বিদুর নীতি – উদ্য়োগ পর্বম্, অধ্য়ায়ঃ 40

॥ ইতি শ্রীমাহাভারতে উদ্য়োগপর্বণি প্রজাগরপর্বণি বিদুরবাক্য়ে চত্বারিংশোঽধ্য়ায়ঃ ॥

বিদুর উবাচ ।

যোঽভ্যর্থিতঃ সদ্ভিরসজ্জমানঃ
করোত্যর্থং শক্তিমহাপয়িত্বা ।
ক্ষিপ্রং যশস্তং সমুপৈতি সংতমলং
প্রসন্না হি সুখায় সংতঃ ॥ 1॥

মহাংতমপ্যর্থমধর্ময়ুক্তং
যঃ সংত্যজত্যনুপাক্রুষ্ট এব ।
সুখং স দুঃখান্যবমুচ্য় শেতে
জীর্ণাং ত্বচং সর্প ইবাবমুচ্য় ॥ 2॥

অনৃতং চ সমুত্কর্ষে রাজগামি চ পৈশুনম্ ।
গুরোশ্চালীক নির্বংধঃ সমানি ব্রহ্মহত্যয়া ॥ 3॥

অসূয়ৈক পদং মৃত্য়ুরতিবাদঃ শ্রিয়ো বধঃ ।
অশুশ্রূষা ত্বরা শ্লাঘা বিদ্য়ায়াঃ শত্রবস্ত্রয়ঃ ॥ 4॥

সুখার্থিনঃ কুতো বিদ্য়া নাস্তি বিদ্য়ার্থিনঃ সুখম্ ।
সুখার্থী বা ত্যজেদ্বিদ্য়াং বিদ্য়ার্থী বা সুখং ত্যজেত্ ॥ 5॥

নাগ্নিস্তৃপ্যতি কাষ্ঠানাং নাপগানাং মহোদধিঃ ।
নাংতকঃ সর্বভূতানাং ন পুংসাং বামলোচনা ॥ 6॥

আশা ধৃতিং হংতি সমৃদ্ধিমংতকঃ
ক্রোধঃ শ্রিয়ং হংতি যশঃ কদর্যতা ।
অপালনং হংতি পশূংশ্চ রাজন্ন্
একঃ ক্রুদ্ধো ব্রাহ্মণো হংতি রাষ্ট্রম্ ॥ 7॥

অজশ্চ কাংস্য়ং চ রথশ্চ নিত্য়ং
মধ্বাকর্ষঃ শকুনিঃ শ্রোত্রিযশ্ চ ।
বৃদ্ধো জ্ঞাতিরবসন্নো বযস্য়
এতানি তে সংতু গৃহে সদৈব ॥ 8॥

অজোক্ষা চংদনং বীণা আদর্শো মধুসর্পিষী ।
বিষমৌদুংবরং শংখঃ স্বর্ণং নাভিশ্চ রোচনা ॥ 9॥

গৃহে স্থাপয়িতব্য়ানি ধন্য়ানি মনুরব্রবীত্ ।
দেব ব্রাহ্মণ পূজার্থমতিথীনাং চ ভারত ॥ 10॥

ইদং চ ত্বাং সর্বপরং ব্রবীমি
পুণ্য়ং পদং তাত মহাবিশিষ্টম্ ।
ন জাতু কামান্ন ভয়ান্ন লোভাদ্
ধর্মং ত্যজেজ্জীবিতস্য়াপি হেতোঃ ॥ 11॥

নিত্য়ো ধর্মঃ সুখদুঃখে ত্বনিত্য়ে
নিত্য়ো জীবো ধাতুরস্য় ত্বনিত্য়ঃ ।
ত্যক্ত্বানিত্য়ং প্রতিতিষ্ঠস্ব নিত্য়ে
সংতুষ্য় ত্বং তোষ পরো হি লাভঃ ॥ 12॥

মহাবলান্পশ্য় মনানুভাবান্
প্রশাস্য় ভূমিং ধনধান্য় পূর্ণাম্ ।
রাজ্য়ানি হিত্বা বিপুলাংশ্চ ভোগান্
গতান্নরেংদ্রান্বশমংতকস্য় ॥ 13॥

মৃতং পুত্রং দুঃখপুষ্টং মনুষ্য়া
উত্ক্ষিপ্য় রাজন্স্বগৃহান্নির্হরংতি ।
তং মুক্তকেশাঃ করুণং রুদংতশ্
চিতামধ্য়ে কাষ্ঠমিব ক্ষিপংতি ॥ 14॥

অন্য়ো ধনং প্রেতগতস্য় ভুংক্তে
বয়াংসি চাগ্নিশ্চ শরীরধাতূন্ ।
দ্বাভ্য়াময়ং সহ গচ্ছত্যমুত্র
পুণ্য়েন পাপেন চ বেষ্ট্যমানঃ ॥ 15॥

