শ্রী বেংকটেশ্বর সহস্রনাম স্তোত্রম্

শ্রীবসিষ্ঠ উবাচ ।
ভগবন্ কেন বিধিনা নামভির্বেংকটেশ্বরম্ ।
পূজয়ামাস তং দেবং ব্রহ্মা তু কমলৈঃ শুভৈঃ ॥ 1 ॥

পৃচ্ছামি তানি নামানি গুণয়োগপরাণি কিম্ ।
মুখ্যবৃত্তীনি কিং ব্রূহি লক্ষকাণ্যথবা হরেঃ ॥ 2 ॥

নারদ উবাচ ।
নামান্যনংতানি হরেঃ গুণয়োগানি কানি চিত্ ।
মুখ্যবৃত্তীনি চান্য়ানি লক্ষকাণ্যপরাণি চ ॥ 3 ॥

পরমার্থৈঃ সর্বশব্দৈরেকো জ্ঞেয়ঃ পরঃ পুমান্ ।
আদিমধ্য়াংতরহিতস্ত্বব্যক্তোঽনংতরূপভৃত্ ॥ 4 ॥

চংদ্রার্কবহ্নিবায়্বাদ্য়া গ্রহর্ক্ষাণি নভো দিশঃ ।
অন্বযব্যতিরেকাভ্য়াং সংতি নো সংতি যন্মতেঃ ॥ 5 ॥

তস্য় দেবস্য় নাম্নাং হি পারং গংতুং হি কঃ ক্ষমঃ ।
তথাঽপি চাভিধানানি বেংকটেশস্য় কানিচিত্ ॥ 6 ॥

ব্রহ্মগীতানি পুণ্য়ানি তানি বক্ষ্য়ামি সুব্রত ।
যদুচ্চারণমাত্রেণ বিমুক্তাঘঃ পরং ব্রজেত্ ॥ 7 ॥

বেংকটেশস্য় নাম্নাং হি সহস্রস্য় ঋষির্বিধিঃ ।
ছংদোঽনুষ্টুপ্তথা দেবঃ শ্রীবত্সাংকো রমাপতিঃ ॥ 8 ॥

বীজভূতস্তথোংকারো হ্রীং ক্লীং শক্তিশ্চ কীলকম্ ।
ওং নমো বেংকটেশায়েত্য়াদির্মংত্রোঽত্র কথ্যতে ॥ 9 ॥

ব্রহ্মাংডগর্ভঃ কবচমস্ত্রং চক্রগদাধরঃ ।
বিনিয়োগোঽভীষ্টসিদ্ধৌ হৃদয়ং সামগাযনঃ ॥ 10 ॥

অস্য় শ্রী বেংকটেশ সহস্রনাম স্তোত্র মহামংত্রস্য় ব্রহ্মা ঋষিঃ অনুষ্টুপ্ ছংদঃ শ্রীবত্সাংকো রমাপতির্দেবতা ওং বীজং হ্রীং শক্তিঃ ক্লীং কীলকং ব্রহ্মাংডগর্ভ ইতি কবচং চক্রগদাধর ইত্যস্ত্রং সামগানমিতি হৃদয়ং ওং নমো বেংকটেশায়েত্য়াদির্মংত্রঃ শ্রী বেংকটেশ প্রীত্যর্থে জপে বিনিয়োগঃ ॥

ধ্য়ানম্
ভাস্বচ্চংদ্রমসৌ যদীযনযনে ভার্য়া যদীয়া রমা
যস্মাদ্বিশ্বসৃডপ্যভূদ্যমিকুলং যদ্ধ্য়ানয়ুক্তং সদা
নাথো যো জগতাং নগেংদ্রদুহিতুর্নাথোঽপি যদ্ভক্তিমান্
তাতো যো মদনস্য় যো দুরিতহা তং বেংকটেশং ভজে ॥

ঊর্ধ্বৌ হস্তৌ যদীয়ৌ সুররিপুদলনে বিভ্রতৌ শংখচক্রে
সেব্য়াবংঘ্রী স্বকীয়াবভিদধদধরো দক্ষিণো যস্য় পাণিঃ ।
তাবন্মাত্রং ভবাব্ধিং গমযতি ভজতামূরুগো বামপাণিঃ
শ্রীবত্সাংকশ্চ লক্ষ্মীর্যদুরসি লসতস্তং ভজে বেংকটেশম্ ॥

ইতি ধ্য়াযন্ বেংকটেশং শ্রীবত্সাংকং রমাপতিম্ ।
বেংকটেশো বিরূপাক্ষ ইত্য়ারভ্য় জপেত্ক্রমাত্ ॥

স্তোত্রং
ওং বেংকটেশো বিরূপাক্ষো বিশ্বেশো বিশ্বভাবনঃ ।
বিশ্বসৃড্বিশ্বসংহর্তা বিশ্বপ্রাণো বিরাড্বপুঃ ॥ 1 ॥

শেষাদ্রিনিলয়োঽশেষভক্তদুঃখপ্রণাশনঃ ।
শেষস্তুত্য়ঃ শেষশায়ী বিশেষজ্ঞো বিভুঃ স্বভূঃ ॥ 2 ॥

বিষ্ণুর্জিষ্ণুশ্চ বর্ধিষ্ণুরুত্সহিষ্ণুঃ সহিষ্ণুকঃ ।
ভ্রাজিষ্ণুশ্চ গ্রসিষ্ণুশ্চ বর্তিষ্ণুশ্চ ভরিষ্ণুকঃ ॥ 3 ॥

কালয়ংতা কালগোপ্তা কালঃ কালাংতকোঽখিলঃ ।
কালগম্য়ঃ কালকংঠবংদ্য়ঃ কালকলেশ্বরঃ ॥ 4 ॥

শংভুঃ স্বয়ংভূরংভোজনাভিঃ স্তংভিতবারিধিঃ ।
অংভোধিনংদিনীজানিঃ শোণাংভোজপদপ্রভঃ ॥ 5 ॥

