নবগ্রহ স্তোত্রম্

নবগ্রহ ধ্য়ান শ্লোকম্
আদিত্য়ায় চ সোমায় মংগলায় বুধায় চ ।
গুরু শুক্র শনিভ্যশ্চ রাহবে কেতবে নমঃ ॥

রবিঃ
জপাকুসুম সংকাশং কাশ্যপেয়ং মহাদ্য়ুতিম্ ।
তমোঽরিং সর্ব পাপঘ্নং প্রণতোস্মি দিবাকরম্ ॥

চংদ্রঃ
দধিশংখ তুষারাভং ক্ষীরার্ণব সমুদ্ভবম্ (ক্ষীরোদার্ণব সংভবম্) ।
নমামি শশিনং সোমং শংভো-র্মকুট ভূষণম্ ॥

কুজঃ
ধরণী গর্ভ সংভূতং বিদ্য়ুত্কাংতি সমপ্রভম্ ।
কুমারং শক্তিহস্তং তং কুজং [মংগলং] প্রণমাম্যহম্ ॥

বুধঃ
প্রিয়ংগু কলিকাশ্য়ামং রূপেণা প্রতিমং বুধম্ ।
সৌম্য়ং সৌম্য় (সত্ব) গুণোপেতং তং বুধং প্রণমাম্যহম্ ॥

গুরুঃ
দেবানাং চ ঋষীণাং চ গুরুং কাংচনসন্নিভম্ ।
বুদ্ধিমংতং ত্রিলোকেশং তং নমামি বৃহস্পতিম্ ॥

শুক্রঃ
হিমকুংদ মৃণালাভং দৈত্য়ানং পরমং গুরুম্ ।
সর্বশাস্ত্র প্রবক্তারং ভার্গবং প্রণমাম্যহম্ ॥

শনিঃ
নীলাংজন সমাভাসং রবিপুত্রং যমাগ্রজম্ ।
ছায়া মার্তাংড সংভূতং তং নমামি শনৈশ্চরম্ ॥

রাহুঃ
অর্ধকায়ং মহাবীরং চংদ্রাদিত্য় বিমর্ধনম্ ।
সিংহিকা গর্ভ সংভূতং তং রাহুং প্রণমাম্যহম্ ॥

কেতুঃ
পলাশ পুষ্প সংকাশং তারকাগ্রহমস্তকম্ ।
রৌদ্রং রৌদ্রাত্মকং ঘোরং তং কেতুং প্রণমাম্যহম্ ॥

ফলশ্রুতিঃ
ইতি ব্য়াস মুখোদ্গীতং যঃ পঠেত্সু সমাহিতঃ ।
দিবা বা যদি বা রাত্রৌ বিঘ্নশাংতি-র্ভবিষ্যতি ॥

নরনারী-নৃপাণাং চ ভবে-দ্দুঃস্বপ্ন-নাশনম্ ।
ঐশ্বর্যমতুলং তেষামারোগ্য়ং পুষ্টি বর্ধনম্ ॥

গ্রহনক্ষত্রজাঃ পীডাস্তস্করাগ্নি সমুদ্ভবাঃ ।
তাস্সর্বাঃ প্রশমং যাংতি ব্য়াসো ব্রূতে ন সংশয়ঃ ॥

ইতি ব্য়াস বিরচিতং নবগ্রহ স্তোত্রং সংপূর্ণম্ ।