নিত্য় পূজা বিধানম্ (স্মার্ত পদ্ধতি)

আবশ্যকানি বস্তূনি
– আসনং
– দীপঃ
– গংধঃ
– কুংকুমং
– অক্ষতাঃ
– পুষ্পাণি
– ধূপঃ
– নৈবেদ্য়ং
– তাংবূলং
– আচমনীয়ং
– পূজা পাত্রং
– কলশঃ
– শংখঃ [optional]
– ইষ্ট দেবতা প্রতিমা বা চিত্রপটঃ বা

সূচনা
[This is a general template. Replace iShTa dEvatA with the actual deity name or mantra used in your family. Examples: OM SrImahAgaNapatayE namaH, OM namaH SivAya, OM namO nArAyaNAya, OM SrI durgAyai namaH, OM SrIsubrahmaNyAya namaH.]

পূর্বাংগ পূজা
শ্রীমহাগণাধিপতয়ে নমঃ ।
শ্রী গুরুভ্য়ো নমঃ ।
হরিঃ ওম্ ।

শুচিঃ
অপবিত্রঃ পবিত্রো বা সর্বাবস্থাং গতোঽপি বা ।
যঃ স্মরেত্ পুংডরীকাক্ষং স বাহ্য়াভ্য়ংতরঃ শুচিঃ ॥
পুংডরীকাক্ষ পুংডরীকাক্ষ পুংডরীকাক্ষায় নমঃ ॥

প্রার্থনা
শুক্লাংবরধরং বিষ্ণুং শশিবর্ণং চতুর্ভুজম্ ।
প্রসন্নবদনং ধ্য়ায়েত্ সর্ববিঘ্নোপশাংতয়ে ॥

অগজানন পদ্মার্কং গজাননমহর্নিশম্ ।
অনেকদং তং ভক্তানাং একদংতমুপাস্মহে ॥

তদেব লগ্নং সুদিনং তদেব
তারাবলং চংদ্রবলং তদেব ।
বিদ্য়াবলং দৈববলং তদেব
লক্ষ্মীপতে তেঽংঘ্রিয়ুগং স্মরামি ॥

গুরুর্ব্রহ্মা গুরুর্বিষ্ণুঃ গুরুর্দেবো মহেশ্বরঃ ।
গুরুঃ সাক্ষাত্ পরব্রহ্ম তস্মৈ শ্রীগুরবে নমঃ ॥

সর্বমংগল মাংগল্য়ে শিবে সর্বার্থসাধিকে ।
শরণ্য়ে ত্র্য়ংবকে গৌরী নারাযণি নমোঽস্তু তে ॥

শ্রীলক্ষ্মীনারাযণাভ্য়াং নমঃ ।
উমামহেশ্বরাভ্য়াং নমঃ ।
বাণীহিরণ্যগর্ভাভ্য়াং নমঃ ।
শচীপুরংদরাভ্য়াং নমঃ ।
অরুংধতীবসিষ্ঠাভ্য়াং নমঃ ।
শ্রীসীতারামাভ্য়াং নমঃ ।
মাতাপিতৃভ্য়ো নমঃ ।
সর্বেভ্য়ো মহাজনেভ্য়ো নমঃ ।

আচমনং
ওং কেশবায় স্বাহা ।
ওং নারাযণায় স্বাহা ।
ওং মাধবায় স্বাহা ।
ওং গোবিংদায় নমঃ ।
ওং বিষ্ণবে নমঃ ।
ওং মধুসূদনায় নমঃ ।
ওং ত্রিবিক্রমায় নমঃ ।
ওং বামনায় নমঃ ।
ওং শ্রীধরায় নমঃ ।
ওং হৃষীকেশায় নমঃ ।
ওং পদ্মনাভায় নমঃ ।
ওং দামোদরায় নমঃ ।
ওং সংকর্ষণায় নমঃ ।
ওং বাসুদেবায় নমঃ ।
ওং প্রদ্য়ুম্নায় নমঃ ।
ওং অনিরুদ্ধায় নমঃ ।
ওং পুরুষোত্তমায় নমঃ ।
ওং অধোক্ষজায় নমঃ ।
ওং নারসিংহায় নমঃ ।
ওং অচ্য়ুতায় নমঃ ।
ওং জনার্দনায় নমঃ ।
ওং উপেংদ্রায় নমঃ ।
ওং হরয়ে নমঃ ।
ওং শ্রীকৃষ্ণায় নমঃ ।