কংবুগ্রীবঃ শংবরারিরূপঃ শংবরজেক্ষণঃ ।
বিংবাধরো বিংবরূপী প্রতিবিংবক্রিয়াতিগঃ ॥ 6 ॥

গুণবান্ গুণগম্যশ্চ গুণাতীতো গুণপ্রিয়ঃ ।
দুর্গুণধ্বংসকৃত্সর্বসুগুণো গুণভাসকঃ ॥ 7 ॥

পরেশঃ পরমাত্মা চ পরংজ্য়োতিঃ পরা গতিঃ ।
পরং পদং বিযদ্বাসাঃ পারংপর্যশুভপ্রদঃ ॥ 8 ॥

ব্রহ্মাংডগর্ভো ব্রহ্মণ্য়ো ব্রহ্মসৃড্ব্রহ্মবোধিতঃ ।
ব্রহ্মস্তুত্য়ো ব্রহ্মবাদী ব্রহ্মচর্যপরাযণঃ ॥ 9 ॥

সত্যব্রতার্থসংতুষ্টঃ সত্যরূপী ঝষাংগবান্ ।
সোমকপ্রাণহারী চাঽঽনীতাম্নায়োঽব্ধিসংচরঃ ॥ 10 ॥

দেবাসুরবরস্তুত্য়ঃ পতন্মংদরধারকঃ ।
ধন্বংতরিঃ কচ্ছপাংগঃ পয়োনিধিবিমংথকঃ ॥ 11 ॥

অমরামৃতসংধাতা ধৃতসং‍মোহিনীবপুঃ ।
হরমোহকমায়াবী রক্ষস্সংদোহভংজনঃ ॥ 12 ॥

হিরণ্য়াক্ষবিদারী চ যজ্ঞো যজ্ঞবিভাবনঃ ।
যজ্ঞীয়োর্বীসমুদ্ধর্তা লীলাক্রোডঃ প্রতাপবান্ ॥ 13 ॥

দংডকাসুরবিধ্বংসী বক্রদংষ্ট্রঃ ক্ষমাধরঃ ।
গংধর্বশাপহরণঃ পুণ্যগংধো বিচক্ষণঃ ॥ 14 ॥

করালবক্ত্রঃ সোমার্কনেত্রঃ ষড্গুণবৈভবঃ ।
শ্বেতঘোণী ঘূর্ণিতভ্রূর্ঘুর্ঘুরধ্বনিবিভ্রমঃ ॥ 15 ॥

দ্রাঘীয়ান্ নীলকেশী চ জাগ্রদংবুজলোচনঃ ।
ঘৃণাবান্ ঘৃণিসম্মোহো মহাকালাগ্নিদীধিতিঃ ॥ 16 ॥

জ্বালাকরালবদনো মহোল্কাকুলবীক্ষণঃ ।
সটানির্ভিন্নমেঘৌঘো দংষ্ট্রারুগ্ব্য়াপ্তদিক্তটঃ ॥ 17 ॥

উচ্ছ্বাসাকৃষ্টভূতেশো নিশ্শ্বাসত্যক্তবিশ্বসৃট্ ।
অংতর্ভ্রমজ্জগদ্গর্ভোঽনংতো ব্রহ্মকপালহৃত্ ॥ 18 ॥

উগ্রো বীরো মহাবিষ্ণুর্জ্বলনঃ সর্বতোমুখঃ ।
নৃসিংহো ভীষণো ভদ্রো মৃত্য়ুমৃত্য়ুঃ সনাতনঃ ॥ 19 ॥

সভাস্তংভোদ্ভবো ভীমঃ শীরোমালী মহেশ্বরঃ ।
দ্বাদশাদিত্যচূডালঃ কল্পধূমসটাচ্ছবিঃ ॥ 20 ॥

হিরণ্যকোরঃস্থলভিন্নখঃ সিংহমুখোঽনঘঃ ।
প্রহ্লাদবরদো ধীমান্ ভক্তসংঘপ্রতিষ্ঠিতঃ ॥ 21 ॥

ব্রহ্মরুদ্রাদিসংসেব্য়ঃ সিদ্ধসাধ্যপ্রপূজিতঃ ।
লক্ষ্মীনৃসিংহো দেবেশো জ্বালাজিহ্বাংত্রমালিকঃ ॥ 22 ॥

খড্গী খেটী মহেষ্বাসী কপালী মুসলী হলী ।
পাশী শূলী মহাবাহুর্জ্বরঘ্নো রোগলুংঠকঃ ॥ 23 ॥

মৌংজীয়ুক্ ছাত্রকো দংডী কৃষ্ণাজিনধরো বটুঃ ।
অধীতবেদো বেদাংতোদ্ধারকো ব্রহ্মনৈষ্ঠিকঃ ॥ 24 ॥

অহীনশযনপ্রীতঃ আদিতেয়োঽনঘো হরিঃ ।
সংবিত্প্রিয়ঃ সামবেদ্য়ো বলিবেশ্মপ্রতিষ্ঠিতঃ ॥ 25 ॥

বলিক্ষালিতপাদাব্জো বিংধ্য়াবলিবিমানিতঃ ।
ত্রিপাদভূমিস্বীকর্তা বিশ্বরূপপ্রদর্শকঃ ॥ 26 ॥

ধৃতত্রিবিক্রমঃ স্বাংঘ্রিনখভিন্নাংডখর্পরঃ ।
পজ্জাতবাহিনীধারাপবিত্রিতজগত্ত্রয়ঃ ॥ 27 ॥

বিধিসম্মানিতঃ পুণ্য়ো দৈত্যয়োদ্ধা জয়োর্জিতঃ ।
সুররাজ্যপ্রদঃ শুক্রমদহৃত্সুগতীশ্বরঃ ॥ 28 ॥

