𑌆𑌯𑍁𑌷𑍍𑌯 𑌸𑍂𑌕𑍍𑌤𑌮𑍍

𑌯𑍋 𑌬𑍍𑌰𑌹𑍍𑌮𑌾 𑌬𑍍𑌰𑌹𑍍𑌮𑌣 𑌉॑𑌜𑍍𑌜𑌹𑌾॒𑌰 𑌪𑍍𑌰𑌾॒𑌣𑍈𑌃 𑌶𑌿॒𑌰𑌃 𑌕𑍃𑌤𑍍𑌤𑌿𑌵𑌾𑌸𑌾𑌃᳚ 𑌪𑌿𑌨𑌾॒𑌕𑍀 ।
𑌈𑌶𑌾𑌨𑍋 𑌦𑍇𑌵𑌃 𑌸 𑌨 𑌆𑌯𑍁॑𑌰𑍍𑌦𑌧𑌾॒𑌤𑍁॒ 𑌤𑌸𑍍𑌮𑍈 𑌜𑍁𑌹𑍋𑌮𑌿 𑌹𑌵𑌿𑌷𑌾॑ 𑌘𑍃𑌤𑍇॒𑌨 ॥ 1 ॥

𑌵𑌿𑌭𑍍𑌰𑌾𑌜𑌮𑌾𑌨𑌃 𑌸𑌰𑌿𑌰॑𑌸𑍍𑌯 𑌮॒𑌧𑍍𑌯𑌾॒-𑌦𑍍𑌰𑍋॒𑌚॒𑌮𑌾॒𑌨𑍋 𑌘𑌰𑍍𑌮𑌰𑍁𑌚𑌿॑𑌰𑍍𑌯 𑌆॒𑌗𑌾𑌤𑍍 ।
𑌸 𑌮𑍃𑌤𑍍𑌯𑍁𑌪𑌾𑌶𑌾𑌨𑌪𑌨𑍁॑𑌦𑍍𑌯 𑌘𑍋॒𑌰𑌾॒𑌨𑌿॒𑌹𑌾॒𑌯𑍁॒𑌷𑍇॒𑌣𑍋 𑌘𑍃𑌤𑌮॑𑌤𑍍𑌤𑍁 𑌦𑍇॒𑌵𑌃 ॥ 2 ॥

𑌬𑍍𑌰𑌹𑍍𑌮𑌜𑍍𑌯𑍋𑌤𑌿-𑌰𑍍𑌬𑍍𑌰𑌹𑍍𑌮-𑌪𑌤𑍍𑌨𑍀॑𑌷𑍁 𑌗॒𑌰𑍍𑌭𑌂॒-𑌯𑌁॒𑌮𑌾॒𑌦॒𑌧𑌾𑌤𑍍 𑌪𑍁𑌰𑍁𑌰𑍂𑌪𑌂॑ 𑌜𑌯𑌂॒𑌤𑌮𑍍 ।
𑌸𑍁𑌵𑌰𑍍𑌣𑌰𑌂𑌭𑌗𑍍𑌰𑌹-𑌮॑𑌰𑍍𑌕𑌮॒𑌰𑍍𑌚𑍍𑌯𑌂॒ 𑌤॒𑌮𑌾॒𑌯𑍁॒𑌷𑍇 𑌵𑌰𑍍𑌧𑌯𑌾𑌮𑍋॑ 𑌘𑍃𑌤𑍇॒𑌨 ॥ 3 ॥

𑌶𑍍𑌰𑌿𑌯𑌂-𑌲𑌁𑌕𑍍𑌷𑍍𑌮𑍀-𑌮𑍌𑌬𑌲𑌾-𑌮𑌂𑌬𑌿𑌕𑌾𑌂॒ 𑌗𑌾𑌂॒ 𑌷॒𑌷𑍍𑌠𑍀𑌂 𑌚 𑌯𑌾॒𑌮𑌿𑌂𑌦𑍍𑌰𑌸𑍇𑌨𑍇᳚𑌤𑍍𑌯𑍁𑌦𑌾॒𑌹𑍁𑌃 ।
𑌤𑌾𑌂-𑌵𑌿𑌁𑌦𑍍𑌯𑌾𑌂 𑌬𑍍𑌰𑌹𑍍𑌮𑌯𑍋𑌨𑌿𑌗𑍍​𑌮𑍍॑ 𑌸𑌰𑍂॒𑌪𑌾॒𑌮𑌿॒𑌹𑌾॒𑌯𑍁॒𑌷𑍇 𑌤𑌰𑍍𑌪𑌯𑌾𑌮𑍋॑ 𑌘𑍃𑌤𑍇॒𑌨 ॥ 4 ॥

𑌦𑌾𑌕𑍍𑌷𑌾𑌯𑌣𑍍𑌯𑌃 𑌸𑌰𑍍𑌵𑌯𑍋𑌨𑍍𑌯𑌃॑ 𑌸 𑌯𑍋॒𑌨𑍍𑌯𑌃॒ 𑌸॒𑌹॒𑌸𑍍𑌰॒𑌶𑍋 𑌵𑌿𑌶𑍍𑌵𑌰𑍂𑌪𑌾॑ 𑌵𑌿𑌰𑍂॒𑌪𑌾𑌃 ।
𑌸𑌸𑍂𑌨𑌵𑌃 𑌸𑌪𑌤𑌯𑌃॑ 𑌸𑌯𑍂॒𑌥𑍍𑌯𑌾॒ 𑌆॒𑌯𑍁॒𑌷𑍇॒𑌣𑍋 𑌘𑍃𑌤𑌮𑌿𑌦𑌂॑ 𑌜𑍁𑌷𑌂॒𑌤𑌾𑌮𑍍 ॥ 5 ॥

