Lakshmi Nitya Puja Vidhanam

āvaśyakāni vastūni
– āsanaṃ
– dīpaḥ
– gandhaḥ
– kuṅkumaṃ
– akṣatāḥ
– puṣpāṇi
– dhūpaḥ
– naivēdyaṃ
– tāmbūlaṃ
– āchamanīyaṃ
– pūjā pātraṃ
– kalaśaḥ
– śaṅkhaḥ [optional]
– lakṣmī dēvī pratimā vā chitrapaṭaḥ vā

pūrvāṅga pūjā
śrīmahāgaṇādhipatayē namaḥ ।
śrī gurubhyō namaḥ ।
hariḥ ōm ।

śuchiḥ
apavitraḥ pavitrō vā sarvāvasthāṃ gatō’pi vā ।
yaḥ smarēt puṇḍarīkākṣaṃ sa bāhyābhyantaraḥ śuchiḥ ॥
puṇḍarīkākṣa puṇḍarīkākṣa puṇḍarīkākṣāya namaḥ ॥

prārthanā
śuklāmbaradharaṃ viṣṇuṃ śaśivarṇaṃ chaturbhujam ।
prasannavadanaṃ dhyāyēt sarvavighnōpaśāntayē ॥

agajānana padmārkaṃ gajānanamaharniśam ।
anēkadaṃ taṃ bhaktānāṃ ēkadantamupāsmahē ॥

tadēva lagnaṃ sudinaṃ tadēva
tārābalaṃ chandrabalaṃ tadēva ।
vidyābalaṃ daivabalaṃ tadēva
lakṣmīpatē tē’ṅghriyugaṃ smarāmi ॥

gururbrahmā gururviṣṇuḥ gururdēvō mahēśvaraḥ ।
guruḥ sākṣāt parabrahma tasmai śrīguravē namaḥ ॥

sarvamaṅgaḻa māṅgaḻyē śivē sarvārthasādhikē ।
śaraṇyē tryambakē gaurī nārāyaṇi namō’stu tē ॥

śrīlakṣmīnārāyaṇābhyāṃ namaḥ ।
umāmahēśvarābhyāṃ namaḥ ।
vāṇīhiraṇyagarbhābhyāṃ namaḥ ।
śachīpurandarābhyāṃ namaḥ ।
arundhatīvasiṣṭhābhyāṃ namaḥ ।
śrīsītārāmābhyāṃ namaḥ ।
mātāpitṛbhyō namaḥ ।
sarvēbhyō mahājanēbhyō namaḥ ।

āchamanaṃ
ōṃ kēśavāya svāhā ।
ōṃ nārāyaṇāya svāhā ।
ōṃ mādhavāya svāhā ।
ōṃ gōvindāya namaḥ ।
ōṃ viṣṇavē namaḥ ।
ōṃ madhusūdanāya namaḥ ।
ōṃ trivikramāya namaḥ ।
ōṃ vāmanāya namaḥ ।
ōṃ śrīdharāya namaḥ ।
ōṃ hṛṣīkēśāya namaḥ ।
ōṃ padmanābhāya namaḥ ।
ōṃ dāmōdarāya namaḥ ।
ōṃ saṅkarṣaṇāya namaḥ ।
ōṃ vāsudēvāya namaḥ ।
ōṃ pradyumnāya namaḥ ।
ōṃ aniruddhāya namaḥ ।
ōṃ puruṣōttamāya namaḥ ।
ōṃ adhōkṣajāya namaḥ ।
ōṃ nārasiṃhāya namaḥ ।
ōṃ achyutāya namaḥ ।
ōṃ janārdanāya namaḥ ।
ōṃ upēndrāya namaḥ ।
ōṃ harayē namaḥ ।
ōṃ śrīkṛṣṇāya namaḥ ।

dīpārādhanam
dīpastvaṃ brahmarūpō’si jyōtiṣāṃ prabhuravyayaḥ ।
saubhāgyaṃ dēhi putrāṃścha sarvānkāmāṃścha dēhi mē ॥
bhō dīpa dēvi rūpastvaṃ karmasākṣī hyavighnakṛt ।
yāvatpūjāṃ kariṣyāmi tāvattvaṃ susthirō bhava ॥
dīpārādhana muhūrtaḥ sumuhūrtō’stu ॥

