শ্রী রাম কবচম্

অগস্তিরুবাচ
আজানুবাহুমরবিংদদলাযতাক্ষ-
-মাজন্মশুদ্ধরসহাসমুখপ্রসাদম্ ।
শ্য়ামং গৃহীত শরচাপমুদাররূপং
রামং সরামমভিরামমনুস্মরামি ॥ 1 ॥

অস্য় শ্রীরামকবচস্য় অগস্ত্য় ঋষিঃ অনুষ্টুপ্ ছংদঃ সীতালক্ষ্মণোপেতঃ শ্রীরামচংদ্রো দেবতা শ্রীরামচংদ্রপ্রসাদসিদ্ধ্যর্থে জপে বিনিয়োগঃ ।

অথ ধ্য়ানং
নীলজীমূতসংকাশং বিদ্য়ুদ্বর্ণাংবরাবৃতম্ ।
কোমলাংগং বিশালাক্ষং যুবানমতিসুংদরম্ ॥ 1 ॥

সীতাসৌমিত্রিসহিতং জটামুকুটধারিণম্ ।
সাসিতূণধনুর্বাণপাণিং দানবমর্দনম্ ॥ 2 ॥

যদা চোরভয়ে রাজভয়ে শত্রুভয়ে তথা ।
ধ্য়াত্বা রঘুপতিং ক্রুদ্ধং কালানলসমপ্রভম্ ॥ 3 ॥

চীরকৃষ্ণাজিনধরং ভস্মোদ্ধূলিতবিগ্রহম্ ।
আকর্ণাকৃষ্টবিশিখকোদংডভুজমংডিতম্ ॥ 4 ॥

রণে রিপূন্ রাবণাদীংস্তীক্ষ্ণমার্গণবৃষ্টিভিঃ ।
সংহরংতং মহাবীরমুগ্রমৈংদ্ররথস্থিতম্ ॥ 5 ॥

লক্ষ্মণাদ্য়ৈর্মহাবীরৈর্বৃতং হনুমদাদিভিঃ ।
সুগ্রীবাদ্য়ৈর্মাহাবীরৈঃ শৈলবৃক্ষকরোদ্যতৈঃ ॥ 6 ॥

বেগাত্করালহুংকারৈর্ভুভুক্কারমহারবৈঃ ।
নদদ্ভিঃ পরিবাদদ্ভিঃ সমরে রাবণং প্রতি ॥ 7 ॥

শ্রীরাম শত্রুসংঘান্মে হন মর্দয় খাদয় ।
ভূতপ্রেতপিশাচাদীন্ শ্রীরামাশু বিনাশয় ॥ 8 ॥

এবং ধ্য়াত্বা জপেদ্রামকবচং সিদ্ধিদাযকম্ ।
সুতীক্ষ্ণ বজ্রকবচং শৃণু বক্ষ্য়াম্যনুত্তমম্ ॥ 9 ॥

অথ কবচম্
শ্রীরামঃ পাতু মে মূর্ধ্নি পূর্বে চ রঘুবংশজঃ ।
দক্ষিণে মে রঘুবরঃ পশ্চিমে পাতু পাবনঃ ॥ 10 ॥

উত্তরে মে রঘুপতির্ভালং দশরথাত্মজঃ ।
ভ্রুবোর্দূর্বাদলশ্য়ামস্তয়োর্মধ্য়ে জনার্দনঃ ॥ 11 ॥

শ্রোত্রং মে পাতু রাজেংদ্রো দৃশৌ রাজীবলোচনঃ ।
ঘ্রাণং মে পাতু রাজর্ষির্গংডৌ মে জানকীপতিঃ ॥ 12 ॥

কর্ণমূলে খরধ্বংসী ভালং মে রঘুবল্লভঃ ।
জিহ্বাং মে বাক্পতিঃ পাতু দংতপংক্তী রঘূত্তমঃ ॥ 13 ॥

