শ্রী বৈকুংঠ গদ্যম্

যামুনার্যসুধাংভোধিমবগাহ্য় যথামতি ।
আদায় ভক্তিয়োগাখ্য়ং রত্নং সংদর্শয়াম্যহম্ ॥

স্বাধীন ত্রিবিধচেতনাচেতনস্বরূপস্থিতি প্রবৃত্তিভেদং, ক্লেশ কর্মাদ্যশেষদোষাসংস্পৃষ্টং, স্বাভাবিকানবধিকাতিশয় জ্ঞানবলৈশ্বর্যবীর্যশক্তিতেজঃ প্রভৃত্যসংখ্য়েয় কল্য়াণগুণগণৌঘ মহার্ণবং, পরমপুরুষং, ভগবংতং, নারাযণং, স্বামিত্বেন সুহৃত্বেন গুরুত্বেন চ পরিগৃহ্য় ঐকাংতিকাত্য়ংতিক তত্পাদাংবুজদ্বয় পরিচর্য়ৈকমনোরথঃ, তত্প্রাপ্তয়ে চ তত্পাদাংবুজদ্বয় প্রপত্তেরন্যন্ন মে কল্পকোটিসহস্রেণাপি সাধনমস্তীতি মন্বানঃ, তস্য়ৈব ভগবতো নারাযণস্য় অখিলসত্ত্বদয়ৈকসাগরস্য় অনালোচিত গুণগুণাখংড জনানুকূলামর্য়াদ শীলবতঃ, স্বাভাবিকানবধিকাতিশয় গুণবত্তয়া দেবতির্যঙ্মনুষ্য়াদ্যখিলজন হৃদয়ানংদনস্য় আশ্রিতবাত্সল্য়ৈকজলধেঃ ভক্তজনসংশ্লেষৈকভোগস্য় নিত্যজ্ঞানক্রিয়ৈশ্বর্য়াদি ভোগসামগ্রীসমৃদ্ধস্য়, মহাবিভূতেঃ, শ্রীমচ্চরণারবিংদয়ুগলং অনন্য়াত্মসংজীবনেন তদ্গতসর্বভাবেন শরণমনুব্রজেত্ । ততশ্চ প্রত্যহমাত্মোজ্জীবনায়ৈবমনুস্মরেত্ । চতুর্দশভুবনাত্মকং অংডং, দশগুণিতোত্তরং চ আবরণসপ্তকং, সমস্তং কার্যকারণ(জাত)মতীত্য়, বর্তমানে পরমব্য়োমশব্দাভিধেয়ে, ব্রহ্মাদীনাং বাঙ্মনসাঽগোচরে, শ্রীমতি বৈকুংঠে দিব্যলোকে, সনকবিধিশিবাদিভিরপি অচিংত্যস্বভাবৈশ্বর্য়ৈঃ, নিত্যসিদ্ধৈরনংতৈর্ভগবদানুকূল্য়ৈক ভোগৈর্দিব্যপুরুষৈঃ মহাত্মভিঃ আপূরিতে, তেষামপি ইযত্পরিমাণং, ইযদৈশ্বর্য়ং, ঈদৃশস্বভাবমিতি পরিচ্ছেত্তুময়োগ্য়ে, দিব্য়াবরণশতসহস্রাবৃতে, দিব্যকল্পকতরূপশোভিতে, দিব্য়োদ্য়ান শতসহস্রকোটিভিরাবৃতে, অতিপ্রমাণে দিব্য়াযতনে, কস্মিংশ্চিদ্বিচিত্র দিব্যরত্নময় দিব্য়াস্থানমংডপে, দিব্যরত্নস্তংভ শতসহস্রকোটিভিরুপশোভিতে,
দিব্যনানারত্নকৃতস্থল বিচিত্রিতে, দিব্য়ালংকারালংকৃতে, পরিতঃ পতিতৈঃ পতমানৈঃ পাদপস্থৈশ্চ নানাগংধবর্ণৈর্দিব্যপুষ্পৈঃ শোভমানৈর্দিব্যপুষ্পোপবনৈরুপশোভিতে, সংকীর্ণপারিজাতাদি কল্পদ্রুমোপশোভিতৈঃ, অসংকীর্ণৈশ্চ কৈশ্চিদংতস্স্থপুষ্পরত্নাদিনির্মিত দিব্যলীলামংডপ শতসহস্রোপশোভিতৈঃ, সর্বদাঽনুভূযমানৈরপ্যপূর্ববদাশ্চর্যমাবহদ্ভিঃ ক্রীডাশৈল শতসহস্রৈরলংকৃতৈঃ, কৈশ্চিন্নারাযণদিব্যলীলাঽসাধারণৈঃ, কৈশ্চিত্পদ্মবনালয়া দিব্যলীলাঽসাধারণৈঃ, সাধারণৈশ্চ কৈশ্চিত্ শুকশারিকাময়ূরকোকিলাদিভিঃ কোমলকূজিতৈরাকুলৈঃ, দিব্য়োদ্য়ান শতসহস্রৈরাবৃতে, মণিমুক্তাপ্রবাল