𑌦𑌿𑌵𑍍𑌯𑌾 𑌗𑌣𑌾 𑌬𑌹𑍁𑌰𑍂𑌪𑌾𑌃᳚ 𑌪𑍁𑌰𑌾॒𑌣𑌾॒ 𑌆𑌯𑍁𑌶𑍍𑌛𑌿𑌦𑍋 𑌨𑌃 𑌪𑍍𑌰𑌮𑌥𑍍𑌨𑌂॑𑌤𑍁 𑌵𑍀॒𑌰𑌾𑌨𑍍 ।
𑌤𑍇𑌭𑍍𑌯𑍋 𑌜𑍁𑌹𑍋𑌮𑌿 𑌬𑌹𑍁𑌧𑌾॑ 𑌘𑍃𑌤𑍇॒𑌨॒ 𑌮𑌾॒ 𑌨𑌃॒ 𑌪𑍍𑌰॒𑌜𑌾𑌗𑍍​𑌮𑍍 𑌰𑍀𑌰𑌿𑌷𑍋 𑌮𑍋॑𑌤 𑌵𑍀॒𑌰𑌾𑌨𑍍 ॥ 6 ॥

𑌏॒𑌕𑌃॒ 𑌪𑍁॒𑌰॒𑌸𑍍𑌤𑌾𑌤𑍍 𑌯 𑌇𑌦𑌂॑ 𑌬𑌭𑍂॒𑌵॒ 𑌯𑌤𑍋 𑌬𑌭𑍂𑌵 𑌭𑍁𑌵𑌨॑𑌸𑍍𑌯 𑌗𑍋॒𑌪𑌾𑌃 ।
𑌯𑌮𑌪𑍍𑌯𑍇𑌤𑌿 𑌭𑍁𑌵𑌨𑌗𑍍​𑌮𑍍 𑌸𑌾𑌂᳚𑌪𑌰𑌾॒𑌯𑍇॒ 𑌸 𑌨𑍋 𑌹𑌵𑌿𑌰𑍍𑌘𑍃𑌤-𑌮𑌿𑌹𑌾𑌯𑍁𑌷𑍇᳚𑌤𑍍𑌤𑍁 𑌦𑍇॒𑌵𑌃 ॥ 𑍭 ॥

𑌵॒𑌸𑍂॒𑌨𑍍 𑌰𑍁𑌦𑍍𑌰𑌾॑-𑌨𑌾𑌦𑌿॒𑌤𑍍𑌯𑌾𑌨𑍍 𑌮𑌰𑍁𑌤𑍋॑𑌽𑌥 𑌸𑌾॒𑌧𑍍𑌯𑌾॒𑌨𑍍 𑌋॑𑌭𑍂𑌨𑍍 𑌯॒𑌕𑍍𑌷𑌾॒𑌨𑍍 𑌗𑌂𑌧𑌰𑍍𑌵𑌾𑌗𑍍‍𑌶𑍍𑌚 𑌪𑌿𑌤𑍄𑌗𑍍‍𑌶𑍍𑌚 𑌵𑌿॒𑌶𑍍𑌵𑌾𑌨𑍍 ।
𑌭𑍃𑌗𑍂𑌨𑍍 𑌸𑌰𑍍𑌪𑌾𑌗𑍍‍𑌶𑍍𑌚𑌾𑌂𑌗𑌿𑌰𑌸𑍋॑𑌽𑌥 𑌸॒𑌰𑍍𑌵𑌾॒𑌨𑍍 𑌘𑍃॒𑌤॒𑌗𑍍​𑌮𑍍 𑌹𑍁॒𑌤𑍍𑌵𑌾 𑌸𑍍𑌵𑌾𑌯𑍁𑌷𑍍𑌯𑌾 𑌮𑌹𑌯𑌾॑𑌮 𑌶॒𑌶𑍍𑌵𑌤𑍍 ॥ 𑍮 ॥

𑌵𑌿𑌷𑍍𑌣𑍋॒ 𑌤𑍍𑌵𑌂 𑌨𑍋॒ 𑌅𑌂𑌤॑𑌮॒𑌶𑍍𑌶𑌰𑍍𑌮॑𑌯𑌚𑍍𑌛 𑌸𑌹𑌂𑌤𑍍𑌯 ।
𑌪𑍍𑌰𑌤𑍇॒𑌧𑌾𑌰𑌾॑ 𑌮𑌧𑍁॒𑌶𑍍𑌚𑍁𑌤॒ 𑌉𑌥𑍍𑌸𑌂॑ 𑌦𑍁𑌹𑍍𑌰𑌤𑍇॒ 𑌅𑌕𑍍𑌷𑌿॑𑌤𑌮𑍍 ॥

॥ 𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