Shiva Nitya Puja Vidhanam

āvaśyakāni vastūni
– āsanaṃ
– dīpaḥ
– gandhaḥ
– kuṅkumaṃ
– akṣatāḥ
– puṣpāṇi
– dhūpaḥ
– naivēdyaṃ
– tāmbūlaṃ
– āchamanīyaṃ
– pūjā pātraṃ
– kalaśaḥ
– śaṅkhaḥ [optional]
– śiva pratimā vā śivaliṅgaṃ vā chitrapaṭaḥ vā

pūrvāṅga pūjā
śrīmahāgaṇādhipatayē namaḥ ।
śrī gurubhyō namaḥ ।
hariḥ ōm ।

śuchiḥ
apavitraḥ pavitrō vā sarvāvasthāṃ gatō’pi vā ।
yaḥ smarēt puṇḍarīkākṣaṃ sa bāhyābhyantaraḥ śuchiḥ ॥
puṇḍarīkākṣa puṇḍarīkākṣa puṇḍarīkākṣāya namaḥ ॥

prārthanā
śuklāmbaradharaṃ viṣṇuṃ śaśivarṇaṃ chaturbhujam ।
prasannavadanaṃ dhyāyēt sarvavighnōpaśāntayē ॥

agajānana padmārkaṃ gajānanamaharniśam ।
anēkadaṃ taṃ bhaktānāṃ ēkadantamupāsmahē ॥

tadēva lagnaṃ sudinaṃ tadēva
tārābalaṃ chandrabalaṃ tadēva ।
vidyābalaṃ daivabalaṃ tadēva
lakṣmīpatē tē’ṅghriyugaṃ smarāmi ॥

gururbrahmā gururviṣṇuḥ gururdēvō mahēśvaraḥ ।
guruḥ sākṣāt parabrahma tasmai śrīguravē namaḥ ॥

sarvamaṅgaḻa māṅgaḻyē śivē sarvārthasādhikē ।
śaraṇyē tryambakē gaurī nārāyaṇi namō’stu tē ॥

śrīlakṣmīnārāyaṇābhyāṃ namaḥ ।
umāmahēśvarābhyāṃ namaḥ ।
vāṇīhiraṇyagarbhābhyāṃ namaḥ ।
śachīpurandarābhyāṃ namaḥ ।
arundhatīvasiṣṭhābhyāṃ namaḥ ।
śrīsītārāmābhyāṃ namaḥ ।
mātāpitṛbhyō namaḥ ।
sarvēbhyō mahājanēbhyō namaḥ ।

āchamanaṃ
ōṃ kēśavāya svāhā ।
ōṃ nārāyaṇāya svāhā ।
ōṃ mādhavāya svāhā ।
ōṃ gōvindāya namaḥ ।
ōṃ viṣṇavē namaḥ ।
ōṃ madhusūdanāya namaḥ ।
ōṃ trivikramāya namaḥ ।
ōṃ vāmanāya namaḥ ।
ōṃ śrīdharāya namaḥ ।
ōṃ hṛṣīkēśāya namaḥ ।
ōṃ padmanābhāya namaḥ ।
ōṃ dāmōdarāya namaḥ ।
ōṃ saṅkarṣaṇāya namaḥ ।
ōṃ vāsudēvāya namaḥ ।
ōṃ pradyumnāya namaḥ ।
ōṃ aniruddhāya namaḥ ।
ōṃ puruṣōttamāya namaḥ ।
ōṃ adhōkṣajāya namaḥ ।
ōṃ nārasiṃhāya namaḥ ।
ōṃ achyutāya namaḥ ।
ōṃ janārdanāya namaḥ ।
ōṃ upēndrāya namaḥ ।
ōṃ harayē namaḥ ।
ōṃ śrīkṛṣṇāya namaḥ ।

dīpārādhanam
dīpastvaṃ brahmarūpō’si jyōtiṣāṃ prabhuravyayaḥ ।
saubhāgyaṃ dēhi putrāṃścha sarvānkāmāṃścha dēhi mē ॥
bhō dīpa dēvi rūpastvaṃ karmasākṣī hyavighnakṛt ।
yāvatpūjāṃ kariṣyāmi tāvattvaṃ susthirō bhava ॥
dīpārādhana muhūrtaḥ sumuhūrtō’stu ॥

