বিষ্ণু পাদাদি কেশাংত বর্ণন স্তোত্রং

লক্ষ্মীভর্তুর্ভুজাগ্রে কৃতবসতি সিতং যস্য় রূপং বিশালং
নীলাদ্রেস্তুংগশৃংগস্থিতমিব রজনীনাথবিংবং বিভাতি ।
পায়ান্নঃ পাংচজন্য়ঃ স দিতিসুতকুলত্রাসনৈঃ পূরযন্স্বৈ-
-র্নিধ্বানৈর্নীরদৌঘধ্বনিপরিভবদৈরংবরং কংবুরাজঃ ॥ 1 ॥

আহুর্যস্য় স্বরূপং ক্ষণমুখমখিলং সূরয়ঃ কালমেতং
ধ্বাংতস্য়ৈকাংতমংতং যদপি চ পরমং সর্বধাম্নাং চ ধাম ।
চক্রং তচ্চক্রপাণের্দিতিজতনুগলদ্রক্তধারাক্তধারং
শশ্বন্নো বিশ্ববংদ্য়ং বিতরতু বিপুলং শর্ম ধর্মাংশুশোভম্ ॥ 2 ॥

অব্য়ান্নির্ঘাতঘোরো হরিভুজপবনামর্শনাধ্মাতমূর্তে-
-রস্মান্বিস্মেরনেত্রত্রিদশনুতিবচঃসাধুকারৈঃ সুতারঃ ।
সর্বং সংহর্তুমিচ্ছোররিকুলভুবন স্ফারবিষ্ফারনাদঃ
সংযত্কল্পাংতসিংধৌ শরসলিলঘটাবার্মুচঃ কার্মুকস্য় ॥ 3 ॥

জীমূতশ্য়ামভাসা মুহুরপি ভগবদ্বাহুনা মোহয়ংতী
যুদ্ধেষূদ্ধূযমানা ঝটিতি তটিদিবালক্ষ্যতে যস্য় মূর্তিঃ ।
সোঽসিস্ত্রাসাকুলাক্ষত্রিদশরিপুবপুঃশোণিতাস্বাদতৃপ্তো
নিত্য়ানংদায় ভূয়ান্মধুমথনমনোনংদনো নংদকো নঃ ॥ 4 ॥

কম্রাকারা মুরারেঃ করকমলতলেনানুরাগাদ্গৃহীতা
সম্যগ্বৃত্তা স্থিতাগ্রে সপদি ন সহতে দর্শনং যা পরেষাম্ ।
রাজংতী দৈত্যজীবাসবমদমুদিতা লোহিতালেপনার্দ্রা
কামং দীপ্তাংশুকাংতা প্রদিশতু দয়িতেবাস্য় কৌমোদকী নঃ ॥ 5 ॥

যো বিশ্বপ্রাণভূতস্তনুরপি চ হরের্য়ানকেতুস্বরূপো
যং সংচিংত্য়ৈব সদ্য়ঃ স্বযমুরগবধূবর্গগর্ভাঃ পতংতি ।
চংচচ্চংডোরুতুংডত্রুটিতফণিবসারক্তপংকাংকিতস্য়ং
বংদে ছংদোময়ং তং খগপতিমমলস্বর্ণবর্ণং সুপর্ণম্ ॥ 6 ॥

বিষ্ণোর্বিশ্বেশ্বরস্য় প্রবরশযনকৃত্সর্বলোকৈকধর্তা
সোঽনংতঃ সর্বভূতঃ পৃথুবিমলযশাঃ সর্ববেদৈশ্চ বেদ্য়ঃ ।
পাতা বিশ্বস্য় শশ্বত্সকলসুররিপুধ্বংসনঃ পাপহংতা
সর্বজ্ঞঃ সর্বসাক্ষী সকলবিষভয়াত্পাতু ভোগীশ্বরো নঃ ॥ 7 ॥

