শ্রী সূর্য় শতকম্

॥ সূর্যশতকম্ ॥
মহাকবিশ্রীময়ূরপ্রণীতম্

॥ শ্রী গণেশায় নমঃ ॥

জংভারাতীভকুংভোদ্ভবমিব দধতঃ সাংদ্রসিংদূররেণুং
রক্তাঃ সিক্তা ইবৌঘৈরুদযগিরিতটীধাতুধারাদ্রবস্য় । বর্ সক্তৈঃ
আয়াংত্য়া তুল্যকালং কমলবনরুচেবারুণা বো বিভূত্য়ৈ
ভূয়াসুর্ভাসয়ংতো ভুবনমভিনবা ভানবো ভানবীয়াঃ ॥ 1 ॥

ভক্তিপ্রহ্বায় দাতুং মুকুলপুটকুটীকোটরক্রোডলীনাং
লক্ষ্মীমাক্রষ্টুকামা ইব কমলবনোদ্ধাটনং কুর্বতে যে ।
কালাকারাংধকারাননপতিতজগত্সাধ্বসধ্বংসকল্য়াঃ
কল্য়াণং বঃ ক্রিয়াসুঃ কিসলযরুচযস্তে করা ভাস্করস্য় ॥ 2 ॥

গর্ভেষ্বংভোরুহাণাং শিখরিষু চ শিতাগ্রেষু তুল্য়ং পতংতঃ
প্রারংভে বাসরস্য় ব্য়ুপরতিসময়ে চৈকরূপাস্তথৈব ।
নিষ্পর্য়ায়ং প্রবৃত্তাস্ত্রিভুবনভবনপ্রাংগণে পাংতু যুষ্মা-
নূষ্মাণং সংততাধ্বশ্রমজমিব ভৃশং বিভ্রতো ব্রধ্নপাদাঃ ॥ 3 ॥

প্রভ্রশ্যত্য়ুত্তরীযত্বিষি তমসি সমুদ্দীক্ষ্য় বীতাবৃতীন্প্রা-
গ্জংতূংস্তংতূন্যথা যানতনু বিতনুতে তিগ্মরোচির্মরীচীন্ ।
তে সাংদ্রীভূয় সদ্য়ঃ ক্রমবিশদদশাশাদশালীবিশালং
শশ্বত্সংপাদয়ংতোঽংবরমমলমলং মংগলং বো দিশংতু ॥ 4 ॥

ন্যক্কুর্বন্নোষধীশে মুষিতরুচি শুচেবৌষধীঃ প্রোষিতাভা
ভাস্বদ্গ্রাবোদ্গতেন প্রথমমিব কৃতাভ্য়ুদ্গতিঃ পাবকেন ।
পক্ষচ্ছেদব্রণাসৃক্স্রুত ইব দৃষদো দর্শযন্প্রাতরদ্রে-
রাতাম্রস্তীব্রভানোরনভিমতনুদে স্তাদ্গভস্ত্য়ুদ্গমো বঃ ॥ 5 ॥

শীর্ণঘ্রাণাংঘ্রিপাণীন্ব্রণিভিরপঘনৈর্ঘর্ঘরাব্যক্তঘোষান্
দীর্ঘাঘ্রাতানঘৌঘৈ পুনরপি ঘটযত্য়েক উল্লাঘযন্ যঃ ।
ঘর্মাংশোস্তস্য় বোঽংতর্দ্বিগুণঘনঘৃণানিঘ্ননির্বিঘ্নবৃত্তে-
র্দত্তার্ঘাঃ সিদ্ধসংঘৈর্বিদধতু ঘৃণয়ঃ শীঘ্রমংহোবিধাতম্ ॥ 6 ॥

বিভ্রাণা বামনত্বং প্রথমমথ তথৈবাংশবঃ প্রাংশবো বঃ
ক্রাংতাকাশাংতরালাস্তদনু দশদিশঃ পূরয়ংতস্ততোঽপি ।
ধ্বাংতাদাচ্ছিদ্য় দেবদ্বিষ ইব বলিতো বিশ্বমাশ্বশ্নুবানাঃ বর্ দেবদ্রুহ
কৃচ্ছ্রাণ্য়ুচ্ছ্রাযহেলোপহসিতহরয়ো হারিদশ্বা হরংতু ॥ 7 ॥

উদ্গাঢেনারুণিম্না বিদধতি বহুলং যেঽরুণস্য়ারুণত্বং
মূর্ধোদ্ধূতৌ খলীনক্ষতরুধিররুচো যে রথাশ্বাননেষু ।
শৈলানাং শেখরত্বং শ্রিতশিখরিশিখাস্তন্বতে যে দিশংতু বর্ শিখরশিখাঃ
প্রেংখংতঃ খে খরাংশোঃ খচিতদিনমুখাস্তে ময়ূখাঃ সুখং বঃ ॥ 8 ॥

দত্তানংদাঃ প্রজানাং সমুচিতসময়াকৃষ্টসৃষ্টৈঃ পয়োভিঃ বর্ অক্লিষ্টসৃষ্টৈঃ
পূর্বাহ্ণে বিপ্রকীর্ণা দিশি দিশি বিরমত্যহ্নি সংহারভাজঃ ।
দীপ্তাংশোর্দীর্ঘদুঃখপ্রভবভবভয়োদন্বদুত্তারনাবো
গাবো বঃ পাবনানাং পরমপরিমিতাং প্রীতিমুত্পাদয়ংতু ॥ 9 ॥

বংধধ্বংসৈকহেতুং শিরসি নতিরসাবদ্ধসংধ্য়াংজলীনাং
লোকানাং যে প্রবোধং বিদধতি বিপুলাংভোজখংডাশয়েব ।
যুষ্মাকং তে স্বচিত্তপ্রথিতপৃথুতরপ্রার্থনাকল্পবৃক্ষাঃ বর্ প্রথিম
কল্পংতাং নির্বিকল্পং দিনকরকিরণাঃ কেতবঃ কল্মষস্য় ॥ 10 ॥

ধারা রায়ো ধনায়াপদি সপদি করালংবভূতাঃ প্রপাতে
তত্ত্বালোকৈকদীপাস্ত্রিদশপতিপুরপ্রস্থিতৌ বীথ্য় এব ।
নির্বাণোদ্য়োগিয়োগিপ্রগমনিজতনুদ্বারি বেত্রাযমাণা-
স্ত্রায়ংতাং তীব্রভানোর্দিবসমুখসুখা রশ্ময়ঃ কল্মষাদ্বঃ ॥ 11 ॥

বর্ তীব্রভাসঃ বর্ কশ্মলাদ্বঃ

প্রাচি প্রাগাচরংত্য়োঽনতিচিরমচলে চারুচূডামণিত্বং
মুংচংত্য়ো রোচনাংভঃ প্রচুরমিব দিশামুচ্চকৈশ্চর্চনায় ।
চাটূত্কৈশ্চক্রনাম্নাং চতুরমবিচলৈর্লোচনৈরর্চ্যমানা- বর্ সুচিরং
শ্চেষ্টংতাং চিংতিতানামুচিতমচরমাশ্চংডরোচীরুচো বঃ ॥ 12 ॥

একং জ্য়োতির্দৃশৌ দ্বে ত্রিজগতি গদিতান্যব্জজাস্য়ৈশ্চতুর্ভি-
র্ভূতানাং পংচমং যান্যলমৃতুষু তথা ষট্সু নানাবিধানি ।
যুষ্মাকং তানি সপ্তত্রিদশমুনিনুতান্যষ্টদিগ্ভাংজি ভানো-
র্য়াংতি প্রাহ্ণে নবত্বং দশ দধতু শিবং দীধিতীনাং শতানি ॥ 13 ॥ বর্ দদতু