দীপারাধনম্
দীপস্ত্বং ব্রহ্মরূপোঽসি জ্য়োতিষাং প্রভুরব্যয়ঃ ।
সৌভাগ্য়ং দেহি পুত্রাংশ্চ সর্বান্কামাংশ্চ দেহি মে ॥
ভো দীপ দেবি রূপস্ত্বং কর্মসাক্ষী হ্যবিঘ্নকৃত্ ।
যাবত্পূজাং করিষ্য়ামি তাবত্ত্বং সুস্থিরো ভব ॥
দীপারাধন মুহূর্তঃ সুমুহূর্তোঽস্তু ॥

ভূতোচ্চাটনম্
উত্তিষ্ঠংতু ভূতপিশাচাঃ য এতে ভূমিভারকাঃ ।
এতেষামবিরোধেন ব্রহ্মকর্ম সমারভে ॥
অপসর্পংতু তে ভূতা যে ভূতা ভূমিসংস্থিতাঃ ।
যে ভূতা বিঘ্নকর্তারস্তে গচ্ছংতু শিবাঽজ্ঞয়া ॥

প্রাণায়ামঃ

ওং ভূঃ । ওং ভুবঃ॑ । ওগ্​ম্ সুবঃ॑ । ওং মহঃ॑ । ওং জনঃ॑ । ওং তপঃ॑ । ওগ্​ম্ সত্যম্ ।
ওং তত্স॑বি॒তুর্বরে᳚ণ্য়ং॒ ভর্গো॑ দে॒বস্য়॑ ধীমহি ।
ধিয়ো॒ যো নঃ॑ প্রচো॒দয়া᳚ত্ ॥
ওমাপো॒ জ্য়োতী॒ রসো॒ঽমৃতং॒ ব্রহ্ম॒ ভূর্ভুব॒স্সুব॒রোম্ ॥

সংকল্পঃ
মম উপাত্ত সমস্ত দুরিতক্ষয় দ্বারা শ্রীপরমেশ্বর প্রীত্যর্থং, মম/অস্মাকং সহকুটুংবস্য় ক্ষেম-স্থৈর্য়-ধৈর্য়-বীর্য়-বিজয়-অভয়-আয়ুঃ-আরোগ্য়-ঐশ্বর্য়-অভিবৃদ্ধ্যর্থং, ধর্মার্থ-কাম-মোক্ষ-চতুর্বিধ-পুরুষার্থ-ফল-সিদ্ধ্যর্থং, সর্বাভীষ্ট-সিদ্ধ্যর্থং, শ্রী ইষ্ট দেবতা-প্রীত্যর্থং, যাবচ্ছক্তি ধ্য়ান-আবাহনাদি-ষোডশোপচার-পূজাং করিষ্য়ে ॥

তদংগ কলশারাধনং করিষ্য়ে ॥

কলশারাধনম্
কলশে গংধ পুষ্পাক্ষতৈরভ্যর্চ্য় ।
কলশে উদকং পূরয়িত্বা ।
কলশস্য়োপরি হস্তং নিধায় ।

কলশস্য় মুখে বিষ্ণুঃ কংঠে রুদ্রঃ সমাশ্রিতঃ ।
মূলে ত্বস্য় স্থিতো ব্রহ্মা মধ্য়ে মাতৃগণাঃ স্মৃতাঃ ॥
কুক্ষৌ তু সাগরাঃ সর্বে সপ্তদ্বীপা বসুংধরা ।
ঋগ্বেদোঽথ যজুর্বেদো সামবেদো হ্যথর্বণঃ ॥
অংগৈশ্চ সহিতাঃ সর্বে কলশাংবু সমাশ্রিতাঃ ॥

গংগে চ যমুনে চৈব গোদাবরী সরস্বতী ।
নর্মদে সিংধু কাবেরী জলেঽস্মিন্ সন্নিধিং কুরু ॥
কাবেরী তুংগভদ্রা চ কৃষ্ণবেণী চ গৌতমী ।
ভাগীরথীতি বিখ্য়াতাঃ পংচগংগাঃ প্রকীর্তিতাঃ ॥

আয়াংতু দেবপূজার্থং মম দুরিতক্ষযকারকাঃ ।
কলশোদকেন পূজা দ্রব্য়াণি সংপ্রোক্ষ্য়, দেবং সংপ্রোক্ষ্য়, আত্মানং চ সংপ্রোক্ষ্য় ॥

শংখপূজা
শংখং চংদ্রার্ক দৈবতং মধ্য়ে বরুণ দেবতাম্ ।
পৃষ্ঠে প্রজাপতিং বিংদ্য়াদগ্রে গংগা সরস্বতীম্ ॥
ত্রৈলোক্য়ে যানি তীর্থানি বাসুদেবস্য় আজ্ঞয়া ।
শংখে তিষ্ঠংতু বিপ্রেংদ্রাঃ তস্মাত্ শংখং প্রপূজয়েত্ ॥