বাগ্ভূগৈর্য়াদিভেদৈর্বিদুরিহ মুনয়ো যাং যদীয়ৈশ্চ পুংসাং
কারুণ্য়ার্দ্রৈঃ কটাক্ষৈঃ সকৃদপি পতিতৈঃ সংপদঃ স্য়ুঃ সমগ্রাঃ ।
কুংদেংদুস্বচ্ছমংদস্মিতমধুরমুখাংভোরুহাং সুংদরাংগীং
বংদে বংদ্য়ামশেষৈরপি মুরভিদুরোমংদিরামিংদিরাং তাম্ ॥ 8 ॥

যা সূতে সত্ত্বজালং সকলমপি সদা সংনিধানেন পুংসো
ধত্তে যা তত্ত্বয়োগাচ্চরমচরমিদং ভূতয়ে ভূতজাতম্ ।
ধাত্রীং স্থাত্রীং জনিত্রীং প্রকৃতিমবিকৃতিং বিশ্বশক্তিং বিধাত্রীং
বিষ্ণোর্বিশ্বাত্মনস্তাং বিপুলগুণময়ীং প্রাণনাথাং প্রণৌমি ॥ 9 ॥

যেভ্য়োঽসূযদ্ভিরুচ্চৈঃ সপদি পদমুরু ত্যজ্যতে দৈত্যবর্গৈ-
-র্য়েভো ধর্তুং চ মূর্ধ্না স্পৃহযতি সততং সর্বগীর্বাণবর্গঃ ।
নিত্য়ং নির্মূলয়েয়ুর্নিচিততরমমী ভক্তিনিঘ্নাত্মনাং নঃ
পদ্মাক্ষস্য়াংঘ্রিপদ্মদ্বযতলনিলয়াঃ পাংসবঃ পাপপংকম্ ॥ 10 ॥

রেখা লেখাদিবংদ্য়াশ্চরণতলগতাশ্চক্রমত্স্য়াদিরূপাঃ
স্নিগ্ধাঃ সূক্ষ্মাঃ সুজাতা মৃদুললিততরক্ষৌমসূত্রাযমাণাঃ ।
দদ্য়ুর্নো মংগলানি ভ্রমরভরজুষা কোমলেনাব্ধিজায়াঃ
কম্রেণাম্রেড্যমানাঃ কিসলযমৃদুনা পাণিনা চক্রপাণেঃ ॥ 11 ॥

যস্মাদাক্রামতো দ্য়াং গরুডমণিশিলাকেতুদংডাযমানা
দাশ্চ্য়োতংতী বভাসে সুরসরিদমলা বৈজয়ংতীব কাংতা ।
ভূমিষ্ঠো যস্তথান্য়ো ভুবনগৃহবৃহত্‍স্তংভশোভাং দধৌ নঃ
পাতামেতৌ পায়োজোদরললিততলৌ পংকজাক্ষস্য় পাদৌ ॥ 12 ॥

আক্রামদ্ভ্য়াং ত্রিলোকীমসুরসুরপতী তত্ক্ষণাদেব নীতৌ
যাভ্য়াং বৈরোচনীংদ্রৌ যুগপদপি বিপত্সংপদোরেকধামঃ ।
তাভ্য়াং তাম্রোদরাভ্য়াং মুহুরহমজিতস্য়াংচিতাভ্য়ামুভাভ্য়াং
প্রাজ্য়ৈশ্বর্যপ্রদাভ্য়াং প্রণতিমুপগতঃ পাদপংকেরুহাভ্য়াম্ ॥ 13 ॥

যেভ্য়ো বর্ণশ্চতুর্থশ্চরমত উদভূদাদিসর্গে প্রজানাং
সাহস্রী চাপি সংখ্য়া প্রকটমভিহিতা সর্ববেদেষু যেষাম্ ।
প্রাপ্তা বিশ্বংভরা যৈরতিবিতততনোর্বিশ্বমূর্তের্বিরাজো
বিষ্ণোস্তেভ্য়ো মহদ্ভ্য়ঃ সততমপি নমোঽস্ত্বংঘ্রিপংকেরুহেভ্য়ঃ ॥ 14 ॥

