লক্ষ্মী নৃসিংহ করাবলংব স্তোত্রম্

শ্রীমত্পয়োনিধিনিকেতন চক্রপাণে ভোগীংদ্রভোগমণিরাজিত পুণ্যমূর্তে ।
যোগীশ শাশ্বত শরণ্য় ভবাব্ধিপোত লক্ষ্মীনৃসিংহ মম দেহি করাবলংবম্ ॥ 1 ॥

ব্রহ্মেংদ্ররুদ্রমরুদর্ককিরীটকোটি সংঘট্টিতাংঘ্রিকমলামলকাংতিকাংত ।
লক্ষ্মীলসত্কুচসরোরুহরাজহংস লক্ষ্মীনৃসিংহ মম দেহি করাবলংবম্ ॥ 2 ॥

সংসারদাবদহনাকরভীকরোরু-জ্বালাবলীভিরতিদগ্ধতনূরুহস্য় ।
ত্বত্পাদপদ্মসরসীরুহমাগতস্য় লক্ষ্মীনৃসিংহ মম দেহি করাবলংবম্ ॥ 3 ॥

সংসারজালপতিতস্য় জগন্নিবাস সর্বেংদ্রিয়ার্থ বডিশাগ্র ঝষোপমস্য় ।
প্রোত্কংপিত প্রচুরতালুক মস্তকস্য় লক্ষ্মীনৃসিংহ মম দেহি করাবলংবম্ ॥ 4 ॥

সংসারকূপমতিঘোরমগাধমূলং সংপ্রাপ্য় দুঃখশতসর্পসমাকুলস্য় ।
দীনস্য় দেব কৃপয়া পদমাগতস্য় লক্ষ্মীনৃসিংহ মম দেহি করাবলংবম্ ॥ 5 ॥

সংসারভীকরকরীংদ্রকরাভিঘাত নিষ্পীড্যমানবপুষঃ সকলার্তিনাশ ।
প্রাণপ্রয়াণভবভীতিসমাকুলস্য় লক্ষ্মীনৃসিংহ মম দেহি করাবলংবম্ ॥ 6 ॥

সংসারসর্পবিষদিগ্ধমহোগ্রতীব্র দংষ্ট্রাগ্রকোটিপরিদষ্টবিনষ্টমূর্তেঃ ।
নাগারিবাহন সুধাব্ধিনিবাস শৌরে লক্ষ্মীনৃসিংহ মম দেহি করাবলংবম্ ॥ 7 ॥

সংসারবৃক্ষমঘবীজমনংতকর্ম-শাখায়ুতং করণপত্রমনংগপুষ্পম্ ।
আরুহ্য় দুঃখফলিতং চকিতঃ দয়ালো [আরুহ্য় দুঃখফলিতং পততো দয়ালো] লক্ষ্মীনৃসিংহ মম দেহি করাবলংবম্ ॥ 8 ॥

সংসারসাগরবিশালকরালকাল নক্রগ্রহগ্রসিতনিগ্রহবিগ্রহস্য় ।
ব্যগ্রস্য় রাগনিচয়োর্মিনিপীডিতস্য় লক্ষ্মীনৃসিংহ মম দেহি করাবলংবম্ ॥ 9 ॥

সংসারসাগরনিমজ্জনমুহ্যমানং দীনং বিলোকয় বিভো করুণানিধে মাম্ ।
প্রহ্লাদখেদপরিহারপরাবতার লক্ষ্মীনৃসিংহ মম দেহি করাবলংবম্ ॥ 10 ॥

সংসারঘোরগহনে চরতো মুরারে মারোগ্রভীকরমৃগপ্রচুরার্দিতস্য় ।
আর্তস্য় মত্সরনিদাঘসুদুঃখিতস্য় লক্ষ্মীনৃসিংহ মম দেহি করাবলংবম্ ॥ 11 ॥

বদ্ধ্বা গলে যমভটা বহু তর্জয়ংতঃ কর্ষংতি যত্র ভবপাশশতৈর্য়ুতং মাম্ ।
একাকিনং পরবশং চকিতং দয়ালো লক্ষ্মীনৃসিংহ মম দেহি করাবলংবম্ ॥ 12 ॥

লক্ষ্মীপতে কমলনাভ সুরেশ বিষ্ণো যজ্ঞেশ যজ্ঞ মধুসূদন বিশ্বরূপ । [লক্ষ্মীপতে কমলনাভ সুরেশ বিষ্ণো বৈকুংঠ কৃষ্ণ মধুসূদন পুষ্করাক্ষ]
ব্রহ্মণ্য় কেশব জনার্দন বাসুদেব লক্ষ্মীনৃসিংহ মম দেহি করাবলংবম্ ॥ 13 ॥

একেন চক্রমপরেণ করেণ শংখ-মন্য়েন সিংধুতনয়ামবলংব্য় তিষ্ঠন্ ।
বামেতরেণ বরদাভযপদ্মচিহ্নং লক্ষ্মীনৃসিংহ মম দেহি করাবলংবম্ ॥ 14 ॥

অংধস্য় মে হৃতবিবেকমহাধনস্য় চোরৈর্মহাবলিভিরিংদ্রিযনামধেয়ৈঃ ।
মোহাংধকারকুহরে বিনিপাতিতস্য় লক্ষ্মীনৃসিংহ মম দেহি করাবলংবম্ ॥ 15 ॥

প্রহ্লাদনারদপরাশরপুংডরীক-ব্য়াসাদিভাগবতপুংগবহৃন্নিবাস ।
ভক্তানুরক্তপরিপালনপারিজাত লক্ষ্মীনৃসিংহ মম দেহি করাবলংবম্ ॥ 16 ॥

লক্ষ্মীনৃসিংহচরণাব্জমধুব্রতেন স্তোত্রং কৃতং শুভকরং ভুবি শংকরেণ ।
যে তত্পঠংতি মনুজা হরিভক্তিয়ুক্তা-স্তে যাংতি তত্পদসরোজমখংডরূপম্ ॥ 17 ॥