নারাযণীয়ং দশক 17 – ধ্রুবচরিতম্

উত্তানপাদনৃপতের্মনুনংদনস্য়
জায়া বভূব সুরুচির্নিতরামভীষ্টা ।
অন্য়া সুনীতিরিতি ভর্তুরনাদৃতা সা
ত্বামেব নিত্যমগতিঃ শরণং গতাঽভূত্ ॥1॥

অংকে পিতুঃ সুরুচিপুত্রকমুত্তমং তং
দৃষ্ট্বা ধ্রুবঃ কিল সুনীতিসুতোঽধিরোক্ষ্যন্ ।
আচিক্ষিপে কিল শিশুঃ সুতরাং সুরুচ্য়া
দুস্সংত্যজা খলু ভবদ্বিমুখৈরসূয়া ॥2॥

ত্বন্মোহিতে পিতরি পশ্যতি দারবশ্য়ে
দূরং দুরুক্তিনিহতঃ স গতো নিজাংবাম্ ।
সাঽপি স্বকর্মগতিসংতরণায় পুংসাং
ত্বত্পাদমেব শরণং শিশবে শশংস ॥3॥

আকর্ণ্য় সোঽপি ভবদর্চননিশ্চিতাত্মা
মানী নিরেত্য় নগরাত্ কিল পংচবর্ষঃ ।
সংদৃষ্টনারদনিবেদিতমংত্রমার্গ-
স্ত্বামাররাধ তপসা মধুকাননাংতে ॥4॥

তাতে বিষণ্ণহৃদয়ে নগরীং গতেন
শ্রীনারদেন পরিসাংত্বিতচিত্তবৃত্তৌ ।
বালস্ত্বদর্পিতমনাঃ ক্রমবর্ধিতেন
নিন্য়ে কঠোরতপসা কিল পংচমাসান্ ॥5॥

তাবত্তপোবলনিরুচ্ছ্-বসিতে দিগংতে
দেবার্থিতস্ত্বমুদযত্করুণার্দ্রচেতাঃ ।
ত্বদ্রূপচিদ্রসনিলীনমতেঃ পুরস্তা-
দাবির্বভূবিথ বিভো গরুডাধিরূঢঃ ॥6॥

ত্বদ্দর্শনপ্রমদভারতরংগিতং তং
দৃগ্ভ্য়াং নিমগ্নমিব রূপরসাযনে তে ।
তুষ্টূষমাণমবগম্য় কপোলদেশে
সংস্পৃষ্টবানসি দরেণ তথাঽঽদরেণ ॥7॥

তাবদ্বিবোধবিমলং প্রণুবংতমেন-
মাভাষথাস্ত্বমবগম্য় তদীযভাবম্ ।
রাজ্য়ং চিরং সমনুভূয় ভজস্ব ভূয়ঃ
সর্বোত্তরং ধ্রুব পদং বিনিবৃত্তিহীনম্ ॥8॥

ইত্য়ূচিষি ত্বয়ি গতে নৃপনংদনোঽসা-
বানংদিতাখিলজনো নগরীমুপেতঃ ।
রেমে চিরং ভবদনুগ্রহপূর্ণকাম-
স্তাতে গতে চ বনমাদৃতরাজ্যভারঃ ॥9॥

যক্ষেণ দেব নিহতে পুনরুত্তমেঽস্মিন্
যক্ষৈঃ স যুদ্ধনিরতো বিরতো মনূক্ত্য়া ।
শাংত্য়া প্রসন্নহৃদয়াদ্ধনদাদুপেতা-
ত্ত্বদ্ভক্তিমেব সুদৃঢামবৃণোন্মহাত্মা ॥10॥

অংতে ভবত্পুরুষনীতবিমানয়াতো
মাত্রা সমং ধ্রুবপদে মুদিতোঽযমাস্তে ।
এবং স্বভৃত্যজনপালনলোলধীস্ত্বং
বাতালয়াধিপ নিরুংধি মমাময়ৌঘান্ ॥11॥