মনীষা পংচকম্

সত্য়াচার্যস্য় গমনে কদাচিন্মুক্তি দাযকম্ ।
কাশীক্শেত্রং প্রতি সহ গৌর্য়া মার্গে তু শংকরম্ ॥ (অনুষ্টুপ্)

অংত্যবেষধরং দৃষ্ট্বা গচ্ছ গচ্ছেতি চাব্রবীত্ ।
শংকরঃসোঽপি চাংডলস্তং পুনঃ প্রাহ শংকরম্ ॥ (অনুষ্টুপ্)

অন্নময়াদন্নমযমথবা চৈতন্যমেব চৈতন্য়াত্ ।
যতিবর দূরীকর্তুং বাংছসি কিং ব্রূহি গচ্ছ গচ্ছেতি ॥ (আর্য়া বৃত্ত)

প্রত্যগ্বস্তুনি নিস্তরংগসহজানংদাববোধাংবুধৌ
বিপ্রোঽয়ং শ্বপচোঽযমিত্যপি মহান্কোঽয়ং বিভেদভ্রমঃ ।
কিং গংগাংবুনি বিংবিতেঽংবরমণৌ চাংডালবীথীপয়ঃ
পূরে বাঽংতরমস্তি কাংচনঘটীমৃত্কুংভয়োর্বাঽংবরে ॥ (শার্দূল বিক্রীডিত)

জাগ্রত্স্বপ্নসুষুপ্তিষু স্ফুটতরা যা সংবিদুজ্জৃংভতে
যা ব্রহ্মাদিপিপীলিকাংততনুষু প্রোতা জগত্সাক্ষিণী ।
সৈবাহং ন চ দৃশ্যবস্ত্বিতি দৃঢপ্রজ্ঞাপি যস্য়াস্তি চে-
চ্চাংডালোঽস্তু স তু দ্বিজোঽস্তু গুরুরিত্য়েষা মনীষা মম ॥ 1॥

ব্রহ্মৈবাহমিদং জগচ্চ সকলং চিন্মাত্রবিস্তারিতং
সর্বং চৈতদবিদ্যয়া ত্রিগুণয়াঽশেষং ময়া কল্পিতম্ ।
ইত্থং যস্য় দৃঢা মতিঃ সুখতরে নিত্য়ে পরে নির্মলে
চাংডালোঽস্তু স তু দ্বিজোঽস্তু গুরুরিত্য়েষা মনীষা মম ॥ 2॥

শশ্বন্নশ্বরমেব বিশ্বমখিলং নিশ্চিত্য় বাচা গুরো-
র্নিত্য়ং ব্রহ্ম নিরংতরং বিমৃশতা নির্ব্য়াজশাংতাত্মনা ।
ভূতং ভাবি চ দুষ্কৃতং প্রদহতা সংবিন্ময়ে পাবকে
প্রারব্ধায় সমর্পিতং স্ববপুরিত্য়েষা মনীষা মম ॥ 3॥

যা তির্যঙ্নরদেবতাভিরহমিত্য়ংতঃ স্ফুটা গৃহ্যতে
যদ্ভাসা হৃদয়াক্ষদেহবিষয়া ভাংতি স্বতোঽচেতনাঃ ।
তাং ভাস্য়ৈঃ পিহিতার্কমংডলনিভাং স্ফূর্তিং সদা ভাবয়-
ন্য়োগী নির্বৃতমানসো হি গুরুরিত্য়েষা মনীষা মম ॥ 4॥

যত্সৌখ্য়াংবুধিলেশলেশত ইমে শক্রাদয়ো নির্বৃতা
যচ্চিত্তে নিতরাং প্রশাংতকলনে লব্ধ্বা মুনির্নির্বৃতঃ ।
যস্মিন্নিত্যসুখাংবুধৌ গলিতধীর্ব্রহ্মৈব ন ব্রহ্মবিদ্
যঃ কশ্চিত্স সুরেংদ্রবংদিতপদো নূনং মনীষা মম ॥ 5॥

দাসস্তেঽহং দেহদৃষ্ট্য়াঽস্মি শংভো
জাতস্তেংঽশো জীবদৃষ্ট্য়া ত্রিদৃষ্টে ।
সর্বস্য়াঽঽত্মন্নাত্মদৃষ্ট্য়া ত্বমেবে-
ত্য়েবং মে ধীর্নিশ্চিতা সর্বশাস্ত্রৈঃ ॥

॥ ইতি শ্রীমচ্ছংকরভগবতঃ কৃতৌ মনীষাপংচকং সংপূর্ণম্ ॥