বিষ্ণোঃ পাদদ্বয়াগ্রে বিমলনখমণিভ্রাজিতা রাজতে যা
রাজীবস্য়েব রম্য়া হিমজলকণিকালংকৃতাগ্রা দলালী ।
অস্মাকং বিস্ময়ার্হাণ্যখিলজনমন প্রার্থনীয়া হি সেয়ং
দদ্য়াদাদ্য়ানবদ্য়া ততিরতিরুচিরা মংগলান্য়ংগুলীনাম্ ॥ 15 ॥

যস্য়াং দৃষ্ট্বামলায়াং প্রতিকৃতিমমরাঃ সংভবংত্য়ানমংতঃ
সেংদ্রাঃ সাংদ্রীকৃতের্ষ্য়াস্ত্বপরসুরকুলাশংকয়াতংকবংতঃ ।
সা সদ্য়ঃ সাতিরেকাং সকলসুখকরীং সংপদং সাধয়েন্ন-
-শ্চংচচ্চার্বংশুচক্রা চরণনলিনয়োশ্চক্রপাণের্নখালী ॥ 16 ॥

পাদাংভোজন্মসেবাসমবনতসুরব্রাতভাস্বত্কিরীট-
-প্রত্য়ুপ্তোচ্চাবচাশ্মপ্রবরকরগণৈশ্চিংতিতং যদ্বিভাতি ।
নম্রাংগানাং হরের্নো হরিদুপলমহাকূর্মসৌংদর্যহারি-
-চ্ছায়ং শ্রেয়ঃপ্রদায়ি প্রপদয়ুগমিদং প্রাপয়েত্পাপমংতম্ ॥ 17 ॥

শ্রীমত্য়ৌ চারুবৃত্তে করপরিমলনানংদহৃষ্টে রমায়াঃ
সৌংদর্য়াঢ্য়েংদ্রনীলোপলরচিতমহাদংডয়োঃ কাংতিচোরে ।
সূরীংদ্রৈঃ স্তূযমানে সুরকুলসুখদে সূদিতারাতিসংঘে
জংঘে নারাযণীয়ে মুহুরপি জযতামস্মদংহো হরংত্য়ৌ ॥ 18 ॥

সম্যক্সাহ্য়ং বিধাতুং সমমিব সততং জংঘয়োঃ খিন্নয়োর্য়ে
ভারীভূতোরুদংডদ্বযভরণকৃতোত্তংভভাবং ভজেতে ।
চিত্তাদর্শং নিধাতুং মহিতমিব সতাং তে সমুদ্রাযমানে
বৃত্তাকারে বিধত্তাং হ্যদি মুদমজিতস্য়ানিশং জানুনী নঃ ॥ 19 ॥

দেবো ভীতিং বিধাতুঃ সপদি বিদধতৌ কৈটভাখ্য়ং মধুং চা-
-প্য়ারোপ্য়ারূঢগর্বাবধিজলধি যয়োরাদিদৈত্য়ৌ জঘান ।
বৃত্তাবন্য়োন্যতুল্য়ৌ চতুরমুপচয়ং বিভ্রতাবভ্রনীলা-
-বূরূ চারূ হরেস্তৌ মুদমতিশয়িনীং মানসে নো বিধত্তাম্ ॥ 20 ॥

পীতেন দ্য়োততে যচ্চতুরপরিহিতেনাংবরেণাত্য়ুদারং
জাতালংকারয়োগং জলমিব জলধের্বাডবাগ্নিপ্রভাভিঃ ।
এতত্পাতিত্যদান্নো জঘনমতিঘনাদেনসো মাননীয়ং
সাতত্য়েনৈব চেতোবিষযমবতরত্পাতু পীতাংবরস্য় ॥ 21 ॥

যস্য়া দাম্না ত্রিধাম্নো জঘনকলিতয়া ভ্রাজতেঽংগং যথাব্ধে-
-র্মধ্যস্থো মংদরাদ্রির্ভুজগপতিমহাভোগসংনদ্ধমধ্য়ঃ ।
কাংচী সা কাংচনাভা মণিবরকিরণৈরুল্লসদ্ভিঃ প্রদীপ্তা
কল্য়াং কল্য়াণদাত্রীং মম মতিমনিশং কম্ররূপাং করোতু ॥ 22 ॥

