বিদুর নীতি – উদ্য়োগ পর্বম্, অধ্য়ায়ঃ 39
॥ ইতি শ্রীমহাভারতে উদ্য়োগপর্বণি প্রজাগরপর্বণি
বিদুরবাক্য়ে একোনচত্বারিংশোঽধ্য়ায়ঃ ॥
ধৃতরাষ্ট্র উবাচ ।
অনীশ্বরোঽয়ং পুরুষো ভবাভবে
সূত্রপ্রোতা দারুময়ীব যোষা ।
ধাত্রা হি দিষ্টস্য় বশে কিলায়ং
তস্মাদ্বদ ত্বং শ্রবণে ঘৃতোঽহম্ ॥ 1॥
বিদুর উবাচ ।
অপ্রাপ্তকালং বচনং বৃহস্পতিরপি ব্রুবন্ ।
লভতে বুদ্ধ্যবজ্ঞানমবমানং চ ভারত ॥ 2॥
প্রিয়ো ভবতি দানেন প্রিযবাদেন চাপরঃ ।
মংত্রং মূলবলেনান্য়ো যঃ প্রিয়ঃ প্রিয় এব সঃ ॥ 3॥
দ্বেষ্য়ো ন সাধুর্ভবতি ন মেধাবী ন পংডিতঃ ।
প্রিয়ে শুভানি কর্মাণি দ্বেষ্য়ে পাপানি ভারত ॥ 4॥
ন স ক্ষয়ো মহারাজ যঃ ক্ষয়ো বৃদ্ধিমাবহেত্ ।
ক্ষয়ঃ স ত্বিহ মংতব্য়ো যং লব্ধ্বা বহু নাশয়েত্ ॥ 5॥
সমৃদ্ধা গুণতঃ কে চিদ্ভবংতি ধনতোঽপরে ।
ধনবৃদ্ধান্গুণৈর্হীনাংধৃতরাষ্ট্র বিবর্জয়েত্ ॥ 6॥
ধৃতরাষ্ট্র উবাচ ।
সর্বং ত্বমাযতী যুক্তং ভাষসে প্রাজ্ঞসম্মতম্ ।
ন চোত্সহে সুতং ত্যক্তুং যতো ধর্মস্ততো জয়ঃ ॥ 7॥
বিদুর উবাচ ।
স্বভাবগুণসংপন্নো ন জাতু বিনয়ান্বিতঃ ।
সুসূক্ষ্মমপি ভূতানামুপমর্দং প্রয়োক্ষ্যতে ॥ 8॥
পরাপবাদ নিরতাঃ পরদুঃখোদয়েষু চ ।
পরস্পরবিরোধে চ যতংতে সততোথিতাঃ ॥ 9॥
স দোষং দর্শনং যেষাং সংবাসে সুমহদ্ভযম্ ।
অর্থাদানে মহাংদোষঃ প্রদানে চ মহদ্ভযম্ ॥ 10॥
যে পাপা ইতি বিখ্য়াতাঃ সংবাসে পরিগর্হিতাঃ ।
যুক্তাশ্চান্য়ৈর্মহাদোষৈর্য়ে নরাস্তান্বিবর্জয়েত্ ॥ 11॥
নিবর্তমানে সৌহার্দে প্রীতির্নীচে প্রণশ্যতি ।
যা চৈব ফলনির্বৃত্তিঃ সৌহৃদে চৈব যত্সুখম্ ॥ 12॥
যততে চাপবাদায় যত্নমারভতে ক্ষয়ে ।
অল্পেঽপ্যপকৃতে মোহান্ন শাংতিমুপগচ্ছতি ॥ 13॥
তাদৃশৈঃ সংগতং নীচৈর্নৃশংসৈরকৃতাত্মভিঃ ।
নিশাম্য় নিপুণং বুদ্ধ্য়া বিদ্বাংদূরাদ্বিবর্জয়েত্ ॥ 14॥
যো জ্ঞাতিমনুগৃহ্ণাতি দরিদ্রং দীনমাতুরম্ ।
সপুত্রপশুভির্বৃদ্ধিং যশশ্চাব্যযমশ্নুতে ॥ 15॥
জ্ঞাতয়ো বর্ধনীয়াস্তৈর্য় ইচ্ছংত্য়াত্মনঃ শুভম্ ।
কুলবৃদ্ধিং চ রাজেংদ্র তস্মাত্সাধু সমাচর ॥ 16॥
শ্রেযসা যোক্ষ্যসে রাজন্কুর্বাণো জ্ঞাতিসত্ক্রিয়াম্ ।
বিগুণা হ্যপি সংরক্ষ্য়া জ্ঞাতয়ো ভরতর্ষভ ॥ 17॥
কিং পুনর্গুণবংতস্তে ত্বত্প্রসাদাভিকাংক্ষিণঃ ।
প্রসাদং কুরু দীনানাং পাংডবানাং বিশাং পতে ॥ 18॥
