কঠোপনিষদ্ – অধ্য়ায় 1, বল্লী 1

অধ্য়ায় 1
বল্লী 1

ওং উশন্ হ বৈ বাজশ্রবসঃ সর্ববেদসং দদৌ।
তস্য় হ নচিকেতা নাম পুত্র আস ॥1॥

তং হ কুমারং সংতং দক্ষিণাসু নীযমানাসু শ্রদ্ধাঽঽবিবেশ। সোঽমন্যত ॥2॥

পীতোদকা জগ্ধতৃণা দুগ্ধদোহা নিরিংদ্রিয়াঃ।
অনংদা নাম তে লোকাস্তান্স গচ্ছতি তা দদত্ ॥3॥

স হোবাচ পিতরং তত কস্মৈ মাং দাস্যসীতি।
দ্বিতীয়ং তৃতীয়ং তং হোবাচ মৃত্যবে ত্বা দদামীতি ॥4॥

বহূনামেমি প্রথমো বহূনামেমি মধ্যমঃ।
কিং স্বিদ্যমস্য় কর্তব্য়ং-য়ঁন্ময়াদ্য় করিষ্যতি ॥5॥

অনুপশ্য় যথা পূর্বে প্রতিপশ্য় তথাঽপরে।
সস্যমিব মর্ত্য়ঃ পচ্যতে সস্যমিবাজাযতে পুনঃ ॥6॥

বৈশ্বানরঃ প্রবিশত্যতিথির্ব্রাহ্মণো গৃহান্।
তস্য়ৈতাং শাংতিং কুর্বংতি হর বৈবস্বতোদকম্ ॥7॥

আশাপ্রতীক্ষে সংগতং সূনৃতাং চেষ্টাপূর্তে পুত্রপশূংশ্চ সর্বান্।
এতদ্ বৃংক্তে পুরুষস্য়াল্পমেধসো যস্য়ানশ্নন্বসতি ব্রাহ্মণো গৃহে ॥8॥

তিস্রো রাত্রীর্যদবাত্সীর্গৃহে মেঽনশ্নন্ব্রহ্মন্নতিথির্নমস্য়ঃ।
নমস্তেঽস্তু ব্রহ্মন্স্বস্তি মেঽস্তু তস্মাত্প্রতি ত্রীন্বরান্বৃণীষ্ব ॥9॥

শাংতসংকল্পঃ সুমনা যথা স্য়াদ্বীতমন্য়ুর্গৌতমো মাভি মৃত্য়ো।
ত্বত্প্রসৃষ্টং মাভিবদেত্প্রতীত এতত্ত্রয়াণাং প্রথমং-বঁরং-বৃঁণে ॥10॥

যথা পুরস্তাদ্ ভবিতা প্রতীত ঔদ্দালকিরারুণির্মত্প্রসৃষ্টঃ।
সুখং রাত্রীঃ শয়িতা বীতমন্য়ুস্ত্বাং দদৃশিবান্মৃত্য়ুমুখাত্প্রমুক্তম্ ॥11॥

স্বর্গে লোকে ন ভয়ং কিংচনাস্তি ন তত্র ত্বং ন জরয়া বিভেতি।
উভে তীর্ত্বাঽশনায়াপিপাসে শোকাতিগো মোদতে স্বর্গলোকে ॥12॥

স ত্বমগ্নিং স্বর্গ্যমধ্য়েষি মৃত্য়ো প্রব্রূহি ত্বং শ্রদ্দধানায় মহ্যম্।
স্বর্গলোকা অমৃতত্বং ভজংত এতদ্ দ্বিতীয়েন বৃণে বরেণ ॥13॥

প্র তে ব্রবীমি তদু মে নিবোধ স্বর্গ্যমগ্নিং নচিকেতঃ প্রজানন্।
অনংতলোকাপ্তিমথো প্রতিষ্ঠাং-বিঁদ্ধি ত্বমেতং নিহিতং গুহায়াম্ ॥14॥

লোকাদিমগ্নিং তমুবাচ তস্মৈ যা ইষ্টকা যাবতীর্বা যথা বা।
স চাপি তত্প্রত্যবদদ্যথোক্তমথাস্য় মৃত্য়ুঃ পুনরেবাহ তুষ্টঃ ॥15॥

তমব্রবীত্প্রীযমাণো মহাত্মা বরং তবেহাদ্য় দদামি ভূয়ঃ।
তবৈব নাম্না ভবিতাঽযমগ্নিঃ সৃংকাং চেমামনেকরূপাং গৃহাণ ॥16॥