উন্নম্রং কম্রমুচ্চৈরুপচিতমুদভূদ্যত্র পত্রৈর্বিচিত্রৈঃ
পূর্বং গীর্বাণপূজ্য়ং কমলজমধুপস্য়াস্পদং তত্পয়োজম্ ।
যস্মিন্নীলাশ্মনীলৈস্তরলরুচিজলৈঃ পূরিতে কেলিবুদ্ধ্য়া
নালীকাক্ষস্য় নাভীসরসি বসতু নশ্চিত্তহংসশ্চিরায় ॥ 23 ॥

পাতালং যস্য় নালং বলযমপি দিশাং পত্রপংক্তীর্নগেংদ্রা-
-ন্বিদ্বাংসঃ কেসরালীর্বিদুরিহ বিপুলাং কর্ণিকাং স্বর্ণশৈলম্ ।
ভূয়াদ্গাযত্স্বয়ংভূমধুকরভবনং ভূময়ং কামদং নো
নালীকং নাভিপদ্মাকরভবমুরু তন্নাগশয়্যস্য় শৌরেঃ ॥ 24 ॥

আদৌ কল্পস্য় যস্মাত্প্রভবতি বিততং বিশ্বমেতদ্বিকল্পৈঃ
কল্পাংতে যস্য় চাংত প্রবিশতি সকলং স্থাবরং জংগমং চ ।
অত্য়ংতাচিংত্যমূর্তেশ্চিরতরমজিতস্য়াংতরিক্ষস্বরূপে
তস্মিন্নস্মাকমংতঃকরণমতিমুদা ক্রীডতাত্ক্রোডভাগে ॥ 25 ॥

কাংত্য়ংভঃপূরপূর্ণে লসদসিতবলীভংগভাস্বত্তরংগে
গংভীরাকারনাভীচতুরতরমহাবর্তশোভিন্য়ুদারে ।
ক্রীডত্বানদ্বহেমোদরনহনমহাবাডবাগ্নিপ্রভাঢ্য়ে
কামং দামোদরীয়োদরসলিলনিধৌ চিত্তমত্স্যশ্চিরং নঃ ॥ 26 ॥

নাভীনালীকমূলাদধিকপরিমলোন্মোহিতানামলীনাং
মালা নীলেব যাংতী স্ফুরতি রুচিমতী বক্ত্রপদ্মোন্মুখী যা ।
রম্য়া সা রোমরাজির্মহিতরুচিকরী মধ্যভাগস্য় বিষ্ণো-
-শ্চিত্তস্থা মা বিরংসীচ্চিরতরমুচিতাং সাধয়ংতী শ্রিয়ং নঃ ॥ 27 ॥

সংস্তীর্ণং কৌস্তুভাংশুপ্রসরকিসলয়ৈর্মুগ্ধমুক্তাফলাঢ্য়ং
শ্রীবত্সোল্লাসি ফুল্লপ্রতিনববনমালাংকি রাজদ্ভুজাংতম্ ।
বক্ষঃ শ্রীবৃক্ষকাংতং মধুকরনিকরশ্য়ামলং শার্ঙ্গপাণেঃ
সংসারাধ্বশ্রমার্তৈরুপবনমিব যত্সেবিতং তত্প্রপদ্য়ে ॥ 28 ॥

কাংতং বক্ষো নিতাংতং বিদধদিব গলং কালিমা কালশত্রো-
-রিংদোর্বিংবং যথাংকো মধুপ ইব তরোর্মংজরীং রাজতে যঃ ।
শ্রীমান্নিত্য়ং বিধেয়াদবিরলমিলিতঃ কৌস্তুভশ্রীপ্রতানৈঃ
শ্রীবত্সঃ শ্রীপতেঃ স শ্রিয় ইব দয়িতো বত্স উচ্চৈঃশ্রিয়ং নঃ ॥ 29 ॥

সংভূয়াংভোধিমধ্য়াত্সপদি সহজয়া যঃ শ্রিয়া সংনিধত্তে
নীলে নারাযণোরঃস্থলগগনতলে হারতারোপসেব্য়ে ।
আশাঃ সর্বাঃ প্রকাশা বিদধদপিদধচ্চাত্মভাসান্যতেজা-
-স্য়াশ্চর্যস্য়াকরো নো দ্য়ুমণিরিব মণিঃ কৌস্তুভঃ সোঽস্তুভূত্য়ৈ ॥ 30 ॥

