নারাযণীয়ং দশক 34 – শ্রীরামাবতারম্

গীর্বাণৈরর্থ্যমানো দশমুখনিধনং কোসলেষ্বৃশ্যশৃংগে
পুত্রীয়ামিষ্টিমিষ্ট্বা দদুষি দশরথক্ষ্মাভৃতে পাযসাগ্র্যম্ ।
তদ্ভুক্ত্য়া তত্পুরংধ্রীষ্বপি তিসৃষু সমং জাতগর্ভাসু জাতো
রামস্ত্বং লক্ষ্মণেন স্বযমথ ভরতেনাপি শত্রুঘ্ননাম্না ॥1॥

কোদংডী কৌশিকস্য় ক্রতুবরমবিতুং লক্ষ্মণেনানুয়াতো
যাতোঽভূস্তাতবাচা মুনিকথিতমনুদ্বংদ্বশাংতাধ্বখেদঃ ।
নৃণাং ত্রাণায় বাণৈর্মুনিবচনবলাত্তাটকাং পাটয়িত্বা
লব্ধ্বাস্মাদস্ত্রজালং মুনিবনমগমো দেব সিদ্ধাশ্রমাখ্যম্ ॥2॥

মারীচং দ্রাবয়িত্বা মখশিরসি শরৈরন্যরক্ষাংসি নিঘ্নন্
কল্য়াং কুর্বন্নহল্য়াং পথি পদরজসা প্রাপ্য় বৈদেহগেহম্ ।
ভিংদানশ্চাংদ্রচূডং ধনুরবনিসুতামিংদিরামেব লব্ধ্বা
রাজ্য়ং প্রাতিষ্ঠথাস্ত্বং ত্রিভিরপি চ সমং ভ্রাতৃবীরৈস্সদারৈঃ ॥3॥

আরুংধানে রুষাংধে ভৃগুকুল তিলকে সংক্রময়্য় স্বতেজো
যাতে যাতোঽস্যয়োধ্য়াং সুখমিহ নিবসন্ কাংতয়া কাংতমূর্তে ।
শত্রুঘ্নেনৈকদাথো গতবতি ভরতে মাতুলস্য়াধিবাসং
তাতারব্ধোঽভিষেকস্তব কিল বিহতঃ কেকয়াধীশপুত্র্য়া ॥4॥

তাতোক্ত্য়া যাতুকামো বনমনুজবধূসংয়ুতশ্চাপধারঃ
পৌরানারুধ্য় মার্গে গুহনিলযগতস্ত্বং জটাচীরধারী।
নাবা সংতীর্য় গংগামধিপদবি পুনস্তং ভরদ্বাজমারা-
ন্নত্বা তদ্বাক্যহেতোরতিসুখমবসশ্চিত্রকূটে গিরীংদ্রে ॥5॥

শ্রুত্বা পুত্রার্তিখিন্নং খলু ভরতমুখাত্ স্বর্গয়াতং স্বতাতং
তপ্তো দত্বাঽংবু তস্মৈ নিদধিথ ভরতে পাদুকাং মেদিনীং চ
অত্রিং নত্বাঽথ গত্বা বনমতিবিপুলং দংডকং চংডকায়ং
হত্বা দৈত্য়ং বিরাধং সুগতিমকলযশ্চারু ভোঃ শারভংগীম্ ॥6॥

নত্বাঽগস্ত্য়ং সমস্তাশরনিকরসপত্রাকৃতিং তাপসেভ্য়ঃ
প্রত্যশ্রৌষীঃ প্রিয়ৈষী তদনু চ মুনিনা বৈষ্ণবে দিব্যচাপে ।
ব্রহ্মাস্ত্রে চাপি দত্তে পথি পিতৃসুহৃদং বীক্ষ্য় ভূয়ো জটায়ুং
মোদাত্ গোদাতটাংতে পরিরমসি পুরা পংচবট্য়াং বধূট্য়া ॥7॥

প্রাপ্তায়াঃ শূর্পণখ্য়া মদনচলধৃতেরর্থনৈর্নিস্সহাত্মা
তাং সৌমিত্রৌ বিসৃজ্য় প্রবলতমরুষা তেন নির্লূননাসাম্ ।
দৃষ্ট্বৈনাং রুষ্টচিত্তং খরমভিপতিতং দূষণং চ ত্রিমূর্ধং
ব্য়াহিংসীরাশরানপ্যয়ুতসমধিকাংস্তত্ক্ষণাদক্ষতোষ্মা ॥8॥

সোদর্য়াপ্রোক্তবার্তাবিবশদশমুখাদিষ্টমারীচমায়া-
সারংগ সারসাক্ষ্য়া স্পৃহিতমনুগতঃ প্রাবধীর্বাণঘাতম্ ।
তন্মায়াক্রংদনির্য়াপিতভবদনুজাং রাবণস্তামহার্ষী-
ত্তেনার্তোঽপি ত্বমংতঃ কিমপি মুদমধাস্তদ্বধোপাযলাভাত্ ॥9॥

ভূযস্তন্বীং বিচিন্বন্নহৃত দশমুখস্ত্বদ্বধূং মদ্বধেনে-
ত্য়ুক্ত্বা যাতে জটায়ৌ দিবমথ সুহৃদঃ প্রাতনোঃ প্রেতকার্যম্ ।
গৃহ্ণানং তং কবংধং জঘনিথ শবরীং প্রেক্ষ্য় পংপাতটে ত্বং
সংপ্রাপ্তো বাতসূনুং ভৃশমুদিতমনাঃ পাহি বাতালয়েশ ॥10॥