দীয়ংতাং গ্রামকাঃ কে চিত্তেষাং বৃত্ত্যর্থমীশ্বর ।
এবং লোকে যশঃপ্রাপ্তো ভবিষ্যত্সি নরাধিপ ॥ 19॥
বৃদ্ধেন হি ত্বয়া কার্য়ং পুত্রাণাং তাত রক্ষণম্ ।
ময়া চাপি হিতং বাচ্য়ং বিদ্ধি মাং ত্বদ্ধিতৈষিণম্ ॥ 20॥
জ্ঞাতিভির্বিগ্রহস্তাত ন কর্তব্য়ো ভবার্থিনা ।
সুখানি সহ ভোজ্য়ানি জ্ঞাতিভির্ভরতর্ষভ ॥ 21॥
সংভোজনং সংকথনং সংপ্রীতিশ্ চ পরস্পরম্ ।
জ্ঞাতিভিঃ সহ কার্য়াণি ন বিরোধঃ কথং চন ॥ 22॥
জ্ঞাতযস্তারয়ংতীহ জ্ঞাতয়ো মজ্জয়ংতি চ ।
সুবৃত্তাস্তারয়ংতীহ দুর্বৃত্তা মজ্জয়ংতি চ ॥ 23॥
সুবৃত্তো ভব রাজেংদ্র পাংডবান্প্রতি মানদ ।
অধর্ষণীয়ঃ শত্রূণাং তৈর্বৃতস্ত্বং ভবিষ্যসি ॥ 24॥
শ্রীমংতং জ্ঞাতিমাসাদ্য় যো জ্ঞাতিরবসীদতি ।
দিগ্ধহস্তং মৃগ ইব স এনস্তস্য় বিংদতি ॥ 25॥
পশ্চাদপি নরশ্রেষ্ঠ তব তাপো ভবিষ্যতি ।
তান্বা হতান্সুতান্বাপি শ্রুত্বা তদনুচিংতয় ॥ 26॥
যেন খট্বাং সমারূঢঃ পরিতপ্য়েত কর্মণা ।
আদাবেব ন তত্কুর্য়াদধ্রুবে জীবিতে সতি ॥ 27॥
ন কশ্চিন্নাপনযতে পুমানন্যত্র ভার্গবাত্ ।
শেষসংপ্রতিপত্তিস্তু বুদ্ধিমত্স্বেব তিষ্ঠতি ॥ 28॥
দুর্য়োধনেন যদ্য়েতত্পাপং তেষু পুরা কৃতম্ ।
ত্বয়া তত্কুলবৃদ্ধেন প্রত্য়ানেয়ং নরেশ্বর ॥ 29॥
তাংস্ত্বং পদে প্রতিষ্ঠাপ্য় লোকে বিগতকল্মষঃ ।
ভবিষ্যসি নরশ্রেষ্ঠ পূজনীয়ো মনীষিণাম্ ॥ 30॥
সুব্য়াহৃতানি ধীরাণাং ফলতঃ প্রবিচিংত্য় যঃ ।
অধ্যবস্যতি কার্য়েষু চিরং যশসি তিষ্ঠতি ॥ 31॥
অবৃত্তিং বিনয়ো হংতি হংত্যনর্থং পরাক্রমঃ ।
হংতি নিত্য়ং ক্ষমা ক্রোধমাচারো হংত্যলক্ষণম্ ॥ 32॥
পরিচ্ছদেন ক্ষত্রেণ বেশ্মনা পরিচর্যয়া ।
পরীক্ষেত কুলং রাজন্ভোজনাচ্ছাদনেন চ ॥ 33॥
যয়োশ্চিত্তেন বা চিত্তং নৈভৃতং নৈভৃতেন বা ।
সমেতি প্রজ্ঞয়া প্রজ্ঞা তয়োর্মৈত্রী ন জীর্যতে ॥ 34॥
দুর্বুদ্ধিমকৃতপ্রজ্ঞং ছন্নং কূপং তৃণৈরিব ।
বিবর্জয়ীত মেধাবী তস্মিন্মৈত্রী প্রণশ্যতি ॥ 35॥
অবলিপ্তেষু মূর্খেষু রৌদ্রসাহসিকেষু চ ।
তথৈবাপেত ধর্মেষু ন মৈত্রীমাচরেদ্বুধঃ ॥ 36॥
কৃতজ্ঞং ধার্মিকং সত্যমক্ষুদ্রং দৃঢভক্তিকম্ ।
জিতেংদ্রিয়ং স্থিতং স্থিত্য়াং মিত্রমত্য়াগি চেষ্যতে ॥ 37॥
ইংদ্রিয়াণামনুত্সর্গো মৃত্য়ুনা ন বিশিষ্যতে ।
অত্যর্থং পুনরুত্সর্গঃ সাদয়েদ্দৈবতান্যপি ॥ 38॥
