কৃষ্ণ স্তুতিঃ (ব্রহ্ম কৃতা ভাগবত পুরাণ)

ব্রহ্মোবাচ ।
নৌমীড্য় তেঽভ্রবপুষে তডিদংবরায়
গুংজাবতংসপরিপিচ্ছলসন্মুখায় ।
বন্যস্রজে কবলবেত্রবিষাণবেণু-
লক্ষ্মশ্রিয়ে মৃদুপদে পশুপাংগজায় ॥ 1 ॥
অস্য়াপি দেব বপুষো মদনুগ্রহস্য়
স্বেচ্ছামযস্য় ন তু ভূতমযস্য় কোঽপি ।
নেশেমহি ত্ববসিতুং মনসাংতরেণ
সাক্ষাত্তবৈব কিমুতাত্মসুখানুভূতেঃ ॥ 2 ॥
জ্ঞানে প্রয়াসমুদপাস্য় নমংত এব
জীবংতি সন্মুখরিতাং ভবদীযবার্তাম্ ।
স্থানে স্থিতাঃ শ্রুতিগতাং তনুবাংমনোভিঃ
যে প্রাযশোঽজিত জিতোঽপ্যসি তৈস্ত্রিলোক্য়াম্ ॥ 3 ॥
শ্রেয়ঃস্রুতিং ভক্তিমুদস্য় তে বিভো ক্লিশ্য়ংতি যে কেবলবোধলব্ধয়ে ।
তেষামসৌ ক্লেশল এব শিষ্যতে নান্যদ্যথা স্থূলতুষাবঘাতিনাম্ ॥ 4 ॥
পুরেহ ভূমন্ বহবোঽপি যোগিনস্ত্বদর্পিতেহা নিজকর্মলব্ধয়া ।
বিবুধ্য় ভক্ত্য়ৈব কথোপনীতয়া প্রপেদিরেঽংজোঽচ্য়ুত তে গতিং পরাম্ ॥ 5 ॥
তথাপি ভূমন্ মহিমাঽগুণস্য় তে বিবোদ্ধুমর্হত্যমলাংতরাত্মভিঃ ।
অবিক্রিয়াত্স্বানুভবাদরূপতো হ্যনন্যবোধ্য়াত্মতয়া ন চান্যথা ॥ 6 ॥
গুণাত্মনস্তেঽপি গুণান্ বিমাতুং হিতাবতীর্ণস্য় ক ঈশিরেঽস্য় ।
কালেন যৈর্বা বিমিতাঃ সুকল্পৈর্ভূপাংসবঃ খে মিহিকা দ্য়ুভাসঃ ॥ 7 ॥
তত্তেঽনুকংপাং সুসমীক্ষমাণো ভুংজান এবাত্মকৃতং বিপাকম্ ।
হৃদ্বাগ্বপুর্ভির্বিদধন্নমস্তে জীবেত যো মুক্তিপদে স দাযভাক্ ॥ 8 ॥
পশ্য়েশ মেঽনার্যমনংত আদ্য়ে পরাত্মনি ত্বয়্যপি মায়িমায়িনি ।
মায়াং বিতত্য়েক্ষিতুমাত্মবৈভবং হ্যহং কিয়ানৈচ্ছমিবার্চিরগ্নৌ ॥ 9 ॥
অতঃ ক্ষমস্বাচ্য়ুত মে রজোভুবো হ্যজানতস্ত্বত্পৃথগীশমানিনঃ ।
অজাবলেপাংধতমোঽংধচক্ষুষ এষোঽনুকংপ্য়ো ময়ি নাথবানিতি ॥ 10 ॥
ক্বাহং তমোমহদহংখচরাগ্নিবার্ভূসংবেষ্টিতাংডঘটসপ্তবিতস্তকায়ঃ ।
ক্বেদৃগ্বিধাবিগণিতাংডপরাণুচর্য়াবাতাধ্বরোমবিবরস্য় চ তে মহিত্বম্ ॥ 11 ॥
উত্ক্ষেপণং গর্ভগতস্য় পাদয়োঃ কিং কল্পতে মাতুরধোঽক্ষজাগসে ।
কিমস্তি নাস্তিব্যপদেশভূষিতং তবাস্তি কুক্ষেঃ কিযদপ্যনংতঃ ॥ 12 ॥
জগত্ত্রয়াংতোদধিসংপ্লবোদে নারাযণস্য়োদরনাভিনালাত্ ।
বিনির্গতোঽজস্ত্বিতি বাংন বৈ মৃষা কিং ত্বীশ্বরত্বান্ন বিনির্গতোঽস্মি . ।