আবৃত্তিভ্রাংতবিশ্বাঃ শ্রমমিব দধতঃ শোষিণঃ স্বোষ্মণেব
গ্রীষ্মে দাবাগ্নিতপ্তা ইব রসমসকৃদ্য়ে ধরিত্র্য়া ধয়ংতি ।
তে প্রাবৃষ্য়াত্তপানাতিশযরুজ ইবোদ্বাংততোয়া হিমর্তৌ
মার্তংডস্য়াপ্রচংডাশ্চিরমশুভভিদেঽভীষবো বো ভবংতু ॥ 14 ॥

তন্বানা দিগ্বধূনাং সমধিকমধুরালোকরম্য়ামবস্থা-
মারুঢপ্রৌঢিলেশোত্কলিতকপিলিমালংকৃতিঃ কেবলৈব ।
উজ্জৃংভাংভোজনেত্রদ্য়ুতিনি দিনমুখে কিংচিদুদ্ভিদ্যমানা
শ্মশ্রুশ্রেণীব ভাসাং দিশতু দশশতী শর্ম ঘর্মত্বিষো বঃ ॥ 15 ॥

মৌলীংদোর্মৈষ মোষীদ্দ্য়ুতিমিতি বৃষভাংকেন যঃ শংকিনেব
প্রত্যগ্রোদ্ঘাটিতাংভোরুহকুহরগুহাসুস্থিতেনেব ধাত্রা ।
কৃষ্ণেন ধ্বাংতকৃষ্ণস্বতনুপরিভবত্রস্নুনেব স্তুতোঽলং
ত্রাণায় স্তাত্তনীয়ানপি তিমিররিপোঃ স ত্বিষামুদ্গমো বঃ ॥ 16 ॥

বিস্তীর্ণং ব্য়োম দীর্ঘাঃ সপদি দশ দিশো ব্যস্তবেলাংভসোঽব্ধীন্
কুর্বদ্ভির্দৃশ্যনানানগনগরনগাভোগপৃথ্বীং চ পৃথ্বীম্ ।
পদ্মিন্য়ুচ্ছ্বাস্যতে যৈরুষসি জগদপি ধ্বংসয়িত্বা তমিস্রা-
মুস্রা বিস্রংসয়ংতু দ্রুতমনভিমতং তে সহস্রত্বিষো বঃ ॥ 17 ॥ বর্ বিস্রাবয়ংতু

অস্তব্যস্তত্বশূন্য়ো নিজরুচিরনিশানশ্বরঃ কর্তুমীশো
বিশ্বং বেশ্মেব দীপঃ প্রতিহততিমিরং যঃ প্রদেশস্থিতোঽপি ।
দিক্কালাপেক্ষয়াসৌ ত্রিভুবনমটতস্তিগ্মভানোর্নবাখ্য়াং
যাতঃ শাতক্রতব্য়াং দিশি দিশতু শিবং সোঽর্চিষামুদ্গমো বঃ ॥ 18 ॥

মাগান্ম্লানিং মৃণালী মৃদুরিতি দযয়েবাপ্রবিষ্টোঽহিলোকং
লোকালোকস্য় পার্শ্বং প্রতপতি ন পরং যস্তদাখ্য়ার্থমেব ।
ঊর্ধ্বং ব্রহ্মাংডখংডস্ফুটনভযপরিত্যক্তদৈর্ঘ্য়ো দ্য়ুসীম্নি
স্বেছাবশ্য়াবকাশাবধিরবতু স বস্তাপনো রোচিরোঘঃ ॥ 19 ॥

অশ্য়ামঃ কাল একো ন ভবতি ভুবনাংতোঽপি বীতেঽংধকারে বর্ বীতাংধকারঃ
সদ্য়ঃ প্রালেযপাদো ন বিলযমচলশ্চংদ্রমা অপ্য়ুপৈতি ।
বংধঃ সিদ্ধাংজলীনাং ন হি কুমুদবনস্য়াপি যত্রোজ্জিহানে
তত্প্রাতঃ প্রেক্ষণীয়ং দিশতু দিনপতের্ধাম কামাধিকং বঃ ॥ 20 ॥

যত্কাংতিং পংকজানাং ন হরতি কুরুতে প্রত্য়ুতাধিক্যরম্য়াং বর্ প্রত্য়ুতাতীব রম্য়াং
নো ধত্তে তারকাভাং তিরযতি নিতরামাশু যন্নিত্যমেব । বর্ নাধত্তে
কর্তুং নালং নিমেষং দিবসমপি পরং যত্তদেকং ত্রিলোক্য়া-
শ্চক্ষুঃ সামান্যচক্ষুর্বিসদৃশমঘভিদ্ভাস্বতস্তান্মহো বঃ ॥ 21 ॥

ক্ষ্মাং ক্ষেপীয়ঃ ক্ষপাংভঃশিশিরতরজলস্পর্শতর্ষাদৃতেব
দ্রাগাশা নেতুমাশাদ্বিরদকরসরঃপুষ্করাণীব বোধম্ ।
প্রাতঃ প্রোল্লংঘ্য় বিষ্ণোঃ পদমপি ঘৃণয়েবাতিবেগাদ্দবীয়-
স্য়ুদ্দাম দ্য়োতমানা দহতু দিনপতের্দুর্নিমিত্তং দ্য়ুতির্বঃ ॥ 22 ॥

নো কল্পাপাযবায়োরদযরযদলত্ক্ষ্মাধরস্য়াপি গম্য়া বর্ শম্য়া
গাঢোদ্গীর্ণোজ্জ্বলশ্রীরহনি ন রহিতা নো তমঃকজ্জলেন ।
প্রাপ্তোত্পত্তিঃ পতংগান্ন পুনরুপগতা মোষমুষ্ণত্বিষো বো
বর্তিঃ সৈবান্যরূপা সুখযতু নিখিলদ্বীপদীপস্য় দীপ্তিঃ ॥ 23 ॥

নিঃশেষাশাবপূরপ্রবণগুরুগুণশ্লাঘনীযস্বরূপা
পর্য়াপ্তং নোদয়াদৌ দিনগমসময়োপপ্লবেঽপ্য়ুন্নতৈব ।
অত্য়ংতং যানভিজ্ঞা ক্ষণমপি তমসা সাকমেকত্র বস্তুং
ব্রধ্নস্য়েদ্ধা রুচির্বো রুচিরিব রুচিতস্য়াপ্তয়ে বস্তুনোস্তু ॥ 24 ॥ বর্ চিরুরস্য়, রুচিরস্য়

বিভ্রাণঃ শক্তিমাশু প্রশমিতবলবত্তারকৌর্জিত্যগুর্বীং
কুর্বাণো লীলয়াধঃ শিখিনমপি লসচ্চংদ্রকাংতাবভাসম্ ।
আদধ্য়াদংধকারে রতিমতিশয়িনীমাবহন্বীক্ষণানাং বর্ আদেয়াদীক্ষণানাং
বালো লক্ষ্মীমপারামপর ইব গুহোঽহর্পতেরাতপো বঃ ॥ 25 ॥

জ্য়োত্স্নাংশাকর্ষপাংডুদ্য়ুতি তিমিরমষীশেষকল্মাষমীষ-
জ্জৃংভোদ্ভূতেন পিংগং সরসিজরজসা সংধ্যয়া শোণশোচিঃ ।
প্রাতঃপ্রারংভকালে সকলমপি জগচ্চিত্রমুন্মীলয়ংতী
কাংতিস্তীক্ষ্ণত্বিষোঽক্ষ্ণাং মুদমুপনযতাত্তূলিকেবাতুলাং বঃ ॥ 26 ॥