উত্সৃজ্য় বিনিবর্তংতে জ্ঞাতয়ঃ সুহৃদঃ সুতাঃ ।
অগ্নৌ প্রাস্তং তু পুরুষং কর্মান্বেতি স্বয়ং কৃতম্ ॥ 16॥

অস্মাল্লোকাদূর্ধ্বমমুষ্য় চাধো
মহত্তমস্তিষ্ঠতি হ্য়ংধকারম্ ।
তদ্বৈ মহামোহনমিংদ্রিয়াণাং
বুধ্যস্ব মা ত্বাং প্রলভেত রাজন্ ॥ 17॥

ইদং বচঃ শক্ষ্যসি চেদ্যথাবন্
নিশম্য় সর্বং প্রতিপত্তুমেবম্ ।
যশঃ পরং প্রাপ্স্যসি জীবলোকে
ভয়ং ন চামুত্র ন চেহ তেঽস্তি ॥ 18॥

আত্মা নদী ভারত পুণ্যতীর্থা
সত্য়োদকা ধৃতিকূলা দমোর্মিঃ ।
তস্য়াং স্নাতঃ পূযতে পুণ্যকর্মা
পুণ্য়ো হ্য়াত্মা নিত্যমংভোঽংভ এব ॥ 19॥

কামক্রোধগ্রাহবতীং পংচেংদ্রিয় জলাং নদীম্ ।
কৃত্বা ধৃতিময়ীং নাবং জন্ম দুর্গাণি সংতর ॥ 20॥

প্রজ্ঞা বৃদ্ধং ধর্মবৃদ্ধং স্ববংধুং
বিদ্য়া বৃদ্ধং বযসা চাপি বৃদ্ধম্ ।
কার্য়াকার্য়ে পূজয়িত্বা প্রসাদ্য়
যঃ সংপৃচ্ছেন্ন স মুহ্য়েত্কদা চিত্ ॥ 21॥

ধৃত্য়া শিশ্নোদরং রক্ষেত্পাণিপাদং চ চক্ষুষা ।
চক্ষুঃ শ্রোত্রে চ মনসা মনো বাচং চ কর্মণা ॥ 22॥

নিত্য়োদকী নিত্যযজ্ঞোপবীতী
নিত্যস্বাধ্য়ায়ী পতিতান্ন বর্জী ।
ঋতং ব্রুবন্গুরবে কর্ম কুর্বন্
ন ব্রাহ্মণশ্চ্যবতে ব্রহ্মলোকাত্ ॥ 23॥

অধীত্য় বেদান্পরিসংস্তীর্য় চাগ্নীন্
ইষ্ট্বা যজ্ঞৈঃ পালয়িত্বা প্রজাশ্ চ ।
গোব্রাহ্মণার্থে শস্ত্রপূতাংতরাত্মা
হতঃ সংগ্রামে ক্ষত্রিয়ঃ স্বর্গমেতি ॥ 24॥

বৈশ্য়োঽধীত্য় ব্রাহ্মণান্ক্ষত্রিয়াংশ্ চ
ধনৈঃ কালে সংবিভজ্য়াশ্রিতাংশ্ চ ।
ত্রেতা পূতং ধূমমাঘ্রায় পুণ্য়ং
প্রেত্য় স্বর্গে দেব সুখানি ভুংক্তে ॥ 25॥

ব্রহ্মক্ষত্রং বৈশ্য় বর্ণং চ শূদ্রঃ
ক্রমেণৈতান্ন্য়াযতঃ পূজয়ানঃ ।
তুষ্টেষ্বেতেষ্বব্যথো দগ্ধপাপস্
ত্যক্ত্বা দেহং স্বর্গসুখানি ভুংক্তে ॥ 26॥

চাতুর্বর্ণ্যস্য়ৈষ ধর্মস্তবোক্তো
হেতুং চাত্র ব্রুবতো মে নিবোধ ।
ক্ষাত্রাদ্ধর্মাদ্ধীযতে পাংডুপুত্রস্
তং ত্বং রাজন্রাজধর্মে নিয়ুংক্ষ্ব ॥ 27॥

ধৃতরাষ্ট্র উবাচ ।

এবমেতদ্যথা মাং ত্বমনুশাসতি নিত্যদা ।
মমাপি চ মতিঃ সৌম্য় ভবত্য়েবং যথাত্থ মাম্ ॥ 28॥

সা তু বুদ্দিঃ কৃতাপ্য়েবং পাংডবান্রপ্তি মে সদা ।
দুর্য়োধনং সমাসাদ্য় পুনর্বিপরিবর্ততে ॥ 29॥

ন দিষ্টমভ্যতিক্রাংতুং শক্য়ং মর্ত্য়েন কেন চিত্ ।
দিষ্টমেব কৃতং মন্য়ে পৌরুষং তু নিরর্থকম্ ॥ 30॥

॥ ইতি শ্রীমাহাভারতে উদ্য়োগপর্বণি প্রজাগরপর্বণি বিদুরবাক্য়ে চত্বারিংশোঽধ্য়ায়ঃ ॥ 40॥

ইতি বিদুর নীতি সমাপ্তা ॥