কঠোপনিষদ্ – অধ্য়ায় 1, বল্লী 2

অধ্য়ায় 1
বল্লী 2

অন্যচ্ছ্রেয়োঽন্যদুতৈব প্রেযস্তে উভে নানার্থে পুরুষং সিনীতঃ।
তয়োঃ শ্রেয় আদদানস্য় সাধুর্ভবতি হীযতেঽর্থাদ্য় উ প্রেয়ো বৃণীতে ॥1॥

শ্রেযশ্চ প্রেযশ্চ মনুষ্যমেতস্তৌ সংপরীত্য় বিবিনক্তি ধীরঃ।
শ্রেয়ো হি ধীরোঽভি প্রেযসো বৃণীতে প্রেয়ো মংদো যোগক্ষেমাদ্বৃণীতে ॥2॥

স ত্বং প্রিয়ান্প্রিযরূপাংশ্চ কামানভিধ্য়াযন্নচিকেতোঽত্যস্রাক্ষীঃ।
নৈতাং সৃংকাং-বিঁত্তময়ীমবাপ্তো যস্য়াং মজ্জংতি বহবো মনুষ্য়াঃ ॥3॥

দূরমেতে বিপরীতে বিষূচী অবিদ্য়া যা চ বিদ্য়েতি জ্ঞাতা।
বিদ্য়াভীপ্সিনং নচিকেতসং মন্য়ে ন ত্বা কামা বহবোঽলোলুপংত ॥4॥

অবিদ্য়ায়ামংতরে বর্তমানাঃ স্বয়ং ধীরাঃ পংডিতম্মন্যমানাঃ।
দংদ্রম্যমাণাঃ পরিয়ংতি মূঢা অংধেনৈব নীযমানা যথাংধাঃ ॥5॥

ন সাংপরায়ঃ প্রতিভাতি বালং প্রমাদ্য়ংতং-বিঁত্তমোহেন মূঢম্।
অয়ং-লোঁকো নাস্তি পর ইতি মানী পুনঃ পুনর্বশমাপদ্যতে মে ॥6॥

শ্রবণায়াপি বহুভির্য়ো ন লভ্য়ঃ শৃণ্বংতোঽপি বহবো যং ন বিদ্য়ুঃ।
আশ্চর্য়ো বক্তা কুশলোঽস্য় লব্ধাশ্চর্য়ো জ্ঞাতা কুশলানুশিষ্টঃ ॥7॥

ন নরেণাবরেণ প্রোক্ত এষ সুবিজ্ঞেয়ো বহুধা চিংত্যমানঃ।
অনন্যপ্রোক্তে গতিরত্র নাস্ত্যণীয়ান্ হ্যতর্ক্যমণুপ্রমাণাত্ ॥8॥

নৈষা তর্কেণ মতিরাপনেয়া প্রোক্তান্য়েনৈব সুজ্ঞানায় প্রেষ্ঠ।
যাং ত্বমাপঃ সত্যধৃতির্বতাসি ত্বাদৃঙ নো ভূয়ান্নচিকেতঃ প্রষ্টা ॥9॥

জানাম্যহং শেবধিরিত্যনিত্য়ং ন হ্যধ্রুবৈঃ প্রাপ্যতে হি ধ্রুবং তত্।
ততো ময়া নাচিকেতশ্চিতোঽগ্নিরনিত্য়ৈর্দ্রব্য়ৈঃ প্রাপ্তবানস্মি নিত্যম্ ॥10॥

কামস্য়াপ্তিং জগতঃ প্রতিষ্ঠাং ক্রতোরানংত্যমভযস্য় পারম্।
স্তোমমহ-দুরুগায়ং প্রতিষ্ঠাং দৃষ্ট্বা ধৃত্য়া ধীরো নচিকেতোঽত্যস্রাক্ষীঃ ॥11॥

তং দুর্দর্​শং গূঢমনুপ্রবিষ্টং গুহাহিতং গহ্বরেষ্ঠং পুরাণম্।
অধ্য়াত্ময়োগাধিগমেন দেবং মত্বা ধীরো হর্​ষশোকৌ জহাতি ॥12॥

এতচ্ছ্রুত্বা সংপরিগৃহ্য় মর্ত্য়ঃ প্রবৃহ্য় ধর্ম্যমণুমেতমাপ্য়।
স মোদতে মোদনীয়ং হি লব্ধ্বা বিবৃতং সদ্ম নচিকেতসং মন্য়ে ॥13॥

অন্যত্র ধর্মাদন্যত্রাধর্মাদন্যত্রাস্মাত্কৃতাকৃতাত্।
অন্যত্র ভূতাচ্চ ভব্য়াচ্চ যত্তত্পশ্যসি তদ্বদ ॥14॥

সর্বে বেদা যত্পদমামনংতি তপাংসি সর্বাণি চ যদ্বদংতি।
যদিচ্ছংতো ব্রহ্মচর্য়ং চরংতি তত্তে পদং সংগ্রহেণ ব্রবীম্য়োমিত্য়েতত্ ॥15॥

এতদ্ধ্য়েবাক্ষরং ব্রহ্ম এতদ্ধ্য়েবাক্ষরং পরম্।
এতদ্ধ্য়েবাক্ষরং জ্ঞাত্বা যো যদিচ্ছতি তস্য় তত্ ॥16॥

এতদালংবনং শ্রেষ্ঠমেতদালংবনং পরম্।
এতদালংবনং জ্ঞাত্বা ব্রহ্মলোকে মহীযতে ॥17॥

ন জাযতে ম্রিযতে বা বিপশ্চিন্নায়ং কুতশ্চিন্ন বভূব কশ্চিত্।
অজো নিত্য়ঃ শাশ্বতোঽয়ং পুরাণো ন হন্যতে হন্যমানে শরীরে ॥18॥

হংতা চেন্মন্যতে হংতুং হতশ্চেন্মন্যতে হতম্।
উভৌ তৌ ন বিজানীতো নায়ং হংতি ন হন্যতে ॥19॥

অণোরণীয়ান্মহতো মহীয়ানাত্মাস্য় জংতোর্নিহিতো গুহায়াম্।
তমক্রতুঃ পশ্যতি বীতশোকো ধাতুপ্রসাদান্মহিমানমাত্মনঃ ॥20॥

আসীনো দূরং-ব্রঁজতি শয়ানো যাতি সর্বতঃ।
কস্তং মদামদং দেবং মদন্য়ো জ্ঞাতুমর্​হতি ॥21॥

অশরীরং শরীরেষ্বনবস্থেষ্ববস্থিতম্।
মহাংতং-বিঁভুমাত্মানং মত্বা ধীরো ন শোচতি ॥22॥

নাযমাত্মা প্রবচনেন লভ্য়ো ন মেধয়া ন বহুনা শ্রুতেন।
যমেবৈষ বৃণুতে তেন লভ্যস্তস্য়ৈষ আত্মা বিবৃণুতে তনূং স্বাম্ ॥23॥

নাবিরতো দুশ্চরিতান্নাশাংতো নাসমাহিতঃ।
নাশাংতমানসো বাপি প্রজ্ঞানেনৈনমাপ্নুয়াত্ ॥24॥

যস্য় ব্রহ্ম চ ক্ষত্রং চ উভে ভবত ওদনঃ।
মৃত্য়ুর্যস্য়োপসেচনং ক ইত্থা বেদ যত্র সঃ ॥25॥