Sudarshana Ashtottara Sata Nama Stotram

sudarśanaśchakrarājaḥ tējōvyūhō mahādyutiḥ ।
sahasrabāhu-rdīptāṅgaḥ aruṇākṣaḥ pratāpavān ॥ 1॥

anēkādityasaṅkāśaḥ prōdyajjvālābhirañjitaḥ ।
saudāminī-sahasrābhaḥ maṇikuṇḍala-śōbhitaḥ ॥ 2॥

pañchabhūtamanōrūpō ṣaṭkōṇāntara-saṃsthitaḥ ।
harāntaḥ karaṇōdbhūta-rōṣabhīṣaṇa-vigrahaḥ ॥ 3॥

haripāṇilasatpadmavihārāramanōharaḥ ।
śrākārarūpassarvajñaḥ sarvalōkārchitaprabhuḥ ॥ 4॥

chaturdaśasahasrāraḥ chaturvēdamayō-‘nalaḥ ।
bhaktachāndramasajyōtiḥ bhavarōga-vināśakaḥ ॥ 5॥

rēphātmakō makāraścha rakṣōsṛgrūṣitāṅgakaḥ ।
sarvadaityagrīvanāla-vibhēdana-mahāgajaḥ ॥ 6॥

bhīmadaṃṣṭrōjjvalākārō bhīmakarmā vilōchanaḥ ।
nīlavartmā nityasukhō nirmalaśrī-rnirañjanaḥ ॥ 7॥

raktamālyāmbaradharō raktachandanarūṣitaḥ ।
rajōguṇākṛtiśśūrō rakṣaḥkula-yamōpamaḥ ॥ 8॥

nityakṣēmakaraḥ prājñaḥ pāṣaṇḍajanakhaṇḍanaḥ ।
nārāyaṇājñānuvartī naigamāntaḥprakāśakaḥ ॥ 9॥

balinandanadōrdaṇḍa-khaṇḍanō vijayākṛtiḥ ।
mitrabhāvī sarvamayō tamōvidhvaṃsakastathā ॥ 10॥

rajassattvatamōdvartī triguṇātmā trilōkadhṛt ।
harimāyāguṇōpētō-‘vyayō-‘kṣasvarūpabhāk ॥ 11॥

paramātmā parañjyōtiḥ pañchakṛtya-parāyaṇaḥ ।
jñānaśakti-balaiśvarya-vīrya-tējaḥ-prabhāmayaḥ ॥ 12॥

sadasatparamaḥ pūrṇō vāṅmayō varadō’chyutaḥ ।
jīvō gururhaṃsarūpaḥ pañchāśatpīṭharūpakaḥ ॥ 13॥

mātṛkāmaṇḍalādhyakṣō madhudhvaṃsī manōmayaḥ ।
buddhirūpaśchittasākṣī sārō haṃsākṣaradvayaḥ ॥ 14॥

mantra-yantra-prabhāvajñō mantra-yantra-mayō vibhuḥ ।
sraṣṭā kriyāspada-śśuddhaḥ ādhāraśchakra-rūpakaḥ ॥ 15॥

nirāyudhō hyasaṃrambhaḥ sarvāyudha-samanvitaḥ ।
ōmkārarūpī pūrṇātmā āṅkārassādhya-bandhanaḥ ॥ 16॥

aiṅkārō vākpradō vagmī śrīṅkāraiśvaryavardhanaḥ ।
klīṅkāramōhanākārō humphaṭkṣōbhaṇākṛtiḥ ॥ 17॥

indrārchita-manōvēgō dharaṇībhāra-nāśakaḥ ।
vīrārādhyō viśvarūpaḥ vaiṣṇavō viṣṇurūpakaḥ ॥ 18॥

satyavrataḥ satyadharaḥ satyadharmānuṣaṅgakaḥ’
nārāyaṇakṛpāvyūha-tējaśchakra-ssudarśanaḥ ॥ 19॥

॥ śrī sudarśanāṣṭōttaraśatanāma stōtraṃ sampūrṇam॥