bhūtōchchāṭanam
uttiṣṭhantu bhūtapiśāchāḥ ya ētē bhūmibhārakāḥ ।
ētēṣāmavirōdhēna brahmakarma samārabhē ॥
apasarpantu tē bhūtā yē bhūtā bhūmisaṃsthitāḥ ।
yē bhūtā vighnakartārastē gachChantu śivā’jñayā ॥

prāṇāyāmaḥ

ō-mbhūḥ । ō-mbhuva̍ḥ । ōgṃ suva̍ḥ । ō-mmaha̍ḥ । ō-ñjana̍ḥ । ō-ntapa̍ḥ । ōgṃ satyam ।
ō-ntatsa̍vi̠turvarē̎ṇya̠-mbhargō̍ dē̠vasya̍ dhīmahi ।
dhiyō̠ yō na̍ḥ prachō̠dayā̎t ॥
ōmāpō̠ jyōtī̠ rasō̠-‘mṛta̠-mbrahma̠ bhūrbhuva̠ssuva̠rōm ॥

saṅkalpaḥ
mama upātta samasta duritakṣaya dvārā śrīparamēśvara prītyarthaṃ, mama/asmākaṃ sahakuṭumbasya kṣēma-sthairya-dhairya-vīrya-vijaya-abhaya-āyuḥ-ārōgya-aiśvarya-abhivṛddhyarthaṃ, dharmārtha-kāma-mōkṣa-chaturvidha-puruṣārtha-phala-siddhyarthaṃ, sarvābhīṣṭa-siddhyarthaṃ, śrīmahālakṣmī-prītyarthaṃ, yāvachChakti dhyāna-āvāhanādi-ṣōḍaśōpachāra-pūjāṃ kariṣyē ॥

tadaṅga kalaśārādhanaṃ kariṣyē ॥

kalaśārādhanam
kalaśē gandha puṣpākṣatairabhyarchya ।
kalaśē udakaṃ pūrayitvā ।
kalaśasyōpari hastaṃ nidhāya ।

kalaśasya mukhē viṣṇuḥ kaṇṭhē rudraḥ samāśritaḥ ।
mūlē tvasya sthitō brahmā madhyē mātṛgaṇāḥ smṛtāḥ ॥
kukṣau tu sāgarāḥ sarvē saptadvīpā vasundharā ।
ṛgvēdō’tha yajurvēdō sāmavēdō hyatharvaṇaḥ ॥
aṅgaiścha sahitāḥ sarvē kalaśāmbu samāśritāḥ ॥

gaṅgē cha yamunē chaiva gōdāvarī sarasvatī ।
narmadē sindhu kāvērī jalē’smin sannidhiṃ kuru ॥
kāvērī tuṅgabhadrā cha kṛṣṇavēṇī cha gautamī ।
bhāgīrathīti vikhyātāḥ pañchagaṅgāḥ prakīrtitāḥ ॥

āyāntu dēvapūjārthaṃ mama duritakṣayakārakāḥ ।
kalaśōdakēna pūjā dravyāṇi samprōkṣya, dēvaṃ samprōkṣya, ātmānaṃ cha samprōkṣya ॥

śaṅkhapūjā
śaṅkhaṃ chandrārka daivataṃ madhyē varuṇa dēvatām ।
pṛṣṭhē prajāpatiṃ vindyādagrē gaṅgā sarasvatīm ॥
trailōkyē yāni tīrthāni vāsudēvasya ājñayā ।
śaṅkhē tiṣṭhantu viprēndrāḥ tasmāt śaṅkhaṃ prapūjayēt ॥