আয়াংতী কিং সুমেরোঃ সরণিররুণিতা পাদ্মরাগৈঃ পরাগৈ-
রাহোস্বিত্স্বস্য় মাহারজনবিরচিতা বৈজয়ংতী রথস্য় ।
মাংজিষ্ঠী প্রষ্ঠবাহাবলিবিধুতশিরশ্চামরালী নু লোকৈ- বর্ চামরালীব
রাশংক্য়ালোকিতৈবং সবিতুরঘনুদে স্তাত্প্রভাতপ্রভা বঃ ॥ 27 ॥

ধ্বাংতধ্বংসং বিধত্তে ন তপতি রুচিমন্নাতিরূপং ব্যনক্তি
ন্যক্ত্বং নীত্বাপি নক্তং ন বিতরতিতরাং তাবদহ্নস্ত্বিষং যঃ । বর্ ন্যক্তামহ্নি
স প্রাতর্মা বিরংসীদসকলপটিমা পূরযন্য়ুষ্মদাশা-
মাশাকাশাবকাশাবতরণতরুণপ্রক্রমোঽর্কপ্রকাশঃ ॥ 28 ॥

তীব্রং নির্বাণহেতুর্যদপি চ বিপুলং যত্প্রকর্ষেণ চাণু
প্রত্যক্ষং যত্পরোক্ষং যদিহ যদপরং নশ্বরং শাশ্বতং চ ।
যত্সর্বস্য় প্রসিদ্ধং জগতি কতিপয়ে যোগিনো যদ্বিদংতি
জ্য়োতিস্তদ্দ্বিপ্রকারং সবিতুরবতু বো বাহ্যমাভ্য়ংতরং চ ॥ 29 ॥

রত্নানাং মংডনায় প্রভবতি নিযতোদ্দেশলব্ধাবকাশং
বহ্নের্দার্বাদি দগ্ধুং নিজজডিমতয়া কর্তুমানংদমিংদোঃ ।
যচ্চ ত্রৈলোক্যভূষাবিধিরঘদহনং হ্লাদি বৃষ্ট্য়াশু তদ্বো বর্ যত্তু
বাহুল্য়োত্পাদ্যকার্য়াধিকতরমবতাদেকমেবার্কতেজঃ ॥ 30 ॥

মীলচ্চক্ষুর্বিজিহ্মশ্রুতি জডরসনং নিঘ্নিতঘ্রাণবৃত্তি
স্বব্য়াপারাক্ষমত্বক্পরিমুষিতমনঃ শ্বাসমাত্রাবশেষম্ ।
বিস্রস্তাংগং পতিত্বা স্বপদপহরতাদশ্রিয়ং বোঽর্কজন্মা বর্ অপ্রিয়ং
কালব্য়ালাবলীঢং জগদগদ ইবোত্থাপযন্প্রাক্প্রতাপঃ ॥ 31 ॥

নিঃশেষং নৈশমংভঃ প্রসভমপনুদন্নশ্রুলেশানুকারি
স্তোকস্তোকাপনীতারুণরুচিরচিরাদস্তদোষানুষংগঃ ।
দাতা দৃষ্টিং প্রসন্নাং ত্রিভুবননযনস্য়াশু যুষ্মদ্বিরুদ্ধং
বধ্য়াদ্ব্রধ্নস্য় সিদ্ধাংজনবিধিরপরঃ প্রাক্তনোঽর্চিঃপ্রচারঃ ॥ 32 ॥

ভূত্বা জংভস্য় ভেত্তুঃ ককুভি পরিভবারংভভূঃ শুভ্রভানো- বর্ স্থিত্বা
র্বিভ্রাণা বভ্রুভাবং প্রসভমভিনবাংভোজজৃংভাপ্রগল্ভা ।
ভূষা ভূয়িষ্ঠশোভা ত্রিভুবনভবনস্য়াস্য় বৈভাকরী প্রাগ্-
বিভ্রাংতা ভ্রাজমানা বিভবতু বিভবোদ্ভূতয়ে সা বিভা বঃ ॥ 33 ॥ বর্ নির্ভাংতি, বিভ্রাংতি

সংসক্তং সিক্তমূলাদভিনবভুবনোদ্য়ানকৌতূহলিন্য়া
যামিন্য়া কন্যয়েবামৃতকরকলশাবর্জিতেনামৃতেন ।
অর্কালোকঃ ক্রিয়াদ্বো মুদমুদযশিরশ্চক্রবালালবালা-
দুদ্যন্বালপ্রবালপ্রতিমরুচিরহঃপাদপপ্রাক্প্ররোহঃ ॥ 34 ॥

ভিন্নং ভাসারুণস্য় ক্বচিদভিনবয়া বিদ্রুমাণাং ত্বিষেব
ত্বঙ্ন্নক্ষত্ররত্নদ্য়ুতিনিকরকরালাংতরালং ক্বচিচ্চ ।
নাংতর্নিঃশেষকৃষ্ণশ্রিযমুদধিমিব ধ্বাংতরাশিং পিবন্স্তা-
দৌর্বঃ পূর্বোঽপ্যপূর্বোঽগ্নিরিব ভবদঘপ্লুষ্টয়েঽর্কাবভাসঃ ॥ 35 ॥

গংধর্বৈর্গদ্যপদ্যব্যতিকরিতবচোহৃদ্যমাতোদ্যবাদ্য়ৈ-
রাদ্য়ৈর্য়ো নারদাদ্য়ৈর্মুনিভিরভিনুতো বেদবেদ্য়ৈর্বিভিদ্য় ।
বর্ বীতবেদ্য়ৈর্বিবিদ্য়, বেদবিদ্ভির্বিভিদ্য়
আসাদ্য়াপদ্যতে যং পুনরপি চ জগদ্য়ৌবনং সদ্য় উদ্য়-
ন্নুদ্দ্য়োতো দ্য়োতিতদ্য়ৌর্দ্যতু দিবসকৃতোঽসাববদ্য়ানি বোঽদ্য় ॥ 36 ॥

আবানৈশ্চংদ্রকাংতৈশ্চ্য়ুততিমিরতয়া তানবাত্তারকাণা- বর্ আবাংতৈঃ
মেণাংকালোকলোপাদুপহতমহসামোষধীনাং লয়েন ।
আরাদুত্প্রেক্ষ্যমাণা ক্ষণমুদযতটাংতর্হিতস্য়াহিমাংশো-
রাভা প্রাভাতিকী বোঽবতু ন তু নিতরাং তাবদাবির্ভবংতী ॥ 37 ॥

সানৌ সা নৌদয়ে নারুণিতদলপুনর্য়ৌবনানাং বনানা- বর্ লসদ্য়ৌবনানাং
মালীমালীঢপূর্বা পরিহৃতকুহরোপাংতনিম্না তনিম্না ।
ভা বোঽভাবোপশাংতিং দিশতু দিনপতের্ভাসমানা সমানা-
রাজী রাজীবরেণোঃ সমসমযমুদেতীব যস্য়া বযস্য়া ॥ 38 ॥

উজ্জৃংভাংভোরুহাণাং প্রভবতি পযসাং যা শ্রিয়ে নোষ্ণতায়ৈ
পুষ্ণাত্য়ালোকমাত্রং ন তু দিশতি দৃশাং দৃশ্যমানা বিধাতম্ ।
পূর্বাদ্রেরেব পূর্বং দিবমনু চ পুনঃ পাবনী দিঙ্মুখানা- বর্ ততঃ
মেনাংস্য়ৈনী বিভাসৌ নুদতু নুতিপদৈকাস্পদং প্রাক্তনী বঃ ॥ 39 ॥

বাচাং বাচস্পতেরপ্যচলভিদুচিতাচার্যকাণাং প্রপংচৈ-
র্বৈরংচানাং তথোচ্চারিতচতুরৃচাং চাননানাং চতুর্ণাম্ । বর্ রুচির
উচ্য়েতার্চাসু বাচ্যচ্য়ুতিশুচিচরিতং যস্য় নোচ্চৈর্বিবিচ্য় বর্ অর্চাস্ববাচ্য়
প্রাচ্য়ং বর্চশ্চকাসচ্চিরমুপচিনুতাত্তস্য় চংডার্চিষো বঃ ॥ 40 ॥ বর্ শ্রিয়ং

মূর্ধ্ন্যদ্রের্ধাতুরাগস্তরুষু কিসলয়ো বিদ্রুমৌঘঃ সমুদ্রে
বর্ – কিসলয়াদ্বিদ্রুমৌঘাত্সমুদ্রে
দিঙ্মাতংগোত্তমাংগেষ্বভিনবনিহিতঃ সাংদ্রসিংদূররেণুঃ ।
বর্ বিহিতঃ, নিহিতাত্সংদ্রসিংদূররেণোঃ
সীম্নি ব্য়োম্নশ্চ হেম্নঃ সুরশিখরিভুবো জাযতে যঃ প্রকাশঃ
শোণিম্নাসৌ খরাংশোরুষসি দিশতু বঃ শর্ম শোভৈকদেশঃ ॥ 41 ॥

অস্তাদ্রীশোত্তমাংগে শ্রিতশশিনি তমঃকালকূটে নিপীতে
যাতি ব্যক্তিং পুরস্তাদরুণকিসলয়ে প্রত্য়ুষঃপারিজাতে ।
উদ্য়ংত্য়ারক্তপীতাংবরবিশদতরোদ্বীক্ষিতা তীক্ষ্ণভানো-
বর্ রুচিরতরোদ্বীক্ষিতা বর্ তীব্রভাসঃ
র্লক্ষ্মীর্লক্ষ্মীরিবাস্তু স্ফুটকমলপুটাপাশ্রয়া শ্রেযসে বঃ ॥ 42 ॥ বর্ পুটোপাশ্রয়

নোদন্বাংজন্মভূমির্ন তদুদরভুবো বাংধবাঃ কৌস্তুভাদ্য়া
যস্য়াঃ পদ্মং ন পাণৌ ন চ নরকরিপূরঃস্থলী বাসবেশ্ম ।
তেজোরূপাপরৈব ত্রিষু ভুবনতলেষ্বাদধানা ব্যবস্থাং বর্ ত্রিভুবনভবনে
সা শ্রীঃ শ্রেয়াংসি দিশ্য়াদশিশিরমহসো মংডলাগ্রোদ্গতা বঃ ॥ 43 ॥

॥ ইতি দ্য়ুতিবর্ণনম্ ॥ বর্ তেজোবর্ণনম্

॥ অথ অশ্ববর্ণনম্ ॥

রক্ষংত্বক্ষুণ্ণহেমোপলপটলমলং লাঘবাদুত্পতংতঃ
পাতংগাঃ পংগ্ববজ্ঞাজিতপবনজবা বাজিনস্তে জগংতি ।
যেষাং বীতান্যচিহ্নোন্নযমপি বহতাং মার্গমাখ্য়াতি মেরা-
বুদ্যন্নুদ্দামদীপ্তির্দ্য়ুমণিমণিশিলাবেদিকাজাতবেদাঃ ॥ 44 ॥

প্লুষ্টাঃ পৃষ্ঠেংঽশুপাতৈরতিনিকটতয়া দত্তদাহাতিরেকৈ-
রেকাহাক্রাংতকৃত্স্নত্রিদিবপথপৃথুশ্বাসশোষাঃ শ্রমেণ ।
তীব্রোদন্য়াস্ত্বরংতামহিতবিহতয়ে সপ্তয়ঃ সপ্তসপ্তে-
রভ্য়াশাকাশগংগাজলসরলগলাবাঙ্নতাগ্রাননা বঃ ॥ 45 ॥ বর্ গলবর্জিতাগ্রাননাঃ

মত্বান্য়ান্পার্শ্বতোঽশ্বান্ স্ফটিকতটদৃষদ্দৃষ্টদেহা দ্রবংতী
ব্যস্তেঽহন্যস্তসংধ্য়েযমিতি মৃদুপদা পদ্মরাগোপলেষু ।
সাদৃশ্য়াদৃশ্যমূর্তির্মরকতকটকে ক্লিষ্টসূতা সুমেরো-
র্মূর্ধন্য়াবৃত্তিলব্ধধ্রুবগতিরবতু ব্রধ্নবাহাবলির্বঃ ॥ 46 ॥ বর্ দ্রুত

হেলালোলং বহংতী বিষধরদমনস্য়াগ্রজেনাবকৃষ্টা
স্বর্বাহিন্য়াঃ সুদূরং জনিতজবজয়া স্য়ংদনস্য় স্যদেন ।
নির্ব্য়াজং তাযমানে হরিতিমনি নিজে স্ফীতফেনাহিতশ্রী- বর্ স্ফীতফেনাস্মিতশ্রীঃ
রশ্রেয়াংস্যশ্বপংক্তিঃ শমযতু যমুনেবাপরা তাপনী বঃ ॥ 47 ॥

মার্গোপাংতে সুমেরোর্নুবতি কৃতনতৌ নাকধাম্নাং নিকায়ে
বীক্ষ্য় ব্রীডানতানাং প্রতিকুহরমুখং কিংনরীণাং মুখানি ।
সূতেঽসূযত্যপীষজ্জডগতি বহতাং কংধরার্ধৈর্বলদ্ভি- বর্ কংধরাগ্রৈঃ
র্বাহানাং ব্যস্যতাদ্বঃ সমমসমহরের্হেষিতং কল্মষাণি ॥ 48 ॥

ধুন্বংতো নীরদালীর্নিজরুচিহরিতাঃ পার্শ্বয়োঃ পক্ষতুল্য়া-
স্তালূত্তানৈঃ খলীনৈঃ খচিতমুখরুচশ্চ্য়োততা লোহিতেন ।
উড্ডীয়েব ব্রজংতো বিযতি গতিবশাদর্কবাহাঃ ক্রিয়াসুঃ
ক্ষেমং হেমাদ্রিহৃদ্যদ্রুমশিখরশিরঃশ্রেণিশাখাশুকা বঃ ॥ 49 ॥

॥ ইত্যশ্ববর্ণনম্ ॥

॥ অথ অরুণবর্ণনম্ ॥

প্রাতঃ শৈলাগ্ররংগে রজনিজবনিকাপাযসংলক্ষ্যলক্ষ্মী-
র্বিক্ষিপ্তাপূর্বপুষ্পাংজলিমুডুনিকরং সূত্রধারাযমাণঃ ।
যামেষ্বংকেষ্বিবাহ্নঃ কৃতরুচিষু চতুর্ষ্বেব জাতপ্রতিষ্ঠা- বর্ যাতঃ প্রতিষ্ঠাং
মব্য়াত্প্রস্তাবযন্বো জগদটনমহানাটিকাং সূর্যসূতঃ ॥ 50 ॥

আক্রাংত্য়া বাহ্যমানং পশুমিব হরিণা বাহকোঽগ্র্য়ো হরীণাং
ভ্রাম্য়ংতং পক্ষপাতাজ্জগতি সমরুচিঃ সর্বকর্মৈকসাক্ষী ।
শত্রুং নেত্রশ্রুতীনামবজযতি বয়োজ্য়েষ্ঠভাবে সমেঽপি
স্থাম্নাং ধাম্নাং নিধির্য়ঃ স ভবদঘনুদে নূতনঃ স্তাদনূরুঃ ॥ 51 ॥