জামদগ্ন্য়ঃ কুঠারী চ কার্তবীর্যবিদারণঃ ।
রেণুকায়াঃ শিরোহারী দুষ্টক্ষত্রিযমর্দনঃ ॥ 29 ॥

বর্চস্বী দানশীলশ্চ ধনুষ্মান্ ব্রহ্মবিত্তমঃ ।
অত্য়ুদগ্রঃ সমগ্রশ্চ ন্যগ্রোধো দুষ্টনিগ্রহঃ ॥ 30 ॥

রবিবংশসমুদ্ভূতো রাঘবো ভরতাগ্রজঃ ।
কৌসল্য়াতনয়ো রামো বিশ্বামিত্রপ্রিয়ংকরঃ ॥ 31 ॥

তাটকারিঃ সুবাহুঘ্নো বলাতিবলমংত্রবান্ ।
অহল্য়াশাপবিচ্ছেদী প্রবিষ্টজনকালয়ঃ ॥ 32 ॥

স্বয়ংবরসভাসংস্থ ঈশচাপপ্রভংজনঃ ।
জানকীপরিণেতা চ জনকাধীশসংস্তুতঃ ॥ 33 ॥

জমদগ্নিতনূজাতয়োদ্ধাঽয়োধ্য়াধিপাগ্রণীঃ ।
পিতৃবাক্যপ্রতীপালস্ত্যক্তরাজ্য়ঃ সলক্ষ্মণঃ ॥ 34 ॥

সসীতশ্চিত্রকূটস্থো ভরতাহিতরাজ্যকঃ ।
কাকদর্পপ্রহর্তা চ দংডকারণ্যবাসকঃ ॥ 35 ॥

পংচবট্য়াং বিহারী চ স্বধর্মপরিপোষকঃ ।
বিরাধহাঽগস্ত্যমুখ্যমুনিসম্মানিতঃ পুমান্ ॥ 36 ॥

ইংদ্রচাপধরঃ খড্গধরশ্চাক্ষযসাযকঃ ।
খরাংতকো দূষণারিস্ত্রিশিরস্করিপুর্বৃষঃ ॥ 37 ॥

ততঃ শূর্পণখানাসাচ্ছেত্তা বল্কলধারকঃ ।
জটাবান্ পর্ণশালাস্থো মারীচবলমর্দকঃ ॥ 38 ॥

পক্ষিরাট্কৃতসংবাদো রবিতেজা মহাবলঃ ।
শবর্য়ানীতফলভুক্ হনূমত্পরিতোষিতঃ ॥ 39 ॥

সুগ্রীবাঽভযদো দৈত্যকাযক্ষেপণভাসুরঃ ।
সপ্ততালসমুচ্ছেত্তা বালিহৃত্কপিসংবৃতঃ ॥ 40 ॥

বায়ুসূনুকৃতাসেবস্ত্যক্তপংপঃ কুশাসনঃ ।
উদন্বত্তীরগঃ শূরো বিভীষণবরপ্রদঃ ॥ 41 ॥

সেতুকৃদ্দৈত্যহা প্রাপ্তলংকোঽলংকারবান্ স্বযম্ ।
অতিকাযশিরশ্ছেত্তা কুংভকর্ণবিভেদনঃ ॥ 42 ॥

দশকংঠশিরোধ্বংসী জাংববত্প্রমুখাবৃতঃ ।
জানকীশঃ সুরাধ্যক্ষঃ সাকেতেশঃ পুরাতনঃ ॥ 43 ॥

পুণ্যশ্লোকো বেদবেদ্য়ঃ স্বামিতীর্থনিবাসকঃ ।
লক্ষ্মীসরঃকেলিলোলো লক্ষ্মীশো লোকরক্ষকঃ ॥ 44 ॥

দেবকীগর্ভসংভূতো যশোদেক্ষণলালিতঃ ।
বসুদেবকৃতস্তোত্রো নংদগোপমনোহরঃ ॥ 45 ॥

চতুর্ভুজঃ কোমলাংগো গদাবান্নীলকুংতলঃ ।
পূতনাপ্রাণসংহর্তা তৃণাবর্তবিনাশনঃ ॥ 46 ॥

গর্গারোপিতনামাংকো বাসুদেবো হ্যধোক্ষজঃ ।
গোপিকাস্তন্যপায়ী চ বলভদ্রানুজোঽচ্য়ুতঃ ॥ 47 ॥

বৈয়াঘ্রনখভূষশ্চ বত্সজিদ্বত্সবর্ধনঃ ।
ক্ষীরসারাশনরতো দধিভাংডপ্রমর্দনঃ ॥ 48 ॥

নবনীতাপহর্তা চ নীলনীরদভাসুরঃ ।
আভীরদৃষ্টদৌর্জন্য়ো নীলপদ্মনিভাননঃ ॥ 49 ॥

মাতৃদর্শিতবিশ্বাঽঽস্য় উলূখলনিবংধনঃ ।
নলকূবরশাপাংতো গোধূলিচ্ছুরিতাংগকঃ ॥ 50 ॥

গোসংঘরক্ষকঃ শ্রীশো বৃংদারণ্যনিবাসকঃ ।
বত্সাংতকো বকদ্বেষী দৈত্য়াংবুদমহানিলঃ ॥ 51 ॥

মহাজগরচংডাগ্নিঃ শকটপ্রাণকংটকঃ ।
ইংদ্রসেব্য়ঃ পুণ্যগাত্রঃ খরজিচ্চংডদীধিতিঃ ॥ 52 ॥

তালপক্বফলাশী চ কালীযফণিদর্পহা ।
নাগপত্নীস্তুতিপ্রীতঃ প্রলংবাসুরখংডনঃ ॥ 53 ॥

দাবাগ্নিবলসংহারী ফলাহারী গদাগ্রজঃ ।
গোপাংগনাচেলচোরঃ পাথোলীলাবিশারদঃ ॥ 54 ॥

বংশগানপ্রবীণশ্চ গোপীহস্তাংবুজার্চিতঃ ।
মুনিপত্ন্য়াহৃতাহারো মুনিশ্রেষ্ঠো মুনিপ্রিয়ঃ ॥ 55 ॥

