উদ্ধবগীতা – প্রথমোঽধ্য়ায়ঃ

শ্রীরাধাকৃষ্ণাভ্য়াং নমঃ ।
শ্রীমদ্ভাগবতপুরাণম্ ।
একাদশঃ স্কংধঃ । উদ্ধব গীতা ।
অথ প্রথমোঽধ্য়ায়ঃ ।

শ্রীবাদরাযণিঃ উবাচ ।
কৃত্বা দৈত্যবধং কৃষ্ণঃ সরমঃ যদুভিঃ বৃতঃ ।
ভুবঃ অবতারবত্ ভারং জবিষ্ঠন্ জনযন্ কলিম্ ॥ 1॥

যে কোপিতাঃ সুবহু পাংডুসুতাঃ সপত্নৈঃ
দুর্দ্য়ূতহেলনকচগ্রহণ আদিভিঃ তান্ ।
কৃত্বা নিমিত্তং ইতর ইতরতঃ সমেতান্
হত্বা নৃপান্ নিরহরত্ ক্ষিতিভারং ঈশঃ ॥ 2॥

ভূভাররাজপৃতনা যদুভিঃ নিরস্য়
গুপ্তৈঃ স্ববাহুভিঃ অচিংতযত্ অপ্রমেয়ঃ ।
মন্য়ে অবনেঃ ননু গতঃ অপি অগতং হি ভারম্
যত্ যাদবং কুলং অহো হি অবিষহ্য়ং আস্তে ॥ 3॥

ন এব অন্যতঃ পরিভবঃ অস্য় ভবেত্ কথংচিত্
মত্ সংশ্রযস্য় বিভব উন্নহন্ অস্য় নিত্যম্ ।
অংতঃকলিং যদুকুলস্য় বিধ্হায় বেণুঃ
তংবস্য় বহ্নিং ইব শাংতিং উপৈমি ধাম ॥ 4॥

এবং ব্যবসিতঃ রাজন্ সত্যসংকল্পঃ ঈশ্বরঃ ।
শাপব্য়াজেন বিপ্রাণাং সংজহ্বে স্বকুলং বিভুঃ ॥ 5॥

স্বমূর্ত্য়া লোকলাবণ্যনির্মুক্ত্য়া লোচনং নৃণাম্ ।
গীর্ভিঃ তাঃ স্মরতাং চিত্তং পদৈঃ তান্ ঈক্ষতাং ক্রিয়া ॥ 6॥

আচ্ছিদ্য় কীর্তিং সুশ্লোকাং বিতত্য় হি অংজসা নু কৌ ।
তমঃ অনয়া তরিষ্য়ংতি ইতি অগাত্ স্বং পদং ঈশ্বরঃ ॥ 7॥

রাজা উবাচ ।
ব্রহ্মণ্য়ানাং বদান্য়ানাং নিত্য়ং বৃদ্ধৌপসেবিনাম্ ।
বিপ্রশাপঃ কথং অভূত্ বৃষ্ণীনাং কৃষ্ণচেতসাম্ ॥ 8॥

যত্ নিমিত্তঃ সঃ বৈ শাপঃ যাদৃশঃ দ্বিজসত্তম ।
কথং একাত্মনাং ভেদঃ এতত্ সর্বং বদস্ব মে ॥ 9॥

শ্রীশুকঃ উবাচ ।
বিভ্রত্ বপুঃ সকলসুংদরসংনিবেশম্
কর্মাচরন্ ভুবি সুমংগলং আপ্তকামঃ ।
আস্থায় ধাম রমমাণঃ উদারকীর্তিঃ
সংহর্তুং ঐচ্ছত কুলং স্থিতকৃত্যশেষঃ ॥ 10॥

কর্মাণি পুণ্যনিবহানি সুমংগলানি
গাযত্ জগত্ কলিমলাপহরাণি কৃত্বা ।
কাল আত্মনা নিবসতা যদুদেবগেহে
পিংডারকং সমগমন্ মুনয়ঃ নিসৃষ্টাঃ ॥ 11॥

বিশ্বামিত্রঃ অসিতঃ কণ্বঃ দুর্বাসাঃ ভৃগুঃ অংগিরাঃ ।
কশ্যপঃ বামদেবঃ অত্রিঃ বসিষ্ঠঃ নারদ আদয়ঃ ॥ 12॥

ক্রীডংতঃ তান্ উপব্রজ্য় কুমারাঃ যদুনংদনাঃ ।
উপসংগৃহ্য় পপ্রচ্ছুঃ অবিনীতা বিনীতবত্ ॥ 13॥

তে বেষয়িত্বা স্ত্রীবেষৈঃ সাংবং জাংববতীসুতম্ ।
এষা পৃচ্ছতি বঃ বিপ্রাঃ অংতর্বত্ ন্যসিত ঈক্ষণা ॥ 14॥

প্রষ্টুং বিলজ্জতি সাক্ষাত্ প্রব্রূত অমোঘদর্শনাঃ ।
প্রসোষ্য়ংতি পুত্রকামা কিংস্বিত্ সংজনয়িষ্যতি ॥ 15॥

এবং প্রলব্ধ্বা মুনয়ঃ তান্ ঊচুঃ কুপিতা নৃপ ।
জনয়িষ্যতি বঃ মংদাঃ মুসলং কুলনাশনম্ ॥ 16॥

তত্ শ‍ঋত্বা তে অতিসংত্রস্তাঃ বিমুচ্য় সহসোদরম্ ।
সাংবস্য় দদৃশুঃ তস্মিন্ মুসলং খলু অযস্মযম্ ॥ 17॥

কিং কৃতং মংদভাগ্য়ৈঃ কিং বদিষ্য়ংতি নঃ জনাঃ ।
ইতি বিহ্বলিতাঃ গেহান্ আদায় মুসলং যয়ুঃ ॥ 18॥

তত্ চ উপনীয় সদসি পরিম্লানমুখশ্রিয়ঃ ।
রাজ্ঞঃ আবেদয়ান্ চক্রুঃ সর্বয়াদবসংনিধৌ ॥ 19॥

শ্রুত্বা অমোঘং বিপ্রশাপং দৃষ্ট্বা চ মুসলং নৃপ ।
বিস্মিতাঃ ভযসংত্রস্তাঃ বভূবুঃ দ্বারকৌকসঃ ॥ 20॥

তত্ চূর্ণয়িত্বা মুসলং যদুরাজঃ সঃ আহুকঃ ।
সমুদ্রসলিলে প্রাস্যত্ লোহং চ অস্য় অবশেষিতম্ ॥ 21॥

কশ্চিত্ মত্স্য়ঃ অগ্রসীত্ লোহং চূর্ণানি তরলৈঃ ততঃ ।
উহ্যমানানি বেলায়াং লগ্নানি আসন্ কিল ঐরিকাঃ ॥ 22॥

মত্স্য়ঃ গৃহীতঃ মত্স্যঘ্নৈঃ জালেন অন্য়ৈঃ সহ অর্ণবে ।
তস্য় উদরগতং লোহং সঃ শল্য়ে লুব্ধকঃ অকরোত্ ॥ 23॥

ভগবান্ জ্ঞাতসর্বার্থঃ ঈশ্বরঃ অপি তদন্যথা ।
কর্তুং ন ঐচ্ছত্ বিপ্রশাপং কালরূপী অন্বমোদত ॥ 24॥

ইতি শ্রীমদ্ভাগবতে মহাপুরাণে পারমহংস্য়াং
সংহিতায়ামেকাদশস্কংধে বিপ্রশাপো নাম প্রথমোঽধ্য়ায়ঃ ॥