bhūtōchchāṭanam
uttiṣṭhantu bhūtapiśāchāḥ ya ētē bhūmibhārakāḥ ।
ētēṣāmavirōdhēna brahmakarma samārabhē ॥
apasarpantu tē bhūtā yē bhūtā bhūmisaṃsthitāḥ ।
yē bhūtā vighnakartārastē gachChantu śivā’jñayā ॥

prāṇāyāmaḥ

ō-mbhūḥ । ō-mbhuva̍ḥ । ōgṃ suva̍ḥ । ō-mmaha̍ḥ । ō-ñjana̍ḥ । ō-ntapa̍ḥ । ōgṃ satyam ।
ō-ntatsa̍vi̠turvarē̎ṇya̠-mbhargō̍ dē̠vasya̍ dhīmahi ।
dhiyō̠ yō na̍ḥ prachō̠dayā̎t ॥
ōmāpō̠ jyōtī̠ rasō̠-‘mṛta̠-mbrahma̠ bhūrbhuva̠ssuva̠rōm ॥

saṅkalpaḥ
mama upātta samasta duritakṣaya dvārā, mama/asmākaṃ sahakuṭumbasya kṣēma-sthairya-dhairya-vīrya-vijaya-abhaya-āyuḥ-ārōgya-aiśvarya-abhivṛddhyarthaṃ, dharmārtha-kāma-mōkṣa-chaturvidha-puruṣārtha-phala-siddhyarthaṃ, sarvābhīṣṭa-siddhyarthaṃ, śrīparamēśvara-prītyarthaṃ, yāvachChakti dhyāna-āvāhanādi-ṣōḍaśōpachāra-pūjāṃ kariṣyē ॥

tadaṅga kalaśārādhanaṃ kariṣyē ॥

kalaśārādhanam
kalaśē gandha puṣpākṣatairabhyarchya ।
kalaśē udakaṃ pūrayitvā ।
kalaśasyōpari hastaṃ nidhāya ।

kalaśasya mukhē viṣṇuḥ kaṇṭhē rudraḥ samāśritaḥ ।
mūlē tvasya sthitō brahmā madhyē mātṛgaṇāḥ smṛtāḥ ॥
kukṣau tu sāgarāḥ sarvē saptadvīpā vasundharā ।
ṛgvēdō’tha yajurvēdō sāmavēdō hyatharvaṇaḥ ॥
aṅgaiścha sahitāḥ sarvē kalaśāmbu samāśritāḥ ॥

gaṅgē cha yamunē chaiva gōdāvarī sarasvatī ।
narmadē sindhu kāvērī jalē’smin sannidhiṃ kuru ॥
kāvērī tuṅgabhadrā cha kṛṣṇavēṇī cha gautamī ।
bhāgīrathīti vikhyātāḥ pañchagaṅgāḥ prakīrtitāḥ ॥

āyāntu dēvapūjārthaṃ mama duritakṣayakārakāḥ ।
kalaśōdakēna pūjā dravyāṇi samprōkṣya, dēvaṃ samprōkṣya, ātmānaṃ cha samprōkṣya ॥

śaṅkhapūjā
śaṅkhaṃ chandrārka daivataṃ madhyē varuṇa dēvatām ।
pṛṣṭhē prajāpatiṃ vindyādagrē gaṅgā sarasvatīm ॥
trailōkyē yāni tīrthāni vāsudēvasya ājñayā ।
śaṅkhē tiṣṭhantu viprēndrāḥ tasmāt śaṅkhaṃ prapūjayēt ॥

ōṃ śaṅkhāya namaḥ ।
ōṃ dhavaḻāya namaḥ ।
ōṃ pāñchajanyāya namaḥ ।
ōṃ śaṅkhadēvatābhyō namaḥ ।
sakalapūjārthē akṣatān samarpayāmi ॥

ghaṇṭānādaḥ
āgamārthaṃ tu dēvānāṃ gamanārthaṃ tu rākṣasām ।
ghaṇṭāravaṃ karōmyādau dēvatāhvāna lāñChanam ॥
ōṃ ghaṇṭādēvatābhyō namaḥ ।
sakalōpachāra pūjārthē akṣatān samarpayāmi ॥

śrī mahāgaṇapati pūjā

ō-ṅga̠ṇānā̎-ntvā ga̠ṇapa̍tigṃ havāmahē ka̠vi-ṅka̍vī̠nāṃ upa̠maśra̍vastavam ।
jyē̠ṣṭha̠rāja̠-mbrahma̍ṇā-mbrahmaṇaspata̠ ā na̍-śśṛ̠ṇvannū̠tibhi̍ssīda̠ sāda̍nam ॥

sumukhaśchaikadantaścha kapilō gajakarṇakaḥ ।
lambōdaraścha vikaṭō vighnarājō gaṇādhipaḥ ॥
dhūmakēturgaṇādhyakṣaḥ phālachandrō gajānanaḥ ।
vakratuṇḍaḥ śūrpakarṇō hērambaḥ skandapūrvajaḥ ॥