কৃতসোপানৈঃ, দিব্য়ামলামৃতরসোদকৈঃ, দিব্য়াংডজবরৈঃ, অতিরমণীযদর্শনৈঃ অতিমনোহরমধুরস্বরৈঃ আকুলৈঃ, অংতস্থ মুক্তাময় দিব্যক্রীডাস্থানোপশোভিতৈঃ দিব্যসৌগংধিকবাপীশতসহস্রৈঃ, দিব্যরাজহংসাবলীবিরাজিতৈরাবৃতে, নিরস্তাতিশয়ানংদৈকরসতয়া চানংত্য়াচ্চ প্রবিষ্টানুন্মাদযদ্ভিঃ ক্রীডোদ্দেশৈর্বিরাজিতে, তত্র তত্র কৃত দিব্যপুষ্পপর্য়ংকোপশোভিতে, নানাপুষ্পাসবাস্বাদ মত্তভৃংগাবলীভিঃ উদ্গীযমান দিব্যগাংধর্বেণাপূরিতে, চংদনাগরুকর্পূর দিব্যপুষ্পাবগাহি মংদানিলাসেব্যমানে, মধ্য়ে পুষ্পসংচয় বিচিত্রিতে, মহতি দিব্যয়োগপর্য়ংকে অনংতভোগিনি, শ্রীমদ্বৈকুংঠৈশ্বর্য়াদি দিব্যলোকং আত্মকাংত্য়া বিশ্বমাপ্য়াযয়ংত্য়া শেষ শেষাশনাদি সর্বপরিজনং ভগবতস্তত্তদবস্থোচিত পরিচর্য়ায়াং আজ্ঞাপয়ংত্য়া, শীলরূপগুণ বিলাসাদিভিঃ আত্মানুরূপয়া শ্রিয়া সহাসীনং, প্রত্যগ্রোন্মীলিত সরসিজসদৃশ নযনয়ুগলং, স্বচ্ছনীলজীমূতসংকাশং, অত্য়ুজ্জ্বলপীতবাসসং, স্বয়া প্রভয়াঽতিনির্মলয়া অতিশীতলয়া অতিকোমলয়া স্বচ্ছমাণিক্য়াভয়া কৃত্স্নং জগদ্ভাসয়ংতং,
অচিংত্যদিব্য়াদ্ভুত নিত্যয়ৌবন স্বভাবলাবণ্যময়ামৃতসাগরং, অতিসৌকুমার্য়াদি ঈষত্ প্রস্বিন্নবদালক্ষ্যমাণ ললাটফলক দিব্য়ালকাবলীবিরাজিতং, প্রবুদ্ধমুগ্ধাংবুজ চারুলোচনং, সবিভ্রমভ্রূলতং, উজ্জ্বলাধরং, শুচিস্মিতং, কোমলগংডং, উন্নসং, উদগ্রপীনাংস বিলংবিকুংডলালকাবলী বংধুর কংবুকংধরং, প্রিয়াবতং‍সোত্পল কর্ণভূষণশ্লথালকাবংধ বিমর্দশংসিভিঃ চতুর্ভিরাজানুবিলংবিভির্ভুজৈর্বিরাজিতং, অতিকোমল দিব্যরেখালংকৃতাতাম্রকরতলং, দিব্য়াংগুলীযকবিরাজিতং, অতিকোমল দিব্যনখাবলীবিরাজিতং, অতিরক্তাংগুলীভিরলংকৃতং, তত্ক্ষণোন্মীলিত পুংডরীক সদৃশচরণয়ুগলং, অতিমনোহর কিরীটমকুট চূডাবতংস মকরকুংডল গ্রৈবেযক হার কেয়ূর কটক শ্রীবত্স কৌস্তুভ মুক্তাদামোদরবংধন পীতাংবর কাংচীগুণ নূপুরাদিভিরত্য়ংত সুখস্পর্শৈঃ দিব্যগংধৈর্ভূষণৈর্ভূষিতং, শ্রীমত্য়া বৈজয়ংত্য়া বনমালয়া বিরাজিতং, শংখচক্রগদাঽসি শারংগাদি দিব্য়ায়ুধৈঃ সেব্যমানং, স্বসংকল্পমাত্রাবক্লুপ্ত জগজ্জন্মস্থিতিধ্বংসাদিকে শ্রীমতি বিষ্বক্সেনে ন্যস্ত সমস্তাত্মৈশ্বর্য়ং, বৈনতেয়াদিভিঃ স্বভাবতো নিরস্ত সমস্ত সাংসারিক স্বভাবৈঃ ভগবত্পরিচর্য়াকরণ যোগ্য়ৈর্ভগবত্পরিচর্য়ৈকভোগৈ-র্নিত্যসিদ্ধৈরনংতৈঃ যথা যোগং সেব্যমানং, আত্মভোগেন অননুসংহিতপরাদিকাল দিব্য়ামল কোমলাবলোকনেন বিশ্বমাহ্লাদয়ংতং, ঈষদুন্মীলিত মুখাংবুজোদরবিনির্গতেন দিব্য়াননারবিংদ শোভাজননেন দিব্যগাংভীর্য়ৌদার্য় সৌংদর্য় মাধুর্য়াদ্যনবধিক গুণগণবিভূষিতেন, অতিমনোহর দিব্যভাবগর্ভেণ দিব্যলীলাঽঽলাপামৃতেন অখিলজন হৃদয়াংতরাণ্য়াপূরয়ংতং ভগবংতং নারাযণং ধ্য়ানয়োগেন দৃষ্ট্বা, ততো ভগবতো নিত্যস্বাম্যমাত্মনো নিত্যদাস্য়ং চ যথাবস্থিতমনুসংধায়, কদাঽহং ভগবংতং নারাযণং, মম কুলনাথং, মম কুলদৈবতং, মম কুলধনং, মম ভোগ্য়ং, মম মাতরং, মম পিতরং, মম সর্বং সাক্ষাত্করবাণি চক্ষুষা ।
কদাঽহং ভগবত্পাদাংবুজদ্বয়ং শিরসা সংগ্রহীষ্য়ামি । কদাঽহং ভগবত্পাদাংবুজদ্বয় পরিচর্য়াঽঽশয়া নিরস্তসমস্তেতর ভোগাশঃ, অপগত সমস্ত সাংসারিকস্বভাবঃ তত্পাদাংবুজদ্বয়ং প্রবেক্ষ্য়ামি । কদাঽহং ভগবত্পাদাংবুজদ্বয় পরিচর্য়াকরণয়োগ্য়-স্তদেকভোগস্তত্পাদৌ পরিচরিষ্য়ামি । কদা মাং ভগবান্ স্বকীযয়া অতিশীতলয়া দৃশা অবলোক্য়, স্নিগ্ধগংভীরমধুরয়া গিরা পরিচর্য়ায়াং আজ্ঞাপয়িষ্যতি, ইতি ভগবত্পরিচর্য়ায়ামাশাং বর্ধয়িত্বা তয়ৈবাঽশয়া তত্প্রসাদোপবৃংহিতয়া ভগবংতমুপেত্য়, দূরাদেব ভগবংতং শেষভোগে শ্রিয়া সহাসীনং বৈনতেয়াদিভিঃ সেব্যমানং, সমস্তপরিবারায় শ্রীমতে নারাযণায় নমঃ, ইতি প্রণম্য় উত্থায়োত্থায় পুনঃ পুনঃ প্রণম্য় অত্য়ংত সাধ্বসবিনয়াবনতো ভূত্বা, ভগবত্পারিষদগণনাযকৈর্দ্বারপালৈঃ কৃপয়া স্নেহগর্ভয়া দৃশাঽবলোকিতঃ সম্যগভিবংদিতৈস্তৈস্তৈরেবানুমতো ভগবংতমুপেত্য়, শ্রীমতা মূলমংত্রেণ মামৈকাংতিকাত্য়ংতিক পরিচর্য়াকরণায় পরিগৃহ্ণীষ্ব ইতি যাচমানঃ প্রণম্য়াত্মানং ভগবতে নিবেদয়েত্ ।
ততো ভগবতা স্বযমেবাত্মসংজীবনেন অমর্য়াদশীলবতা অতিপ্রেমান্বিতেন অবলোকনেনাবলোক্য় সর্বদেশ সর্বকাল সর্বাবস্থোচিতাত্য়ংতশেষভাবায় স্বীকৃতোঽনুজ্ঞাতশ্চ অত্য়ংতসাধ্বসবিনয়াবনতঃ কিংকুর্বাণঃ কৃতাংজলিপুটো ভগবংতমুপাসীত । ততশ্চানুভূযমান ভাববিশেষঃ নিরতিশযপ্রীত্য়াঽন্যত্কিংচিত্কর্তুং দ্রষ্টুং স্মর্তুমশক্তঃ পুনরপি শেষভাবমেব যাচমানো ভগবংতমেবাবিচ্ছিন্নস্রোতোরূপেণাবলোকনেন অবলোকযন্নাসীত । ততো ভগবতা স্বযমেবাত্মসংজীবনেনাবলোকনেনাবলোক্য় সস্মিতমাহূয় সমস্তক্লেশাপহং নিরতিশযসুখাবহমাত্মীয়ং, শ্রীমত্পাদারবিংদয়ুগলং শিরসি কৃতং ধ্য়াত্বা, অমৃতসাগরাংতর্নিমগ্নসর্বাবযবঃ সুখমাসীত ।

লক্ষ্মীপতের্যতিপতেশ্চ দয়ৈকধাম্নোঃ
যোঽসৌ পুরা সমজনিষ্ট জগদ্ধিতার্থম্ ।
প্রাপ্য়ং প্রকাশযতু নঃ পরমং রহস্য়ং
সংবাদ এষ শরণাগতি মংত্রসারঃ ॥

ইতি শ্রীভগবদ্রামানুজবিরচিতে শ্রীবৈকুংঠগদ্যম্ ।