গোবর্ধনাদ্রিসংধর্তা সংক্রংদনতমোঽপহঃ ।
সদুদ্য়ানবিলাসী চ রাসক্রীডাপরাযণঃ ॥ 56 ॥

বরুণাভ্যর্চিতো গোপীপ্রার্থিতঃ পুরুষোত্তমঃ ।
অক্রূরস্তুতিসংপ্রীতঃ কুব্জায়ৌবনদাযকঃ ॥ 57 ॥

মুষ্টিকোরঃপ্রহারী চ চাণূরোদরদারণঃ ।
মল্লয়ুদ্ধাগ্রগণ্যশ্চ পিতৃবংধনমোচকঃ ॥ 58 ॥

মত্তমাতংগপংচাস্য়ঃ কংসগ্রীবানিকৃংতনঃ ।
উগ্রসেনপ্রতিষ্ঠাতা রত্নসিংহাসনস্থিতঃ ॥ 59 ॥

কালনেমিখলদ্বেষী মুচুকুংদবরপ্রদঃ ।
সাল্বসেবিতদুর্ধর্ষরাজস্মযনিবারণঃ ॥ 60 ॥

রুক্মিগর্বাপহারী চ রুক্মিণীনযনোত্সবঃ ।
প্রদ্য়ুম্নজনকঃ কামী প্রদ্য়ুম্নো দ্বারকাধিপঃ ॥ 61 ॥

মণ্য়াহর্তা মহামায়ো জাংববত্কৃতসংগরঃ ।
জাংবূনদাংবরধরো গম্য়ো জাংববতীবিভুঃ ॥ 62 ॥

কালিংদীপ্রথিতারামকেলির্গুংজাবতংসকঃ ।
মংদারসুমনোভাস্বান্ শচীশাভীষ্টদাযকঃ ॥ 63 ॥

সত্রাজিন্মানসোল্লাসী সত্য়াজানিঃ শুভাবহঃ ।
শতধন্বহরঃ সিদ্ধঃ পাংডবপ্রিযকোত্সবঃ ॥ 64 ॥

ভদ্রপ্রিয়ঃ সুভদ্রায়া ভ্রাতা নাগ্নাজিতীবিভুঃ ।
কিরীটকুংডলধরঃ কল্পপল্লবলালিতঃ ॥ 65 ॥

ভৈষ্মীপ্রণযভাষাবান্ মিত্রবিংদাধিপোঽভয়ঃ ।
স্বমূর্তিকেলিসংপ্রীতো লক্ষ্মণোদারমানসঃ ॥ 66 ॥

প্রাগ্জ্য়োতিষাধিপধ্বংসী তত্সৈন্য়াংতকরোঽমৃতঃ ।
ভূমিস্তুতো ভূরিভোগো ভূষণাংবরসংয়ুতঃ ॥ 67 ॥

বহুরামাকৃতাহ্লাদো গংধমাল্য়ানুলেপনঃ ।
নারদাদৃষ্টচরিতো দেবেশো বিশ্বরাড্গুরুঃ ॥ 68 ॥

বাণবাহুবিদারশ্চ তাপজ্বরবিনাশকঃ ।
উষোদ্ধর্ষয়িতাঽব্যক্তঃ শিববাক্তুষ্টমানসঃ ॥ 69 ॥

মহেশজ্বরসংস্তুত্য়ঃ শীতজ্বরভয়াংতকঃ ।
নৃগরাজোদ্ধারকশ্চ পৌংড্রকাদিবধোদ্যতঃ ॥ 70 ॥

বিবিধারিচ্ছলোদ্বিগ্নব্রাহ্মণেষু দয়াপরঃ ।
জরাসংধবলদ্বেষী কেশিদৈত্যভয়ংকরঃ ॥ 71 ॥

চক্রী চৈদ্য়াংতকঃ সভ্য়ো রাজবংধবিমোচকঃ ।
রাজসূযহবির্ভোক্তা স্নিগ্ধাংগঃ শুভলক্ষণঃ ॥ 72 ॥

ধানাভক্ষণসংপ্রীতঃ কুচেলাভীষ্টদাযকঃ ।
সত্ত্বাদিগুণগংভীরো দ্রৌপদীমানরক্ষকঃ ॥ 73 ॥

ভীষ্মধ্য়েয়ো ভক্তবশ্য়ো ভীমপূজ্য়ো দয়ানিধিঃ ।
দংতবক্ত্রশিরশ্ছেত্তা কৃষ্ণঃ কৃষ্ণাসখঃ স্বরাট্ ॥ 74 ॥

বৈজয়ংতীপ্রমোদী চ বর্হিবর্হবিভূষণঃ ।
পার্থকৌরবসংধানকারী দুশ্শাসনাংতকঃ ॥ 75 ॥

বুদ্ধো বিশুদ্ধঃ সর্বজ্ঞঃ ক্রতুহিংসাবিনিংদকঃ ।
ত্রিপুরস্ত্রীমানভংগঃ সর্বশাস্ত্রবিশারদঃ ॥ 76 ॥

নির্বিকারো নির্মমশ্চ নিরাভাসো নিরাময়ঃ ।
জগন্মোহকধর্মী চ দিগ্বস্ত্রো দিক্পতীশ্বরঃ ॥ 77 ॥

কল্কী ম্লেচ্ছপ্রহর্তা চ দুষ্টনিগ্রহকারকঃ ।
ধর্মপ্রতিষ্টাকারী চ চাতুর্বর্ণ্যবিভাগকৃত্ ॥ 78 ॥

যুগাংতকো যুগাক্রাংতো যুগকৃদ্য়ুগভাসকঃ ।
কামারিঃ কামকারী চ নিষ্কামঃ কামিতার্থদঃ ॥ 79 ॥

