Sankata Nashana Ganesha Stotram

nārada uvācha ।
praṇamya śirasā dēvaṃ gaurīputraṃ vināyakam ।
bhaktāvāsaṃ smarēnnityamāyuṣkāmārthasiddhayē ॥ 1 ॥

prathamaṃ vakratuṇḍaṃ cha, ēkadantaṃ dvitīyakam ।
tṛtīyaṃ kṛṣṇapiṅgākṣaṃ, gajavaktraṃ chaturthakam ॥ 2 ॥

lambōdaraṃ pañchamaṃ cha, ṣaṣṭhaṃ vikaṭamēva cha ।
saptamaṃ vighnarājaṃ cha, dhūmravarṇaṃ tathāṣṭamam ॥ 3 ॥

navamaṃ bhālachandraṃ cha, daśamaṃ tu vināyakam ।
ēkādaśaṃ gaṇapatiṃ, dvādaśaṃ tu gajānanam ॥ 4 ॥

dvādaśaitāni nāmāni trisandhyaṃ yaḥ paṭhēnnaraḥ ।
na cha vighnabhayaṃ tasya sarvasiddhikaraṃ param ॥ 5 ॥

vidyārthī labhatē vidyāṃ dhanārthī labhatē dhanam ।
putrārthī labhatē putrānmōkṣārthī labhatē gatim ॥ 6 ॥

japēdgaṇapatistōtraṃ ṣaḍbhirmāsaiḥ phalaṃ labhēt ।
saṃvatsarēṇa siddhiṃ cha labhatē nātra saṃśayaḥ ॥ 7 ॥

aṣṭabhyō brāhmaṇēbhyaścha likhitvā yaḥ samarpayēt ।
tasya vidyā bhavētsarvā gaṇēśasya prasādataḥ ॥ 8 ॥

iti śrīnāradapurāṇē saṅkaṣṭanāśanaṃ nāma gaṇēśa stōtram ।