দত্তার্ঘৈর্দূরনম্রৈর্বিযতি বিনযতো বীক্ষিতঃ সিদ্ধসার্থৈঃ বর্ সিদ্ধসাধ্য়ৈঃ
সানাথ্য়ং সারথির্বঃ স দশশতরুচেঃ সাতিরেকং করোতু ।
আপীয় প্রাতরেব প্রততহিমপয়ঃস্য়ংদিনীরিংদুভাসো
যঃ কাষ্ঠাদীপনোঽগ্রে জডিত ইব ভৃশং সেবতে পৃষ্ঠতোঽর্কম্ ॥ 52 ॥

মুংচন্রশ্মীংদিনাদৌ দিনগমসময়ে সংহরংশ্চ স্বতংত্র-
স্তোত্রপ্রখ্য়াতবীর্য়োঽবিরতহরিপদাক্রাংতিবদ্ধাভিয়োগঃ । বর্ বিতত
কালোত্কর্ষাল্লঘুত্বং প্রসভমধিপতৌ যোজযন্য়ো দ্বিজানাং
সেবাপ্রীতেন পূষ্ণাত্মসম ইব কৃতস্ত্রাযতাং সোঽরুণো বঃ ॥ 53 ॥ বর্ স্বসম

শাতঃ শ্য়ামালতায়াঃ পরশুরিব তমোঽরণ্যবহ্নেরিবার্চিঃ বর্ দাহে দবাভঃ
প্রাচ্য়েবাগ্রে গ্রহীতুং গ্রহকুমুদবনং প্রাগুদস্তোঽগ্রহস্তঃ ।
বর্ প্রাচীবাগ্রে, গ্রহকুমুদরুচিং
ঐক্য়ং ভিংদংদ্য়ুভূম্য়োরবধিরিব বিধাতেব বিশ্বপ্রবোধে
বাহানাং বো বিনেতা ব্যপনযতু বিপন্নাম ধামাধিপস্য় ॥ 54 ॥

পৌরস্ত্যস্তোযদর্তোঃ পবন ইব পতত্পাবকস্য়েব ধূমো বর্ পতন্
বিশ্বস্য়েবাদিসর্গঃ প্রণব ইব পরং পাবনো বেদরাশেঃ
সংধ্য়ানৃত্য়োত্সবেচ্ছোরিব মদনরিপোর্নংদিনাংদীনিনাদঃ
সৌরস্য়াগ্রে সুখং বো বিতরতু বিনতানংদনঃ স্য়ংদনস্য় ॥ 55 ॥ বর্ স্য়ংদনো বঃ

পর্য়াপ্তং তপ্তচামীকরকটকতটে শ্লিষ্টশীতেতরাংশা-
বাসীদত্স্য়ংদনাশ্বানুকৃতিমরকতে পদ্মরাগাযমাণঃ । বর্ অশ্বানুকৃতমরকতে
যঃ সোত্কর্ষাং বিভূষাং কুরুত ইব কুলক্ষ্মাভৃদীশস্য় মেরো-
রেনাংস্যহ্নায় দূরং গমযতু স গুরুঃ কাদ্রবেযদ্বিষো বঃ ॥ 56 ॥

নীত্বাশ্বান্সপ্ত কক্ষা ইব নিযমবশং বেত্রকল্পপ্রতোদ- বর্ কক্ষ্য়া
স্তূর্ণং ধ্বাংতস্য় রাশাবিতরজন ইবোত্সারিতে দূরভাজি ।
পূর্বং প্রষ্ঠো রথস্য় ক্ষিতিভৃদধিপতীংদর্শয়ংস্ত্রাযতাং ব-
স্ত্রৈলোক্য়াস্থানদানোদ্যতদিবসপতেঃ প্রাক্প্রতীহারপালঃ ॥ 57 ॥

বজ্রিংজাতং বিকাসীক্ষণকমলবনং ভাসি নাভাসি বহ্নে! বর্ নো ভাসি
তাতং নত্বাশ্বপার্শ্বান্নয় যম! মহিষং রাক্ষসা বীক্ষিতাঃ স্থ ।
সপ্তীন্সিংচ প্রচেতঃ! পবন! ভজ জবং বিত্তপাবেদিতস্ত্বং
বংদে শর্বেতি জল্পন্প্রতিদিশমধিপান্পাতু পূষ্ণোঽগ্রণীর্বঃ ॥ 58 ॥

পাশানাশাংতপালাদরুণ বরুণতো মা গ্রহীঃ প্রগ্রহার্থং
তৃষ্ণাং কৃষ্ণস্য় চক্রে জহিহি নহি রথো যাতি মে নৈকচক্রঃ ।
যোক্তুং যুগ্য়ং কিমুচ্চৈঃশ্রবসমভিলষস্যষ্টমং বৃত্রশত্রো- বর্ ত্বাষ্ট্রশত্রোঃ
স্ত্যক্তান্য়াপেক্ষবিশ্বোপকৃতিরিব রবিঃ শাস্তি যং সোঽবতাদ্বঃ ॥ 59 ॥

নো মূর্চ্ছাচ্ছিন্নবাংছঃ শ্রমবিবশবপুর্নৈব নাপ্য়াস্যশোষী
পাংথঃ পথ্য়েতরাণি ক্ষপযতু ভবতাং ভাস্বতোঽগ্রেসরঃ সঃ ।
যঃ সংশ্রিত্য় ত্রিলোকীমটতি পটুতরৈস্তাপ্যমানো ময়ূখৈ-
রারাদারামলেখামিব হরিতমণিশ্য়ামলামশ্বপংক্তিম্ ॥ 60 ॥ বর্ হরিততৃণ

সীদংতোঽংতর্নিমজ্জজ্জডখুরমুসলাঃ সৈকতে নাকনদ্য়াঃ
স্কংদংতঃ কংদরালীঃ কনকশিখরিণো মেখলাসু স্খলংতঃ ।
দূরং দূর্বাস্থলোত্কা মরকতদৃষদি স্থাস্নবো যন্ন যাতাঃ
পূষ্ণোঽশ্বাঃ পূরয়ংস্তৈস্তদবতু জবনৈর্হুংকৃতেনাগ্রগো বঃ ॥ 61 ॥ বর্ প্রেরযন্ হুংকৃতৈরগ্রণীঃ

॥ ইত্যরুণবর্ণনম্ ॥ বর্ সূতবর্ণনম্

॥ অথ রথবর্ণনম্ ॥

পীনোরঃপ্রেরিতাভ্রৈশ্চরমখুরপুটাগ্রস্থিতৈঃ প্রাতরদ্রা-
বাদীর্ঘাংগৈরুদস্তো হরিভিরপগতাসংগনিঃশব্দচক্রঃ ।
উত্তানানূরুমূর্ধাবনতিহঠভবদ্বিপ্রতীপপ্রণামঃ
প্রাহ্ণে শ্রেয়ো বিধত্তাং সবিতুরবতরন্ব্য়োমবীথীং রথো বঃ ॥ 62 ॥ বর্ প্রেয়ো

ধ্বাংতৌঘধ্বংসদীক্ষাবিধিপটু বহতা প্রাক্সহস্রং করাণা- বর্ বিধিগুরু দ্রাক্সহস্রং
মর্যম্ণা যো গরিম্ণঃ পদমতুলমুপানীযতাধ্য়াসনেন ।
স শ্রাংতানাং নিতাংতং ভরমিব মরুতামক্ষমাণাং বিসোঢুং
স্কংধাত্স্কংধং ব্রজন্বো বৃজিনবিজিতয়ে ভাস্বতঃ স্য়ংদনোঽস্তু ॥ 63 ॥