ōṃ śrīmahāgaṇapatayē namaḥ ।
dhyāyāmi । āvāhayāmi । āsanaṃ samarpayāmi ।
pādyaṃ samarpayāmi । arghyaṃ samarpayāmi । āchamanīyaṃ samarpayāmi ।
snānaṃ samarpayāmi । vastraṃ samarpayāmi । yajñōpavītaṃ samarpayāmi ।
gandhaṃ samarpayāmi । puṣpāṇi samarpayāmi ।
dhūpamāghrāpayāmi । dīpaṃ darśayāmi ।
naivēdyaṃ samarpayāmi । tāmbūlaṃ samarpayāmi ।
nīrājanaṃ samarpayāmi । mantrapuṣpaṃ samarpayāmi ।
pradakṣiṇa namaskārān samarpayāmi ॥

ṣōḍaśōpachāra pūjā
śiva dhyānam
karpūra gauraṃ karuṇāvatāraṃ
saṃsārasāraṃ bhujagēndra hāram ।
sadā ramantaṃ hṛdayāravindē
bhavaṃ bhavānī sahitaṃ namāmi ॥

vandē mahēśaṃ surasiddhasēvitaṃ
dēvāṅganā gīta sunṛtya tuṣṭam ।
paryaṅkagaṃ śailasutāsamētaṃ
kalpadrumāraṇyagataṃ prasannam ॥

dhyāyēnnityaṃ mahēśaṃ rajatagirinibhaṃ chāruchandrāvataṃsaṃ
ratnākalpōjjvalāṅgaṃ paraśuvaramṛgābhīti hastaṃ prasannam ।
padmāsīnaṃ samantāt stutamamaragaṇairvyāghrakṛttiṃ vasānaṃ
viśvādyaṃ viśvavandyaṃ nikhila bhayaharaṃ pañchavaktraṃ trinētram ॥

ō-ntatpuru̍ṣāya vi̠dmahē̍ mahādē̠vāya̍ dhīmahi ।
tannō̍ rudraḥ prachō̠dayā̎t ॥


ō-ntrya̍mbakaṃ yajāmahē suga̠ndhi-mpu̍ṣṭi̠ vardha̍nam ।
u̠rvā̠ru̠kami̍va̠ bandha̍nānmṛ̠tyōrmu̍kṣīya̠ mā-‘mṛtā̎t ॥

ōṃ namaḥ śivāya ।
dhyāyāmi । dhyānaṃ samarpayāmi ॥

āvāhanam
ōṅkārāya namastubhyaṃ ōṅkārapriya śaṅkara ।
āvāhanaṃ gṛhāṇēdaṃ pārvatīpriya vallabha ॥
ōṃ namaḥ śivāya ।
āvāhayāmi । sthāpayāmi । pūjayāmi ॥

āsanam
namastē girijānātha kailāsagiri mandira ।
siṃhāsanaṃ mayā dattaṃ svīkuruṣva umāpatē ॥
ōṃ namaḥ śivāya ।
āsanaṃ samarpayāmi ॥

pādyam
mahādēva jagannātha bhaktānāmabhayaprada ।
pādyaṃ gṛhāṇa dēvēśa mama saukhyaṃ vivardhaya ॥
ōṃ namaḥ śivāya ।
pādayōḥ pādyaṃ samarpayāmi ॥

arghyam
śivāpriya namastēstu pāvanaṃ jalapūritam ।
arghyaṃ gṛhāṇa bhagavan gāṅgēya kalaśasthitam ॥
ōṃ namaḥ śivāya ।
hastayōḥ arghyaṃ samarpayāmi ॥

āchamanīyam
vāmadēva surādhīśa vanditāṅghri sarōruha ।
gṛhāṇāchamanaṃ dēva karuṇā varuṇālaya ॥
ōṃ namaḥ śivāya ।
mukhē āchamanīyaṃ samarpayāmi ॥

snānam

āpō̠ hiṣṭhā ma̍yō̠bhuva̠stā na̍ ū̠rjē da̍dhātana ।
ma̠hē raṇā̍ya̠ chakṣa̍sē ॥
yō va̍-śśi̠vata̍mō rasa̠stasya̍ bhājayatē̠ha na̍ḥ ।
u̠śa̠tīri̍va mā̠ta̍raḥ ॥
tasmā̠ ara̍-ṅgamāma vō̠ yasya̠ kṣayā̍ya̠ jinva̍tha ।
āpō̍ ja̠naya̍thā cha naḥ ॥