মার্দবং সর্বভূতানামনসূয়া ক্ষমা ধৃতিঃ ।
আয়ুষ্য়াণি বুধাঃ প্রাহুর্মিত্রাণাং চাবিমাননা ॥ 39॥
অপনীতং সুনীতেন যোঽর্থং প্রত্য়ানিনীষতে ।
মতিমাস্থায় সুদৃঢাং তদকাপুরুষ ব্রতম্ ॥ 40॥
আযত্য়াং প্রতিকারজ্ঞস্তদাত্বে দৃঢনিশ্চয়ঃ ।
অতীতে কার্যশেষজ্ঞো নরোঽর্থৈর্ন প্রহীযতে ॥ 41॥
কর্মণা মনসা বাচা যদভীক্ষ্ণং নিষেবতে ।
তদেবাপহরত্য়েনং তস্মাত্কল্য়াণমাচরেত্ ॥ 42॥
মংগলালংভনং যোগঃ শ্রুতমুত্থানমার্জবম্ ।
ভূতিমেতানি কুর্বংতি সতাং চাভীক্ষ্ণ দর্শনম্ ॥ 43॥
অনির্বেদঃ শ্রিয়ো মূলং দুঃখনাশে সুখস্য় চ ।
মহান্ভবত্যনির্বিণ্ণঃ সুখং চাত্য়ংতমশ্নুতে ॥ 44॥
নাতঃ শ্রীমত্তরং কিং চিদন্যত্পথ্যতমং তথা ।
প্রভ বিষ্ণোর্যথা তাত ক্ষমা সর্বত্র সর্বদা ॥ 45॥
ক্ষমেদশক্তঃ সর্বস্য় শক্তিমাংধর্মকারণাত্ ।
অর্থানর্থৌ সমৌ যস্য় তস্য় নিত্য়ং ক্ষমা হিতা ॥ 46॥
যত্সুখং সেবমানোঽপি ধর্মার্থাভ্য়াং ন হীযতে ।
কামং তদুপসেবেত ন মূঢ ব্রতমাচরেত্ ॥ 47॥
দুঃখার্তেষু প্রমত্তেষু নাস্তিকেষ্বলসেষু চ ।
ন শ্রীর্বসত্যদাংতেষু যে চোত্সাহ বিবর্জিতাঃ ॥ 48॥
আর্জবেন নরং যুক্তমার্জবাত্সব্যপত্রপম্ ।
অশক্তিমংতং মন্য়ংতো ধর্ষয়ংতি কুবুদ্ধয়ঃ ॥ 49॥
অত্য়ার্যমতিদাতারমতিশূরমতিব্রতম্ ।
প্রজ্ঞাভিমানিনং চৈব শ্রীর্ভয়ান্নোপসর্পতি ॥ 50॥
অগ্নিহোত্রফলা বেদাঃ শীলবৃত্তফলং শ্রুতম্ ।
রতিপুত্র ফলা দারা দত্তভুক্ত ফলং ধনম্ ॥ 51॥
অধর্মোপার্জিতৈরর্থৈর্য়ঃ করোত্য়ৌর্ধ্ব দেহিকম্ ।
ন স তস্য় ফলং প্রেত্য় ভুংক্তেঽর্থস্য় দুরাগমাত্ ॥ 52॥
কানার বনদুর্গেষু কৃচ্ছ্রাস্বাপত্সু সংভ্রমে ।
উদ্যতেষু চ শস্ত্রেষু নাস্তি শেষবতাং ভযম্ ॥ 53॥
উত্থানং সংযমো দাক্ষ্যমপ্রমাদো ধৃতিঃ স্মৃতিঃ ।
সমীক্ষ্য় চ সমারংভো বিদ্ধি মূলং ভবস্য় তত্ ॥ 54॥
তপোবলং তাপসানাং ব্রহ্ম ব্রহ্মবিদাং বলম্ ।
হিংসা বলমসাধূনাং ক্ষমাগুণবতাং বলম্ ॥ 55॥
অষ্টৌ তান্যব্রতঘ্নানি আপো মূলং ফলং পয়ঃ ।
হবির্ব্রাহ্মণ কাম্য়া চ গুরোর্বচনমৌষধম্ ॥ 56॥
ন তত্পরস্য় সংদধ্য়াত্প্রতিকূলং যদাত্মনঃ ।
সংগ্রহেণৈষ ধর্মঃ স্য়াত্কামাদন্য়ঃ প্রবর্ততে ॥ 57॥
অক্রোধেন জয়েত্ক্রোধমসাধুং সাধুনা জয়েত্ ।
জয়েত্কদর্য়ং দানেন জয়েত্সত্য়েন চানৃতম্ ॥ 58॥