ōṃ śaṅkhāya namaḥ ।
ōṃ dhavaḻāya namaḥ ।
ōṃ pāñchajanyāya namaḥ ।
ōṃ śaṅkhadēvatābhyō namaḥ ।
sakalapūjārthē akṣatān samarpayāmi ॥

ghaṇṭānādaḥ
āgamārthaṃ tu dēvānāṃ gamanārthaṃ tu rākṣasām ।
ghaṇṭāravaṃ karōmyādau dēvatāhvāna lāñChanam ॥
ōṃ ghaṇṭādēvatābhyō namaḥ ।
sakalōpachāra pūjārthē akṣatān samarpayāmi ॥

śrī mahāgaṇapati pūjā

ō-ṅga̠ṇānā̎-ntvā ga̠ṇapa̍tigṃ havāmahē ka̠vi-ṅka̍vī̠nāṃ upa̠maśra̍vastavam ।
jyē̠ṣṭha̠rāja̠-mbrahma̍ṇā-mbrahmaṇaspata̠ ā na̍-śśṛ̠ṇvannū̠tibhi̍ssīda̠ sāda̍nam ॥

sumukhaśchaikadantaścha kapilō gajakarṇakaḥ ।
lambōdaraścha vikaṭō vighnarājō gaṇādhipaḥ ॥
dhūmakēturgaṇādhyakṣaḥ phālachandrō gajānanaḥ ।
vakratuṇḍaḥ śūrpakarṇō hērambaḥ skandapūrvajaḥ ॥

ōṃ śrīmahāgaṇapatayē namaḥ ।
dhyāyāmi । āvāhayāmi । āsanaṃ samarpayāmi ।
pādyaṃ samarpayāmi । arghyaṃ samarpayāmi । āchamanīyaṃ samarpayāmi ।
snānaṃ samarpayāmi । vastraṃ samarpayāmi । yajñōpavītaṃ samarpayāmi ।
gandhaṃ samarpayāmi । puṣpāṇi samarpayāmi ।
dhūpamāghrāpayāmi । dīpaṃ darśayāmi ।
naivēdyaṃ samarpayāmi । tāmbūlaṃ samarpayāmi ।
nīrājanaṃ samarpayāmi । mantrapuṣpaṃ samarpayāmi ।
pradakṣiṇa namaskārān samarpayāmi ॥

ṣōḍaśōpachāra pūjā
lakṣmī dēvī dhyānam
yā sā padmāsanasthā vipulakaṭitaṭī padmapatrāyatākṣī ।
gambhīrāvartanābhiḥ stanabhara namitā śubhra vastrōttarīyā ॥
lakṣmīrdivyairgajēndrairmaṇigaṇa khachitaiḥ snāpitā hēmakumbhaiḥ ।
nityaṃ sā padmahastā mama vasatu gṛhē sarvamāṅgalyayuktā ॥

lakṣmīṃ kṣīrasamudrarājatanayāṃ śrīraṅgadhāmēśvarīm ।
dāsībhūtasamastadēva vanitāṃ lōkaika dīpāṅkurām ॥
śrīmanmandakaṭākṣalabdha vibhava brahmēndragaṅgādharām ।
tvāṃ trailōkya kuṭumbinīṃ sarasijāṃ vandē mukundapriyām ॥

ōm ॥ hira̍ṇyavarṇā̠ṃ hari̍ṇīṃ su̠varṇa̍raja̠tasra̍jām ।
cha̠ndrāṃ hi̠raṇma̍yīṃ la̠kṣmī-ñjāta̍vēdō ma̠māva̍ha ॥

ōṃ śrīmahālakṣmyai namaḥ ।
dhyāyāmi । dhyānaṃ samarpayāmi ॥

āvāhanam

tā-mma̠ āva̍ha̠ jāta̍vēdō la̠kṣmīmana̍pagā̠minī̎m ।
yasyā̠ṃ hira̍ṇyaṃ vi̠ndēya̠-ṅgāmaśva̠-mpuru̍ṣāna̠ham ॥

sahasradalapadmasthāṃ svasthāṃ cha sumanōharām ।
śāntāṃ cha śrīharēḥ kāntāṃ tāṃ bhajē jagatāṃ prasūm ॥
ōṃ śrīmahālakṣmyai namaḥ ।
āvāhayāmi । sthāpayāmi । pūjayāmi ॥

