শ্রী হনুমদষ্টকম্

শ্রীরঘুরাজপদাব্জনিকেতন পংকজলোচন মংগলরাশে
চংডমহাভুজদংড সুরারিবিখংডনপংডিত পাহি দয়ালো ।
পাতকিনং চ সমুদ্ধর মাং মহতাং হি সতামপি মানমুদারং
ত্বাং ভজতো মম দেহি দয়াঘন হে হনুমন্ স্বপদাংবুজদাস্যম্ ॥ 1 ॥

সংসৃতিতাপমহানলদগ্ধতনূরুহমর্মতনোরতিবেলং
পুত্রধনস্বজনাত্মগৃহাদিষু সক্তমতেরতিকিল্বিষমূর্তেঃ ।
কেনচিদপ্যমলেন পুরাকৃতপুণ্যসুপুংজলবেন বিভো বৈ
ত্বাং ভজতো মম দেহি দয়াঘন হে হনুমন্ স্বপদাংবুজদাস্যম্ ॥ 2 ॥

সংসৃতিকূপমনল্পমঘোরনিদাঘনিদানমজস্রমশেষং
প্রাপ্য় সুদুঃখসহস্রভুজংগবিষৈকসমাকুলসর্বতনোর্মে ।
ঘোরমহাকৃপণাপদমেব গতস্য় হরে পতিতস্য় ভবাব্ধৌ
ত্বাং ভজতো মম দেহি দয়াঘন হে হনুমন্ স্বপদাংবুজদাস্যম্ ॥ 3 ॥

সংসৃতিসিংধুবিশালকরালমহাবলকালঝষগ্রসনার্তং
ব্যগ্রসমগ্রধিয়ং কৃপণং চ মহামদনক্রসুচক্রহৃতাসুম্ ।
কালমহারসনোর্মিনিপীডিতমুদ্ধর দীনমনন্যগতিং মাং
ত্বাং ভজতো মম দেহি দয়াঘন হে হনুমন্ স্বপদাংবুজদাস্যম্ ॥ 4 ॥

সংসৃতিঘোরমহাগহনে চরতো মণিরংজিতপুণ্যসুমূর্তেঃ
মন্মথভীকরঘোরমহোগ্রমৃগপ্রবরার্দিতগাত্রসুসংধেঃ ।
মত্সরতাপবিশেষনিপীডিতবাহ্যমতেশ্চ কথং চিদমেয়ং
ত্বাং ভজতো মম দেহি দয়াঘন হে হনুমন্ স্বপদাংবুজদাস্যম্ ॥ 5 ॥

সংসৃতিবৃক্ষমনেকশতাঘনিদানমনংতবিকর্মসুশাখং
দুঃখফলং করণাদিপলাশমনংগসুপুষ্পমচিংত্যসুমূলম্ ।
তং হ্যধিরুহ্য় হরে পতিতং শরণাগতমেব বিমোচয় মূঢং
ত্বাং ভজতো মম দেহি দয়াঘন হে হনুমন্ স্বপদাংবুজদাস্যম্ ॥ 6 ॥

সংসৃতিপন্নগবক্ত্রভয়ংকরদংষ্ট্রমহাবিষদগ্ধশরীরং
প্রাণবিনির্গমভীতিসমাকুলমংদমনাথমতীব বিষণ্ণম্ ।
মোহমহাকুহরে পতিতং দযয়োদ্ধর মামজিতেংদ্রিযকামং
ত্বাং ভজতো মম দেহি দয়াঘন হে হনুমন্ স্বপদাংবুজদাস্যম্ ॥ 7 ॥

ইংদ্রিযনামকচোরগণৈর্হৃততত্ত্ববিবেকমহাধনরাশিং
সংসৃতিজালনিপাতিতমেব মহাবলিভিশ্চ বিখংডিতকাযম্ ।
ত্বত্পদপদ্মমনুত্তমমাশ্রিতমাশু কপীশ্বর পাহি কৃপালো
ত্বাং ভজতো মম দেহি দয়াঘন হে হনুমন্ স্বপদাংবুজদাস্যম্ ॥ 8 ॥

ব্রহ্মমরুদ্গণরুদ্রমহেংদ্রকিরীটসুকোটিলসত্পদপীঠং
দাশরথিং জপতি ক্ষিতিমংডল এষ নিধায় সদৈব হৃদব্জে ।
তস্য় হনূমত এব শিবংকরমষ্টকমেতদনিষ্টহরং বৈ
যঃ সততং হি পঠেত্স নরো লভতেঽচ্য়ুতরামপদাব্জনিবাসম্ ॥ 9 ॥

ইতি শ্রী মধুসূদনাশ্রম শিষ্য়াঽচ্য়ুতবিরচিতং শ্রীমদ্দনুমদষ্টকম্ ।