ōṃ namaḥ śivāya ।
śuddhōdaka snānaṃ samarpayāmi ॥
snānānantaraṃ āchamanīyaṃ samarpayāmi ॥

vastram
vastrayugmaṃ cha divyaṃ cha śōbhanaṃ prīti vardhanam ।
ōṃ namaḥ śivāya ।
vastraṃ samarpayāmi ॥

yajñōpavītam
yajñōpavītaṃ paramaṃ pavitraṃ prajāpatēryatsahajaṃ purastāt ।
āyuṣyamagryaṃ pratimuñcha śubhraṃ yajñōpavītaṃ balamastu tējaḥ ॥
ōṃ namaḥ śivāya ।
yajñōpavītaṃ samarpayāmi ॥

gandham
śrīkhaṇḍaṃ chandanaṃ divyaṃ gandhāḍhyaṃ sumanōharam ।
vilēpanaṃ suraśrēṣṭha prītyarthaṃ pratigṛhyatām ॥
ōṃ namaḥ śivāya ।
gandhaṃ samarpayāmi ॥

archana
akṣatān dhavaḻān divyān puṣpāṇi cha sugandhīni ।
bhaktyā dattāni gṛhyantāṃ sarvadēvāḥ prasīdata ॥

aṅga pūjā
ōṃ śivāya namaḥ – pādau pūjayāmi ।
ōṃ mahēśvarāya namaḥ – gulphau pūjayāmi ।
ōṃ śambhavē namaḥ – jānunī pūjayāmi ।
ōṃ pinākinē namaḥ – ūrū pūjayāmi ।
ōṃ śaśiśēkharāya namaḥ – kaṭiṃ pūjayāmi ।
ōṃ vāmadēvāya namaḥ – udaraṃ pūjayāmi ।
ōṃ virūpākṣāya namaḥ – hṛdayaṃ pūjayāmi ।
ōṃ kapardinē namaḥ – kaṇṭhaṃ pūjayāmi ।
ōṃ nīlalōhitāya namaḥ – skandhau pūjayāmi ।
ōṃ śaṅkarāya namaḥ – bāhū pūjayāmi ।
ōṃ śūlapāṇayē namaḥ – hastau pūjayāmi ।
ōṃ khaṭvāṅginē namaḥ – mukhaṃ pūjayāmi ।
ōṃ ambikānāthāya namaḥ – nētrē pūjayāmi ।
ōṃ śrīkaṇṭhāya namaḥ – śiraḥ pūjayāmi ।
ōṃ bhaktavatsalāya namaḥ – sarvāṇyaṅgāni pūjayāmi ॥

[Recite the Siva aShTOttara Sata nAmAvaLI, or at least a few known names of Shiva. Offer flowers or akshatas with each name.]

athavā śiva nāmāvaḻī paṭhanam ॥

ōṃ namaḥ śivāya ।
aṣṭōttara śata nāmāvaḻī pūjāṃ samarpayāmi ।
akṣatān puṣpāṇi cha samarpayāmi ॥

dhūpam
vanaspatyudbhavairdivyaiḥ nānāgandhaiḥ susaṃyutaḥ ।
āghrēyaḥ sarvadēvānāṃ dhūpō’yaṃ pratigṛhyatām ॥
ōṃ namaḥ śivāya ।
dhūpamāghrāpayāmi ॥

dīpam
sājyaṃ trivarti saṃyuktaṃ vahninā yōjitaṃ priyam ।
gṛhāṇa maṅgaḻaṃ dīpaṃ trailōkya timirāpaham ॥
ōṃ namaḥ śivāya ।
dīpaṃ darśayāmi ॥

naivēdyam
naivēdyaṃ gṛhyatāṃ dēva bhaktyā sampāditaṃ mayā ।
idaṃ phalaṃ cha pānīyaṃ sarvōpachāra saṃyutam ॥

