শ্রী নরসিংহ কবচম্

নৃসিংহকবচং বক্ষ্য়ে প্রহ্লাদেনোদিতং পুরা ।
সর্বরক্ষাকরং পুণ্য়ং সর্বোপদ্রবনাশনম্ ॥ 1 ॥

সর্বসংপত্করং চৈব স্বর্গমোক্ষপ্রদাযকম্ ।
ধ্য়াত্বা নৃসিংহং দেবেশং হেমসিংহাসনস্থিতম্ ॥ 2 ॥

বিবৃতাস্য়ং ত্রিনযনং শরদিংদুসমপ্রভম্ ।
লক্ষ্ম্য়ালিংগিতবামাংগং বিভূতিভিরুপাশ্রিতম্ ॥ 3 ॥

চতুর্ভুজং কোমলাংগং স্বর্ণকুংডলশোভিতম্ ।
সরোজশোভিতোরস্কং রত্নকেয়ূরমুদ্রিতম্ ॥ 4 ॥ [রত্নকেয়ূরশোভিতম্]

তপ্তকাংচনসংকাশং পীতনির্মলবাসনম্ ।
ইংদ্রাদিসুরমৌলিস্থস্ফুরন্মাণিক্যদীপ্তিভিঃ ॥ 5 ॥

বিরাজিতপদদ্বংদ্বং শংখচক্রাদিহেতিভিঃ ।
গরুত্মতা সবিনয়ং স্তূযমানং মুদান্বিতম্ ॥ 6 ॥

স্বহৃত্কমলসংবাসং কৃত্বা তু কবচং পঠেত্ ।
নৃসিংহো মে শিরঃ পাতু লোকরক্ষাত্মসংভবঃ ॥ 7 ॥

সর্বগোঽপি স্তংভবাসঃ ফালং মে রক্ষতু ধ্বনিম্ ।
নৃসিংহো মে দৃশৌ পাতু সোমসূর্য়াগ্নিলোচনঃ ॥ 8 ॥

স্মৃতিং মে পাতু নৃহরির্মুনিবর্যস্তুতিপ্রিয়ঃ ।
নাসাং মে সিংহনাসস্তু মুখং লক্ষ্মীমুখপ্রিয়ঃ ॥ 9 ॥

সর্ববিদ্য়াধিপঃ পাতু নৃসিংহো রসনাং মম ।
বক্ত্রং পাত্বিংদুবদনঃ সদা প্রহ্লাদবংদিতঃ ॥ 10 ॥

নৃসিংহঃ পাতু মে কংঠং স্কংধৌ ভূভরণাংতকৃত্ ।
দিব্য়াস্ত্রশোভিতভুজো নৃসিংহঃ পাতু মে ভুজৌ ॥ 11 ॥

করৌ মে দেববরদো নৃসিংহঃ পাতু সর্বতঃ ।
হৃদয়ং যোগিসাধ্যশ্চ নিবাসং পাতু মে হরিঃ ॥ 12 ॥

মধ্য়ং পাতু হিরণ্য়াক্ষবক্ষঃকুক্ষিবিদারণঃ ।
নাভিং মে পাতু নৃহরিঃ স্বনাভি ব্রহ্মসংস্তুতঃ ॥ 13 ॥

ব্রহ্মাংডকোটয়ঃ কট্য়াং যস্য়াসৌ পাতু মে কটিম্ ।
গুহ্য়ং মে পাতু গুহ্য়ানাং মংত্রাণাং গুহ্যরূপধৃক্ ॥ 14 ॥

ঊরূ মনোভবঃ পাতু জানুনী নররূপধৃক্ ।
জংঘে পাতু ধরাভারহর্তা যোঽসৌ নৃকেসরী ॥ 15 ॥

সুররাজ্যপ্রদঃ পাতু পাদৌ মে নৃহরীশ্বরঃ ।
সহস্রশীর্ষা পুরুষঃ পাতু মে সর্বশস্তনুম্ ॥ 16 ॥