স্ত্রী ধূর্তকেঽলসে ভীরৌ চংডে পুরুষমানিনি ।
চৌরে কৃতঘ্নে বিশ্বাসো ন কার্য়ো ন চ নাস্তিকে ॥ 59॥
অভিবাদনশীলস্য় নিত্য়ং বৃদ্ধোপসেবিনঃ ।
চত্বারি সংপ্রবর্ধংতে কীর্তিরায়ুর্যশোবলম্ ॥ 60॥
অতিক্লেশেন যেঽর্থাঃ স্য়ুর্ধর্মস্য়াতিক্রমেণ চ ।
অরের্বা প্রণিপাতেন মা স্ম তেষু মনঃ কৃথাঃ ॥ 61॥
অবিদ্য়ঃ পুরুষঃ শোচ্য়ঃ শোচ্য়ং মিথুনমপ্রজম্ ।
নিরাহারাঃ প্রজাঃ শোচ্য়াঃ শোচ্য়ং রাষ্ট্রমরাজকম্ ॥ 62॥
অধ্বা জরা দেহবতাং পর্বতানাং জলং জরা ।
অসংভোগো জরা স্ত্রীণাং বাক্ষল্য়ং মনসো জরা ॥ 63॥
অনাম্নায় মলা বেদা ব্রাহ্মণস্য়াব্রতং মলম্ ।
কৌতূহলমলা সাধ্বী বিপ্রবাস মলাঃ স্ত্রিয়ঃ ॥ 64॥
সুবর্ণস্য় মলং রূপ্য়ং রূপ্যস্য়াপি মলং ত্রপু ।
জ্ঞেয়ং ত্রপু মলং সীসং সীসস্য়াপি মলং মলম্ ॥ 65॥
ন স্বপ্নেন জয়েন্নিদ্রাং ন কামেন স্ত্রিয়ং জয়েত্ ।
নেংধনেন জয়েদগ্নিং ন পানেন সুরাং জয়েত্ ॥ 66॥
যস্য় দানজিতং মিত্রমমিত্রা যুধি নির্জিতাঃ ।
অন্নপানজিতা দারাঃ সফলং তস্য় জীবিতম্ ॥ 67॥
সহস্রিণোঽপি জীবংতি জীবংতি শতিনস্তথা ।
ধৃতরাষ্ট্রং বিমুংচেচ্ছাং ন কথং চিন্ন জীব্যতে ॥ 68॥
যত্পৃথিব্য়াং ব্রীহি যবং হিরণ্য়ং পশবঃ স্ত্রিয়ঃ ।
নালমেকস্য় তত্সর্বমিতি পশ্যন্ন মুহ্যতি ॥ 69॥
রাজন্ভূয়ো ব্রবীমি ত্বাং পুত্রেষু সমমাচর ।
সমতা যদি তে রাজন্স্বেষু পাংডুসুতেষু চ ॥ 70॥
॥ ইতি শ্রীমহাভারতে উদ্য়োগপর্বণি প্রজাগরপর্বণি
বিদুরবাক্য়ে একোনচত্বারিংশোঽধ্য়ায়ঃ ॥ 39॥
প্রায়শই জিজ্ঞাসিত প্রশ্ন
What is বিদুর নীতি - উদ্য়োগ পর্বম্, অধ্য়ায়ঃ 39?
বিদুর নীতি - উদ্য়োগ পর্বম্, অধ্য়ায়ঃ 39 is a devotional text available on Bhakti Granth in the selected language or script.
Which language or script is this version in?
This edition is published in Bengali. Use the language selector to view another available edition.
Can I read বিদুর নীতি - উদ্য়োগ পর্বম্, অধ্য়ায়ঃ 39 online?
Yes. The imported text is available directly on this page for online reading and recitation.
Can I download বিদুর নীতি - উদ্য়োগ পর্বম্, অধ্য়ায়ঃ 39 as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.