মুচুকুংদ স্তুতিঃ

বিমোহিতোঽয়ং জন ঈশ মাযয়া
ত্বদীযয়া ত্বাং চ ভজত্যনর্থদৃক্ ।
সুখায় দুঃখপ্রভবেষু সজ্জতে
গৃহেষু যোষিত্পুরুষশ্চ বংচিতঃ ॥ 1 ॥
লব্ধ্বা জনো দুর্লভমত্র মানুষং
কথংচিদব্য়ংগমযত্নতোঽনঘ ।
পাদারবিংদং ন ভজত্যসন্মতি-
র্গৃহাংধকূপে পতিতো যথা পশুঃ ॥ 2 ॥
মমৈষ কালোঽজিত নিষ্ফলো গতো
রাজ্যশ্রিয়োন্নদ্ধমদস্য় ভূপতে ।
মর্ত্য়াত্মবুদ্ধেঃ সুতদারকোশভূ-
ষ্বাসজ্জমানস্য় দুরংতচিংতয়া ॥ 3 ॥
কলেবরেঽস্মিন্ ঘটকুড্যসন্নিভে
নিরূঢমানো নরদেব ইত্যহম্ ।
বৃতো রথেভাশ্বপদাত্যনীকপৈর্গাং
পর্যটংস্ত্বাগণযন্ সুদুর্মদঃ ॥ 4 ॥
প্রমত্তমুচ্চৈরিতি কৃত্যচিংতয়া
প্রভুদ্ধলোভং বিষয়েষু লালসম্ ।
ত্বমপ্রমত্তঃ সহসাঽভিপদ্যসে
ক্ষুল্লেলিহানোঽহিরিবাখুমংতকঃ ॥ 5 ॥
পুরা রথৈর্হেমপরিষ্কৃতৈশ্চরন্
মতংগজৈর্বা নরদেবসংজ্ঞিতঃ ।
স এব কালেন দুরত্যয়েন তে
কলেবরো বিট্কৃমিভস্মসংজ্ঞিতঃ ॥ 6 ॥
নির্জিত্য় দিক্চক্রমভূতবিগ্রহো
বরাসনস্থঃ সমরাজবংদিতঃ ।
গৃহেষু মৈথুন্যসুখেষু যোষিতাং
ক্রীডামৃগ পূরুষ ঈশ নীযতে ॥ 7 ॥
করোতি কর্মাণি তপঃসু নিষ্ঠিতো
নিবৃত্তভোগস্তদপেক্ষয়া দদত্ ।
পুনশ্চ ভূয়েযমহং স্বরাডিতি
প্রবুদ্ধতর্ষো ন সুখায় কল্পতে ॥ 8 ॥
ভবাপবর্গো ভ্রমতো যদা ভবে-
জ্জনস্য় তর্হ্যচ্য়ুত সত্সমাগমঃ ।
সত্সংগমো যর্হি তদৈব সদ্গতৌ
পরাবরেশে ত্বয়ি জাযতে মতিঃ ॥ 9 ॥
মন্য়ে মমানুগ্রহ ঈশ তে কৃতো
রাজ্য়ানুবংধাপগমো যদৃচ্ছয়া ।
যঃ প্রার্থ্যতে সাধুভিরেকচর্যয়া
বনং বিবিক্ষদ্ভিরখংডভূমিপৈঃ ॥ 10 ॥
ন কাময়েঽন্য়ং তব পাদসেবনাদ্-
অকিংচনপ্রার্থ্যতমাদ্বরং বিভো ।
আরাধ্য় কস্ত্বাং হ্যপবর্গদং হরে
বৃণীত আর্য়ো বরমাত্মবংধনম্ ॥ 11 ॥
তস্মাদ্বিসৃজ্য়াশিষ ঈশ সর্বতো
রজস্তমঃসত্ত্বগুণানুবংধনাঃ ।
নিরংজনং নির্গুণমদ্বয়ং পরং
ত্বাং জ্ঞপ্তিমাত্রং পুরুষং ব্রজাম্যহম্ ॥ 12 ॥
চিরমিহ বৃজিনার্তস্তপ্যমানোঽনুতাপৈঃ
অবিতৃষষডমিত্রো লব্ধশাংতিঃ কথংচিত্ ।
শরণদ সমুপেতস্ত্বত্পদাব্জং পরাত্মন্
অভযমমৃতমশোকং পাহি মাঽপন্নমীশ ॥ 13 ॥

ইতি শ্রীমদ্ভাগবতাংতর্গতা মুচুকুংদকৃতা শ্রীবিষ্ণুস্তুতিঃ সমাপ্তা ।