āsanam
amūlyaratnakhachitaṃ nirmitaṃ viśvakarmaṇā ।
āsanaṃ cha vichitraṃ cha mahālakṣmi pragṛhyatām ॥
ōṃ śrīmahālakṣmyai namaḥ ।
āsanaṃ samarpayāmi ॥

pādyam
aśvapūrvāṃ rathamadhyāṃ hastināda prabōdhinīm ।
śriyaṃ dēvīmupahvayē śrīrmā dēvīrjuṣatām ॥
puṣpachandanadūrvādi saṃyutaṃ jāhnavījalam ।
śaṅkhagarbhasthitaṃ śuddhaṃ gṛhyatāṃ padmavāsini ॥
ōṃ śrīmahālakṣmyai namaḥ ।
pādayōḥ pādyaṃ samarpayāmi ॥

arghyam
gandha puṣpākṣatairyuktaṃ arghyaṃ sampāditaṃ mayā ।
gṛhāṇa tvaṃ mahālakṣmi prasannā bhava sarvadā ॥
ōṃ śrīmahālakṣmyai namaḥ ।
hastayōḥ arghyaṃ samarpayāmi ॥

āchamanīyam
puṇyatīrthōdakaṃ chaiva viśuddhaṃ śuddhidaṃ sadā ।
gṛhyatāṃ kṛṣṇakāntē tvaṃ ramyamāchamanīyakam ॥
ōṃ śrīmahālakṣmyai namaḥ ।
mukhē āchamanīyaṃ samarpayāmi ॥

snānam

āpō̠ hiṣṭhā ma̍yō̠bhuva̠stā na̍ ū̠rjē da̍dhātana ।
ma̠hē raṇā̍ya̠ chakṣa̍sē ॥
yō va̍-śśi̠vata̍mō rasa̠stasya̍ bhājayatē̠ha na̍ḥ ।
u̠śa̠tīri̍va mā̠ta̍raḥ ॥
tasmā̠ ara̍-ṅgamāma vō̠ yasya̠ kṣayā̍ya̠ jinva̍tha ।
āpō̍ ja̠naya̍thā cha naḥ ॥

ōṃ śrīmahālakṣmyai namaḥ ।
śuddhōdaka snānaṃ samarpayāmi ॥
snānānantaraṃ āchamanīyaṃ samarpayāmi ॥

vastram

upai̍tu̠ mā-ndē̍vasa̠khaḥ kī̠rtiścha̠ maṇi̍nā sa̠ha ।
prā̠du̠rbhū̠tō-‘smi̍ rāṣṭrē̠-‘smin kī̠rti̠mṛ̍ddhi-nda̠dātu̍ mē ॥

dēhasaumdaryabījaṃ cha sadā śōbhā vivardhanam ।
kārpāsajaṃ cha kṛmijaṃ vasanaṃ dēvi gṛhyatām ॥
ōṃ śrīmahālakṣmyai namaḥ ।
vastraṃ samarpayāmi ॥

yajñōpavītam
yajñōpavītaṃ paramaṃ pavitraṃ prajāpatēryatsahajaṃ purastāt ।
āyuṣyamagryaṃ pratimuñcha śubhraṃ yajñōpavītaṃ balamastu tējaḥ ॥
ōṃ śrīmahālakṣmyai namaḥ ।
yajñōpavītaṃ samarpayāmi ॥

gandham

ga̠ndha̠dvā̠rā-ndu̍rādha̠r​ṣā̠-nni̠tyapu̍ṣṭā-ṅkarī̠ṣiṇī̎m ।
ī̠śvarīg̍ṃ sarva̍bhūtā̠nā̠-ntāmi̠hōpa̍hvayē̠ śriyam ॥

malayāchalasambhūtaṃ vṛkṣasāraṃ manōharam ।
sugandhiyuktaṃ sukhadaṃ chandanaṃ dēvi gṛhyatām ॥
ōṃ śrīmahālakṣmyai namaḥ ।
gandhaṃ samarpayāmi ॥

