Varahi Kavacham

asya śrīvārāhīkavachasya trilōchana ṛṣiḥ, anuṣṭup Chandaḥ, śrīvārāhī dēvatā, ōṃ bījaṃ, glauṃ śaktiḥ, svāhēti kīlakaṃ, mama sarvaśatrunāśanārthē japē viniyōgaḥ ॥

dhyānam ।
dhyātvēndranīlavarṇābhāṃ chandrasūryāgnilōchanām ।
vidhiviṣṇuharēndrādi mātṛbhairavasēvitām ॥ 1 ॥

jvalanmaṇigaṇaprōktamakuṭāmāvilambitām ।
astraśastrāṇi sarvāṇi tattatkāryōchitāni cha ॥ 2 ॥

ētaiḥ samastairvividhaṃ bibhratīṃ musalaṃ halam ।
pātvā hiṃsrān hi kavachaṃ bhuktimuktiphalapradam ॥ 3 ॥

paṭhēttrisandhyaṃ rakṣārthaṃ ghōraśatrunivṛttidam ।
vārtālī mē śiraḥ pātu ghōrāhī phālamuttamam ॥ 4 ॥

nētrē varāhavadanā pātu karṇau tathāñjanī ।
ghrāṇaṃ mē rundhinī pātu mukhaṃ mē pātu jambhinī ॥ 5 ॥

pātu mē mōhinī jihvāṃ stambhinī kaṇṭhamādarāt ।
skandhau mē pañchamī pātu bhujau mahiṣavāhanā ॥ 6 ॥

siṃhārūḍhā karau pātu kuchau kṛṣṇamṛgāñchitā ।
nābhiṃ cha śaṅkhinī pātu pṛṣṭhadēśē tu chakriṇi ॥ 7 ॥

khaḍgaṃ pātu cha kaṭyāṃ mē mēḍhraṃ pātu cha khēdinī ।
gudaṃ mē krōdhinī pātu jaghanaṃ stambhinī tathā ॥ 8 ॥

chaṇḍōchchaṇḍaśchōruyugmaṃ jānunī śatrumardinī ।
jaṅghādvayaṃ bhadrakāḻī mahākāḻī cha gulphayōḥ ॥ 9 ॥

pādādyaṅguḻiparyantaṃ pātu chōnmattabhairavī ।
sarvāṅgaṃ mē sadā pātu kālasaṅkarṣaṇī tathā ॥ 10 ॥

yuktāyuktasthitaṃ nityaṃ sarvapāpātpramuchyatē ।
sarvē samarthya saṃyuktaṃ bhaktarakṣaṇatatparam ॥ 11 ॥

samastadēvatā sarvaṃ savyaṃ viṣṇōḥ purārdhanē ।
sarvaśatruvināśāya śūlinā nirmitaṃ purā ॥ 12 ॥

sarvabhaktajanāśritya sarvavidvēṣasaṃhatiḥ ।
vārāhī kavachaṃ nityaṃ trisandhyaṃ yaḥ paṭhēnnaraḥ ॥ 13 ॥

tathā vidhaṃ bhūtagaṇā na spṛśanti kadāchana ।
āpadaḥ śatruchōrādi grahadōṣāścha sambhavāḥ ॥ 14 ॥

mātā putraṃ yathā vatsaṃ dhēnuḥ pakṣmēva lōchanam ।
tathāṅgamēva vārāhī rakṣā rakṣāti sarvadā ॥ 15 ॥

iti śrīrudrayāmalatantrē śrī vārāhī kavacham ॥