নারাযণস্ত্বং ন হি সর্বদেহিনামাত্মাস্যধীশাখিললোকসাক্ষী ।
নারাযণোঽংগং নরভূজলাযনাত্তচ্চাপি সত্য়ং ন তবৈব মায়া ॥ 14 ॥
তচ্চেজ্জলস্থং তব সজ্জগদ্বপুঃ কিং মে ন দৃষ্টং ভগবংস্তদৈব ।
কিং বা সুদৃষ্টং হৃদি মে তদৈব কিং নো সপদ্য়েব পুনর্ব্যদর্শি ॥ 15 ॥
অত্রৈব মায়াদমনাবতারে হ্যস্য় প্রপংচস্য় বহিঃ স্ফুটস্য় ।
কৃত্স্নস্য় চাংতর্জঠরে জনন্য়া মায়াত্বমেব প্রকটীকৃতং তে ॥ 16 ॥
যস্য় কুক্ষাবিদং সর্বং সাত্মং ভাতি যথা তথা ।
তত্ত্বয়্যপীহ তত্সর্বং কিমিদং মাযয়া বিনা ॥ 17 ॥
অদ্য়ৈব ত্বদৃতেঽস্য় কিং মম ন তে মায়াত্বমাদর্শিতং
একোঽসি প্রথমং ততো ব্রজসুহৃদ্বত্সাঃ সমস্তা অপি ।
তাবংতোঽসি চতুর্ভুজাস্তদখিলৈঃ সাকং ময়োপাসিতা-
স্তাবংত্য়েব জগংত্যভূস্তদমিতং ব্রহ্মাদ্বয়ং শিষ্যতে ॥ 18 ॥
অজানতাং ত্বত্পদবীমনাত্মন্য়াত্মাঽত্মনা ভাসি বিতত্য় মায়াম্ ।
সৃষ্টাবিবাহং জগতো বিধান ইব ত্বমেষোঽংত ইব ত্রিনেত্রঃ ॥ 19 ॥
সুরেষ্বৃষিষ্বীশ তথৈব নৃষ্বপি তির্যক্ষু যাদঃস্বপি তেঽজনস্য় ।
জন্মাসতাং দুর্মদনিগ্রহায় প্রভো বিধাতঃ সদনুগ্রহায় চ ॥ 20 ॥
কো বেত্তি ভূমন্ ভগবন্ পরাত্মন্ যোগেশ্বরোতীর্ভবতস্ত্রিলোক্য়াম্ ।
ক্ব বা কথং বা কতি বা কদেতি বিস্তারযন্ ক্রীডসি যোগমায়াম্ ॥ 21 ॥
তস্মাদিদং জগদশেষমসত্স্বরূপং স্বপ্নাভমস্তধিষণং পুরুদুঃখদুঃখম্ ।
ত্বয়্য়েব নিত্যসুখবোধতনাবনংতে মায়াত উদ্যদপি যত্সদিবাবভাতি ॥ 22 ॥
একস্ত্বমাত্মা পুরুষঃ পুরাণঃ সত্য়ঃ স্বয়ংজ্য়োতিরনংত আদ্য়ঃ ।
নিত্য়োঽক্ষরোঽজস্রসুখো নিরংজনঃ পূর্ণোঽদ্বয়ো মুক্ত উপাধিতোঽমৃতঃ ॥ 23 ॥
এবংবিধং ত্বাং সকলাত্মনামপি স্বাত্মানমাত্মাঽত্মতয়া বিচক্ষতে ।
গুর্বর্কলব্ধোপনিষত্সুচক্ষুষা যে তে তরংতীব ভবানৃতাংবুধিম্ ॥ 24 ॥
আত্মানমেবাত্মতয়াঽবিজানতাং তেনৈব জাতং নিখিলং প্রপংচিতম্ ।
জ্ঞানেন ভূয়োঽপি চ তত্প্রলীযতে রজ্জ্বামহের্ভোগভবাভবৌ যথা ॥ 25 ॥
অজ্ঞানসংজ্ঞৌ ভববংধমোক্ষৌ দ্বৌ নাম নান্য়ৌ স্ত ঋতজ্ঞভাবাত্ ।
অজস্রচিত্য়াঽত্মনি কেবলে পরে বিচার্যমাণে তরণাবিবাহনী ॥ 26 ॥
ত্বামাত্মানং পরং মত্বা পরমাত্মানমেব চ ।