যা বায়াবানুকূল্য়াত্সরতি মণিরুচা ভাসমানা সমানা
সাকং সাকংপমংসে বসতি বিদধতী বাসুভদ্রং সুভদ্রম্ ।
সারং সারংগসংঘৈর্মুখরিতকুসুমা মেচকাংতা চ কাংতা
মালা মালালিতাস্মান্ন বিরমতু সুখৈর্য়োজয়ংতী জয়ংতী ॥ 31 ॥

হারস্য়োরুপ্রভাভিঃ প্রতিনববনমালাশুভিঃ প্রাংশুরূপৈঃ
শ্রীভিশ্চাপ্য়ংগদানাং কবলিতরুচি যন্নিষ্কভাভিশ্চ ভাতি ।
বাহুল্য়েনৈব বদ্ধাংজলিপুটমজিতস্য়াভিয়াচামহে ত-
-দ্বংধার্তিং বাধতাং নো বহুবিহতিকরীং বংধুরং বাহুমূলম্ ॥ 32 ॥

বিশ্বত্রাণৈকদীক্ষাস্তদনুগুণগুণক্ষত্রনির্মাণদক্ষাঃ
কর্তারো দুর্নিরূপস্ফুটগুণযশসা কর্মণামদ্ভুতানাম্ ।
শার্ঙ্গং বাণং কৃপাণং ফলকমরিগদে পদ্মশংখৌ সহস্রং
বিভ্রাণাঃ শস্ত্রজালং মম দধতু হরের্বাহবো মোহহানিম্ ॥ 33 ॥

কংঠাকল্পোদ্গতৈর্য়ঃ কনকমযলসত্কুংডলোত্থৈরুদারৈ-
-রুদ্য়োতৈঃ কৌস্তুভস্য়াপ্য়ুরুভিরুপচিতশ্চিত্রবর্ণো বিভাতি ।
কংঠাশ্লেষে রমায়াঃ করবলযপদৈর্মুদ্রিতে ভদ্ররূপে
বৈকুংঠীয়েঽত্র কংঠে বসতু মম মতিঃ কুংঠভাবং বিহায় ॥ 34 ॥

পদ্মানংদপ্রদাতা পরিলসদরুণশ্রীপরীতাগ্রভাগঃ
কালে কালে চ কংবুপ্রবরশশধরাপূরণে যঃ প্রবীণঃ ।
বক্ত্রাকাশাংতরস্থস্তিরযতি নিতরাং দংততারৌঘশোভাং
শ্রীভর্তুর্দংতবাসোদ্য়ুমণিরঘতমোনাশনায়াস্ত্বসৌ নঃ ॥ 35 ॥

নিত্য়ং স্নেহাতিরেকান্নিজকমিতুরলং বিপ্রয়োগাক্ষমা যা
বক্ত্রেংদোরংতরালে কৃতবসতিরিবাভাতি নক্ষত্ররাজিঃ ।
লক্ষ্মীকাংতস্য় কাংতাকৃতিরতিবিলসন্মুগ্ধমুক্তাবলিশ্রী-
-র্দংতালী সংততং সা নতিনুতিনিরতানক্ষতান্রক্ষতান্নঃ ॥ 36 ॥

ব্রহ্মন্ব্রহ্মণ্যজিহ্মাং মতিমপি কুরুষে দেব সংভাবয়ে ত্বাং
শংভো শক্র ত্রিলোকীমবসি কিমমরৈর্নারদাদ্য়াঃ সুখং বঃ ।
ইত্থং সেবাবনম্রং সুরমুনিনিকরং বীক্ষ্য় বিষ্ণোঃ প্রসন্ন-
-স্য়াস্য়েংদোরাস্রবংতী বরবচনসুধাহ্লাদয়েন্মানসং নঃ ॥ 37 ॥