ভর্গো বরেণ্য়ঃ সবিতুঃ শারংগী বৈকুংঠমংদিরঃ ।
হযগ্রীবঃ কৈটভারিঃ গ্রাহঘ্নো গজরক্ষকঃ ॥ 80 ॥

সর্বসংশযবিচ্ছেত্তা সর্বভক্তসমুত্সুকঃ ।
কপর্দী কামহারী চ কলা কাষ্ঠা স্মৃতির্ধৃতিঃ ॥ 81 ॥

অনাদিরপ্রমেয়ৌজাঃ প্রধানঃ সন্নিরূপকঃ ।
নির্লেপো নিঃস্পৃহোঽসংগো নির্ভয়ো নীতিপারগঃ ॥ 82 ॥

নিষ্প্রেষ্য়ো নিষ্ক্রিয়ঃ শাংতো নিষ্প্রপংচো নিধির্নয়ঃ
কর্ম্যকর্মী বিকর্মী চ কর্মেপ্সুঃ কর্মভাবনঃ ॥ 83 ॥

কর্মাংগঃ কর্মবিন্য়াসো মহাকর্মী মহাব্রতী ।
কর্মভুক্কর্মফলদঃ কর্মেশঃ কর্মনিগ্রহঃ ॥ 84 ॥

নরো নারাযণো দাংতঃ কপিলঃ কামদঃ শুচিঃ ।
তপ্তা জপ্তাঽক্ষমালাবান্ গংতা নেতা লয়ো গতিঃ ॥ 85 ॥

শিষ্টো দ্রষ্টা রিপুদ্বেষ্টা রোষ্টা বেষ্টা মহানটঃ ।
রোদ্ধা বোদ্ধা মহায়োদ্ধা শ্রদ্ধাবান্ সত্যধীঃ শুভঃ ॥ 86 ॥

মংত্রী মংত্রো মংত্রগম্য়ো মংত্রকৃত্পরমংত্রহৃত্ ।
মংত্রভৃন্মংত্রফলদো মংত্রেশো মংত্রবিগ্রহঃ ॥ 87 ॥

মংত্রাংগো মংত্রবিন্য়াসো মহামংত্রো মহাক্রমঃ ।
স্থিরধীঃ স্থিরবিজ্ঞানঃ স্থিরপ্রজ্ঞঃ স্থিরাসনঃ ॥ 88 ॥

স্থিরয়োগঃ স্থিরাধারঃ স্থিরমার্গঃ স্থিরাগমঃ ।
নিশ্শ্রেযসো নিরীহোঽগ্নির্নিরবদ্য়ো নিরংজনঃ ॥ 89 ॥

নির্বৈরো নিরহংকারো নির্দংভো নিরসূযকঃ ।
অনংতোঽনংতবাহূরুরনংতাংঘ্রিরনংতদৃক্ ॥ 90 ॥

অনংতবক্ত্রোঽনংতাংগোঽনংতরূপো হ্যনংতকৃত্ ।
ঊর্ধ্বরেতা ঊর্ধ্বলিংগো হ্য়ূর্ধ্বমূর্ধোর্ধ্বশাখকঃ ॥ 91 ॥

ঊর্ধ্ব ঊর্ধ্বাধ্বরক্ষী চ হ্য়ূর্ধ্বজ্বালো নিরাকুলঃ ।
বীজং বীজপ্রদো নিত্য়ো নিদানং নিষ্কৃতিঃ কৃতী ॥ 92 ॥

মহানণীযন্ গরিমা সুষমা চিত্রমালিকঃ ।
নভঃ স্পৃঙ্নভসো জ্য়োতির্নভস্বান্নির্নভা নভঃ ॥ 93 ॥

অভুর্বিভুঃ প্রভুঃ শংভুর্মহীয়ান্ ভূর্ভুবাকৃতিঃ ।
মহানংদো মহাশূরো মহোরাশির্মহোত্সবঃ ॥ 94 ॥

মহাক্রোধো মহাজ্বালো মহাশাংতো মহাগুণঃ ।
সত্যব্রতঃ সত্যপরঃ সত্যসংধঃ সতাং গতিঃ ॥ 95 ॥

সত্য়েশঃ সত্যসংকল্পঃ সত্যচারিত্রলক্ষণঃ ।
অংতশ্চরো হ্য়ংতরাত্মা পরমাত্মা চিদাত্মকঃ ॥ 96 ॥

রোচনো রোচমানশ্চ সাক্ষী শৌরির্জনার্দনঃ ।
মুকুংদো নংদনিষ্পংদঃ স্বর্ণবিংদুঃ পুরংদরঃ ॥ 97 ॥

অরিংদমঃ সুমংদশ্চ কুংদমংদারহাসবান্ ।
স্য়ংদনারূঢচংডাংগো হ্য়ানংদী নংদনংদনঃ ॥ 98 ॥

অনসূয়ানংদনোঽত্রিনেত্রানংদঃ সুনংদবান্ ।
শংখবান্পংকজকরঃ কুংকুমাংকো জয়াংকুশঃ ॥ 99 ॥

অংভোজমকরংদাঢ্য়ো নিষ্পংকোঽগরুপংকিলঃ ।
ইংদ্রশ্চংদ্ররথশ্চংদ্রোঽতিচংদ্রশ্চংদ্রভাসকঃ ॥ 100 ॥

উপেংদ্র ইংদ্ররাজশ্চ বাগিংদ্রশ্চংদ্রলোচনঃ ।
প্রত্যক্ পরাক্ পরংধাম পরমার্থঃ পরাত্পরঃ ॥ 101 ॥

অপারবাক্ পারগামী পারাবারঃ পরাবরঃ ।
সহস্বানর্থদাতা চ সহনঃ সাহসী জয়ী ॥ 102 ॥

তেজস্বী বায়ুবিশিখী তপস্বী তাপসোত্তমঃ ।
ঐশ্বর্য়োদ্ভূতিকৃদ্ভূতিরৈশ্বর্য়াংগকলাপবান্ ॥ 103 ॥