ওং শংখায় নমঃ ।
ওং ধবলায় নমঃ ।
ওং পাংচজন্য়ায় নমঃ ।
ওং শংখদেবতাভ্য়ো নমঃ ।
সকলপূজার্থে অক্ষতান্ সমর্পয়ামি ॥

ঘংটানাদঃ
আগমার্থং তু দেবানাং গমনার্থং তু রাক্ষসাম্ ।
ঘংটারবং করোম্য়াদৌ দেবতাহ্বান লাংছনম্ ॥
ওং ঘংটাদেবতাভ্য়ো নমঃ ।
সকলোপচার পূজার্থে অক্ষতান্ সমর্পয়ামি ॥

শ্রী মহাগণপতি পূজা

ওং গ॒ণানাং᳚ ত্বা গ॒ণপ॑তিগ্​ম্ হবামহে ক॒বিং ক॑বী॒নামু॑প॒মশ্র॑বস্তমম্ ।
জ্য়ে॒ষ্ঠ॒রাজং॒ ব্রহ্ম॑ণাং ব্রহ্মণস্পত॒ আ নঃ॑ শৃ॒ণ্বন্নূ॒তিভি॑স্সীদ॒ সাদ॑নম্ ॥

সুমুখশ্চৈকদংতশ্চ কপিলো গজকর্ণকঃ ।
লংবোদরশ্চ বিকটো বিঘ্নরাজো গণাধিপঃ ॥
ধূমকেতুর্গণাধ্যক্ষঃ ফালচংদ্রো গজাননঃ ।
বক্রতুংডঃ শূর্পকর্ণো হেরংবঃ স্কংদপূর্বজঃ ॥

ওং শ্রীমহাগণপতয়ে নমঃ ।
ধ্য়ায়ামি । আবাহয়ামি । আসনং সমর্পয়ামি ।
পাদ্য়ং সমর্পয়ামি । অর্ঘ্য়ং সমর্পয়ামি । আচমনীয়ং সমর্পয়ামি ।
স্নানং সমর্পয়ামি । বস্ত্রং সমর্পয়ামি । যজ্ঞোপবীতং সমর্পয়ামি ।
গংধং সমর্পয়ামি । পুষ্পাণি সমর্পয়ামি ।
ধূপমাঘ্রাপয়ামি । দীপং দর্শয়ামি ।
নৈবেদ্য়ং সমর্পয়ামি । তাংবূলং সমর্পয়ামি ।
নীরাজনং সমর্পয়ামি । মংত্রপুষ্পং সমর্পয়ামি ।
প্রদক্ষিণ নমস্কারান্ সমর্পয়ামি ॥

ষোডশোপচার পূজা
ইষ্ট দেবতা ধ্য়ানম্
[Meditate on the chosen deity. If there is a known dhyana sloka for that deity, recite it here.]

ওং শ্রী ইষ্ট দেবতায়ৈ নমঃ ।
ধ্য়ায়ামি । ধ্য়ানং সমর্পয়ামি ॥

আবাহনম্
ওং শ্রী ইষ্ট দেবতায়ৈ নমঃ ।
আবাহয়ামি । স্থাপয়ামি । পূজয়ামি ॥

আসনম্
রত্নসিংহাসনং চারু প্রীত্যর্থং প্রতিগৃহ্যতাম্ ।
ওং শ্রী ইষ্ট দেবতায়ৈ নমঃ ।
আসনং সমর্পয়ামি ॥

পাদ্যম্
পাদ্য়ং গৃহাণ দেবেশ পাবনং পুণ্য় বর্ধনম্ ।
ওং শ্রী ইষ্ট দেবতায়ৈ নমঃ ।
পাদয়োঃ পাদ্য়ং সমর্পয়ামি ॥

অর্ঘ্যম্
গংধ-পুষ্পাক্ষতৈর্য়ুক্তং অর্ঘ্য়ং ভক্ত্য়া নিবেদিতম্ ।
ওং শ্রী ইষ্ট দেবতায়ৈ নমঃ ।
হস্তয়োঃ অর্ঘ্য়ং সমর্পয়ামি ॥

আচমনীযম্
মংদাকিন্য়াস্তু যদ্বারি সর্বপাপহরং শুভম্ ।
তদিদং কল্পিতং দেব সম্যগাচম্যতাং প্রভো ॥
ওং শ্রী ইষ্ট দেবতায়ৈ নমঃ ।
মুখে আচমনীয়ং সমর্পয়ামি ॥

