॥

𑌪𑍍𑌰𑌭𑌾𑌧𑍂𑌤𑌚𑌂𑌦𑍍𑌰𑌾𑌯𑍁𑌤𑌾𑌯𑌾𑌖𑌿𑌲𑍇𑌷𑍍𑌟-
𑌪𑍍𑌰𑌦𑌾𑌯𑌾𑌨𑌤𑌾𑌨𑌾𑌂 𑌸𑌮𑍂𑌹𑌾𑌯 𑌶𑍀𑌘𑍍𑌰𑌮𑍍।
𑌪𑍍𑌰𑌤𑍀𑌪𑌾𑌯 𑌨𑌮𑍍𑌰𑍌𑌘𑌦𑍁𑌃𑌖𑌾𑌘𑌪𑌂𑌕𑍍𑌤𑍇-
𑌰𑍍𑌮𑍁𑌦𑌾 𑌸𑌰𑍍𑌵𑌦𑌾 𑌸𑍍𑌯𑌾𑌨𑍍𑌨𑌮𑌃 𑌶𑌂𑌕𑌰𑌾𑌯 ॥𑍮॥

𑌵𑌿𑌨𑌿𑌷𑍍𑌕𑌾𑌸𑌿𑌤𑌾𑌨𑍀𑌶 𑌤𑌤𑍍𑌤𑍍𑌵𑌾𑌵𑌬𑍋𑌧𑌾 –
𑌨𑍍𑌨𑌤𑌾𑌨𑌾𑌂 𑌮𑌨𑍋𑌭𑍍𑌯𑍋 𑌹𑍍𑌯𑌨𑌨𑍍𑌯𑌾𑌶𑍍𑌰𑌯𑌾𑌣𑌿 ।
𑌰𑌜𑌾𑌂𑌸𑌿 𑌪𑍍𑌰𑌪𑌨𑍍𑌨𑌾𑌨𑌿 𑌪𑌾𑌦𑌾𑌂𑌬𑍁𑌜𑌾𑌤𑌂
𑌗𑍁𑌰𑍋 𑌰𑌕𑍍𑌤𑌵𑌸𑍍𑌤𑍍𑌰𑌾𑌪𑌦𑍇𑌶𑌾𑌦𑍍𑌬𑌿𑌭𑌰𑍍𑌷𑌿 ॥𑍯॥

𑌮𑌤𑍇𑌰𑍍𑌵𑍇𑌦𑌶𑍀𑌰𑍍𑌷𑌾𑌧𑍍𑌵𑌸𑌂𑌪𑍍𑌰𑌾𑌪𑌕𑌾𑌯𑌾-
𑌨𑌤𑌾𑌨𑌾𑌂 𑌜𑌨𑌾𑌨𑌾𑌂 𑌕𑍃𑌪𑌾𑌰𑍍𑌦𑍍𑌰𑍈𑌃 𑌕𑌟𑌾𑌕𑍍𑌷𑍈𑌃 ।
𑌤𑌤𑍇𑌃 𑌪𑌾𑌪𑌬𑍃𑌂𑌦𑌸𑍍𑌯 𑌶𑍀𑌘𑍍𑌰𑌂 𑌨𑌿𑌹𑌂𑌤𑍍𑌰𑍇
𑌸𑍍𑌮𑌿𑌤𑌾𑌸𑍍𑌯𑌾𑌯 𑌕𑍁𑌰𑍍𑌮𑍋 𑌨𑌮𑌃 𑌶𑌂𑌕𑌰𑌾𑌯 ॥10॥

𑌸𑍁𑌪𑌰𑍍𑌵𑍋𑌕𑍍𑌤𑌿𑌗𑌂𑌧𑍇𑌨 𑌹𑍀𑌨𑌾𑌯 𑌤𑍂𑌰𑍍𑌣𑌂
𑌪𑍁𑌰𑌾 𑌤𑍋𑌟𑌕𑌾𑌯𑌾𑌖𑌿𑌲𑌜𑍍𑌞𑌾𑌨𑌦𑌾𑌤𑍍𑌰𑍇।
𑌪𑍍𑌰𑌵𑌾𑌲𑍀𑌯𑌗𑌰𑍍𑌵𑌾𑌪𑌹𑌾𑌰𑌸𑍍𑌯 𑌕𑌰𑍍𑌤𑍍𑌰𑍇
𑌪𑌦𑌾𑌬𑍍𑌜𑌮𑍍𑌰𑌦𑌿𑌮𑍍𑌨𑌾 𑌨𑌮𑌃 𑌶𑌂𑌕𑌰𑌾𑌯 ॥11॥

𑌭𑌵𑌾𑌂𑌭𑍋𑌧𑌿𑌮𑌗𑍍𑌨𑌾𑌨𑍍𑌜𑌨𑌾𑌂𑌦𑍁𑌃𑌖𑌯𑍁𑌕𑍍𑌤𑌾𑌨𑍍
𑌜𑌵𑌾𑌦𑍁𑌦𑍍𑌦𑌿𑌧𑍀𑌰𑍍𑌷𑍁𑌰𑍍𑌭𑌵𑌾𑌨𑌿𑌤𑍍𑌯𑌹𑍋𑌽𑌹𑌮𑍍 ।
𑌵𑌿𑌦𑌿𑌤𑍍𑌵𑌾 𑌹𑌿 𑌤𑍇 𑌕𑍀𑌰𑍍𑌤𑌿𑌮𑌨𑍍𑌯𑌾𑌦𑍃𑌶𑌾𑌂𑌭𑍋
𑌸𑍁𑌖𑌂 𑌨𑌿𑌰𑍍𑌵𑌿𑌶𑌂𑌕𑌃 𑌸𑍍𑌵𑌪𑌿𑌮𑍍𑌯𑌸𑍍𑌤𑌯𑌤𑍍𑌨𑌃 ॥12॥

॥𑌇𑌤𑌿 𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯 𑌭𑍁𑌜𑌂𑌗𑌪𑍍𑌰𑌯𑌾𑌤𑌸𑍍𑌤𑍋𑌤𑍍𑌰𑌮𑍍॥