যোক্ত্রীভূতান্য়ুগস্য় গ্রসিতুমিব পুরো দংদশূকাংদধানো
দ্বেধাব্যস্তাংবুবাহাবলিবিহিতবৃহত্পক্ষবিক্ষেপশোভঃ ।
সাবিত্রঃ স্য়ংদনোঽসৌ নিরতিশযরযপ্রীণিতানূরুরেনঃ-
ক্ষেপীয়ো বো গরুত্মানিব হরতু হরীচ্ছাবিধেযপ্রচারঃ ॥ 64 ॥

একাহেনৈব দীর্ঘাং ত্রিভুবনপদবীং লংঘযন্ যো লঘিষ্ঠঃ বর্ কৃস্ত্নাং
পৃষ্ঠে মেরোর্গরীয়ান্ দলিতমণিদৃষত্ত্বিংষি পিংষঞ্শিরাংসি ।
সর্বস্য়ৈবোপরিষ্টাদথ চ পুনরধস্তাদিবাস্তাদ্রিমূরংধি
ব্রধ্নস্য়াব্য়াত্স এবং দুরধিগমপরিস্পংদনঃ স্য়ংদনো বঃ ॥ 65 ॥

ধূর্ধ্বস্তাগ্র্যগ্রহাণি ধ্বজপটপবনাংদোলিতেংদূনি দূরং বর্ দূরাত্
রাহৌ গ্রাসাভিলাষাদনুসরতি পুনর্দত্তচক্রব্যথানি ।
শ্রাংতাশ্বশ্বাসহেলাধুতবিবুধধুনীনির্ঝরাংভাংসি ভদ্রং
দেয়াসুর্বো দবীয়ো দিবি দিবসপতেঃ স্য়ংদনপ্রস্থিতানি ॥ 66 ॥

অক্ষে রক্ষাং নিবধ্য় প্রতিসরবলয়ৈর্য়োজয়ংত্য়ো যুগাগ্রং
ধূঃস্তংভে দগ্ধধূপাঃ প্রহিতসুমনসো গোচরে কূবরস্য় ।
চর্চাশ্চক্রে চরংত্য়ো মলযজপযসা সিদ্ধবধ্বস্ত্রিসংধ্য়ং বর্ চর্চাং
বংদংতে যং দ্য়ুমার্গে স নুদতু দুরিতান্য়ংশুমত্স্য়ংদনো বঃ ॥ 67 ॥

উত্কীর্ণস্বর্ণরেণুদ্রুতখুরদলিতা পার্শ্বয়োঃ শশ্বদশ্বৈ- বর্ রেণুর্দ্রুত
রশ্রাংতভ্রাংতচক্রক্রমনিখিলমিলন্নেমিনিম্না ভরেণ ।
মেরোর্মূর্ধন্যঘং বো বিঘটযতু রবেরেকবীথী রথস্য়
স্বোষ্মোদক্তাংবুরিক্তপ্রকটিতপুলিনোদ্ধূসরা স্বর্ধুনীব ॥ 68 ॥ বর্ স্বোষ্মোদস্তাংবু

নংতুং নাকালয়ানামনিশমনুযতাং পদ্ধতিঃ পংক্তিরেব বর্ উপযতাং
ক্ষোদো নক্ষত্ররাশেরদযরযমিলচ্চক্রপিষ্টস্য় ধূলিঃ ।
হেষহ্লাদো হরীণাং সুরশিখরিদরীঃ পূরযন্নেমিনাদো বর্ নাদো
যস্য়াব্য়াত্তীব্রভানোঃ স দিবি ভুবি যথা ব্যক্তচিহ্নো রথো বঃ ॥ 69 ॥

নিঃস্পংদানাং বিমানাবলিবিততদিবাং দেববৃংদারকাণাং বর্ বলিতদিশা
বৃংদৈরানংদসাংদ্রোদ্যমমপি বহতাং বিংদতাং বংদিতুং নো ।
মংদাকিন্য়ামমংদঃ পুলিনভৃতি মৃদুর্মংদরে মংদিরাভে বর্ মংদরাভে
মংদারৈর্মংডিতারং দধদরি দিনকৃত্স্য়ংদনঃ স্তান্মুদে বঃ ॥ 70 ॥

চক্রী চক্রারপংক্তিং হরিরপি চ হরীন্ ধূর্জটির্ধূর্ধ্বজাংতা-
নক্ষং নক্ষত্রনাথোঽরুণমপি বরুণঃ কূবরাগ্রং কুবেরঃ ।
রংহঃ সংঘঃ সুরাণাং জগদুপকৃতয়ে নিত্যয়ুক্তস্য় যস্য়
স্তৌতি প্রীতিপ্রসন্নোঽন্বহমহিমরুচেঃ সোঽবতাত্স্য়ংদনো বঃ ॥ 71 ॥ বর্ রুচ

নেত্রাহীনেন মূলে বিহিতপরিকরঃ সিদ্ধসাধ্য়ৈর্মরুদ্ভিঃ
পাদোপাংতে স্তুতোঽলং বলিহরিরভসাকর্ষণাবদ্ধবেগঃ ।
ভ্রাম্যন্ব্য়োমাংবুরাশাবশিশিরকিরণস্য়ংদনঃ সংততং বো
দিশ্য়াল্লক্ষ্মীমপারামতুলিতমহিমেবাপরো মংদরাদ্রিঃ ॥ 72 ॥ বর্ অতুল্য়াং

॥ ইতি রথবর্ণনম্ ॥

॥ অথ মংডলবর্ণনম্ ॥

যজ্জ্য়ায়ো বীজমহ্নামপহততিমিরং চক্ষুষামংজনং য- বর্ জ্য়ায়ো যদ্বীজমহ্নামপহৃত
দ্দ্বারং যন্মুক্তিভাজাং যদখিলভুবনজ্য়োতিষামেকমোকঃ ।
যদ্বৃষ্ট্য়ংভোনিধানং ধরণিরসসুধাপানপাত্রং মহদ্য়-
দ্দিশ্য়াদীশস্য় ভাসাং তদধীকলমলং মংগলং মংডলং বঃ ॥ 73 ॥ বর্ দেবস্য়
ভানোঃ তদধিকমমলং মংডলং মংগলং

বেলাবর্ধিষ্ণু সিংধোঃ পয় ইব খমিবার্ধোদ্গতাগ্য়্রগ্রহোডু
স্তোকোদ্ভিন্নস্বচিহ্নপ্রসবমিব মধোরাস্যমস্যন্মনাংসি । বর্ মহাংসি
প্রাতঃ পূষ্ণোঽশুভানি প্রশমযতু শিরঃশেখরীভূতমদ্রেঃ
পৌরস্ত্যস্য়োদ্গভস্তিস্তিমিততমতমঃখংডনং মংডলং বঃ ॥ 74 ॥

প্রত্য়ুপ্তস্তপ্তহেমোজ্জ্বলরুচিরচলঃ পদ্মরাগেণ যেন
জ্য়ায়ঃ কিংজল্কপুংজো যদলিকুলশিতেরংবরেংদীবরস্য় ।
কালব্য়ালস্য় চিহ্নং মহিততমমহোমূরংধি রত্নং মহদ্য়-
দ্দীপ্তাংশোঃ প্রাতরব্য়াত্তদবিকলজগন্মংডনং মংডলং বঃ ॥ 75 ॥

কস্ত্রাতা তারকাণাং পততি তনুরবশ্য়াযবিংদুর্যথেংদু-
র্বিদ্রাণা দৃক্স্মরারেরুরসি মুররিপোঃ কৌস্তুভো নোদ্গভস্তিঃ ।
বহ্নেঃ সাপহ্নবেব দ্য়ুতিরুদযগতে যত্র তন্মংডলং বো
মার্তংডীয়ং পুনীতাদ্দিবি ভুবি চ তমাংসীব মৃষ্ণন্মহাংসি ॥ 76 ॥