অংভোধিশায়ী ভগবান্ সর্বজ্ঞঃ সামপারগঃ ।
মহায়োগী মহাধীরো মহাভোগী মহাপ্রভুঃ ॥ 104 ॥

মহাবীরো মহাতুষ্টির্মহাপুষ্টির্মহাগুণঃ ।
মহাদেবো মহাবাহুর্মহাধর্মো মহেশ্বরঃ ॥ 105 ॥

সমীপগো দূরগামী স্বর্গমার্গনিরর্গলঃ ।
নগো নগধরো নাগো নাগেশো নাগপালকঃ ॥ 106 ॥

হিরণ্ময়ঃ স্বর্ণরেতা হিরণ্য়ার্চির্হিরণ্যদঃ ।
গুণগণ্য়ঃ শরণ্যশ্চ পুণ্যকীর্তিঃ পুরাণগঃ ॥ 107 ॥

জন্যভৃজ্জন্যসন্নদ্ধো দিব্যপংচায়ুধো বশী ।
দৌর্জন্যভংগঃ পর্জন্য়ঃ সৌজন্যনিলয়োঽলয়ঃ ॥ 108 ॥

জলংধরাংতকো ভস্মদৈত্যনাশী মহামনাঃ ।
শ্রেষ্ঠঃ শ্রবিষ্ঠো দ্রাঘিষ্ঠো গরিষ্ঠো গরুডধ্বজঃ ॥ 109 ॥

জ্য়েষ্ঠো দ্রঢিষ্ঠো বর্ষিষ্ঠো দ্রাঘীয়ান্ প্রণবঃ ফণী ।
সংপ্রদাযকরঃ স্বামী সুরেশো মাধবো মধুঃ ॥ 110 ॥

নির্নিমেষো বিধির্বেধা বলবান্ জীবনং বলী ।
স্মর্তা শ্রোতা বিকর্তা চ ধ্য়াতা নেতা সমোঽসমঃ ॥ 111 ॥

হোতা পোতা মহাবক্তা রংতা মংতা খলাংতকঃ ।
দাতা গ্রাহয়িতা মাতা নিয়ংতাঽনংতবৈভবঃ ॥ 112 ॥

গোপ্তা গোপয়িতা হংতা ধর্মজাগরিতা ধবঃ ।
কর্তা ক্ষেত্রকরঃ ক্ষেত্রপ্রদঃ ক্ষেত্রজ্ঞ আত্মবিত্ ॥ 113 ॥

ক্ষেত্রী ক্ষেত্রহরঃ ক্ষেত্রপ্রিয়ঃ ক্ষেমকরো মরুত্ ।
ভক্তিপ্রদো মুক্তিদায়ী শক্তিদো যুক্তিদাযকঃ ॥ 114 ॥

শক্তিয়ুঙ্মৌক্তিকস্রগ্বী সূক্তিরাম্নাযসূক্তিগঃ ।
ধনংজয়ো ধনাধ্যক্ষো ধনিকো ধনদাধিপঃ ॥ 115 ॥

মহাধনো মহামানী দুর্য়োধনবিমানিতঃ ।
রত্নাকরো রত্নরোচী রত্নগর্ভাশ্রয়ঃ শুচিঃ ॥ 116 ॥

রত্নসানুনিধির্মৌলিরত্নভা রত্নকংকণঃ ।
অংতর্লক্ষ্য়োঽংতরভ্য়াসী চাংতর্ধ্য়েয়ো জিতাসনঃ ॥ 117 ॥

অংতরংগো দয়াবাংশ্চ হ্য়ংতর্মায়ো মহার্ণবঃ ।
সরসঃ সিদ্ধরসিকঃ সিদ্ধিঃ সাধ্য়ঃ সদাগতিঃ ॥ 118 ॥

আয়ুঃপ্রদো মহায়ুষ্মানর্চিষ্মানোষধীপতিঃ ।
অষ্টশ্রীরষ্টভাগোঽষ্টককুব্ব্য়াপ্তযশো ব্রতী ॥ 119 ॥

অষ্টাপদঃ সুবর্ণাভো হ্যষ্টমূর্তিস্ত্রিমূর্তিমান্ ।
অস্বপ্নঃ স্বপ্নগঃ স্বপ্নঃ সুস্বপ্নফলদাযকঃ ॥ 120 ॥

দুঃস্বপ্নধ্বংসকো ধ্বস্তদুর্নিমিত্তঃ শিবংকরঃ ।
সুবর্ণবর্ণঃ সংভাব্য়ো বর্ণিতো বর্ণসম্মুখঃ ॥ 121 ॥

সুবর্ণমুখরীতীরশিবধ্য়াতপদাংবুজঃ ।
দাক্ষাযণীবচস্তুষ্টো দূর্বাসোদৃষ্টিগোচরঃ ॥ 122 ॥

অংবরীষব্রতপ্রীতো মহাকৃত্তিবিভংজনঃ ।
মহাভিচারকধ্বংসী কালসর্পভয়াংতকঃ ॥ 123 ॥

সুদর্শনঃ কালমেঘশ্য়ামঃ শ্রীমংত্রভাবিতঃ ।
হেমাংবুজসরঃস্নায়ী শ্রীমনোভাবিতাকৃতিঃ ॥ 124 ॥

শ্রীপ্রদত্তাংবুজস্রগ্বী শ্রীকেলিঃ শ্রীনিধির্ভবঃ ।
শ্রীপ্রদো বামনো লক্ষ্মীনাযকশ্চ চতুর্ভুজঃ ॥ 125 ॥

সংতৃপ্তস্তর্পিতস্তীর্থস্নাতৃসৌখ্যপ্রদর্শকঃ ।
অগস্ত্যস্তুতিসংহৃষ্টো দর্শিতাব্যক্তভাবনঃ ॥ 126 ॥