কর্ণস্থস্বর্ণকম্রোজ্জ্বলমকরমহাকুংডলপ্রোতদীপ্য়-
-ন্মাণিক্যশ্রীপ্রতানৈঃ পরিমিলিতমলিশ্য়ামলং কোমলং যত্ ।
প্রোদ্যত্সূর্য়াংশুরাজন্মরকতমুকুরাকারচোরং মুরারে-
-র্গাঢামাগামিনীং নঃ শমযতু বিপদং গংডয়োর্মংডলং তত্ ॥ 38 ॥

বক্ত্রাংভোজে লসংতং মুহুরধরমণিং পক্ববিংবাভিরামং
দৃষ্ট্বা দ্রষ্টুং শুকস্য় স্ফুটমবতরতস্তুংডদংডাযতে যঃ ।
ঘোণঃ শোণীকৃতাত্মা শ্রবণয়ুগলসত্কুংডলোস্রৈর্মুরারেঃ
প্রাণাখ্যস্য়ানিলস্য় প্রসরণসরণিঃ প্রাণদানায় নঃ স্য়াত্ ॥ 39 ॥

দিক্কালৌ বেদয়ংতৌ জগতি মুহুরিমৌ সংচরংতৌ রবীংদূ
ত্রৈলোক্য়ালোকদীপাবভিদধতি যয়োরেব রূপং মুনীংদ্রাঃ ।
অস্মানব্জপ্রভে তে প্রচুরতরকৃপানির্ভরং প্রেক্ষমাণে
পাতামাতাম্রশুক্লাসিতরুচিরুচিরে পদ্মনেত্রস্য় নেত্রে ॥ 40 ॥

পাতাত্পাতালপাতাত্পতগপতিগতের্ভ্রূয়ুগং ভুগ্নমধ্য়ং
যেনেষচ্চালিতেন স্বপদনিযমিতাঃ সাসুরা দেবসংঘাঃ ।
নৃত্যল্লালাটরংগে রজনিকরতনোরর্ধখংডাবদাতে
কালব্য়ালদ্বয়ং বা বিলসতি সময়া বালিকামাতরং নঃ ॥ 41 ॥

লক্ষ্মাকারালকালিস্ফুরদলিকশশাংকার্ধসংদর্শমীল-
-ন্নেত্রাংভোজপ্রবোধোত্সুকনিভৃততরালীনভৃংগচ্ছটাভে ।
লক্ষ্মীনাথস্য় লক্ষ্য়ীকৃতবিবুধগণাপাংগবাণাসনার্ধ-
-চ্ছায়ে নো ভূরিভূতিপ্রসবকুশলতে ভ্রূলতে পালয়েতাম্ ॥ 42 ॥

রূক্ষস্মারেক্ষুচাপচ্য়ুতশরনিকরক্ষীণলক্ষ্মীকটাক্ষ-
-প্রোত্ফুল্লত্পদ্মমালাবিলসিতমহিতস্ফাটিকৈশানলিংগম্ ।
ভূয়াদ্ভূয়ো বিভূত্য়ৈ মম ভুবনপতের্ভ্রূলতাদ্বংদ্বমধ্য়া-
-দুত্থং তত্পুংড্রমূর্ধ্বং জনিমরণতমঃখংডনং মংডনং চ ॥ 43 ॥

পীঠীভূতালকাংতে কৃতমকুটমহাদেবলিংগপ্রতিষ্ঠে
লালাটে নাট্যরংগে বিকটতরতটে কৈটভারেশ্চিরায় ।
প্রোদ্ধাট্য়ৈবাত্মতংদ্রীপ্রকটপটকুটীং প্রস্ফুরংতীং স্ফুটাংগং
পট্বীয়ং ভাবনাখ্য়াং চটুলমতিনটী নাটিকাং নাটয়েন্নঃ ॥ 44 ॥

মালালীবালিধাম্নঃ কুবলযকলিতা শ্রীপতেঃ কুংতলালী
কালিংদ্য়ারুহ্য় মূর্ধ্নো গলতি হরশিরঃস্বর্ধুনীস্পর্ধয়া নু ।
রাহুর্বা যাতি বক্ত্রং সকলশশিকলাভ্রাংতিলোলাংতরাত্মা
লোকৈরালোক্যতে যা প্রদিশতু সততং সাখিলং মংগলং নঃ ॥ 45 ॥