যত্প্রাচ্য়াং প্রাক্চকাস্তি প্রভবতি চ যতঃ প্রাচ্যসাবুজ্জিহানা-
দিদ্ধং মধ্য়ে যদহ্নো ভবতি ততরুচা যেন চোত্পাদ্যতেঽহঃ ।
যত্পর্য়ায়েণ লোকানবতি চ জগতাং জীবিতং যচ্চ তদ্বো
বিশ্বানুগ্রাহি বিশ্বং সৃজদপি চ রবের্মংডলং মুক্তয়েঽস্তু ॥ 77 ॥

শুষ্য়ংত্য়ূঢানুকারা মকরবসতয়ো মারবীণাং স্থলীনাং
যেনোত্তপ্তাঃ স্ফুটংতস্তডিতি তিলতুলাং যাংত্যগেংদ্রা যুগাংতে । বর্ চটিতি
তচ্চংডাংশোরকাংডত্রিভুবনদহনাশংকয়া ধাম কৃচ্ছাত্ বর্ কৃত্স্নং
সংহৃত্য়ালোকমাত্রং প্রলঘু বিদধতঃ স্তান্মুদে মংডলং বঃ ॥ 78 ॥ বর্ আহৃত্য়ালোকমাত্রং প্রতনু

উদ্যদ্দ্য়ূদ্য়ানবাপ্য়াং বহুলতমতমঃপংকপূরং বিদার্য় বর্ বহল
প্রোদ্ভিন্নং পত্রপার্শ্বেষ্ববিরলমরুণচ্ছাযয়া বিস্ফুরংত্য়া ।
কল্য়াণানি ক্রিয়াদ্বঃ কমলমিব মহন্মংডলং চংডভানো- বর্ চংডরশ্মেঃ
রন্বীতং তৃপ্তিহেতোরসকৃদলিকুলাকারিণা রাহুণা যত্ ॥ 79 ॥

চক্ষুর্দক্ষদ্বিষো যন্ন তু দহতি পুরঃ পূরযত্য়েব কামং বর্ ন দহতি নিতরাং পুনঃ
নাস্তং জুষ্টং মরুদ্ভির্যদিহ নিযমিনাং যানপাত্রং ভবাব্ধৌ ।
যদ্বীতশ্রাংতি শশ্বদ্ভ্রমদপি জগতাং ভ্রাংতিমভ্রাংতি হংতি
ব্রধ্নস্য়াখ্য়াদ্বিরুদ্ধক্রিযমথ চ হিতাধায়ি তন্মংডলং বঃ ॥ 80 ॥

॥ ইতি মংডলবর্ণনম্ ॥

॥ অথ সূর্যবর্ণনম্ ।

সিদ্ধৈঃ সিদ্ধাংতমিশ্রং শ্রিতবিধি বিবুধৈশ্চারণৈশ্চাটুগর্ভং
গীত্য়া গংধর্বমুখ্য়ৈর্মুহুরহিপতিভির্য়াতুধানৈর্যতাত্ম ।
সার্ধং সাধ্য়ৈর্মুনীংদ্রৈর্মুদিতমতমনো মোক্ষিভিঃ পক্ষপাতা- বর্ মোক্ষুভিঃ
ত্প্রাতঃ প্রারভ্যমাণস্তুতিরবতু রবির্বিশ্ববংদ্য়োদয়ো বঃ ॥ 81 ॥

ভাসামাসন্নভাবাদধিকতরপটোশ্চক্রবালস্য় তাপা-
চ্ছেদাদচ্ছিন্নগচ্ছত্তুরগখুরপুটন্য়াসনিঃশংকটংকৈঃ । বর্ ন্যস্ত
নিঃসংগস্য়ংদনাংগভ্রমণনিকষণাত্পাতু বস্ত্রিপ্রকারং বর্ ত্রিপ্রকারৈঃ
তপ্তাংশুস্তত্পরীক্ষাপর ইব পরিতঃ পর্যটন্হাটকাদ্রিম্ ॥ 82 ॥

নো শুষ্কং নাকনদ্য়া বিকসিতকনকাংভোজয়া ভ্রাজিতং তু বর্ কনকাংভোরুহা
প্লুষ্টা নৈবোপভোগ্য়া ভবতি ভৃশতরং নংদনোদ্য়ানলক্ষ্মীঃ ।
নো শৃংগাণি দ্রুতানি দ্রুতমমরগিরেঃ কালধৌতানি ধৌতা-
নীদ্ধং ধাম দ্য়ুমার্গে ম্রদযতি দযয়া যত্র সোঽর্কোঽবতাদ্বঃ ॥ 83 ॥

ধ্বাংতস্য়ৈবাংতহেতুর্ন ভবতি মলিনৈকাত্মনঃ পাপ্মনোঽপি
প্রাক্পাদোপাংতভাজাং জনযতি ন পরং পংকজানাং প্রবোধম্ ।
কর্তা নিঃশ্রেযসানামপি ন তু খলু যঃ কেবলং বাসরাণাং
সোঽব্য়াদেকোদ্যমেচ্ছাবিহিতবহুবৃহদ্বিশ্বকার্য়োঽর্যমা বঃ ॥ 84 ॥

লোটঁল্লোষ্টাবিচেষ্টঃ শ্রিতশযনতলো নিঃসহীভূতদেহঃ
সংদেহী প্রাণিতব্য়ে সপদি দশ দিশঃ প্রেক্ষমাণোঽংধকারাঃ ।
নিঃশ্বাসায়াসনিষ্ঠঃ পরমপরবশো জাযতে জীবলোকঃ বর্ চিরতরবশো
শোকেনেবান্যলোকানুদযকৃতি গতে যত্র সোঽর্কোঽবতাদ্বঃ ॥ 85 ॥ বর্ লোকাভ্য়ুদয়

ক্রামঁল্লোলোঽপি লোকাঁস্তদুপকৃতিকৃতাবাশ্রিতঃ স্থৈর্যকোটিং
নৄণাং দৃষ্টিং বিজিহ্মাং বিদধদপি করোত্য়ংতরত্য়ংতভদ্রাম্ ।
যস্তাপস্য়াপি হেতুর্ভবতি নিযমিনামেকনির্বাণদায়ী
ভূয়াত্স প্রাগবস্থাধিকতরপরিণামোদয়োঽর্কঃ শ্রিয়ে বঃ ॥ 86 ॥

ব্য়াপন্নর্তুর্ন কালো ব্যভিচরতি ফলং নৌষধীর্বৃষ্টিরিষ্টা
নৈষ্টৈস্তৃপ্য়ংতি দেবা ন হি বহতি মরুন্নির্মলাভানি ভানি ।
আশাঃ শাংতা ন ভিংদংত্যবধিমুদধয়ো বিভ্রতি ক্ষ্মাভৃতঃ ক্ষ্মাং
যস্মিংস্ত্রৈলোক্যমেবং ন চলতি তপতি স্তাত্স সূর্য়ঃ শ্রিয়ে বঃ ॥ 87 ॥

কৈলাসে কৃত্তিবাসা বিহরতি বিরহত্রাসদেহোঢকাংতঃ
শ্রাংতঃ শেতে মহাহাবধিজলধি বিনা ছদ্মনা পদ্মনাভঃ ।
যোগোদ্য়োগৈকতানো গমযতি সকলং বাসরং স্বং স্বয়ংভূ-
র্ভূরিত্রৈলোক্য়াচিংতাভৃতি ভুবনবিভৌ যত্র ভাস্বান্স বোঽব্য়াত্ ॥ 88 ॥