কপিলার্চিঃ কপিলবান্ সুস্নাতাঘবিপাটনঃ ।
বৃষাকপিঃ কপিস্বামিমনোঽংতঃস্থিতবিগ্রহঃ ॥ 127 ॥

বহ্নিপ্রিয়োঽর্থসংভাব্য়ো জনলোকবিধাযকঃ ।
বহ্নিপ্রভো বহ্নিতেজাঃ শুভাভীষ্টপ্রদো যমী ॥ 128 ॥

বারুণক্ষেত্রনিলয়ো বরুণো বারণার্চিতঃ ।
বায়ুস্থানকৃতাবাসো বায়ুগো বায়ুসংভৃতঃ ॥ 129 ॥

যমাংতকোঽভিজননো যমলোকনিবারণঃ ।
যমিনামগ্রগণ্যশ্চ সংযমী যমভাবিতঃ ॥ 130 ॥

ইংদ্রোদ্য়ানসমীপস্থঃ ইংদ্রদৃগ্বিষয়ঃ প্রভুঃ ।
যক্ষরাট্ সরসীবাসো হ্যক্ষয়্যনিধিকোশকৃত্ ॥ 131 ॥

স্বামিতীর্থকৃতাবাসঃ স্বামিধ্য়েয়ো হ্যধোক্ষজঃ ।
বরাহাদ্যষ্টতীর্থাভিসেবিতাংঘ্রিসরোরুহঃ ॥ 132 ॥

পাংডুতীর্থাভিষিক্তাংগো যুধিষ্ঠিরবরপ্রদঃ ।
ভীমাংতঃকরণারূঢঃ শ্বেতবাহনসখ্যবান্ ॥ 133 ॥

নকুলাভযদো মাদ্রীসহদেবাভিবংদিতঃ ।
কৃষ্ণাশপথসংধাতা কুংতীস্তুতিরতো দমী ॥ 134 ॥

নারদাদিমুনিস্তুত্য়ো নিত্যকর্মপরাযণঃ ।
দর্শিতাব্যক্তরূপশ্চ বীণানাদপ্রমোদিতঃ ॥ 135 ॥

ষট্কোটিতীর্থচর্য়াবান্ দেবতীর্থকৃতাশ্রমঃ ।
বিল্বামলজলস্নায়ী সরস্বত্য়ংবুসেবিতঃ ॥ 136 ॥

তুংবুরূদকসংস্পর্শজনচিত্ততমোঽপহঃ ।
মত্স্যবামনকূর্মাদিতীর্থরাজঃ পুরাণভৃত্ ॥ 137 ॥

চক্রধ্য়েযপদাংভোজঃ শংখপূজিতপাদুকঃ ।
রামতীর্থবিহারী চ বলভদ্রপ্রতিষ্ঠিতঃ ॥ 138 ॥

জামদগ্ন্যসরস্তীর্থজলসেচনতর্পিতঃ ।
পাপাপহারিকীলালসুস্নাতাঘবিনাশনঃ ॥ 139 ॥

নভোগংগাভিষিক্তশ্চ নাগতীর্থাভিষেকবান্ ।
কুমারধারাতীর্থস্থো বটুবেষঃ সুমেখলঃ ॥ 140 ॥

বৃদ্ধস্য় সুকুমারত্বপ্রদঃ সৌংদর্যবান্ সুখী ।
প্রিয়ংবদো মহাকুক্ষিরিক্ষ্বাকুকুলনংদনঃ ॥ 141 ॥

নীলগোক্ষীরধারাভূর্বরাহাচলনাযকঃ ।
ভরদ্বাজপ্রতিষ্ঠাবান্ বৃহস্পতিবিভাবিতঃ ॥ 142 ॥

অংজনাকৃতপূজাবান্ আংজনেযকরার্চিতঃ ।
অংজনাদ্রিনিবাসশ্চ মুংজকেশঃ পুরংদরঃ ॥ 143 ॥

কিন্নরদ্বযসংবংধিবংধমোক্ষপ্রদাযকঃ ।
বৈখানসমখারংভো বৃষজ্ঞেয়ো বৃষাচলঃ ॥ 144 ॥

বৃষকাযপ্রভেত্তা চ ক্রীডনাচারসংভ্রমঃ ।
সৌবর্চলেযবিন্যস্তরাজ্য়ো নারাযণঃ প্রিয়ঃ ॥ 145 ॥

দুর্মেধোভংজকঃ প্রাজ্ঞো ব্রহ্মোত্সবমহোত্সুকঃ ।
ভদ্রাসুরশিরশ্ছেত্তা ভদ্রক্ষেত্রী সুভদ্রবান্ ॥ 146 ॥

মৃগয়াঽক্ষীণসন্নাহঃ শংখরাজন্যতুষ্টিদঃ ।
স্থাণুস্থো বৈনতেয়াংগভাবিতো হ্যশরীরবান্ ॥ 147 ॥

ভোগীংদ্রভোগসংস্থানো ব্রহ্মাদিগণসেবিতঃ ।
সহস্রার্কচ্ছটাভাস্বদ্বিমানাংতঃস্থিতো গুণী ॥ 148 ॥

বিষ্বক্সেনকৃতস্তোত্রঃ সনংদনবরীবৃতঃ ।
জাহ্নব্য়াদিনদীসেব্য়ঃ সুরেশাদ্যভিবংদিতঃ ॥ 149 ॥

সুরাংগনানৃত্যপরো গংধর্বোদ্গাযনপ্রিয়ঃ ।
রাকেংদুসংকাশনখঃ কোমলাংঘ্রিসরোরুহঃ ॥ 150 ॥

কচ্ছপপ্রপদঃ কুংদগুল্ফকঃ স্বচ্ছকূর্পরঃ ।
মেদুরস্বর্ণবস্ত্রাঢ্যকটিদেশস্থমেখলঃ ॥ 151 ॥