মহোগ্রঃ পূর্বতঃ পাতু মহাবীরাগ্রজোঽগ্নিতঃ ।
মহাবিষ্ণুর্দক্ষিণে তু মহাজ্বালস্তু নৈরৃতৌ ॥ 17 ॥

পশ্চিমে পাতু সর্বেশো দিশি মে সর্বতোমুখঃ ।
নৃসিংহঃ পাতু বাযব্য়াং সৌম্য়াং ভূষণবিগ্রহঃ ॥ 18 ॥

ঈশান্য়াং পাতু ভদ্রো মে সর্বমংগলদাযকঃ ।
সংসারভযদঃ পাতু মৃত্য়োর্মৃত্য়ুর্নৃকেসরী ॥ 19 ॥

ইদং নৃসিংহকবচং প্রহ্লাদমুখমংডিতম্ ।
ভক্তিমান্য়ঃ পঠেন্নিত্য়ং সর্বপাপৈঃ প্রমুচ্যতে ॥ 20 ॥

পুত্রবান্ ধনবান্ লোকে দীর্ঘায়ুরুপজাযতে ।
যং যং কামযতে কামং তং তং প্রাপ্নোত্যসংশযম্ ॥ 21 ॥

সর্বত্র জযমাপ্নোতি সর্বত্র বিজয়ী ভবেত্ ।
ভূম্য়ংতরিক্ষদিব্য়ানাং গ্রহাণাং বিনিবারণম্ ॥ 22 ॥

বৃশ্চিকোরগসংভূতবিষাপহরণং পরম্ ।
ব্রহ্মরাক্ষসযক্ষাণাং দূরোত্সারণকারণম্ ॥ 23 ॥

ভূর্জে বা তালপত্রে বা কবচং লিখিতং শুভম্ ।
করমূলে ধৃতং যেন সিধ্য়েয়ুঃ কর্মসিদ্ধয়ঃ ॥ 24 ॥

দেবাসুরমনুষ্য়েষু স্বং স্বমেব জয়ং লভেত্ ।
একসংধ্য়ং ত্রিসংধ্য়ং বা যঃ পঠেন্নিযতো নরঃ ॥ 25 ॥

সর্বমংগলমাংগল্য়ং ভুক্তিং মুক্তিং চ বিংদতি ।
দ্বাত্রিংশতিসহস্রাণি পঠেচ্ছুদ্ধাত্মনাং নৃণাম্ ॥ 26 ॥

কবচস্য়াস্য় মংত্রস্য় মংত্রসিদ্ধিঃ প্রজাযতে ।
অনেন মংত্ররাজেন কৃত্বা ভস্মাভিমংত্রণম্ ॥ 27 ॥

তিলকং বিন্যসেদ্যস্তু তস্য় গ্রহভয়ং হরেত্ ।
ত্রিবারং জপমানস্তু দত্তং বার্যভিমংত্র্য় চ ॥ 28 ॥

প্রাশয়েদ্য়ো নরো মংত্রং নৃসিংহধ্য়ানমাচরেত্ ।
তস্য় রোগাঃ প্রণশ্য়ংতি যে চ স্য়ুঃ কুক্ষিসংভবাঃ ॥ 29 ॥

কিমত্র বহুনোক্তেন নৃসিংহসদৃশো ভবেত্ ।
মনসা চিংতিতং যত্তু স তচ্চাপ্নোত্যসংশযম্ ॥ 30 ॥

গর্জংতং গর্জয়ংতং নিজভুজপটলং স্ফোটয়ংতং হঠংতং
রূপ্য়ংতং তাপয়ংতং দিবি ভুবি দিতিজং ক্ষেপয়ংতং ক্ষিপংতম্ ।
ক্রংদংতং রোষয়ংতং দিশি দিশি সততং সংহরংতং ভরংতং
বীক্ষংতং ঘূর্ণয়ংতং শরনিকরশতৈর্দিব্যসিংহং নমামি ॥

ইতি শ্রীব্রহ্মাংডপুরাণে প্রহ্লাদোক্তং শ্রী নৃসিংহ কবচম্ ।