স্নানম্

আপো॒ হিষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন ।
ম॒হে রণা॑য়॒ চক্ষ॑সে ॥
যো বঃ॑ শি॒বত॑মো রস॒স্তস্য়॑ ভাজযতে॒হ নঃ॑ ।
উ॒শ॒তীরি॑ব মা॒ত॑রঃ ॥
তস্মা॒ অরং॑ গমাম বো॒ যস্য়॒ ক্ষয়া॑য়॒ জিন্ব॑থ ।
আপো॑ জ॒নয়॑থা চ নঃ ॥

ওং শ্রী ইষ্ট দেবতায়ৈ নমঃ ।
শুদ্ধোদক স্নানং সমর্পয়ামি ॥
স্নানানংতরং আচমনীয়ং সমর্পয়ামি ॥

বস্ত্রম্
বস্ত্রয়ুগ্মং চ দিব্য়ং চ শোভনং প্রীতি বর্ধনম্ ।
ওং শ্রী ইষ্ট দেবতায়ৈ নমঃ ।
বস্ত্রং সমর্পয়ামি ॥

যজ্ঞোপবীতম্
যজ্ঞোপবীতং পরমং পবিত্রং প্রজাপতের্যত্সহজং পুরস্তাত্ ।
আয়ুষ্যমগ্র্য়ং প্রতিমুংচ শুভ্রং যজ্ঞোপবীতং বলমস্তু তেজঃ ॥
ওং শ্রী ইষ্ট দেবতায়ৈ নমঃ ।
যজ্ঞোপবীতং সমর্পয়ামি ॥

গংধম্
শ্রীখংডং চংদনং দিব্য়ং গংধাঢ্য়ং সুমনোহরম্ ।
বিলেপনং সুরশ্রেষ্ঠ প্রীত্যর্থং প্রতিগৃহ্যতাম্ ॥
ওং শ্রী ইষ্ট দেবতায়ৈ নমঃ ।
গংধং সমর্পয়ামি ॥

অর্চন
অক্ষতান্ ধবলান্ দিব্য়ান্ পুষ্পাণি চ সুগংধীনি ।
ভক্ত্য়া দত্তানি গৃহ্য়ংতাং সর্বদেবাঃ প্রসীদত ॥

[Choose the namavali for the deity being worshipped. Recite the ashtottara shata namavali, or at least a few known names, and offer flowers or akshatas with each name.]
উদাহরণানি –

অথবা ইষ্ট দেবতা নামাবলী পঠনম্ ॥

ওং শ্রী ইষ্ট দেবতায়ৈ নমঃ ।
অষ্টোত্তর শত নামাবলী পূজাং সমর্পয়ামি ।
অক্ষতান্ পুষ্পাণি চ সমর্পয়ামি ॥

ধূপম্
বনস্পত্য়ুদ্ভবৈর্দিব্য়ৈঃ নানাগংধৈঃ সুসংয়ুতঃ ।
আঘ্রেয়ঃ সর্বদেবানাং ধূপোঽয়ং প্রতিগৃহ্যতাম্ ॥
ওং শ্রী ইষ্ট দেবতায়ৈ নমঃ ।
ধূপমাঘ্রাপয়ামি ॥

দীপম্
সাজ্য়ং ত্রিবর্তি সংয়ুক্তং বহ্নিনা যোজিতং প্রিযম্ ।
গৃহাণ মংগলং দীপং ত্রৈলোক্য় তিমিরাপহম্ ॥
ওং শ্রী ইষ্ট দেবতায়ৈ নমঃ ।
দীপং দর্শয়ামি ॥

নৈবেদ্যম্
নৈবেদ্য়ং গৃহ্যতাং দেব ভক্ত্য়া সংপাদিতং ময়া ।
ইদং ফলং চ পানীয়ং সর্বোপচার সংয়ুতম্ ॥

ওং ভূর্ভুব॒স্সুবঃ॒ । তত্স॑বি॒তুর্বরে᳚ণ্য়ং॒ ভর্গো॑ দে॒বস্য়॑ ধীমহি ।
ধি॒য়ো যো নঃ॑ প্রচো॒দয়া᳚ত্ ॥

সত্য়ং ত্বা ঋতেন পরিষিংচামি ।
অমৃতমস্তু । অমৃতোপস্তরণমসি ।
ওং প্রাণায় স্বাহা । ওং অপানায় স্বাহা । ওং ব্য়ানায় স্বাহা ।
ওং উদানায় স্বাহা । ওং সমানায় স্বাহা ।
মধ্য়ে মধ্য়ে পানীয়ং সমর্পয়ামি ।
অমৃতাপিধানমসি ।
উত্তরাপোশনং সমর্পয়ামি ।
হস্তৌ প্রক্ষালয়ামি । পাদৌ প্রক্ষালয়ামি ।
শুদ্ধাচমনীয়ং সমর্পয়ামি ॥

