নারাযণীয়ং দশক 24 – প্রহ্লাদচরিতম্

হিরণ্য়াক্ষে পোত্রিপ্রবরবপুষা দেব ভবতা
হতে শোকক্রোধগ্লপিতধৃতিরেতস্য় সহজঃ ।
হিরণ্যপ্রারংভঃ কশিপুরমরারাতিসদসি
প্রতিজ্ঞমাতেনে তব কিল বধার্থং মধুরিপো ॥1॥

বিধাতারং ঘোরং স খলু তপসিত্বা নচিরতঃ
পুরঃ সাক্ষাত্কুর্বন্ সুরনরমৃগাদ্য়ৈরনিধনম্ ।
বরং লব্ধ্বা দৃপ্তো জগদিহ ভবন্নাযকমিদং
পরিক্ষুংদন্নিংদ্রাদহরত দিবং ত্বামগণযন্ ॥2॥

নিহংতুং ত্বাং ভূযস্তব পদমবাপ্তস্য় চ রিপো-
র্বহির্দৃষ্টেরংতর্দধিথ হৃদয়ে সূক্ষ্মবপুষা ।
নদন্নুচ্চৈস্তত্রাপ্যখিলভুবনাংতে চ মৃগযন্
ভিয়া যাতং মত্বা স খলু জিতকাশী নিববৃতে ॥3॥

ততোঽস্য় প্রহ্লাদঃ সমজনি সুতো গর্ভবসতৌ
মুনের্বীণাপাণেরধিগতভবদ্ভক্তিমহিমা ।
স বৈ জাত্য়া দৈত্য়ঃ শিশুরপি সমেত্য় ত্বয়ি রতিং
গতস্ত্বদ্ভক্তানাং বরদ পরমোদাহরণতাম্ ॥4॥

সুরারীণাং হাস্য়ং তব চরণদাস্য়ং নিজসুতে
স দৃষ্ট্বা দুষ্টাত্মা গুরুভিরশিশিক্ষচ্চিরমমুম্ ।
গুরুপ্রোক্তং চাসাবিদমিদমভদ্রায় দৃঢমি-
ত্যপাকুর্বন্ সর্বং তব চরণভক্ত্য়ৈব ববৃধে ॥ 5 ॥

অধীতেষু শ্রেষ্ঠং কিমিতি পরিপৃষ্টেঽথ তনয়ে
ভবদ্ভক্তিং বর্য়ামভিগদতি পর্য়াকুলধৃতিঃ ।
গুরুভ্য়ো রোষিত্বা সহজমতিরস্য়েত্যভিবিদন্
বধোপায়ানস্মিন্ ব্যতনুত ভবত্পাদশরণে ॥6॥

স শূলৈরাবিদ্ধঃ সুবহু মথিতো দিগ্গজগণৈ-
র্মহাসর্পৈর্দষ্টোঽপ্যনশনগরাহারবিধুতঃ ।
গিরীংদ্রবক্ষিপ্তোঽপ্যহহ! পরমাত্মন্নয়ি বিভো
ত্বয়ি ন্যস্তাত্মত্বাত্ কিমপি ন নিপীডামভজত ॥7॥

ততঃ শংকাবিষ্টঃ স পুনরতিদুষ্টোঽস্য় জনকো
গুরূক্ত্য়া তদ্গেহে কিল বরুণপাশৈস্তমরুণত্ ।
গুরোশ্চাসান্নিধ্য়ে স পুনরনুগান্ দৈত্যতনয়ান্
ভবদ্ভক্তেস্তত্ত্বং পরমমপি বিজ্ঞানমশিষত্ ॥8॥

পিতা শৃণ্বন্ বালপ্রকরমখিলং ত্বত্স্তুতিপরং
রুষাংধঃ প্রাহৈনং কুলহতক কস্তে বলমিতি ।
বলং মে বৈকুংঠস্তব চ জগতাং চাপি স বলং
স এব ত্রৈলোক্য়ং সকলমিতি ধীরোঽযমগদীত্ ॥9॥

অরে ক্বাসৌ ক্বাসৌ সকলজগদাত্মা হরিরিতি
প্রভিংতে স্ম স্তংভং চলিতকরবালো দিতিসুতঃ ।
অতঃ পশ্চাদ্বিষ্ণো ন হি বদিতুমীশোঽস্মি সহসা
কৃপাত্মন্ বিশ্বাত্মন্ পবনপুরবাসিন্ মৃডয় মাম্ ॥10॥