ō-mbhūrbhuva̠ssuva̠ḥ । tatsa̍vi̠turvarē̎ṇya̠-mbhargō̍ dē̠vasya̍ dhīmahi ।
dhi̠yō yō na̍ḥ prachō̠dayā̎t ॥

satyaṃ tvā ṛtēna pariṣiñchāmi ।
amṛtamastu । amṛtōpastaraṇamasi ।
ōṃ prāṇāya svāhā । ōṃ apānāya svāhā । ōṃ vyānāya svāhā ।
ōṃ udānāya svāhā । ōṃ samānāya svāhā ।
madhyē madhyē pānīyaṃ samarpayāmi ।
amṛtāpidhānamasi ।
uttarāpōśanaṃ samarpayāmi ।
hastau prakṣāḻayāmi । pādau prakṣāḻayāmi ।
śuddhāchamanīyaṃ samarpayāmi ॥

ōṃ namaḥ śivāya ।
naivēdyaṃ samarpayāmi ॥

tāmbūlam
pūgīphalaścha karpūraiḥ nāgavallīdalairyutam ।
muktāchūrṇa saṃyuktaṃ tāmbūlaṃ pratigṛhyatām ॥
ōṃ namaḥ śivāya ।
tāmbūlaṃ samarpayāmi ॥

nīrājanam

vēdā̠hamē̠ta-mpuru̍ṣa-mma̠hāntam̎ । ā̠di̠tyava̍rṇa̠-ntama̍sa̠stu pā̠rē ।
sarvā̍ṇi rū̠pāṇi̍ vi̠chitya̠ dhīra̍ḥ । nāmā̍ni kṛ̠tvā-‘bhi̠vada̠n̠, yadā-”stē̎ ॥

ōṃ namaḥ śivāya ।
nīrājanaṃ samarpayāmi ॥

mantrapuṣpam

namō hiraṇyabāhavē hiraṇyavarṇāya hiraṇyarūpāya hiraṇyapatayē-‘mbikāpataya umāpatayē paśupatayē̍ namō̠ namaḥ ॥

ōṃ namaḥ śivāya ।
mantrapuṣpaṃ samarpayāmi ॥

pradakṣiṇam
yāni kāni cha pāpāni janmāntara kṛtāni cha ।
tāni tāni praṇaśyanti pradakṣiṇa padē padē ॥
padē padē sarvatamō nikṛntanaṃ
padē padē sarva śubhapradāyakam ।
pradakṣiṇaṃ bhaktiyutēna chētasā
karōmi mṛtyuñjaya rakṣa rakṣa mām ॥
ōṃ namaḥ śivāya ।
pradakṣiṇa namaskārān samarpayāmi ॥

namaskāraḥ
urasā śirasā dṛṣṭyā manasā vachasā tathā ।
padbhyāṃ karābhyāṃ karṇābhyāṃ praṇāmō’ṣṭāṅga uchyatē ॥
ōṃ namaḥ śivāya ।
namaskārān samarpayāmi ॥

sarvōpachārāḥ
ōṃ namaḥ śivāya ।
Chatraṃ samarpayāmi ।
chāmaraṃ samarpayāmi ।
gītaṃ śrāvayāmi ।
nṛtyaṃ darśayāmi ।
samasta rājōpachārān dēvōpachārān samarpayāmi ॥

stōtra/sūkta paṭhanam

kṣamāprārthanā
yasya smṛtyā cha nāmōktyā tapaḥ pūjā kriyādiṣu ।
nyūnaṃ sampūrṇatāṃ yāti sadyō vandē mahēśvaram ॥

mantrahīnaṃ kriyāhīnaṃ bhaktihīnaṃ mahēśvara ।
yatpūjitaṃ mayā dēva paripūrṇaṃ tadastu tē ॥

kāyēna vāchā manasēndriyairvā
buddhyātmanā vā prakṛtēḥ svabhāvāt ।
karōmi yadyat sakalaṃ parasmai
nārāyaṇāyēti samarpayāmi ॥

anayā dhyāna-āvāhanādi-ṣōḍaśōpachāra pūjayā śrīparamēśvaraḥ suprītaḥ suprasannaḥ varadō bhavatu ॥

udvāsanam
ōṃ namaḥ śivāya ।
yathāsthānaṃ udvāsayāmi ।
śōbhanārthē kṣēmāya punarāgamanāya cha ॥

prasāda grahaṇam
akālamṛtyuharaṇaṃ sarvavyādhinivāraṇam ।
samastapāpakṣayakaraṃ dēvatā pādōdakaṃ śubham ॥

śrīparamēśvara prasādaṃ śirasā gṛhṇāmi ॥

ōṃ śāntiḥ śāntiḥ śāntiḥ ॥

ōṃ tatsat brahmārpaṇamastu ॥