এতদ্যন্মংডলং খে তপতি দিনকৃতস্তা ঋচোঽর্চীংষি যানি
দ্য়োতংতে তানি সামান্যযমপি পুরুষো মংডলেঽণুর্যজূংষি ।
এবং যং বেদ বেদত্রিতযমযময়ং বেদবেদী সমগ্রো
বর্গঃ স্বর্গাপবর্গপ্রকৃতিরবিকৃতিঃ সোঽস্তু সূর্য়ঃ শ্রিয়ে বঃ ॥ 89 ॥

নাকৌকঃপ্রত্যনীকক্ষতিপটুমহসাং বাসবাগ্রেসরাণাং
সর্বেষাং সাধু পাতাং জগদিদমদিতেরাত্মজত্বে সমেঽপি ।
যেনাদিত্য়াভিধানং নিরতিশযগুণৈরাত্মনি ন্যস্তমস্তু বর্ গুণেনাত্মনি
স্তুত্যস্ত্রৈলোক্যবংদ্য়ৈস্ত্রিদশমুনিগণৈঃ সোংঽশুমান্ শ্রেযসে বঃ ॥ 90 ॥

ভূমিং ধাম্নোঽভিবৃষ্ট্য়া জগতি জলময়ীং পাবনীং সংস্মৃতাব- বর্ ধাম্নোঽথ
প্য়াগ্নেয়ীং দাহশক্ত্য়া মুহুরপি যজমানাং যথাপ্রার্থিতার্থৈঃ । বর্ যজমানাত্মিকাং
লীনামাকাশ এবামৃতকরঘটিতাং ধ্বাংতপক্ষস্য় পর্ব-
ণ্বেবং সূর্য়োঽষ্টভেদাং ভব ইব ভবতঃ পাতু বিভ্রত্স্বমূর্তিম্ ॥ 91 ॥

প্রাক্কালোন্নিদ্রপদ্মাকরপরিমলনাবির্ভবত্পাদশোভো
ভক্ত্য়া ত্যক্তোরুখেদোদ্গতি দিবি বিনতাসূনুনা নীযমানঃ ।
সপ্তাশ্বাপ্তাপরাংতান্যধিকমধরযন্য়ো জগংতি স্তুতোঽলং
দেবৈর্দেবঃ স পায়াদপর ইব মুরারাতিরহ্নাং পতির্বঃ ॥ 92 ॥

যঃ স্রষ্টাঽপাং পুরস্তাদচলবরসমভ্য়ুন্নতের্হেতুরেকো
লোকানাং যস্ত্রয়াণাং স্থিত উপরি পরং দুর্বিলংঘ্য়েন ধাম্না । বর্ চ ত্রয়াণাং
সদ্য়ঃ সিদ্ধ্য়ৈ প্রসন্নদ্য়ুতিশুভচতুরাশামুখঃ স্তাদ্বিভক্তো বর্ শুচি
দ্বেধা বেধা ইবাবিষ্কৃতকমলরুচিঃ সোঽর্চিষামাকরো বঃ ॥ 93 ॥

সাদ্রিদ্য়ূর্বীনদীশা দিশতি দশ দিশো দর্শযন্প্রাগ্দৃশো যঃ বর্ দ্রাক্ দৃশো
সাদৃশ্য়ং দৃশ্যতে নো সদশশতদৃশি ত্রৈদশে যস্য় দেশে ।
দীপ্তাংশুর্বঃ স দিশ্য়াদশিবয়ুগদশাদর্শিতদ্বাদশাত্মা
শং শাস্ত্যশ্বাংশ্চ যস্য়াশযবিদতিশয়াদ্দংদশূকাশনাদ্য়ঃ ॥ 94 ॥

তীর্থানি ব্যর্থকানি হৃদনদসরসীনির্ঝরাংভোজিনীনাং
নোদন্বংতো নুদংতি প্রতিভযমশুভশ্বভ্রপাতানুবংধি ।
আপো নাকাপগায়া অপি কলুষমুষো মজ্জতাং নৈব যত্র বর্ স্বর্গাপগায়াঃ
ত্রাতুং যাতেঽন্যলোকান্ স দিশতু দিবসস্য়ৈকহেতুর্হিতং বঃ ॥ 95 ॥ বর্ লোকং

এতত্পাতালপংকপ্লুতমিব তমসৈবৈকমুদ্গাঢমাসী-
দপ্রজ্ঞাতাপ্রতর্ক্য়ং নিরবগতি তথালক্ষণং সুপ্তমংতঃ ।
যাদৃক্সৃষ্টেঃ পুরস্তান্নিশি নিশি সকলং জাযতে তাদৃগেব
ত্রৈলোক্য়ং যদ্বিয়োগাদবতু রবিরসৌ সর্গতুল্য়োদয়ো বঃ ॥ 96 ॥

দ্বীপে যোঽস্তাচলোঽস্মিন্ভবতি খলু স এবাপরত্রোদয়াদ্রি-
র্য়া যামিন্য়ুজ্জ্বলেংদুদ্য়ুতিরিহ দিবসোঽন্যত্র তীব্রাতপঃ সা ।
যদ্বশ্য়ৌ দেশকালাবিতি নিযমযতো নো তু যং দেশকালা- বর্ নু
বব্য়াত্স স্বপ্রভুত্বাহিতভুবনহিতো হেতুরহ্নামিনো বঃ ॥ 97 ॥

ব্যগ্রৈরগ্র্যগ্রহেংদুগ্রসনগুরু ভরৈর্নো সমগ্রৈরুদগ্রৈঃ বর্ গুরুতরৈঃ
প্রত্যগ্রৈরীষদুগ্রৈরুদযগিরিগতো গোগণৈর্গৌরযন্ গাম্ ।
উদ্গাঢার্চির্বিলীনামরনগরনগগ্রাবগর্ভামিবাহ্না-
মগ্রে শ্রেয়ো বিধত্তে গ্লপযতু গহনং স গ্রহগ্রামণীর্বঃ ॥ 98 ॥

যোনিঃ সাম্নাং বিধাতা মধুরিপুরজিতো ধূর্জটিঃ শংকরোঽসৌ
মৃত্য়ুঃ কালোঽলকায়াঃ পতিরপি ধনদঃ পাবকো জাতবেদাঃ ।
ইত্থং সংজ্ঞা ডবিত্থাদিবদমৃতভুজাং যা যদৃচ্ছাপ্রবৃত্তা-
স্তাসামেকোঽভিধেযস্তদনুগুণগুণৈর্য়ঃ স সূর্য়োঽবতাদ্বঃ ॥ 99 ॥ বর্ গণৈঃ

দেবঃ কিং বাংধবঃ স্য়াত্প্রিযসুহৃদথবাঽঽচার্য় আহোস্বিদর্য়ো বর্ আর্য়ঃ
রক্ষা চক্ষুর্নু দীপো গুরুরুত জনকো জীবিতং বীজমোজঃ ।
এবং নির্ণীযতে যঃ ক ইব ন জগতাং সর্বথা সর্বদাঽসৌ বর্ সর্বদাঃ
সর্বাকারোপকারী দিশতু দশশতাভীষুরভ্যর্থিতং বঃ ॥ 100 ॥

শ্লোকা লোকস্য় ভূত্য়ৈ শতমিতি রচিতাঃ শ্রীময়ূরেণ ভক্ত্য়া
যুক্তশ্চৈতান্পঠেদ্য়ঃ সকৃদপি পুরুষঃ সর্বপাপৈর্বিমুক্তঃ ।
আরোগ্য়ং সত্কবিত্বং মতিমতুলবলং কাংতিমায়ুঃপ্রকর্ষং
বিদ্য়ামৈশ্বর্যমর্থং সুতমপি লভতে সোঽত্র সূর্যপ্রসাদাত্ ॥ 101 ॥

ইতি শ্রীময়ূরকবিপ্রণীতং সূর্যশতকং সমাপ্তম্ ।