archana
akṣatān dhavaḻān divyān puṣpāṇi cha sugandhīni ।
bhaktyā dattāni gṛhyantāṃ sarvadēvāḥ prasīdata ॥

aṅga pūjā
ōṃ chapalāyai namaḥ – pādau pūjayāmi ।
ōṃ chañchalāyai namaḥ – jānunī pūjayāmi ।
ōṃ kamalāyai namaḥ – kaṭiṃ pūjayāmi ।
ōṃ kātyāyanyai namaḥ – nābhiṃ pūjayāmi ।
ōṃ jaganmātrē namaḥ – jaṭharaṃ pūjayāmi ।
ōṃ viśvavallabhāyai namaḥ – vakṣaḥsthalaṃ pūjayāmi ।
ōṃ kamalavāsinyai namaḥ – nētratrayaṃ pūjayāmi ।
ōṃ śriyai namaḥ – śiraḥ pūjayāmi ।
ōṃ mahālakṣmyai namaḥ – sarvāṇyaṅgāni pūjayāmi ॥

[Recite the SrI mahAlakShmI aShTOttara Sata nAmAvaLI, or at least a few known names of Lakshmi. Offer flowers or akshatas with each name.]

athavā lakṣmī nāmāvaḻī paṭhanam ॥

ōṃ śrīmahālakṣmyai namaḥ ।
aṣṭōttara śata nāmāvaḻī pūjāṃ samarpayāmi ।
akṣatān puṣpāṇi cha samarpayāmi ॥

dhūpam

āpa̍-ssṛ̠jantu̍ sni̠gdhā̠ni̠ chi̠klī̠ta va̍sa mē̠ gṛhē ।
ni cha̍ dē̠vī-mmā̠tara̠ṃ śriya̍ṃ vā̠saya̍ mē ku̠lē ॥

vṛkṣaniryāsarūpaṃ cha gandhadravyādi saṃyutam ।
kṛṣṇakāntē pavitrō vai dhūpō’yaṃ pratigṛhyatām ॥
ōṃ śrīmahālakṣmyai namaḥ ।
dhūpamāghrāpayāmi ॥

dīpam

ā̠rdrā-mpu̠ṣkari̍ṇī-mpu̠ṣṭiṃ̠ pi̠ṅga̠ḻā-mpa̍dmamā̠linīm ।
cha̠ndrāṃ hi̠raṇma̍yīṃ la̠kṣmī-ñjāta̍vēdō ma̠māva̍ha ॥

jagachchakṣuḥ svarūpaṃ cha dhvānta pradhvaṃsakāraṇam ।
pradīpaṃ śuddharūpaṃ cha gṛhyatāṃ paramēśvari ॥
ōṃ śrīmahālakṣmyai namaḥ ।
dīpaṃ darśayāmi ॥

naivēdyam
naivēdyaṃ gṛhyatāṃ dēvi bhaktyā sampāditaṃ mayā ।
idaṃ phalaṃ cha pānīyaṃ sarvōpachāra saṃyutam ॥

ō-mbhūrbhuva̠ssuva̠ḥ । tatsa̍vi̠turvarē̎ṇya̠-mbhargō̍ dē̠vasya̍ dhīmahi ।
dhi̠yō yō na̍ḥ prachō̠dayā̎t ॥

satyaṃ tvā ṛtēna pariṣiñchāmi ।
amṛtamastu । amṛtōpastaraṇamasi ।
ōṃ prāṇāya svāhā । ōṃ apānāya svāhā । ōṃ vyānāya svāhā ।
ōṃ udānāya svāhā । ōṃ samānāya svāhā ।
madhyē madhyē pānīyaṃ samarpayāmi ।
amṛtāpidhānamasi ।
uttarāpōśanaṃ samarpayāmi ।
hastau prakṣāḻayāmi । pādau prakṣāḻayāmi ।
śuddhāchamanīyaṃ samarpayāmi ॥