ওং শ্রী ইষ্ট দেবতায়ৈ নমঃ ।
নৈবেদ্য়ং সমর্পয়ামি ॥

তাংবূলম্
পূগীফলশ্চ কর্পূরৈঃ নাগবল্লীদলৈর্য়ুতম্ ।
মুক্তাচূর্ণ সংয়ুক্তং তাংবূলং প্রতিগৃহ্যতাম্ ॥
ওং শ্রী ইষ্ট দেবতায়ৈ নমঃ ।
তাংবূলং সমর্পয়ামি ॥

নীরাজনম্
নানাদীপসমায়ুক্তং নীরাজনং মনোহরম্ ।
অজ্ঞান তিমির ধ্বংসি গৃহ্যতাং ভক্তিপূর্বকম্ ॥
ওং শ্রী ইষ্ট দেবতায়ৈ নমঃ ।
নীরাজনং সমর্পয়ামি ॥

মংত্রপুষ্পম্

যো॑ঽপাং পুষ্পং॒-বেঁদ॑ । পুষ্প॑বান্ প্র॒জাবা᳚ন্ পশু॒মান্ ভ॑বতি ।
চং॒দ্রমা॒ বা অ॒পাং পুষ্প᳚ম্ ।
পুষ্প॑বান্ প্র॒জাবা᳚ন্ পশু॒মান্ ভ॑বতি ।
য এ॒বং-বেঁদ॑ ॥

ওং শ্রী ইষ্ট দেবতায়ৈ নমঃ ।
মংত্রপুষ্পং সমর্পয়ামি ॥

প্রদক্ষিণম্
যানি কানি চ পাপানি জন্মাংতর কৃতানি চ ।
তানি তানি প্রণশ্য়ংতি প্রদক্ষিণ পদে পদে ॥
ওং শ্রী ইষ্ট দেবতায়ৈ নমঃ ।
প্রদক্ষিণ নমস্কারান্ সমর্পয়ামি ॥

নমস্কারঃ
উরসা শিরসা দৃষ্ট্য়া মনসা বচসা তথা ।
পদ্ভ্য়াং করাভ্য়াং কর্ণাভ্য়াং প্রণামোঽষ্টাংগ উচ্যতে ॥
ওং শ্রী ইষ্ট দেবতায়ৈ নমঃ ।
নমস্কারান্ সমর্পয়ামি ॥

সর্বোপচারাঃ
ওং শ্রী ইষ্ট দেবতায়ৈ নমঃ ।
ছত্রং সমর্পয়ামি ।
চামরং সমর্পয়ামি ।
গীতং শ্রাবয়ামি ।
নৃত্য়ং দর্শয়ামি ।
সমস্ত রাজোপচারান্ দেবোপচারান্ সমর্পয়ামি ॥

ক্ষমাপ্রার্থনা
মংত্রহীনং ক্রিয়াহীনং ভক্তিহীনং সুরেশ্বর ।
যত্পূজিতং ময়া দেব পরিপূর্ণং তদস্তু তে ॥

কায়েন বাচা মনসেংদ্রিয়ৈর্বা
বুদ্ধ্য়াত্মনা বা প্রকৃতেঃ স্বভাবাত্ ।
করোমি যদ্যত্ সকলং পরস্মৈ
নারাযণায়েতি সমর্পয়ামি ॥

অনয়া ধ্য়ান-আবাহনাদি-ষোডশোপচার পূজয়া শ্রী ইষ্ট দেবতা সুপ্রীতা সুপ্রসন্না বরদা ভবতু ॥

উদ্বাসনম্
ওং শ্রী ইষ্ট দেবতায়ৈ নমঃ ।
যথাস্থানং উদ্বাসয়ামি ।
শোভনার্থে ক্ষেমায় পুনরাগমনায় চ ॥

প্রসাদ গ্রহণম্
অকালমৃত্য়ুহরণং সর্বব্য়াধিনিবারণম্ ।
সমস্তপাপক্ষযকরং দেবতা পাদোদকং শুভম্ ॥

শ্রী ইষ্ট দেবতা প্রসাদং শিরসা গৃহ্ণামি ॥

ওং শাংতিঃ শাংতিঃ শাংতিঃ ॥

ওং তত্সত্ ব্রহ্মার্পণমস্তু ॥