ওষ্ঠৌ শ্রীরামচংদ্রো মে মুখং পাতু পরাত্পরঃ ।
কংঠং পাতু জগদ্বংদ্য়ঃ স্কংধৌ মে রাবণাংতকঃ ॥ 14 ॥

ধনুর্বাণধরঃ পাতু ভুজৌ মে বালিমর্দনঃ ।
সর্বাণ্য়ংগুলিপর্বাণি হস্তৌ মে রাক্ষসাংতকঃ ॥ 15 ॥

বক্ষো মে পাতু কাকুত্স্থঃ পাতু মে হৃদয়ং হরিঃ ।
স্তনৌ সীতাপতিঃ পাতু পার্শ্বং মে জগদীশ্বরঃ ॥ 16 ॥

মধ্য়ং মে পাতু লক্ষ্মীশো নাভিং মে রঘুনাযকঃ ।
কৌসল্য়েয়ঃ কটী পাতু পৃষ্ঠং দুর্গতিনাশনঃ ॥ 17 ॥

গুহ্য়ং পাতু হৃষীকেশঃ সক্থিনী সত্যবিক্রমঃ ।
ঊরূ শার্ঙ্গধরঃ পাতু জানুনী হনুমত্প্রিয়ঃ ॥ 18 ॥

জংঘে পাতু জগদ্ব্য়াপী পাদৌ মে তাটকাংতকঃ ।
সর্বাংগং পাতু মে বিষ্ণুঃ সর্বসংধীননাময়ঃ ॥ 19 ॥

জ্ঞানেংদ্রিয়াণি প্রাণাদীন্ পাতু মে মধুসূদনঃ ।
পাতু শ্রীরামভদ্রো মে শব্দাদীন্বিষয়ানপি ॥ 20 ॥

দ্বিপদাদীনি ভূতানি মত্সংবংধীনি যানি চ ।
জামদগ্ন্যমহাদর্পদলনঃ পাতু তানি মে ॥ 21 ॥

সৌমিত্রিপূর্বজঃ পাতু বাগাদীনীংদ্রিয়াণি চ ।
রোমাংকুরাণ্যশেষাণি পাতু সুগ্রীবরাজ্যদঃ ॥ 22 ॥

বাঙ্মনোবুদ্ধ্যহংকারৈর্জ্ঞানাজ্ঞানকৃতানি চ ।
জন্মাংতরকৃতানীহ পাপানি বিবিধানি চ ॥ 23 ॥

তানি সর্বাণি দগ্ধ্বাশু হরকোদংডখংডনঃ ।
পাতু মাং সর্বতো রামঃ শার্ঙ্গবাণধরঃ সদা ॥ 24 ॥

ইতি শ্রীরামচংদ্রস্য় কবচং বজ্রসম্মিতম্ ।
গুহ্য়াদ্গুহ্যতমং দিব্য়ং সুতীক্ষ্ণ মুনিসত্তম ॥ 25 ॥

যঃ পঠেচ্ছৃণুয়াদ্বাপি শ্রাবয়েদ্বা সমাহিতঃ ।
স যাতি পরমং স্থানং রামচংদ্রপ্রসাদতঃ ॥ 26 ॥

মহাপাতকয়ুক্তো বা গোঘ্নো বা ভ্রূণহা তথা ।
শ্রীরামচংদ্রকবচপঠনাচ্ছুদ্ধিমাপ্নুয়াত্ ॥ 27 ॥

ব্রহ্মহত্য়াদিভিঃ পাপৈর্মুচ্যতে নাত্র সংশয়ঃ ।
ভো সুতীক্ষ্ণ যথা পৃষ্টং ত্বয়া মম পুরাঃ শুভম্ ।
তথা শ্রীরামকবচং ময়া তে বিনিবেদিতম্ ॥ 28 ॥

ইতি শ্রীমদানংদরামাযণে মনোহরকাংডে সুতীক্ষ্ণাগস্ত্যসংবাদে শ্রীরামকবচম্ ॥