শ্রী মীনাক্ষী স্তোত্রম্

শ্রীবিদ্য়ে শিববামভাগনিলয়ে শ্রীরাজরাজার্চিতে
শ্রীনাথাদিগুরুস্বরূপবিভবে চিংতামণীপীঠিকে ।
শ্রীবাণীগিরিজানুতাংঘ্রিকমলে শ্রীশাংভবি শ্রীশিবে
মধ্য়াহ্নে মলযধ্বজাধিপসুতে মাং পাহি মীনাংবিকে ॥ 1 ॥

চক্রস্থেঽচপলে চরাচরজগন্নাথে জগত্পূজিতে
আর্তালীবরদে নতাভযকরে বক্ষোজভারান্বিতে ।
বিদ্য়ে বেদকলাপমৌলিবিদিতে বিদ্য়ুল্লতাবিগ্রহে
মাতঃ পূর্ণসুধারসার্দ্রহৃদয়ে মাং পাহি মীনাংবিকে ॥ 2 ॥

কোটীরাংগদরত্নকুংডলধরে কোদংডবাণাংচিতে
কোকাকারকুচদ্বয়োপরিলসত্প্রালংবহারাংচিতে ।
শিংজন্নূপুরপাদসারসমণীশ্রীপাদুকালংকৃতে
মদ্দারিদ্র্যভুজংগগারুডখগে মাং পাহি মীনাংবিকে ॥ 3 ॥

ব্রহ্মেশাচ্য়ুতগীযমানচরিতে প্রেতাসনাংতস্থিতে
পাশোদংকুশচাপবাণকলিতে বালেংদুচূডাংচিতে ।
বালে বালকুরংগলোলনযনে বালার্ককোট্য়ুজ্জ্বলে
মুদ্রারাধিতদৈবতে মুনিসুতে মাং পাহি মীনাংবিকে ॥ 4 ॥

গংধর্বামরযক্ষপন্নগনুতে গংগাধরালিংগিতে
গাযত্রীগরুডাসনে কমলজে সুশ্য়ামলে সুস্থিতে ।
খাতীতে খলদারুপাবকশিখে খদ্য়োতকোট্য়ুজ্জ্বলে
মংত্রারাধিতদৈবতে মুনিসুতে মাং পাহী মীনাংবিকে ॥ 5 ॥

নাদে নারদতুংবুরাদ্যবিনুতে নাদাংতনাদাত্মিকে
নিত্য়ে নীললতাত্মিকে নিরুপমে নীবারশূকোপমে ।
কাংতে কামকলে কদংবনিলয়ে কামেশ্বরাংকস্থিতে
মদ্বিদ্য়ে মদভীষ্টকল্পলতিকে মাং পাহি মীনাংবিকে ॥ 6 ॥

বীণানাদনিমীলিতার্ধনযনে বিস্রস্তচূলীভরে
তাংবূলারুণপল্লবাধরয়ুতে তাটংকহারান্বিতে ।
শ্য়ামে চংদ্রকলাবতংসকলিতে কস্তূরিকাফালিকে
পূর্ণে পূর্ণকলাভিরামবদনে মাং পাহি মীনাংবিকে ॥ 7 ॥

শব্দব্রহ্মময়ী চরাচরময়ী জ্য়োতির্ময়ী বাঙ্ময়ী
নিত্য়ানংদময়ী নিরংজনময়ী তত্ত্বংময়ী চিন্ময়ী ।
তত্ত্বাতীতময়ী পরাত্পরময়ী মায়াময়ী শ্রীময়ী
সর্বৈশ্বর্যময়ী সদাশিবময়ী মাং পাহি মীনাংবিকে ॥ 8 ॥

ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ মীনাক্ষী স্তোত্রম্ ।