আত্মা পুনর্বহির্মৃগ্য় অহোঽজ্ঞজনতাঽজ্ঞতা ॥ 27 ॥
অংতর্ভবেঽনংত ভবংতমেব হ্যতত্ত্যজংতো মৃগয়ংতি সংতঃ ।
অসংতমপ্য়ংত্যহিমংতরেণ সংতং গুণং তং কিমু যংতি সংতঃ ॥ 28 ॥
অথাপি তে দেব পদাংবুজদ্বযপ্রসাদলেশানুগৃহীত এব হি ।
জানাতি তত্ত্বং ভগবন্ মহিম্নো ন চান্য় একোঽপি চিরং বিচিন্বন্ ॥ 29 ॥
তদস্তু মে নাথ স ভূরিভাগো ভবেঽত্র বান্যত্র তু বা তিরশ্চাম্ ।
যেনাহমেকোঽপি ভবজ্জনানাং ভূত্বা নিষেবে তব পাদপল্লবম্ ॥ 30 ॥
অহোঽতিধন্য়া ব্রজগোরমণ্য়ঃ স্তন্য়ামৃতং পীতমতীব তে মুদা ।
যাসাং বিভো বত্সতরাত্মজাত্মনা যত্তৃপ্তয়েঽদ্য়াপি ন চালমধ্বরাঃ ॥ 31 ॥
অহো ভাগ্যমহো ভাগ্য়ং নংদগোপব্রজৌকসাম্ ।
যন্মিত্রং পরমানংদং পূর্ণং ব্রহ্ম সনাতনম্ ॥ 32 ॥
এষাং তু ভাগ্যমহিমাঽচ্য়ুত তাবদাস্তা-
মেকাদশৈব হি বয়ং বত ভূরিভাগাঃ ।
এতদ্ধৃষীকচষকৈরসকৃত্পিবামঃ
শর্বাদয়োঽংঘ্র্য়ুদজমধ্বমৃতাসবং তে ॥ 33 ॥
তদ্ভূরিভাগ্যমিহ জন্ম কিমপ্যটব্য়াং
যদ্গোকুলেঽপি কতমাংঘ্রিরজোঽভিষেকম্ ।
যজ্জীবিতং তু নিখিলং ভগবান্ মুকুংদ-
স্ত্বদ্য়াপি যত্পদরজঃ শ্রুতিমৃগ্যমেব ॥ 34 ॥
এষাং ঘোষনিবাসিনামুত ভবান্ কিং দেব রাতেতি নঃ
চেতো বিশ্বফলাত্ফলং ত্বদপরং কুত্রাপ্যযন্ মুহ্যতি ।
সদ্বেষাদিব পূতনাঽপি সকুলা ত্বামেব দেবাপিতা
যদ্ধামার্থসুহৃত্প্রিয়াত্মতনযপ্রাণাশয়াস্ত্বত্কৃতে ॥ 35 ॥
তাবদ্রাগাদয়ঃ স্তেনাস্তাবত্কারাগৃহং গৃহম্ ।
তাবন্মোহোঽংঘ্রিনিগডো যাবত্কৃষ্ণ ন তে জনাঃ ॥ 36 ॥
প্রপংচং নিষ্প্রপংচোঽপি বিডংবযসি ভূতলে ।
প্রপন্নজনতানংদসংদোহং প্রথিতুং প্রভো ॥ 37 ॥
জানংত এব জানংতু কিং বহূক্ত্য়া ন মে প্রভো ।
মনসো বপুষো বাচো বৈভবং তব গোচরঃ ॥ 38 ॥
অনুজানীহি মাং কৃষ্ণ সর্বং ত্বং বেত্সি সর্বদৃক্ ।
ত্বমেব জগতাং নাথো জগদেতত্তবার্পিতম্ ॥ 39 ॥
শ্রীকৃষ্ণ বৃষ্ণিকুলপুষ্করজোষদায়িন্
ক্ষ্মানির্জরদ্বিজপশূদধিবৃদ্ধিকারিন্ ।
উদ্ধর্মশার্বরহর ক্ষিতিরাক্ষসধ্রুগ্
আকল্পমার্কমর্হন্ ভগবন্ নমস্তে ॥ 40 ॥

ইতি শ্রীমদ্ভাগবতমহাপুরাণে দশমস্কংধে পূর্বার্ধে
চতুর্দশাধ্য়ায়াংতর্গতং ব্রহ্মকৃতং শ্রীকৃষ্ণস্তুতিঃ সমাপ্তা ।

ভাগবতপুরাণ . অধ্য়ায় 10/14/1-40 . ।