প্রোল্লসচ্ছুরিকাভাস্বত্কটিদেশঃ শুভংকরঃ ।
অনংতপদ্মজস্থাননাভির্মৌক্তিকমালিকঃ ॥ 152 ॥

মংদারচাংপেযমালী রত্নাভরণসংভৃতঃ ।
লংবযজ্ঞোপবীতী চ চংদ্রশ্রীখংডলেপবান্ ॥ 153 ॥

বরদোঽভযদশ্চক্রী শংখী কৌস্তুভদীপ্তিমান্ ।
শ্রীবত্সাংকিতবক্ষস্কো লক্ষ্মীসংশ্রিতহৃত্তটঃ ॥ 154 ॥

নীলোত্পলনিভাকারঃ শোণাংভোজসমাননঃ ।
কোটিমন্মথলাবণ্যশ্চংদ্রিকাস্মিতপূরিতঃ ॥ 155 ॥

সুধাস্বচ্ছোর্ধ্বপুংড্রশ্চ কস্তূরীতিলকাংচিতঃ ।
পুংডরীকেক্ষণঃ স্বচ্ছো মৌলিশোভাবিরাজিতঃ ॥ 156 ॥

পদ্মস্থঃ পদ্মনাভশ্চ সোমমংডলগো বুধঃ ।
বহ্নিমংডলগঃ সূর্য়ঃ সূর্যমংডলসংস্থিতঃ ॥ 157 ॥

শ্রীপতির্ভূমিজানিশ্চ বিমলাদ্যভিসংবৃতঃ ।
জগত্কুটুংবজনিতা রক্ষকঃ কামিতপ্রদঃ ॥ 158 ॥

অবস্থাত্রযয়ংতা চ বিশ্বতেজস্স্বরূপবান্ ।
জ্ঞপ্তির্জ্ঞেয়ো জ্ঞানগম্য়ো জ্ঞানাতীতঃ সুরাতিগঃ ॥ 159 ॥

ব্রহ্মাংডাংতর্বহির্ব্য়াপ্তো বেংকটাদ্রিগদাধরঃ ।
বেংকটাদ্রিগদাধর ওং নমঃ ইতি ॥
এবং শ্রীবেংকটেশস্য় কীর্তিতং পরমাদ্ভুতম্ ॥ 160 ॥

নাম্নাং সহস্রং সংশ্রাব্য়ং পবিত্রং পুণ্যবর্ধনম্ ।
শ্রবণাত্সর্বদোষঘ্নং রোগঘ্নং মৃত্য়ুনাশনম্ ॥ 1 ॥

দারিদ্র্যভেদনং ধর্ম্য়ং সর্বৈশ্বর্যফলপ্রদম্ ।
কালাহিবিষবিচ্ছেদি জ্বরাপস্মারভংজনম্ ॥ 2 ॥

[শত্রুক্ষযকরং রাজগ্রহপীডানিবারণম্ ।
ব্রহ্মরাক্ষসকূষ্মাংডভেতালভযভংজনম্ ॥]

বিদ্য়াভিলাষী বিদ্য়াবান্ ধনার্থী ধনবান্ ভবেত্ ।
অনংতকল্পজীবী স্য়াদায়ুষ্কামো মহাযশাঃ ॥ 3 ॥

পুত্রার্থী সুগুণান্পুত্রান্ লভেতাঽঽয়ুষ্মতস্ততঃ ।
সংগ্রামে শত্রুবিজয়ী সভায়াং প্রতিবাদিজিত্ ॥ 4 ॥

দিব্য়ৈর্নামভিরেভিস্তু তুলসীপূজনাত্সকৃত্ ।
বৈকুংঠবাসী ভগবত্সদৃশো বিষ্ণুসন্নিধৌ ॥ 5 ॥

কল্হারপূজনান্মাসাত্ দ্বিতীয় ইব যক্ষরাট্ ।
নীলোত্পলার্চনাত্সর্বরাজপূজ্য়ঃ সদা ভবেত্ ॥ 6 ॥

হৃত্সংস্থিতৈর্নামভিস্তু ভূয়াদ্দৃগ্বিষয়ো হরিঃ ।
বাংছিতার্থং তদা দত্বা বৈকুংঠং চ প্রযচ্ছতি ॥ 7 ॥

ত্রিসংধ্য়ং যো জপেন্নিত্য়ং সংপূজ্য় বিধিনা বিভুম্ ।
ত্রিবারং পংচবারং বা প্রত্যহং ক্রমশো যমী ॥ 8 ॥

মাসাদলক্ষ্মীনাশঃ স্য়াত্ দ্বিমাসাত্ স্য়ান্নরেংদ্রতা ।
ত্রিমাসান্মহদৈশ্বর্য়ং ততঃ সংভাষণং ভবেত্ ॥ 9 ॥

মাসং পঠন্ন্য়ূনকর্মপূর্তিং চ সমবাপ্নুয়াত্ ।
মার্গভ্রষ্টশ্চ সন্মার্গং গতস্বঃ স্বং স্বকীযকম্ ॥ 10 ॥

চাংচল্যচিত্তোঽচাংচল্য়ং মনস্স্বাস্থ্য়ং চ গচ্ছতি ।
আয়ুরারোগ্যমৈশ্বর্য়ং জ্ঞানং মোক্ষং চ বিংদতি ॥ 11 ॥

সর্বান্কামানবাপ্নোতি শাশ্বতং চ পদং তথা ।
সত্য়ং সত্য়ং পুনস্সত্য়ং সত্য়ং সত্য়ং ন সংশয়ঃ ॥ 12 ॥

ইতি শ্রী ব্রহ্মাংডপুরাণে বসিষ্ঠনারদসংবাদে শ্রীবেংকটাচলমাহাত্ম্য়ে শ্রী বেংকটেশ সহস্রনাম স্তোত্রং সমাপ্তম্ ।