ত্রিণাচিকেতস্ত্রিভিরেত্য় সংধিং ত্রিকর্মকৃত্তরতি জন্মমৃত্য়ূ।
ব্রহ্মজজ্ঞং দেবমীড্য়ং-বিঁদিত্বা নিচায়্য়েমাং শাংতিমত্য়ংতমেতি ॥17॥

ত্রিণাচিকেতস্ত্রযমেতদ্বিদিত্বা য এবং-বিঁদ্বাংশ্চিনুতে নাচিকেতম্।
স মৃত্য়ুপাশান্পুরতঃ প্রণোদ্য় শোকাতিগো মোদতে স্বর্গলোকে ॥18॥

এষ তেঽগ্নির্নচিকেতঃ স্বর্গ্য়ো যমবৃণীথা দ্বিতীয়েন বরেণ।
এতমগ্নিং তবৈব প্রবক্ষ্য়ংতি জনাসস্তৃতীয়ং-বঁরং নচিকেতো বৃণীষ্ব ॥19॥

যেয়ং প্রেতে বিচিকিত্সা মনুষ্য়েঽস্তীত্য়েকে নাযমস্তীতি চৈকে।
এতদ্বিদ্য়ামনুশিষ্টস্ত্বয়াঽহং-বঁরাণামেষ বরস্তৃতীয়ঃ ॥20॥

দেবৈরত্রাপি বিচিকিত্সিতং পুরা ন হি সুবিজ্ঞেযমণুরেষ ধর্মঃ।
অন্য়ং-বঁরং নচিকেতো বৃণীষ্ব মা মোপরোত্সীরতি মা সৃজৈনম্ ॥21॥

দেবৈরত্রাপি বিচিকিত্সিতং কিল ত্বং চ মৃত্য়ো যন্ন সুজ্ঞেযমাত্থ।
বক্তা চাস্য় ত্বাদৃগন্য়ো ন লভ্য়ো নান্য়ো বরস্তুল্য় এতস্য় কশ্চিত্ ॥22॥

শতায়ুষঃ পুত্রপৌত্রান্বৃণীষ্ব বহূন্পশূন্হস্তিহিরণ্যমশ্বান্।
ভূমের্মহদাযতনং-বৃঁণীষ্ব স্বয়ং চ জীব শরদো যাবদিচ্ছসি ॥23॥

এতত্তুল্য়ং-য়ঁদি মন্যসে বরং-বৃঁণীষ্ব বিত্তং চিরজীবিকাং চ।
মহাভূমৌ নচিকেতস্ত্বমেধি কামানাং ত্বাং কামভাজং করোমি ॥24॥

যে যে কামা দুর্লভা মর্ত্যলোকে সর্বান্কামাংশ্ছংদতঃ প্রার্থযস্ব।
ইমা রামাঃ সরথাঃ সতূর্য়া ন হীদৃশা লংভনীয়া মনুষ্য়ৈঃ।
আভির্মত্প্রত্তাভিঃ পরিচারযস্ব নচিকেতো মরণং মাঽনুপ্রাক্শীঃ ॥25॥

শ্বোভাবা মর্ত্যস্য় যদংতকৈতত্সর্বেংদ্রিয়াণাং জরয়ংতি তেজঃ।
অপি সর্বং জীবিতমল্পমেব তবৈব বাহাস্তব নৃত্যগীতে ॥26॥

ন বিত্তেন তর্পণীয়ো মনুষ্য়ো লপ্স্য়ামহে বিত্তমদ্রাক্ষ্ম চেত্ত্বা।
জীবিষ্য়ামো যাবদীশিষ্যসি ত্বং-বঁরস্তু মে বরণীয়ঃ স এব ॥27॥

অজীর্যতামমৃতানামুপেত্য় জীর্যন্মর্ত্য়ঃ ক্বধঃস্থঃ প্রজানন্।
অভিধ্য়াযন্বর্ণরতিপ্রমোদানতিদীর্ঘে জীবিতে কো রমেত ॥28॥

যস্মিন্নিদং-বিঁচিকিত্সংতি মৃত্য়ো যত্সাংপরায়ে মহতি ব্রূহি নস্তত্।
যোঽয়ং-বঁরো গূঢমনুপ্রবিষ্টো নান্য়ং তস্মান্নচিকেতা বৃণীতে ॥29॥