ōṃ śrīmahālakṣmyai namaḥ ।
naivēdyaṃ samarpayāmi ॥

tāmbūlam
tāmbūlaṃ cha varaṃ ramyaṃ karpūrādi suvāsitam ।
jihvājāḍyachChēdakaraṃ tāmbūlaṃ dēvi gṛhyatām ॥
ōṃ śrīmahālakṣmyai namaḥ ।
tāmbūlaṃ samarpayāmi ॥

nīrājanam
chakṣurdaṃ sarvalōkānāṃ timirasya nivāraṇam ।
ārtikyaṃ kalpitaṃ bhaktyā gṛhāṇa paramēśvari ॥
santata śrīrastu samasta maṅgaḻāni bhavantu ।
nitya śrīrastu nityamaṅgaḻāni bhavantu ॥
ōṃ śrīmahālakṣmyai namaḥ ।
nīrājanaṃ samarpayāmi ॥

mantrapuṣpam

ō-mma̠hā̠dē̠vyai cha̍ vi̠dmahē̍ viṣṇupa̠tnī cha̍ dhīmahi ।
tannō̍ lakṣmīḥ prachō̠dayā̎t ॥

sadbhāvapuṣpāṇyādāya sahaja prēmarūpiṇē ।
lōkamātrē dadāmyadya prītyā saṅgṛhyatāṃ sadā ॥
ōṃ śrīmahālakṣmyai namaḥ ।
mantrapuṣpaṃ samarpayāmi ॥

pradakṣiṇam
yāni kāni cha pāpāni janmāntara kṛtāni cha ।
tāni tāni praṇaśyanti pradakṣiṇa padē padē ॥
pāpō’haṃ pāpakarmā’haṃ pāpātmā pāpasambhava ।
trāhi māṃ kṛpayā dēvi śaraṇāgatavatsalē ॥
anyathā śaraṇaṃ nāsti tvamēva śaraṇaṃ mama ।
tasmātkāruṇya bhāvēna rakṣa māṃ paramēśvari ॥
ōṃ śrīmahālakṣmyai namaḥ ।
pradakṣiṇa namaskārān samarpayāmi ॥

namaskāraḥ
urasā śirasā dṛṣṭyā manasā vachasā tathā ।
padbhyāṃ karābhyāṃ karṇābhyāṃ praṇāmō’ṣṭāṅga uchyatē ॥
ōṃ śrīmahālakṣmyai namaḥ ।
namaskārān samarpayāmi ॥

sarvōpachārāḥ
ōṃ śrīmahālakṣmyai namaḥ ।
Chatraṃ samarpayāmi ।
chāmaraṃ samarpayāmi ।
gītaṃ śrāvayāmi ।
nṛtyaṃ darśayāmi ।
samasta rājōpachārān dēvōpachārān samarpayāmi ॥

stōtra/sūkta paṭhanam

kṣamāprārthanā
aparādhasahasrāṇi kriyantē’harniśaṃ mayā ।
dāsō’yamiti māṃ matvā kṣamasva paramēśvari ॥
mantrahīnaṃ kriyāhīnaṃ bhaktihīnaṃ mahālakṣmi ।
yatpūjitaṃ mayā dēvi paripūrṇaṃ tadastu tē ॥

kāyēna vāchā manasēndriyairvā
buddhyātmanā vā prakṛtēḥ svabhāvāt ।
karōmi yadyat sakalaṃ parasmai
nārāyaṇāyēti samarpayāmi ॥

anayā dhyāna-āvāhanādi-ṣōḍaśōpachāra pūjayā śrīmahālakṣmī dēvī suprītā suprasannā varadā bhavatu ॥

udvāsanam
ōṃ śrīmahālakṣmyai namaḥ ।
yathāsthānaṃ udvāsayāmi ।
śōbhanārthē kṣēmāya punarāgamanāya cha ॥

prasāda grahaṇam
akālamṛtyuharaṇaṃ sarvavyādhinivāraṇam ।
samastapāpakṣayakaraṃ dēvatā pādōdakaṃ śubham ॥

śrīmahālakṣmī dēvī prasādaṃ śirasā gṛhṇāmi ॥

ōṃ śāntiḥ śāntiḥ śāntiḥ ॥

ōṃ tatsat brahmārpaṇamastu ॥