সুপ্তাকারাঃ প্রসুপ্তে ভগবতি বিবুধৈরপ্যদৃষ্টস্বরূপা
ব্য়াপ্তব্য়োমাংতরালাস্তরলমণিরুচা রংজিতাঃ স্পষ্টভাসঃ ।
দেহচ্ছায়োদ্গমাভা রিপুবপুরগুরুপ্লোষরোষাগ্নিধূম্য়াঃ
কেশাঃ কেশিদ্বিষো নো বিদধতু বিপুলক্লেশপাশপ্রণাশম্ ॥ 46 ॥

যত্র প্রত্য়ুপ্তরত্নপ্রবরপরিলসদ্ভূরিরোচিষ্প্রতান-
-স্ফূর্ত্য়াং মূর্তির্মুরারের্দ্য়ুমণিশতচিতব্য়োমবদ্দুর্নিরীক্ষ্য়া ।
কুর্বত্পারেপয়োধি জ্বলদকৃশশিখাভাস্বদৌর্বাগ্নিশংকাং
শশ্বন্নঃ শর্ম দিশ্য়াত্কলিকলুষতমঃপাটনং তত্কিরীটম্ ॥ 47 ॥

ভ্রাংত্বা ভ্রাংত্বা যদংতস্ত্রিভুবনগুরুরপ্যব্দকোটীরনেকা
গংতুং নাংতং সমর্থো ভ্রমর ইব পুনর্নাভিনালীকনালাত্ ।
উন্মজ্জন্নূর্জিতশ্রীস্ত্রিভুবনমপরং নির্মমে তত্সদৃক্ষং
দেহাংভোধিঃ স দেয়ান্নিরবধিরমৃতং দৈত্যবিদ্বেষিণো নঃ ॥ 48 ॥

মত্স্য়ঃ কূর্মো বরাহো নরহরিণপতির্বামনো জামদগ্ন্য়ঃ
কাকুত্স্থঃ কংসঘাতী মনসিজবিজয়ী যশ্চ কল্কির্ভবিষ্যন্ ।
বিষ্ণোরংশাবতরা ভুবনহিতকরা ধর্মসংস্থাপনার্থাঃ
পায়াসুর্মাং ত এতে গুরুতরকরুণাভারখিন্নাশয়া যে ॥ 49 ॥

যস্মাদ্বাচো নিবৃত্তাঃ সমমপি মনসা লক্ষণামীক্ষমাণাঃ
স্বার্থালাভাত্পরার্থব্যপগমকথনশ্লাঘিনো বেদবাদাঃ ।
নিত্য়ানংদং স্বসংবিন্নিরবধিবিমলস্বাংতসংক্রাংতবিংব-
-চ্ছায়াপত্য়াপি নিত্য়ং সুখযতি যমিনো যত্তদব্য়ান্মহো নঃ ॥ 50 ॥

আপাদাদা চ শীর্ষাদ্বপুরিদমনঘং বৈষ্ণবং যঃ স্বচিত্তে
ধত্তে নিত্য়ং নিরস্তাখিলকলিকলুষ সংততাংতঃ প্রমোদম্ ।
জুহ্বজ্জিহ্বাকৃশানৌ হরিচরিতহবিঃ স্তোত্রমংত্রানুপাঠৈ-
-স্তত্পাদাংভোরুহাভ্য়াং সততমপি নমস্কুর্মহে নির্মলাভ্য়াম্ ॥ 51 ॥

মোদাত্পাদাদিকেশস্তুতিমিতিরচিতা কীর্তয়িত্বা ত্রিধাম্ন
পাদাব্জদ্বংদ্বসেবাসমযনতমতির্মস্তকেনানমেদ্য় ।
উন্মুচ্য়ৈবাত্মনৈনোনিচযকবচক পংচতামেত্য় ভানো-
-র্বিংবাংতর্গোচর স প্রবিশতি পরমানংদমাত্মস্বরূপম্ ॥ 52 ॥

ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ শ্রী বিষ্ণু পাদাদিকেশাংতবর্ণণ স্তোত্রং সংপূর্ণম্ ।